കാറ്റിന്റെ ശക്തി പ്രയോ​ജ​ന​പ്പെ​ടു​ത്തൽ

നെതർലൻഡ്‌സിലെ ഉണരുക! ലേഖകൻ

ഭ്രമണ​ത​ണ്ടിൽ (rotor) ഘടിപ്പി​ച്ചി​രി​ക്കുന്ന ഭീമാ​കാ​ര​മായ ഇലകൾ (blades) വട്ടത്തിൽ തിരി​ഞ്ഞു​കൊ​ണ്ടി​രി​ക്കു​ന്നു. തന്റെ മുമ്പോ​ട്ടുള്ള നീക്കത്തി​നു തടസ്സം സൃഷ്ടി​ക്കുന്ന പ്രവാ​ഹ​ത്തി​നെ​തി​രെ അക്ഷീണം പണി​പ്പെട്ടു നീന്തുന്ന ഒരു ഭീമാ​കാ​ര​നായ നീന്തൽക്കാ​രന്റെ കരങ്ങൾപ്പോ​ലെ അവ പതുക്കെ എങ്കിലും സ്ഥിരമാ​യി കറങ്ങി​ക്കൊ​ണ്ടി​രി​ക്കു​ന്നു. എന്നാൽ ഇവിടെ പ്രവാഹം കരങ്ങൾക്കു പ്രതി​ബന്ധം സൃഷ്ടി​ക്കു​ന്ന​തി​നു​പ​കരം അവയെ ചലിക്കാൻ സഹായി​ക്കു​ക​യാ​ണു ചെയ്യു​ന്നത്‌. ഇവിടത്തെ പ്രവാഹം കാറ്റാണ്‌. അതിന്റെ മർമര​ശബ്ദം ഒഴിച്ചാൽ കേൾക്കാൻ കഴിയു​ന്നതു യാന്ത്രി​ക​മായ ഈ കരങ്ങളു​ടെ മൂളൽ മാത്ര​മാണ്‌. ഇതാണു കാറ്റിന്റെ ശക്തിയിൽനി​ന്നു വൈദ്യു​തി ഉത്‌പാ​ദി​പ്പി​ക്കുന്ന കാറ്റ്‌ ടർബൈൻ.

ഐക്യ​നാ​ടു​കൾ, ജർമനി, ഡെൻമാർക്ക്‌, നെതർലൻഡ്‌സ്‌, ഫ്രാൻസ്‌ തുടങ്ങിയ രാജ്യ​ങ്ങ​ളു​ടെ കാറ്റു വീശുന്ന ഭാഗങ്ങ​ളിൽ കൂടുതൽ കൂടുതൽ കാറ്റ്‌ ടർ​ബൈ​നു​കൾ അങ്ങിങ്ങാ​യി കാണാം. ഐക്യ​നാ​ടു​ക​ളി​ലെ കാലി​ഫോർണി​യ​യിൽ ഇപ്പോൾത്തന്നെ 16,000-ത്തിലധി​കം കാറ്റ്‌ ടർ​ബൈ​നു​ക​ളുണ്ട്‌. സാൻ ഫ്രാൻസി​സ്‌കോ​യ്‌ക്ക്‌ ഏതാണ്ട്‌ 50 കിലോ​മീ​റ്റർ കിഴക്കുള്ള അൾട്ട​മോണ്ട്‌ ചുരത്തിൽ കാറ്റ്‌ ടർ​ബൈ​നു​ക​ളു​ടെ ഒരു വയലുണ്ട്‌. സ്ഥിരമാ​യുള്ള കാറ്റിൽനി​ന്നും ശക്തി​യെ​ടു​ക്കു​ന്ന​തി​നാ​യി ആ മലഞ്ചെ​രു​വു​ക​ളിൽ 7,000-ത്തോളം ടർ​ബൈ​നു​കൾ കൂട്ടമാ​യി നിൽക്കു​ന്നു. സാൻ ഫ്രാൻസി​സ്‌കോ​യി​ലെ​യും വാഷി​ങ്‌ടൺ, ഡി.സി.-യിലെ​യും പാർപ്പി​ടാ​വ​ശ്യ​ങ്ങൾക്കു മതിയായ ഊർജം ഉത്‌പാ​ദി​പ്പി​ക്കാൻ കാലി​ഫോർണി​യ​യി​ലെ മൊത്തം കാറ്റ്‌ ടർ​ബൈ​നു​കൾക്കു കഴിയു​മെന്നു പറയ​പ്പെ​ടു​ന്നു.

സമു​ദ്ര​ത്താൽ ചുറ്റ​പ്പെ​ട്ടു​കി​ട​ക്കുന്ന ഡെൻമാർക്കും കാറ്റിന്റെ ശക്തി പ്രയോ​ജ​ന​പ്പെ​ടു​ത്തു​ന്ന​തി​നു വളരെ പറ്റിയ സ്ഥലമാണ്‌; അവിടെ ഇപ്പോൾത്തന്നെ ഏതാണ്ടു 3,600 കാറ്റ്‌ ടർ​ബൈ​നു​ക​ളുണ്ട്‌. 1991-ൽ നെതർലൻഡ്‌സിൽ 300-ഓളം കാറ്റ്‌ ടർ​ബൈ​നു​കൾ മാത്രമേ ഉണ്ടായി​രു​ന്നു​ള്ളൂ. എന്നാൽ കാറ്റ്‌ ഏറ്റവു​മ​ധി​ക​മുള്ള ആ രാജ്യത്തെ പ്രവി​ശ്യ​കൾ അവയുടെ എണ്ണം 3,000 ആയി വർധി​പ്പി​ച്ചു. ഇംഗ്ലണ്ടി​ലെ ഊർജ ആസൂ​ത്ര​ക​രും സമാന​മായ ഒരളവിൽ തങ്ങളുടെ രാജ്യത്ത്‌ കാറ്റിനെ പ്രയോ​ജ​ന​പ്പെ​ടു​ത്താ​മെന്നു പ്രത്യാ​ശി​ക്കു​ന്നു.

തീർച്ച​യാ​യും, കാറ്റിന്റെ ശക്തി പ്രയോ​ജ​ന​പ്പെ​ടു​ത്തു​ന്നതു പുതി​യൊ​രാ​ശ​യമല്ല. എഞ്ചിൻ വരുന്ന​തി​നു മുമ്പുള്ള യുഗങ്ങ​ളിൽ കാറ്റിന്റെ ശക്തിയാൽ സമു​ദ്ര​ത്തി​ലൂ​ടെ യാത്ര​ചെ​യ്‌തി​ട്ടുള്ള കപ്പലു​ക​ളെ​യെ​ല്ലാം കുറിച്ച്‌ ഒന്നു ചിന്തിക്കൂ. വെള്ളം പമ്പു ചെയ്യു​ന്ന​തി​നും ധാന്യ​ങ്ങ​ളും സുഗന്ധ​വ്യ​ഞ്‌ജ​ന​ങ്ങ​ളും പൊടി​ക്കു​ന്ന​തി​നും തടി അറക്കു​ന്ന​തി​നും നൂറ്റാ​ണ്ടു​ക​ളാ​യി കാറ്റാ​ടി​യ​ന്ത്രങ്ങൾ ഉപയോ​ഗി​ച്ചി​രി​ക്കു​ന്നു. ഈ ആകർഷ​ക​മായ സ്‌മാ​ര​ക​വ​സ്‌തു​ക്ക​ളിൽ 900-ത്തോളം എണ്ണം നെതർലൻഡ്‌സിൽ അവശേ​ഷി​ച്ചി​ട്ടുണ്ട്‌. അവയിൽ പലതും ഇപ്പോ​ഴും ഒരു കുഴപ്പ​വു​മി​ല്ലാ​തെ ജലം പമ്പു ചെയ്യുന്നു; വൈദ്യു​തി​യി​ല്ലാ​ത്ത​പ്പോൾപ്പോ​ലും അവ ആശ്രയ​യോ​ഗ്യ​മാണ്‌.

ഡാനിഷ്‌ പ്രൊ​ഫ​സ​റായ പോൾ ഡി ലാ കൂർ വൈദ്യു​തി ഉത്‌പാ​ദി​പ്പി​ക്കു​ന്ന​തി​നാ​യി കാറ്റിന്റെ ശക്തി പ്രയോ​ജ​ന​പ്പെ​ടു​ത്തി നോക്കി​യത്‌ ഒരു നൂറ്റാണ്ടു മുമ്പാ​യി​രു​ന്നു. ആധുനി​ക​രീ​തി​യി​ലുള്ള ഇന്നത്തെ കാറ്റ്‌ ടർ​ബൈന്റെ ഒരു ചെറിയ മുന്നോ​ടിക്ക്‌ അദ്ദേഹം രൂപം​കൊ​ടു​ത്തു. എന്നാൽ ഫോസിൽ ഇന്ധനങ്ങൾ, ഉപയോ​ഗ​പ്പെ​ടു​ത്താൻ കൂടുതൽ എളുപ്പ​മു​ള്ള​വ​യും കൂടുതൽ ഊർജം പ്രദാ​നം​ചെ​യ്യു​ന്ന​വ​യും ആയിരി​ക്കു​ന്ന​താ​യി 20-ാം നൂറ്റാ​ണ്ടിൽ മനുഷ്യ​വർഗം കണ്ടെത്തി. ആ ഇന്ധനങ്ങൾ വിലകു​റ​ഞ്ഞ​തും സമൃദ്ധ​വു​മാ​യി​രി​ക്കു​ന്ന​താ​യി ആദ്യം തോന്നി; അതു​കൊണ്ട്‌ ഊർജ സ്രോ​ത​സ്സെ​ന്ന​നി​ല​യിൽ കാറ്റിനെ അവർ അനായാ​സേന വിലകു​റച്ചു കണ്ടു. 1973-ലെ എണ്ണ പ്രതി​സ​ന്ധി​യോ​ടു​കൂ​ടി​യാണ്‌ കാറ്റിന്റെ ശക്തിയെ വീണ്ടും ഗൗരവ​മാ​യി കാണാൻ തുടങ്ങി​യത്‌.

പരിതഃ​സ്ഥി​തി​ക്കുള്ള പ്രയോ​ജ​ന​ങ്ങൾ

ഇന്ധന ശേഖരം തീർന്നു​ക​ഴി​യു​മ്പോൾ എന്തു സംഭവി​ക്കു​മെന്നു പരിചി​ന്തി​ക്കാൻ എണ്ണ പ്രതി​സന്ധി ശാസ്‌ത്ര​ജ്ഞൻമാ​രെ പ്രേരി​പ്പി​ച്ചു. കാറ്റിന്റെ ശക്തി പോ​ലെ​യുള്ള ഇതര മാർഗങ്ങൾ കൂടുതൽ ആകർഷ​ക​മാ​യി​ത്തീർന്നു. കാറ്റ്‌ ഏതായാ​ലും തീർന്നു​പോ​കു​ക​യില്ല. ഫലത്തിൽ അതു സ്ഥിരം പുതു​ക്ക​പ്പെ​ട്ടു​കൊ​ണ്ടി​രി​ക്കു​ന്നു. അതു മിക്കവാ​റും ബൈബിൾ പറഞ്ഞതു​പോ​ലെ​യാണ്‌: “കാറ്റു ചുറ്റി​ച്ചു​റ്റി​ത്തി​രി​ഞ്ഞു​കൊ​ണ്ടു പരിവർത്തനം ചെയ്യുന്നു.” (സഭാ​പ്ര​സം​ഗി 1:6) അമ്ലമഴ​പോ​ലുള്ള ഭീതി​ദ​മായ പ്രതി​ഭാ​സ​ങ്ങൾക്കി​ട​യാ​ക്കു​ക​യും ഹരിത​ഗൃഹ പ്രഭാ​വത്തെ വർധി​പ്പി​ക്കു​ക​യും ചെയ്യുന്ന ഫോസിൽ ഇന്ധനങ്ങ​ളെ​ക്കാ​ളും കാറ്റിന്റെ ശക്തി പരിതഃ​സ്ഥി​തി​യിൽ കൂടുതൽ സൗകര്യ​പ്ര​ദ​മാണ്‌. കാറ്റിൽനി​ന്നുള്ള ഊർജം യാതൊ​രു തരത്തി​ലുള്ള രാസോ​ത്സർജ​ന​ങ്ങ​ളും ഉളവാ​ക്കു​ന്നില്ല.

വാതക​ത്തി​ന്റെ​യോ കൽക്കരി​യു​ടെ​യോ എണ്ണയു​ടെ​യോ അത്രയും ഗാഢത​യുള്ള ഊർജ​രൂ​പ​മ​ല്ലെ​ങ്കി​ലും കാറ്റിന്‌ അത്ഭുത​ക​ര​മായ പ്രയോ​ജ​ന​ങ്ങ​ളുണ്ട്‌. ഉദാഹ​ര​ണ​ത്തിന്‌, മണിക്കൂ​റിൽ പത്തു കിലോ​മീ​റ്റർ വേഗത്തിൽ വീശുന്ന ഇളംകാ​റ്റിൽ സാവധാ​നം കറങ്ങുന്ന ഒരു കാറ്റ്‌ ടർ​ബൈ​നെ​ക്കു​റി​ച്ചു സങ്കൽപ്പി​ക്കുക. പെട്ടെന്നു കാറ്റു ശക്തി​പ്രാ​പി​ക്കു​ന്നു. അതായത്‌ അതിന്റെ വേഗത മണിക്കൂ​റിൽ 20 കിലോ​മീ​റ്റ​റാ​യി ഇരട്ടി​ക്കു​ന്നു. ഇപ്പോൾ ടർബൈൻ കാറ്റിൽനിന്ന്‌ എത്രമാ​ത്രം കൂടുതൽ ഊർജം ഉത്‌പാ​ദി​പ്പി​ക്കും? ഇരട്ടി​യാ​ണോ? അല്ല. ന്യൂ സയൻറിസ്റ്റ്‌ മാസിക ഇപ്രകാ​രം വിശദീ​ക​രി​ക്കു​ന്നു: “കാറ്റിൽനി​ന്നു​ത്‌പാ​ദി​പ്പി​ക്ക​പ്പെ​ടുന്ന ഊർജം കാറ്റിന്റെ വേഗത​യു​ടെ മൂന്നാം ഗുണി​ത​മാ​യി​രി​ക്കും (cube).” അങ്ങനെ കാറ്റിന്റെ വേഗത ഇരട്ടി​യാ​കു​മ്പോൾ അത്‌ എട്ടു മടങ്ങു കൂടുതൽ ഊർജം പ്രദാ​നം​ചെ​യ്യു​ന്നു! അങ്ങനെ കാറ്റിന്റെ വേഗത​യി​ലുള്ള ഒരു ചെറിയ വർധനവു പോലും കാറ്റ്‌ ടർ​ബൈ​നിൽനി​ന്നു വളരെ വർധിച്ച തോതി​ലുള്ള ഊർജോ​ത്‌പാ​ദ​ന​ത്തി​നി​ട​യാ​ക്കു​ന്നു. മൂന്നാം ഗുണിത നിയമം എന്നറി​യ​പ്പെ​ടുന്ന ഇതു മുഴു​വ​നാ​യും പ്രയോ​ജ​ന​പ്പെ​ടു​ത്തു​ന്ന​തി​നു കാറ്റ്‌ ടർ​ബൈ​നു​കൾ സാധാരണ മലകളു​ടെ മുകളി​ലാ​ണു സ്ഥാപി​ക്കു​ന്നത്‌. ആ ഭാഗങ്ങ​ളി​ലൂ​ടെ കാറ്റു കടന്നു​പോ​കു​മ്പോൾ അതിന്റെ വേഗത വർധി​ക്കു​ന്നു.

കാറ്റിന്റെ ശക്തിയു​ടെ ആകർഷ​ക​മായ മറ്റൊരു വശം അത്‌ എല്ലായി​ട​ത്തും ഏതാണ്ട്‌ ഒരു​പോ​ലെ ഉണ്ടെന്നു​ള്ള​താണ്‌. ഒരു കാറ്റാ​ടി​യ​ന്ത്ര​ത്തിന്‌ ഊർജ സ്രോ​ത​സ്സി​നെ ഉപഭോ​ക്താ​വി​ന്റെ സമീപ​ത്തു​കൊ​ണ്ടു​വ​രാൻ കഴിയും. യന്ത്രങ്ങൾ വേഗത്തിൽ സ്ഥാപി​ക്കാൻ കഴിയും. സ്ഥാനം മാറ്റാൻ എളുപ്പ​വു​മാണ്‌. കാറ്റ്‌ ഖനനം ചെയ്യു​ക​യോ കയറ്റി​ക്കൊ​ണ്ടു​പോ​കു​ക​യോ വാങ്ങു​ക​യോ ചെയ്യേ​ണ്ട​തില്ല. ഊർജം വിതരണം ചെയ്യാൻ പ്രയാ​സ​മില്ല എന്നതാണ്‌ ഇതിന്റെ അർഥം, പ്രത്യേ​കിച്ച്‌ ക്രൂ​ഡോ​യി​ലി​നോ​ടുള്ള താരത​മ്യ​ത്തിൽ. ക്രൂ​ഡോ​യിൽ വലിയ വാഹി​നി​ക​ളിൽ കയറ്റി​ക്കൊ​ണ്ടു​പോ​കേ​ണ്ട​തുണ്ട്‌. അത്തരം വാഹി​നി​കൾക്കു​ണ്ടാ​കുന്ന അപകടങ്ങൾ കൂടെ​ക്കൂ​ടെ ഭീമമായ പരിതഃ​സ്ഥി​തി വിപത്തു​കൾക്കി​ട​യാ​ക്കി​യി​ട്ടുണ്ട്‌. 1989-ലെ അലാസ്‌കൻ എണ്ണച്ചോർച്ച ഇതിനു​ദാ​ഹ​ര​ണ​മാണ്‌. കാറ്റ്‌ ടർ​ബൈ​നു​കൾക്ക്‌ അത്തരം ദോഷ​ങ്ങ​ളില്ല.

ചില പോരാ​യ്‌മ​കൾ

കാറ്റിന്റെ ശക്തി മനുഷ്യ​വർഗ​ത്തി​ന്റെ എല്ലാ ഊർജ പ്രശ്‌ന​ങ്ങ​ളു​ടെ​യും നിവാ​ര​ണി​യാ​ണെന്ന്‌ ഇതിനർഥ​മില്ല. കാറ്റിനെ സംബന്ധിച്ച്‌ ഒന്നും മുൻകൂ​ട്ടി പറയാൻ കഴിയില്ല എന്നതാണു പ്രമു​ഖ​മായ ഒരു വെല്ലു​വി​ളി. ഏതു സമയത്തും അതിന്റെ ദിശ മാറാം. ഗവേഷകർ ഈ പ്രശ്‌ന​ത്തി​നു ദീർഘ​നാ​ളാ​യി പരിഹാ​രം തേടി​യി​ട്ടുണ്ട്‌. 1920-കളിൽ ഇതിന്‌ ഒരു പരിഹാ​രം കണ്ടുപി​ടി​ക്ക​പ്പെട്ടു. അന്നു ഫ്രഞ്ച്‌ എഞ്ചിനി​യ​റായ ഷോർഷ്‌ ഡാർയോ ലംബമായ അക്ഷത്തോ​ടു​കൂ​ടിയ ഒരു കാറ്റ്‌ ടർബൈൻ വികസി​പ്പി​ച്ചെ​ടു​ക്കു​ക​യു​ണ്ടാ​യി. അത്‌ ഏതാണ്ട്‌ ഒരു ഭീമാ​കാ​ര​മായ മിക്‌സി​പോ​ലെ​യാ​ണി​രി​ക്കു​ന്നത്‌. കാറ്റിന്റെ ദിശമാ​റ്റം അതിന്റെ പ്രവർത്ത​നത്തെ ബാധി​ക്കു​ന്നില്ല. വിചി​ത്ര​മാ​യി കാണ​പ്പെ​ടുന്ന ഈ യന്ത്രത്തി​ന്റെ ഭിന്ന രൂപങ്ങൾ ഇന്നു പ്രവർത്തി​ക്കു​ന്നുണ്ട്‌. എന്നാൽ കാറ്റിന്‌ ഏതു സമയത്തും പൂർണ​മാ​യി നിന്നു​പോ​കാൻ കഴിയും. നേരേ​മ​റിച്ച്‌, പെട്ടെ​ന്നു​ണ്ടാ​കുന്ന ശക്തി​യേ​റിയ കാറ്റു​കൾക്കു ഭ്രമണ​ത​ണ്ടി​ലെ ഇലകൾക്കും ടർ​ബൈ​നും ഹാനി വരുത്താ​നും കഴിയും.

അതിശ​യ​ക​ര​മെ​ന്നു പറയട്ടെ, കാറ്റിന്റെ ശക്തിയു​ടെ ഉപയോ​ഗ​ത്തി​നെ​തി​രെ ഏറ്റവു​മ​ധി​കം എതിർപ്പു പ്രകടി​പ്പി​ച്ചു​കൊ​ണ്ടുള്ള ചില സംസാ​രങ്ങൾ പരിതഃ​സ്ഥി​തി​യു​മാ​യി ബന്ധപ്പെ​ട്ട​താണ്‌. ഇന്നത്തെ ഉയർന്ന സാങ്കേ​തിക വിദ്യ​യി​ലുള്ള കാറ്റ്‌ ടർ​ബൈ​നു​കൾ കഴിഞ്ഞ​നാ​ളു​ക​ളി​ലെ മനോ​ഹ​ര​വും വിദഗ്‌ധ​വു​മായ ഘടനക​ളിൽനി​ന്നു വളരെ വ്യത്യ​സ്‌ത​മാ​ണെ​ന്ന​താണ്‌ ഒന്ന്‌. വലിയ​വ​യ്‌ക്കു 100 മീറ്റർ പൊക്കം വരും; ഇടത്തരം വലിപ്പ​മു​ള്ള​തി​നു 40 മീറ്ററും. ആരും അവയെ ഭംഗി​യു​ള്ള​താ​യി വർണി​ക്കു​ക​യില്ല. ഉയർന്ന അളവിൽ വൈദ്യു​തി പ്രവഹി​ക്കുന്ന പ്രധാ​ന​പ്പെട്ട പല ലൈനു​കൾക്കും റേഡി​യോ ടവറു​കൾക്കും അത്രയും ഉയരമു​ണ്ടാ​യി​രി​ക്കാം എന്നതു സത്യം​തന്നെ. എന്നാൽ ഒരു കാറ്റ്‌ ടർ​ബൈന്റെ കറങ്ങി​ക്കൊ​ണ്ടി​രി​ക്കുന്ന ഇലകൾ അതിലും വളരെ​യ​ധി​കം ആകർഷ​ക​മാണ്‌.

ഇനിയും ശബ്ദത്തിന്റെ പ്രശ്‌ന​മുണ്ട്‌. കാറ്റ്‌ ടർ​ബൈ​നു​കൾ ഉളവാ​ക്കുന്ന ശബ്ദം നിമിത്തം ചിലർ തങ്ങളുടെ സമീപത്ത്‌ അവ ഉണ്ടായി​രി​ക്കു​ന്ന​തി​നെ ശക്തമായി എതിർക്കു​ന്നു. എങ്കിലും രസാവ​ഹ​മെന്നു പറയട്ടെ, മണിക്കൂ​റിൽ 60 കിലോ​മീ​റ്റർ വേഗത​യിൽ സഞ്ചരി​ക്കുന്ന ഒരു കാർ നിങ്ങളിൽനി​ന്നും ഏഴു മീറ്റർ അകലത്തി​ലൂ​ടെ കടന്നു​പോ​യാൽ നിങ്ങൾക്കു കേൾക്കാ​വു​ന്ന​ത്ര​യും ശബ്ദം ഇംഗ്ലണ്ടി​ലെ കോൺവ​ലി​ലെ ഇടത്തരം വലിപ്പ​മുള്ള ഒരു ടർബൈൻ ഉത്‌പാ​ദി​പ്പി​ക്കു​ന്ന​താ​യി ഒരു പഠനം കണ്ടെത്തി. എന്നാൽ ദൂരമ​നു​സ​രിച്ച്‌ ഈ ശബ്ദത്തിന്റെ അളവ്‌ വലിയ തോതിൽ കുറയു​ന്നു. 300 മീറ്റർ അകലെ​യുള്ള ഒരു വ്യക്തിക്ക്‌ ഒരു സാധാരണ ലൈ​ബ്ര​റി​യിൽനി​ന്നു കേൾക്കു​ന്ന​തി​ല​ധി​കം ശബ്ദം കേൾക്കാ​നാ​വില്ല. കൂടാതെ ടർ​ബൈനെ കറക്കുന്ന കാറ്റിന്റെ ശബ്ദത്തിൽ അത്‌ ഇല്ലാതാ​കു​ന്നു. എന്നിരു​ന്നാ​ലും, ഒരു സ്ഥലത്തു നൂറു​ക​ണ​ക്കി​നു കാറ്റ്‌ ടർ​ബൈ​നു​കൾ ഉള്ളപ്പോൾ—അല്ലെങ്കിൽ കാലി​ഫോർണി​യ​യി​ലെ അൾട്ട​മോണ്ട്‌ ചുരത്തി​ലെ​പ്പോ​ലെ ആയിര​ക്ക​ണ​ക്കിന്‌ ഉള്ളപ്പോൾ—ശബ്ദം ഒരു മുഖ്യ പ്രശ്‌ന​മാ​യി​രി​ക്കാൻ കഴിയു​മെ​ന്നതു സമ്മതി​ക്കാ​വു​ന്ന​താണ്‌.

മറ്റൊരു പ്രശ്‌നം പക്ഷികൾ ഉൾപ്പെ​ട്ട​താണ്‌. പക്ഷികൾ തീറ്റ തിന്നു​ക​യും മുട്ടയി​ട്ടു പെരു​കു​ക​യും ചെയ്യു​ന്നി​ടത്തു കാറ്റ്‌ ടർ​ബൈ​നു​ക​ളു​ടെ വയൽ ഉണ്ടാക്കു​ന്ന​തി​നെ​തി​രെ നെതർലൻഡ്‌സി​ലെ ഒരു പക്ഷി സംരക്ഷണ സംഘടന അടുത്ത​കാ​ലത്തു മുന്നറി​യി​പ്പു നൽകു​ക​യു​ണ്ടാ​യി. വെളി​യിൽ ഇരുട്ടോ മൂടൽമ​ഞ്ഞോ ഉണ്ടായി​രി​ക്കു​മ്പോൾ പക്ഷികൾ ഭ്രമണ​ത​ണ്ടി​ലെ ഇലകളിൽ ചെന്നി​ടി​ച്ചേ​ക്കാം. ഒരു കണക്കനു​സ​രിച്ച്‌ 260 ടർ​ബൈ​നു​ക​ളുള്ള ഒരു ഡച്ച്‌ കാറ്റ്‌ ടർബൈൻ വയലിൽ ഒരു വർഷം 1,00,000 പക്ഷികൾ ഈ രീതി​യിൽ ചാകാ​നി​ട​യുണ്ട്‌. എന്നിരു​ന്നാ​ലും കാറ്റ്‌ ടർ​ബൈ​നു​കൾക്കു പക്ഷിജീ​വി​ത​ത്തിൽ സ്വാധീ​ന​മി​ല്ലെന്ന്‌ മറ്റു പഠനങ്ങൾ സൂചി​പ്പി​ക്കു​ന്നു.

ഒരു ഇൻഷ്വ​റൻസ്‌ നയമോ?

ഈ തടസ്സങ്ങ​ളു​ണ്ടെ​ങ്കി​ലും കാറ്റിന്റെ ശക്തിക്ക്‌ ഫോസിൽ ഇന്ധനങ്ങ​ളു​ടെ ലോക ഉപഭോ​ഗം കുറയ്‌ക്കു​ന്ന​തിൽ ഒരു പ്രധാന പങ്കു വഹിക്കാൻ കഴിയു​മെ​ന്നതു വ്യക്തമാണ്‌. കൂടുതൽ സാധാ​ര​ണ​മായ ഊർജോ​ത്‌പാ​ദന പദ്ധതി​കൾക്കൊ​പ്പം കാറ്റിന്റെ ശക്തി ഉപയോ​ഗ​പ്പെ​ടു​ത്താൻ കഴിയു​മെന്ന്‌ യു.എസ്‌.എ.-യിലെ കാൻസാസ്‌ സ്റ്റേറ്റ്‌ യൂണി​വേ​ഴ്‌സി​റ്റി​യി​ലെ പ്രൊ​ഫ​സ​റായ ഗാരി എൽ. ജോൺസൺ കാറ്റിൽനി​ന്നുള്ള ഊർജ പദ്ധതികൾ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ വിശദീ​ക​രി​ക്കു​ന്നു. ആ രീതി​യിൽ ഉപയോ​ഗി​ച്ചാൽ “കാറ്റ്‌ ഉപയോ​ഗ​പ്പെ​ടു​ത്തുന്ന ജനറേ​റ്റ​റു​കളെ ഗുരു​ത​ര​മായ ഇന്ധന വിതരണ പ്രശ്‌ന​ങ്ങൾക്കെ​തി​രെ​യുള്ള ഇൻഷ്വ​റൻസ്‌ നയമായി ഏറെക്കു​റെ കണക്കാ​ക്കാൻ കഴി​ഞ്ഞേക്കു”മെന്ന്‌ അദ്ദേഹം പറയുന്നു.

അധികം താമസി​യാ​തെ​തന്നെ മനുഷ്യന്‌ അത്തര​മൊ​രു ഇൻഷ്വ​റൻസ്‌ നയത്തിന്റെ അടിയ​ന്തിര ആവശ്യം വന്നേക്കാം. ഇന്ധനത്തി​നു​വേ​ണ്ടി​യുള്ള മനുഷ്യ​ന്റെ അവസാ​നി​ക്കാത്ത അന്വേ​ഷ​ണ​ത്തെ​ക്കു​റി​ച്ചു വാർത്താ​മാ​ധ്യ​മങ്ങൾ പലപ്പോ​ഴും പരാമർശി​ക്കാ​റുണ്ട്‌. കൽക്കരി ഖനനം ചെയ്യു​ക​യും എണ്ണയും വാതക​വും കുഴി​ച്ചെ​ടു​ക്കു​ക​യും ചെയ്യു​മ്പോൾ അവൻ പുനഃ​സ്ഥാ​പി​ക്കാൻ കഴിയാത്ത ഈ വസ്‌തു​ക്കൾ കാലി​യാ​ക്കുക മാത്രമല്ല, പിന്നെ​യോ അവയുടെ ഉപയോ​ഗം വഴി ചില സ്ഥലങ്ങളിൽ തന്റെ സ്വന്തം വാസസ്ഥ​ലത്തെ മലിന​മാ​ക്കു​ക​കൂ​ടി ചെയ്യുന്നു! അപ്പോ​ഴതാ ശുദ്ധവും അവസാ​നി​ക്കാ​ത്ത​തു​മായ കാറ്റ്‌ അനവരതം അടിച്ചു​കൊ​ണ്ടി​രി​ക്കു​ന്നു, ഭൂരി​ഭാ​ഗ​ത്തി​നും ഇതിന്റെ ഉപയോ​ഗ​ത്തെ​ക്കു​റിച്ച്‌ ഇപ്പോ​ഴും അറിയില്ല.

[23-ാം പേജിലെ ചിത്രം]

ആയിരക്കണക്കിനു കാറ്റ്‌ ടർ​ബൈ​നു​കൾ അനേകം രാജ്യ​ങ്ങ​ളിൽ വൈദ്യു​തി ഉത്‌പാ​ദി​പ്പി​ക്കു​ന്നു

[24-ാം പേജിലെ ചിത്രം]

ഈ ആകർഷ​ക​മായ സ്‌മാ​ര​ക​വ​സ്‌തു​ക്ക​ളിൽ നൂറു​ക​ണ​ക്കി​നെണ്ണം നെതർലൻഡ്‌സിൽ ഇപ്പോ​ഴും അവശേ​ഷി​ച്ചി​ട്ടുണ്ട്‌