പൂർവ യൂറോപ്പ്‌ ഒരു മത പുനരു​ജ്ജീ​വ​ന​മോ?

പൂർവ യൂറോ​പ്പിൽ കഴിഞ്ഞ ദശകങ്ങ​ളിൽ നിലവി​ലി​രുന്ന അഭി​പ്രാ​യ​സ്വാ​ത​ന്ത്ര്യ​ത്തി​ന്റെ അടിച്ച​മർത്ത​ലിൽ മതത്തിൻമേ​ലുള്ള കഠിന​നി​യ​ന്ത്ര​ണ​ങ്ങ​ളും ഉൾപ്പെ​ട്ടി​രു​ന്നു. നിരീ​ശ്വ​ര​ത്വം സജീവ​മാ​യി പ്രസം​ഗി​ക്ക​പ്പെട്ടു. ചില കത്തീ​ഡ്ര​ലു​ക​ളും പള്ളിക​ളും നിരീ​ശ്വ​രത്വ കാഴ്‌ച​ബം​ഗ്ലാ​വു​ക​ളാ​യി മാററ​പ്പെട്ടു, അവയി​ലൊന്ന്‌ വിനോ​ദ​സ​ഞ്ചാ​രി​കൾ ലെനിൻഗ്രാ​ഡിൽ സന്ദർശി​ച്ചി​ട്ടുണ്ട്‌. പ്രവർത്ത​ന​നി​ര​ത​രായ ഏതു വൈദി​ക​രും നിലവി​ലുള്ള ഭരണകൂ​ട​ത്തി​ന്റെ ദാസി​ക​ളാ​യി​ത്തീർന്നു. മഠങ്ങൾ, പള്ളികൾ, മോസ്‌കു​കൾ, എന്നിവ 1967-ൽ ഔദ്യോ​ഗി​ക​മാ​യി അടച്ചു​പൂ​ട്ടിയ അൽബേ​നി​യാ “ലോക​ത്തി​ലെ ആദ്യ നിരീ​ശ്വ​ര​സം​സ്ഥാ​നം” എന്ന്‌ റേഡി​യോ ററിറാ​നാ​യാൽ പ്രഖ്യാ​പി​ക്ക​പ്പെ​ടു​ക​പോ​ലും ചെയ്‌തു.

ഇപ്പോൾ കിഴക്കൻ യൂറോ​പ്പിൽ എല്ലായി​ട​ത്തും വസന്തപൂ​ക്കൾ പോലെ സ്വാത​ന്ത്ര്യം വിരി​യു​ക​നി​മി​ത്തം മതത്തിന്‌ എന്താണ്‌ സംഭവി​ക്കു​ന്നത്‌? ഫ്രഞ്ച്‌ എഴുത്തു​കാ​ര​നായ ജീൻ-ഫ്രാങ്കോ കാൺ എഴുതിയ പ്രകാരം: “അടിച്ച​മർത്ത​ലി​നാൽ ആപത്തി​ലായ മതത്തിന്‌ പീഡന​ത്താൽ അപകട​ത്തി​ലായ ഒരു ജനതയു​മാ​യി കൈ​കോർത്തു​നീ​ങ്ങാൻ കഴിയും. അത്‌ ഇന്നലെ ഇറാനിൽ സംഭവി​ച്ചു. അത്‌ ഇന്ന്‌ അസർ​ബൈ​ജാ​നിൽ സംഭവി​ക്കു​ക​യാണ്‌. നാളെ അത്‌ കാട്ടുതീ പോലെ റഷ്യയി​ലെ​ങ്ങും പരന്നേ​ക്കാം.” ഇപ്പോൾപോ​ലും ചില മതങ്ങൾ ദേശീ​യാ​ദർശ​ങ്ങ​ളോ​ടും അഭിലാ​ഷ​ങ്ങ​ളോ​ടും സഖ്യത്തി​ലാ​കു​ന്നുണ്ട്‌. അവ രാഷ്‌ട്രീ​യ​പ്ര​തി​ഷേ​ധ​ത്തി​ന്റെ മുഖ്യ മാദ്ധ്യ​മ​ങ്ങ​ളി​ലൊ​ന്നാ​യി അതിനെ തങ്ങളുടെ കത്തോ​ലി​ക്കാ​പു​രോ​ഹി​തൻമാ​രു​ടെ​യും ഓർത്ത​ഡോ​ക്‌സ്‌ പുരോ​ഹി​തൻമാ​രു​ടെ​യും ലൂഥറൻ പാസ്‌റ​റർമാ​രു​ടെ​യും സാന്നി​ദ്ധ്യ​ത്താൽ വിശു​ദ്ധീ​ക​രി​ക്കു​ക​യു​മാണ്‌.

അതു​കൊണ്ട്‌ പുതിയ ജനാധി​പത്യ അന്തരീ​ക്ഷ​ത്തിൽ മതസ്വാ​ത​ന്ത്ര്യം എങ്ങനെ അനുഭ​വ​പ്പെ​ടു​ന്നു?

കാര്യങ്ങൾ എങ്ങനെ മാറി​യി​രി​ക്കു​ന്നു!

പൂർവ യൂറോ​പ്പി​ലെ മുഖ്യ​മ​തങ്ങൾ, വിശേ​ഷിച്ച്‌ കത്തോ​ലി​ക്കാ​സഭ, പുതിയ ഗവൺമെൻറു​ക​ളിൽനിന്ന്‌ നിയമ​പ​ര​മായ അംഗീ​കാ​രം നേടാൻ സത്വര​ന​ട​പടി സ്വീക​രി​ച്ചി​രി​ക്കു​ന്നു. ദൃഷ്ടാ​ന്ത​ത്തിന്‌, “ഫെബ്രു​വരി 9ന്‌ പരിശു​ദ്ധ​സിം​ഹാ​സ​ന​വും റിപ്പബ്ലിക്ക്‌ ഓഫ്‌ ഹംഗറി​യും തമ്മിൽ ഒരു ഉടമ്പടി ഒപ്പു​വെ​ക്ക​പ്പെട്ടു”വെന്ന്‌ എൽ ഒസ്സേർവെ​റേ​റാർ റൊമാ​നോ റിപ്പോർട്ടു​ചെ​യ്‌തു. ഈ ഉടമ്പടി​പ്ര​കാ​രം ഇരു കക്ഷിക​ളും നയതന്ത്ര ബന്ധങ്ങൾ പുനഃ​സ്ഥാ​പി​ക്കാൻ സമ്മതിച്ചു. (വത്തിക്കാൻ ഒരു വേറിട്ട പരമാ​ധി​കാര രാഷ്‌ട്ര​മാ​യി വീക്ഷി​ക്ക​പ്പെ​ടു​ന്നു.)

വത്തിക്കാ​നിൽനി​ന്നുള്ള മറെറാ​രു റിപ്പോർട്ട്‌ 1946-ൽ അടിച്ച​മർത്ത​പ്പെട്ട ഉക്രേ​നി​യൻ റീത്തിൽപ്പെട്ട കത്തോ​ലി​ക്കാ​സഭ നിയമാം​ഗീ​കാ​ര​ത്തി​നാ​യി അപേക്ഷി​ച്ചി​ട്ടു​ണ്ടെ​ന്നും ഉക്രേ​യ്‌നി​ലെ സഭാജീ​വി​തം സംബന്ധിച്ച പ്രാ​യോ​ഗിക പ്രശ്‌ന​ങ്ങ​ളെ​ക്കു​റിച്ച്‌ ഗവൺമെൻറും റഷ്യൻ ഓർത്ത​ഡോ​ക്‌സ്‌ സഭയു​മാ​യി ചർച്ചക​ളിൽ ഏർപ്പെ​ടു​ന്നു​ണ്ടെ​ന്നും പ്രസ്‌താ​വി​ക്കു​ന്നു.

പാപ്പാ 1990-ൽ ചെക്കോ​സ്ലൊ​വേക്യ സന്ദർശി​ക്കു​ക​യും പ്രേഗ്‌ വിമാ​ന​ത്താ​വ​ള​ത്തിൽ “റിപ്പബ്ലി​ക്കി​ന്റെ പ്രസി​ഡ​ണ്ടായ മി. വാക്ലേവ്‌ ഹാവൽ ഉൾപ്പെടെ . . . സഭയു​ടെ​യും രാഷ്‌ട്ര​ത്തി​ന്റെ​യും ഉദ്യോ​ഗ​സ്ഥൻമാ​രാൽ” സ്വീക​രി​ക്ക​പ്പെ​ടു​ക​യും ചെയ്‌തു. (എൽ ഒസ്സേവ​റേ​റാർ റൊമാ​നോ) അവിടെ ഒരു പുതിയ മതാന്ത​രീ​ക്ഷ​വും വികാസം പ്രാപി​ക്കു​ന്നുണ്ട്‌.

പോള​ണ്ടിൽ കത്തോ​ലി​ക്കാ​സഭ എല്ലായ്‌പ്പോ​ഴും ഗണനീ​യ​മായ ഒരു ശക്തിയാ​യി​രു​ന്നി​ട്ടുണ്ട്‌. ഇപ്പോൾ പുതു​താ​യി കിട്ടിയ സ്വാത​ന്ത്ര്യം സഹിതം അത്‌ തയ്യാ​റെ​ടു​പ്പോ​ടെ സ്‌കൂ​ളു​ക​ളിൽ മതപഠന ക്ലാസ്സുകൾ പുനര​വ​ത​രി​പ്പി​ക്കാൻ ശ്രമി​ച്ചു​കൊ​ണ്ടി​രി​ക്കു​ക​യാണ്‌. ഒരു പുരോ​ഹി​തൻ ഇങ്ങനെ പ്രസ്‌താ​വി​ച്ചു: “സ്‌കൂ​ളു​കൾ ജനതയു​ടെ വകയാണ്‌. പോളിഷ്‌ ജനത 90-ൽപരം ശതമാനം കത്തോ​ലി​ക്ക​രാണ്‌. . . മററ്‌ മതങ്ങ​ളോ​ടു തക്ക ബഹുമാ​ന​ത്തോ​ടെ​യുള്ള സ്‌കൂ​ളി​ലെ മതപ്ര​ബോ​ധനം അദ്ധ്യാ​പ​ക​രു​ടെ​യും . . . അധികാ​രി​ക​ളു​ടെ​യും അധികാ​രത്തെ പുനഃ​സ്ഥാ​പി​ക്കും, എന്തു​കൊ​ണ്ടെ​ന്നാൽ അത്‌ മമനു​ഷ്യ​ന്റെ ധാർമ്മിക അവലം​ബ​ത്തെ​യാണ്‌ കൈകാ​ര്യം​ചെ​യ്യു​ന്നത്‌.”

റുമേ​നി​യാ​യി​ലെ ഓർത്ത​ഡോ​ക്‌സ്‌ സഭയെ സംബന്ധിച്ച ഒരു റിപ്പോർട്ട്‌ ഇങ്ങനെ പ്രസ്‌താ​വി​ക്കു​ന്നു: “[ചൗഷസ്‌ക്യൂ​വി​ന്റെ] ഭരണകൂ​ട​വു​മാ​യി സഹകരി​ച്ചു പ്രവർത്തിച്ച പാത്രി​യർക്കീ​സും നിരവധി ബിഷപ്പൻമാ​രും രാജി​വെ​ക്കാൻ നിർബ​ന്ധി​ത​രാ​യി. സഭയെ പുനരു​ജ്ജീ​വി​പ്പി​ക്കാൻ ഒരു കമ്മീഷൻ ഏർപ്പെ​ടു​ത്ത​പ്പെട്ടു. അനേകം മുൻ അവിശ്വാ​സി​കൾ മതത്തി​ലേക്കു തിരി​യു​ക​യും പ്രാ​ദേ​ശിക പള്ളികളെ നിറക്കു​ക​യു​മാണ്‌. . . 40 വർഷം മുമ്പ്‌ വിഘടി​ത​മാ​കാൻ നിർബ​ന്ധി​ത​മാ​ക്ക​പ്പെട്ട റുമേ​നി​യൻ ബൈസൻറയ്‌ൻ കത്തോ​ലി​ക്കാ സഭ പുനഃ​സം​ഘ​ടി​ത​മാ​കാൻ അനുവ​ദി​ക്ക​പ്പെട്ടു.”—ഓർത്ത​ഡോ​ക്‌സ്‌ യൂണി​ററി, ജൂലൈ 1990.

അൽബേ​നി​യാ​യി​ലെ മാററങ്ങൾ

പ്രസ്സ്‌ റിപ്പോർട്ടു​ക​ള​നു​സ​രിച്ച്‌, അഡ്രി​യാ​റ​റിക്ക്‌ തീരത്ത്‌ യൂഗോ​സേ​വ്‌ളി​യാ​യി​ക്കും ഗ്രീസി​നു​മി​ടക്ക്‌ കിടക്കുന്ന മുപ്പത്തി​രണ്ടു ലക്ഷത്തി അമ്പതി​നാ​യി​രം നിവാ​സി​ക​ളോ​ടു​കൂ​ടിയ ഒരു ചെറിയ പർവത​രാ​ജ്യ​മായ അൽബേ​നി​യാ​യിൽ സാവധാ​ന​ത്തിൽ അതിശ​യ​ക​ര​മായ മാററങ്ങൾ നടക്കു​ക​യാണ്‌. ജർമ്മൻപ​ത്ര​മായ ഡയേ വെൽററ്‌ ഇങ്ങനെ റിപ്പോർട്ടു​ചെ​യ്‌തു: “പഴയ രീതി​യി​ലുള്ള കമ്മ്യൂ​ണി​സ​ത്തി​ന്റെ അവസാ​നത്തെ ശക്തിദുർഗ്ഗ​മായ അൽബേ​നി​യാ​യിൽ,” ജനങ്ങൾ പാശ്ചാത്യ എംബസി​ക​ളിൽ അഭയം​തേ​ടി​ക്കൊണ്ട്‌ “തങ്ങളുടെ പാദങ്ങൾകൊണ്ട്‌ വോട്ടു​ചെ​യ്യാൻ തുടങ്ങി​യി​രി​ക്കു​ന്നു.” അവി​ടെ​നിന്ന്‌ അവർ ജർമ്മനി​യി​ലേ​ക്കും ഇററലി​യി​ലേ​ക്കും മററു രാജ്യ​ങ്ങ​ളി​ലേ​ക്കും പോകാൻ അനുവ​ദി​ക്ക​പ്പെട്ടു.

റിപ്പോർട്ട്‌ ഇങ്ങനെ തുടർന്നു​പ​റ​യു​ന്നു: “1990 മെയ്യിൽ അൽബേ​നി​യ​ക്കാർക്ക്‌ പാസ്‌പോർട്ടും മതപ്ര​വർത്ത​നങ്ങൾ നിരോ​ധി​ക്കുന്ന നിയമ​ങ്ങ​ളു​ടെ നീക്കവും വാഗ്‌ദാ​നം​ചെ​യ്യ​പ്പെട്ടു.” (1990 ജൂലൈ 15-ലെ ദി ജർമ്മൻ ട്രിബ്യൂ​ണിൽനിന്ന്‌ ഉദ്ധരി​ക്ക​പ്പെ​ട്ടത്‌) ചരിത്ര പ്രൊ​ഫ​സ്സ​റായ ഡനിസ്‌ ആർ. ജാൻസ്‌ ഇങ്ങനെ എഴുതി: “സമഗ്ര​മായ മതേത​ര​ത്വ​ത്തി​നുള്ള ദീർഘ​വും ക്ലേശക​ര​വു​മായ പോരാ​ട്ടം മാററി​വെ​ക്ക​പ്പെ​ട്ട​താ​യി തോന്നു​ന്നു.” എന്നിരു​ന്നാ​ലും, അദ്ദേഹം ഇങ്ങനെ കൂട്ടി​ച്ചേർക്കു​ന്നു: “യഥാർത്ഥ​ത്തിൽ ഈ ജനസമു​ദാ​യ​ത്തിൽ . . . മതത്തി​നിട്ട്‌ ഒരു തകർപ്പൻ പ്രഹരം ഏൽപ്പി​ച്ച​താ​യുള്ള തെളി​വുണ്ട്‌.”

ഈ സംബന്ധ​ത്തിൽ, യഹോ​വ​യു​ടെ സാക്ഷികൾ തങ്ങളുടെ പതിവുള്ള കർശന​മായ നിഷ്‌പക്ഷത പാലി​ക്കു​ന്നുണ്ട്‌. ബൈബിൾത​ത്വ​ങ്ങ​ളു​ടെ അടിസ്ഥാ​ന​ത്തിൽ, അവർ രാഷ്‌ട്രീ​യ​വും ദേശീ​യ​ത്വ​പ​ര​വു​മായ ഭിന്നത​ക​ളിൽ ഉൾപ്പെ​ടു​ന്നില്ല. ദൈവ​രാ​ജ്യം പ്രസം​ഗി​ക്കു​ക​യെന്ന തങ്ങളുടെ ഭൂവ്യാ​പ​ക​മായ നിയോ​ഗം നിറ​വേ​റ​റു​ന്ന​തി​നുള്ള സമാധാ​ന​പൂർണ്ണ​മായ ഒരു രംഗം അനുവ​ദി​ച്ചു​കി​ട്ടു​ന്ന​തിന്‌ അവർ ദൈവ​ത്തിൽ ആശ്രയി​ക്കു​ന്നു.—മത്തായി 22:21; 1 തിമൊ​ഥെ​യോസ്‌ 2:1, 2; 1 പത്രോസ്‌ 2:13-15.

അതു​കൊണ്ട്‌, പൂർവ യൂറോ​പ്പി​ലെ യഹോ​വ​യു​ടെ സാക്ഷി​കളെ സംബന്ധി​ച്ചെന്ത്‌? നിരോ​ധ​ന​ത്തിൻകീ​ഴിൽ അവർ അഭിവൃ​ദ്ധി​പ്പെ​ട്ടി​ട്ടു​ണ്ടോ? അവർക്ക്‌ മതസ്വാ​ത​ന്ത്ര്യ​മു​ണ്ടോ? (g91 1⁄8)

[7-ാം പേജിലെ ചിത്രം]

ആളുകൾ പൂർവ​യൂ​റോ​പ്പി​ലെ പള്ളിക​ളി​ലേക്കു തിരികെ പോകു​മോ?