നമ്മുടെ നാളിൽ ഏറ്റവു​മ​ധി​കം അവഗണി​ക്ക​പ്പെ​ടുന്ന കലാകാ​രൻ

“പ്രകൃതി ദൈവ​ത്തി​ന്റെ കലയാണ്‌.”—17-ാം നൂറ്റാ​ണ്ടി​ലെ ഒരു ഭിഷഗ്വ​ര​നാ​യി​രുന്ന സർ തോമസ്‌ ബ്രൗൺ

ലിയനാർഡോ ഡാവിഞ്ചി, റെം​ബ്രാൻഡ്‌റ്റ്‌, വാൻ ഗോ—ഇവ ദശലക്ഷ​ങ്ങൾക്കു സുപരി​ചി​ത​മായ പേരു​ക​ളാണ്‌. അവർ വരച്ച യഥാർഥ ചിത്ര​ങ്ങ​ളൊ​ന്നും നിങ്ങൾ ഒരിക്ക​ലും കണ്ടിട്ടി​ല്ലാ​യി​രി​ക്കാ​മെ​ങ്കി​ലും, അവർ വലിയ കലാകാ​ര​ന്മാ​രാ​യി​രു​ന്നു​വെന്നു നിങ്ങൾക്ക​റി​യാം. ഒരർഥ​ത്തിൽ, അവരുടെ കല അവരെ അനശ്വ​ര​രാ​ക്കി​ത്തീർത്തു.

അവർ നിഗൂ​ഢ​മായ മന്ദസ്‌മി​ത​വും മനസ്സിനെ ആഴത്തിൽ സ്‌പർശി​ക്കുന്ന ഛായാ​ചി​ത്ര​വും സൃഷ്ടി​സൗ​ന്ദ​ര്യ​ത്തി​ന്റെ ഒരംശ​വും കാൻവാ​സിൽ പകർത്തി. അത്‌ ഇപ്പോ​ഴും കാഴ്‌ച​ക്കാ​രന്റെ ഭാവന​യു​ടെ​മേൽ സ്വാധീ​നം ചെലു​ത്തു​ന്നു. അവർക്കും നമുക്കും തമ്മിൽ നൂറ്റാ​ണ്ടു​ക​ളു​ടെ വിടവു​ണ്ടെ​ങ്കി​ലും, അവരെ വശീക​രി​ച്ചതു നമ്മെയും വശീക​രി​ക്കു​ന്നു.

നമ്മൾ കലാകാ​ര​ന്മാ​രോ കലാനി​രൂ​പ​ക​ന്മാ​രോ അല്ലായി​രി​ക്കാം, എന്നാൽപോ​ലും കലാ​ശ്രേ​ഷ്‌ഠത നമുക്കു തിരി​ച്ച​റി​യാൻ കഴിയും. നാം വിലമ​തി​ക്കുന്ന കലാസൃ​ഷ്ടി​യെ ചമച്ച കലാകാ​ര​നെ​പ്പോ​ലെ നമുക്കും ഒരു സൗന്ദര്യ​ബോ​ധ​മുണ്ട്‌. വർണം, രൂപം, ഡി​സൈ​നു​കൾ എന്നിവ ഗ്രഹി​ക്കാ​നുള്ള നമ്മുടെ പ്രാപ്‌തി​യെ നാം കാര്യ​മാ​യെ​ടു​ക്കാ​തി​രു​ന്നേ​ക്കാം. എന്നാൽ അവ നമ്മുടെ ജീവി​ത​ത്തി​ന്റെ ഭാഗമാണ്‌. കണ്ണിന്‌ ആനന്ദം പകരുന്ന വസ്‌തു​ക്കൾകൊ​ണ്ടോ ചിത്ര​ങ്ങൾകൊ​ണ്ടോ നമ്മുടെ ഭവനങ്ങൾ അലങ്കരി​ക്കാൻ നാം ഇഷ്ടപ്പെ​ടു​ന്നു​വെ​ന്നു​ള്ള​തിൽ യാതൊ​രു സംശയ​വു​മില്ല. അഭിരു​ചി​കൾ വിഭി​ന്ന​മാ​യി​രു​ന്നേ​ക്കാ​മെ​ങ്കി​ലും, മനുഷ്യ​വർഗ​ത്തിൽ മിക്കവർക്കു​മുള്ള ഒരു ദാനമാ​ണു സൗന്ദര്യാ​വ​ബോ​ധം. അതു സ്രഷ്ടാ​വി​നോ​ടു നമ്മെ കൂടുതൽ അടുപ്പി​ക്കാൻ കഴിയുന്ന ഒരു ദാനമാ​ണു​താ​നും.

സൗന്ദര്യ​മെന്ന ദാനം

മനുഷ്യ​രെ മൃഗങ്ങ​ളിൽനി​ന്നു വേർതി​രി​ക്കുന്ന അനേകം ഗുണങ്ങ​ളിൽ ഒന്നാണു സൗന്ദര്യ​ബോ​ധം. “കലാവാ​സ​ന​യുള്ള ഒരു മൃഗ​മെന്നു വേണ​മെ​ങ്കിൽ മനുഷ്യ​നെ നിർവ​ചി​ക്കാം” എന്നാണ്‌ സൂമാ ആർട്ടിസ്‌—ഇസ്റ്റോ​റിയ ഹെനറൽ ഡെൽ ആർട്ടെ (സമഗ്ര കലാ​പ്ര​ബന്ധം—ഒരു പൊതു കലാച​രി​ത്രം) എന്ന കൃതി ചൂണ്ടി​ക്കാ​ട്ടു​ന്നത്‌. മൃഗങ്ങ​ളിൽനി​ന്നു വ്യത്യ​സ്‌ത​രാ​യ​തു​കൊണ്ട്‌ നാം പ്രകൃ​തി​യെ കാണു​ന്നതു വ്യത്യ​സ്‌ത​മായ വീക്ഷണ​കോ​ണ​ത്തി​ലൂ​ടെ​യാണ്‌. മനോ​ഹ​ര​മായ ഒരു സൂര്യാ​സ്‌ത​മ​യത്തെ ഒരു നായ വിലമ​തി​ക്കു​മോ?

നമ്മെ ആ വിധത്തിൽ നിർമി​ച്ചത്‌ ആരാണ്‌? “ദൈവം തന്റെ സ്വരൂ​പ​ത്തിൽ മനുഷ്യ​നെ സൃഷ്ടിച്ചു, ദൈവ​ത്തി​ന്റെ സ്വരൂ​പ​ത്തിൽ അവനെ സൃഷ്ടിച്ചു” എന്നു ബൈബിൾ വിശദീ​ക​രി​ക്കു​ന്നു. (ഉല്‌പത്തി 1:27) നമ്മുടെ ആദ്യ മാതാ​പി​താ​ക്കൾ ദൈവ​ത്തെ​പ്പോ​ലാ​യി​രു​ന്നു എന്നല്ല അതിനർഥം. മറിച്ച്‌, ദൈവം തനിക്കു​ത​ന്നെ​യുള്ള ഗുണങ്ങൾ അവർക്കു നൽകി. അവയി​ലൊ​ന്നു സൗന്ദര്യം ആസ്വദി​ക്കാ​നുള്ള കഴിവാണ്‌.

ദുർഗ്രാ​ഹ്യ​മാ​യ ഏതോ പ്രക്രി​യ​വഴി മനുഷ്യ​മ​സ്‌തി​ഷ്‌കം സൗന്ദര്യ​ത്തെ ഗ്രഹി​ക്കു​ന്നു. ആദ്യം​തന്നെ, നമ്മുടെ ശ്രദ്ധ ആകർഷി​ക്കുന്ന വസ്‌തു​ക്ക​ളു​ടെ ശബ്ദം, ഗന്ധം, നിറം, രൂപം എന്നിവ​യെ​ക്കു​റി​ച്ചുള്ള വിവരങ്ങൾ നമ്മുടെ ഇന്ദ്രി​യങ്ങൾ തലച്ചോ​റി​ലേക്ക്‌ അയയ്‌ക്കു​ന്നു. എന്നാൽ, നമുക്കു ചുറ്റും എന്തു നടക്കുന്നു എന്നു മാത്രം നമ്മോടു പറയുന്ന ആ വൈദ്യു​ത-രാസ സംജ്ഞക​ളു​ടെ ആകെത്തു​ക​യെ​ക്കാൾ വളരെ കവിഞ്ഞ​താ​ണു സൗന്ദര്യം. നാം ഒരു മരത്തെ​യോ പുഷ്‌പ​ത്തെ​യോ പക്ഷി​യെ​യോ കാണു​ന്നത്‌ ഒരു മൃഗം അവയെ കാണു​ന്ന​പോ​ലെയല്ല. അവ നമുക്ക്‌ ഉടനടി യാതൊ​രു പ്രാ​യോ​ഗിക പ്രയോ​ജ​ന​വും ചെയ്യു​ന്നി​ല്ലെ​ങ്കി​ലും, അവ ഒരു സുഖം പ്രദാനം ചെയ്യു​ന്നുണ്ട്‌. അവയി​ലുള്ള കലാപ​ര​മായ മൂല്യം തിരി​ച്ച​റി​യാൻ നമ്മുടെ മസ്‌തി​ഷ്‌കം നമ്മെ സഹായി​ക്കു​ന്നു.

ഈ കഴിവു നമ്മുടെ വികാ​ര​ങ്ങളെ സ്‌പർശി​ക്കു​ക​യും ജീവി​തത്തെ ധന്യമാ​ക്കു​ക​യും ചെയ്യുന്നു. പല വർഷങ്ങൾക്കു​മുമ്പ്‌ നവംബർ മാസത്തി​ലെ ഒരു സായാ​ഹ്ന​ത്തിൽ, വിദൂ​ര​ത്തുള്ള ഒരു തടാക​ക്കരെ നിന്നു​കൊ​ണ്ടു സൂര്യാ​സ്‌ത​മയം നിരീ​ക്ഷി​ച്ചത്‌ സ്‌പെ​യി​നിൽ താമസി​ക്കുന്ന മേരി വളരെ നന്നായി ഓർക്കു​ന്നുണ്ട്‌. അവൾ ഇങ്ങനെ പറയുന്നു: “അന്യോ​ന്യം ഒച്ചയു​ണ്ടാ​ക്കി​ക്കൊ​ണ്ടു കൊക്കു​കൾ പറ്റംപ​റ്റ​മാ​യി എന്റെ നേർക്കു പറന്നു​വന്നു. ആയിര​ക്ക​ണ​ക്കി​നു പക്ഷികൾ എട്ടുകാ​ലി​യു​ടെ ആകൃതി​യിൽ ചെമ്മാ​ന​ത്തു​കൂ​ടി മുന്നോ​ട്ടു നീങ്ങി. റഷ്യയിൽനി​ന്നും സ്‌കാൻഡി​നേ​വി​യ​യിൽനി​ന്നു​മുള്ള അവയുടെ വാർഷിക ദേശാ​ട​ന​യാ​ത്ര​യാണ്‌ അവയെ സ്‌പെ​യി​നി​ലെ ഈ വിശ്ര​മ​സ്ഥ​ല​ങ്ങ​ളിൽ കൊ​ണ്ടെ​ത്തി​ച്ചത്‌. ഞാൻ കരഞ്ഞു​പോ​ക​ത്ത​ക്ക​വണ്ണം ആ അനുഭവം അത്രയ്‌ക്കു ഹൃദ്യ​മാ​യി​രു​ന്നു.”

സൗന്ദര്യ​മെന്ന ദാനം എന്തിന്‌?

പല ആളുക​ളെ​യും സംബന്ധി​ച്ചി​ട​ത്തോ​ളം സൗന്ദര്യ​ബോ​ധം വിരൽ ചൂണ്ടു​ന്നത്‌, ബുദ്ധി​ശ​ക്തി​യുള്ള സൃഷ്ടികൾ തന്റെ കലാ​വൈ​ഭവം ആസ്വദി​ക്കാ​നാ​ഗ്ര​ഹി​ക്കുന്ന സ്‌നേ​ഹ​വാ​നായ ഒരു സ്രഷ്ടാ​വി​ന്റെ അസ്‌തി​ത്വ​ത്തി​ലേ​ക്കാണ്‌. നമ്മുടെ സൗന്ദര്യ​ബോ​ധം സ്‌നേ​ഹ​വാ​നായ ഒരു സ്രഷ്ടാ​വിൽ ആരോ​പി​ക്കു​ന്നത്‌ എത്രയോ ഉചിത​വും തൃപ്‌തി​ക​ര​വു​മാണ്‌. “ദൈവം സ്‌നേഹം തന്നേ” എന്നു ബൈബിൾ വിശദീ​ക​രി​ക്കു​ന്നു, സ്‌നേ​ഹ​ത്തി​ന്റെ അന്തഃസത്ത പങ്കുവ​യ്‌ക്ക​ലാണ്‌. (1 യോഹ​ന്നാൻ 4:8; പ്രവൃ​ത്തി​കൾ 20:35) സൃഷ്ടി​പ​ര​മായ തന്റെ കല നമ്മളു​മാ​യി പങ്കു​വെ​ക്കു​ന്ന​തിൽ യഹോവ സന്തോഷം കാട്ടി​യി​രി​ക്കു​ന്നു. ഒരു ഉത്‌കൃഷ്ട സംഗീതം ഒരിക്ക​ലും കേൾപ്പി​ക്കാ​തി​രി​ക്കു​ക​യോ മനോ​ജ്ഞ​മായ ഒരു ചിത്രം ഒരിക്ക​ലും കാണി​ക്കാ​തി​രി​ക്കു​ക​യോ ചെയ്യു​ന്നു​വെ​ങ്കിൽ അതിന്റെ സൗന്ദര്യം നഷ്ടമാ​യി​പ്പോ​കും. കലയെ ഉളവാ​ക്കി​യി​രി​ക്കു​ന്നത്‌ അതു പങ്കു​വെ​ക്കു​ന്ന​തി​നും ആസ്വദി​ക്കു​ന്ന​തി​നും വേണ്ടി​യാണ്‌—കാഴ്‌ച​ക്കാ​രി​ല്ലെ​ങ്കിൽ അതു ചൈത​ന്യ​മി​ല്ലാ​ത്ത​താ​യി​ത്തീ​രും.

ഒരു ഉദ്ദേശ്യ​ത്തോ​ടെ​യാണ്‌—പങ്കു​വെ​ക്കു​ന്ന​തി​നും ആസ്വദി​ക്കു​ന്ന​തി​നും വേണ്ടി​യാണ്‌—യഹോവ മനോ​ഹ​ര​മായ വസ്‌തു​ക്കൾ സൃഷ്ടി​ച്ചത്‌. വാസ്‌ത​വ​ത്തിൽ, “ഉല്ലാസം” എന്നർഥ​മുള്ള ഏദൻ എന്നായി​രു​ന്നു നമ്മുടെ ആദ്യ മാതാ​പി​താ​ക്ക​ളു​ടെ വിപു​ല​മായ പറുദീ​സോ​ദ്യാ​നത്തെ വിളി​ച്ചി​രു​ന്നത്‌. ദൈവം ഭൂമിയെ തന്റെ കലാ​വൈ​ഭ​വം​കൊ​ണ്ടു നിറയ്‌ക്കുക മാത്രമല്ല, അതു ദർശി​ക്കാ​നും ആസ്വദി​ക്കാ​നു​മുള്ള കഴിവു മനുഷ്യ​വർഗ​ത്തിന്‌ അവൻ കൊടു​ക്കു​ക​യും ചെയ്‌തി​രി​ക്കു​ന്നു. സൗന്ദര്യ​ത്തി​ന്റെ എത്ര വലിയ ഒരു ശേഖര​മാ​ണു കാണാ​നു​ള്ളത്‌! പോൾ ഡേവീസ്‌ അഭി​പ്രാ​യ​പ്പെ​ട്ട​തു​പോ​ലെ, “രസകര​വും ഉത്‌പാ​ദ​ന​ക്ഷ​മ​വു​മായ ഒരു പ്രപഞ്ചത്തെ ഉളവാ​ക്കാൻ ചില​പ്പോൾ പ്രകൃതി ‘വഴിവി​ട്ടു പ്രവർത്തി​ച്ച​തു​പോ​ലെ’ തോന്നു​ന്നു.” പ്രപഞ്ചം രസകര​വും ഉത്‌പാ​ദ​ന​ക്ഷ​മ​വു​മെന്നു നാം കണ്ടെത്തു​ന്നു. കാരണം, അതേക്കു​റി​ച്ചു പഠിക്കാ​നും അത്‌ ആസ്വദി​ക്കാ​നു​മുള്ള പ്രാപ്‌തി​യോ​ടെ നമ്മെ സൃഷ്ടി​ക്കാൻ യഹോവ ‘വഴിവി​ട്ടു പ്രവർത്തി​ച്ചി​രി​ക്കു​ന്നു.’

പ്രകൃ​തി​സൗ​ന്ദ​ര്യ​ത്തി​നും അതിനെ പകർത്തു​ന്ന​തി​നും കൊടു​ക്കുന്ന അംഗീ​കാ​രം എല്ലാത്തരം സംസ്‌കാ​ര​ങ്ങ​ളി​ലും, ഗുഹാ കലാകാ​ര​ന്മാർമു​തൽ യഥാത​ഥ​ക​ലാ​കാ​ര​ന്മാർവരെ (Impressionists) സാധാ​ര​ണ​മാ​ണെ​ന്നു​ള്ളത്‌ അതിശ​യ​ക​രമല്ല. ആയിര​ക്ക​ണ​ക്കി​നു വർഷങ്ങൾക്കു മുമ്പ്‌, വടക്കൻ സ്‌പെ​യി​നി​ലെ നിവാ​സി​കൾ കാന്റേ​ബ്രി​യ​യി​ലെ അൽറ്റാ​മിറ ഗുഹക​ളിൽ മൃഗങ്ങ​ളു​ടെ വ്യക്തവും സവിസ്‌ത​ര​വു​മായ ചിത്രങ്ങൾ വരയ്‌ക്കു​ക​യു​ണ്ടാ​യി. നൂറി​ല​ധി​കം വർഷങ്ങൾക്കു മുമ്പ്‌ യഥാത​ഥ​ക​ലാ​കാ​ര​ന്മാർ തങ്ങളുടെ സ്റ്റുഡി​യോ​ക​ളിൽനി​ന്നു പുറത്തു​വന്നു പുഷ്‌പങ്ങൾ നിറഞ്ഞ ഒരു വയലിലെ ശോഭ​യേ​റിയ പ്രകാ​ശ​മോ വെള്ളത്തിൽ മാറി​ക്കൊ​ണ്ടി​രി​ക്കുന്ന ഡി​സൈ​നു​ക​ളോ പകർത്താൻ ശ്രമിച്ചു. കൊച്ചു​കു​ട്ടി​കൾപോ​ലും മനോ​ഹ​ര​മായ വസ്‌തു​ക്കൾ സംബന്ധി​ച്ചു ബോധ​മു​ള്ള​വ​രാണ്‌. വാസ്‌ത​വ​ത്തിൽ, ചായ​പ്പെൻസി​ലു​ക​ളും കടലാ​സും കൊടു​ത്താൽ അവരിൽ മിക്കവ​രും തങ്ങളുടെ ഭാവനയെ ആകർഷി​ക്കു​ന്ന​താ​യി കാണുന്ന എന്തും വരയ്‌ക്കും.

ഇക്കാലത്ത്‌, തങ്ങളിൽ മതിപ്പു​ള​വാ​ക്കിയ ഒരു മനോഹര ദൃശ്യം ഓർത്തി​രി​ക്കാൻ മുതിർന്ന പലരും ഫോ​ട്ടോ​യെ​ടു​ക്കാൻ ഇഷ്ടപ്പെ​ടു​ന്നു. എന്നാൽ ഒരു ക്യാമ​റ​യു​ടെ ആവശ്യം ഇല്ലാ​തെ​പോ​ലും പതിറ്റാ​ണ്ടു​കൾക്കു മുമ്പു കണ്ട മനോ​ഹ​ര​ദൃ​ശ്യ​ങ്ങൾ ഓർത്തി​രി​ക്കാൻ നമ്മുടെ മനസ്സു​കൾക്കു കഴിവുണ്ട്‌. വ്യക്തമാ​യും, മഹത്ത്വ​മാർന്ന വിധത്തിൽ ദൈവം അലങ്കരി​ച്ചി​രി​ക്കുന്ന നമ്മുടെ ഭൗമിക ഭവനത്തെ ആസ്വദി​ക്കാ​നുള്ള പ്രാപ്‌തി​യോ​ടെ​യാണ്‌ അവൻ നമ്മെ ഉണ്ടാക്കി​യി​രി​ക്കു​ന്നത്‌. (സങ്കീർത്തനം 115:16) എന്നിരു​ന്നാ​ലും, ദൈവം നമുക്കു സൗന്ദര്യ​ബോ​ധം തന്നിരി​ക്കു​ന്ന​തി​നു മറ്റൊരു കാരണം കൂടി​യുണ്ട്‌.

‘അവന്റെ ഗുണങ്ങൾ വ്യക്തമാ​യി കാണ​പ്പെ​ടു​ന്നു’

പ്രകൃ​തി​യി​ലെ കലാ​വൈ​ഭ​വ​ത്തോ​ടുള്ള നമ്മുടെ വിലമ​തി​പ്പു നാം ആഴമു​ള്ള​താ​ക്കവേ, സ്രഷ്ടാ​വി​നെ അറിയാൻ അതിനു നമ്മെ സഹായി​ക്കാ​നാ​കും. അവന്റെ കൈ​വേ​ല​ക​ളാ​ണു നമുക്കും ചുറ്റും. ഗലീല​യി​ലെ​മ്പാ​ടും വളരുന്ന കാട്ടു​പൂ​ക്കളെ അടുത്തു വീക്ഷി​ക്കാൻ ഒരു സന്ദർഭ​ത്തിൽ യേശു തന്റെ ശിഷ്യ​ന്മാ​രോ​ടു പറഞ്ഞു. “വയലിലെ താമര എങ്ങനെ വളരുന്നു എന്നു നിരൂ​പി​പ്പിൻ; അവ അദ്ധ്വാ​നി​ക്കു​ന്നില്ല, നൂൽനൂൽക്കു​ന്ന​തു​മില്ല. എന്നാൽ ശലോ​മോൻപോ​ലും തന്റെ സർവ്വമ​ഹ​ത്വ​ത്തി​ലും ഇവയിൽ ഒന്നി​നോ​ളം ചമഞ്ഞി​രു​ന്നില്ല എന്നു ഞാൻ നിങ്ങ​ളോ​ടു പറയുന്നു” എന്ന്‌ അവൻ പറഞ്ഞു. (മത്തായി 6:28, 29) നിസ്സാ​ര​മായ ഒരു കാട്ടു​പൂ​വി​ന്റെ സൗന്ദര്യം, മനുഷ്യ​രു​ടെ ആവശ്യങ്ങൾ സംബന്ധി​ച്ചു ദൈവം ഉദാസീ​നത കാട്ടു​ന്ന​വനല്ല എന്നു നമുക്കു കാട്ടി​ത്ത​രു​ന്നു.

ഒരു വ്യക്തിയെ അയാളു​ടെ “ഫലങ്ങളാൽ” അഥവാ പ്രവൃ​ത്തി​ക​ളാൽ വിലയി​രു​ത്താൻ കഴിയു​മെ​ന്നും യേശു പറഞ്ഞു. (മത്തായി 7:16-20) അതു​കൊണ്ട്‌, ദൈവ​ത്തി​ന്റെ കലാസൃ​ഷ്ടി അവന്റെ വ്യക്തി​ത്വം സംബന്ധിച്ച്‌ ഉൾക്കാഴ്‌ച പ്രദാനം ചെയ്യു​മെ​ന്നു​ള്ളതു പ്രതീ​ക്ഷി​ക്കാ​വു​ന്ന​തേ​യു​ള്ളൂ. ‘ലോക​സൃ​ഷ്ടി​യു​ടെ ആരംഭം​മു​തൽ വ്യക്തമാ​യി കാണാൻ കഴിയുന്ന അവന്റെ ഗുണങ്ങ’ളിൽ ചിലത്‌ എന്തൊ​ക്കെ​യാണ്‌?—റോമർ 1:20.

“യഹോവേ, നിന്റെ പ്രവൃ​ത്തി​കൾ എത്ര പെരു​കി​യി​രി​ക്കു​ന്നു! ജ്ഞാന​ത്തോ​ടെ നീ അവയെ ഒക്കെയും ഉണ്ടാക്കി​യി​രി​ക്കു​ന്നു” എന്ന്‌ സങ്കീർത്ത​ന​ക്കാ​രൻ ഉദ്‌ഘോ​ഷി​ച്ചു. (സങ്കീർത്തനം 104:24) ഭൂമി​യി​ലെ സസ്യമൃ​ഗ​ജാ​ല​ങ്ങൾക്കു “നിറം പകരാൻ” ദൈവം ഉപയോ​ഗി​ച്ചി​രി​ക്കുന്ന നിറങ്ങ​ളിൽപോ​ലും അവന്റെ ജ്ഞാനം കാണാം. “നിറം മനസ്സി​നും കണ്ണുകൾക്കും നല്ല സുഖം പ്രദാനം ചെയ്യുന്നു” എന്ന്‌ കോളറെ ഡിസെൻയോ എഡ്‌ എസ്റ്റേയ്‌റ്റിക്ക നെൽആർട്ടെ ഗ്രാഫിക്ക (നിറം—സവിസ്‌തര കലയിലെ ഡി​സൈ​നും സൗന്ദര്യ​വും) എന്ന തങ്ങളുടെ ഗ്രന്ഥത്തിൽ ഫാബ്രി​സും ജെർമാ​നി​യും ചൂണ്ടി​ക്കാ​ട്ടു​ന്നു. എവി​ടെ​യും ചേർച്ച​യുള്ള നിറങ്ങ​ളും വൈരു​ദ്ധ്യ​മുള്ള നിറങ്ങ​ളും കണ്ണിന്‌ ആനന്ദവും മനസ്സിനു സുഖവും പ്രദാനം ചെയ്യുന്നു. എന്നാൽ ഏറ്റവു​മ​ധി​കം ശ്രദ്ധേ​യ​മാ​യി​രി​ക്കു​ന്നത്‌ കടും​വർണ​പ്രഭ ഉളവാ​ക്കുന്ന, മഴവി​ല്ലി​ന്റേതു മാതിരി കടും​നി​റ​ത്തി​ലുള്ള, വർണഫ​ല​ങ്ങ​ളാ​യി​രി​ക്കാം.—ജ്ഞാനപൂർവ​ക​മായ ഡി​സൈ​നി​ങ്ങി​ന്റെ ശ്രദ്ധേ​യ​മായ ഒരു സാക്ഷ്യം​തന്നെ.

മഴവിൽവർണ​ങ്ങൾ പ്രത്യേ​കി​ച്ചും ഹമ്മിങ്‌ബേർഡു​ക​ളിൽ സാധാ​ര​ണ​മാണ്‌.a അവയുടെ തൂവലു​കളെ ഇത്ര ശോഭ​യു​ള്ള​താ​ക്കി​ത്തീർക്കു​ന്നത്‌ എന്താണ്‌? അവയുടെ മേൽഭാ​ഗ​ത്തുള്ള മൂന്നി​ലൊ​ന്നു തൂവലു​കൾ, ഒരു പ്രിസ​ത്തെ​പോ​ലെ, സൂര്യ​പ്ര​കാ​ശത്തെ മഴവി​ല്ലി​ന്റേ​തു​പോ​ലുള്ള നിറങ്ങ​ളാ​യി വിഘടി​പ്പി​ക്കു​ന്നു. മാണി​ക്യം, ഇന്ദ്രനീ​ലം, മരതകം എന്നിങ്ങനെ ഹമ്മിങ്‌ബേർഡു​കൾക്കുള്ള സാധാരണ പേരുകൾ രത്‌നം​പോ​ലുള്ള ഈ പക്ഷികളെ അണിയി​ക്കുന്ന വെട്ടി​ത്തി​ള​ങ്ങുന്ന ചെമപ്പ്‌, നീല, പച്ച എന്നീ നിറങ്ങൾക്കു സാക്ഷ്യം വഹിക്കു​ന്നു. “ഈ അപൂർവ ജീവി​ക​ളു​ടെ പ്രൗഢ​മായ ആകർഷ​ണീ​യ​ത​യു​ടെ ഉദ്ദേശ്യ​മെ​ന്താണ്‌?” എന്നു ഹമ്മിങ്‌ബേർഡ്‌സ്‌ എന്ന തന്റെ പുസ്‌ത​ക​ത്തിൽ സാറാ ഗുഡ്‌വിൻ ചോദി​ക്കു​ന്നു. “ശാസ്‌ത്ര​ത്തി​നു നിർണ​യി​ക്കാൻ കഴിയു​ന്നി​ട​ത്തോ​ളം, കാഴ്‌ച​ക്കാ​ര​നിൽ വിസ്‌മയം ഉളവാ​ക്കാ​ന​ല്ലാ​തെ അതിനു യാതൊ​രു ഉദ്ദേശ്യ​വു​മില്ല,” അവർ മറുപടി പറയുന്നു. തീർച്ച​യാ​യും യാതൊ​രു മനുഷ്യ കലാകാ​ര​നും അത്തര​മൊ​രു ചായപ്പലക ഇന്നോളം കയ്യി​ലേ​ന്തി​യി​ട്ടേ​യില്ല!

ഇടിനാ​ദം​പോ​ലുള്ള ശബ്ദത്തോ​ടെ നിപതി​ക്കുന്ന വെള്ളച്ചാ​ട്ട​ങ്ങ​ളി​ലും ഇളകി​വ​രുന്ന തിരമാ​ല​ക​ളി​ലും കടലിൽ നുരച്ചു​പൊ​ന്തുന്ന പതയി​ലും ഉഗ്രശ​ക്തി​യോ​ടെ ആഞ്ഞടി​ക്കുന്ന കാറ്റത്തു ചാഞ്ചാ​ടുന്ന ഉത്തും​ഗ​ശൃം​ഗ​ങ്ങ​ളായ മരങ്ങളി​ലും ദൈവ​ത്തി​ന്റെ ശക്തി നമുക്കു ദർശി​ക്കാൻ കഴിയും. ശക്തിമ​ത്തായ ഈ കലാ​വൈ​ഭവം പ്രശാ​ന്ത​മായ ഒരു രംഗം​പോ​ലെ​തന്നെ മതിപ്പു​ള​വാ​ക്കു​ന്ന​താണ്‌. പ്രസിദ്ധ അമേരി​ക്കൻ പ്രകൃ​തി​ശാ​സ്‌ത്ര​ജ്ഞ​നായ ജോൺ മൂയിർ ഒരിക്കൽ കൊടു​ങ്കാറ്റ്‌ കാലി​ഫോർണി​യ​യി​ലുള്ള സിയെരാ നെവേ​ദ​യി​ലെ ഒരു കൂട്ടം ഡഗ്ലസ്‌ ഫർ മരങ്ങളിൽ ഉളവാ​ക്കിയ ഫലത്തെ​ക്കു​റി​ച്ചു വർണി​ക്കു​ക​യു​ണ്ടാ​യി:

“താരത​മ്യേന ഇളപ്പമാ​യി​രു​ന്നു​വെ​ങ്കി​ലും, ഏതാണ്ട്‌ 100 അടി ഉയരമു​ണ്ടാ​യി​രുന്ന അവ എളുപ്പം വളയു​ന്ന​വ​യും മേൽഭാ​ഗം ഇലകളാൽ സമൃദ്ധ​വു​മാ​യി​രു​ന്നു. അവ വന്യമായ ഉന്മാദ​ത്താൽ ആടിയു​ല​ഞ്ഞു​കൊ​ണ്ടി​രു​ന്നു. . . . വണ്ണം കുറഞ്ഞ മേൽഭാ​ഗം ശക്തമായ പേമാ​രി​യിൽ ചാഞ്ചാ​ടി​ക്കൊ​ണ്ടി​രു​ന്നു. അവ മുന്നോ​ട്ടും പിന്നോ​ട്ടും വട്ടത്തി​ലും ആടിയു​ല​ഞ്ഞു​കൊ​ണ്ടി​രു​ന്നു. കൂടാതെ വർണി​ക്കാ​നാ​വാ​ത്ത​വി​ധം തിരശ്ചീ​ന​മാ​യും ലംബമാ​യും വളഞ്ഞു​കൊ​ണ്ടു​മി​രു​ന്നു.” ആയിര​ക്ക​ണ​ക്കി​നു വർഷങ്ങൾക്കു മുമ്പ്‌ സങ്കീർത്ത​ന​ക്കാ​രൻ പറഞ്ഞതു​പോ​ലെ ‘കൊടു​ങ്കാറ്റ്‌ യഹോ​വയെ സ്‌തു​തി​ക്കു​ന്നു’—അത്‌ അവന്റെ അനിത​ര​സാ​ധാ​ര​ണ​മായ ശക്തിയു​ടെ ഒരു മാതൃക നമുക്കു പ്രദാനം ചെയ്യുന്നു.—സങ്കീർത്തനം 148:7, 8.

ജപ്പാൻകാ​രെ സംബന്ധി​ച്ച​ട​ത്തോ​ളം ഒരു പക്ഷി ദീർഘ​കാ​ലം സ്‌നേ​ഹ​ത്തി​ന്റെ പ്രതീ​ക​മാ​യി​രു​ന്നു. അതു മനോ​ജ്ഞ​മായ ജാപ്പനീസ്‌ കൊക്കാണ്‌. ഇണയോ​ടൊ​ത്തുള്ള അതിന്റെ നൃത്തം ബാലേ​പോ​ലെ ചലനചാ​രു​ത​യാർന്ന​താണ്‌. പക്ഷിക​ളായ ഈ നർത്തകർ വളരെ​യ​ധി​കം വിലമ​തി​ക്ക​പ്പെ​ടു​ന്നു. അതു​കൊണ്ട്‌ ജപ്പാനിൽ അതിനെ തരംതി​രി​ച്ചി​രി​ക്കു​ന്നത്‌ “പ്രകൃ​തി​യു​ടെ പ്രത്യേക സ്‌മാ​രകം” എന്നാണ്‌. കൊക്കു​കൾ ആയുഷ്‌കാ​ലം മുഴു​വ​നും ഇണക​ളോ​ടൊ​ത്തു കഴിയു​ക​യും 50-ഓ അതില​ധി​ക​മോ വർഷം ജീവി​ക്കു​ക​യും ചെയ്യു​ന്ന​തു​കൊ​ണ്ടു ജപ്പാൻകാർ അതിനെ കണക്കാ​ക്കു​ന്നതു ദാമ്പത്യ​വി​ശ്വ​സ്‌ത​ത​യു​ടെ മകു​ടോ​ദാ​ഹ​ര​ണ​മാ​യി​ട്ടാണ്‌.

ദൈവ​സ്‌നേ​ഹ​ത്തി​ന്റെ കാര്യ​ത്തി​ലോ? രസകര​മെന്നു പറയട്ടെ, യഹോവ തന്റെ വിശ്വ​സ്‌തരെ സംരക്ഷി​ക്കു​ന്ന​തി​നെ ബൈബിൾ താരത​മ്യം ചെയ്യു​ന്നത്‌ ഒരു തള്ളപ്പക്ഷി അതിന്റെ കുഞ്ഞു​ങ്ങളെ ചിറകി​ലേറ്റി സംരക്ഷി​ക്കു​ന്ന​തി​നോ​ടാണ്‌. “കൂടി​ളക്കി കുഞ്ഞു​ങ്ങൾക്കു​മേൽ ചിറകു​വി​രി​ച്ചു പറക്കയും ചിറകിൽ അവയെ സംവഹി​ക്കു​ക​യും ചെയ്യുന്ന” കഴുക​നെ​ക്കു​റിച്ച്‌ ആവർത്തനം 32:11 (ഓശാന ബൈബിൾ) പറയുന്നു. കൂടു​വി​ട്ടു പറക്കാൻ കുഞ്ഞു​ങ്ങളെ പ്രോ​ത്സാ​ഹി​പ്പി​ക്കു​ന്ന​തി​നു വേണ്ടി​യാ​ണു തള്ളക്കഴു​കൻ ഇതെല്ലാം ചെയ്യു​ന്നത്‌. സാധാരണ കാണാ​റി​ല്ലെ​ങ്കി​ലും, കഴുക​ന്മാർ അവയുടെ കുഞ്ഞു​ങ്ങളെ ചിറകി​ലേ​റ്റി​ക്കൊ​ണ്ടു സഹായി​ച്ച​താ​യുള്ള കേസുകൾ റിപ്പോർട്ടു ചെയ്യ​പ്പെ​ട്ടി​ട്ടുണ്ട്‌.—സങ്കീർത്തനം 17:8.

നമുക്കു ചുറ്റു​മുള്ള പ്രകൃ​തി​യെ നാം കുറേ​ക്കൂ​ടെ അടുത്തു വീക്ഷി​ക്കു​മ്പോൾ, ദൈവ​ത്തി​ന്റെ വ്യക്തി​ത്വ​ത്തി​ന്റെ വശങ്ങളെ വെളി​പ്പെ​ടു​ത്തുന്ന ചില തത്ത്വങ്ങൾ പ്രവർത്ത​ന​ത്തി​ലി​രി​ക്കു​ന്ന​താ​യി നാം കാണുന്നു.

വൈവി​ധ്യ​മാണ്‌ ജീവി​ത​ത്തി​ന്റെ ആസ്വാ​ദ​നം

ദൈവ​ത്തി​ന്റെ കൈ​വേ​ല​യിൽ കാണുന്ന വൈവി​ധ്യം വളരെ പ്രത്യ​ക്ഷ​മായ ഒരു സംഗതി​യാണ്‌. പല തരത്തി​ലുള്ള സസ്യങ്ങ​ളും പക്ഷിമൃ​ഗാ​ദി​ക​ളും പ്രാണി​ക​ളും അമ്പരപ്പി​ക്കു​ന്ന​താണ്‌. ഉഷ്‌ണ​മേ​ഖ​ലാ​പ്ര​ദേ​ശത്തെ വെറും രണ്ടര ഏക്കർ സ്ഥലത്ത്‌ 300 വ്യത്യ​സ്‌ത​തരം വൃക്ഷങ്ങ​ളും 41,000 തരം പ്രാണി​ക​ളും കണ്ടേക്കാം; മൂന്നു ചതുരശ്ര കിലോ​മീ​റ്റ​റിൽ 1,500 തരം ചിത്ര​ശ​ല​ഭങ്ങൾ കണ്ടേക്കാം; ഒരൊറ്റ മരംതന്നെ 150 തരം വണ്ടുകൾക്കു പാർപ്പി​ട​മാ​യി​രി​ക്കാം! ശരിക്കും ഒരു​പോ​ലി​രി​ക്കുന്ന രണ്ടാളു​ക​ളില്ല, അതുതന്നെ ഓക്കു​മ​ര​ത്തി​ന്റെ​യോ പുലി​ക​ളു​ടെ​യോ കാര്യ​ത്തി​ലും പറയാൻ കഴിയും. മനുഷ്യ കലാകാ​ര​ന്മാർ വളരെ​യ​ധി​കം വിലമ​തി​ക്കുന്ന ഒരു ഗുണമായ തനിമ പ്രകൃ​തി​യു​ടെ ഒരു അവിഭാ​ജ്യ ഘടകമാണ്‌.

തീർച്ച​യാ​യും, പ്രകൃ​തി​യി​ലെ കലയുടെ ഏതാനും വശങ്ങ​ളെ​ക്കു​റി​ച്ചു നാം ചെറു​താ​യൊ​ന്നു പ്രതി​പാ​ദി​ക്കു​കയേ ചെയ്‌തി​ട്ടു​ള്ളൂ. അതിനെ കൂടുതൽ അടുത്തു വീക്ഷി​ക്കു​ക​വഴി, ദൈവ​ത്തി​ന്റെ വ്യക്തി​ത്വ​ത്തി​ന്റെ പല വശങ്ങളും നമുക്കു വിവേ​ചി​ച്ച​റി​യാൻ കഴിയും. എന്നാൽ അങ്ങനെ ചെയ്യു​ന്ന​തിന്‌, നാം നമ്മുടെ ദൈവദത്ത കലാവ​ബോ​ധം ഉപയോ​ഗ​പ്പെ​ടു​ത്തേ​ണ്ട​തുണ്ട്‌. ഏറ്റവും വലിയ കലാകാ​രന്റെ കല ആസ്വദി​ക്കാൻ എങ്ങനെ പഠിക്കാം?

[അടിക്കു​റി​പ്പു​കൾ]

[7-ാം പേജിലെ ചതുരം]

നമ്മെ ഇവിടെ ആക്കി​വെ​ച്ചത്‌ ആരെന്ന്‌ നാമറി​യേ​ണ്ട​തുണ്ട്‌

ബൈബിൾ പരിഭാ​ഷ​ക​നായ റൊണാൾഡ്‌ നോക്‌സ്‌ ഒരിക്കൽ ജോൺ സ്‌കോട്ട്‌ ഹാൽഡേൻ എന്ന ഒരു ശാസ്‌ത്ര​ജ്ഞ​നു​മാ​യി ദൈവ​ശാ​സ്‌ത്ര​പ​ര​മായ ചർച്ചയിൽ ഏർപ്പെ​ട്ടി​രി​ക്കു​ക​യാ​യി​രു​ന്നു. “ലക്ഷക്കണ​ക്കി​നു ഗ്രഹങ്ങ​ളുള്ള പ്രപഞ്ച​ത്തിൽ, ചുരു​ങ്ങി​യ​പക്ഷം അവയി​ലൊ​ന്നി​ലെ​ങ്കി​ലും ജീവൻ ഉണ്ടായി​രി​ക്കാൻ സാധ്യ​ത​യി​ല്ലേ?” എന്ന്‌ ഹാൽഡേൻ ന്യായ​വാ​ദം ചെയ്‌തു.

നോക്‌സ്‌ ഇങ്ങനെ പ്രതി​വ​ചി​ച്ചു: “സാർ, ഇംഗ്ലണ്ടി​ലെ ഡിറ്റക്‌റ്റീ​വു​കൾ നിങ്ങളു​ടെ ലഗ്ഗേജ്‌ വണ്ടിയിൽ ഒരു ശവശരീ​രം കണ്ടെത്തി​യാൽ, ‘ലോക​ത്തിൽ ലക്ഷക്കണ​ക്കി​നു ലഗ്ഗേജ്‌ വണ്ടിക​ളുണ്ട്‌—തീർച്ച​യാ​യും അവയിൽ ഏതെങ്കി​ലു​മൊ​ന്നിൽ ഒരു ശവശരീ​രം കാണും’ എന്നു നിങ്ങൾ പറയു​മോ? അങ്ങനെ പറഞ്ഞാൽപോ​ലും അതവിടെ ഇട്ടത്‌ ആരാ​ണെന്ന്‌ അവർ അറിയാ​നാ​ഗ്ര​ഹി​ക്കു​മെന്നു ഞാൻ കരുതു​ന്നു.”—സ്‌മര​ണാ​സം​ഭ​വ​ങ്ങ​ള​ട​ങ്ങിയ കൊച്ചു തവിട്ടു​പു​സ്‌തകം, ഇംഗ്ലീഷ്‌.

നമ്മുടെ ജിജ്ഞാ​സയെ തൃപ്‌തി​പ്പെ​ടു​ത്തു​ന്ന​തി​ലു​പരി, നമ്മെ ഇവിടെ ആക്കി​വെ​ച്ച​വ​നെ​ക്കു​റിച്ച്‌ അറിയു​ന്ന​തി​നു മറ്റൊരു കാരണ​മുണ്ട്‌—അവന്‌ അർഹമായ ബഹുമതി കൊടു​ക്കാൻ. അന്യാ​യ​മാ​യി കുറ്റ​പ്പെ​ടു​ത്തുന്ന ഒരു വിമർശകൻ നല്ല കഴിവുള്ള ഒരു കലാകാ​രന്റെ കലാസൃ​ഷ്ടി, പെയിൻറ്‌ കടയിൽ നടന്ന ഒരു അപകടം പോ​ലെ​യാ​ണെന്നു പറഞ്ഞാൽ അദ്ദേഹം എങ്ങനെ പ്രതി​ക​രി​ക്കും? അതു​പോ​ലെ, സ്രഷ്ടാ​വി​ന്റെ കലാവി​രു​തി​നെ അന്ധമായ യാദൃ​ച്ഛിക സംഭവ​മെന്ന്‌ ആരോ​പി​ക്കു​ന്നത്‌ അവനു വരുത്തുന്ന എന്തൊരു അപമാ​ന​മാ​യി​രി​ക്കും?

[കടപ്പാട്‌]

Courtesy of ROE/Anglo-Australian Observatory, photograph by David Malin

[8-ാം പേജിലെ ചിത്രങ്ങൾ]

പറക്കുന്ന കൊക്കു​കൾ

സ്‌പെയിനിലെ അൽറ്റാ​മി​റ​യി​ലുള്ള ഗുഹാ​ചി​ത്ര​ങ്ങൾ

[9-ാം പേജിലെ ചിത്രങ്ങൾ]

ഡോൾഫിനുകൾ, ഹമ്മിങ്‌ബേർഡു​കൾ, വെള്ളച്ചാ​ട്ടങ്ങൾ—ഇവയെ​ല്ലാം വലിയ കലാകാ​രന്റെ വ്യക്തി​ത്വ​ത്തി​ന്റെ വശങ്ങൾ വെളി​പ്പെ​ടു​ത്തു​ന്നു

[കടപ്പാട്‌]

Godo-Foto

G. C. Kelley, Tucson, AZ

Godo-Foto