നിങ്ങളു​ടെ പൂന്തോ​ട്ട​ത്തിൽ ഒരു ഫ്രിറ​റി​ലറി ഉണ്ടോ?

ഉണ്ടെങ്കിൽ, നിങ്ങൾ അതിന്റെ ഭംഗി​യിൽ ആകൃഷ്ട​രാ​കും. ഒരു ഫ്രിറ​റി​ലറി എന്താണ്‌? അതു നമ്മുടെ ലോകത്തെ മനോ​ഹ​ര​മാ​ക്കുന്ന വ്യത്യ​സ്‌ത​ത​ര​ത്തി​ലുള്ള ആയിര​ക്ക​ണ​ക്കി​നു ചിത്ര​ശ​ല​ഭ​ങ്ങ​ളി​ലൊ​ന്നാണ്‌, അതെ, ഐക്യ​നാ​ടു​ക​ളി​ലും കാനഡാ​യി​ലും കാണാൻ കഴിയുന്ന 750 ജാതി ചിത്ര​ശ​ല​ഭ​ങ്ങ​ളിൽ ഒന്ന്‌. ഇവിടെ കാണി​ച്ചി​രി​ക്കുന്ന മിന്നി​ത്തി​ള​ങ്ങുന്ന വലിയ പുള്ളി വെർജീ​നി​യാ​സം​സ്ഥാ​നത്തെ ഗ്രാമ​പ്ര​ദേ​ശ​ത്തുള്ള സസ്യശ്യാ​മ​ള​മായ ഒരു ഉദ്യാ​ന​ത്തിൽനി​ന്നു ക്യാമറ ഒപ്പി​യെ​ടു​ത്ത​താണ്‌. ഈ വലിയ പുള്ളിക്കു പിൻചി​റ​കി​ന്റെ അടിവ​ശത്തു വെള്ളി​നി​റ​മുള്ള പുള്ളി​ക​ളുണ്ട്‌. തോട്ട​ക്കാ​രൻ ഉയരത്തിൽ വളരു​ന്ന​തും ചിത്ര​ശ​ല​ഭ​ങ്ങളെ ആകർഷി​ക്കു​ന്ന​തു​മായ കാട്ടു​പൂ​ച്ചെടി മനഃപൂർവം പൂന്തോ​ട്ട​ത്തി​ന്റെ ഒരു ഭാഗത്തെ തടത്തിൽ നട്ടിരു​ന്നു—മഞ്ഞ റഡ്‌ബ​ക്യാ​സും മോവ്‌ ഫ്‌ളോ​ക്‌സും ഉണ്ടായി​രു​ന്നു.

നിങ്ങളു​ടെ പൂന്തോ​ട്ട​ത്തി​ലേക്കു ചിത്ര​ശ​ല​ഭ​ങ്ങളെ ആകർഷി​ക്കാൻ നിങ്ങൾ ആഗ്രഹി​ക്കു​ന്നു​വെ​ങ്കിൽ, ഒരു തടത്തിൽ കാട്ടു​പൂ​ച്ചെടി വളർത്താൻ ശ്രമി​ക്കുക. ഒരുപക്ഷേ ഈ കോമള സൃഷ്ടി​കളെ നിങ്ങളി​ലേക്ക്‌ ആകർഷി​ക്കാൻ ഒരു ചിത്ര​കാ​രന്റെ ചായപ്പ​ല​ക​പോ​ലെ വർണാ​ഭ​മാ​യി വളരുന്ന കാട്ടു​പു​ഷ്‌പ​വി​ത്തു​ക​ളു​ടെ ഒരു പായ്‌ക്ക​ററു നിങ്ങൾക്കു വാങ്ങാ​വു​ന്ന​താണ്‌. നിങ്ങൾ ലോക​ത്തി​ലെ അനു​യോ​ജ്യ പ്രദേ​ശ​ത്താ​ണു ജീവി​ക്കു​ന്ന​തെ​ങ്കിൽ ബഡ്‌ലി​യാ കുററി​ച്ചെടി ഒരു കാന്തം​പോ​ലെ ചിത്ര​ശ​ല​ഭ​ങ്ങളെ ആകർഷി​ച്ചു​വ​രു​ത്തും. അനന്തരം ഒരു ക്യാമ​റ​യും ബൈ​നോ​ക്കു​ല​റു​ക​ളും വാങ്ങി രസിക്കുക!