മനുഷ്യ ജനിതകം അനാവ​രണം ചെയ്യൽ

ബ്രിട്ടനിലെ ഉണരുക! ലേഖകൻ

“ജീവശാ​സ്‌ത്ര​ത്തി​ന്റെ ആദ്യത്തെ ‘വൻ ശാസ്‌ത്ര’ പദ്ധതി,” “ആധുനിക ലോക​ത്തി​ലെ ഏഴ്‌ അത്ഭുതങ്ങ”ളിൽ ആറാമ​ത്തേത്‌—ഈ രണ്ടു വർണന​ക​ളും മനുഷ്യ ജീനോം (Genome) പ്രോ​ജ​ക്‌റ​റി​നെ കുറി​ക്കു​ന്ന​താണ്‌, അത്‌ എന്താണു മനുഷ്യ​നെന്ന്‌ അനാവ​രണം ചെയ്യാ​നുള്ള ഒരു അന്താരാ​ഷ്‌ട്ര ഉദ്യമ​മാണ്‌! എന്താണു ജീനോം? അത്‌, ഒരു ഭാഗം പിതാ​വിൽനി​ന്നും മറേറ ഭാഗം മാതാ​വിൽനി​ന്നും അവകാ​ശ​പ്പെ​ടു​ത്തിയ, എന്നാൽ ഇപ്പോൾ നിങ്ങളു​ടേതു മാത്ര​മായ, ജനിത​ക​ഘ​ട​ന​യു​ടെ ആകെത്തു​ക​യാണ്‌.

ജനിത​ക​ശാ​സ്‌ത്ര​ജ്ഞ​രായ സർ വോൾട്ടർ ബോഡ്‌മ​റും റോബിൻ മകീയും ജീനോം പ്രോ​ജ​ക്‌റ​റി​നു പേരി​ട്ടി​രി​ക്കു​ന്നത്‌ “മനുഷ്യ​നെ​ക്കു​റി​ച്ചുള്ള പുസ്‌തകം” എന്നാണ്‌. പക്ഷേ, അതു വായി​ക്കു​ന്നത്‌ അത്ര ലഘുവായ ഒരു ജോലി​യൊ​ന്നു​മല്ല. “അതിലു​മേറെ പ്രധാ​ന​പ്പെട്ട ഒരു പാഠപു​സ്‌ത​ക​ശേ​ഖരം മനുഷ്യർ ഒരിക്ക​ലും കണ്ടെത്താൻ പോകു​ന്നില്ല.” അങ്ങനെ അവകാ​ശ​പ്പെ​ടു​ന്നത്‌ ഇപ്പോൾ പ്രസി​ദ്ധ​മായ ഡിഎൻഎ തൻമാ​ത്ര​യു​ടെ ഘടന കണ്ടുപി​ടി​ച്ച​തി​നുള്ള ബഹുമതി ലഭിച്ച ശാസ്‌ത്ര​ജ്ഞ​രിൽ ഒരുവ​നായ ജെയിംസ്‌ വാട്ട്‌സൺ ആണ്‌. “ഒടുവിൽ വ്യാഖ്യാ​നം ചെയ്‌തു​ക​ഴി​യു​മ്പോൾ, നമ്മുടെ ഡിഎൻഎ തൻമാ​ത്ര​കൾക്കു​ള്ളിൽ രേഖ​പ്പെ​ടു​ത്തി​യി​രി​ക്കുന്ന ജനിതക സന്ദേശങ്ങൾ മനുഷ്യാ​സ്‌തി​ത്വ​ത്തി​ന്റെ രാസപ​ര​മായ അടിസ്ഥാ​നങ്ങൾ സംബന്ധിച്ച ആത്യന്തിക ഉത്തരങ്ങൾ പ്രദാനം ചെയ്യും” എന്ന്‌ അദ്ദേഹം പറയുന്നു.

ചെല​വേ​റി​യ ഏതൊരു വൻ ശാസ്‌ത്ര​പ​ദ്ധ​തി​യെ​യും പോ​ലെ​തന്നെ മനുഷ്യ ജീനോം പ്രോ​ജ​ക്‌റ​റി​നും വിശ്വാ​സി​ക​ളും സംശയാ​ലു​ക്ക​ളു​മുണ്ട്‌. “ജീനോം പ്രോ​ജ​ക്‌ററ്‌ സ്വകാ​ര്യ​ത​യു​ടെ​മേ​ലുള്ള ഏററവും കടന്ന ലംഘന​മാ​യി​രി​ക്കാം. അല്ലെങ്കിൽ അതു പുനരു​ദ്ധ​രി​ക്ക​പ്പെട്ട ജീവി​ത​ത്തി​ലേ​ക്കും ആരോ​ഗ്യ​ത്തി​ലേ​ക്കും സുഖ​പ്പെ​ടു​ത്ത​ലി​ലേ​ക്കു​മുള്ള അസാധാ​ര​ണ​മായ ഒരു കവാട​മാ​യി​രി​ക്കാം” എന്ന്‌ സയൻസ്‌ എഴുത്തു​കാ​ര​നായ ജോയൽ ഡേവിസ്‌ മുന്നറി​യി​പ്പു നൽകുന്നു. എന്നാൽ എന്തു നേട്ടം കൈവ​രി​ച്ചാ​ലും “അതു ജനിത​ക​ശാ​സ്‌ത്ര​രം​ഗത്തെ സമ്പൂർണ​മാ​യി മാററി​മ​റി​ക്കു”മെന്നും “അതു ഹോമോ സാപ്പി​യെൻസി​ന്റെ സ്വഭാ​വ​ത്തെ​ത്തന്നെ സമ്പൂർണ​മാ​യി ഉടച്ചു​വാർത്തേക്കാ”മെന്നും അദ്ദേഹം വിശ്വ​സി​ക്കു​ന്നു. 1989-ൽ, ഹോവർഡ്‌ ഹ്യൂസ്‌ മെഡിക്കൽ ഇൻസ്‌റ​റി​റ​റ്യൂ​ട്ടി​ലെ ഒരു വൈസ്‌ പ്രസി​ഡൻറായ ജോർജ്‌ കേയ്‌ഹിൽ ഇതു സംബന്ധിച്ച്‌ ശുഭാ​പ്‌തി​വി​ശ്വാ​സം പുലർത്തി. അദ്ദേഹം പറഞ്ഞു: “അതു നമ്മോടു സർവകാ​ര്യ​ങ്ങ​ളും പറയാൻ പോകു​ക​യാണ്‌. പരിണാ​മം, രോഗം തുടങ്ങി സകലതും ഡിഎൻഎ എന്നു വിളി​ക്ക​പ്പെ​ടുന്ന ആ അതിവി​ശി​ഷ്ട​മായ നാടയ്‌ക്കു​ള്ളിൽ ഇരിക്കുന്ന വിവര​ങ്ങളെ അടിസ്ഥാ​ന​പ്പെ​ട്ടി​രി​ക്കും.”

ഒരു ബൃഹത്തായ ജോലി

പങ്കെടു​ക്കുന്ന രാജ്യ​ങ്ങ​ളി​ലെ ജീനോം ഗവേഷ​കരെ ഏകീക​രി​ക്കാൻ 1988-ൽ ശാസ്‌ത്ര​ജ്ഞ​രു​ടെ ഒരു അന്താരാ​ഷ്‌ട്ര സംഘം ഹ്യൂഗോ (HUGO–മനുഷ്യ ജീനോം സംഘടന) സ്ഥാപിച്ചു. ഏതാണ്ട്‌ 350 കോടി ഡോള​റി​ന്റെ ബഡ്‌ജ​റ​റുള്ള ഹ്യൂഗോ അവരുടെ കണ്ടെത്ത​ലു​കൾ ഒരു കമ്പ്യൂ​ട്ട​റി​ലെ ഡേററാ ബേയ്‌സി​ലേക്കു കടത്തി​വി​ടു​ന്നു. ഇപ്പോൾ കമ്പ്യൂട്ടർ പ്രതി​ദി​നം ജീനോ​മി​ന്റെ ആയിര​ക്ക​ണ​ക്കി​നു ഘടകങ്ങൾ വായി​ക്കു​ന്നു​ണ്ടെ​ങ്കി​ലും, അതിന്റെ അനാവ​രണം 21-ാം നൂററാ​ണ്ടിൽ ഏതെങ്കി​ലു​മൊ​രു സമയത്താ​യി​രി​ക്കും പൂർത്തി​യാ​കുക എന്നു ശാസ്‌ത്രജ്ഞർ പ്രതീ​ക്ഷി​ക്കു​ന്നു, അത്രയ്‌ക്കും സങ്കീർണ​മാ​ണു ജീനോം. ജീനോം പുസ്‌ത​ക​രൂ​പ​ത്തിൽ പ്രസി​ദ്ധീ​ക​രി​ച്ചാൽ അതു വായി​ച്ചു​തീർക്കാൻ “ആയുസ്സി​ന്റെ മൂന്നി​ലൊന്ന്‌” വേണ്ടി​വ​രു​മെന്ന്‌ സയൻറി​ഫിക്‌ അമേരി​ക്കൻ എന്ന മാഗസിൻ കണക്കാ​ക്കു​ന്നു.

വളരെ​യ​ധി​കം സംവാ​ദ​ത്തി​നു​ശേഷം പിൻവ​രുന്ന തന്ത്രം പ്രയോ​ഗി​ച്ചു​നോ​ക്കാൻ ശാസ്‌ത്രജ്ഞർ തീരു​മാ​നി​ച്ചു. ഒന്നാമ​താ​യി, 1,00,000-ത്തോളം ജീനു​ക​ളു​ടെ സ്ഥാനം നിർണ​യി​ക്കാ​നാ​യി ജീനോ​മി​ന്റെ രൂപരേഖ ഉണ്ടാക്കാൻ അവർ ഉദ്ദേശി​ക്കു​ന്നു. അടുത്ത​താ​യി, ജീനോ​മി​ലെ രാസഘ​ട​ക​നിർണയം എന്നറി​യ​പ്പെ​ടുന്ന ഒരു പ്രക്രി​യ​യി​ലൂ​ടെ ഈ ജീനു​ക​ളിൽ ഓരോ​ന്നി​ലു​മുള്ള നിർമാ​ണ​ഘ​ട​ക​ങ്ങ​ളു​ടെ വിന്യാ​സം കണ്ടുപി​ടി​ക്കാ​നാ​കു​മെന്ന്‌ അവർ പ്രതീ​ക്ഷി​ക്കു​ന്നു. അവരുടെ അവസാന ലക്ഷ്യം നമ്മുടെ ജനിത​ക​ഘ​ട​ക​ത്തി​ന്റെ ശേഷി​ക്കുന്ന 95 മുതൽ 98 വരെ ശതമാനം ഭാഗത്തി​ന്റെ രാസഘ​ട​ക​നിർണയം നടത്തുക എന്നതാണ്‌.

ഇതെല്ലാം നേടി​യാൽ മനുഷ്യ​ജീ​വ​നെ​ക്കു​റി​ച്ചുള്ള സർവകാ​ര്യ​ങ്ങ​ളും അതു വെളി​പ്പെ​ടു​ത്തു​മോ? മനുഷ്യൻ എക്കാല​ത്തും കണ്ടെത്തി​യി​ട്ടു​ള്ള​തിൽവെച്ച്‌ ‘ഏററവും പ്രധാ​ന​പ്പെട്ട പാഠപു​സ്‌തകം’ ജീനോ​മി​ലു​ണ്ടോ? മനുഷ്യ ജീനോം പ്രോ​ജ​ക്‌ററ്‌ മമനു​ഷ്യ​ന്റെ സർവ​രോ​ഗ​ങ്ങൾക്കു​മുള്ള നിവാ​ര​ണ​മാർഗം പ്രദാനം ചെയ്യു​മോ? പിൻവ​രുന്ന ലേഖനങ്ങൾ ഈ ചോദ്യ​ങ്ങൾ പരിചി​ന്തി​ക്കു​ന്നു.