ചിലപ്പൻ പക്ഷി യഥാർഥ​ത്തിൽ ഒരു കള്ളനോ?

പത്തൊ​മ്പ​താം നൂററാ​ണ്ടി​ലെ ഇററാ​ലി​യൻ രചയി​താ​വായ റോസ്സി​നി 1817-ൽ ലാ ഗാസ്സാ ലാഡ്രാ (കള്ളൻ ചിലപ്പൻ പക്ഷി) എന്ന സംഗീ​ത​നാ​ടകം രചിച്ച​പ്പോൾ ചിലപ്പൻ പക്ഷി ഒരു കള്ളനാ​ണെ​ന്നാ​യി​രു​ന്നു അദ്ദേഹ​ത്തി​ന്റെ ഉറച്ച വിശ്വാ​സം. ഈ പക്ഷിയു​ടെ ഈ ബഹിർദൃ​ഷ്ടി​യു​ടെ കാര്യ​ത്തിൽ മററാ​ളു​കൾക്കും സമാന​മായ ഒരു ധാരണ​യുണ്ട്‌. “പെസ്‌ക്കി റോഗ്‌സ്‌ എന്നു പേരുള്ള ചിലപ്പൻ പക്ഷികൾ പടിഞ്ഞാ​റൻ ഐക്യ​നാ​ടു​ക​ളി​ലെ സാഹസം കാട്ടുന്ന വിനോ​ദ​പ്രി​യ​രായ യുവാ​ക്ക​ളെ​പ്പോ​ലെ​യാണ്‌” എന്ന്‌ വടക്കേ അമേരി​ക്ക​യി​ലെ പക്ഷിക​ളെ​ക്കു​റി​ച്ചുള്ള പുസ്‌തകം [ഇംഗ്ലീഷ്‌] പറയുന്നു. കരി​ങ്കൊ​ക്കുള്ള ഈ ചിലപ്പൻ പക്ഷിക​ളെ​ക്കു​റിച്ച്‌ മററു​ള്ളി​ട​ങ്ങ​ളിൽ അറിയാ​മാ​യി​രു​ന്നു. എങ്കിലും ഐക്യ​നാ​ടു​ക​ളിൽ അവയെ കണ്ടെത്തി​യത്‌ പടിഞ്ഞാ​റൻ ഐക്യ​നാ​ടു​ക​ളു​ടെ കണ്ടെത്ത​ലിൽ കലാശിച്ച 1804-1806 കാലയ​ള​വിൽ നടന്ന ലൂയസി​ന്റെ​യും ക്ലാർക്കി​ന്റെ​യും വിഖ്യാ​ത​മായ പര്യട​ന​കാ​ല​ത്താണ്‌. ചിലപ്പൻ പക്ഷികൾ തങ്ങളുടെ കൂടാ​ര​ങ്ങ​ളിൽ കയറി ആഹാരം മോഷ്ടി​ച്ച​താ​യി സംഘാം​ഗങ്ങൾ പറയുന്നു.

നിങ്ങൾ യൂറോ​പ്പി​ലോ ഏഷ്യയി​ലോ ഓസ്‌​ട്രേ​ലി​യ​യി​ലോ വടക്കേ അമേരി​ക്ക​യി​ലോ ആണ്‌ താമസി​ക്കു​ന്ന​തെ​ങ്കിൽ നിങ്ങളു​ടെ പ്രദേ​ശത്തെ ചിലപ്പൻ പക്ഷികളെ നിങ്ങൾക്കു തിരി​ച്ച​റി​യാൻ കഴി​ഞ്ഞേ​ക്കും. അതു സാധാ​ര​ണ​മാ​യി 56 സെൻറി​മീ​ററർ വരെ നീളമുള്ള ഒരു വലിയ പക്ഷിയാണ്‌. അതിന്റെ ചിറകു​ക​ളി​ലും ശരീര​ത്തി​ലും സുവ്യ​ക്ത​മായ കറുപ്പും വെളു​പ്പും നിറങ്ങ​ളുണ്ട്‌. അതിനു മഴവി​ല്ലൊ​ളി​യാർന്ന പച്ചനി​റ​ത്തി​ലുള്ള നീണ്ട വാലും ബലമുള്ള കൊക്കും ഉണ്ട്‌. ചിലപ്പൻ പക്ഷികൾ പലപ്പോ​ഴും കൂട്ടങ്ങ​ളാ​യാണ്‌ പാർക്കു​ന്നത്‌. അവ തങ്ങളുടെ പ്രദേ​ശ​ത്തു​നി​ന്നു മനുഷ്യ​രെ പോലും ധൈര്യ​സ​മേതം അകററി​നിർത്തു​ന്നു.

ഉദരവും തൂവലു​ക​ളു​ടെ അററവും മാത്രം വെളു​ത്തി​രി​ക്കുന്ന മൊത്ത​ത്തിൽ കറുത്ത ഒരു പക്ഷിയാ​ണെന്നേ ബ്രിട്ടീഷ്‌ ചിലപ്പൻ പക്ഷിയെ ഒററ​നോ​ട്ട​ത്തിൽ തോന്നൂ. എന്നാൽ അതിനു തീവ്ര​വും എന്നാൽ അത്ര പ്രകട​വു​മ​ല്ലാത്ത ചില വർണങ്ങ​ളുണ്ട്‌. അതിന്റെ ശരീര​ത്തി​നും വാലിലെ നീണ്ട തൂവലു​കൾക്കും ഊതനി​റ​വും പച്ചനി​റ​വും കലർന്ന ഒരു മിനു​ക്ക​മുണ്ട്‌. വാലിന്റെ അഗ്രഭാ​ഗ​ത്താ​യി അൽപ്പം പിച്ചള നിറമുണ്ട്‌. അതിന്റെ വാൽ മൊത്തം ശരീര​നീ​ള​ത്തി​ന്റെ പകുതി​യി​ല​ധി​കം വരും.

ഓസ്‌​ട്രേ​ലി​യ​യി​ലെ ചിലപ്പൻ പക്ഷികൾ അവയുടെ മധുര​ഗാ​നം ചിലച്ചു​പാ​ടു​ക​യും കൂജനം ചെയ്യു​ക​യും ചെയ്യു​മ്പോൾ അതു കേൾക്കാൻ ആമോ​ദ​മാണ്‌. ചിലപ്പൻ പക്ഷിക​ളു​ടെ കൂജന​ങ്ങ​ളും ചിരി​ക്കു​തിര എന്നറി​യ​പ്പെ​ടുന്ന കൂക്കബറ എന്ന പക്ഷിയു​ടെ സാന്നി​ധ്യ​വും നിങ്ങൾ ഓസ്‌​ട്രേ​ലി​യ​യിൽ ആണെന്നു​ള്ള​തി​ന്റെ ഒരു സ്‌പഷ്ട​മായ അടയാ​ള​മാണ്‌. ചിലപ്പൻ പക്ഷിയു​ടെ വ്യതി​രി​ക്ത​മായ ഗാനം കൂടാതെ അതിന്റെ മിനു​മി​നുത്ത മുതു​കി​ലും പൃഷ്ടഭാ​ഗ​ത്തും ചിറകു​ക​ളി​ലും വാലിന്റെ അടിഭാ​ഗ​ത്തു​മുള്ള വെള്ളപ്പാ​ടു​കൾ കണ്ടാലും നിങ്ങൾക്ക്‌ അതിനെ തിരി​ച്ച​റി​യാം.

അതു​കൊണ്ട്‌ അതു യഥാർഥ​ത്തിൽ ഒരു കള്ളനാ​ണോ? വടക്കേ അമേരി​ക്ക​യു​ടെ പാട്ടും തോട്ട​പ്പ​ക്ഷി​ക​ളും [ഇംഗ്ലീഷ്‌] എന്ന പുസ്‌തകം ഇപ്രകാ​രം പ്രസ്‌താ​വി​ക്കു​ന്നു: “ഒരു കള്ളനും ശവംതീ​നി​യും ആണെന്നു പറഞ്ഞ്‌ പടിഞ്ഞാ​റൻ ഐക്യ​നാ​ടു​ക​ളിൽ വളരെ​നാ​ളാ​യി കരി​ങ്കൊ​ക്കുള്ള ചിലപ്പൻ പക്ഷി​യോട്‌ ആളുകൾ അവജ്ഞ കാട്ടി​യി​രു​ന്നു.” എന്നാൽ രണ്ടാമതു പറഞ്ഞ വിമർശ​ന​വാക്ക്‌ ഒരു പ്രശം​സാ​വാ​ക്കാണ്‌. എന്തു​കൊണ്ട്‌? എന്തു​കൊ​ണ്ടെ​ന്നാൽ ശവംതീ​നി​ക​ളായ ജീവികൾ മററു മൃഗങ്ങ​ളു​ടെ​യും പക്ഷിക​ളു​ടെ​യും ശവശരീ​രങ്ങൾ നീക്കം ചെയ്യുന്നു. അവഹേ​ളി​ച്ചാ​ലും ശരി വിലമ​തി​ച്ചാ​ലും ശരി നമ്മുടെ ഭൂമിയെ മനോ​ഹ​ര​മാ​ക്കി അതിനു മാററു വർധി​പ്പി​ക്കുന്ന 9,300 പക്ഷിവർഗ​ങ്ങ​ളിൽ ഒന്നാണ്‌ ചിലപ്പൻ പക്ഷി.