ലോക​ത്തി​ന്റെ ഭാഗമ​ല്ലെ​ന്നോ?

ജർമനിയിലെ ഉണരുക! ലേഖകൻ

“ഞാൻ ലോക​ത്തി​ന്റെ ഭാഗമ​ല്ലാ​തി​രി​ക്കു​ന്ന​തു​പോ​ലെ അവരും ലോക​ത്തി​ന്റെ ഭാഗമല്ല.” (യോഹ​ന്നാൻ 17:16, NW) ഈ വാക്കു​ക​ളിൽ യേശു രാഷ്‌ട്രീയ കാര്യ​ങ്ങ​ളോ​ടുള്ള തന്റെ അനുഗാ​മി​ക​ളു​ടെ പരിപൂർണ നിഷ്‌പ​ക്ഷ​ത​യെ​പ്പ​ററി വിവരി​ക്കു​ക​യാ​യി​രു​ന്നു. ഇന്നത്തെ നാമധേയ ക്രിസ്‌ത്യാ​നി​കൾ ഈ നിലവാ​ര​ത്തോട്‌ ഒക്കുന്നു​ണ്ടോ?

1990-ലെ വിഘടനം വരെ കമ്മ്യു​ണി​സ്‌ററ്‌ ഗവൺമെൻറ്‌ ഭരിച്ച മുൻ ജർമൻ ജനാധി​പത്യ റിപ്പബ്ലി​ക്കി​ലെ (ജിഡിആർ) ക്രൈ​സ്‌ത​വ​ലോ​ക​ത്തി​ന്റെ ഉൾപ്പെടൽ സംബന്ധിച്ച പിൻവ​രുന്ന പത്രാ​ഭി​പ്രാ​യങ്ങൾ പരിചി​ന്തി​ക്കുക.

● “ഇപ്പോൾ ജിഡി​ആ​റി​ലെ ലൂഥറൻ സഭ സമാധാ​ന​പൂർണ​മായ വിപ്ലവ​ത്തി​ന്റെ മാതാ​വെന്ന നിലയിൽ കുറച്ചു കാല​ത്തേക്കു മഹിമ​യിൽ ആറാടി​യി​രി​ക്കു​ന്ന​തി​നാൽ അതിന്റെ പൊതു​ജ​ന​പ്രീ​തി പൊടു​ന്നനേ കുറയു​ന്ന​താ​യി തോന്നു​ന്നു. ഭരണ​ക്ര​മ​ത്തിന്‌ ഒരു താങ്ങും സ്‌ററാ​സിക്ക്‌ (സംസ്ഥാന സുരക്ഷാ സേവനം) ഒരു വിഹാ​ര​സ്ഥ​ല​വു​മാ​യാണ്‌ അതിനെ പലരും കാണു​ന്നത്‌.”—1991 നവംബ​റി​ലെ ഡീ സൈററ്‌.

● “സ്‌ററാ​സി​യി​ലുള്ള സഭാ​ജോ​ലി​ക്കാ​രു​ടെ​യും ഇടവക​ക്കാ​രു​ടെ​യും കൈക​ട​ത്ത​ലിൽ പല പ്രവി​ശ്യാ ലൂഥറൻ സഭക്കാ​രും . . . അമ്പരപ്പു പ്രകടി​പ്പി​ച്ചി​ട്ടുണ്ട്‌.”—1991 ജനുവ​രി​യി​ലെ എഫാ​ഞ്ചെ​ലി​ഷെ കൊ​മെൻറാ​രെ.

● “രാഷ്‌ട്രീ​യ​ത്തിൽ കർമനി​ര​ത​രാ​യി​രി​ക്കു​ന്ന​തു​കൊ​ണ്ടു പുരോ​ഹി​തൻമാർ ആളുകൾക്കു​വേണ്ടി മുമ്പത്തെ അത്രയും കരുതു​ന്നി​ല്ലെ​ന്നുള്ള പരാതി​കൾ [ലൂഥറൻ] സഭാ​നേ​താ​ക്കൻമാർ കേൾക്കു​ന്നുണ്ട്‌.”—1990 ഫെബ്രു​വ​രി​യി​ലെ സ്യൂറ​റ്‌ഡോ​യിച്ച്‌ ററ്‌​സൈ​റ​റുങ്‌.

● “ഇരു ജർമൻ സംസ്ഥാ​ന​ങ്ങ​ളു​ടെ​യും രാഷ്‌ട്രീയ ബന്ധത്തിൽ [ലൂഥറൻ] സഭ എല്ലായ്‌പോ​ഴും സഹായ​ക​ര​മായ ഒരു പങ്കു നിർവ​ഹി​ച്ചി​ട്ടു​ണ്ടെന്ന്‌ [ഫെഡറൽ റിപ്പബ്ലിക്ക്‌ ഓഫ്‌ ജർമനി​യു​ടെ മുൻ പ്രസി​ഡൻറായ] വിററ്‌സ്‌സെകർ പറഞ്ഞു.”—1992 ഫെബ്രു​വ​രി​യി​ലെ വെറെ​റ​റൗ​യർ ററ്‌​സൈ​റ​റുങ്‌.

രാഷ്‌ട്രീ​യ കാര്യ​ത്തി​ലെ തലയിടൽ തീർച്ച​യാ​യും ലൂഥറൻ സഭയുടെ മാത്രം കാര്യമല്ല. “വാസ്‌ത​വ​ത്തിൽ സ്‌ററാ​സി ഏജൻറു​മാർ എല്ലാ [പ്രൊ​ട്ട​സ്‌റ​റൻറ്‌] സഭാ വിഭാ​ഗ​ങ്ങ​ളി​ലും നുഴഞ്ഞു​ക​ട​ന്നി​ട്ടുണ്ട്‌,” ദി യൂറോ​പ്യൻ റിപ്പോർട്ടു ചെയ്‌തു. “കമ്മ്യു​ണി​സ്‌ററ്‌ അധികാ​രങ്ങൾ സംബന്ധി​ച്ചുള്ള പ്രൊ​ട്ട​സ്‌റ​റൻറ്‌ സഭയുടെ മുഖ്യ ഇടപാ​ടു​കാ​രൻ” എന്ന്‌ ദി യൂറോ​പ്യൻ വർണി​ക്കുന്ന മാൻ​ഫ്രെട്ട്‌ ഷ്‌റെ​റാൾപ്‌ തന്റെ ന്യായീ​ക​ര​ണ​ത്തിൽ ഇപ്രകാ​രം പറഞ്ഞു: “ഞങ്ങളുടെ ഉദ്ദേശ്യം നടക്കു​മാ​യി​രു​ന്നെ​ങ്കിൽ പിശാ​ചി​നെ അഭിവാ​ദ്യം ചെയ്യാ​നും ഞാൻ തയ്യാറാ​യി​രു​ന്നു.”

ഇററലി​യി​ലെ പുരോ​ഹി​ത​വർഗ​വും മാഫി​യ​യും തമ്മിലുള്ള അടുത്ത ബന്ധത്തെ​പ്പ​ററി ലണ്ടന്റെ ഗാർഡി​യൻ റിപ്പോർട്ടു ചെയ്‌തു. അത്‌ ഇപ്രകാ​രം പറഞ്ഞു: “ദുഷ്‌കൃ​ത്യ​ത്തിൽ പങ്കു​ചേ​രു​ന്ന​തി​നു സഭയെ കൂടെ​ക്കൂ​ടെ കുററം​വി​ധി​ക്കാൻ തക്കവണ്ണം സഭയും കോസാ നൊസ്‌ട്രാ​യും വളരെ​ക്കാ​ല​മാ​യി സമാധാ​ന​പ​ര​മാ​യി വേഴ്‌ച നടത്തി​യി​രി​ക്കു​ന്നു.”

മുൻ കെജി​ബി​യു​മാ​യുള്ള ചില റഷ്യൻ ഓർത്ത​ഡോ​ക്‌സ്‌ പുരോ​ഹി​തൻമാ​രു​ടെ സഹകര​ണ​ത്തെ​പ്പ​റ​റി​യുള്ള ഒരു ലേഖനം റെറാ​റൊ​ന്റോ സ്‌ററാർ പ്രസി​ദ്ധീ​ക​രി​ച്ചു. റിപ്പോർട്ട്‌ ഇപ്രകാ​രം പ്രസ്‌താ​വി​ക്കു​ന്നു: “കമ്മ്യു​ണി​സ്‌ററ്‌ ഭരണ​ത്തോ​ടുള്ള സഭയുടെ സഹകര​ണങ്ങൾ വെളി​ച്ചത്തു വന്നത്‌ ഏററവും വലിയ അടിയാ​യി​പ്പോ​യി. . . . മുതിർന്ന സഭാധി​കാ​രി​കൾ തങ്ങളുടെ സ്വന്തം തത്ത്വങ്ങളെ ഒററി​ക്കൊ​ടു​ത്തു​വെന്നു മാത്രമല്ല, വിദേ​ശ​ത്തുള്ള സഭാ​നേ​താ​ക്കൻമാ​രു​ടെ പേരു നശിപ്പി​ക്കാ​നും ഒരുക്ക​മു​ള്ള​വ​രാ​യി​രു​ന്നു എന്ന്‌ . . . കെജിബി രേഖസൂ​ക്ഷി​പ്പു​മു​റി​ക​ളിൽനി​ന്നുള്ള വിവരങ്ങൾ . . . കാണി​ക്കു​ന്നു.”

ക്രൈ​സ്‌ത​വ​ലോ​ക​ത്തി​ലെ സഭകൾ രാഷ്‌ട്രീ​യ​ത്തിൽ തലയി​ട്ടു​കൊ​ണ്ടി​രി​ക്കെ യഥാർഥ ക്രിസ്‌ത്യാ​നി​ത്വം ലോക​ത്തി​ന്റെ ഭാഗമാ​യി​രി​ക്ക​രു​തെ​ന്നുള്ള യേശു​വി​ന്റെ കൽപ്പനയെ മുറുകെ പിടി​ക്കു​ന്നു.