ചൊറി​ത്ത​വ​ള​യും തവളയും—എന്താണു വ്യത്യാ​സം?

ചൊറി​ത്ത​വ​ള​യ്‌ക്കും തവളയ്‌ക്കും നൂറ്റാ​ണ്ടു​ക​ളാ​യി ഒരു ചീത്ത​പ്പേ​രുണ്ട്‌. “അവ ചൊറി​യു​ണ്ടാ​ക്കു​ന്നു.” “ആളുകളെ ചൊറി​ത്ത​വ​ള​ക​ളും തവളക​ളും ആക്കി മാറ്റാൻ മന്ത്രവാ​ദി​നി​കൾക്കു കഴിയും.” രാജകു​മാ​രി ചുംബി​ച്ച​പ്പോൾ സുന്ദര​നായ രാജകു​മാ​ര​നാ​യി മാറിയ വൃത്തി​കെട്ട തവളയു​ടെ കഥ ആരാണു കേട്ടി​ട്ടി​ല്ലാ​ത്തത്‌? പക്ഷേ, കെർമിറ്റ്‌ പ്രസി​ദ്ധി​യാർജി​ച്ച​തോ​ടു​കൂ​ടി “സിസേം സ്‌ട്രീറ്റ്‌” എന്ന കുട്ടി​ക​ളു​ടെ ടിവി പരിപാ​ടി​യി​ലെ​യും “മപ്പെറ്റ്‌ ഷോ”യിലെ​യും തവളകൾക്ക്‌ കൂടുതൽ അനുകൂ​ല​മായ ഒരു ശ്രദ്ധ ലഭിച്ചു​കൊ​ണ്ടി​രി​ക്കു​ക​യാണ്‌. തവളക​ളെ​യും ചൊറി​ത്ത​വ​ള​ക​ളെ​യും സംബന്ധിച്ച യാഥാർഥ്യം എന്താണ്‌? അവ തമ്മിലുള്ള വ്യത്യാ​സം എന്താണ്‌?

നമുക്ക്‌ തെറ്റി​ദ്ധാ​രണ നേരെ​യാ​ക്കാം—ചൊറി​ത്ത​വ​ള​കളല്ല വൈറ​സു​ക​ളാ​ണു ചൊറി​യു​ണ്ടാ​ക്കു​ന്നത്‌. യക്ഷിക്ക​ഥകൾ വെറും യക്ഷിക്ക​ഥ​ക​ളാണ്‌, കെട്ടു​ക​ഥ​യും സങ്കൽപ്പ​വും​തന്നെ. മന്ത്രവാ​ദി​നി​കൾ ഉണ്ടെങ്കി​ലും അവർക്ക്‌ ഒരു വ്യക്തിയെ തവളയോ ചൊറി​ത്ത​വ​ള​യോ ആക്കി മാറ്റാൻ കഴിയു​ക​യില്ല.

തവളക​ളും ചൊറി​ത്ത​വ​ള​ക​ളും ലോക​ത്തി​ന്റെ മിക്ക ഭാഗങ്ങ​ളി​ലു​മുണ്ട്‌. എന്നാൽ അന്റാർട്ടി​ക്ക​യിൽ തവളക​ളില്ല. ആർട്ടി​ക്കിൽ ചൊറി​ത്ത​വ​ള​ക​ളു​മില്ല. തവളക​ളും ചൊറി​ത്ത​വ​ള​ക​ളും ഏകദേശം 3,800 ഇനങ്ങളുണ്ട്‌. അതിൽ ചൊറി​ത്ത​വ​ളകൾ 300-ലധികം ഇനങ്ങൾ വരും. ചൊറി​ത്ത​വ​ള​യെ​യും തവള​യെ​യും നിങ്ങൾക്കെ​ങ്ങ​നെ​യാ​ണു തിരി​ച്ച​റി​യാൻ കഴിയുക? ദ വേൾഡ്‌ ബുക്ക്‌ എൻ​സൈ​ക്ലോ​പീ​ഡിയ ഇപ്രകാ​രം ഉത്തരം നൽകുന്നു: “യഥാർഥ​ത്തി​ലുള്ള മിക്ക ചൊറി​ത്ത​വ​ള​ക​ളു​ടെ​യും ശരീരം യഥാർഥ​ത്തി​ലുള്ള മിക്ക തവളക​ളു​ടേ​തി​നെ​ക്കാ​ളും വീതി​കൂ​ടി​യ​തും പരന്നതു​മാണ്‌. അവയുടെ ത്വക്ക്‌ യഥാർഥ തവളക​ളു​ടേ​തി​നെ​ക്കാ​ളും കറുത്ത​തും വരണ്ടതു​മാ​യി​രി​ക്കും. സാധാ​ര​ണ​മാ​യി യഥാർഥ​ത്തി​ലുള്ള ചൊറി​ത്ത​വ​ള​ക​ളു​ടെ ശരീരം നിറയെ ചൊറി​യാ​യി​രി​ക്കും, എന്നാൽ യഥാർഥ തവളകൾക്കു മിനു​സ​മുള്ള ചർമമാ​ണു​ള്ളത്‌. യഥാർഥ തവളക​ളിൽനി​ന്നു വ്യത്യ​സ്‌ത​മാ​യി യഥാർഥ ചൊറി​ത്ത​വ​ള​ക​ളു​ടെ ഭൂരി​പ​ക്ഷ​വും കരയി​ലാ​ണു ജീവി​ക്കു​ന്നത്‌. മുതിർന്ന ചൊറി​ത്ത​വ​ളകൾ മുട്ടി​യി​ടാൻവേ​ണ്ടി​മാ​ത്രമേ വെള്ളത്തി​ലേ​ക്കി​റ​ങ്ങു​ക​യു​ള്ളൂ.” എന്നാൽ തവളകളെ സാധാ​ര​ണ​മാ​യി വെള്ളത്തി​ന​രി​കി​ലാ​ണു കാണു​ന്നത്‌, നിങ്ങളു​ടെ കാലൊച്ച കേൾക്കു​മ്പോൾ ചാടാ​നാ​യി അവ തയ്യാറാ​യി നിൽപ്പു​ണ്ടാ​വും. മിക്ക തവളകൾക്കും മേൽത്താ​ടി​യെ​ല്ലിൽ മാത്രം പല്ലുക​ളുണ്ട്‌. എന്നാൽ ചൊറി​ത്ത​വ​ള​കൾക്കു പല്ലില്ല. അങ്ങനെ രണ്ടു കൂട്ടരും ഇരയെ മുഴു​വ​നോ​ടെ വിഴു​ങ്ങു​ക​യാ​ണു ചെയ്യു​ന്നത്‌.

മിക്ക തവളക​ളും ചൊറി​ത്ത​വ​ള​ക​ളും ശക്തി​യേ​റിയ വിഷങ്ങൾ ഉത്‌പാ​ദി​പ്പി​ക്കു​ന്നു. കോസ്റ്റ റിക്കയി​ലെ ഇളം ചുവപ്പു​നി​റ​മുള്ള വിഷശര തവള (ഡെൻ​ഡ്രോ​ബേ​റ്റ്‌സ്‌ പുമി​ലി​യോ) ഇതി​നൊ​രു ഉദാഹ​ര​ണ​മാണ്‌. ചില തവളവി​ഷ​ങ്ങൾക്ക്‌ ഒരു വ്യക്തിയെ അനായാ​സം കൊല്ലാൻ കഴിയും. ജീവശാ​സ്‌ത്രം എന്ന പുസ്‌തകം ഇപ്രകാ​രം പ്രസ്‌താ​വി​ക്കു​ന്നു: “ഉഷ്‌ണ​മേ​ഖ​ല​യി​ലെ നാടൻ ഗോ​ത്ര​ക്കാർ തങ്ങളുടെ അമ്പുക​ളിൽ പലപ്പോ​ഴും വിഷം തേക്കു​ന്നത്‌ ഈ തവളക​ളിൽ ഉരസി​യാണ്‌.” ബൈബിൾ പുസ്‌ത​ക​മായ വെളി​പാ​ടിൽ “അശുദ്ധാ​ത്മാക്ക”ളെ തവളക​ളോട്‌ ഉപമി​ച്ചി​രി​ക്കു​ന്നു. അതെന്തു​കൊ​ണ്ടാ​യി​രി​ക്കും? എന്തു​കൊ​ണ്ടെ​ന്നാൽ, മോ​ശൈക ന്യായ​പ്ര​മാ​ണ​ത്തിൽ തവളകൾ ഭക്ഷിക്കാൻ പറ്റാത്ത​വി​ധം അശുദ്ധ​മാ​യി​രു​ന്നു. ചൊറി​ത്ത​വ​ള​ക​ളെ​ക്കു​റി​ച്ചു ബൈബി​ളിൽ പരാമർശ​ന​മില്ല.—വെളി​പ്പാ​ടു 16:13; ലേവ്യ​പു​സ്‌തകം 11:12.

[31-ാം പേജിലെ ചിത്രങ്ങൾ]

വലത്ത്‌: ചൊറി​ത്തവള. താഴെ: തവള