ഞങ്ങളുടെ വായന​ക്കാ​രിൽനിന്ന്‌

കുട്ടി​കളെ വളർത്തൽ “നിങ്ങളു​ടെ കുട്ടികൾ—അവർക്ക്‌ ഏററം ഗുണക​ര​മാ​യതു ചെയ്യൽ” (ജനുവരി 8, 1993) എന്ന പരമ്പര ഒരു മാതാ​വെന്ന നിലയി​ലുള്ള എന്റെ കുറവു​കളെ തുറന്നു​കാ​ട്ടി. എന്റെ ശ്രദ്ധ വ്യക്തി​പ​ര​മായ കാര്യ​ങ്ങ​ളി​ലും സഭാ​പ്ര​വർത്ത​ന​ങ്ങ​ളി​ലും കേന്ദ്രീ​ക​രി​ച്ചി​രു​ന്നു—എല്ലാം എന്റെ മൂന്നു വയസ്സുള്ള മകനെ അവഗണി​ച്ചു​കൊണ്ട്‌. അവൻ തീരെ അടക്കമി​ല്ലാത്ത ഒരു കുട്ടി​യാ​യി​ത്തീർന്നു. ഞാൻ പെട്ടെന്നു ദ്വേഷ്യ​പ്പെ​ടു​ന്ന​വ​ളും അസ്വസ്ഥത തോന്നു​ന്ന​വ​ളും പ്രീതി പ്രകടി​പ്പി​ക്കു​ന്നതു സംബന്ധിച്ച്‌ വൈമു​ഖ്യ​മു​ള്ള​വ​ളും ആയിരി​ക്കാൻ പ്രവണത കാട്ടുന്നു. എന്റെ കുട്ടിയെ കെട്ടി​പ്പു​ണ​രു​ന്ന​തി​നു​പ​കരം കർശന​മു​ള്ള​വ​ളാ​യി​രി​ക്കു​ന്ന​തിൽ ഞാൻ അങ്ങേയ​ററം പോയി​രി​ക്കു​ന്നു. യഹോവ നമ്മു​ടെ​യെ​ല്ലാം​മേൽ ഉദാര​മാ​യി സ്‌നേഹം ചൊരി​യു​ന്ന​തി​നാൽ, എനിക്കു യഹോ​വ​യിൽനിന്ന്‌ ലഭിച്ചി​ട്ടുള്ള അവകാ​ശ​ത്തിൻമേൽ സ്‌നേഹം ചൊരി​യാൻ ഞാൻ ഇനി ശ്രമി​ക്കും.

ററി. ററി., ജപ്പാൻ

ഞാനൊ​രു മാതാ​വ​ല്ലെ​ങ്കി​ലും കുട്ടി​കളെ സ്‌നേ​ഹി​ക്കുന്ന ഒരാളാണ്‌. ഈ ലക്കം എന്റെ ഹൃദയത്തെ സ്‌പർശി​ച്ചു. ഇന്നു കുട്ടികൾ നേരി​ടുന്ന സങ്കടക​ര​മായ പ്രശ്‌നങ്ങൾ മനസ്സി​ലാ​ക്കി​യ​പ്പോൾ ഞാൻ കരഞ്ഞു​പോ​യി. പിൽക്കാ​ല​വർഷ​ങ്ങ​ളിൽ ഞെട്ടി​ക്കുന്ന പ്രശ്‌നങ്ങൾ ഒഴിവാ​ക്കു​ന്ന​തി​നു ജീവി​ത​ത്തി​ന്റെ ഏററവും പ്രാരം​ഭ​ദ​ശ​യിൽ ഈ പ്രശ്‌ന​ങ്ങളെ എങ്ങനെ നേരി​ടാ​മെന്നു കാണി​ക്കു​ന്ന​തിൽ നിങ്ങളു​ടെ ലേഖനം വളരെ വിജ്ഞാ​ന​പ്ര​ദ​മാ​യി​രു​ന്നു.

എൽ. ബി., ഐക്യ​നാ​ടു​കൾ

ഒരു പിതാ​വെന്ന നിലയിൽ എന്നെത്തന്നെ പരി​ശോ​ധി​ക്കാൻ ഈ ലേഖനം എന്നെ പ്രേരി​പ്പി​ച്ചു. വിവാഹം കഴിച്ച​പ്പോൾ ഞാൻ വളരെ ചെറു​പ്പ​മാ​യി​രു​ന്നു. എന്റെ കുടും​ബ​ത്തോ​ടൊ​പ്പ​മാ​യി​രി​ക്കു​ന്ന​തി​നെ​ക്കാൾ കൂട്ടു​കാ​രോ​ടൊ​പ്പം ആയിരി​ക്കു​ന്ന​തി​ലാ​യി​രു​ന്നു എനിക്കു കൂടുതൽ താത്‌പ​ര്യം. ഈ ലേഖനം വായി​ച്ചത്‌ എന്റെ മകൾക്കു ഞാൻ വേണ്ടത്ര സമയം നൽകി​യി​ല്ലെന്നു മനസ്സി​ലാ​ക്കാൻ എന്നെ ഇടയാക്കി. തങ്ങളുടെ കുട്ടി​കൾക്ക്‌ ഏററവും ഗുണക​ര​മാ​യതു ചെയ്യാൻ ഈ ലേഖനങ്ങൾ മാതാ​പി​താ​ക്കളെ പ്രേരി​പ്പി​ക്കട്ടെ.

എ. വി., ഇററലി

മൃഗ​ത്തെ​ക്കു​റി​ച്ചുള്ള കഥകൾ “നീർപ്പന്നി—സൃഷ്ടി​യി​ലെ പിശകോ അത്ഭുത​മോ?” എന്ന ലേഖന​ത്തി​നു നന്ദി. (ജനുവരി 8, 1993) മൃഗങ്ങ​ളെ​ക്കു​റി​ച്ചുള്ള ലേഖനങ്ങൾ ഞാൻ മിക്ക​പ്പോ​ഴും എന്റെ കുട്ടിയെ വായി​ച്ചു​കേൾപ്പി​ക്കു​ന്നു. ശ്രീമാ​നായ നീർപ്പ​ന്നി​തന്നെ സംസാ​രി​ച്ച​തു​കൊണ്ട്‌ ആ ലേഖനം എന്റെ കുട്ടിയെ സന്തോ​ഷി​പ്പി​ച്ചു.

കെ. ററി., ജപ്പാൻ

അനേകം മാസി​കകൾ പ്രസി​ദ്ധ​പ്പെ​ടു​ത്തുന്ന വിലയി​ല്ലാത്ത വിവര​ങ്ങൾക്ക്‌ ഒരു ആശ്വാ​സ​പ്ര​ദ​മായ പകരോ​പാ​ധി! ഞാനും എന്റെ കുട്ടി​ക​ളും അത്‌ ഒന്നിച്ചി​രു​ന്നു വായിച്ചു. പുതി​യ​വ​യും വ്യത്യ​സ്‌ത​വു​മായ മൃഗങ്ങ​ളെ​ക്കു​റി​ച്ചു പഠിക്കു​ന്നതു രസകര​മാണ്‌!

കെ. എച്ച്‌., ഐക്യ​നാ​ടു​കൾ

കണ്ണുനീർ ഞങ്ങളുടെ സഭയിൽ അനേക​വർഷ​ങ്ങ​ളാ​യി ഒരു മൂപ്പൻ എന്നനി​ല​യിൽ സേവിച്ച ഒരു വിശ്വസ്‌ത ക്രിസ്‌ത്യാ​നി​യു​ടെ ശവസം​സ്‌കാ​ര​ച്ച​ട​ങ്ങിൽ ഞാൻ ഈയടു​ത്ത​യി​ടെ സംബന്ധി​ച്ചു. അവർ ഹാളിനു പുറ​ത്തേക്കു ശവപ്പെട്ടി ഉരുട്ടി​നീ​ക്കി​യ​പ്പോൾ ഞാൻ മനം​നൊ​ന്തു കരഞ്ഞു. എന്നിരു​ന്നാ​ലും ഹാജരാ​യി​രു​ന്ന​വ​രിൽ അധികം​പേ​രും തങ്ങളുടെ വികാ​ര​ങ്ങളെ നിയ​ന്ത്ര​ണ​ത്തിൻകീ​ഴിൽ നിറുത്തി. കേവലം ഒരു ദിവസം കഴിഞ്ഞ്‌ “ഈ കണ്ണുനീ​രെ​ല്ലാം എന്തു​കൊണ്ട്‌?” എന്ന ലേഖന​മുള്ള 1993 ജനുവരി 8-ലെ ഉണരുക!യുടെ ലക്കം എനിക്കു ലഭിച്ചു. കണ്ണുനീർ ദൗർബ​ല്യ​ത്തി​ന്റെ ഒരു അടയാ​ളമല്ല, പിന്നെ​യോ ശക്തമായ വികാ​ര​ങ്ങ​ളു​ടെ ഒരു പ്രകട​ന​മാ​ണെന്നു മനസ്സി​ലാ​ക്കാൻ അത്‌ എന്നെ സഹായി​ച്ചു. വിജ്ഞാ​ന​പ്ര​ദ​മായ ഈ ലേഖന​ത്തി​നു വളരെ നന്ദി.

എസ്‌. ഇസ്സഡ്‌., ജർമനി

പ്രാർഥന “യുവജ​നങ്ങൾ ചോദി​ക്കു​ന്നു . . . ദൈവം എന്റെ പ്രാർത്ഥ​ന​കൾക്ക്‌ ഉത്തരം നൽകു​ന്നു​വോ?” എന്ന ലേഖന​ത്തി​നു നിങ്ങൾക്കു നന്ദി. (ജനുവരി 8, 1993) ആ ലേഖനം വളരെ സഹായ​ക​മാ​ണെന്നു ഞാൻ കണ്ടെത്തി. ഭൗതി​കാ​വ​ശ്യ​ങ്ങൾക്കു വേണ്ടി​യുള്ള ചപലമായ അപേക്ഷകൾ എന്റെ പ്രാർഥ​ന​ക​ളിൽ ഉൾപ്പെ​ട​രു​തെന്ന്‌ അതെന്നെ പഠിപ്പി​ച്ചു. പ്രാർഥ​ന​യിൽ ഉററി​രി​ക്കേണ്ട ആവശ്യ​മു​ണ്ടെ​ന്നും ഞാൻ മനസ്സി​ലാ​ക്കി, എന്തെന്നാൽ യഹോവ എല്ലായ്‌പോ​ഴും ഉടൻതന്നെ ഉത്തരം നല്‌കു​ന്നില്ല. നാം ഇഷ്ടപ്പെ​ടുന്ന ഉത്തരം അവിടുന്ന്‌ നമുക്കു തരാതി​രു​ന്നേ​ക്കാം.

ബി. ജി., ഐക്യ​നാ​ടു​കൾ