തീർച്ച​യാ​യും നക്ഷത്ര​ങ്ങൾക്കു നിങ്ങൾക്കാ​യി ഒരു സന്ദേശ​മുണ്ട്‌!

മുൻ ലേഖന​ങ്ങ​ളിൽ പ്രകട​മാ​ക്കി​യ​തു​പോ​ലെ നക്ഷത്രങ്ങൾ മഹത്ത്വ​മു​ള്ള​വ​യാ​ണെ​ങ്കിൽപ്പോ​ലും, അവ എന്തായി​രി​ക്കു​ന്നു​വോ അങ്ങനെ​തന്നെ മനുഷ്യൻ അവയെ കാണേ​ണ്ട​താണ്‌—സ്രഷ്ടാവ്‌ തന്റെ ഉദ്ദേശ്യ​ത്തി​നാ​യി ആകാശ​ങ്ങ​ളിൽ നിലനിർത്തി​യി​രി​ക്കുന്ന ജീവനി​ല്ലാത്ത വസ്‌തു​ക്ക​ളാ​ണവ. അവയെ ആരാധി​ക്കേ​ണ്ട​തി​ല്ലാ​യി​രു​ന്നു. യഹോ​വ​യു​ടെ നിയമ​ങ്ങൾക്കു വിധേ​യ​മായ അവന്റെ വിസ്‌മ​യാ​വ​ഹ​മായ സൃഷ്ടി​യു​ടെ ഒരു അവിഭാ​ജ്യ ഘടകമെന്ന നിലയിൽ നക്ഷത്രങ്ങൾ, “ദൈവ​ത്തി​ന്റെ മഹത്വത്തെ വർണ്ണി”ക്കേണ്ടി​യി​രു​ന്നു. അതേസ​മയം മനുഷ്യൻ തന്നെ സംബന്ധിച്ച സ്രഷ്ടാ​വി​ന്റെ ഉദ്ദേശ്യ​ത്തെ നിവർത്തി​ക്കു​മ്പോൾ അവ പ്രകാശ ഉറവി​ട​ങ്ങ​ളാ​യി വർത്തി​ക്കു​ക​യും ചെയ്യേ​ണ്ടി​യി​രു​ന്നു.—സങ്കീർത്തനം 19:1; ആവർത്ത​ന​പു​സ്‌തകം 4:19.

ബൈബി​ളിൽ നാം ഇങ്ങനെ വായി​ക്കു​ന്നു: “പ്രശ്‌ന​ക്കാ​രൻ, മുഹൂർത്ത​ക്കാ​രൻ, ആഭിചാ​രകൻ, ക്ഷുദ്ര​ക്കാ​രൻ, മന്ത്രവാ​ദി, വെളി​ച്ച​പ്പാ​ടൻ, ലക്ഷണം പറയു​ന്നവൻ, അഞ്‌ജ​ന​ക്കാ​രൻ എന്നിങ്ങ​നെ​യു​ള്ള​വരെ നിങ്ങളു​ടെ ഇടയിൽ കാണരു​തു. ഈ കാര്യങ്ങൾ ചെയ്യു​ന്ന​വ​നെ​ല്ലാം യഹോ​വെക്കു വെറുപ്പു ആകുന്നു.” (ആവർത്ത​ന​പു​സ്‌തകം 18:10-12) യെശയ്യാവ്‌ ഇങ്ങനെ പ്രസ്‌താ​വി​ച്ചു: “ജ്യോ​തി​ഷ​ക്കാ​രും നക്ഷത്രം നോക്കു​ന്ന​വ​രും [നിന്റെ ഉപദേ​ശ​കൻമാ​രും] . . . ഇപ്പോൾ എഴു​ന്നേ​ററു നിന്നെ രക്ഷിക്കട്ടെ. ഇതാ, അവർ താളടി​പോ​ലെ ആയി.”—യെശയ്യാ​വു 47:13, 14.

നക്ഷത്ര​ങ്ങ​ളിൽനി​ന്നു നമുക്കു പഠിക്കാൻ കഴിയു​ന്നത്‌

എന്നിരു​ന്നാ​ലും, നാം ശ്രദ്ധി​ക്കാൻ മനസ്സു​ള്ള​വ​രാ​ണെ​ങ്കിൽ ജീവനി​ല്ലാത്ത ഈ നക്ഷത്ര​ങ്ങൾക്കും നമ്മോടു ചില കാര്യങ്ങൾ പറയാൻ കഴിയും. എഡ്‌വ്‌ൻ വേ ററീൽ ഇപ്രകാ​ര​മെ​ഴു​തി: “കാലത്തി​ന്റെ സുദീർഘ​മായ അനന്തത​യിൽ മനുഷ്യൻ എത്രയോ നിസ്സാ​ര​നാണ്‌ എന്നാണ്‌ നക്ഷത്രങ്ങൾ സംസാ​രി​ക്കു​ന്നത്‌.” അതേ, ഒരു തെളിഞ്ഞ രാത്രി​യിൽ നമ്മുടെ നഗ്നനേ​ത്ര​ങ്ങൾക്കൊ​ണ്ടു നാം കാണുന്ന ബഹുഭൂ​രി​പക്ഷം നക്ഷത്ര​ങ്ങ​ളെ​യും നൂററാ​ണ്ടു​കൾക്കു മുമ്പു നമ്മുടെ പൂർവ​പി​താ​ക്കൻമാർ കണ്ടിരു​ന്നു​വെന്നു നാം മനസ്സി​ലാ​ക്കു​മ്പോൾ, ആ അറിവു നമ്മെ താഴ്‌മ​യു​ള്ള​വ​രാ​ക്കു​ന്നി​ല്ലേ? അവയെ “ആദിയിൽ” സൃഷ്ടി​ച്ച​വ​നും പിന്നീട്‌ മാനവ​രാ​ശി​യെ ഉളവാ​ക്കി​യ​വ​നു​മായ പ്രതാ​പ​വാ​നായ ആ ഒരുവ​നോട്‌ നമുക്കു ഭയാദ​രവ്‌ തോന്നു​ന്നി​ല്ലേ? ഭക്ത്യാ​ദ​ര​പൂർവം ഇസ്രാ​യേ​ലി​ലെ ദാവീദു രാജാവ്‌ ഇപ്രകാ​ര​മെ​ഴു​തി: “നിന്റെ വിരലു​ക​ളു​ടെ പണിയായ ആകാശ​ത്തെ​യും നീ ഉണ്ടാക്കിയ ചന്ദ്ര​നെ​യും നക്ഷത്ര​ങ്ങ​ളെ​യും നോക്കു​മ്പോൾ, മർത്യനെ നീ ഓർക്കേ​ണ്ട​തി​ന്നു അവൻ എന്തു? മനുഷ്യ​പു​ത്രനെ സന്ദർശി​ക്കേ​ണ്ട​തി​ന്നു അവൻ എന്തുമാ​ത്രം?” ആകാശങ്ങൾ നമ്മെ താഴ്‌മ​യു​ള്ള​വ​രാ​ക്കു​ക​യും നമ്മുടെ ജീവൻകൊ​ണ്ടു നാം എന്തു ചെയ്യു​ന്നു​വെന്നു ചോദി​ക്കാൻ നമ്മെ പ്രേരി​പ്പി​ക്കു​ക​യും വേണം.—ഉല്‌പത്തി 1:1; സങ്കീർത്തനം 8:3, 4.

ഒരു സന്ദർഭ​ത്തിൽ ദാവീദ്‌ ഇങ്ങനെ പ്രാർഥി​ച്ചു: “നിന്റെ ഇഷ്ടം ചെയ്‌വാൻ എന്നെ പഠിപ്പി​ക്കേ​ണമേ. നീ എന്റെ ദൈവ​മാ​കു​ന്നു​വ​ല്ലോ.” (സങ്കീർത്തനം 143:10) ദാവീ​ദി​ന്റെ പ്രാർഥ​ന​യ്‌ക്ക്‌ ഉത്തരം ലഭിച്ചു​വെന്ന്‌ അദ്ദേഹ​ത്തി​ന്റെ ജീവി​ത​രേഖ സൂചി​പ്പി​ക്കു​ന്നു. ദൈവ​ത്തി​ന്റെ ന്യായ​പ്ര​മാ​ണ​ത്തിൽ വിവരി​ച്ചി​രുന്ന പ്രകാ​ര​മുള്ള അവന്റെ ഇഷ്ടം ചെയ്യാൻ ദാവീദ്‌ പഠിച്ചു. മനുഷ്യ​വർഗത്തെ സംബന്ധിച്ച സ്രഷ്ടാ​വി​ന്റെ ഉദ്ദേശ്യ​ത്തെ​ക്കു​റി​ച്ചു പഠിച്ച അദ്ദേഹം അതി​നെ​ക്കു​റിച്ച്‌ എഴുതി: “കുറ​ഞ്ഞോ​ന്നു കഴിഞ്ഞി​ട്ടു ദുഷ്ടൻ ഇല്ല; . . . എന്നാൽ സൌമ്യ​ത​യു​ള്ളവർ ഭൂമിയെ കൈവ​ശ​മാ​ക്കും; സമാധാ​ന​സ​മൃ​ദ്ധി​യിൽ അവർ ആനന്ദി​ക്കും. . . . ദോഷം വിട്ടൊ​ഴി​ഞ്ഞു ഗുണം ചെയ്‌ക; എന്നാൽ നീ സദാകാ​ലം സുഖമാ​യി വസിക്കും. . . . നീതി​മാൻമാർ ഭൂമിയെ അവകാ​ശ​മാ​ക്കി എന്നേക്കും അതിൽ വസിക്കും.” ആ ഉദ്ദേശ്യ​ത്തെ​ക്കു​റി​ച്ചുള്ള അറിവി​നോ​ടൊ​പ്പം ഉത്തരവാ​ദി​ത്വ​വും കൈവന്നു: “ദോഷം വിട്ടൊ​ഴി​ഞ്ഞു ഗുണം ചെയ്‌ക.”—സങ്കീർത്തനം 37:10, 11, 27-29.

മുഴു മനുഷ്യ​വർഗ​ത്തി​നും വേണ്ടി നക്ഷത്ര​ങ്ങൾക്കു നൽകാ​നു​ള്ളത്‌ ഒരേ സന്ദേശം തന്നെയാണ്‌. അവയെ ആരാധി​ക്കാ​തെ അഥവാ അവയോട്‌ “ആലോചന ചോദി”ക്കാതെ നമുക്കു സ്രഷ്ടാ​വി​ന്റെ സ്‌നേഹം, ജ്ഞാനം, ശക്തി മുതലായ ഗുണങ്ങൾ അവയിൽ പ്രതി​ഫ​ലി​ക്കു​ന്നതു കാണാ​നാ​കും. ജ്യോ​തി​ഷ​ത്തിൽനി​ന്നു വിഭി​ന്ന​മായ ജ്യോ​തി​ശ്ശാ​സ്‌ത്ര​ത്തെ​ക്കു​റി​ച്ചുള്ള പഠനം നമ്മുടെ ഹൃദയ​ങ്ങ​ളിൽ ഭയാദ​രവ്‌ ജനിപ്പി​ക്കേ​ണ്ട​തുണ്ട്‌. എന്നാൽ അതി​നെ​ക്കാ​ള​ധി​കം, ദൈവ​ത്തെ​ക്കു​റി​ച്ചു കൂടുതൽ പഠിക്കാ​നുള്ള ഒരാ​ഗ്രഹം അത്‌ നമ്മിൽ ഉൾനടു​ന്നി​ല്ലേ? ആ ഉദ്ദേശ്യ​ത്തി​നു വേണ്ടി​ത്ത​ന്നെ​യാണ്‌ അവൻ തന്റെ വചനമായ ബൈബിൾ പ്രദാനം ചെയ്‌തി​രി​ക്കു​ന്നത്‌. നക്ഷത്ര​ങ്ങ​ളിൽനി​ന്നു നിങ്ങൾ ഈ സന്ദേശം വിവേ​ചി​ച്ച​റി​ഞ്ഞെ​ങ്കിൽ, യഹോവ മനുഷ്യ​വർഗ​ത്തി​നു വേണ്ടി കരുതി​വെ​ച്ചി​രി​ക്കു​ന്ന​തി​നെ​ക്കു​റി​ച്ചു നിങ്ങൾക്കു പഠിക്കാൻ കഴിയും. മാത്രമല്ല, അതിലും പ്രധാ​ന​മാ​യി, അവർക്കു വേണ്ടി അവൻ ഒരുക്കി​യി​രി​ക്കുന്ന അനു​ഗ്ര​ഹ​ങ്ങ​ളിൽ നിങ്ങൾക്കു പങ്കുപ​റ​റാൻ കഴിയുന്ന വിധ​ത്തെ​ക്കു​റി​ച്ചും നിങ്ങൾക്കു പഠിക്കാ​നാ​കും. നിങ്ങൾക്കു ദൈവ​ത്തെ​യും ജീവി​തോ​ദ്ദേ​ശ്യ​ത്തെ​യും സംബന്ധിച്ച ചോദ്യ​ങ്ങൾ ഉണ്ടെങ്കിൽ, നിങ്ങളു​ടെ പ്രദേ​ശത്തെ യഹോ​വ​യു​ടെ സാക്ഷി​ക​ളു​മാ​യി ബന്ധപ്പെ​ടാൻ മടി വിചാ​രി​ക്ക​രുത്‌. അല്ലെങ്കിൽ 5-ാം പേജിൽ കൊടു​ത്തി​രി​ക്കുന്ന നിങ്ങളു​ടെ ഏററവു​മ​ടു​ത്തുള്ള വിലാ​സ​ത്തിൽ എഴുതുക.

[8-ാം പേജിലെ ചിത്രം]

നക്ഷത്രങ്ങൾക്കു നമ്മെ താഴ്‌മ പഠിപ്പി​ക്കാൻ കഴിയും