നിങ്ങളു​ടെ ആരോ​ഗ്യ​ത്തെ രൂപ​പ്പെ​ടു​ത്തു​ന്നത്‌—നിങ്ങൾക്കു ചെയ്യാൻ കഴിയു​ന്നത്‌

അരിയോ മാവു​പൊ​ടി​യോ പോലെ ഒരു ദുരി​താ​ശ്വാ​സ പ്രവർത്ത​കനു സൗജന്യ​മാ​യി കൊടു​ക്കാൻ കഴിയുന്ന ഒന്നല്ല ആരോ​ഗ്യം. അതു ചാക്കിൽ വരുന്നതല്ല, കാരണം അതൊരു ഉപഭോ​ഗ​വ​സ്‌തു​വല്ല, പിന്നെ​യോ ഒരു അവസ്ഥയാണ്‌. “ശാരീ​രി​ക​വും മാനസി​ക​വും സാമൂ​ഹി​ക​വു​മായ സമ്പൂർണ സുസ്ഥി​തി​യു​ടെ ഒരവസ്ഥ​യാണ്‌ ആരോ​ഗ്യം” എന്ന്‌ ഡബ്ലിയു​എച്ച്‌ഒ (ലോകാ​രോ​ഗ്യ​സം​ഘടന) നിർവ​ചി​ക്കു​ന്നു. എന്നാൽ, ആ സുസ്ഥി​തി​യു​ടെ അളവു നിർണ​യി​ക്കു​ന്നത്‌ എന്താണ്‌?

പലകക​ളും ആണിക​ളും ഇരുമ്പു​ക​മ്പി​ക​ളും ഉപയോ​ഗിച്ച്‌ ഒരു സാധാരണ വീടു പണിയാം, എന്നാൽ അതിന്റെ പല ഭാഗങ്ങ​ളെ​യും താങ്ങി​നിർത്തു​ന്നതു നാലു മൂലത്തൂ​ണു​ക​ളാണ്‌. സമാന​മാ​യി, നമ്മുടെ ആരോ​ഗ്യ​ത്തെ രൂപ​പ്പെ​ടു​ത്തു​ന്നത്‌ അനേകം സ്വാധീ​ന​ങ്ങ​ളാണ്‌, എന്നാൽ സകലവും നാലു “മൂല” സ്വാധീ​ന​ങ്ങ​ളോ​ടു ബന്ധപ്പെ​ട്ടി​രി​ക്കു​ന്നു. (1) പെരു​മാ​ററം, (2) പരിസ്ഥി​തി, (3) വൈദ്യ​ശു​ശ്രൂഷ, (4) ജീവശാ​സ്‌ത്ര​പ​ര​മായ ഘടന തുടങ്ങി​യ​വ​യാണ്‌ അവ. തൂണു​ക​ളു​ടെ ഗുണം മെച്ച​പ്പെ​ടു​ത്തി​ക്കൊണ്ട്‌ വീടിന്റെ ബലം വർധി​പ്പി​ക്കാൻ നിങ്ങൾക്കു കഴിയു​ന്ന​തു​പോ​ലെ​തന്നെ ഈ സ്വാധീ​ന​ഘ​ട​ക​ങ്ങ​ളു​ടെ ഗുണം മെച്ച​പ്പെ​ടു​ത്തി​ക്കൊണ്ട്‌ നിങ്ങളു​ടെ ആരോ​ഗ്യ​ത്തി​ന്റെ ഗുണവും മെച്ച​പ്പെ​ടു​ത്താൻ കഴിയും. എന്നാൽ ചോദ്യ​മി​താണ്‌: വിഭവ​ശേഷി കുറഞ്ഞ​വർക്ക്‌ അത്‌ എങ്ങനെ ചെയ്യാൻ കഴിയും?

നിങ്ങളു​ടെ പെരു​മാ​റ​റ​വും നിങ്ങളു​ടെ ആരോ​ഗ്യ​വും

ഈ നാലു ഘടകങ്ങ​ളിൽ, പെരു​മാ​റ​റ​മാ​ണു നിങ്ങൾക്ക്‌ ഏററവും നിയ​ന്ത്ര​ണ​വി​ധേ​യ​മാ​യി​രി​ക്കു​ന്നത്‌. അതു മെച്ച​പ്പെ​ടു​ത്തു​ന്നതു പ്രയോ​ജനം ചെയ്യും. ദാരി​ദ്ര്യം കാരണം നിങ്ങളു​ടെ ഭക്ഷണ​ക്ര​മ​ത്തി​ലും ശീലങ്ങ​ളി​ലും കാര്യ​മായ മാററം വരുത്താൻ കഴിയി​ല്ലാ​യി​രി​ക്കാം. എന്നാൽ ഉള്ളതു​കൊണ്ട്‌ നിങ്ങൾക്കു ഗണ്യമായ ഒരു മാററം വരുത്താൻ കഴിയും. പിൻവ​രുന്ന ദൃഷ്ടാന്തം ശ്രദ്ധി​ക്കുക.

ഒരു മാതാവു തന്റെ കുട്ടിക്ക്‌ മുലപ്പാൽ കൊടു​ക്ക​ണോ കുപ്പി​പ്പാൽ കൊടു​ക്ക​ണോ എന്ന തീരു​മാ​നത്തെ അഭിമു​ഖീ​ക​രി​ക്കു​ന്നു. മുലയൂ​ട്ട​ലാണ്‌ “ശാരീ​രി​ക​മാ​യും സാമ്പത്തി​ക​മാ​യും ഏറെ ശ്രേഷ്‌ഠ​മായ തിര​ഞ്ഞെടു”പ്പെന്ന്‌ ഐക്യ​രാ​ഷ്‌ട്ര ശിശു​ക്ഷേ​മ​നി​ധി പറയുന്നു. “ഏററവും അടിസ്ഥാന ആരോ​ഗ്യ​ഭ​ക്ഷണം” മാതാ​വി​ന്റെ പാലാ​ണെന്നു വിദഗ്‌ധർ പറയുന്നു. അതു കുട്ടിക്ക്‌ “സന്തുലിത വളർച്ച​യ്‌ക്ക്‌ ആവശ്യ​മായ മാംസ്യ​വും കൊഴു​പ്പും ക്ഷീരഗു​ണ​വും ജീവക​ങ്ങ​ളും ധാതു​ക്ക​ളും ചെറിയ അളവി​ലുള്ള രാസഘ​ട​ക​ങ്ങ​ളും ശരിയായ അളവിൽത്തന്നെ കൃത്യ​മാ​യി” കൊടു​ക്കു​ന്നു. രോഗത്തെ ചെറു​ത്തു​നിൽക്കുന്ന മാംസ്യ​ങ്ങൾ അഥവാ ആൻറി​ബോ​ഡി​കൾ കൂടി മുലപ്പാൽ അമ്മയിൽനിന്ന്‌ കുട്ടി​യി​ലേക്കു പകരുന്നു. രോഗ​ങ്ങളെ ചെറു​ത്തു​നിൽക്കു​ന്ന​തിൽ അതു കുട്ടിക്ക്‌ ഒരു നല്ല തുടക്കം കൊടു​ക്കു​ന്നു.

പ്രത്യേ​കി​ച്ചും നല്ല ആരോ​ഗ്യ​സം​രക്ഷണ അവസ്ഥക​ളി​ല്ലാത്ത ഉഷ്‌ണ​മേ​ഖലാ നാടു​ക​ളിൽ ഏററവും ഉത്തമം മുലയൂ​ട്ട​ലാണ്‌. കുപ്പി​പ്പാ​ലിൽനി​ന്നു വ്യത്യ​സ്‌ത​മാ​യി, പണം ലാഭി​ക്കാൻ വേണ്ടി മുലപ്പാ​ലിൽ വെള്ളം ചേർക്കാൻ സാധ്യമല്ല, തയ്യാറാ​ക്കു​മ്പോൾ പിശകു​കൾ സംഭവി​ക്കില്ല, മാത്രമല്ല അത്‌ എല്ലായ്‌പോ​ഴും ലഭിക്കു​ന്നതു ശുദ്ധമായ ഒരു പാത്ര​ത്തിൽനി​ന്നാണ്‌. അതിൽനി​ന്നും വ്യത്യ​സ്‌ത​മാ​യി, “പൂർണ​മാ​യും മുലപ്പാൽ കുടി​ച്ചു​വ​ള​രുന്ന ഒരു ശിശു​വി​നെ​ക്കാൾ ദരിദ്ര ജനസമൂ​ഹ​ത്തിൽ കുപ്പി​പ്പാൽ കുടിച്ചു വളരുന്ന കുട്ടിക്കു വയറി​ള​ക്ക​സം​ബ​ന്ധ​മായ രോഗം വന്നു മരിക്കാൻ ഏതാണ്ട്‌ 15 ഇരട്ടി സാധ്യ​ത​യും ന്യൂ​മോ​ണിയ വന്നു മരിക്കാൻ നാലി​രട്ടി സാധ്യ​ത​യും കൂടു​ത​ലാണ്‌” എന്ന്‌ അന്താരാ​ഷ്‌ട്ര ആരോ​ഗ്യ​ത്തി​നാ​യുള്ള കനേഡി​യൻ സൊ​സൈ​റ​റി​യു​ടെ വാർത്താ​ക്കു​റി​പ്പായ സിനെർജി അഭി​പ്രാ​യ​പ്പെ​ടു​ന്നു.

അതിനു സാമ്പത്തിക നേട്ടം കൂടി​യുണ്ട്‌. വികസ്വര ലോകത്തു പാൽപ്പൊ​ടി​ക്കു വില കൂടു​ത​ലാണ്‌. ഉദാഹ​ര​ണ​ത്തിന്‌, ബ്രസീ​ലിൽ ഒരു കുട്ടിക്കു കുപ്പി​പ്പാൽ കൊടു​ക്കു​ന്ന​തി​നു കുടും​ബ​ത്തി​ന്റെ മാസവ​രു​മാ​ന​ത്തി​ന്റെ അഞ്ചി​ലൊ​ന്നു വേണ്ടി​വ​ന്നേ​ക്കാം. മുലയൂ​ട്ട​ലി​ലൂ​ടെ ലാഭി​ക്കുന്ന പണം​കൊണ്ട്‌ മാതാവ്‌ ഉൾപ്പെടെ കുടും​ബ​ത്തി​ലെ എല്ലാവർക്കും ഏറെ ആരോ​ഗ്യാ​വ​ഹ​മായ ഭക്ഷണം പ്രദാനം ചെയ്യാൻ കഴിയും.

ഈ നേട്ടങ്ങ​ളെ​ല്ലാ​മു​ള്ള​തു​കൊ​ണ്ടു മുലയൂ​ട്ടൽ വർധി​ച്ചു​വ​രി​ക​യാ​ണെന്നു നിങ്ങൾ പ്രതീ​ക്ഷി​ച്ചേ​ക്കാം. എന്നിരു​ന്നാ​ലും, ഫിലി​പ്പീൻസിൽ മുലയൂ​ട്ടൽ “ഉൻമൂ​ല​ന​ത്താൽ ഭയങ്കര​മാ​യി ഭീഷണി​പ്പെ​ടുത്ത”പ്പെടു​ക​യാ​ണെന്ന്‌ അവിടത്തെ ആരോ​ഗ്യ​പ്ര​വർത്തകർ റിപ്പോർട്ടു ചെയ്യുന്നു. ശ്വാസ​കോ​ശ​ത്തി​ലെ അണുബാ​ധ​യെ​ത്തു​ടർന്നു ശിശുക്കൾ മരിക്കു​ന്ന​തി​നോ​ടു ബന്ധപ്പെട്ട പ്രമുഖ കാരണ​ങ്ങ​ളി​ലൊന്ന്‌ “മുലയൂ​ട്ട​ലി​ന്റെ അഭാവ”മാണെന്ന്‌ ബ്രസീ​ലിൽ നടത്തിയ ഒരു പഠനം പ്രകട​മാ​ക്കു​ക​യു​ണ്ടാ​യി. എന്നിരു​ന്നാ​ലും, നിങ്ങളു​ടെ കുട്ടി ആ വിധി​യിൽനി​ന്നു രക്ഷപെ​ട്ടേ​ക്കാം. നിങ്ങൾക്ക്‌ ഒരു തിര​ഞ്ഞെ​ടു​പ്പുണ്ട്‌.

എന്നിരു​ന്നാ​ലും, കുടും​ബ​ത്തി​ലെ മററം​ഗ​ങ്ങ​ളു​ടെ അനാ​രോ​ഗ്യ​ക​ര​മായ പെരു​മാ​ററം ശിശു​വി​ന്റെ ആരോ​ഗ്യ​ത്തെ രക്ഷിക്കാ​നുള്ള മാതാ​വി​ന്റെ ഉദ്യമ​ങ്ങൾക്കു പലപ്പോ​ഴും തുരങ്കം വയ്‌ക്കു​ന്നു. നേപ്പാ​ളി​ലുള്ള ഒരു മാതാ​വി​ന്റെ കാര്യം ഉദാഹ​ര​ണ​മാ​യെ​ടു​ക്കുക. അവൾക്കും ഭർത്താ​വി​നും അവരുടെ മൂന്നു വയസ്സുള്ള മകൾക്കും ആകെയു​ള്ളത്‌ ഈർപ്പ​മുള്ള ഒരു മുറി മാത്ര​മാണ്‌. ആ കൊച്ചു​മു​റി അടുക്ക​ള​യും പുകയി​ല​ധൂ​മ​വും​കൊ​ണ്ടു നിറഞ്ഞി​രി​ക്കു​ന്ന​താ​യി പനൊ​സ്‌കോപ്‌ എന്ന മാഗസിൻ എഴുതു​ന്നു. ശ്വാസ​കോശ രോഗ​ബാ​ധ​യെ​ത്തു​ടർന്ന്‌ ആ കുട്ടി കഷ്ടപ്പെ​ടു​ക​യാണ്‌. “പുകവ​ലി​ക്കു​ന്ന​തിൽനി​ന്നു ഭർത്താ​വി​നെ തടയാൻ എനിക്കാ​വില്ല, ഇപ്പോൾ ഞാൻ ഭർത്താ​വി​നു വേണ്ടി സിഗര​റ​റും കുട്ടിക്കു വേണ്ടി മരുന്നും വാങ്ങുന്നു,” ആ മാതാവ്‌ നെടു​വീർപ്പി​ടു​ന്നു.

ദുഃഖ​ക​ര​മെ​ന്നു പറയട്ടെ, വികസ്വ​ര​രാ​ജ്യ​ങ്ങ​ളിൽ എന്നത്തേ​തി​ലു​മ​ധി​കം ആളുകൾ പുകവലി തുടങ്ങി​ക്കൊണ്ട്‌ വളരെ​യ​ധി​ക​മാ​വ​ശ്യ​മുള്ള വരുമാ​നം പാഴാ​ക്കവേ അവളു​ടേ​തു​പോ​ലുള്ള വിഷമ​സന്ധി കൂടുതൽ കൂടുതൽ സാധാ​ര​ണ​മാ​യി​ക്കൊ​ണ്ടി​രി​ക്കു​ക​യാണ്‌. വാസ്‌ത​വ​ത്തിൽ, യൂറോ​പ്പി​ലോ ഐക്യ​നാ​ടു​ക​ളി​ലോ ഒരാൾ പുകവലി നിർത്തു​മ്പോൾ ലാററി​ന​മേ​രി​ക്ക​യി​ലോ ആഫ്രി​ക്ക​യി​ലോ രണ്ടു പേർ പുകവലി തുടങ്ങി​ക്ക​ഴി​ഞ്ഞി​രി​ക്കും. തെററി​ദ്ധ​രി​പ്പി​ക്കുന്ന പരസ്യ​ങ്ങ​ളാണ്‌ ഏറെയും കുററം​വ​ഹി​ക്കേ​ണ്ട​വ​യെന്ന്‌ റോക്കൺ വെൽബെ​സ്‌കോഡ്‌ എന്ന ഡച്ച്‌ പുസ്‌തകം അഭി​പ്രാ​യ​പ്പെ​ടു​ന്നു. “വാഴ്‌സി​ററി: ആ നല്ല സുഖാ​നു​ഭൂ​തിക്ക്‌,” “ഗോൾഡ്‌ ലീഫ്‌: വളരെ പ്രധാ​ന​പ്പെട്ട ആളുകൾക്ക്‌ വളരെ പ്രധാ​ന​പ്പെട്ട സിഗര​റ​റു​കൾ” തുടങ്ങിയ പരസ്യ​വാ​ച​കങ്ങൾ സിഗര​റ​റു​വലി പുരോ​ഗ​തി​യോ​ടും സമൃദ്ധി​യോ​ടും ബന്ധപ്പെ​ട്ട​താ​ണെന്നു ദരി​ദ്രരെ ബോധ്യ​പ്പെ​ടു​ത്തു​ന്നു. എന്നാൽ നേരേ മറിച്ചാ​ണു വാസ്‌തവം. അതു നിങ്ങളു​ടെ പണത്തെ തിന്നു​തീർക്കു​ക​യും നിങ്ങളു​ടെ ആരോ​ഗ്യ​ത്തെ ക്ഷയിപ്പി​ക്കു​ക​യും ചെയ്യുന്നു.

ഇതു പരിചി​ന്തി​ക്കുക. ഒരാൾ സിഗര​ററു വലിക്കുന്ന ഓരോ സമയത്തും തന്റെ ആയുഷ്‌പ്ര​തീക്ഷ പത്തു മിനി​റ​റു​കണ്ട്‌ കുറയ്‌ക്കു​ക​യും ഹൃദയ​സ്‌തം​ഭ​ന​വും പക്ഷാഘാ​ത​വും ഉണ്ടാകാ​നുള്ള സാധ്യത വർധി​പ്പി​ക്കു​ക​യും ചെയ്യുന്നു. മാത്രമല്ല, ശ്വാസ​കോ​ശ​ത്തി​ലും തൊണ്ട​യി​ലും വായി​ലും കാൻസ​റും മററു രോഗ​ങ്ങ​ളും ഉണ്ടാകാ​നുള്ള സാധ്യ​ത​യും അതു വർധി​പ്പി​ക്കു​ന്നു. യുഎൻ ക്രോ​ണി​ക്കിൾ മാഗസിൻ ഇങ്ങനെ പറയുന്നു: “ലോക​ത്തി​ലെ അകാല​മ​ര​ണ​ത്തി​ന്റെ​യും വൈക​ല്യ​ത്തി​ന്റെ​യും തടയാൻ കഴിയുന്ന ഏററവും വലിയ ഒരൊററ ഹേതു പുകയില ഉപയോ​ഗ​മാണ്‌.” “തടയാൻ കഴിയുന്ന . . . ഹേതു” എന്ന്‌ അതു പറയു​ന്ന​താ​യി ദയവായി ശ്രദ്ധി​ക്കുക. നിങ്ങളു​ടെ അവസാ​നത്തെ സിഗര​റ​റും നിങ്ങൾക്കു കെടു​ത്തി​ക്ക​ള​യാൻ കഴിയും.

തീർച്ച​യാ​യും, നിങ്ങളു​ടെ ആരോ​ഗ്യ​ത്തെ ബാധി​ക്കുന്ന പെരു​മാ​റ​റ​സം​ബ​ന്ധ​മായ ഒട്ടനവധി തിര​ഞ്ഞെ​ടു​പ്പു​ക​ളുണ്ട്‌. യഹോ​വ​യു​ടെ സാക്ഷി​ക​ളു​ടെ രാജ്യ​ഹാ​ളി​ലെ ലൈ​ബ്ര​റി​യിൽ നിങ്ങൾക്കു വായി​ക്കാൻ കഴിയുന്ന ചില വിവരങ്ങൾ ഈ ലേഖന​ത്തി​ന്റെ 11-ാം പേജിലെ ചതുര​ത്തിൽ പട്ടിക​പ്പെ​ടു​ത്തി​യി​രി​ക്കു​ന്നു. അറിവു നേടാൻ പരി​ശ്രമം ആവശ്യ​മാ​ണെ​ന്നതു സത്യമാണ്‌. എന്നിരു​ന്നാ​ലും, ഒരു ഡബ്ലിയു​എച്ച്‌ഒ ഉദ്യോ​ഗസ്ഥൻ ഇങ്ങനെ പറയുന്നു: “തങ്ങളുടെ ആരോ​ഗ്യ​സ്ഥി​തി​യെ​ക്കു​റിച്ച്‌ അറിവും വിദ്യാ​ഭ്യാ​സ​വും നേടി​യി​ട്ടുള്ള ഉദ്‌ബു​ദ്ധ​രായ ആളുക​ളു​ടെ ഉൾപ്പെടൽ കൂടാതെ നിങ്ങൾക്ക്‌ ആരോ​ഗ്യ​മു​ണ്ടാ​യി​രി​ക്കാൻ സാധ്യമല്ല.” അതു​കൊണ്ട്‌ ആരോ​ഗ്യ​ത്തെ ഉന്നമി​പ്പി​ക്കുന്ന സ്വയം അറിവു നേടൽ എന്ന സൗജന്യ​പടി കൈ​ക്കൊ​ള്ളുക.

ആരോ​ഗ്യ​വും ഭവന ചുററു​പാ​ടും

നിങ്ങളു​ടെ ആരോ​ഗ്യ​ത്തെ ഏററവു​മ​ധി​കം സ്വാധീ​നി​ക്കുന്ന ചുററു​പാട്‌ നിങ്ങളു​ടെ വീടും അയൽവ​ക്ക​വു​മാണ്‌ എന്ന്‌ ദരിദ്രർ ചെറു​പ്പ​ത്തി​ലേ മരിക്കു​ന്നു (ഇംഗ്ലീഷ്‌) എന്ന പുസ്‌തകം പ്രസ്‌താ​വി​ക്കു​ന്നു. വെള്ളം നിങ്ങളു​ടെ ആരോ​ഗ്യ​ത്തി​നു ഭീഷണി​യു​യർത്തി​യേ​ക്കാ​വുന്ന ചുററു​പാ​ടു സൃഷ്ടി​ക്കു​ന്നു. അണുബാ​ധകൾ, ത്വ​ഗ്രോ​ഗങ്ങൾ, വയറി​ളക്കം, കോളറ, വയറു​കടി, ടൈ​ഫോ​യ്‌ഡ്‌, മററു​തരം രോഗങ്ങൾ തുടങ്ങി​യ​വ​യെ​ല്ലാം ഉണ്ടാകു​ന്നതു വേണ്ടത്ര ശുദ്ധജലം ഇല്ലാത്ത​തി​നാ​ലാണ്‌.

കൈ കഴുക​ണോ, എങ്കിൽ നിങ്ങളെ സംബന്ധി​ച്ചി​ട​ത്തോ​ളം കേവലം ടാപ്പ്‌ ഒന്നു തുറന്നാൽ മതിയാ​യി​രി​ക്കാം. എന്നാൽ തങ്ങളുടെ വീടു​ക​ളിൽ പൈപ്പു​വെ​ള്ള​മി​ല്ലാത്ത ആളുകൾ വെള്ളം കൊണ്ടു​വ​രാ​നാ​യി ഓരോ ദിവസ​വും എത്ര​ത്തോ​ളം സമയം ചെലവ​ഴി​ക്കു​ന്നു എന്നു സങ്കൽപ്പി​ക്കുക നിങ്ങൾക്കു ദുഷ്‌ക​ര​മാ​യി​രി​ക്കാം. മിക്ക​പ്പോ​ഴും 500-ലധികം ആളുക​ളാണ്‌ ഒരു ടാപ്പ്‌ ഉപയോ​ഗി​ക്കു​ന്നത്‌. അതിനു കാത്തി​രിപ്പ്‌ ആവശ്യ​മാണ്‌. എന്നാൽ താഴ്‌ന്ന വരുമാ​ന​മു​ള്ള​വർക്കു വളരെ​യ​ധി​കം സമയം ജോലി ചെയ്യേ​ണ്ട​താ​യി​വ​രു​ന്നു. കാത്തി​രിപ്പ്‌ “വരുമാ​ന​മു​ണ്ടാ​ക്കു​ന്ന​തിന്‌ ഉപയോ​ഗി​ക്കാൻ കഴിയുന്ന സമയം കുറച്ചു​ക​ള​യു​ന്നു” എന്ന്‌ മൂന്നാം ലോക നഗരങ്ങ​ളി​ലെ പരിസ്ഥി​തി പ്രശ്‌നങ്ങൾ (ഇംഗ്ലീഷ്‌) എന്ന പുസ്‌തകം പറയുന്നു. ആറ്‌ അംഗങ്ങ​ളുള്ള ഒരു കുടും​ബ​ത്തി​ന്റെ കാര്യ​മെ​ടു​ക്കുക, അത്രയും വലിപ്പ​മുള്ള ഒരു കുടും​ബ​ത്തി​നു ദിവസ​വും 30 ബക്കററ്‌ വെള്ളം ആവശ്യ​മാണ്‌, എന്നാൽ സമയം ലാഭി​ക്കാൻ വേണ്ടി കൊണ്ടു​വ​രുന്ന വെള്ളം അതിലും കുറവാ​യി​രി​ക്കാം. അങ്ങനെ​വ​രു​മ്പോൾ, ആഹാര​സാ​ധ​ന​ങ്ങ​ളും പാത്ര​ങ്ങ​ളും തുണി​യും മററും കഴുകു​ന്ന​തി​നും വ്യക്തി​പ​ര​മായ ശുചി​ത്വ​ത്തി​നും വളരെ കുറച്ചു വെള്ളമേ ഉണ്ടായി​രി​ക്കു​ക​യു​ള്ളൂ. പേനു​ക​ളെ​യും ഈച്ചക​ളെ​യും ആകർഷി​ക്കുന്ന അവസ്ഥക​ളി​ലേക്ക്‌ ഇതു നയിക്കു​ന്നു, അത്‌ കുടും​ബ​ത്തി​ന്റെ ആരോ​ഗ്യ​ത്തെ അപകട​പ്പെ​ടു​ത്തു​ക​യും ചെയ്യുന്നു.

ഈ സാഹച​ര്യം ഒന്നു പരിചി​ന്തി​ക്കുക. ദൂരസ്ഥ​ലത്തു ജോലി ചെയ്യാൻ നിങ്ങൾ സൈക്കി​ളി​ലാ​ണോ പോകു​ന്നത്‌, എങ്കിൽ ചെയി​നിൽ എണ്ണയി​ടു​ന്ന​തി​നോ ബ്രേയ്‌ക്കു​കൾ ക്രമ​പ്പെ​ടു​ത്തു​ന്ന​തി​നോ ചക്രത്തി​ന്റെ ആരക്കാ​ലു​കൾ മാററി​വെ​ക്കു​ന്ന​തി​നോ ഓരോ വാരത്തി​ലും അൽപ്പസ​മയം ചെലവി​ടു​ന്നത്‌ ഒരു നഷ്ടമായി നിങ്ങൾ കരുതു​മോ? ഇല്ല, കാരണം അത്തരം നന്നാക്കു പണികൾ അവഗണി​ച്ചു​കൊണ്ട്‌ ഏതാനും മണിക്കൂ​റു​കൾ ലാഭി​ച്ചാൽ പോലും പിന്നീട്‌ നിങ്ങളു​ടെ സൈക്കി​ളി​നു കേടു​പ​റ​റു​മ്പോൾ ഒരു മുഴു ദിവസ​ത്തെ​യും ജോലി നഷ്ടപ്പെ​ട്ടേ​ക്കാ​മെന്നു നിങ്ങൾ തിരി​ച്ച​റി​യു​ന്നു. സമാന​മാ​യി, നിങ്ങളു​ടെ ആരോ​ഗ്യ​ത്തെ നിലനിർത്താൻ വേണ്ടത്ര വെള്ളം കൊണ്ടു​വ​രു​ന്നത്‌ നിങ്ങൾ നിർത്തു​ക​യാ​ണെ​ങ്കിൽ ഏതാനും മണിക്കൂ​റു​ക​ളും അൽപ്പം പണവും നിങ്ങൾ ലാഭി​ച്ചേ​ക്കാം, പക്ഷേ മോശ​മായ പരിച​രണം നിമിത്തം ആരോ​ഗ്യം തകരാ​റി​ലാ​കു​മ്പോൾ നിങ്ങൾക്കു വളരെ​യ​ധി​കം ദിവസ​ങ്ങ​ളും പണവും നഷ്ടമാ​യേ​ക്കാം.

വേണ്ടത്ര വെള്ളം കൊണ്ടു​വ​രു​ന്നത്‌ ഒരു കുടും​ബ​പ​ദ്ധ​തി​യാ​ക്കാൻ കഴിയും. വെള്ളം ചുമക്കു​ന്നവർ അമ്മയും കുട്ടി​ക​ളു​മാ​യി​രി​ക്ക​ണ​മെന്ന്‌ പ്രാ​ദേ​ശിക സംസ്‌കാ​രം ആവശ്യ​പ്പെ​ട്ടാൽപോ​ലും വെള്ളം കൊണ്ടു​വ​രാൻ തന്റെ ശക്തി ഉപയോ​ഗി​ക്കു​ന്ന​തിൽനിന്ന്‌ കരുത​ലുള്ള ഒരു പിതാവ്‌ ഒഴിഞ്ഞു​നിൽക്കു​ക​യില്ല.

എന്നിരു​ന്നാ​ലും, വെള്ളം വീട്ടിൽ എത്തിക്ക​ഴി​യു​മ്പോൾ രണ്ടാമത്തെ പ്രശ്‌നം ഉദിക്കു​ന്നു—അത്‌ എങ്ങനെ ശുദ്ധമാ​യി സൂക്ഷി​ച്ചു​വെ​ക്കണം എന്നത്‌. ആരോഗ്യ വിദഗ്‌ധർ മുന്നറി​യി​പ്പു നൽകുന്നു: കുടി​വെ​ള്ള​വും മററാ​വ​ശ്യ​ങ്ങൾക്കു വേണ്ടി ഉപയോ​ഗി​ക്കുന്ന വെള്ളവും ഒരു സ്ഥലത്തു സൂക്ഷി​ക്കാ​തി​രി​ക്കുക. വെള്ളമി​രി​ക്കുന്ന പാത്രം ശരിക്കും ചേർത്തു​മൂ​ടാ​വുന്ന ഒരടപ്പു​കൊ​ണ്ടു മൂടുക. കുറെ സമയ​ത്തേക്കു വെള്ളം അനങ്ങാതെ ഇരിക്കട്ടെ. അപ്പോൾ മാലി​ന്യ​ങ്ങ​ളെ​ല്ലാം അടിത്ത​ട്ടിൽ അടിഞ്ഞു​കൊ​ള്ളും. വെള്ളം കോരി​യെ​ടു​ക്കു​മ്പോൾ വിരലു​കൾ വെള്ളത്തിൽ മുട്ടരുത്‌, മറിച്ച്‌ നീണ്ട പിടി​യുള്ള ഒരു കപ്പ്‌ ഉപയോ​ഗി​ക്കുക. വെള്ളം സൂക്ഷി​ക്കുന്ന പാത്രങ്ങൾ ബ്ലീച്ച്‌ ലായനി​കൊ​ണ്ടു പതിവാ​യി കഴുകുക. എന്നിട്ട്‌ നല്ല വെള്ള​മൊ​ഴിച്ച്‌ അഴുക്കു കഴുകി​ക്ക​ള​യുക. മഴവെ​ള്ള​ത്തി​ന്റെ കാര്യ​മോ? (മഴ പെയ്‌താൽ!) അതു വളരെ ലാഭമുള്ള ഒരു കാര്യ​മാണ്‌, മഴവെ​ള്ള​ത്തോ​ടൊ​പ്പം സംഭര​ണി​യിൽ അഴു​ക്കൊ​ന്നും വന്നു​ചേ​രാ​തി​രി​ക്കു​ക​യും പ്രാണി​ക​ളിൽനി​ന്നും എലിക​ളിൽനി​ന്നും മററു മൃഗങ്ങ​ളിൽനി​ന്നും വെള്ളം സംരക്ഷി​ക്ക​പ്പെ​ടു​ക​യും ചെയ്യു​ന്നു​വെ​ങ്കിൽ അതു സുരക്ഷി​ത​മാ​യി​രി​ക്കും.

വെള്ളം സുരക്ഷി​ത​മാ​ണോ അല്ലയോ എന്നു നിങ്ങൾക്കു സംശയ​മു​ള്ള​പ്പോൾ സോഡി​യം ഹൈ​പ്പോ​ക്ലോ​റൈ​റേറാ കാൽസി​യം ഹൈ​പ്പോ​ക്ലോ​റൈ​റേറാ പോലുള്ള ക്ലോറിൻ പുറത്തു​വി​ടുന്ന പദാർഥങ്ങൾ അതിൽ ചേർക്കാൻ ഡബ്ലിയു​എച്ച്‌ഒ നിർദേ​ശി​ക്കു​ന്നു. അതു ഫലപ്ര​ദ​വും ചെലവു​കു​റ​ഞ്ഞ​തു​മാണ്‌. ഉദാഹ​ര​ണ​ത്തിന്‌, പെറു​വിൽ ഈ രീതിക്ക്‌ ഒരു വർഷം ഒരു കുടും​ബ​ത്തി​നു രണ്ടു ഡോള​റിൽ താഴയേ ചെലവാ​കു​ക​യു​ള്ളൂ.

ആരോ​ഗ്യ​വും ആരോ​ഗ്യ​പ​രി​പാ​ല​ന​വും

മിക്ക​പ്പോ​ഴും രണ്ടുതരം ആരോ​ഗ്യ​പ​രി​പാ​ല​നമേ പാവ​പ്പെ​ട്ടവർ കാണാ​റു​ള്ളൂ: (1) ലഭ്യം എന്നാൽ താങ്ങാ​നാ​വാ​ത്തത്‌. (2) താങ്ങാ​നാ​വു​ന്നത്‌ എന്നാൽ ലഭ്യമ​ല്ലാ​ത്തത്‌. ഡോണാ മാരിയ സാവൊ പൗലോ​യി​ലെ ഏതാണ്ട്‌ 6,50,000 ചേരി​നി​വാ​സി​ക​ളിൽ ഒരാളാണ്‌. അവൾ ഒന്നാമത്തെ സംഗതി​യെ​ക്കു​റിച്ച്‌ ഇങ്ങനെ പറയുന്നു: “ഞങ്ങളെ സംബന്ധി​ച്ചി​ട​ത്തോ​ളം, നല്ല ആരോ​ഗ്യ​പ​രി​പാ​ലനം വളരെ വില​യേ​റിയ സാധന​ങ്ങ​ളുള്ള ഒരു കടയിൽ പ്രദർശ​ന​ത്തി​നു വെച്ചി​രി​ക്കുന്ന ഒരിനം പോ​ലെ​യാണ്‌. ഞങ്ങൾക്ക്‌ അതു നോക്കാൻ കഴിയും, എന്നാൽ അതു ഞങ്ങൾക്കു വാങ്ങാ​നാ​വില്ല.” (വാൻഡാർ മാഗസിൻ) തീർച്ച​യാ​യും, ഡോണാ മാരിയ വസിക്കു​ന്നത്‌ ഹൃദയ​ത്തി​ന്റെ ബൈപാസ്‌ ശസ്‌ത്ര​ക്രി​യ​ക​ളും അവയവ​മാ​ററ ശസ്‌ത്ര​ക്രി​യ​ക​ളും സിഎററി സ്‌കാ​നു​ക​ളും മററ്‌ ഉയർന്ന സാങ്കേ​തിക ചികി​ത്സ​ക​ളും ലഭ്യമായ ആശുപ​ത്രി​ക​ളുള്ള ഒരു നഗരത്തി​ലാണ്‌. എന്നിരു​ന്നാ​ലും, അവളെ സംബന്ധി​ച്ചി​ട​ത്തോ​ളം ഈ കാര്യങ്ങൾ വഹിക്കാ​വു​ന്ന​വയല്ല.

വഹിക്കാൻ കഴിയാ​തെ​വ​രുന്ന ആരോ​ഗ്യ​പ​രി​പാ​ലനം ഒരു കടയിലെ വില​യേ​റിയ സാധനം പോ​ലെ​യാണ്‌, അപ്പോൾ വഹിക്കാ​വുന്ന ആരോ​ഗ്യ​പ​രി​പാ​ലനം വാങ്ങാ​നാ​യി ഒരേസ​മയം നൂറു​ക​ണ​ക്കിന്‌ ഉപഭോ​ക്താ​ക്കൾ തിക്കി​ത്തി​ര​ക്കി​വ​രുന്ന വിലകു​റഞ്ഞ ഒരു സാധനം പോ​ലെ​യും. ഒരു തെക്കേ അമേരി​ക്കൻ രാജ്യത്തെ അടുത്ത​കാ​ലത്തെ ഒരു വാർത്താ​റി​പ്പോർട്ട്‌ ഇങ്ങനെ അഭി​പ്രാ​യ​പ്പെട്ടു: ‘ഡോക്ടറെ കാണാൻ രോഗി​കൾ രണ്ടു ദിവസ​മാ​യി നിരയിൽ നിൽക്കു​ക​യാണ്‌. കിടക്ക​ക​ളില്ല. പൊതു ആശുപ​ത്രി​കൾക്കു പണവും മരുന്നും ഭക്ഷണവു​മില്ല. ആരോ​ഗ്യ​പ​രി​പാ​ലന വ്യവസ്ഥ​യ്‌ക്കു രോഗം ബാധി​ച്ചി​രി​ക്കു​ന്നു.’

ജനതതി​ക​ളു​ടെ അത്തരം രോഗ​ഗ്ര​സ്‌ത​മായ ആരോഗ്യ പരിപാ​ലനം മെച്ച​പ്പെ​ടു​ത്താൻ ഡബ്ലിയു​എച്ച്‌ഒ അതിന്റെ പ്രവർത്തനം രോഗ​നി​യ​ന്ത്ര​ണ​ത്തിൽനി​ന്നും ആരോഗ്യ ഉന്നമന​ത്തി​ലേക്കു മാററി​യി​രി​ക്കു​ക​യാണ്‌, രോഗ​ങ്ങളെ നിയ​ന്ത്രി​ക്കു​ന്ന​തി​ലും അവയെ തടയു​ന്ന​തി​ലും ആളുകളെ പഠിപ്പി​ച്ചു​കൊ​ണ്ടു​തന്നെ. ശരിയായ പോഷണം, ശുദ്ധജലം, അടിസ്ഥാന ശുചി​ത്വം എന്നിവ പോലുള്ള അടിസ്ഥാന ആരോഗ്യ പരിപാ​ല​നത്തെ പ്രോ​ത്സാ​ഹി​പ്പി​ക്കുന്ന പരിപാ​ടി​കൾ “ആഗോ​ള​പ​ര​മായ ആരോ​ഗ്യ​ത്തിൽ ഗണ്യമായ ഒരു പുരോ​ഗതി”യിൽ കലാശി​ച്ചി​ട്ടു​ണ്ടെന്ന്‌ യുഎൻ ക്രോ​ണി​ക്കിൾ എഴുതു​ന്നു. ഈ പരിപാ​ടി​കൾ നിങ്ങൾക്കു പ്രയോ​ജനം ചെയ്യു​ന്നു​വോ? അവയി​ലൊന്ന്‌ നിങ്ങൾക്കു പ്രയോ​ജനം ചെയ്‌തേ​ക്കാം. ഏത്‌? ഇപിഐ (Expanded Program on Immunization—പ്രതിരോധ കുത്തി​വ​യ്‌പ്‌ സംബന്ധിച്ച വികസിത പരിപാ​ടി).

“ഭവനത്തി​ലേ​ക്കും കൊച്ചു​ഗ്രാ​മ​ത്തി​ലേ​ക്കും കൂടെ​ക്കൂ​ടെ സന്ദർശി​ക്കുന്ന വ്യക്തി​യെന്ന നിലയിൽ പോസ്‌റ​റു​മാ​ന്റെ സ്ഥാനം പ്രതി​രോ​ധ​മ​രുന്ന്‌ കുത്തി​വ​യ്‌പു​കാ​രൻ കയ്യടക്കി​യി​രി​ക്കു​ന്നു” എന്ന്‌ ഇപിഐ-യെ സംബന്ധിച്ച ഒരു റിപ്പോർട്ടു പറയുന്നു. കഴിഞ്ഞ ദശകത്തിൽ, ആമസോൺമു​തൽ ഹിമാ​ല​യം​വരെ പ്രതി​രോധ കുത്തി​വ​യ്‌പു​കൾ എടുക്കു​ക​യു​ണ്ടാ​യി. കൂടാതെ, 1990-ഓടു കൂടി ലോക​ത്തി​ലെ ശിശു​ക്ക​ളിൽ 80 ശതമാനം പേരി​ലും ആറ്‌ മാരക രോഗ​ങ്ങൾക്കെ​തി​രെ പ്രതി​രോധ കുത്തി​വ​യ്‌പു നടത്തു​ക​യു​ണ്ടാ​യെന്നു ഡബ്ലിയു​എച്ച്‌ഒ റിപ്പോർട്ടു ചെയ്‌തു.a ഇപിഐ വർഷ​ന്തോ​റും 30 ലക്ഷത്തി​ല​ധി​കം കുട്ടി​ക​ളു​ടെ ജീവനാ​ണു രക്ഷിക്കു​ന്നത്‌. വൈക​ല്യം ബാധി​ച്ചേ​ക്കു​മാ​യി​രുന്ന മറെറാ​രു 4,50,000 പേർക്കു നടക്കാ​നും ഓടാ​നും കളിക്കാ​നും കഴിയു​ന്നു. അങ്ങനെ, രോഗങ്ങൾ തടയു​ന്ന​തിന്‌ അനേകം മാതാ​പി​താ​ക്ക​ളും തങ്ങളുടെ കുട്ടി​ക​ളിൽ പ്രതി​രോധ കുത്തി​വ​യ്‌പെ​ടു​ക്കാൻ വ്യക്തി​പ​ര​മാ​യി തീരു​മാ​നി​ക്കു​ക​യാണ്‌.

ചില അവസര​ങ്ങ​ളിൽ നിങ്ങൾക്കു രോഗത്തെ തടയാ​നാ​വില്ല, എന്നാൽ അപ്പോ​ഴും അതിനെ നിയ​ന്ത്രി​ക്കാൻ നിങ്ങൾക്കു കഴി​ഞ്ഞേ​ക്കും. “എല്ലാത്തരം ആരോഗ്യ പരിപാ​ല​ന​ത്തി​ന്റെ​യും പകുതി​യി​ല​ധി​ക​വും സ്വയം​പ​രി​പാ​ല​ന​മോ കുടും​ബം പ്രദാനം ചെയ്യുന്ന പരിപാ​ല​ന​മോ ആണെന്നു കണക്കാ​ക്ക​പ്പെ​ട്ടി​രി​ക്കു​ന്നു” എന്ന്‌ ലോകാ​രോ​ഗ്യം (ഇംഗ്ലീഷ്‌) എന്ന മാഗസിൻ പറയുന്നു. അത്തര​മൊ​രു സ്വയം​പ​രി​പാ​ലനം വളരെ ലളിത​വും ചെലവു​കു​റ​ഞ്ഞ​തു​മാണ്‌. അത്‌ ഉപ്പി​ന്റെ​യും പഞ്ചസാ​ര​യു​ടെ​യും ശുദ്ധജ​ല​ത്തി​ന്റെ​യും ഒരു മിശ്രി​ത​മായ, അധര പുനർജ​ലീ​കരണ ലായനി​യാണ്‌ (ORS).

വയറി​ള​ക്കം നിമി​ത്ത​മു​ണ്ടാ​കുന്ന നിർജ​ലീ​ക​ര​ണ​ത്തിന്‌ ഏററവും ഫലപ്ര​ദ​മായ ചികിത്സ ഒആർഎസ്‌-ന്റെ ഉപയോ​ഗം ഉൾപ്പെ​ടെ​യുള്ള അധര പുനർജ​ലീ​കരണ ചികി​ത്സ​യാ​ണെന്ന്‌ ആരോ​ഗ്യ​രം​ഗത്തെ പല വിദഗ്‌ധ​രും കരുതു​ന്നു. വികസ്വ​ര​രാ​ജ്യ​ങ്ങ​ളിൽ പ്രതി​വർഷ​മു​ണ്ടാ​കുന്ന 150 കോടി വയറിളക്ക കേസു​കളെ നിയ​ന്ത്രി​ക്കാൻ ലോക​വ്യാ​പ​ക​മാ​യി അത്‌ ഉപയോ​ഗി​ച്ചാൽ, മൂന്നു രൂപ മാത്രം വിലവ​രുന്ന ഒആർഎസ്‌ ഉപ്പിന്റെ ഒരു കൊച്ചു​പാ​ക്ക​റ​റിന്‌ ഓരോ വർഷവും വയറിളക്ക രോഗങ്ങൾ മുഖാ​ന്തരം മരണമ​ട​യുന്ന 32 ലക്ഷം കുട്ടി​ക​ളിൽ അനേക​രു​ടെ​യും ജീവനെ രക്ഷിക്കാൻ കഴിയും.

അതിന്‌ അതുതന്നെ ചെയ്യാൻ കഴിയും, എന്നാൽ ഇപ്പോ​ഴും ചില രാജ്യ​ങ്ങ​ളിൽ വയറി​ള​ക്ക​വി​രുദ്ധ മരുന്നു​ക​ളു​ടെ ഉപയോ​ഗം “ഒആർഎസ്‌-ന്റെ ഉപയോ​ഗ​ത്തെ​ക്കാൾ വളരെ സാധാ​ര​ണ​മാണ്‌” എന്ന്‌ ഡബ്ലിയു​എച്ച്‌ഒ വാർത്താ​പ​ത്രി​ക​യായ എസെൻഷ്യൽ ഡ്രഗ്‌സ്‌ മോണി​ട്ടർ പ്രസ്‌താ​വി​ക്കു​ന്നു. ഉദാഹ​ര​ണ​ത്തിന്‌, ചില വികസ്വ​ര​രാ​ജ്യ​ങ്ങ​ളിൽ വയറിളക്ക ചികി​ത്സ​യ്‌ക്ക്‌ ഒആർഎസ്‌-നെക്കാൾ മൂന്നു മടങ്ങ്‌ കൂടുതൽ ഉപയോ​ഗി​ക്കു​ന്നതു മരുന്നു​ക​ളാണ്‌. “മരുന്നു​ക​ളു​ടെ ഈ അനാവശ്യ ഉപയോ​ഗം വളരെ ചെലവു​ള്ള​താണ്‌” എന്ന്‌ ആ വാർത്താ​പ​ത്രിക അഭി​പ്രാ​യ​പ്പെ​ടു​ന്നു. അതിനു വേണ്ടി ദരിദ്ര കുടും​ബങ്ങൾ ഭക്ഷണം വിൽക്കു​ക​പോ​ലും ചെയ്യേ​ണ്ടി​വ​ന്നേ​ക്കാം. മാത്രമല്ല, വയറി​ള​ക്ക​വി​രുദ്ധ മരുന്നു​കൾക്കു യാതൊ​രു പ്രാ​യോ​ഗിക മൂല്യ​വു​മില്ല, ചില മരുന്നു​കൾ അപകട​ക​ര​വു​മാണ്‌ എന്ന്‌ അതു മുന്നറി​യി​പ്പു നൽകുന്നു. “ഡോക്ടർമാർ അത്തരം മരുന്നു​കൾ കുറി​ച്ചു​കൊ​ടു​ക്ക​രുത്‌, . . . കുടും​ബങ്ങൾ അവ വാങ്ങു​ക​യു​മ​രുത്‌.”

മരുന്നു​കൾ ശുപാർശ ചെയ്യു​ന്ന​തി​നു​പ​കരം വയറി​ള​ക്കത്തെ ചികി​ത്സി​ക്കു​ന്ന​തി​നാ​യി ഡബ്ലിയു​എച്ച്‌ഒ പിൻവ​രുന്ന കാര്യങ്ങൾ നിർദേ​ശി​ക്കു​ന്നു. (1) കഞ്ഞി​വെ​ള്ള​മോ ചായയോ പോലുള്ള ലായനി​കൾ കുട്ടിക്കു കൂടുതൽ കൊടു​ത്തു​കൊണ്ട്‌ നിർജ​ലീ​ക​ര​ണത്തെ തടയുക. (2) പിന്നെ​യും കുട്ടി​യിൽനി​ന്നു ജലാംശം നഷ്ടപ്പെ​ടു​ക​യാ​ണെ​ങ്കിൽ, സ്ഥിതി​വി​ശേഷം വിലയി​രു​ത്തു​ന്ന​തിന്‌ ഒരു ആരോ​ഗ്യ​പ്ര​വർത്ത​കനെ കാണുക, എന്നിട്ട്‌ ഒആർഎസ്‌-കൊണ്ട്‌ കുട്ടിയെ ചികി​ത്സി​ക്കുക. (3) വയറി​ള​ക്ക​മുള്ള സമയത്തും അതിനു​ശേ​ഷ​വും കുട്ടിക്കു സാധാ​ര​ണ​പോ​ലെ​തന്നെ ആഹാരം കൊടു​ക്കുക. (4) കുട്ടി​യിൽനി​ന്നു വളരെ​യ​ധി​കം ജലാംശം നഷ്ടപ്പെ​ടു​ന്നു​വെ​ങ്കിൽ ലായനി​കൾ ഞരമ്പി​ലൂ​ടെ കുത്തി​വെ​ക്കേ​ണ്ട​തുണ്ട്‌.b

മുന്നമേ തയ്യാറാ​ക്കിയ ഒആർഎസ്‌ നിങ്ങൾക്കു ലഭ്യമ​ല്ലെ​ങ്കിൽ ഈ ലളിത​മായ നിർദേശം ശ്രദ്ധാ​പൂർവം പിൻപ​റ​റുക: ഒരു ടീസ്‌പൂൺ വടി​ച്ചെ​ടുത്ത്‌ ഉപ്പും എട്ട്‌ ടീസ്‌പൂൺ വടി​ച്ചെ​ടുത്ത്‌ പഞ്ചസാ​ര​യും ഒരു ലിററർ (200 മില്ലി​ലി​ററർ അളവുള്ള കപ്പിന്‌ അഞ്ച്‌ കപ്പ്‌) ശുദ്ധജ​ല​ത്തിൽ കലക്കുക. ഓരോ പ്രാവ​ശ്യം വയറി​ള​കു​മ്പോ​ഴും ഈ ലായനി ഒരു കപ്പു കൊടു​ക്കുക. കൊച്ചു​കു​ട്ടി​കൾക്ക്‌ അരക്കപ്പ്‌. ഈ വിഷയം സംബന്ധിച്ച കൂടു​ത​ലായ നിർദേ​ശ​ങ്ങൾക്കു വേണ്ടി 10-ാം പേജിലെ ചതുരം കാണുക.

എന്നാൽ, നാലാ​മത്തെ ഘടകം, നമ്മുടെ ജീവശാ​സ്‌ത്ര​പ​ര​മായ ഘടന, സംബന്ധി​ച്ചെന്ത്‌? അതിനെ എങ്ങനെ സ്വാധീ​നി​ക്കാൻ കഴിയും? പിൻവ​രുന്ന ലേഖനം ആ ചോദ്യം ചർച്ച​ചെ​യ്യു​ന്നു.

[അടിക്കു​റി​പ്പു​കൾ]

[8, 9 പേജു​ക​ളി​ലെ ചതുരം]

അടിസ്ഥാന ആരോ​ഗ്യ​പ​രി​പാ​ലനം—അതെങ്ങനെ പ്രയോ​ജനം ചെയ്യുന്നു?

ഈ ചോദ്യ​ത്തിന്‌ ഉത്തരം കണ്ടുപി​ടി​ക്കു​ന്ന​തിന്‌, തെക്കേ അമേരി​ക്ക​യി​ലെ ഡബ്ലിയു​എച്ച്‌ഒ പ്രതി​നി​ധി​യായ ഡോ. മൈക്കിൾ ഒ’കരോ​ളി​നോട്‌ ഉണരുക! സംസാ​രി​ക്കു​ക​യു​ണ്ടാ​യി. അതിൽനി​ന്നുള്ള പ്രസക്ത ഭാഗങ്ങൾ താഴെ കൊടു​ത്തി​രി​ക്കു​ന്നു.

‘ചികി​ത്സാർഥം ആരോ​ഗ്യം നേടുക എന്ന ആരോഗ്യ പരിപാ​ലന സമ്പ്രദാ​യ​മാ​ണു നമുക്കു​ള്ളത്‌. നിങ്ങൾക്കു രോഗം വന്നാൽ നിങ്ങൾ ഡോക്ട​റു​ടെ അടുത്തു പോകു​ന്നു. നിങ്ങൾ രണ്ടു കുപ്പി വിസ്‌കി കുടിച്ചു എന്ന വസ്‌തുത മറന്നു​ക​ള​യു​ന്നു. നിങ്ങൾ ഒരിക്ക​ലും വ്യായാ​മം ചെയ്യു​ന്നി​ല്ലെന്ന കാര്യ​വും മറന്നു​ക​ള​യു​ന്നു. ഡോക്ടറെ കണ്ട്‌ നിങ്ങൾ ഇങ്ങനെ പറയുന്നു: “ഡോക്ടർ, എന്നെ ഭേദമാ​ക്കണം.” അപ്പോൾ ഡോക്ടർ എന്തോ കഴിക്കാൻ തരുന്നു, എന്തോ കയ്യിൽ കുത്തി​വെ​ക്കു​ന്നു, എന്തോ മുറി​ച്ചു​ക​ള​യു​ന്നു, അല്ലെങ്കിൽ ശരീര​ത്തിൽ എന്തെങ്കി​ലും പിടി​പ്പി​ക്കു​ന്നു. അൽപ്പം കട്ടിയാ​യി​ട്ടാ​ണു ഞാൻ സംസാ​രി​ക്കു​ന്ന​തെന്നു നിങ്ങൾ മനസ്സി​ലാ​ക്കു​മ​ല്ലോ, എന്നാൽ നിലനി​ന്നു​പോ​ന്നി​ട്ടുള്ള വൈദ്യ​ശാ​സ്‌ത്ര സമീപനം ഇതാണ്‌. സമൂഹ​ത്തി​ന്റെ പ്രശ്‌നങ്ങൾ വൈദ്യ​ശാ​സ്‌ത്ര പ്രശ്‌ന​ങ്ങ​ളാ​യി നാം തെററി​ദ്ധ​രി​ച്ചി​രി​ക്കു​ന്നു. ആത്മഹത്യ​യും വികല​പോ​ഷ​ണ​വും മയക്കു​മ​രു​ന്നു ദുരു​പ​യോ​ഗ​വു​മൊ​ക്കെ വൈദ്യ​ശാ​സ്‌ത്ര പ്രശ്‌ന​ങ്ങ​ളാ​യി മാറി​യി​രി​ക്കു​ന്നു. എന്നാൽ അവ വാസ്‌ത​വ​ത്തിൽ അത്തരത്തിൽപ്പെ​ട്ട​വയല്ല. അവ ആരോഗ്യ പ്രശ്‌നങ്ങൾ പോലു​മല്ല. ആരോ​ഗ്യ​സം​ബ​ന്ധ​വും വൈദ്യ​ശാ​സ്‌ത്ര സംബന്ധ​വു​മായ പരിണ​ത​ഫ​ല​ങ്ങ​ളുള്ള സാമൂ​ഹിക പ്രശ്‌ന​ങ്ങ​ളാണ്‌ അവ.

‘ഇനിയും, കഴിഞ്ഞ 20 വർഷങ്ങ​ളാ​യി ആളുകൾ ഇങ്ങനെ പറഞ്ഞി​രി​ക്കു​ന്നു, “ഏയ്‌, നിന്നു ചിന്തിക്കൂ. നാം കാര്യങ്ങൾ ചെയ്യു​ന്നതു ശരിയായ വിധമല്ല. ആരോ​ഗ്യം എന്നത്‌ എന്തെന്നു നാം പുനർനിർവ​ചി​ക്കേ​ണ്ട​തുണ്ട്‌.” അടിസ്ഥാന ആരോ​ഗ്യ​പ​രി​പാ​ലന സമീപ​ന​ത്തിൽ അന്തർലീ​ന​മാ​യി​രി​ക്കുന്ന ചില തത്ത്വങ്ങൾ ഉരുത്തി​രി​ഞ്ഞു​വന്നു, അതു​പോ​ലു​ള്ള​വ​യാ​ണു പിൻവ​രു​ന്നവ:

‘രോഗത്തെ ചികി​ത്സി​ക്കു​ന്ന​തി​നു പകരം അതിനെ പ്രതി​രോ​ധി​ക്കു​ന്നതു കൂടുതൽ മനുഷ്യ​ത്വ​പ​ര​വും ലാഭക​ര​വു​മാ​ണെന്നു വളരെ​ക്കാ​ലം കഴിയു​മ്പോൾ മനസ്സി​ലാ​കും. ഉദാഹ​ര​ണ​ത്തിന്‌, രോഗ​കാ​ര​ണങ്ങൾ സംബന്ധിച്ച്‌ ഒന്നും​തന്നെ ചെയ്യാ​ത്ത​പ്പോൾ ഹൃദയം തുറന്നുള്ള ശസ്‌ത്ര​ക്രിയ നടത്താ​നാ​യി ഒരാശു​പ​ത്രി പണിയു​ന്നത്‌ ഈ തത്ത്വത്തിന്‌ എതിരാണ്‌. രോഗ​ങ്ങ​ളു​ണ്ടാ​യാൽ ചികി​ത്സി​ക്കണ്ട എന്നല്ല അതിന്റെ അർഥം. തീർച്ച​യാ​യും ചികി​ത്സി​ക്കണം. വാരത്തി​ലെ എല്ലാ ദിവസ​വും അപകട​ങ്ങൾക്കു കാരണ​മാ​കുന്ന ഒരു കുഴി വഴിയി​ലു​ണ്ടെ​ങ്കിൽ, അതിൽ വീണു കാലൊ​ടി​യുന്ന പാവം മനുഷ്യ​നെ നിങ്ങൾ ചികി​ത്സി​ക്കും. എന്നാൽ ഏറെ മനുഷ്യ​ത്വ​പ​ര​വും ചെലവു​കു​റ​ഞ്ഞ​തു​മായ സംഗതി​യോ: ആ കുഴി മൂടുക എന്നതും.

‘നിങ്ങളു​ടെ ആരോഗ്യ വിഭവ​ങ്ങളെ ഫലപ്ര​ദ​മാ​യി ഉപയോ​ഗി​ക്കുക എന്നതാണു മറെറാ​രു തത്ത്വം. വീട്ടിൽവെച്ചു കൈകാ​ര്യം ചെയ്യാ​വുന്ന പ്രശ്‌ന​ങ്ങൾക്ക്‌ ഒരുവനെ ക്ലിനി​ക്കിൽ അയയ്‌ക്കു​ക​യോ ഒരു ക്ലിനി​ക്കിൽവെച്ചു പരിഹ​രി​ക്കാ​വുന്ന പ്രശ്‌ന​ത്തി​നു വളരെ അത്യന്താ​ധു​നി​ക​മായ ഒരാശു​പ​ത്രി​യി​ലേക്ക്‌ അയയ്‌ക്കു​ക​യോ ചെയ്യു​ന്നത്‌ ഈ തത്ത്വത്തിന്‌ എതിരാ​യി​രി​ക്കും. അല്ലെങ്കിൽ, ആറു മാസത്തെ പരിശീ​ല​ന​മുള്ള ഒരാൾക്കു പ്രതി​രോധ കുത്തി​വ​യ്‌പു നൽകാൻ സാധി​ക്കു​മെ​ന്നി​രി​ക്കെ ഒരു യൂണി​വേ​ഴ്‌സി​റ​റി​യിൽ പത്തു വർഷം പരിശീ​ലനം നേടിയ ഒരു ഡോക്ടറെ അതിനു​വേണ്ടി പറഞ്ഞയ​യ്‌ക്കു​ന്നത്‌ ഈ തത്ത്വത്തിന്‌ എതിരാ​യി​രി​ക്കും. പരിശീ​ലനം നേടിയ ജോലി നിർവ​ഹി​ക്കാൻ ഡോക്ട​റു​ടെ ആവശ്യം വരു​മ്പോൾ അദ്ദേഹം ലഭ്യമാ​യി​രി​ക്കണം. പ്രാഥ​മിക ആരോ​ഗ്യ​പ​രി​പാ​ലനം നമ്മോടു പറയു​ന്നത്‌ ഇതാണ്‌: ആളുകളെ ബോധ​വാൻമാ​രാ​ക്കുക, രോഗങ്ങൾ തടയുക, നിങ്ങളു​ടെ ആരോഗ്യ വിഭവങ്ങൾ ജ്ഞാനപൂർവം ഉപയോ​ഗി​ക്കുക.’

[10-ാം പേജിലെ ചതുരം]

കോളറക്കുള്ള മറെറാ​രു ഒആർഎസ്‌

കോളറാ രോഗി​കളെ ചികി​ത്സി​ക്കു​ന്ന​തി​നു സാധാരണ ഉപയോ​ഗി​ക്കുന്ന ഗ്ലൂക്കോസ്‌ അടിസ്ഥാ​ന​മാ​ക്കി​യുള്ള ഒആർഎസി-നു (അധര പുനർജ​ലീ​കരണ ലായനി) പകരം അരി അടിസ്ഥാ​ന​മാ​ക്കി​യുള്ള ഒആർഎസ്‌ ആണ്‌ ഡബ്ലിയു​എച്ച്‌ഒ ഇപ്പോൾ ശുപാർശ ചെയ്യു​ന്നത്‌. സാധാരണ ഒആർഎസ്‌ കൊടുത്ത കോളറ രോഗി​ക​ളെ​ക്കാൾ അരിയെ അടിസ്ഥാ​ന​മാ​ക്കി​യുള്ള ഒആർഎസ്‌ ഉപയോ​ഗി​ച്ചു ചികി​ത്സിച്ച കോളറ രോഗി​ക​ളു​ടെ വയറി​ളക്കം 33 ശതമാനം കുറഞ്ഞു, മാത്രമല്ല അവരിൽ വയറി​ള​ക്ക​മു​ണ്ടായ തവണക​ളി​ലും കുറവു​ണ്ടാ​യി. അരിയെ അടിസ്ഥാ​ന​മാ​ക്കി​യുള്ള ഒരു ലിററർ ഒആർഎസ്‌ കിട്ടാൻ ഒരൗൺസ്‌ പഞ്ചസാ​ര​യ്‌ക്കു പകരം രണ്ടു മുതൽ മൂന്നു വരെ ഔൺസ്‌ വേവിച്ച അരി​പ്പൊ​ടി ചേർത്താൽ മതിയാ​കും.—എസെൻഷ്യൽ ഡ്രഗ്‌സ്‌ മോണി​ററർ.

[11-ാം പേജിലെ ചതുരം]

ചില കൂടുതൽ വിവരങ്ങൾ. . .

പെരുമാററം: “നല്ല ആരോ​ഗ്യം—നിങ്ങൾക്ക്‌ അതുസം​ബ​ന്ധിച്ച്‌ എന്തു ചെയ്യാൻ കഴിയും?” (ഉണരുക!, ഡിസംബർ 8, 1990) “പുകയി​ല​യും നിങ്ങളു​ടെ ആരോ​ഗ്യ​വും—യഥാർത്ഥ​ത്തിൽ ഒരു ബന്ധമു​ണ്ടോ?” (ഉണരുക!, സെപ്‌റ​റം​ബർ 8, 1990) “ജീവി​ച്ചി​രി​ക്കാൻ കുട്ടി​കളെ സഹായി​ക്കൽ!” (ഉണരുക!, നവംബർ 8, 1989) “മദ്യത്തി​നു നിങ്ങളു​ടെ ശരീര​ത്തിൻമേ​ലുള്ള ഫലം”—ഉണരുക!, മാർച്ച്‌ 8, 1981.

പരിസ്ഥിതി: “ശുചി​ത്വ​ത്തി​ന്റെ വെല്ലു​വി​ളി​യെ നേരിടൽ” (ഉണരുക!, നവംബർ 8, 1989) “ശുചി​ത്വ​മു​ള്ള​വ​രാ​യി​രി​ക്കുക, ആരോ​ഗ്യ​മു​ള്ള​വ​രാ​യി​രി​ക്കുക!”—ഉണരുക!, സെപ്‌റ​റം​ബർ 8, 1978.

ആരോഗ്യപരിപാലനം: “ജീവര​ക്ഷാ​ക​ര​മായ മററു നടപടി​കൾ” (ഉണരുക!, നവംബർ 8, 1989) “ജീവൻ രക്ഷിക്കുന്ന ലവണപാ​നീ​യം!”—ഉണരുക!, ജൂലൈ 8, 1986.

[7-ാം പേജിലെ ചിത്രം]

വെള്ളം ശേഖരി​ക്കു​ന്ന​തി​നു കാത്തി​രി​പ്പും ശ്രമവും ആവശ്യ​മാണ്‌

[കടപ്പാട്‌]

Mark Peters/Sipa Press

[9-ാം പേജിലെ ചിത്രം]

വേണ്ടുവോളം ശുദ്ധജലം—നല്ല ആരോ​ഗ്യ​ത്തിന്‌ ഒരു അവശ്യ​ഘ​ട​കം

[കടപ്പാട്‌]

Mark Peters/Sipa Press