ലോകത്തെ വീക്ഷിക്കൽ

യൂറോ​പ്യൻ കോടതി ഗ്രീക്കി​ലെ സാക്ഷിൾക്ക്‌ അനുകൂ​ല​മാ​യി തീരു​മാ​ന​മെ​ടു​ക്കു​ന്നു

ഫ്രാൻസി​ലെ സ്‌ട്രാ​സ്‌ബർഗ്‌ ആസ്ഥാന​മാ​യി കൂടി​വ​രുന്ന യൂറോ​പ്യൻ മനുഷ്യാ​വ​കാ​ശ​ക്കോ​ടതി 1993 മേയ്‌ 25-നു കൈ​ക്കൊണ്ട ഒരു തീരു​മാ​ന​ത്തിൽ യഹോ​വ​യു​ടെ സാക്ഷി​കൾക്ക്‌ ഒരു വൻ നിയമ​വി​ജയം ലഭിച്ചു. ഈ കേസിൽ ഉൾപ്പെ​ട്ടി​രു​ന്നതു നിയമ​വി​രുദ്ധ മതപരി​വർത്ത​ന​ത്തി​നു കുററം ചുമത്ത​പ്പെട്ട 83 വയസ്സുള്ള മിനോസ്‌ കൊക്കി​നാ​ക്കിസ്‌ എന്ന ഒരു സാക്ഷി​യാ​യി​രു​ന്നു. ക്രേത്ത​യി​ലെ ലസിത്തി​യി​ലുള്ള ക്രിമി​നൽ കോടതി 1986 മാർച്ച്‌ 20-ന്‌ അദ്ദേഹ​ത്തി​നു നാലു മാസത്തെ തടവു​ശിക്ഷ വിധിച്ചു. എന്നാൽ മൂന്നി​നെ​തി​രെ ആറു ജഡ്‌ജി​മാർ എടുത്ത യൂറോ​പ്യൻ കോടതി തീർപ്പ്‌ അദ്ദേഹ​ത്തി​ന്റെ ശിക്ഷാ​വി​ധി റദ്ദാക്കി. പതിറ​റാ​ണ്ടു​ക​ളാ​യി ഗ്രീക്ക്‌ ഓർത്ത​ഡോ​ക്‌സ്‌ സഭയുടെ ശക്തമായ സ്വാധീ​ന​മുള്ള ഗ്രീസ്‌ ഗവൺമെൻറ്‌ ആയിര​ക്ക​ണ​ക്കി​നു യഹോ​വ​യു​ടെ സാക്ഷി​കളെ നിയമ​വി​രുദ്ധ മതപരി​വർത്ത​ന​ത്തി​ന്റെ പേരിൽ അറസ്‌ററു ചെയ്യാൻ ഇടയാക്കി. ഈ കേസിൽ “മനുഷ്യാ​വ​കാ​ശ​ങ്ങ​ളു​ടെ​യും മൗലിക സ്വാത​ന്ത്ര്യ​ങ്ങ​ളു​ടെ​യും സംരക്ഷ​ണ​ത്തി​നാ​യുള്ള യൂറോ​പ്യൻ കൺ​വെൻ​ഷ”ന്റെ അനുശാ​സ​ന​പ്ര​കാ​രം മിസ്‌ററർ കൊക്കി​നാ​ക്കി​സി​നുള്ള അവകാ​ശ​ങ്ങളെ ഗ്രീക്കു ഗവൺമെൻറ്‌ ലംഘി​ച്ച​താ​യി യൂറോ​പ്യൻ കോടതി കണ്ടെത്തി. ഈ തീർപ്പ്‌ തങ്ങളുടെ പീഡന​ത്തി​ന​റു​തി വരുത്തു​മെ​ന്നും തങ്ങളുടെ നിയമാ​നു​സൃത ശുശ്രൂഷ സമാധാ​ന​ത്തിൽ നിർവ​ഹി​ക്കാൻ തങ്ങളെ അനുവ​ദി​ക്കു​മെ​ന്നും ഗ്രീസി​ലുള്ള 26,000-ത്തിലധി​കം സാക്ഷികൾ പ്രതീ​ക്ഷി​ക്കു​ന്നു. (g93 8/22)

ഉറക്കക്കടം

“ഉറക്കം കുറവുള്ള ആളുകൾക്കു മറേറ​തൊ​രാ​ളെ​യും​പോ​ലെ നടക്കാ​നും കേൾക്കാ​നും കാണാ​നും കഴിയും. എന്നാൽ, ന്യായ​വാ​ദം ചെയ്യാ​നുള്ള കഴിവും, തീരു​മാ​ന​ങ്ങ​ളെ​ടു​ക്കാ​നും ജാഗരൂ​ക​മാ​യി നില​കൊ​ള്ളാ​നും മററു​മുള്ള പ്രാപ്‌തി ദുർബ​ല​മാ​കു​ന്നു” എന്നു ദ വഷാ മാഗസിൻ പറയുന്നു. വേണ്ടത്ര ഉറക്കം കിട്ടാ​ത്ത​തി​ന്റെ അപകട​ത്തെ​ക്കു​റി​ച്ചു മുന്നറി​യി​പ്പു നൽകുന്ന വിദഗ്‌ധരെ ഈ ലേഖനം ഉദ്ധരി​ക്കു​ന്നു. ഉറക്കത്തി​നു വേണ്ടി​യുള്ള ബ്രസീ​ലി​യൻ സൊ​സൈ​റ​റി​യു​ടെ പ്രസി​ഡൻറായ ഡോ. ഡെനിസ്‌ മാർട്ടി​നസ്‌ നടത്തിയ ഒരു സർവേ “ഓരോ പത്തു തൊഴി​ല​പ​ക​ട​ങ്ങ​ളിൽ രണ്ടെണ്ണം രാത്രി​യിൽ വേണ്ടത്ര ഉറക്കം കിട്ടാ​ത്ത​തു​കൊണ്ട്‌ ഉണ്ടാകു​ന്ന​താ​ണെന്നു” പ്രകട​മാ​ക്കു​ന്നു. “ദൃഷ്ടാ​ന്ത​ത്തിന്‌,” കുറച്ചു​റ​ങ്ങു​ക​യും “മൂന്നു വ്യത്യസ്‌ത ജോലി​ക​ളി​ലേർപ്പെ​ടു​ക​യും ചെയ്യു​ന്നവർ തൊഴിൽ കമ്പോ​ള​ത്തിൽ തങ്ങളുടെ ആരോ​ഗ്യം വിൽക്കുക”യാണെന്നു ഡോ. മാർട്ടി​നസ്‌ മുന്നറി​യി​പ്പു നൽകുന്നു. (g93 8/22)

പ്രായം കൂടി​പ്പോ​യി​ട്ടില്ല

‘പഠിക്കാൻ പററാ​ത്ത​വണ്ണം നിങ്ങൾക്കു പ്രായം കൂടി​പ്പോ​യി​ട്ടില്ല.’ ഈ ചൊല്ലി​നെ ദൃഷ്ടാ​ന്തീ​ക​രി​ക്കാ​നെ​ന്ന​പോ​ലെ ബർണാബ അവാൻഹ​ലി​സ്‌ററ എന്ന ഊർജ​സ്വ​ല​നായ 93 വയസ്സു​കാ​രൻ രണ്ടു വർഷം​കൊ​ണ്ടു തന്റെ യൂണി​വേ​ഴ്‌സി​ററി പഠനം പൂർത്തി​യാ​ക്കാൻ കാത്തി​രി​ക്കു​ന്നു. സ്‌പെ​യ്‌നി​ലെ വലെൻഷ്യ സർവക​ലാ​ശാ​ല​യിൽ അദ്ദേഹം ശാസ്‌​ത്രേ​ത​ര​വി​ഷ​യങ്ങൾ പഠിക്കു​ക​യാണ്‌. പഠനത്തി​നുള്ള അദ്ദേഹ​ത്തി​ന്റെ അർപ്പണ​ബോ​ധം സമുന്നത കലാലയ നേട്ടത്തി​നുള്ള ഒരു സമ്മാനം ഇതി​നോ​ടകം അദ്ദേഹ​ത്തി​നു നേടി​ക്കൊ​ടു​ത്തി​രി​ക്കു​ന്നു. ദിവസ​വും രാവിലെ എട്ടു മണിക്കു യൂണി​വേ​ഴ്‌സി​റ​റി​യിൽ എത്തുക​യും മിക്ക​പ്പോ​ഴും രാത്രി ഒമ്പതു​വ​രെ​യി​രു​ന്നു തന്റെ സായാഹ്ന പാഠങ്ങൾ പഠിക്കു​ക​യും ചെയ്യുന്ന ബർണാബ വിശദീ​ക​രി​ക്കു​ന്നു: “പഠനം ആണ്‌ അതിമ​നോ​ജ്ഞ​മായ കാര്യം.” പ്രായ​മേ​റിയ ആളുകൾക്കു പഠിക്കാ​നുള്ള ഒരു സുവർണാ​വ​സ​ര​മാ​ണു​ള്ളത്‌ എന്നു ബർണാബ വിശ്വ​സി​ക്കു​ന്നു. “അതു ചെയ്യാൻ ജീവി​ത​ത്തിൽ നിങ്ങൾക്കു സമയം കിട്ടുന്ന കാലം അതാണ്‌,” അദ്ദേഹം പറയുന്നു. ഊർജ​സ്വ​ല​നാ​യി കഴിയു​ന്നതു ജീവി​ത​ത്തിൽ അദ്ദേഹ​ത്തിന്‌ ഒരു ഉദ്ദേശ്യം ഉണ്ടാക്കി​ക്കൊ​ടു​ക്കു​ന്നു​വെന്ന്‌ അദ്ദേഹ​ത്തി​ന്റെ ഭാര്യ കൂട്ടി​ച്ചേർക്കു​ന്നു. (g93 8/22)

ഉദ്യോ​ഗ​സ്ഥ​കൾക്കു നേരെ​യുള്ള ഉപദ്രവം

കാനഡ​യി​ലെ ടൊറാ​ന്റോ​യി​ലുള്ള ടൊറാ​ന്റോ ആശുപ​ത്രി​യിൽ നടത്തിയ അടുത്ത കാലത്തെ ഒരു സർവേ അവിടത്തെ 70 ശതമാനം ഉദ്യോ​ഗ​സ്ഥ​ക​ളും ജോലി​യി​ലാ​യി​രി​ക്കെ ലൈം​ഗിക ശല്യത്തി​നു വിധേ​യ​മാ​കു​ന്ന​താ​യി പരാതി​പ്പെ​ടു​ന്നു​വെന്നു വെളി​പ്പെ​ടു​ത്തി. ദ ടൊറാ​ന്റോ സ്‌ററാർ പറയു​ന്ന​ത​നു​സ​രിച്ച്‌ ലൈം​ഗി​ക​മാ​യി ആക്രമി​ക്ക​പ്പെ​ട്ട​താ​യി 2 ശതമാനം സ്‌ത്രീ​ക​ളും ലൈം​ഗി​ക​താ​ത്‌പ​ര്യ​ങ്ങൾക്കാ​യി ഭീഷണി​പ്പെ​ടു​ത്ത​പ്പെ​ട്ട​താ​യി ഒരു ശതമാനം സ്‌ത്രീ​ക​ളും റിപ്പോർട്ടു ചെയ്യുന്നു. അവർ “ആദരവി​ല്ലാ​ത്ത​തോ യോഗ്യ​മ​ല്ലാത്ത അടുപ്പം കാണി​ക്കുന്ന വിധത്തി​ലോ തങ്ങളെ വിളി​ച്ച​താ​യി” സ്‌ത്രീ​ക​ളിൽ പലരും പറയുന്നു. വലി​യൊ​രു ശതമാനം പേർ “ലൈം​ഗി​ക​ധ്വ​നി​യുള്ള തമാശ​ക​ളെ​ക്കു​റി​ച്ചു പരാതി​പ്പെട്ടു.” ഏതാണ്ട്‌ 60 ശതമാനം ഉദ്യോ​ഗ​സ്ഥ​കൾക്ക്‌ ആശുപ​ത്രി​യു​ടെ “ചില ഭാഗങ്ങൾ ചില നേരങ്ങ​ളിൽ സുരക്ഷി​ത​മ​ല്ലെന്നു തോന്നി​യ​താ​യി” സ്‌ററാർ റിപ്പോർട്ടു ചെയ്യുന്നു. (g93 9/8)

ജാപ്പനീസ്‌ സർവക​ലാ​ശാ​ല​യിൽ ബൈബിൾ ക്ലാസ്സുകൾ

ജപ്പാന്റെ വിഖ്യാ​ത​മായ വസെദാ സർവക​ലാ​ശാ​ല​യി​ലെ സാഹിത്യ വിഭാ​ഗ​ത്തി​ലുള്ള കുട്ടി​കൾക്കി​ട​യിൽ നടത്തിയ അടുത്ത കാലത്തെ ഒരു സർവേ “പല വിദ്യാർഥി​ക​ളും പുരാതന സാഹി​ത്യ​കൃ​തി​ക​ളെ​ക്കു​റിച്ച്‌, വിശേ​ഷാൽ വിദേശ സംസ്‌കാ​രങ്ങൾ പഠിക്കാൻ പരമ​പ്ര​ധാ​ന​മെന്നു കരുത​പ്പെ​ടുന്ന ബൈബി​ളി​നെ​ക്കു​റി​ച്ചു പഠിക്കാൻ ആവേശം പൂണ്ടവ​രാ​യി​രു​ന്നു” എന്നു വെളി​പ്പെ​ടു​ത്തി​യ​താ​യി ദ ഡെയ്‌ലി യുമി​യു​റി റിപ്പോർട്ടു ചെയ്യുന്നു. സാഹി​ത്യ​രം​ഗത്ത്‌ ഇപ്പോൾത്തന്നെ ബഹുമതി നേടി​ക്ക​ഴിഞ്ഞ ഈ സർവക​ലാ​ശാല 1993-ലെ വസന്തകാല അർധവാർഷിക പഠനകാ​ലം മുതൽ ബൈബിൾ ക്ലാസ്സു​ക​ളും അതിന്റെ വിഷയ​ങ്ങ​ളോ​ടു ചേർത്തു. രണ്ടു വർഷം മുമ്പു ജപ്പാനി​ലെ വിദ്യാ​ഭ്യാ​സ മന്ത്രാ​ലയം സർവകാ​ല​ശാ​ല​കൾക്കു അവയുടെ പാഠ്യ​പ​രി​പാ​ടി​കൾ ക്രമ​പ്പെ​ടു​ത്താൻ കൂടുതൽ സ്വാത​ന്ത്ര്യം നൽകി​യ​തു​മു​തൽ ഒരു സ്‌കൂ​ളി​ന്റെ പാഠ്യ​പ​ദ്ധതി രൂപവ​ത്‌ക​രി​ക്കു​ന്ന​തിൽ പങ്കെടു​ക്കാൻ വിദ്യാർഥി​കൾ അനുവ​ദി​ക്ക​പ്പെ​ടുന്ന ആദ്യത്തെ സംഭവ​മാണ്‌ ഇത്‌. (g93 9/8)

എയ്‌ഡ്‌സ്‌ നിയ​ന്ത്ര​ണാ​തീ​ത​മോ?

എയ്‌ഡ്‌സി​ന്റെ ലോക​മൊ​ട്ടു​ക്കു​മുള്ള വ്യാപനം ഇപ്പോൾ നിയ​ന്ത്ര​ണാ​തീ​ത​മാ​ണോ? അങ്ങനെ​യാ​യി​രു​ന്നേ​ക്കാം എന്ന്‌ ഐക്യ​നാ​ടു​ക​ളി​ലെ ഹാർവാർഡ്‌ യൂണി​വേ​ഴ്‌സി​ററി കേന്ദ്ര​മാ​യുള്ള ഗ്ലോബൽ എയ്‌ഡ്‌സ്‌ പോളി​സി കൊയ​ലി​ഷൻ സമാഹ​രിച്ച 1,000 പേജുള്ള ഒരു റിപ്പോർട്ടു പ്രസ്‌താ​വി​ക്കു​ന്നു. ദ ഗാർഡി​യൻ വീക്കിലി പറയു​ന്ന​ത​നു​സ​രിച്ച്‌ ഒരു രാജ്യ​വും എയ്‌ഡ്‌സി​ന്റെ വ്യാപനം തടയാൻ പ്രാപ്‌ത​മാ​യി​രു​ന്നി​ട്ടി​ല്ലെ​ന്നും ഈ രോഗം യൂറോ​പ്പിൽ അത്യു​ച്ച​നി​ല​യിൽ എത്തി​യെന്നു പറയു​ന്ന​വർക്കു തെററു പററി​യി​രി​ക്കാം എന്നും റിപ്പോർട്ടു പ്രകട​മാ​ക്കു​ന്നു. റിപ്പോർട്ട്‌ ഇങ്ങനെ പ്രസ്‌താ​വി​ക്കു​ന്നു: “എച്ച്‌ഐവി⁄എയ്‌ഡ്‌സ്‌ പകർച്ച​വ്യാ​ധി കൂടുതൽ അപകട​ക​ര​മായ ഒരു പുതിയ ഘട്ടത്തി​ലേക്കു പ്രവേ​ശി​ക്കു​ക​യാണ്‌. ആഗോള ഭീഷണി വർധി​ക്കു​ന്ന​തോ​ടെ കൂടി​വ​രുന്ന അലസഭാ​വ​ത്തി​ന്റെ​യും സ്ഥായി​യായ നിഷേ​ധ​ത്തി​ന്റെ​യും വീണ്ടും പ്രത്യ​ക്ഷ​പ്പെ​ടുന്ന വിവേ​ച​ന​ത്തി​ന്റെ​യും ലക്ഷണങ്ങൾ നിരവ​ധി​യാണ്‌.” (g93 9/8)

ബാലികാ വ്യഭി​ചാ​രം ഏഷ്യയിൽ തഴച്ചു​വ​ള​രു​ന്നു

“പത്തു വയസ്സിൽ നിങ്ങൾ ഒരു മുതിർന്ന യുവതി​യാണ്‌, ഇരുപ​താ​കു​മ്പോൾ നിങ്ങൾ ഒരു വയസ്സി​യാണ്‌, മുപ്പതാ​കു​മ്പോൾ നിങ്ങൾ മരിച്ചു​ക​ഴി​ഞ്ഞെന്ന പോ​ലെ​യും ആണ്‌.” നാഷണൽ ജിയോ​ഗ്ര​ഫിക്‌ ട്രാവലർ മാഗസിൻ പറയു​ന്ന​ത​നു​സ​രിച്ച്‌ അതാണു തായ്‌ലൻഡി​ലെ ബാങ്കോ​ക്കി​ലുള്ള ബാല വേശ്യ​ക​ളെ​ക്കു​റി​ച്ചുള്ള പൊതു​വായ ചൊല്ല്‌. ഏഷ്യയിൽ ഏതാണ്ടു പത്തുലക്ഷം ബാല​വേ​ശ്യ​ക​ളുണ്ട്‌, അവരിൽ മിക്കവ​രും പത്തു വയസ്സിൽത്താ​ഴെ പ്രായ​മു​ള്ള​വ​രാണ്‌. നിയമ​വി​രു​ദ്ധ​മാ​യി തഴച്ചു​വ​ള​രുന്ന ഈ വ്യവസാ​യത്തെ വിനോ​ദ​വി​കസന പരിപാ​ടി​കൾ പോഷി​പ്പി​ക്കു​ക​യാ​ണെന്ന്‌ ഈ മാഗസിൻ പറയുന്നു. കുട്ടി​കളെ ലൈം​ഗി​ക​മാ​യി ദുരു​പ​യോ​ഗം ചെയ്യുന്ന ആസ്‌​ട്രേ​ലി​യ​യി​ലെ​യും ജപ്പാനി​ലെ​യും ഐക്യ​നാ​ടു​ക​ളി​ലെ​യും പശ്ചിമ യൂറോ​പ്പി​ലെ​യും പല സംഘട​ന​ക​ളും ഏഷ്യൻ രാജ്യ​ങ്ങ​ളി​ലേ​ക്കുള്ള ‘ലൈം​ഗിക യാത്ര​കളെ’ പ്രോ​ത്സാ​ഹി​പ്പി​ക്കു​ന്നു. ഇൻഡ്യ​യി​ലെ ബോം​ബെ​യി​ലുള്ള വേശ്യാ​ല​യ​ങ്ങ​ളിൽ വേശ്യാ​വൃ​ത്തി ചെയ്യാൻ ഓരോ വർഷവും ഏതാണ്ട്‌ 5,000 പെൺകു​ട്ടി​കൾ നേപ്പാൾ മലനി​ര​ക​ളിൽനിന്ന്‌ “തിര​ഞ്ഞെ​ടു​ത്ത​യ​യ്‌ക്ക​പ്പെ​ടുന്ന”തായി ലണ്ടനിലെ ദ ടൈംസ്‌ റിപ്പോർട്ടു ചെയ്‌തു. ഇപ്പോൾ അവിടെ ഏകദേശം 2,00,000 പേരുണ്ട്‌, അവരിൽ ഏതാണ്ട്‌ പകുതി​പ്പേ​രും എയ്‌ഡ്‌സ്‌ ഉണ്ടാക്കുന്ന വൈറ​സായ എച്ച്‌ഐവി ബാധി​ച്ച​വ​രാണ്‌. വളരെ സംഘടി​ത​മായ ഒരു ബിസി​നസ്‌ പശ്ചിമ യൂറോ​പ്പി​ലേ​ക്കും ഐക്യ​നാ​ടു​ക​ളി​ലേ​ക്കും പെൺകു​ട്ടി​കളെ കയററി അയയ്‌ക്കു​ന്നു. (g93 9/8)

തകൃതി​യായ ആരാധന

“പള്ളിശു​ശ്രൂഷ രാവിലെ 11-ന്‌ ആരംഭിച്ച്‌ ഒരു മണിക്കൂ​റോ അതില​ധി​ക​മോ എന്തിനു നീണ്ടു​നിൽക്കണം?” യു.എസ്‌.എ, ഫ്‌ളോ​റി​ഡാ​യി​ലെ ഒരു ബാപ്‌റ​റി​സ്‌ററ്‌ ശുശ്രൂ​ഷകൻ ഈയടുത്ത കാലത്തു ചോദിച്ച ആ ചോദ്യം ടൈംസ്‌-വെസ്‌ററ്‌ വിർജി​നി​യ​നിൽ വന്ന അസോ​ഷി​യേ​റ​റഡ്‌ പ്രസ്സ്‌ റിപ്പോർട്ട​നു​സ​രി​ച്ചു പ്രവച​നീ​യ​മായ ഒരു പരിഹാ​ര​ത്തി​ലേക്കു നയിച്ചി​രി​ക്കു​ന്നു. പുരോ​ഹി​തൻ “22 മിനി​ററ്‌ നേരത്തെ ഹ്രസ്വ​മായ ഒരു ആരാധ​നാ​കർമം” നിർവ​ഹി​ക്കു​ന്നു, “പ്രസംഗം നടത്താ​നും കീർത്ത​നാ​ലാ​പ​ന​ത്തിൽ നേതൃ​ത്വം വഹിക്കാ​നും വിശു​ദ്ധ​ലി​ഖി​തങ്ങൾ വായി​ക്കാ​നും പ്രാർഥി​ക്കാ​നും പള്ളിവി​ട്ടു പോകാ​നും” ഇതു തനിക്കു സമയം അനുവ​ദി​ക്കു​മെന്ന്‌ അദ്ദേഹം അവകാ​ശ​പ്പെ​ടു​ന്നു. അസോ​ഷി​യേ​റ​റഡ്‌ പ്രസ്സ്‌ പറയു​ന്ന​ത​നു​സ​രി​ച്ചു പ്രസംഗം എട്ടു മിനി​റ​റാ​യി പരിമി​ത​പ്പെ​ട്ടി​രി​ക്കും, ഇത്‌ “ഭക്ഷണകാ​ര്യ​ത്തിൽ മാക്‌ഡൊ​ണാൾഡി​ന്റെ ഫാസ്‌ററ്‌ ഫുഡ്‌ റെസ്‌റ​റ​റൻറ്‌ എന്തു ചെയ്‌തു​വോ അതു പള്ളിക്കാ​ര്യ​ത്തിൽ ചെയ്യാൻ ശുശ്രൂ​ഷ​കനെ അനുവ​ദി​ക്കു​ന്നു.” എന്നിരു​ന്നാ​ലും, “പണപ്പി​രി​വു പാത്രം കൈമാ​റാൻ ധാരാളം സമയം അനുവ​ദി​ച്ചി​രി​ക്കും” എന്നു റിപ്പോർട്ടു കൂട്ടി​ച്ചേർക്കു​ന്നു. (g93 9/8)

മൃഗങ്ങൾക്കു കുർബാന

അടുത്ത കാലത്തെ ഇററാ​ലി​യൻ പുരോ​ഹി​തൻമാ​രിൽനി​ന്നു മൃഗങ്ങൾക്കു സവിശേഷ ശ്രദ്ധ ലഭിക്കു​ന്ന​താ​യി തോന്നു​ന്നു. മൃഗങ്ങൾ “സ്‌നേ​ഹി​ക്കാൻ പ്രാപ്‌തരല്ല” എന്നു പറഞ്ഞതു നിമിത്തം ഫ്രാൻസി​സ്‌കൻമാ​രു​ടെ മതവി​ഭാ​ഗം അടുത്ത കാലത്തു ജെസ്യൂ​ട്ടു​കളെ “പാഷണ്ഡി​ക​ളും സൃഷ്ടി​യു​ടെ ശത്രു​ക്ക​ളും” ആയി കുററ​പ്പെ​ടു​ത്തി. കത്തോ​ലി​ക്കാ ബിഷപ്പായ മാരി​യോ കാൻസി​യാ​നി സഭയുടെ വീക്ഷണത്തെ ഈ വിധം വിവരി​ക്കു​ന്നു: “[കത്തോ​ലി​ക്കാ] സഭ ജീവനുള്ള എല്ലാ സൃഷ്ടി​കൾക്കും വേണ്ടി തുറന്നു കിടക്കു​ന്നു.” അതു​കൊണ്ട്‌ ഇററാ​ലി​യൻ പത്രമായ ലാ റിപ്പബ്ലിക്ക പറയു​ന്ന​പ്ര​കാ​രം, റോമി​ലെ പള്ളീൽപോ​ക്കു​കാർ തങ്ങളുടെ “ഭവനത്തി​ലെ കൊച്ചു സ്‌നേ​ഹി​തർ”ക്കുവേണ്ടി അനു​ഗ്ര​ഹങ്ങൾ നേടാൻ പ്രാപ്‌ത​രാ​യി​രു​ന്നി​ട്ടുണ്ട്‌. “കൂടുതൽ ഉചിത​മാ​യി ക്രിസ്‌ത്യാ​നി​കൾ എന്നു വർണി​ക്കാൻ കഴിയു​ന്ന​വ​രോ​ടൊ​പ്പം ഒരനു​ഗ്രഹം കിട്ടാൻ ആഗ്രഹി​ക്കുന്ന പൂച്ചകൾക്കും പട്ടികൾക്കും തത്തകൾക്കും മുയലു​കൾക്കും എല്ലാ പ്രാണി​ജാ​ല​ങ്ങൾക്കും കുർബാ​ന​യിൽ സംബന്ധി​ക്കാ​വു​ന്ന​താണ്‌” എന്ന്‌ അത്തര​മൊ​രു അവസര​ത്തെ​ക്കു​റിച്ച്‌ അറിയി​പ്പു നൽകി​ക്കൊ​ണ്ടു പത്രം വിശദീ​ക​രി​ക്കു​ന്നു. (g93 8/22)

കണ്ണിന്റെ ആയാസം കുറയ്‌ക്കൽ

ടെലി​വി​ഷ​ന്റെ​യോ കമ്പ്യൂ​ട്ട​റി​ന്റെ​യോ സ്‌ക്രീ​നിൽ നോക്കി​യി​രി​ക്കു​ന്നതു നിമിത്തം നിങ്ങളു​ടെ കണ്ണിന്‌ ആയാസം അനുഭ​വ​പ്പെ​ടു​ന്നെ​ങ്കിൽ അതു കുറെ​ക്കൂ​ടി താഴെ വച്ചിട്ട്‌ മുകളി​ലേക്കു തിരി​ച്ചു​വ​ച്ചു​കൊ​ണ്ടു നിങ്ങൾക്ക്‌ ആശ്വാസം കണ്ടെത്താ​വു​ന്ന​താണ്‌. താഴേക്കു നോക്കു​മ്പോ​ഴ​ത്തേ​തി​നെ​ക്കാൾ തിരശ്ചീ​ന​മാ​യി നോക്കു​മ്പോൾ ആളുകൾ തങ്ങളുടെ കണ്ണുകൾ കുറച്ചു​മാ​ത്രം അടയ്‌ക്കു​ക​യും കണ്ണുകൾ കൂടുതൽ വിസ്‌താ​ര​ത്തിൽ തുറക്കു​ക​യും ചെയ്യുന്നു എന്ന നിഗമ​ന​ത്തിൽ അടിസ്ഥാ​ന​പ്പെ​ടു​ത്തിയ ഈ ശുപാർശ ന്യൂ ഇംഗ്ലണ്ട്‌ ജേർണൽ ഓഫ്‌ മെഡി​സി​നിൽ നിന്നു​ള്ള​താണ്‌. കുറച്ചു പ്രാവ​ശ്യം ചിമ്മു​മ്പോൾ കണ്ണിനു കുറച്ചു മാത്രം നനവേ കിട്ടു​ന്നു​ള്ളു. കൂടുതൽ വിസ്‌താ​ര​ത്തിൽ തുറക്കു​ന്നതു കണ്ണിന്റെ ദ്രവപാ​ളി​യു​ടെ ബാഷ്‌പീ​ക​രണം വർധി​പ്പി​ക്കു​ന്നു. (g93 9/8)

വിൽക്കാ​നുണ്ട്‌ പള്ളികൾ

ഇററലി​യി​ലുള്ള റോമൻ കത്തോ​ലി​ക്കാ സഭയ്‌ക്കു മതപര​മായ എത്ര കെട്ടി​ടങ്ങൾ അതിനു​ണ്ടെന്നു കൃത്യ​മാ​യി അറിയില്ല, എന്നാൽ ഒരു കാര്യം ഉറപ്പാണ്‌: അവയെ​യെ​ല്ലാം നിലനിർത്താൻ അതിനു കഴിയില്ല. സാവധാ​നം നശിച്ചു​കൊ​ണ്ടി​രി​ക്കുന്ന ഉപേക്ഷി​ക്ക​പ്പെട്ട പള്ളി​ക്കെ​ട്ടി​ട​ങ്ങ​ളു​ടെ എണ്ണം നാൾക്കു​നാൾ വർധി​ച്ചു​വ​രു​ന്നു. അതു​കൊണ്ട്‌ മേലാൽ മതപര​മായ ഉദ്ദേശ്യ​ങ്ങൾക്ക്‌ ഉപയോ​ഗി​ക്കാത്ത ചില കെട്ടി​ടങ്ങൾ വിൽക്ക​ണ​മോ എന്നു സഭ തീരു​മാ​നി​ച്ചു​കൊ​ണ്ടി​രി​ക്കു​ക​യാണ്‌ എന്ന്‌ ഇററാ​ലി​യൻ സഭയുടെ സാംസ്‌കാ​രിക പൈതൃ​ക​ത്തി​നു വേണ്ടി​യുള്ള കൗൺസി​ലി​ന്റെ പ്രസി​ഡൻറ്‌ പിയ​ട്രോ ആന്റോ​ണി​യോ ഗാർലോ​ട്ടോ പറഞ്ഞു. എത്ര പള്ളികൾ വിൽക്കു​മാ​യി​രി​ക്കും? “കൃത്യ​മ​ല്ലാത്ത ഒരു പ്രാഥ​മിക നിർണയം” സൂചി​പ്പി​ക്കു​ന്നത്‌ ഇററലി​യി​ലുള്ള 95,000-ത്തിലധി​കം പള്ളിക​ളു​ടെ “10 ശതമാനം എന്ന ഒരു കണക്കാണ്‌” എന്ന്‌ എൽ മെസാ​ജെ​റോ​യിൽ ബിഷപ്പ്‌ വിശദീ​ക​രി​ച്ചു. (g93 9/8)

മന്ദമായ ഓട്ടത്തി​ന്റെ ആയാസം

ജർമനി​യി​ലെ ബർലി​നി​ലുള്ള ഓർത്തോ​പീ​ഡിക്‌ സർവക​ലാ​ശാ​ല​യിൽനി​ന്നുള്ള ഒരു പഠനം അനുസ​രി​ച്ചു മന്ദമായ ഓട്ടം സൈക്കിൾ ഓടി​ക്കു​ന്ന​തി​നെ​ക്കാൾ ശരീര​ത്തി​ന്റെ സന്ധികൾക്കു പത്തിരട്ടി ആയാസം വരുത്തു​ന്നു. പ്രത്യേ​കം രൂപക​ല്‌പന ചെയ്‌തു​ണ്ടാ​ക്കിയ ഒരു കൃത്രിമ ഇടുപ്പ്‌ ഉപയോ​ഗി​ച്ചു​കൊ​ണ്ടു വ്യത്യസ്‌ത പ്രവർത്ത​ന​ങ്ങ​ളു​ടെ സമയത്ത്‌ ഓരോ സന്ധിക​ളി​ലും ഉണ്ടാകുന്ന ആയാസം അളക്കു​ന്ന​തിൽ ഈ സർവക​ലാ​ശാ​ല​യി​ലെ ശാസ്‌ത്രജ്ഞർ ഇദം​പ്ര​ഥ​മ​മാ​യി വിജയി​ച്ചു. “മന്ദമായി ഓടു​ന്നവർ സൈക്കിൾ ഓടി​ക്കു​ന്ന​വ​രെ​ക്കാൾ തങ്ങളുടെ കുതി​ഞ​ര​മ്പു​ക​ളെ​യും സന്ധിക​ളെ​യും കൂടുതൽ ആയാസ​പ്പെ​ടു​ത്തു​ന്നു എന്നു പൊതു​വെ അറിയാ​മാ​യി​രു​ന്നു​വെ​ങ്കി​ലും ഇത്ര വലിയ ഒരു വ്യത്യാ​സം കണ്ടതിൽ ഗവേഷ​കർപോ​ലും അമ്പരന്നു​പോ​യി” എന്നു സ്യൂ​ഡോ​യിക്ക സീററംങ്‌ റിപ്പോർട്ടു ചെയ്യുന്നു. (g93 9/8)