ശാരീ​രിക വൈക​ല്യ​മു​ള്ള​വ​രെ​ങ്കി​ലും ഫലപ്രദർ

¹ യഹോവയുടെ സാക്ഷി​ക​ളു​ടെ ഇടയിൽ ശാരീ​രിക വൈക​ല്യ​മുള്ള അനേക​രുണ്ട്‌. അവരിൽ ഒരാളാണ്‌ നിങ്ങൾ എങ്കിൽപ്പോ​ലും നിങ്ങൾക്ക്‌ ശുശ്രൂ​ഷ​യിൽ ഫലപ്ര​ദ​നാ​യി​രി​ക്കാൻ കഴിയും. വാസ്‌ത​വ​ത്തിൽ, നിങ്ങളു​ടെ സാഹച​ര്യ​ങ്ങൾ സാക്ഷ്യം നൽകു​ന്ന​തി​നും മറ്റുള്ള​വരെ പ്രോ​ത്സാ​ഹി​പ്പി​ക്കു​ന്ന​തി​നും നിങ്ങൾക്ക്‌ പ്രത്യേക അവസരങ്ങൾ നൽകി​യേ​ക്കാം.

² ഒരു സാക്ഷ്യം നൽകൽ: ശാരീ​രിക വൈക​ല്യ​വു​മാ​യി പോരാ​ടുന്ന പലരും ശുശ്രൂ​ഷ​യിൽ പൂർണ പങ്കുവ​ഹി​ക്കു​ന്ന​വ​രാണ്‌. ഉദാഹ​ര​ണ​ത്തിന്‌, ഒരു ശസ്‌ത്ര​ക്രി​യ​യു​ടെ ഫലമായി നടക്കാ​നുള്ള പ്രാപ്‌തി​യും സംസാ​ര​ശേ​ഷി​യും ഗുരു​ത​ര​മാ​യി തകരാ​റി​ലായ ഒരു സഹോ​ദ​രി​യു​ടെ കാര്യം പരിചി​ന്തി​ക്കുക. തിരക്കുള്ള ഒരു ഫുട്ട്‌പാ​ത്തി​നു സമീപം തന്റെ ഭർത്താവ്‌ കാർ പാർക്കു​ചെ​യ്യുന്ന പക്ഷം തനിക്ക്‌ മാസികാ വേലയിൽ പങ്കെടു​ക്കാൻ കഴിയു​മെന്ന്‌ അവൾ കണ്ടെത്തി. ഒരിക്കൽ വെറും രണ്ട്‌ മണിക്കൂ​റി​നു​ള്ളിൽ അവൾ 80 മാസി​കകൾ സമർപ്പി​ച്ചു! നിങ്ങളു​ടെ പ്രത്യേക സാഹച​ര്യം, മറ്റു പ്രകാ​ര​ത്തിൽ കണ്ടെത്താൻ ബുദ്ധി​മു​ട്ടുള്ള ആളുക​ളു​മാ​യി സമ്പർക്ക​ത്തിൽ വരാനും നിങ്ങളെ സഹായി​ച്ചേ​ക്കാം. അങ്ങനെ​യെ​ങ്കിൽ അവരെ നിങ്ങളു​ടെ പ്രത്യേക പ്രദേ​ശ​മാ​യി കണക്കാ​ക്കുക.

³ നിങ്ങളുടെ പ്രസം​ഗ​വേല വളരെ ഫലവത്താ​യി​രി​ക്കാൻ കഴിയും! നിങ്ങളു​ടെ നിശ്ചയ​ദാർഢ്യ​വും ബൈബിൾ സത്യം നിങ്ങളു​ടെ ജീവി​ത​ത്തിൽ ഉളവാ​ക്കിയ നല്ല ഫലവും നിരീ​ക്ഷി​ക്കു​മ്പോൾ മറ്റുള്ളവർ രാജ്യ​സ​ന്ദേ​ശ​ത്തി​ലേക്ക്‌ ആകർഷി​ക്ക​പ്പെ​ട്ടേ​ക്കാം. മാത്ര​വു​മല്ല നിങ്ങളു​ടെ ജീവി​താ​നു​ഭവം, ദുരിതം അനുഭ​വി​ക്കുന്ന ആളുകളെ കണ്ടുമു​ട്ടു​മ്പോൾ ദൈവ​വ​ച​ന​ത്തിൽനി​ന്നുള്ള ആശ്വാസം അവർക്കു പ്രദാനം ചെയ്യാൻ നിങ്ങളെ സജ്ജരാ​ക്കു​ക​യും ചെയ്‌തേ​ക്കാം.—2 കൊരി. 1:4.

⁴ മറ്റുള്ളവരെ ശക്തീക​രി​ക്കുക: 37 വർഷം ഒരു കൃത്രിമ ശ്വാ​സോ​ച്ഛ്വാ​സ ഉപകര​ണ​ത്തിൽ കഴിഞ്ഞു​കൂ​ടേ​ണ്ടി​വ​ന്നി​ട്ടും 17 പേരെ ബൈബിൾ സത്യത്തി​ന്റെ സൂക്ഷ്‌മ പരിജ്ഞാ​നം നേടാൻ സഹായിച്ച ലോറ​ലി​ന്റെ ജീവി​തകഥ നിങ്ങൾക്കു പ്രോ​ത്സാ​ഹ​ന​മാ​യി​രു​ന്നി​ല്ലേ? സമാന​മാ​യി, യഹോ​വ​യു​ടെ സേവന​ത്തിൽ കഠിന​ശ്രമം ചെയ്യാൻ സഹവി​ശ്വാ​സി​കളെ പ്രചോ​ദി​പ്പി​ക്കു​ന്ന​തിന്‌ നിങ്ങളു​ടെ മാതൃ​ക​യ്‌ക്കു കഴിയും.

⁵ നിങ്ങൾ ആഗ്രഹി​ക്കുന്ന അളവിൽ പുറത്തു​പോ​യി ശുശ്രൂ​ഷ​യിൽ പങ്കെടു​ക്കാൻ നിങ്ങളു​ടെ സാഹച​ര്യം അനുവ​ദി​ക്കു​ന്നി​ല്ലെ​ങ്കിൽ പോലും നിങ്ങൾക്ക്‌ മറ്റുള്ള​വരെ ശക്തീക​രി​ക്കാ​നാ​കും. ഒരു സഹോ​ദരൻ ഇപ്രകാ​രം പറഞ്ഞു: “ഗുരു​ത​ര​മായ വൈക​ല്യ​മു​ളള ഒരാൾക്കു​പോ​ലും മറ്റുള​ള​വർക്ക്‌ വലിയ സേവന​മ​നു​ഷ്‌ഠി​ക്കാൻ കഴിയു​മെന്നു ഞാൻ മനസ്സി​ലാ​ക്കി​യി​രി​ക്കു​ന്നു. എന്റെ ഭാര്യ​യും ഞാനും സഭയിലെ പലർക്കും ഒരുതരം നങ്കൂരം പോ​ലെ​യാണ്‌. ഞങ്ങളുടെ സാഹച​ര്യം നിമിത്തം ഞങ്ങൾ എല്ലായ്‌പോ​ഴും ഇവി​ടെ​യുണ്ട്‌, എല്ലായ്‌പോ​ഴും ലഭ്യമാണ്‌.” എന്നിരു​ന്നാ​ലും, വൈക​ല്യം നിമിത്തം നിങ്ങളു​ടെ തീക്ഷ്‌ണ​ത​യ്‌ക്ക്‌ അനുസൃ​ത​മാ​യി പ്രവർത്തി​ക്കാൻ എപ്പോ​ഴും നിങ്ങൾക്കു കഴി​ഞ്ഞെന്നു വരില്ല എന്നതു ശരിതന്നെ. എങ്കിലും, ആരെങ്കി​ലും സഹായി​ക്കാ​നു​ണ്ടെ​ങ്കിൽ ശുശ്രൂ​ഷ​യിൽ ഒരു ക്രിയാ​ത്മ​ക​മായ പങ്ക്‌ ഉണ്ടായി​രി​ക്കാൻ നിങ്ങൾക്കു കഴി​ഞ്ഞേ​ക്കും. അതു​കൊണ്ട്‌ നിങ്ങൾക്കു സഹായം ആവശ്യ​മാ​ണെ​ങ്കിൽ അക്കാര്യം മൂപ്പന്മാ​രു​ടെ​യോ നിങ്ങളെ സഹായി​ക്കാൻ കഴിയുന്ന മറ്റ്‌ സഭാം​ഗ​ങ്ങ​ളു​ടെ​യോ ശ്രദ്ധയിൽപ്പെ​ടു​ത്താൻ മടിക്ക​രുത്‌.

⁶ യഹോവയെ സേവി​ക്കാ​നാ​യി നിങ്ങൾ ചെയ്യുന്ന സകലതും അവൻ കാണു​ന്നുണ്ട്‌. (സങ്കീ. 139:1-4) സേവന​ത്തി​നു​വേണ്ടി നിങ്ങൾ നിങ്ങ​ളെ​ത്തന്നെ പൂർണ​മാ​യി അർപ്പി​ക്കു​ന്ന​തിൽ അവൻ സന്തോ​ഷി​ക്കു​ക​യും ചെയ്യുന്നു. നിങ്ങൾ യഹോ​വ​യിൽ ആശ്രയി​ക്കു​ന്ന​പക്ഷം, ശുശ്രൂ​ഷ​യിൽ ഫലപ്ര​ദ​വും അർഥവ​ത്തു​മായ ഒരു പങ്കുണ്ടാ​യി​രി​ക്കു​ന്ന​തി​നാ​യി നിങ്ങളെ ശക്തീക​രി​ക്കാൻ അവനു കഴിയും.—2 കൊരി. 12:7-10.