ആഫ്രി​ക്ക​യി​ലെ കത്തോ​ലി​ക്കാ സഭ

ഇററലിയിലെ ഉണരുക!ലേഖകൻ

കത്തോ​ലി​ക്കാ സഭയ്‌ക്ക്‌ ആഫ്രി​ക്ക​യിൽ കോടി​ക്ക​ണ​ക്കിന്‌ അംഗങ്ങ​ളുണ്ട്‌, അവിടത്തെ അതിന്റെ പ്രശ്‌നങ്ങൾ പ്രാധാ​ന്യ​മു​ള്ള​താ​ണു​താ​നും. ആ പ്രശ്‌ന​ങ്ങ​ളിൽ ചിലതി​നെ​ക്കു​റി​ച്ചു ചർച്ച ചെയ്യാൻ 300-ലധികം സഭാ​നേ​താ​ക്കൻമാർ ഈ വർഷമാ​ദ്യം റോമി​ലെ വത്തിക്കാ​നിൽ കൂടി​വന്നു, ആ പ്രത്യേക കർദി​നാൾയോ​ഗം ഒരു മാസം നീണ്ടു​നി​ന്നു.

ലോ​സെർവാ​റേ​റാ​റെ റോമാ​നോ റിപ്പോർട്ടു ചെയ്‌ത​പ്ര​കാ​രം പരിപാ​ടി​കൾക്കു തുടക്കം കുറി​ച്ചു​കൊണ്ട്‌ പാപ്പാ ഇങ്ങനെ പറഞ്ഞു: “മുഴു ഭൂഖണ്ഡ​വും ഉൾപ്പെ​ടുന്ന ആഫ്രിക്കൻ സഭയുടെ ഒരു കർദി​നാൾയോ​ഗം ഇന്ന്‌ ആദ്യമാ​യി നടക്കു​ക​യാണ്‌. . . . ഇന്ന്‌ സെൻറ്‌ പീറേ​റ​ഴ്‌സ്‌ ബെസി​ലി​ക്ക​യിൽ ആഫ്രിക്ക മുഴു​വ​നും സന്നിഹി​ത​മാണ്‌. ആഴമായ വാത്സല്യ​ത്തോ​ടെ റോമി​ലെ ബിഷപ്പ്‌ ആഫ്രി​ക്കയെ അഭിവാ​ദനം ചെയ്യുന്നു.”

വർഗീയ യുദ്ധം

പലർക്കും അറിയാ​വു​ന്ന​തു​പോ​ലെ, ബുറൂണ്ടി, റുവാണ്ട എന്നീ ആഫ്രിക്കൻ രാജ്യ​ങ്ങ​ളിൽ കത്തോ​ലി​ക്കാ സഭയുടെ പ്രശ്‌നങ്ങൾ പ്രത്യേ​കി​ച്ചും വലുതാണ്‌. ആ രാജ്യ​ങ്ങ​ളിൽ അധിക​പ​ങ്കും കത്തോ​ലി​ക്ക​രാണ്‌. അവിടെ നടന്ന വർഗീയ യുദ്ധം ഈ കഴിഞ്ഞ വസന്തത്തിൽ അന്തർദേ​ശീയ വാർത്ത പിടി​ച്ചു​പ​ററി. അവിടെ ലക്ഷക്കണ​ക്കി​നാ​ളു​കൾ തങ്ങളുടെ അയൽക്കാ​രാൽ അരു​ങ്കൊല ചെയ്യ​പ്പെട്ടു. ഒരു ദൃക്‌സാ​ക്ഷി ഇങ്ങനെ റിപ്പോർട്ടു ചെയ്‌തു: “മുതു​കത്തു കൊച്ചു​കു​ട്ടി​ക​ളെ​യും പേറി​ന​ട​ക്കുന്ന സ്‌ത്രീ​കൾ കൊല​പാ​തകം നടത്തു​ന്നതു ഞങ്ങൾ കണ്ടു. കുട്ടികൾ കുട്ടി​കളെ കൊല ചെയ്യു​ന്നതു ഞങ്ങൾ കണ്ടു.”

നാഷണൽ കാത്തലിക്‌ റിപ്പോർട്ടർ കത്തോ​ലി​ക്കാ ഭരണ​നേ​തൃ​ത്വ​ത്തി​ന്റെ അതി​വേ​ദ​ന​യെ​ക്കു​റി​ച്ചു പറയു​ക​യു​ണ്ടാ​യി. “ആഫ്രി​ക്ക​യി​ലെ കൊച്ചു​രാ​ഷ്‌ട്ര​ത്തിൽ [ബുറൂ​ണ്ടി​യിൽ] നടന്ന പോരാ​ട്ട​ത്തെ​ക്കു​റി​ച്ചുള്ള പുത്തൻ റിപ്പോർട്ടു​കൾ കേട്ട​പ്പോൾ” പാപ്പാ​യ്‌ക്കു “‘തീവ്ര​വേദന തോന്നി’യതായി” അതു പറഞ്ഞു. “അവിടത്തെ ജനസം​ഖ്യ​യി​ല​ധി​ക​വും കത്തോ​ലി​ക്ക​രാണ്‌.”

റുവാ​ണ്ട​യിൽ നടന്ന കൂട്ടക്കു​രു​തി​കൾ കത്തോ​ലി​ക്കാ ഭരണ​നേ​തൃ​ത്വ​ത്തെ സംബന്ധി​ച്ചി​ട​ത്തോ​ളം അതിലും കൂടുതൽ വിനാ​ശ​ക​മാ​യി​രു​ന്നു. “70% കത്തോ​ലി​ക്ക​രുള്ള രാഷ്‌ട്ര​ത്തി​ലെ നരഹത്യ​യെ പാപ്പാ അപലപി​ക്കു​ന്നു” എന്നതാ​യി​രു​ന്നു അതേ ദിനപ​ത്ര​ത്തി​ലെ ഒരു തലക്കെട്ട്‌. ആ ലേഖനം ഇപ്രകാ​രം അഭി​പ്രാ​യ​പ്പെട്ടു: “ആഫ്രിക്കൻ രാഷ്‌ട്ര​ത്തി​ലെ പോരാ​ട്ട​ത്തിൽ ‘യഥാർഥ നരഹത്യ ഉൾപ്പെ​ടു​ന്നു, നിർഭാ​ഗ്യ​ക​ര​മെന്നു പറയട്ടെ, അതിനു കത്തോ​ലി​ക്കർ പോലും ഉത്തരവാ​ദി​ക​ളാണ്‌,’ പാപ്പാ പറഞ്ഞു.”

റുവാ​ണ്ട​യി​ലെ കൊടും​ക്രൂ​ര​തകൾ അരങ്ങേ​റി​യ​തും ചരി​ത്ര​പ്ര​ധാ​ന​മായ കത്തോ​ലി​ക്കാ കർദി​നാൾയോ​ഗം റോമിൽ നടന്നതും ഒരേ സമയത്താ​യ​തു​കൊണ്ട്‌ സ്‌പഷ്ട​മാ​യും ബിഷപ്പു​മാ​രു​ടെ ശ്രദ്ധ റുവാ​ണ്ട​യി​ലെ സ്ഥിതി​വി​ശേ​ഷ​ത്തിൽ കേന്ദ്രീ​ക​രി​ച്ചി​രു​ന്നു. നാഷണൽ കാത്തലിക്‌ റിപ്പോർട്ടർ ഇങ്ങനെ അഭി​പ്രാ​യ​പ്പെട്ടു: “റുവാ​ണ്ട​യി​ലെ പോരാ​ട്ടം ഞെട്ടി​ക്കുന്ന ഒരു കാര്യ​മാ​ണു വെളി​പ്പെ​ടു​ത്തു​ന്നത്‌: വർഗീ​യ​ചി​ന്തയെ മറിക​ട​ക്കാൻ മതിയായ ആഴത്തിൽ ക്രിസ്‌തീയ വിശ്വാ​സം ആഫ്രി​ക്ക​യിൽ വേരു​പി​ടി​ച്ചി​ട്ടില്ല.”

സമ്മേളി​ത​രാ​യ ബിഷപ്പു​മാ​രു​ടെ ഉത്‌ക​ണ്‌ഠയെ പ്രതി​പാ​ദി​ച്ചു​കൊണ്ട്‌ നാഷണൽ കാത്തലിക്‌ റിപ്പോർട്ടർ ഇങ്ങനെ തുടർന്നു പറഞ്ഞു: “കർദി​നാൾയോ​ഗ​ത്തോ​ടു സംസാ​രി​ക്കവേ നൈജീ​രി​യ​യി​ലെ ഓക്കയി​ലുള്ള ബിഷപ്പായ ആൽബെർട്ട്‌ കാനെൻ ഓബീ​യെ​ഫ്യൂ​ണ ഈ വിഷയം [വർഗീ​യ​ചിന്ത] കൈകാ​ര്യം ചെയ്‌തു.” തന്റെ പ്രസം​ഗ​ത്തിൽ ഓബീ​യെ​ഫ്യൂ​ണ ഇങ്ങനെ വിശദീ​ക​രി​ച്ചു: “ഒരു സാധാരണ ആഫ്രി​ക്ക​ക്കാ​രൻ കുടും​ബ​ജീ​വി​ത​വും ക്രിസ്‌തീയ ജീവി​ത​വും നയിക്കു​ന്നത്‌ തന്റെ വർഗീയ താത്‌പ​ര്യ​ങ്ങ​ളു​ടെ പശ്ചാത്ത​ല​ത്തി​ലാണ്‌.”

ഓബീ​യെ​ഫ്യൂ​ണ കർദി​നാൾയോ​ഗ​ത്തിൽ, റുവാ​ണ്ടയെ മനസ്സിൽ പിടി​ച്ചു​കൊ​ണ്ടാണ്‌ ഇങ്ങനെ പറഞ്ഞത്‌ എന്നതിനു സംശയ​മില്ല: “ഈ മനോ​ഭാ​വം വളരെ വിപു​ല​വ്യാ​പ​ക​മാണ്‌, അതു​കൊ​ണ്ടു​തന്നെ ഗൗരവ​മുള്ള ഒരു തീരു​മാ​നം ചെയ്യേ​ണ്ടി​വ​രു​മ്പോൾ, സഭയൊ​രു കുടും​ബം എന്ന ക്രിസ്‌തീയ പ്രമാ​ണ​ത്തി​നല്ല, പിന്നെ​യോ ‘രക്തം വെള്ള​ത്തെ​ക്കാൾ കട്ടി​യേ​റി​യ​താണ്‌’ എന്ന പഴഞ്ചൊ​ല്ലി​നാ​ണു മുൻഗണന എന്ന്‌ ആഫ്രി​ക്ക​ക്കാ​രു​ടെ ഇടയിൽ ഒരു ചൊല്ല്‌ സാധാരണ കേൾക്കാം. ഇവിടെ പരാമർശി​ച്ചി​രി​ക്കുന്ന വെള്ളത്താൽ ഒരു സഭയെന്ന കുടും​ബ​ത്തി​ലേക്കു ജനിക്കുന്ന മാമ്മോ​ദീ​സാ വെള്ളവും ഉൾപ്പെ​ടു​ന്നു എന്ന്‌ ഒരുവനു നിഗമനം ചെയ്യാൻ കഴിയും. ക്രിസ്‌ത്യാ​നി ആയിത്തീർന്നി​ട്ടുള്ള ഒരു ആഫ്രി​ക്ക​ക്കാ​രനെ സംബന്ധി​ച്ചു പോലും രക്തബന്ധ​മാ​ണു കൂടുതൽ പ്രധാനം.”

വിശ്വാ​സി​കൾ ചെയ്യണ​മെന്ന്‌ യേശു​ക്രി​സ്‌തു പഠിപ്പി​ച്ച​തു​പോ​ലെ അന്യോ​ന്യം യഥാർഥ​ത്തിൽ സ്‌നേ​ഹി​ക്കുന്ന ഒരു ക്രിസ്‌തീയ സാഹോ​ദ​ര്യം പടുത്തു​യർത്തു​ന്ന​തിൽ കത്തോ​ലി​ക്കാ വിശ്വാ​സം ആഫ്രി​ക്ക​യിൽ പരാജ​യ​പ്പെ​ട്ടി​രി​ക്കു​ന്നു​വെ​ന്നാണ്‌ ആ ബിഷപ്പ്‌ സമ്മതി​ച്ചത്‌. (യോഹ​ന്നാൻ 13:35) എന്നാൽ ആഫ്രി​ക്ക​യി​ലെ കത്തോ​ലി​ക്കരെ സംബന്ധി​ച്ചി​ട​ത്തോ​ളം “രക്തബന്ധ​മാ​ണു കൂടുതൽ പ്രധാനം.” എല്ലാ പരിഗ​ണ​ന​കൾക്കു​മു​പ​രി​യാ​യി വർഗീയ വിദ്വേ​ഷത്തെ പ്രതി​ഷ്‌ഠി​ക്കു​ന്ന​തിൽ ഇതു കലാശി​ച്ചി​രി​ക്കു​ന്നു. പാപ്പാ സമ്മതി​ച്ച​തു​പോ​ലെ, അടുത്ത കാലത്തു നടന്നി​ട്ടുള്ള ഏററവും ഹീനമായ കൊടും​ക്രൂ​ര​ത​ക​ളിൽ ചിലതി​ന്റെ ഉത്തരവാ​ദി​ത്വം ആഫ്രി​ക്ക​യി​ലെ കത്തോ​ലി​ക്കർ വഹി​ക്കേ​ണ്ടി​യി​രി​ക്കു​ന്നു.

അതിജീ​വനം അപകട​ത്തിൽ എന്നു സംസാരം

ആഫ്രി​ക്ക​യിൽ കത്തോ​ലി​ക്കാ​മതം അതിജീ​വി​ക്കു​മോ എന്നതു സംബന്ധിച്ച ഭയപ്പാ​ടു​കൾ കർദി​നാൾയോ​ഗ​ത്തിൽ പങ്കെടുത്ത ആഫ്രിക്കൻ ബിഷപ്പു​മാർ പ്രകടി​പ്പി​ച്ചു. “എന്റെ രാജ്യത്തു സഭ തുടർന്നും നിലനിൽക്കാൻ നാം ആഗ്രഹി​ക്കു​ന്നെ​ങ്കിൽ സാംസ്‌കാ​രിക സമന്വയം (inculturation) വേണോ എന്ന കാര്യ​ത്തി​നു ഗൗരവാ​വ​ഹ​മായ പരിഗണന നാം കൊടു​ക്കേ​ണ്ട​തുണ്ട്‌,” നമീബി​യ​യിൽനി​ന്നുള്ള ഒരു ബിഷപ്പായ ബോണി​ഫേ​ഷ്യസ്‌ ഹൗഷിക്കൂ പറഞ്ഞു.

സമാന​മാ​യ വികാ​രങ്ങൾ പ്രകടി​പ്പി​ച്ചു​കൊണ്ട്‌ ഇററലി​യി​ലെ കത്തോ​ലി​ക്കാ വാർത്താ ഏജൻസി​യായ ആഡിസ്‌ററാ ഇങ്ങനെ പറഞ്ഞു: “ആഫ്രി​ക്ക​യിൽ സുവി​ശേ​ഷ​ത്തി​ന്റെ ‘സാംസ്‌കാ​രിക സമന്വയ’ത്തെക്കു​റി​ച്ചു സംസാ​രി​ക്കുക എന്നു പറഞ്ഞാൽ അതിന്റെ അർഥം ആ ഭൂഖണ്ഡ​ത്തിൽ കത്തോ​ലി​ക്കാ സഭയുടെ ഭാഗ​ധേ​യ​ത്തെ​ക്കു​റിച്ച്‌, അതിജീ​വി​ക്കാ​നോ അതിജീ​വി​ക്കാ​തി​രി​ക്കാ​നോ ഉള്ള അതിന്റെ സാധ്യ​ത​ക​ളെ​ക്കു​റിച്ച്‌, സംസാ​രി​ക്കുക എന്നാണ്‌.”

“സാംസ്‌കാ​രിക സമന്വയം” എന്നതി​നാൽ ബിഷപ്പു​മാർ എന്താണ്‌ അർഥമാ​ക്കു​ന്നത്‌?

സഭയും “സാംസ്‌കാ​രിക സമന്വയ”വും

“അതേ യാഥാർഥ്യ​ത്തെ സൂചി​പ്പി​ക്കു​ന്ന​തി​നു ദീർഘ​കാ​ലം ഉപയോ​ഗി​ച്ചു​പോ​ന്നി​ട്ടുള്ള പദം അനുരൂ​പീ​ക​രണം (adaptation) എന്നതാണ്‌” എന്ന്‌ ജോൺ എം. വാളി​ഗ്ഗോ വിശദീ​ക​രി​ച്ചു. ഏറെ ലളിത​മാ​യി പറഞ്ഞാൽ, “സാംസ്‌കാ​രിക സമന്വയ”ത്തിന്റെ അർഥം പുരാതന കർമങ്ങൾക്കും വസ്‌തു​ക്കൾക്കും ആംഗ്യ​ങ്ങൾക്കും സ്ഥലങ്ങൾക്കും പുതിയ പേരും പുതിയ അർഥവും കൊടു​ത്തു​കൊ​ണ്ടു ഗോ​ത്ര​മ​ത​ങ്ങ​ളു​ടെ പാരമ്പ​ര്യ​ങ്ങ​ളും ആശയഗ​തി​ക​ളും കത്തോ​ലി​ക്കാ കർമാ​നു​ഷ്‌ഠാ​ന​ങ്ങ​ളി​ലേ​ക്കും ആരാധ​ന​യി​ലേ​ക്കും സ്വീക​രി​ക്കുക എന്നതാണ്‌.

നല്ല നിലയി​ലുള്ള കത്തോ​ലി​ക്ക​രാ​യി​രി​ക്കാ​നും അതേസ​മ​യം​തന്നെ തങ്ങളുടെ ഗോ​ത്ര​മ​ത​ങ്ങ​ളു​ടെ ആചാര​രീ​തി​ക​ളും കർമാ​നു​ഷ്‌ഠാ​ന​ങ്ങ​ളും വിശ്വാ​സ​ങ്ങ​ളും വച്ചുപു​ലർത്താ​നും സാംസ്‌കാ​രിക സമന്വയം ആഫ്രി​ക്ക​ക്കാ​രെ അനുവ​ദി​ക്കു​ന്നു. ഇതി​നോട്‌ എന്തെങ്കി​ലും എതിർപ്പു​ണ്ടാ​യി​രി​ക്ക​ണ​മോ? ഉദാഹ​ര​ണ​ത്തിന്‌, ഇററലി​യി​ലെ വർത്തമാ​ന​പ​ത്ര​മായ ലാ റെപ്പൂ​ബ്ലിക്ക ഇങ്ങനെ ചോദി​ച്ചു: “യൂറോ​പ്പിൽ ക്രിസ്‌മസ്‌ ഡിസംബർ 25-നു നടന്നി​രുന്ന സോളിസ്‌ ഇൻവി​ക്‌ററി എന്ന ഉത്സവത്തിൽ അടിസ്ഥാ​ന​പ്പെ​ട്ടി​രി​ക്കു​ന്നു എന്നതു സത്യമല്ലേ?”

ആളുക​ളു​ടെ പക്കൽ സുവി​ശേഷം എത്തിക്കു​ന്ന​തി​നു വേണ്ടി​യുള്ള സഭയുടെ കർദി​നാ​ളായ യോസഫ്‌ കാർഡി​നൽ റേറാം​കോ അഭി​പ്രാ​യ​പ്പെ​ട്ട​തു​പോ​ലെ തീർച്ച​യാ​യും “സാംസ്‌കാ​രിക സമന്വയം എന്ന പദം ഉപയോ​ഗി​ക്ക​പ്പെ​ടു​ന്ന​തി​നു ദീർഘ​കാ​ലം മുമ്പു​തന്നെ മിഷനറി സഭ അത്‌ ആചരി​ച്ചു​പോ​ന്നു.” ലാ റെപ്പൂ​ബ്ലിക്ക അഭി​പ്രാ​യ​പ്പെ​ട്ട​തു​പോ​ലെ ക്രിസ്‌മസ്‌ ആഘോഷം അക്കാര്യം വളരെ നന്നായി വരച്ചു​കാ​ട്ടു​ന്നു. പ്രാരം​ഭ​ത്തിൽ അതൊരു പുറജാ​തീയ ആഘോ​ഷ​മാ​യി​രു​ന്നു. “ഡിസംബർ 25 എന്ന തീയതി ക്രിസ്‌തു​വി​ന്റെ ജനന​ത്തോ​ടല്ല ഒത്തുവ​രു​ന്നത്‌, പിന്നെ​യോ സൂര്യാ​യ​ന​കാ​ലത്തു റോമാ​ക്കാർ കൊണ്ടാ​ടിയ നാതാ​ലീസ്‌ സോളിസ്‌ ഇൻവി​ക്‌ററി എന്ന സൂര്യോ​ത്സ​വ​ത്തോ​ടാണ്‌.”

പുറജാ​തീ​യ​മ​ത​ത്തിൽ ആഴത്തിൽ വേരൂ​ന്നി​യി​രി​ക്കുന്ന അനേകം സഭാചാ​ര​ങ്ങ​ളിൽ ഒന്നു മാത്ര​മാണ്‌ ക്രിസ്‌മസ്‌. അത്തരത്തിൽ പെട്ടവ​യാ​ണു ത്രിത്വം, ദേഹി​യു​ടെ അമർത്ത്യത, മരണാ​ന​ന്ത​ര​മുള്ള മാനു​ഷ​ദേ​ഹി​ക​ളു​ടെ നിത്യ​ദ​ണ്ഡനം തുടങ്ങി​യവ. “ആവശ്യ​മാ​യി വന്നാൽ ആളുക​ളു​ടെ നിലവി​ലുള്ള കർമാ​നു​ഷ്‌ഠാ​ന​ങ്ങ​ളെ​യും ആചാര​രീ​തി​ക​ളെ​യും സ്വീക​രി​ക്കാ​നോ അനുക​രി​ക്കാ​നോ അനുവ​ദി​ക്കാ​നോ സജ്ജരാ​യി​രു​ന്നു ആരംഭ​കാ​ലം മുതൽത്തന്നെ സഭയുടെ ഭരണാ​ധി​കാ​രി​കൾ” എന്ന്‌ 19-ാം നൂററാ​ണ്ടി​ലെ ജോൺ ഹെൻട്രി കാർഡി​നൽ ന്യൂമാൻ എഴുതു​ക​യു​ണ്ടാ​യി. സഭയുടെ അനേകം ആചാര​രീ​തി​ക​ളെ​യും വിശേ​ഷ​ദി​ന​ങ്ങ​ളെ​യും പട്ടിക​പ്പെ​ടു​ത്തി​ക്കൊണ്ട്‌ അവ “എല്ലാം പുറജാ​തീയ ഉത്ഭവമു​ള്ള​താ​ണെ​ന്നും സഭ സ്വീക​രി​ച്ച​തി​നാൽ അവ വിശു​ദ്ധീ​ക​രി​ക്ക​പ്പെ​ട്ട​താ​ണെ​ന്നും” അദ്ദേഹം പറഞ്ഞു.

ആഫ്രി​ക്ക​യു​ടെ ചില ഭാഗങ്ങൾ പോലെ ക്രൈ​സ്‌ത​വേതര പ്രദേ​ശ​ങ്ങ​ളിൽ കത്തോ​ലി​ക്കർ പ്രവേ​ശി​ക്കു​മ്പോൾ തങ്ങളുടെ സഭയു​ടേ​തി​നോ​ടു സമാന​ത​യുള്ള മതപര​മായ ആചാര​രീ​തി​ക​ളും വിശ്വാ​സ​ങ്ങ​ളും ആളുകൾ പുലർത്തി​പ്പോ​രു​ന്ന​താ​യി അവർ കണ്ടെത്തു​ന്നു. അതിന്റെ കാരണം മുൻ നൂററാ​ണ്ടു​ക​ളിൽ സഭ ക്രൈ​സ്‌ത​വേതര ജനങ്ങളിൽനിന്ന്‌ ആചാര​രീ​തി​ക​ളും പഠിപ്പി​ക്ക​ലു​ക​ളും സ്വീക​രിച്ച്‌ കത്തോ​ലി​ക്കാ മതത്തി​ലേക്കു കൊണ്ടു​വ​ന്ന​താ​യി​രു​ന്നു. അത്തരം ആചാര​രീ​തി​ക​ളും പഠിപ്പി​ക്ക​ലു​ക​ളും “സഭയി​ലേക്കു കൊണ്ടു​വ​രി​ക​വഴി ശുദ്ധീ​ക​രി​ക്ക​പ്പെട്ടു” എന്ന്‌ കാർഡി​നൽ ന്യൂമാൻ അവകാ​ശ​പ്പെട്ടു.

അങ്ങനെ, കഴിഞ്ഞ വർഷം ജോൺ പോൾ II-ാമൻ പാപ്പാ ആഫ്രി​ക്ക​യി​ലെ ക്രൈ​സ്‌ത​വേതര ജനങ്ങളെ സന്ദർശി​ച്ച​പ്പോൾ അദ്ദേഹം പിൻവ​രു​ന്ന​പ്ര​കാ​രം പറഞ്ഞതാ​യി ലോ​സെർവാ​റേ​റാ​റെ റോമാ​നോ ഉദ്ധരി​ക്കു​ന്നു: “കോണ്ട​നു​വിൽ [ആഫ്രി​ക്ക​യി​ലെ ബനിൻ] വൂഡൂ​മ​ത​ത്തി​ലെ അംഗങ്ങളെ ഞാൻ കാണു​ക​യു​ണ്ടാ​യി. സഭ അവർക്കു വാഗ്‌ദാ​നം ചെയ്യാ​നാ​ഗ്ര​ഹി​ക്കു​ന്നത്‌ ഒരളവിൽ അവരുടെ മനോ​ഭാ​വ​ത്തി​ലും കർമാ​നു​ഷ്‌ഠാ​ന​ങ്ങ​ളി​ലും പ്രതീ​ക​ങ്ങ​ളി​ലും സ്വഭാ​വ​രീ​തി​ക​ളി​ലും അവർക്കു​ണ്ടെന്ന്‌ അവർ സംസാ​രിച്ച വിധത്തിൽനി​ന്നു വ്യക്തമാ​യി​രു​ന്നു. ഒരർഥ​ത്തിൽ മാമ്മോ​ദീ​സ​യ്‌ക്കു മുമ്പു​തന്നെ അവർ അനുസ​രി​ച്ചു ജീവി​ച്ചു​പോ​ന്ന​തും അനുഭ​വി​ച്ചു​കൊ​ണ്ടി​രു​ന്ന​തു​മായ കാര്യ​ങ്ങൾതന്നെ കവാടം കടന്നു​ചെന്ന്‌ മാമ്മോ​ദീ​സ​യി​ലൂ​ടെ അനുസ​രി​ച്ചു ജീവി​ക്കാൻ ആരെങ്കി​ലും വന്ന്‌ തങ്ങളെ സഹായി​ക്കാൻ മാത്ര​മാ​യി​രു​ന്ന​ത്രേ അവർ കാത്തി​രി​ക്കു​ന്നത്‌.”

നിങ്ങൾ എന്തു ചെയ്യണം?

ആഫ്രി​ക്ക​യി​ലെ ആളുകളെ മായം ചേർക്കാത്ത, യഥാർഥ​മായ, ക്രിസ്‌ത്യാ​നി​ത്വം പഠിപ്പി​ക്കു​ന്ന​തിൽ സഭയ്‌ക്കു നേരിട്ട പരാജ​യ​ത്തി​ന്റെ അനന്തര​ഫ​ലങ്ങൾ വിപത്‌ക​ര​മാ​യി​രു​ന്നു. വർഗീ​യ​ചി​ന്താ​ഗതി തുടർന്നു​പോ​ന്നി​രി​ക്കു​ന്നു, മററു ചിലട​ങ്ങ​ളിൽ ദേശീയ ചിന്താ​ഗതി തുടർന്നു​പോ​ന്നി​ട്ടു​ള്ള​തു​പോ​ലെ. അതി​ന്റെ​യെ​ല്ലാം ഫലം കത്തോ​ലി​ക്കർ പരസ്‌പരം കൊല​യിൽ ഏർപ്പെ​ടു​ന്ന​താണ്‌. ക്രിസ്‌തു​വിന്‌ എന്തൊരു അപമാനം! അന്യോ​ന്യം അത്തരം ഹീനമായ കൊല​പാ​ത​ക​ങ്ങ​ളിൽ ഏർപ്പെ​ടു​മ്പോൾ അത്‌ ആളുകളെ “പിശാ​ചി​ന്റെ മക്കൾ” ആയി തിരി​ച്ച​റി​യി​ക്കു​മെന്നു ബൈബിൾ പറയുന്നു, അത്തരക്കാ​രെ സംബന്ധിച്ച്‌ യേശു ഇങ്ങനെ പറഞ്ഞു: “അധർമ്മം പ്രവർത്തി​ക്കു​ന്ന​വരേ, എന്നെ വിട്ടു പോകു​വിൻ.”—1 യോഹ​ന്നാൻ 3:10-12; മത്തായി 7:23.

അതു​കൊണ്ട്‌ ആത്മാർഥ​ഹൃ​ദ​യ​രായ കത്തോ​ലി​ക്കർ എന്തു ചെയ്യേ​ണ്ട​തുണ്ട്‌? തങ്ങളുടെ ആരാധ​നയെ ദൈവ​ദൃ​ഷ്ടി​യിൽ അശുദ്ധ​മാ​ക്കി​ത്തീർക്കുന്ന ആചാര​രീ​തി​ക​ളോ​ടും വിശ്വാ​സ​ങ്ങ​ളോ​ടും അനുര​ഞ്‌ജ​ന​പ്പെ​ടു​ന്ന​തി​നെ​തി​രെ ജാഗ്രത പാലി​ക്കാൻ ബൈബിൾ ക്രിസ്‌ത്യാ​നി​കളെ പ്രോ​ത്സാ​ഹി​പ്പി​ക്കു​ന്നു. “അവിശ്വാ​സി​ക​ളോ​ടു ഇണയല്ലാ​പ്പിണ കൂടരു​തു” എന്നു ബൈബിൾ പറയുന്നു. ദൈവ​ത്തി​ന്റെ പ്രീതി ആസ്വദി​ക്ക​ണ​മെ​ങ്കിൽ നിങ്ങൾ ‘അവരുടെ ഇടയിൽനി​ന്നു വേർപെ​ട്ടി​രി​ക്കു​ക​യും അശുദ്ധ​മാ​യ​തൊ​ന്നും തൊടാ​തി​രി​ക്കു​ക​യും’ വേണം.—2 കൊരി​ന്ത്യർ 6:14-17.

[20-ാം പേജിലെ ആകർഷ​ക​വാ​ക്യം]

‘റുവാ​ണ്ട​യി​ലെ യുദ്ധം ഒരു യഥാർഥ നരഹത്യ​യാണ്‌, അതിനു കത്തോ​ലി​ക്കർ പോലും ഉത്തരവാ​ദി​ക​ളാണ്‌,’ പാപ്പാ പറഞ്ഞു

[18-ാം പേജിലെ ചിത്ര​ത്തിന്‌ കടപ്പാട്‌]

Photo: Jerden Bouman/Sipa Press