യുവജ​നങ്ങൾ ചോദി​ക്കു​ന്നു. . .

എനിക്ക്‌ എന്റെ വൈക​ല്യ​വു​മാ​യി എങ്ങനെ പൊരു​ത്ത​പ്പെ​ടാൻ കഴിയും?

“അവൾക്ക്‌ ഇപ്പോ​ഴും നടക്കാൻ കഴിയും” എന്നു പറഞ്ഞു​കൊ​ണ്ടു നാം മാഗി എന്നു വിളി​ക്കാൻ പോകുന്ന ഒരു പെൺകു​ട്ടി​യു​ടെ മാതാവു തുടരു​ന്നു. “എന്നാൽ അവളുടെ ശരീര​ഭാ​ഗ​ങ്ങ​ളു​ടെ ഏകോ​പി​ത​മായ പ്രവർത്തനം നടക്കു​ന്നില്ല. അവളുടെ സംസാ​ര​വും കുഴഞ്ഞ​താണ്‌.” മാഗിക്കു ബഹുവി​ധ​ങ്ങ​ളി​ലുള്ള ശിരാ​കാ​ഠി​ന്യ​മുണ്ട്‌, അവൾ ശാരീ​രി​ക​വൈ​ക​ല്യ​ത്താൽ ക്ലേശം അനുഭ​വി​ക്കുന്ന ലോക​മെ​മ്പാ​ടു​മുള്ള ലക്ഷക്കണ​ക്കി​നു യുവാ​ക്ക​ളിൽ ഒരാളാണ്‌.

ഒരുപക്ഷേ നിങ്ങൾ അവരി​ലൊ​രാ​ളാ​യി​രി​ക്കാം. നിങ്ങൾ ഒരു വൈക​ല്യ​ത്തോ​ടു​കൂ​ടി ജനിച്ച​താ​യാ​ലും രോഗ​മോ ആപത്തോa മൂലം വൈക​ല്യം ഭവിച്ച​താ​യാ​ലും നിങ്ങളു​ടെ ജീവിതം നിങ്ങൾക്കു നഷ്ടമായി എന്നു നിഗമനം ചെയ്യേ​ണ്ട​തില്ല. നിങ്ങളു​ടെ ഭാഗത്തെ ക്ഷമാപൂർവ​ക​മായ പരി​ശ്ര​മം​കൊണ്ട്‌ സാഹച​ര്യ​വു​മാ​യി ഫലകര​മാ​യി പൊരു​ത്ത​പ്പെ​ടു​ന്ന​തി​നു നിങ്ങൾക്കു ക്രിയാ​ത്മക പടിക​ളെ​ടു​ക്കാൻ കഴിയും.

മിഥ്യാ സങ്കല്‌പം എന്ന കണി

തീർച്ച​യാ​യും, ഒരു അസന്തു​ഷ്ട​മായ യാഥാർഥ്യ​ത്തെ സ്വീക​രി​ക്കാൻ വിസമ്മ​തി​ക്കു​ന്ന​തും എന്നാൽ വൈക​ല്യം കേവലം മാറി​ക്കൊ​ള്ളും എന്ന്‌ അയഥാർഥ​മാ​യി പ്രത്യാ​ശി​ക്കു​ന്ന​തും മനുഷ്യ​പ്ര​കൃ​തി​യാണ്‌. അപ്പോ​സ്‌ത​ല​നായ പൗലോസ്‌ തന്റെ കാഴ്‌ച​ശ​ക്‌തി​യെ ബാധിച്ച ഏതോ തരത്തി​ലുള്ള രോഗ​ത്താൽ ക്ലേശം അനുഭ​വി​ച്ചു എന്നു തോന്നു​ന്നു. (ഗലാത്യർ 6:11 താരത​മ്യം ചെയ്യുക.) ഗലാത്യ​യി​ലെ ക്രിസ്‌ത്യാ​നി​ക​ളു​ടെ അടു​ത്തേ​ക്കുള്ള തന്റെ ആദ്യ സന്ദർശ​നത്തെ പരാമർശി​ച്ചു​കൊണ്ട്‌, പൗലോസ്‌ പറഞ്ഞു: “ഞാൻ ശരീര​ത്തി​ലെ ബലഹീ​ന​ത​നി​മി​ത്തം ഒന്നാമതു നിങ്ങ​ളോ​ടു സുവി​ശേഷം അറിയി​പ്പാൻ സംഗതി​വന്നു എന്നു നിങ്ങൾ അറിയു​ന്നു​വ​ല്ലോ. എന്റെ ശരീര​സം​ബ​ന്ധ​മാ​യി നിങ്ങൾക്കു​ണ്ടായ പരീക്ഷ​നി​മി​ത്തം നിങ്ങൾ നിന്ദയോ വെറു​പ്പോ കാണി​ച്ചില്ല.” (ഗലാത്യർ 4:13, 14) പൗലോ​സി​ന്റെ രോഗം കണ്ണിൽക്കൂ​ടി പഴുപ്പ്‌ ഒലിക്കു​ന്ന​തിന്‌ ഇടയാക്കി അല്ലെങ്കിൽ അദ്ദേഹ​ത്തി​ന്റെ ആകാരത്തെ ഒരു വിധത്തിൽ വെറു​ക്ക​ത്ത​ക്ക​താ​ക്കി​ത്തീർത്തു എന്നു ചില പണ്ഡിതൻമാർ കരുതു​ന്നു. അപ്പോൾ, പൗലോസ്‌ രോഗം വിട്ടു​നീ​ങ്ങാ​നാ​യി “മൂന്നു വട്ടം കർത്താ​വി​നോ​ടു അപേക്ഷിച്ച”ത്‌ ആശ്ചര്യമല്ല. പക്ഷെ അതു വിട്ടു​നീ​ങ്ങി​യില്ല. (2 കൊരി​ന്ത്യർ 12:8, 9) എന്നിരു​ന്നാ​ലും, വൈക​ല്യ​മു​ണ്ടാ​യി​രു​ന്നി​ട്ടും അദ്ദേഹം ഒരു മിഷന​റി​യും പണ്ഡിത​നും ലേഖക​നും എന്നനി​ല​യിൽ ഒരു മികച്ച ജീവി​ത​വൃ​ത്തി ആസ്വദി​ച്ചു.

നിങ്ങൾക്കും നിങ്ങളു​ടെ വൈക​ല്യം ഒരു യാഥാർഥ്യ​മെ​ന്ന​വണ്ണം സ്വീക​രി​ക്കേ​ണ്ട​തു​ണ്ടാ​യി​രി​ക്കാം. വികലാം​ഗ​രോ​ടു​കൂ​ടെ​യുള്ള ജീവിതം (Living With the Disabled) എന്ന ഗ്രന്ഥത്തി​ന്റെ ലേഖി​ക​യായ ജാൻ കൂംസ്‌ ഇപ്രകാ​രം എഴുതു​ന്നു: “വൈക​ല്യ​ത്തോ​ടു പൊരു​ത്ത​പ്പെ​ടു​ന്ന​തി​നു രോഗി ആദ്യം​തന്നെ താൻ വികലാം​ഗ​നാ​ണെന്ന വിവരം അംഗീ​ക​രി​ക്കണം. തന്റെ പരിമി​തി തന്നെ തടസ്സ​പ്പെ​ടു​ത്തു​ക​യും അസൗക​ര്യ​പ്പെ​ടു​ത്തു​ക​യും ചെയ്‌തേ​ക്കാം, എന്നാൽ അത്‌ ഒരു വ്യക്തി​യെ​ന്ന​നി​ല​യിൽ തന്നെ താഴ്‌ത്തി​ക്കെ​ട്ടു​ന്നില്ല എന്ന്‌ അദ്ദേഹം മനസ്സി​ലാ​ക്കണം. സുഖം പ്രാപി​ക്കു​മെന്നു ന്യായ​മാ​യി പ്രതീ​ക്ഷി​ക്കു​ന്ന​തി​നു വകയൊ​ന്നു​മി​ല്ലെ​ങ്കിൽ, നിങ്ങളു​ടെ അവസ്ഥ സംബന്ധിച്ച യാഥാർഥ്യം നിഷേ​ധി​ക്കു​ന്നതു നിങ്ങളെ ആത്മനി​ന്ദ​യു​ടെ​യും ഹൃദയ​വേ​ദ​ന​യു​ടെ​യും നിരാ​ശ​യു​ടെ​യും ചെളി​ക്കു​ണ്ടിൽ ആഴ്‌ത്തു​ക​യേ​യു​ള്ളു. നേരെ മറിച്ച്‌, “താഴ്‌മ​യു​ള്ള​വ​രു​ടെ പക്കലോ ജ്ഞാനമുണ്ട്‌” എന്നു ബൈബിൾ, സദൃശ​വാ​ക്യ​ങ്ങൾ 11:2-ൽ പറയുന്നു. കൂടാതെ താഴ്‌മ​യുള്ള ഒരു വ്യക്തി തന്റെ പരിമി​തി​കൾ അറിയു​ക​യും അംഗീ​ക​രി​ക്കു​ക​യും ചെയ്യുന്നു. ഇതിന്റെ അർഥം ഒരു സന്ന്യാസി ആയിത്തീ​രു​ക​യെ​ന്ന​തോ ഒരു വിരസ​മായ വിഷാ​ദ​ജീ​വി​ത​ത്തി​ലൊ​തു​ങ്ങു​ക​യെ​ന്ന​തോ അല്ല. പകരം, താഴ്‌മ നിങ്ങളു​ടെ സാഹച​ര്യ​ത്തെ സത്യസ​ന്ധ​മാ​യി വിലയി​രു​ത്തു​ന്ന​തും യഥാർഥ​മായ ലക്ഷ്യങ്ങൾ വയ്‌ക്കു​ന്ന​തും ആവശ്യ​മാ​ക്കി​ത്തീർക്കു​ന്നു.

കാര്യ​ജ്ഞാ​ന​ത്തോ​ടെ വർത്തി​ക്കു​ക

വൈക​ല്യ​ത്തി​ന്റെ പ്രകൃത സംബന്ധി​ച്ചു നിങ്ങൾക്കും കൃത്യ​മായ അറിവ്‌ ആവശ്യ​മാണ്‌. “സൂക്ഷ്‌മ​ബു​ദ്ധി​യുള്ള ഏവനും പരിജ്ഞാ​ന​ത്തോ​ടെ പ്രവർത്തി​ക്കു​ന്നു,” എന്നു സദൃശ​വാ​ക്യ​ങ്ങൾ 13:16 പറയുന്നു. (സദൃശ​വാ​ക്യ​ങ്ങൾ 10:14 താരത​മ്യം ചെയ്യുക.) ഇതിനു ചില വൈദ്യ​മാ​സി​കകൾ വായി​ക്കു​ന്ന​തോ നിങ്ങളു​ടെ ഡോക്ട​റോ​ടും മററ്‌ ആരോഗ്യ ഉദ്യോ​ഗ​സ്ഥ​രോ​ടും പ്രത്യേക ചില ചോദ്യ​ങ്ങൾ ചോദി​ക്കു​ന്ന​തോ ആവശ്യ​മാ​യേ​ക്കാം. ഈ സംഗതി സംബന്ധി​ച്ചു നിങ്ങൾ നിങ്ങ​ളെ​ത്തന്നെ പഠിപ്പി​ക്കു​ന്നതു പ്രാപ്‌തി​യു​ടെ തികവിൽ എത്തി​ച്ചേ​രു​ന്ന​തിൽനി​ന്നു പിന്നോ​ക്കം പിടി​ച്ചു​നിർത്തുന്ന ഏതു തെററി​ദ്ധാ​ര​ണ​ക​ളിൽനി​ന്നും നിങ്ങളെ മോചി​പ്പി​ക്കും.

ഇതു നിങ്ങളു​ടെ സ്ഥിതിയെ മെച്ച​പ്പെ​ടു​ത്താൻ കഴിയുന്ന പുതിയ വൈദ്യ​ശാ​സ്‌ത്ര പുരോ​ഗ​തി​ക​ളും ചികിത്സാ സമ്പ്രദാ​യ​ങ്ങ​ളും അപ്പപ്പോൾ അറിയാ​നും നിങ്ങളെ സഹായി​ച്ചേ​ക്കാം. ഉദാഹ​ര​ണ​ത്തിന്‌, നടപ്പിനു നല്ല സുഖവും അയവും അനുവ​ദി​ക്കുന്ന പുതിയ ഭാരം കുറഞ്ഞ വസ്‌തു​ക്കൾക്കൊ​ണ്ടുള്ള കൃത്രിമ പാദങ്ങൾ (prostheses) വികസി​പ്പി​ച്ചെ​ടു​ത്തി​ട്ടുണ്ട്‌. വാസ്‌ത​വ​ത്തിൽ, വികലാം​ഗർക്കു തുണയായ ഉപകര​ണ​ങ്ങ​ളു​ടെ “എണ്ണത്തിൽ പെട്ടെ​ന്നുള്ള ഒരു പെരുപ്പം” ടൈം മാസിക റിപ്പോർട്ടു​ചെ​യ്യു​ന്നു. ഒരുപക്ഷേ അങ്ങനെ​യുള്ള ഉപകര​ണങ്ങൾ നിങ്ങളു​ടെ നാട്ടിൽ കിട്ടാ​വു​ന്ന​വ​യും നിങ്ങളു​ടെ കുടും​ബ​ത്തി​ന്റെ ബജററി​ലൊ​തു​ങ്ങു​ന്ന​വ​യും ആയിരി​ക്കാം.

ശ്രവണ സഹായി​കൾ, ഊന്നു​വ​ടി​കൾ, ക്രച്ചുകൾ, ബ്രെയ്‌സു​കൾ എന്നിവ പോ​ലെ​യുള്ള ഏറെ സാധാ​ര​ണ​മായ ഉപകര​ണ​ങ്ങ​ളും അത്യന്തം ഉപയോ​ഗ​പ്ര​ദ​മാ​യി​രു​ന്നേ​ക്കാം. ഇനിയി​പ്പോൾ, ചില യുവാ​ക്കൾക്ക്‌ അങ്ങനെ​യുള്ള സഹായി​കൾ ഉപയോ​ഗി​ക്കു​ന്നതു വളരെ അഭിമാ​ന​ക്ഷ​ത​മാ​യും അവലക്ഷ​ണ​മാ​യും തോന്നി​യേ​ക്കാം. എന്നാൽ ശലോ​മോൻ രാജാവ്‌ ഇപ്രകാ​രം പ്രസ്‌താ​വി​ക്കു​ക​യു​ണ്ടാ​യി. “കോടാ​ലി മൂർച്ച​യി​ല്ലാ​തി​രു​ന്നി​ട്ടു നിങ്ങൾ അതിനു മൂർച്ച​വ​രു​ത്തു​ന്നി​ല്ലെ​ങ്കിൽ, നിങ്ങൾക്ക്‌ അത്‌ ഉപയോ​ഗി​ക്കു​ന്ന​തി​നു കൂടു​ത​ലാ​യി അധ്വാനം ചെയ്യേ​ണ്ട​തുണ്ട്‌.” (സഭാ​പ്ര​സം​ഗി 10:10; ററു​ഡേ​യ്‌സ്‌ ഇംഗ്ലീഷ്‌ വേർഷൻ) ഇതു​പോ​ലെ നിങ്ങൾക്കു സഹായം ചെയ്യാൻ കഴിയുന്ന ഉപകര​ണ​ങ്ങ​ളു​ടെ നല്ല ഉപയോ​ഗം നടത്താൻ നിങ്ങൾ പരാജ​യ​പ്പെ​ടു​ന്നെ​ങ്കിൽ നിങ്ങൾ ക്ഷീണി​ച്ച​വ​ശ​രാ​കാ​നി​ട​വ​രും—അല്ലെങ്കിൽ ആസ്വാ​ദ്യ​മായ കൃത്യ​ങ്ങ​ളിൽനി​ന്നു നിങ്ങൾ മാറി​നി​ല്‌ക്കേണ്ടി വരും. നിങ്ങളു​ടെ ജീവിതം അതായി​രി​ക്കേ​ണ്ട​തി​ല​ധി​കം ദുഷ്‌ക​ര​മാ​ക്കി​ത്തീർക്കു​ന്ന​തി​നു നിങ്ങൾ സ്വാഭി​മാ​നത്തെ എന്തിന്‌ അനുവ​ദി​ക്കണം? ശലോ​മോൻ ഇങ്ങനെ പറഞ്ഞു​കൊണ്ട്‌ ഉപസം​ഹ​രി​ച്ചു: “ജ്ഞാനമോ, കാര്യ​സി​ദ്ധി​ക്കു ഉപയോ​ഗ​മു​ള്ള​താ​കു​ന്നു.”

അതേ, മെച്ചമാ​യി നടക്കാ​നോ കാണാ​നോ കേൾക്കാ​നോ നിങ്ങളെ സഹായി​ക്കുന്ന എന്തെങ്കി​ലും ഉപയോ​ഗി​ക്കു​ന്നതു നിങ്ങളു​ടെ നേട്ടത്തി​നു​വേ​ണ്ടി​യാണ്‌. ഒരു ക്രച്ചോ കൃത്രി​മാ​വ​യ​വ​മോ ശ്രവണ സഹായി​യോ ഉപയോ​ഗി​ക്കു​ന്ന​തിൽ സമർഥ​രാ​യി​ത്തീ​രു​ന്ന​തി​നു ഗണ്യമായ പരിശീ​ല​ന​വും ക്ഷമയും വേണ്ടി​വ​ന്നേ​ക്കാം എന്നതു ശരിതന്നെ. ഈ ഉപകര​ണങ്ങൾ നിങ്ങളു​ടെ ആകാരം മെച്ച​പ്പെ​ടു​ത്തു​ന്ന​തി​നു നിശ്ചയ​മാ​യും അധിക​മൊ​ന്നും ചെയ്യു​ക​യി​ല്ലാ​യി​രി​ക്കാം. എന്നാൽ അവയ്‌ക്ക്‌ പ്രദാനം ചെയ്യാൻ കഴിയുന്ന സ്വാത​ന്ത്ര്യ​ത്തെ​ക്കു​റി​ച്ചും അവ തുറന്നു തന്നേക്കാ​വുന്ന അവസര​ങ്ങ​ളെ​ക്കു​റി​ച്ചും ചിന്തി​ക്കുക! ജെയ്‌ എന്നു പേരുള്ള ഒരു വികലാം​ഗ​യായ ആഫ്രിക്കൻ പെൺകു​ട്ടി തന്റെ 18 വർഷത്തെ ജീവി​ത​കാ​ലത്ത്‌ ആകെ ഒരിക്കൽമാ​ത്ര​മാണ്‌ താൻ ഒതുങ്ങി പാർത്തി​രുന്ന ചെറിയ പുരയി​ട​ത്തിൽ നിന്ന്‌ ഒന്നു പുറത്തി​റ​ങ്ങാൻ ധൈര്യം കാട്ടി​യി​രു​ന്നത്‌. യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിച്ച​തി​നെ​ത്തു​ടർന്ന്‌ അവൾ ക്രിസ്‌തീ​യ​യോ​ഗ​ങ്ങൾക്കു ഹാജരാ​കാൻ തുടങ്ങി. ഇതു കൈകൾക്കൊ​ണ്ടു സ്വയം മുന്നോ​ട്ടു തള്ളിനീ​ക്കി, ഉടൽ പുറകെ വലിച്ചി​ഴച്ച്‌, അനേകം കെട്ടി​ടങ്ങൾ കടന്നു “നടന്നു​പോ​കു​ന്നത്‌” ആവശ്യ​മാ​ക്കി​ത്തീർത്തു. യൂറോ​പ്പി​ലെ ഒരു സാക്ഷി ജെയ്‌യു​ടെ സ്ഥിതി മനസ്സി​ലാ​ക്കി​യ​പ്പോൾ മൂന്നു വീലുള്ള ഒരു വീൽ ചെയർ അവൾക്ക്‌ അയച്ചു​കൊ​ടു​ത്തു. അതിനു കൈ​കൊ​ണ്ടു പ്രവർത്തി​പ്പി​ക്കാ​വുന്ന ഒരു ചെയിൻ ഡ്രൈവ്‌ ഉണ്ടായി​രു​ന്നു. അവൾ ഒരു ആകർഷ​ക​മായ കാഴ്‌ച​യാ​യി​രു​ന്നോ? അല്ല തന്നെ. എന്നാൽ ഗതാഗ​ത​ത്തി​ന്റെ ഈ വികൃത രൂപം യോഗ​ങ്ങൾക്കു പോകു​ന്ന​തും വീടു​വീ​ടാ​ന്ത​ര​മുള്ള പ്രസം​ഗ​വേ​ല​യിൽ പങ്കുപ​റ​റു​ന്ന​തും അവൾക്ക്‌ എളുപ്പ​മാ​ക്കി.

നിങ്ങൾക്കു​തന്നെ പ്രേരണ നൽകുക!

എന്നിരു​ന്നാ​ലും, ഒരു നിഷേ​ധാ​ത്മക മനോ​ഭാ​വം വളർത്തി​യെ​ടു​ക്കു​ന്ന​തി​നെ​തി​രെ ജാഗ്രത പാലി​ക്കുക. ജ്ഞാനി​യായ ശലോ​മോൻ രാജാവ്‌ ഇപ്രകാ​രം പറഞ്ഞു: “കാററി​നെ വിചാ​രി​ക്കു​ന്നവൻ വിതെ​ക്ക​യില്ല; മേഘങ്ങളെ നോക്കു​ന്നവൻ കൊയ്‌ക​യു​മില്ല.” (സഭാ​പ്ര​സം​ഗി 11:4) ചെയ്യാൻ ആഗ്രഹി​ക്കു​ന്ന​തും ചെയ്യേ​ണ്ട​തു​മായ കാര്യങ്ങൾ ചെയ്യു​ന്ന​തിൽ നിന്നും നിങ്ങളെ പിറ​കോ​ട്ടു പിടി​ച്ചു​നിർത്താൻ ഭയത്തെ​യും അനിശ്ചി​ത​ത്വ​ത്തെ​യും നിങ്ങൾ അനുവ​ദി​ക്കു​ന്നു​വോ? മോശ​യു​ടെ കാര്യം പരിഗ​ണി​ക്കുക, ഈജി​പ്‌റ​റി​ലെ അടിമ​ത്ത​ത്തിൽനിന്ന്‌ ഇസ്ര​യേ​ല്യ​രെ വിടു​വി​ക്കു​ന്ന​തി​നു ദൈവം അദ്ദേഹത്തെ തിര​ഞ്ഞെ​ടു​ത്ത​പ്പോൾ ഒരു സംസാ​ര​വൈ​ക​ല്യ​ത്തി​ന്റെ കാരണം പറഞ്ഞ്‌ അദ്ദേഹം ഒഴിഞ്ഞു​മാ​റാൻ ശ്രമിച്ചു. തന്റെ സംസാ​ര​ത്തി​നു തടസ്സമു​ണ്ടാ​ക്കിയ ഏതോ വൈക​ല്യ​ത്തെ സൂചി​പ്പി​ച്ചു​കൊണ്ട്‌, “ഞാൻ വാ​ഗ്വൈ​ഭ​വ​മു​ള്ള​വനല്ല” എന്നു മോശ പറഞ്ഞു. (പുറപ്പാട്‌ 6:12) എന്നാൽ മോശ തന്നെത്തന്നെ തരംതാ​ഴ്‌ത്തു​ക​യാ​യി​രു​ന്നു. കാല​ക്ര​മ​ത്തിൽ, മുഴു ഇസ്രയേൽ ജനത​യേ​യും അഭിസം​ബോ​ധ​ന​ചെ​യ്യവേ—ഒഴു​ക്കോ​ടെ സംസാ​രി​ക്കാൻ തനിക്കാ​വു​മെന്നു മോശ തെളി​യി​ച്ചു.—ആവർത്ത​ന​പു​സ്‌തകം 1:1.

നിങ്ങ​ളെ​ത്ത​ന്നെ തരംതാ​ഴ്‌ത്തു​ന്ന​തി​ന്റെ അതേ തെററു ചെയ്യരുത്‌. നിങ്ങ​ളെ​ത്തന്നെ പ്രേരി​പ്പി​ച്ചു പ്രോ​ത്സാ​ഹി​പ്പി​ക്കുക! ഉദാഹ​ര​ണ​ത്തിന്‌, കൊച്ചു ബെക്കിക്ക്‌ അഞ്ചാമത്തെ വയസ്സിൽ ഉണ്ടായ ഒരു അപകട​ത്തി​ലേററ പരിക്കു​കൾ നിമിത്തം സംസാ​രി​ക്കാൻ അല്‌പം പ്രയാ​സ​മു​ണ്ടാ​യി​രു​ന്നു. എന്നാൽ അവളുടെ മാതാ​പി​താ​ക്കൾ പരി​ശ്രമം വെടി​യാൻ അവളെ അനുവ​ദി​ച്ചില്ല. പ്രത്യുത, യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​ലെ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ അവർ അവളുടെ പേർ ചാർത്തി. ഏഴാമത്തെ വയസ്സിൽ ബെക്കി ചെറു പ്രസം​ഗങ്ങൾ നടത്തു​മാ​യി​രു​ന്നു. “പ്രസംഗം നടത്തു​ന്നത്‌ എന്നെ സഹായി​ച്ചു. അതു സംസാരം മെച്ച​പ്പെ​ടു​ത്താൻ കൂടുതൽ പരി​ശ്ര​മി​ക്കു​ന്ന​തിന്‌ എന്നെ പ്രചോ​ദി​പ്പി​ച്ചു,” ബെക്കി അനുസ്‌മ​രി​ക്കു​ന്നു. വീടു​തോ​റു​മുള്ള പ്രസം​ഗ​വേ​ല​യിൽ ഒരു പൂർണ​പ​ങ്കു​ണ്ടാ​യി​രി​ക്കു​ന്ന​തി​നും ബെക്കി പ്രോ​ത്സാ​ഹി​പ്പി​ക്ക​പ്പെട്ടു. “എന്റെ സംസാരം കേൾക്കു​ന്നത്‌ ആളുകൾക്കു സത്യത്തിൽ വെറു​പ്പാ​യി​രി​ക്കും എന്നു ഞാൻ ചില​പ്പോൾ വിചാ​രി​ച്ചു​പോ​വാ​റുണ്ട്‌; അവർ എന്തു കരുതും എന്നു ഞാൻ ഉത്‌ക​ണ്‌ഠ​പ്പെ​ടും. എന്നാൽ അപ്പോൾ ഞാൻ എന്നോ​ടു​തന്നെ പറയും, ‘ഞാൻ ഇതു ചെയ്യു​ന്നതു യഹോ​വക്കു വേണ്ടി​യാണ്‌,’ ഇതിൽക്കൂ​ടി കടന്നു​പോ​കു​ന്ന​തിന്‌ എന്നെ സഹായി​ക്ക​ണമേ എന്നു ഞാൻ അവിടു​ത്തോട്‌ അപേക്ഷി​ക്കു​ക​യും ചെയ്യും.” ഇന്ന്‌, ബെക്കി ഒരു മുഴു​സമയ സുവി​ശേ​ഷ​ക​യാ​യി സേവി​ക്കു​ന്നു.

ഇന്നൊരു യുവാ​വായ ക്രേഗ്‌ മസ്‌തിഷ്‌ക്ക പക്ഷാഘാ​ത​ത്താൽ (cerebral palsy) ക്ലേശം അനുഭ​വി​ക്കു​ന്നു. അദ്ദേഹ​വും, ക്രിസ്‌തീയ സഭയിലെ ഒരു മൂല്യ​മുള്ള വ്യക്തി​യാ​യി​രി​ക്കു​ന്ന​തിൽ നിന്നു തന്നെ പിൻമാ​റ​റി​നിർത്താൻ വൈക​ല്യ​ത്തെ അനുവ​ദി​ക്കു​ന്ന​തി​നു വിസമ്മ​തി​ച്ചി​രി​ക്കു​ന്നു. “ഞാൻ യഹോ​വ​യിൽ ആശ്രയം വയ്‌ക്കു​ന്നു, തന്റെ അനവധി അനു​ഗ്ര​ഹങ്ങൾ ആസ്വദി​ക്കു​ന്ന​തിന്‌ അവിടുന്ന്‌ എന്നെ അനുവ​ദി​ക്കു​ക​യും ചെയ്‌തി​രി​ക്കു​ന്നു. എനിക്ക്‌ അഞ്ചു പ്രാവ​ശ്യം ഒരു സഹായ പയനിയർ (സുവി​ശേ​ഷകൻ) ആയി സേവി​ക്കാൻ കഴിഞ്ഞി​ട്ടുണ്ട്‌. ഞാൻ ദിവ്യാ​ധി​പത്യ ശുശ്രൂ​ഷാ​സ്‌കൂ​ളിൽ പ്രസം​ഗങ്ങൾ നടത്തുന്നു, സഭാപ​ര​മായ കണക്കുകൾ കൈകാ​ര്യം ചെയ്യാ​നും ഞാൻ പ്രാപ്‌ത​നാണ്‌,” അദ്ദേഹം പറയുന്നു.

“ചിരി​പ്പാൻ ഒരു കാല”വും ഉണ്ട്‌, കുറച്ചു പരിശീ​ല​നം​കൊ​ണ്ടു മററു യുവാക്കൾ ആസ്വദി​ക്കുന്ന അതേ വിനോദ പരിപാ​ടി​ക​ളിൽ ചിലത്‌ ആസ്വദി​ക്കു​ന്ന​തി​നു നിങ്ങൾക്കും കഴി​ഞ്ഞേ​ക്കും. (സഭാ​പ്ര​സം​ഗി 3:4) ബെക്കി ഇപ്രകാ​രം സമ്മതിച്ചു പറയുന്നു: “എന്റെ നാഡീ​പ്ര​വർത്തനം വളരെ സാവധാ​ന​ത്തി​ലാ​യ​തി​നാൽ എനിക്കു വോളി​ബോൾ പോ​ലെ​യുള്ള കളിക​ളി​ലേർപ്പെ​ടാൻ കഴിയില്ല. എന്നാൽ എനിക്ക്‌ ഓടാൻ കഴിയും. അപകടം കഴിഞ്ഞ​യു​ടൻതന്നെ എന്റെ അമ്മ സൈക്കിൾ പഠിക്കാൻ എന്നെ ഉത്സാഹി​പ്പി​ച്ചു. പുതിയ കാര്യങ്ങൾ ചെയ്യാൻ അവർ എപ്പോ​ഴും എന്നെ പ്രോ​ത്സാ​ഹി​പ്പി​ച്ചു.”

ക്ലേശങ്ങളെ ഒററക്കു നേരി​ടാൻ തുനി​യ​രുത്‌

ശാരീ​രിക വൈക​ല്യം പേറി ജീവി​ക്കു​ന്നത്‌ എളുപ്പമല്ല. അപ്പോ​സ്‌ത​ല​നായ പൗലോസ്‌ തന്റെ വൈക​ല്യ​ത്തെ ‘ജഡത്തിലെ ഒരു ശൂലം’ എന്നു വിളിച്ചു. (2 കൊരി​ന്ത്യർ 12:7) ഭാഗ്യ​വ​ശാൽ, നിങ്ങൾക്കു നിങ്ങളു​ടെ പ്രശ്‌ന​ങ്ങളെ ഒററക്ക്‌ അഭിമു​ഖീ​ക​രി​ക്കേ​ണ്ട​തില്ല. ഇടുപ്പി​നു വൈക​ല്യ​മുള്ള സാർനി എന്ന ചെറു​പ്പ​ക്കാ​രി ഇപ്രകാ​രം പറയുന്നു: “യഥോ​ചി​ത​മായ ക്രിസ്‌തീയ സഹവാ​സ​വും കുടും​ബ​ത്തിൽനി​ന്നും സഭയിലെ കൂട്ടു​കാ​രിൽനി​ന്നും ഉള്ള സ്‌നേ​ഹ​പൂർവ​ക​മായ പിന്തു​ണ​യും എനിക്കു വിലതീ​രാ​ത്ത​താ​യി തോന്നു​ന്നു.” അതെ, നിങ്ങ​ളെ​ത്തന്നെ ഒററ​പ്പെ​ടു​ത്ത​രുത്‌. (സദൃശ​വാ​ക്യ​ങ്ങൾ 18:1) സാധ്യ​മാ​കു​ന്നി​ട​ത്തോ​ളം, “കർത്താ​വി​ന്റെ വേലയിൽ ധാരാളം ചെയ്യാനു”ള്ളവരാ​യി​രി​ക്കുക. (1 കൊരി​ന്ത്യർ 15:58) സാർനി അതിന്റെ പ്രയോ​ജനം ഇപ്രകാ​രം വിശദ​മാ​ക്കു​ന്നു: “രാജ്യ താത്‌പ​ര്യ​ങ്ങ​ളിൽ കർമനി​ര​ത​മാ​യി​രി​ക്കു​ന്നത്‌ എന്റെ പ്രശ്‌ന​ങ്ങളെ ശരിയായ കാഴ്‌ച​പ്പാ​ടിൽ കാണാൻ എന്നെ സഹായി​ക്കു​ന്നു.” “ഭാവിയെ സംബന്ധിച്ച്‌ ഒരു പ്രത്യാശ ഇല്ലാത്ത​തു​നി​മി​ത്തം യഥാർഥ​ത്തിൽ എന്നെക്കാൾ ക്ലേശി​ക്കുന്ന ആളുക​ളു​മാ​യി ഞാൻ സംസാ​രി​ക്കാൻ ഇടവരു​ന്നു. അത്‌ എന്റെ സ്വന്തം പ്രശ്‌നങ്ങൾ മറക്കാൻ എന്നെ സഹായി​ക്കു​ന്നു,” ബെക്കി നിരീ​ക്ഷി​ക്കു​ന്നു.

എല്ലാറ​റി​ലു​മു​പ​രി​യാ​യി, കൈത്താ​ങ്ങി​നാ​യി യഹോ​വ​യി​ലേക്കു നോക്കുക. യഹോ​വക്കു നിങ്ങളു​ടെ ആവശ്യ​ങ്ങ​ളും വികാ​ര​ങ്ങ​ളും മനസ്സി​ലാ​ക്കാ​നും പ്രശ്‌ന​ങ്ങളെ നേരി​ടാൻ “സാധാ​ര​ണ​യിൽ കവിഞ്ഞ​ശക്തി” പ്രദാനം ചെയ്യാ​നും കഴിയും. (2 കൊരി​ന്ത്യർ 4:7, NW) ഒരുപക്ഷേ കാല​ക്ര​മ​ത്തിൽ റെറ​റെൻസ്‌ എന്നു പേരായ വികലാം​ഗ​നായ ഒരു ക്രിസ്‌തീയ യുവാ​വി​ന്റെ ശുഭാ​പ്‌തി​വി​ശ്വാ​സ​ത്തോ​ടു​കൂ​ടിയ കാഴ്‌ച​പ്പാ​ടു നിങ്ങൾക്കും ഉണ്ടാ​യേ​ക്കാം. ഒൻപതാ​മത്തെ വയസ്സിൽ റെറ​റെൻസി​നു കാഴ്‌ച​ശക്തി നഷ്ടപ്പെട്ടു. എന്നാൽ, “എന്റെ അന്ധത ഒരു വൈക​ല്യ​മല്ല; ഒരു അസൗക​ര്യം മാത്രം” എന്നു പറഞ്ഞു​കൊണ്ട്‌ അന്ധത തന്നെ കീഴ്‌പ്പെ​ടു​ത്താൻ അദ്ദേഹം അനുവ​ദി​ച്ചില്ല. (g93 6⁄8)

[അടിക്കു​റി​പ്പു​കൾ]

[17-ാം പേജിലെ ചിത്രം]

നിങ്ങളുടെ വൈക​ല്യ​ത്തെ​ക്കു​റി​ച്ചു കഴിയു​ന്ന​തെ​ല്ലാം പഠിക്കുക