പ്രാ​യോ​ഗിക സഹായം നൽകുന്ന മാസി​ക​കൾ

“പ്രവൃ​ത്തി​പ​ഥ​ത്തിൽ കൊണ്ടു​വ​രാ​നാ​യി കഴിഞ്ഞ രണ്ടു വർഷങ്ങ​ളി​ലാ​യി പ്രത്യേ​കി​ച്ചു നിങ്ങൾ ഞങ്ങൾക്കു തന്നു​കൊ​ണ്ടി​രി​ക്കുന്ന അത്‌ഭു​ത​ക​ര​വും പ്രാ​യോ​ഗി​ക​വു​മായ ലേഖന​ങ്ങൾക്കു വളരെ​യ​ധി​കം നന്ദി രേഖ​പ്പെ​ടു​ത്താൻ ഞാൻ ആഗ്രഹി​ക്കു​ന്നു. അവയിൽ ചിലതു ലഭിച്ച​പ്പോൾ ഞാൻ അക്ഷരാർഥ​ത്തിൽ കരഞ്ഞു​പോ​കു​ക​യും യഹോ​വ​യ്‌ക്കു നന്ദി പറയു​ക​യും ചെയ്‌തി​ട്ടുണ്ട്‌. എന്തു​കൊ​ണ്ടെ​ന്നാൽ സത്യത്തി​ലുള്ള നമ്മുടെ വളരെ​യ​ധി​കം സുഹൃ​ത്തു​ക്കൾക്ക്‌ ഇത്തരം വിവര​ങ്ങ​ളു​ടെ അടിയ​ന്തി​രാ​വ​ശ്യ​മുണ്ട്‌. കുട്ടി​ക​ളോ​ടുള്ള ദുഷ്‌പെ​രു​മാ​ററം, മദ്യപാ​നി​ക​ളുള്ള കുടും​ബ​ങ്ങ​ളിൽ വളരൽ, ബലാൽസം​ഗം, ഭവനത്തി​ലെ അക്രമം എന്നീ വിഷയങ്ങൾ ചർച്ച​ചെയ്‌ത ലക്കങ്ങ​ളെ​ക്കു​റി​ച്ചാണ്‌ ഞാൻ പരാമർശി​ക്കു​ന്നത്‌.”—ലിൻഡ ഡബ്ലിയു. എസ്‌., ഇൻഡ്യാ​നാ, യു.എസ്‌.എ.

വാച്ച്‌ട​വർ സൊ​സൈ​ററി പ്രസി​ദ്ധീ​ക​രി​ക്കു​ന്ന​തും യഹോ​വ​യു​ടെ സാക്ഷികൾ ലോക​മൊ​ട്ടാ​കെ വിതരണം ചെയ്യു​ന്ന​തു​മായ വീക്ഷാ​ഗോ​പു​രം, ഉണരുക! മാസി​ക​ക​ളു​ടെ ഉള്ളടക്കം സംബന്ധിച്ച്‌ കഴിഞ്ഞ വർഷങ്ങ​ളിൽ ഞങ്ങൾക്കു ലഭിച്ചി​ട്ടുള്ള അനേകം പ്രോ​ത്സാ​ഹ​ജ​ന​ക​മായ കത്തുക​ളി​ലൊ​ന്നി​ന്റെ ആമുഖ വാക്കു​ക​ളാണ്‌ ഇവ.

120 ഭാഷക​ളിൽ പ്രസി​ദ്ധീ​ക​രി​ക്ക​പ്പെ​ടുന്ന വീക്ഷാ​ഗോ​പു​ര​ത്തി​ന്റെ ഓരോ ലക്കത്തി​ന്റെ​യും വിതരണം 1,60,00,000-ത്തിലധി​കം പ്രതി​ക​ളാ​ണെ​ന്നും ഉണരുക!യുടെ വിതരണം 75 ഭാഷക​ളിൽ ഏതാണ്ട്‌ 1,30,00,000 ആണെന്നും മനസ്സി​ലാ​ക്കു​മ്പോൾ ഈ ആനുകാ​ലിക പ്രസി​ദ്ധീ​ക​ര​ണ​ങ്ങ​ളു​ടെ ലോക​വ്യാ​പക സ്വാധീ​നം നമുക്കു മനസ്സി​ലാ​കും. വീടു​തോ​റു​മുള്ള ശുശ്രൂ​ഷ​യി​ലും അനൗപ​ചാ​രിക സാക്ഷീ​ക​ര​ണ​ത്തി​ലു​മാണ്‌ യഹോ​വ​യു​ടെ സാക്ഷികൾ അവ പൊതു​ജ​ന​ങ്ങൾക്കു സമർപ്പി​ക്കു​ന്നത്‌. കടയിൽപ്പോ​കു​മ്പോൾ, വണ്ടിക്കു പെ​ട്രോൾ അടിക്കു​മ്പോൾ, ബസ്സിലോ തീവണ്ടി​യി​ലോ വിമാ​ന​ത്തി​ലോ യാത്ര​ചെ​യ്യു​മ്പോൾ ഇങ്ങനെ പുറത്തു​പോ​കു​മ്പോ​ഴുള്ള അനൗപ​ചാ​രിക സന്ദർഭ​ങ്ങളെ അഥവാ ദൈനം​ദിന ജീവി​ത​ത്തി​ലെ ഉചിത​മായ മറേറ​തെ​ങ്കി​ലും സമയ​ത്തെ​യാണ്‌ ഇതു പരാമർശി​ക്കു​ന്നത്‌. എന്നാൽ മാസി​കകൾ സമർപ്പി​ക്കു​ന്ന​തി​നുള്ള നൂതന​വും വിജയ​ക​ര​വു​മായ മററു​ചില മാർഗങ്ങൾ ചില സാക്ഷികൾ കണ്ടെത്തി​യി​രി​ക്കു​ന്നു. അവ പരീക്ഷി​ച്ചു​നോ​ക്കാൻ നിങ്ങളും ആഗ്രഹി​ച്ചേ​ക്കാം.

തൊഴിൽ സ്ഥാപനങ്ങൾ സന്ദർശി​ക്കൽ

ഒരു സാക്ഷി​യു​ടെ ഫലകര​മായ പ്രവർത്ത​ന​ങ്ങ​ളെ​പ്പ​ററി ഒരു സഞ്ചാര ശുശ്രൂ​ഷകൻ ഇപ്രകാ​രം എഴുതി: “മററു സാക്ഷികൾ ഭവനത്തിൽ കൂട്ടി​വെ​ച്ചി​രി​ക്കുന്ന ചില ഉണരുക! മാസി​ക​ക​ളു​ടെ പഴയ പ്രതികൾ ശേഖരി​ക്കു​ന്നത്‌ അവൾ ഒരു ലക്ഷ്യമാ​ക്കി​യി​രി​ക്ക​യാണ്‌. എന്നിട്ട്‌ ചില വിഷയ​ങ്ങ​ളിൽ പ്രത്യേക താത്‌പ​ര്യം കാണി​ച്ചേ​ക്കാൻ സാധ്യ​ത​യു​ള്ള​തെന്ന്‌ അവൾക്കു തോന്നുന്ന സ്ഥാപനങ്ങൾ അവൾ സന്ദർശി​ക്കു​ന്നു.” ഏതെല്ലാം തരത്തി​ലുള്ള സ്ഥാപന​ങ്ങ​ളാണ്‌ അവൾ സന്ദർശി​ച്ചി​രി​ക്കു​ന്നത്‌?

“സാമൂ​ഹിക സേവന സ്ഥാപനങ്ങൾ, ഗർഭച്ഛി​ദ്ര വിരുദ്ധ കേന്ദ്രങ്ങൾ, കുടും​ബാ​സൂ​ത്രണ സ്ഥാപനങ്ങൾ, മനോ​രോഗ ചികി​ത്സകർ, മനഃശാ​സ്‌ത്രജ്ഞർ, പൊലീസ്‌ ഡിപ്പാർട്ടു​മെൻറു​കൾ, പ്രൊ​ബേഷൻ ആഫീസു​കൾ, മദ്യമ​യ​ക്കു​മ​രു​ന്നു ദുരു​പ​യോഗ കേന്ദ്രങ്ങൾ, കുട്ടി​ക​ളോ​ടുള്ള ദുഷ്‌പെ​രു​മാ​റ​റ​ത്തി​ന്റെ ചികിത്സാ, പ്രതി​രോധ കേന്ദ്രങ്ങൾ, (മനുഷ്യ​ക്ഷേ​മ​പ്ര​വർത്ത​കരെ ലക്ഷ്യം​വെ​ച്ചു​കൊണ്ട്‌) സുഖക്ഷേമ ഡിപ്പാർട്ടു​മെൻറു​കൾ, പ്രവി​ശ്യാ ആരോഗ്യ ഡിപ്പാർട്ടു​മെൻറു​കൾ, ഡേ കെയർ സെൻറ​റു​കൾ, സ്‌കൂ​ളു​കൾ, സമ്മർദ​മ​നു​ഭ​വി​ക്കു​ന്ന​വരെ ചികി​ത്സി​ക്കുന്ന ആശുപ​ത്രി കേന്ദ്രങ്ങൾ എന്നിവി​ട​ങ്ങ​ളി​ലാണ്‌ അവൾ ശ്രദ്ധ​കേ​ന്ദ്രീ​ക​രി​ച്ചി​രി​ക്കു​ന്നത്‌. ഒരിക്കൽ അവൾ ഒരു സിററി മേയ​റെ​യും സന്ദർശി​ച്ചു.” അവൾക്ക്‌ എന്തു വിജയ​മാ​ണു ലഭിച്ചി​ട്ടു​ള്ളത്‌?

“ആറുമാ​സം മുമ്പ്‌ ഈ അസാധാ​രണ വയലിൽ ശ്രദ്ധ​കേ​ന്ദ്രീ​ക​രി​ക്കാൻ തുടങ്ങി​യിട്ട്‌ ഇതി​നോ​ടകം അവൾ പ്രത്യേക വിഷയ​ങ്ങ​ളി​ലുള്ള 1,784 പഴയ ലക്കങ്ങൾ സമർപ്പി​ച്ചി​രി​ക്കു​ന്നു!”

ഈ സാക്ഷി ഉദ്യോ​ഗ​സ്ഥരെ സന്ദർശി​ക്കുന്ന വിധം എങ്ങനെ​യാണ്‌? അവൾ പറയുന്നു: “ഈ ആളുകൾ ദിവസ​വും കൈകാ​ര്യം ചെയ്യുന്ന വിഷയങ്ങൾ മാസി​കകൾ അവതരി​പ്പി​ച്ചി​രു​ന്നു എന്ന വസ്‌തുത ഒഴിച്ചാൽ സന്ദർശ​ന​ങ്ങ​ളു​ടെ ഇത്രയും വിജയ​ത്തി​നു കാരണം ഞങ്ങൾ ഔദ്യോ​ഗിക രീതി​യിൽ വസ്‌ത്ര​ധാ​രണം ചെയ്‌തു ചെന്നു എന്നുള്ള​താണ്‌.” നമുക്ക്‌ ശുഭാ​പ്‌തി​വി​ശ്വാ​സ​ത്തോ​ടു​കൂ​ടിയ ബിസി​നസ്സ്‌ സമീപ​ന​വും യോജിച്ച രീതി​യി​ലുള്ള വസ്‌ത്ര​ധാ​ര​ണ​വും ചമയവും ഉണ്ടായി​രി​ക്കുന്ന പക്ഷം ഉദ്യോ​ഗസ്ഥർ തീർച്ച​യാ​യും നമ്മെ ആദരി​ക്കും.

അവൾ തന്റെ വിവരണം ഇപ്രകാ​രം തുടരു​ന്നു: “ഞങ്ങൾ ഗർഭച്ഛി​ദ്രം (1993, മേയ്‌ 22) സംബന്ധിച്ച ഉണരുക! കൊടു​ക്കു​ക​യാ​യി​രു​ന്നു. അതു​കൊണ്ട്‌ ഒരു ഗർഭച്ഛി​ദ്ര വിരുദ്ധ കേന്ദ്രം സന്ദർശി​ക്കാൻ ഞാൻ തീരു​മാ​നി​ച്ചു. അശ്രദ്ധ​മാ​യി ഗർഭച്ഛി​ദ്രം നടത്തി​ക്കൊ​ടു​ത്തതു സംബന്ധിച്ച ഒരു വാർത്ത​യിൽ സംഭാ​ഷണം ആരംഭി​ച്ചിട്ട്‌ ഞാൻ ആ മാസി​ക​യി​ലേക്കു ശ്രദ്ധ ക്ഷണിച്ചു. കൂടാതെ വീക്ഷാ​ഗോ​പു​ര​വും കാണിച്ചു. ദൈവം യഥാർത്ഥ​ത്തിൽ നമ്മെ സംബന്ധി​ച്ചു കരുതു​ന്നു​വോ? എന്ന ലഘുപ​ത്രിക കൂടി സമർപ്പി​ക്ക​ത്ത​ക്ക​വി​ധം അത്രമാ​ത്രം നല്ല ഒരു സംഭാ​ഷണം ഞങ്ങൾ തമ്മിൽ അന്നു നടന്നു. അവർ അതെല്ലാം ആകാം​ക്ഷ​യോ​ടെ സ്വീക​രി​ച്ചു.” അടുത്ത​താ​യി അവൾ പോയത്‌ കുടും​ബാ​സൂ​ത്രണ കേന്ദ്ര​ത്തി​ലേ​ക്കാണ്‌. അവി​ടെ​യും അവൾക്കു സമാന​മായ വിജയം ഉണ്ടായി.a

ഈ രീതി​യിൽ മുൻകൈ എടുത്താൽ അതിന്‌ ക്രിയാ​ത്മ​ക​ബ​ന്ധ​ങ്ങ​ളു​ടെ സദാ വർധി​ച്ചു​കൊ​ണ്ടി​രി​ക്കുന്ന ഒരു വലയത്തെ സൃഷ്ടി​ക്കാൻ കഴിയും. നമ്മുടെ മാസി​ക​ക​ളി​ലെ ഗവേഷ​ണ​ത്തി​ലും വിശി​ഷ്ട​മായ എഴുത്തു ശൈലി​യി​ലും ഉദ്യോ​ഗ​സ്ഥ​രായ ആളുകൾക്കു മിക്ക​പ്പോ​ഴും മതിപ്പു​തോ​ന്നാ​റു​ണ്ടെന്ന്‌ ലഭിക്കുന്ന കത്തുക​ളിൽനി​ന്നു ഞങ്ങൾക്കു മനസ്സി​ലാ​കു​ന്നുണ്ട്‌. ദക്ഷിണ അമേരി​ക്ക​യി​ലെ സുരി​നാം പോ​ലെ​യുള്ള ചില രാജ്യ​ങ്ങ​ളിൽ വിദ്യാർഥി​ക​ളും അധ്യാ​പ​ക​രും മുഖ്യ വിദ്യാ​ഭ്യാ​സ മാസി​ക​യാ​യി ഉണരുക! ഉപയോ​ഗി​ക്ക​ത്ത​ക്ക​വി​ധം ഈ സംഗതി അത്രമാ​ത്രം സത്യമാണ്‌. സാക്ഷി​കൾക്ക്‌ അവിടെ മാസികാ സമർപ്പ​ണ​ങ്ങ​ളു​ടെ ഒരു ഉയർന്ന നിരക്കുണ്ട്‌. താത്‌പ​ര്യ​ക്കാർ ഓരോ ലക്കവും വരാൻ കൊതി​യോ​ടെ കാത്തി​രി​ക്കു​ന്നു.

“സ്‌ത്രീ​കൾ—ആദരവ്‌ അർഹി​ക്കു​ന്നു” എന്ന വിഷയം സംബന്ധിച്ച ഉണരുക! ലക്കത്തിലെ ഭാഗങ്ങൾ പദാനു​പദം ഒരു റേഡി​യോ സ്‌റേ​റഷൻ ഉദ്ധരി​ച്ച​താ​യി നൈജീ​രി​യ​യിൽനി​ന്നുള്ള ഒരു റിപ്പോർട്ടു പറഞ്ഞു. (1992 ജൂലൈ 8, ഇംഗ്ലീഷ്‌) അത്‌ എന്താണു സൂചി​പ്പി​ക്കു​ന്നത്‌? റേഡി​യോ, ടിവി സ്‌റേ​റ​ഷ​നു​ക​ളി​ലെ ഡയറക്ടർമാർക്കു മാസി​കകൾ വിജയ​ക​ര​മാ​യി സമർപ്പി​ക്കാൻ കഴിയു​മെന്ന്‌. ഓരോ ലക്കവും പഠിക്കു​ക​യും അഭിഭാ​ഷകർ, അധ്യാ​പകർ, ഉപദേ​ശകർ, പൊലീ​സു​കാർ, നഴ്‌സു​മാർ, ഡോക്ടർമാർ, മറേറ​തെ​ങ്കി​ലും തൊഴിൽ രംഗത്തു​ള്ളവർ എന്നിങ്ങനെ കൈകാ​ര്യം ചെയ്യ​പ്പെ​ട്ടി​രി​ക്കുന്ന വിഷയ​ത്തിൽ ആ പ്രദേ​ശത്തു വിദഗ്‌ധ​രാ​യി​രി​ക്കു​ന്ന​വരെ കണ്ടുപി​ടി​ക്കു​ക​യും ചെയ്യേണ്ട ആവശ്യ​മേ​യു​ള്ളൂ.

മറെറാ​രു സാക്ഷി വ്യത്യ​സ്‌ത​മായ ഒരു സമീപനം ഉപയോ​ഗി​ച്ചു. അവൾ ഇപ്രകാ​രം ചോദി​ച്ചു​കൊണ്ട്‌ അവതരണം തുടങ്ങി: “നിങ്ങൾക്ക്‌ ക്വിസ്സ്‌ ഇഷ്ടമാ​ണോ? മിക്കയാ​ളു​കൾക്കും ഇഷ്ടമാണ്‌. ‘നിങ്ങൾ എപ്പോ​ഴെ​ങ്കി​ലും ആശ്ചര്യ​പ്പെ​ട്ടി​ട്ടു​ണ്ടോ?’ എന്ന തലക്കെ​ട്ടിൻ കീഴിൽ ഉണരുക!യുടെ ഈ ലക്കത്തിൽ (ജനുവരി 8, 1994 അല്ലെങ്കിൽ സെപ്‌റ​റം​ബർ 8, 1994) ഒരെണ്ണ​മുണ്ട്‌. ചോദ്യ​ങ്ങൾക്കുള്ള നിങ്ങളു​ടെ ഉത്തരങ്ങൾ എഴുതാ​മ​ല്ലോ. ആ ഉത്തരങ്ങൾ ബൈബിൾ ഉത്തരങ്ങ​ളു​മാ​യി ഒത്തു​നോ​ക്കാൻ ഞാൻ മറെറാ​രു ദിവസം മടങ്ങി​വ​രാം.” ഈ രീതിയെ അടിസ്ഥാ​ന​മാ​ക്കി അവൾ രസകര​മായ അനേകം സംഭാ​ഷ​ണങ്ങൾ നടത്തി. അനേകം ബൈബി​ള​ധ്യ​യ​ന​ങ്ങൾക്കു തുടക്ക​മി​ടു​ക​യും ചെയ്‌തു.

നിങ്ങൾ സംസാ​രി​ക്കുന്ന പ്രത്യേക ഉദ്യോ​ഗ​സ്ഥന്‌ ആകർഷ​ക​മാ​യേ​ക്കാ​വുന്ന വിഷയ​ങ്ങ​ളുള്ള അടുത്ത​കാ​ലത്തെ ലക്കങ്ങൾ കാണി​ക്കു​ക​യെ​ന്ന​താ​ണു മറെറാ​രു പ്രാ​യോ​ഗിക നിർദേശം. നേരത്തെ പരാമർശിച്ച ലിൻഡ​യ്‌ക്ക്‌ വ്യത്യസ്‌ത രീതി​യി​ലുള്ള പഠന പദ്ധതികൾ ഉപയോ​ഗി​ക്കുന്ന ഒരു സ്‌കൂ​ളി​ലെ കാര്യ​നിർവാ​ഹക അഥവാ ഉപദേ​ശ​ക​യു​മാ​യി പിൻവ​രുന്ന അനുഭവം ഉണ്ടായി. “ആ മാസി​കകൾ ഞാൻ അവരുടെ കയ്യിൽ കൊടു​ത്ത​പ്പോൾ ‘സമ്മർദം അനുഭ​വി​ക്കുന്ന കുട്ടികൾ’ എന്ന തലക്കെട്ടു കണ്ടിട്ട്‌ അവർ പറഞ്ഞു: ‘ഇന്നു ദൈവം നിങ്ങളെ ഇവിടെ അയച്ചതാണ്‌!’ കുട്ടി​കൾക്കു സമ്മർദം ഒഴിവാ​ക്കാൻ കഴിയുന്ന വിധം സംബന്ധിച്ച്‌ അവർക്ക്‌ ആ ദിവസം തന്നെ ഒരു ഭാഗം പഠിപ്പി​ക്കാ​നു​ണ്ടാ​യി​രു​ന്നു. നിങ്ങളു​ടെ യൗവനം—അതു പരമാ​വധി ആസ്വദി​ക്കുക എന്ന പുസ്‌ത​കത്തെ പരസ്യ​പ്പെ​ടു​ത്തി​ക്കൊ​ണ്ടുള്ള മാസി​ക​യു​ടെ പുറകി​ലത്തെ പേജിലെ അനുഭവം കണ്ടപ്പോൾ അവർ അതിന്റെ ഒരു പ്രതി ആവശ്യ​പ്പെട്ടു. ഞാൻ ആ പുസ്‌ത​ക​ത്തിൽനിന്ന്‌ ആത്മഹത്യ​യെ​പ്പ​റ​റി​യുള്ള ഒരു ഉദ്ധരണി കാണി​ക്കാൻ ഇടയായി. അപ്പോൾ അവർ ഇപ്രകാ​രം പറഞ്ഞു: ‘ദൈവം നിങ്ങളെ ഇവിടെ അയച്ചതാ​ണെന്ന്‌ എനിക്കി​പ്പോൾ മനസ്സി​ലാ​യി!’ ജീവി​ക്കാൻ ആഗ്രഹ​മി​ല്ലാത്ത ഒരു ആൺകു​ട്ടിക്ക്‌ അവൾ ബുദ്ധ്യു​പ​ദേശം കൊടു​ത്തതേ ഉണ്ടായി​രു​ന്നു​ള്ളൂ. ഇപ്പോൾ അവനു കൊടു​ക്കാൻ അവളുടെ പക്കൽ കൂടുതൽ വിവര​ങ്ങ​ളുണ്ട്‌.”

മുൻകൈ എടുക്കുന്ന രീതി​യും തയ്യാറാ​ക​ലും അതോ​ടൊ​പ്പം ക്രിയാ​ത്മക മനോ​ഭാ​വ​വും ഉണ്ടെങ്കിൽ ആശ്വാ​സ​ത്തി​ന്റെ ദൈവ​വ​ച​ന​വു​മാ​യി നമുക്ക്‌ വളരെ​യ​ധി​കം ആളുക​ളു​ടെ പക്കൽ എത്തി​ച്ചേ​രാ​നാ​വും. അപ്പോ​സ്‌ത​ല​നായ പൗലോസ്‌ എഴുതി​യ​തു​പോ​ലെ: “മനസ്സലി​വുള്ള പിതാ​വും സർവ്വാ​ശ്വാ​സ​വും നൽകുന്ന ദൈവ​വു​മാ​യി നമ്മുടെ കർത്താ​വായ യേശു​ക്രി​സ്‌തു​വി​ന്റെ പിതാ​വായ ദൈവം വാഴ്‌ത്ത​പ്പെ​ട്ടവൻ. ദൈവം ഞങ്ങളെ ആശ്വസി​പ്പി​ക്കുന്ന ആശ്വാ​സം​കൊ​ണ്ടു ഞങ്ങൾ യാതൊ​രു കഷ്ടത്തി​ലു​മു​ള്ള​വരെ ആശ്വസി​പ്പി​പ്പാൻ ശക്തരാ​കേ​ണ്ട​തി​ന്നു ഞങ്ങൾക്കുള്ള കഷ്ടത്തിൽ ഒക്കെയും അവൻ ഞങ്ങളെ ആശ്വസി​പ്പി​ക്കു​ന്നു.”—2 കൊരി​ന്ത്യർ 1:3, 4.

[അടിക്കു​റി​പ്പു​കൾ]

[23-ാം പേജിലെ ചിത്രം]

സാമൂഹിക സേവന സ്ഥാപന​ങ്ങൾക്ക്‌ ആവശ്യ​മായ പ്രാ​യോ​ഗിക വിവരങ്ങൾ മാസി​ക​ക​ളി​ലുണ്ട്‌

[24-ാം പേജിലെ ചിത്രം]

വീക്ഷാഗോപുരവും ഉണരുക!യും അനേക സാഹച​ര്യ​ങ്ങ​ളിൽ വാഗ്‌ദാ​നം ചെയ്യാൻ കഴിയും