വാസ്‌ത​വ​ത്തിൽ ഭാവി എന്തു വെച്ചു​നീ​ട്ടു​ന്നു

ശാസ്‌ത്ര-കൽപ്പിത കഥയിൽ കുതു​കി​ക​ളായ അനേകർക്കും അന്വേ​ഷ​ണ​ത്വ​ര​യുള്ള ഒരു മനസ്സും മനുഷ്യ​സ​മൂ​ഹ​ത്തിൽ മാറ്റം വരുത്താ​നുള്ള ആഗ്രഹ​വും ഭാവി എന്തു കൈവ​രു​ത്തു​മെ​ന്ന​റി​യാ​നുള്ള വലിയ താത്‌പ​ര്യ​വും ഉണ്ട്‌. ഭാവി​യെ​ക്കു​റി​ച്ചു ബൈബി​ളി​നു ധാരാളം കാര്യങ്ങൾ പറയാ​നുണ്ട്‌. എന്നാൽ, മമനു​ഷ്യ​ന്റെ ഭാഗ​ധേ​യ​ത്തെ​ക്കു​റി​ച്ചുള്ള ബൈബി​ളി​ന്റെ വീക്ഷണം ശാസ്‌ത്ര-കൽപ്പിത എഴുത്തു​കാ​രു​ടെ ഊഹാ​പോ​ഹ​ങ്ങ​ളു​മാ​യി യാതൊ​രു സാമ്യ​വും പുലർത്തു​ന്നില്ല.

ഭാവി എന്തായി​രി​ക്കു​മെ​ന്നതു സംബന്ധിച്ച്‌ വ്യത്യ​സ്‌ത​മായ പല പല വിവര​ണ​ങ്ങ​ളാ​ണു ശാസ്‌ത്ര കൽപ്പി​തകഥ നമുക്കു പ്രദാനം ചെയ്യു​ന്നത്‌. എന്നാൽ അതി​ലേ​തി​നെ​ങ്കി​ലും വേണ്ടി നിങ്ങൾ നിങ്ങളു​ടെ ജീവൻ അപകട​പ്പെ​ടു​ത്താൻ തയ്യാറാ​കു​മോ? നിങ്ങളു​ടെ തിര​ഞ്ഞെ​ടു​പ്പി​ന്റെ അടിസ്ഥാ​നം എന്തായി​രി​ക്കും? ഈ സാങ്കൽപ്പിക രംഗങ്ങൾക്കെ​ല്ലാം അഥവാ എടുത്തു​കാ​ട്ട​പ്പെ​ടുന്ന സംഭവ​ഗ​തി​കൾക്കെ​ല്ലാം സത്യമാ​യി​രി​ക്കാൻ കഴിയില്ല. വാസ്‌ത​വ​ത്തിൽ, അവയി​ലെ​ല്ലാം ഊഹാ​പോ​ഹം—കൽപ്പി​തകഥ—അടങ്ങി​യി​രി​ക്കു​ന്ന​തു​കൊണ്ട്‌ അവയിൽ ഒരെണ്ണ​മെ​ങ്കി​ലും സത്യമാ​യി​രു​ന്നേ​ക്കാ​മെന്നു നിങ്ങൾക്ക്‌ ഉറപ്പോ​ടെ പറയാൻ കഴിയു​മോ? അവയി​ലേ​തെ​ങ്കി​ലും അങ്ങനെ​യാ​യി​രി​ക്കാൻ സാധ്യത ഒട്ടുമില്ല.

നടക്കാതെ പോകു​ന്നു

ഇപ്പോൾതന്നെ, പല ശാസ്‌ത്ര-കൽപ്പിത രംഗങ്ങ​ളും നടക്കാതെ പോകു​ക​യാണ്‌. ഏതു വിധത്തിൽ? അതായത്‌, ശാസ്‌ത്ര​ത്തി​നു ഭൂമി​യിൽ മെച്ചപ്പെട്ട സംസ്‌കാ​ര​ത്തി​ലേ​ക്കുള്ള വഴി എങ്ങനെ നയിക്കാൻ കഴിയു​മെന്നു പ്രതി​പാ​ദി​ക്കുന്ന രംഗങ്ങൾ യാഥാർഥ്യ​മാ​യി ഭവിച്ചി​ട്ടില്ല. ഒരു മെച്ചപ്പെട്ട സംസ്‌കാ​ര​മാ​യി​ത്തീ​രു​ന്ന​തി​നു​പ​കരം ഇന്നത്തെ അവസ്ഥ അതിന്റെ കടകവി​രു​ദ്ധ​മാണ്‌. ജർമൻ എഴുത്തു​കാ​ര​നായ കാൾ മീഖാ​യേൽ ആർമർ ഇങ്ങനെ അഭി​പ്രാ​യ​പ്പെ​ടു​ന്നു: “ഭാവി നമ്മെ അമ്പരപ്പി​ച്ചു​ക​ള​ഞ്ഞി​രി​ക്കു​ന്നു.” “ആറ്റോ​മിക മരണം, പരിസ്ഥി​തി വിപത്തു​കൾ, വിശപ്പ്‌, ദാരി​ദ്ര്യം, ഊർജ​പ്ര​തി​സ​ന്ധി​കൾ, രാഷ്ട്രം പിന്തു​ണ​യ്‌ക്കുന്ന ഭീകര​പ്ര​വർത്തനം എന്നിങ്ങ​നെ​യുള്ള ആഗോള ഭീഷണിക”ളിലേക്ക്‌ അദ്ദേഹം വിരൽ ചൂണ്ടുന്നു.

മറ്റു വാക്കു​ക​ളിൽ പറഞ്ഞാൽ, പല ശാസ്‌ത്ര-കൽപ്പിത കഥകളി​ലും വിവരി​ച്ചി​രി​ക്കുന്ന ഭൂമി​യു​ടെ​യും മനുഷ്യ​കു​ടും​ബ​ത്തി​ന്റെ​യും ഭാവി വാസ്‌ത​വ​മാ​യി പരിണ​മി​ക്കു​ന്നില്ല. നേരേ​മ​റിച്ച്‌, ഭൂമി​യി​ലെ അവസ്ഥകൾ വഷളാ​കവേ മമനു​ഷ്യ​ന്റെ സ്ഥിതി​വി​ശേഷം ഒരു വിപരീ​ത​ഗ​തി​യിൽ പൊയ്‌ക്കൊ​ണ്ടി​രി​ക്കു​ക​യാണ്‌. ശാസ്‌ത്രീ​യ​വും സാങ്കേ​തി​ക​വു​മായ അനേകം നേട്ടങ്ങൾ ഉണ്ടായി​രു​ന്നി​ട്ടും, ലോക​മെ​മ്പാ​ടും മനുഷ്യ​സ​മൂ​ഹം അധിക​മ​ധി​കം കുറ്റകൃ​ത്യ​വും അക്രമ​വും ദാരി​ദ്ര്യ​വും വംശീയ വിദ്വേ​ഷ​വും കുടും​ബ​ത്ത​കർച്ച​യും നേരി​ട്ടു​കൊ​ണ്ടി​രി​ക്കു​ക​യാണ്‌.

ചില ശാസ്‌​ത്രോ​ദ്യ​മങ്ങൾ മമനു​ഷ്യ​ന്റെ കഷ്ടതകൾ വളരെ​യ​ധി​കം വർധി​പ്പി​ക്കു​ക​യാ​ണു ചെയ്‌തി​ട്ടു​ള്ളത്‌. ചില ഉദാഹ​ര​ണങ്ങൾ പരിചി​ന്തി​ക്കുക: നമ്മുടെ വായു​വി​നും ജലത്തി​നും ഭക്ഷണത്തി​നും നേരി​ടുന്ന രാസമ​ലി​നീ​ക​രണം; ഇന്ത്യയി​ലെ ഭോപ്പാൽ ദുരന്തം, അവിടെ 2,000 ആളുക​ളു​ടെ മരണത്തി​നും വേറെ 2,00,000 പേരുടെ ഹാനി​ക്കും ഇടവരു​ത്തി​ക്കൊണ്ട്‌ വിഷവാ​ത​ക​ച്ചോർച്ച ഉണ്ടായി; ഉക്രെ​യി​നി​ലുള്ള ചെർണോ​ബി​ളി​ലെ ആണവനി​ലയം ഉരുകി​പ്പോ​യ​തി​ന്റെ ഫലമായി അനേകർ മരിക്കു​ക​യും വ്യാപ​ക​മായ ഒരു പ്രദേ​ശത്ത്‌ ക്യാൻസ​റി​ന്റെ​യും മറ്റ്‌ ആരോ​ഗ്യ​പ്ര​ശ്‌ന​ങ്ങ​ളു​ടെ​യും വർധന​വു​ണ്ടാ​കു​ക​യും ചെയ്‌തു.

ബഹിരാ​കാ​ശ​ത്തിൽ കോളനി സ്ഥാപിക്കൽ?

ഭാവിയെ സംബന്ധി​ച്ചുള്ള അനേകം ശാസ്‌ത്ര-കൽപ്പിത കഥകൾ, ജീവി​ത​ത്തി​ലെ കഷ്ടപ്പാ​ടു​ക​ളിൽനി​ന്നും ഭൂമി​യി​ലെ മനുഷ്യ​പ​ദ്ധ​തി​ക​ളു​ടെ പരാജ​യ​ത്തിൽനി​ന്നും മറ്റൊരു വിധത്തിൽ ആശ്വാസം വാഗ്‌ദാ​നം ചെയ്യുന്നു. അവ ഉത്സാഹ​വാ​നായ ഒരുവനെ ബഹിരാ​കാ​ശ​ത്തി​ലെ സാങ്കൽപ്പിക രംഗങ്ങ​ളി​ലേക്കു കൊണ്ടു​പോ​കു​ന്നു. ഗ്യാല​ക്‌സി​കൾക്കി​ട​യി​ലുള്ള യാത്ര​യ്‌ക്കു വേണ്ടി ബഹിരാ​കാ​ശ​വാ​ഹ​നങ്ങൾ ഉപയോ​ഗി​ച്ചു​കൊ​ണ്ടു മനുഷ്യർ പ്രപഞ്ച​ത്തി​ലെ മറ്റു ഗ്രഹങ്ങ​ളി​ലേ​ക്കും ഇതരഭാ​ഗ​ങ്ങ​ളി​ലേ​ക്കും കുടി​യേ​റു​ന്നതു സാധാരണ പ്രതി​പാ​ദ്യ​വി​ഷ​യ​ങ്ങ​ളാണ്‌. അത്തരം കാര്യങ്ങൾ, ഒരു ന്യൂ​യോർക്ക്‌ പത്രത്തി​ന്റെ പത്രാ​ധി​പർക്ക്‌ എഴുതിയ ഒരു വ്യക്തിക്കു തോന്നി​യ​പോ​ലെ തോന്നാൻ പലരെ​യും വശീക​രി​ക്കു​ന്നുണ്ട്‌: “ബഹിരാ​കാശ പര്യ​വേ​ക്ഷ​ണ​ത്തി​ലാ​ണു മനുഷ്യ​വർഗ​ത്തി​ന്റെ ഭാവി കുടി​കൊ​ള്ളു​ന്നത്‌.”

ഭൂമി​യു​ടെ സമീപ​ത്തേക്ക്‌ ബഹിരാ​കാശ പേടകങ്ങൾ യാത്ര ചെയ്യുന്നു, പ്രപഞ്ചത്തെ ഗവേഷണം ചെയ്യാ​നുള്ള ഉപകര​ണങ്ങൾ വിക്ഷേ​പി​ക്കു​ക​യും ചെയ്യുന്നു. അങ്ങനെ ബഹിരാ​കാശ പര്യ​വേ​ക്ഷണം തുടരു​ന്നു എന്നതു സത്യം​തന്നെ. എന്നാൽ ബഹിരാ​കാ​ശത്തു ജീവി​ക്കു​ന്നതു സംബന്ധി​ച്ചോ? മനുഷ്യ​രാ​ലുള്ള വ്യാപ​ക​മായ ബാഹ്യാ​കാശ യാത്ര​യെ​ക്കു​റി​ച്ചു സംസാ​ര​മു​ണ്ടെ​ങ്കി​ലും, ചന്ദ്രനി​ലോ അടുത്തുള്ള ഏതെങ്കി​ലും ഗ്രഹങ്ങ​ളി​ലോ കുടി​യേ​റു​ന്ന​തി​നുള്ള പ്രാ​യോ​ഗി​ക​മായ യാതൊ​രു സുനി​ശ്ചിത ആസൂ​ത്ര​ണ​ങ്ങ​ളും ഇപ്പോ​ഴില്ല—അപ്പോൾപ്പി​ന്നെ മറ്റു ഗ്യാല​ക്‌സി​ക​ളിൽ കുടി​യേ​റുന്ന കാര്യം പറയു​കയേ വേണ്ട. വാസ്‌ത​വ​ത്തിൽ, ബഹിരാ​കാ​ശത്തു കുടി​യേ​റി​പ്പാർക്കാ​നുള്ള മനുഷ്യ​ശ്ര​മങ്ങൾ സമീപ ഭാവി​യി​ലെ​ങ്ങും വാസ്‌ത​വി​ക​മായ ഒരു പ്രതി​വി​ധി​യല്ല. ബഹിരാ​കാശ പരിപാ​ടി​കൾ വെട്ടി​ച്ചു​രു​ക്കു​ക​യോ വേണ്ടെന്നു വെക്കു​ക​യോ ചെയ്യത്ത​ക്ക​വണ്ണം പല രാജ്യ​ങ്ങ​ളു​ടെ​യും അത്തരം പരിപാ​ടി​കൾ വളരെ ചെല​വേ​റി​യ​താണ്‌.

മനുഷ്യർ പ്രോ​ത്സാ​ഹി​പ്പി​ക്കുന്ന ബഹിരാ​കാശ ദൗത്യ​ങ്ങ​ളി​ലല്ല മനുഷ്യ​വർഗ​ത്തി​ന്റെ ഭാവി, നിങ്ങളു​ടെ ഭാവി, കുടി​കൊ​ള്ളു​ന്നത്‌ എന്നതാണു വാസ്‌തവം. നിങ്ങളു​ടെ ഭാവി ഇവിടെ ഭൂമി​യിൽത​ന്നെ​യാണ്‌. ആ ഭാവി നിശ്ചയി​ക്കു​ന്നതു ശാസ്‌ത്ര​ജ്ഞ​രോ മനുഷ്യ ഗവൺമെൻറു​ക​ളോ കഥയെ​ഴു​ത്തു​കാ​രോ ആയിരി​ക്കില്ല. നമു​ക്കെ​ങ്ങനെ ഉറപ്പു​ണ്ടാ​യി​രി​ക്കാൻ കഴിയും?

കാരണം ഭാവി നിശ്ചയി​ക്കു​ന്നതു ഭൂമി​യു​ടെ സ്രഷ്ടാ​വായ യഹോ​വ​യാം ദൈവ​മാണ്‌. ബൈബി​ളിൽ വെച്ചു​നീ​ട്ടി​യി​രി​ക്കുന്ന വാഗ്‌ദാ​ന​ങ്ങളെ അനുക​രി​ക്കാൻ യാതൊ​രു ശാസ്‌ത്ര-കൽപ്പിത രംഗത്തി​നും സാധ്യമല്ല. ദൈവം മനുഷ്യ​വർഗ​ത്തി​നു നൽകി​യി​രി​ക്കുന്ന ദൈവ​നി​ശ്വസ്‌ത വചനമായ ആ പുസ്‌ത​ക​ത്തിൽ മനുഷ്യ​രു​ടെ ഭാവി എന്തായി​രി​ക്കു​മെന്ന്‌ അവൻ നമ്മോടു പറയുന്നു. (2 തിമൊ​ഥെ​യൊസ്‌ 3:16, 17; 2 പത്രൊസ്‌ 1:20, 21) അത്‌ എന്താണു പറയു​ന്നത്‌?

മനുഷ്യ​കു​ടും​ബ​ത്തി​ന്റെ ഭാവി

യേശു​ക്രി​സ്‌തു​വി​ന്റെ കൈക​ളി​ലെ ഒരു പുതിയ ഗവൺമെൻറ്‌ മുഖാ​ന്തരം മനുഷ്യ​സ​മു​ദാ​യ​ത്തി​നു സമൂല​മായ ഒരു നവീക​രണം വരുത്താ​നുള്ള സ്രഷ്ടാ​വി​ന്റെ ഉദ്ദേശ്യ​ത്തെ​ക്കു​റി​ച്ചു ദൈവ​വ​ചനം വ്യക്തമാ​യി വിവരി​ക്കു​ന്നു. ബൈബി​ളിൽ ആ സ്വർഗീയ ഗവൺമെൻറി​നെ വിളി​ച്ചി​രി​ക്കു​ന്നതു ദൈവ​രാ​ജ്യം എന്നാണ്‌.—മത്തായി 6:9, 10.

ആ രാജ്യത്തെ സംബന്ധി​ച്ചു ദാനീ​യേൽ 2:44-ലെ നിശ്വസ്‌ത പ്രവചനം ഇപ്രകാ​രം പ്രഖ്യാ​പി​ക്കു​ന്നു: “[നിലവി​ലി​രി​ക്കുന്ന] ഈ രാജാ​ക്ക​ന്മാ​രു​ടെ കാലത്തു സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം സ്ഥാപി​ക്കും; ആ രാജത്വം വേറെ ഒരു ജാതിക്കു ഏല്‌പി​ക്ക​പ്പെ​ടു​ക​യില്ല; അതു [ഇപ്പോ​ഴത്തെ] ഈ രാജത്വ​ങ്ങളെ ഒക്കെയും തകർത്തു നശിപ്പി​ക്ക​യും എന്നേക്കും നിലനിൽക്ക​യും ചെയ്യും.”

ദൈവ​രാ​ജ്യ​ത്തിൻ കീഴി​ലുള്ള ഭൂമി​യി​ലെ ഭാവി​ജീ​വി​ത​ത്തെ​ക്കു​റി​ച്ചു ദൈവ​ത്തി​ന്റെ ശക്തമായ കർമനി​രത ശക്തിയു​ടെ നിശ്വ​സ്‌ത​ത​യിൻ കീഴിൽ അപ്പോ​സ്‌ത​ല​നായ പത്രോ​സും എഴുതു​ക​യു​ണ്ടാ​യി. അവൻ ഇങ്ങനെ പറഞ്ഞു: “എന്നാൽ നാം [ദൈവ​ത്തി​ന്റെ] വാഗ്‌ദ​ത്ത​പ്ര​കാ​രം നീതി വസിക്കുന്ന പുതിയ ആകാശ​ത്തി​ന്നും [ദൈവ​ത്തി​ന്റെ സ്വർഗീയ രാജ്യം] പുതിയ ഭൂമി​ക്കു​മാ​യി​ട്ടു [ആ രാജ്യ​ത്തിൻ കീഴിലെ ഒരു പുതിയ മനുഷ്യ​സ​മു​ദാ​യം] കാത്തി​രി​ക്കു​ന്നു.”—2 പത്രൊസ്‌ 3:13.

ദൈവ​ത്തി​ന്റെ സ്വർഗീയ രാജ്യ​ഭ​ര​ണ​ത്തിൻ കീഴിൽ ജീവി​ക്കാൻ പദവി ലഭിച്ചി​ട്ടു​ള്ള​വരെ സംബന്ധി​ച്ചി​ട​ത്തോ​ളം ജീവിതം എങ്ങനെ​യി​രി​ക്കും? സ്രഷ്ടാ​വി​ന്റെ വാഗ്‌ദത്തം ഇതാണ്‌: “[ദൈവം] അവരുടെ കണ്ണിൽനി​ന്നു കണ്ണുനീർ എല്ലാം തുടെ​ച്ചു​ക​ള​യും. ഇനി മരണം ഉണ്ടാക​യില്ല; ദുഃഖ​വും മുറവി​ളി​യും കഷ്ടതയും ഇനി ഉണ്ടാക​യില്ല; ഒന്നാമ​ത്തേതു കഴിഞ്ഞു​പോ​യി; സിംഹാ​സ​ന​ത്തിൽ ഇരിക്കു​ന്നവൻ: ഇതാ, ഞാൻ സകലവും പുതു​താ​ക്കു​ന്നു എന്നു അരുളി​ച്ചെ​യ്‌തു. എഴുതുക, ഈ വചനം വിശ്വാ​സ​യോ​ഗ്യ​വും സത്യവും ആകുന്നു എന്നും അവൻ കല്‌പി​ച്ചു.”—വെളി​പ്പാ​ടു 21:4, 5.

സ്രഷ്ടാവു വെച്ചു​നീ​ട്ടു​ന്ന​തരം ഭാവി വിസ്‌മ​യ​ക​ര​മായ ഒന്നാണ്‌. ശാസ്‌ത്ര-കൽപ്പിത എഴുത്തു​കാ​രോ ശാസ്‌ത്ര​ജ്ഞ​രോ ഉളവാ​ക്കുന്ന, ഒട്ടുമി​ക്ക​പ്പോ​ഴും മാന്ത്രി​ക​വും സാങ്കൽപ്പി​ക​വു​മായ ചുറ്റു​പാ​ടു​കൾ സവി​ശേ​ഷ​ത​യാ​യി​രി​ക്കുന്ന, ഏതെങ്കി​ലും കൽപ്പിത രംഗങ്ങ​ളിൽനി​ന്നും തീർത്തും വിഭി​ന്ന​വു​മാണ്‌. സത്യ​ക്രി​സ്‌ത്യാ​നി​കൾ തങ്ങളുടെ വിശ്വാ​സം വെക്കു​ന്നതു ഭാവിയെ സംബന്ധിച്ച ദൈവ​ത്തി​ന്റെ ഉറപ്പുള്ള വാഗ്‌ദാ​ന​ങ്ങ​ളി​ലാണ്‌. തീർച്ച​യാ​യും അവർ അതിലു​മ​ധി​കം ചെയ്യുന്നു. അവയ്‌ക്കു വേണ്ടി തങ്ങളുടെ ജീവൻവരെ ബലി കൊടു​ക്കാൻ അവർ ഒരുക്ക​മാണ്‌.

ഇത്രയ​ധി​കം ഉറപ്പോ​ടെ അവർക്ക്‌ അങ്ങനെ ചെയ്യാൻ കഴിയു​ന്ന​തെ​ന്തു​കൊണ്ട്‌? എന്തെന്നാൽ ഈ “പ്രത്യാശ നിരാ​ശ​യി​ലേക്കു നയിക്കു​ന്നില്ല” എന്ന്‌ അവർക്കു ദൈവ​വ​ച​ന​ത്തിൽനിന്ന്‌ അറിയാം. കാരണം, ‘ദൈവ​ത്തി​നു ഭോഷ്‌കു പറയാൻ കഴിയില്ല’. വാസ്‌ത​വ​ത്തിൽ, “ദൈവ​ത്തി​നു ഭോഷ്‌കു പറയുക അസാധ്യ​മാണ്‌.” (റോമർ 5:5, NW; തീത്തോസ്‌ 1:2, NW; എബ്രായർ 6:18, NW) ദീർഘ​കാ​ലം മുമ്പു ദൈവ​ത്തി​ന്റെ ഒരു ദാസനായ യോശുവ പ്രസ്‌താ​വി​ച്ച​തു​പോ​ലെ: “നിങ്ങളു​ടെ ദൈവ​മായ യഹോവ നിങ്ങ​ളെ​ക്കു​റി​ച്ചു അരുളി​ച്ചെ​യ്‌തി​ട്ടുള്ള സകലന​ന്മ​ക​ളി​ലും​വെച്ചു ഒന്നിന്നും വീഴ്‌ച​വ​ന്നി​ട്ടി​ല്ലെന്നു നിങ്ങൾക്കു പൂർണ്ണ​ഹൃ​ദ​യ​ത്തി​ലും പൂർണ്ണ​മ​ന​സ്സി​ലും ബോധ​മാ​യി​രി​ക്കു​ന്നു; സകലവും നിങ്ങൾക്കു സംഭവി​ച്ചു ഒന്നിന്നും വീഴ്‌ച​വ​ന്നി​ട്ടില്ല.”—യോശുവ 23:14.

ഇന്നത്തെ ശാസ്‌ത്ര-കൽപ്പിത കഥയി​ല​ധി​ക​വും ദുഷിച്ച ഈ പഴയ വ്യവസ്ഥി​തി​യു​ടെ പ്രത്യ​യ​ശാ​സ്‌ത്ര​ങ്ങളെ പ്രതി​ഫ​ലി​പ്പി​ക്കു​ന്ന​വ​യാണ്‌. അതെങ്ങ​നെ​യാണ്‌? പ്രബു​ദ്ധ​ത​യു​ടെ കാലഘട്ടം എന്നു വിളി​ക്ക​പ്പെട്ട സമയത്താണ്‌ ശാസ്‌ത്ര-കൽപ്പിത കഥകൾക്കു തുടക്കം കുറി​ക്ക​പ്പെ​ട്ടത്‌. അന്നു പല വ്യക്തി​ക​ളും പരമ്പരാ​ഗത അധികാ​രത്തെ ത്യജി​ക്കു​ക​യും മനുഷ്യ​നു തന്റെ ഭാവി രൂപ​പ്പെ​ടു​ത്താൻ കഴിയു​മെന്നു വിശ്വ​സി​ക്കു​ക​യും ചെയ്‌തി​രു​ന്നു. സമൂഹ​ത്തി​ലെ അനേകം കുഴപ്പ​ങ്ങൾക്കും അവർ ഉചിത​മാ​യി കുറ്റ​പ്പെ​ടു​ത്തി​യതു ലോക​മ​ത​ത്തെ​യാ​യി​രു​ന്നു. എന്നാൽ അതേ സമയം​തന്നെ ദൈവ​ത്തി​ന്റെ അസ്ഥിത്വ​ത്തെ​യും ഉദ്ദേശ്യ​ത്തെ​യും കുറി​ച്ചുള്ള സത്യം കൂടി അവർ തള്ളിക്ക​ളഞ്ഞു. കാര്യങ്ങൾ നടന്നു​കൊ​ണ്ടി​രുന്ന വിധത്തിൽ അവർ അതൃപ്‌ത​രാ​യി​ത്തീ​രു​ക​യും സ്വന്തം ആശയഗ​തി​കൾ തേടു​ക​യും ചെയ്‌തു.

എന്നിരു​ന്നാ​ലും, മമനു​ഷ്യ​ന്റെ ആശയഗ​തി​കൾ എത്രമാ​ത്രം ചിന്തി​ച്ചെ​ടു​ത്ത​താ​ണെ​ങ്കി​ലും വ്യാപ്‌തി​യിൽ അവ പരിമി​ത​മാണ്‌. നമ്മുടെ സ്രഷ്ടാവു പറയു​ന്നത്‌ ഇങ്ങനെ​യാണ്‌: “ആകാശം ഭൂമി​ക്കു​മീ​തെ ഉയർന്നി​രി​ക്കു​ന്ന​തു​പോ​ലെ എന്റെ വഴികൾ നിങ്ങളു​ടെ വഴിക​ളി​ലും എന്റെ വിചാ​രങ്ങൾ നിങ്ങളു​ടെ വിചാ​ര​ങ്ങ​ളി​ലും ഉയർന്നി​രി​ക്കു​ന്നു.”—യെശയ്യാ​വു 55:9.

യഥാർഥ ശാസ്‌ത്രീയ കണ്ടുപി​ടി​ത്തം

ദൈവ​ത്തി​ന്റെ പുതിയ ലോക​ത്തിൽ ജ്ഞാനത്തി​നു വേണ്ടി​യുള്ള മനുഷ്യ​വർഗ​ത്തി​ന്റെ സ്വാഭാ​വിക ദാഹത്തി​നു യഥാർഥ ശാസ്‌ത്രീയ അന്വേ​ഷ​ണ​ത്താൽ ഭാഗി​ക​മായ ശമനം ലഭിക്കും. സാങ്കൽപ്പി​ക​രം​ഗങ്ങൾ ചമച്ചു​ണ്ടാ​ക്കേ​ണ്ട​തില്ല. കാരണം, ആരോ​ഗ്യാ​വ​ഹ​വും വാസ്‌ത​വി​ക​വു​മായ ഒരു വിധത്തിൽ യാഥാർഥ്യം നമ്മുടെ മനസ്സിനെ വശീക​രി​ക്കു​ക​യും ഉദ്‌ബു​ദ്ധ​മാ​ക്കു​ക​യും ചെയ്യും.

“[തന്റെ] മുമ്പാകെ സത്യത്തി​ന്റെ മഹാസാ​ഗരം മുഴുവൻ കണ്ടുപി​ടി​ക്ക​പ്പെ​ടാ​തെ കിടക്കവേ . . . കടലോ​രത്തു കളിക്കുന്ന ഒരു ബാല”നോടു തന്നെത്താൻ ഉപമി​ച്ച​പ്പോൾ പ്രഖ്യാ​ത​നായ ശാസ്‌ത്രജ്ഞൻ ഐസക്‌ ന്യൂട്ടന്‌ എങ്ങനെ തോന്നി​യെന്നു പലരും അപ്പോൾ മനസ്സി​ലാ​ക്കും. നിസ്സം​ശ​യ​മാ​യും ദൈവ​ത്തി​ന്റെ പുതിയ ലോക​ത്തിൽ, ഒന്നിനു പുറകെ ഒന്നായി ഓരോ കണ്ടുപി​ടി​ത്ത​ങ്ങ​ളി​ലേ​ക്കും അവൻ വിശ്വസ്‌ത മനുഷ്യ​രെ നയിക്കും.

അതേ, അപ്പോൾ ശാസ്‌ത്രീയ ഗവേഷണം തികച്ചും സത്യത്തിൽ അധിഷ്‌ഠി​ത​മാ​യി​രി​ക്കും. കാരണം, യഹോവ “സത്യത്തി​ന്റെ ദൈവ”മാണ്‌. മമനു​ഷ്യ​ന്റെ ഭൗമിക ചുറ്റു​പാ​ടിൽനി​ന്നും മൃഗമ​ണ്ഡ​ല​ത്തിൽനി​ന്നും പഠിക്കാൻ അവൻ നമ്മെ ക്ഷണിക്കു​ന്നു. (സങ്കീർത്തനം 31:5; ഇയ്യോബ്‌ 12:7-9) സത്യത്താൽ നയിക്ക​പ്പെ​ടുന്ന സത്യസ​ന്ധ​മായ ശാസ്‌ത്രീയ യത്‌നങ്ങൾ തീർച്ച​യാ​യും ദൈവ​ത്തി​ന്റെ പുതിയ വ്യവസ്ഥി​തി​യു​ടെ ഒരു ആകർഷ​ക​മായ ഭാഗമാ​യി​രി​ക്കും. അപ്പോൾ എല്ലാ കണ്ടുപി​ടി​ത്ത​ങ്ങൾക്കും കണ്ടെത്ത​ലു​കൾക്കും മാനവ​ജീ​വി​ത​ത്തി​ലെ അത്ഭുത​ക​ര​മായ അഭിവൃ​ദ്ധി​കൾക്കും നല്ല ജീവി​ത​നി​ല​വാ​ര​ങ്ങൾക്കു​മുള്ള ബഹുമതി നൽകു​ന്നതു മനുഷ്യർക്കാ​യി​രി​ക്കില്ല, പിന്നെ​യോ അഖിലാ​ണ്ഡ​ത്തി​ന്റെ സ്രഷ്ടാ​വായ യഹോ​വ​യാം ദൈവ​ത്തി​നാ​യി​രി​ക്കും.

വളരെ വേഗം അടുത്തു​കൊ​ണ്ടി​രി​ക്കുന്ന ആ പുതിയ ലോക​ത്തിൽ ദൈവ​ത്തി​ന്റെ സ്‌നേ​ഹ​പു​ര​സ്സ​ര​മായ പരിപാ​ല​ന​വും വഴിന​ട​ത്തി​പ്പും ഹേതു​വാ​യി അനുസ​ര​ണ​മുള്ള എല്ലാ മനുഷ്യ​രും ദൈവത്തെ മഹത്വ​പ്പെ​ടു​ത്തും. വലിയ സന്തോ​ഷ​ത്തോ​ടെ അവർ അവനെ സേവി​ക്കു​ക​യും വെളി​പ്പാ​ടു 4:11-ൽ വിവരി​ച്ചി​രി​ക്കു​ന്ന​പ്ര​കാ​രം അവനോട്‌ ഇങ്ങനെ പറയു​ക​യും ചെയ്യും: “കർത്താവേ, [“യഹോവേ,” NW] നീ സർവ്വവും സൃഷ്ടി​ച്ച​വ​നും എല്ലാം നിന്റെ ഇഷ്ടം ഹേതു​വാൽ ഉണ്ടായ​തും സൃഷ്ടി​ക്ക​പ്പെ​ട്ട​തും ആകയാൽ മഹത്വ​വും ബഹുമാ​ന​വും ശക്തിയും കൈ​ക്കൊൾവാൻ യോഗ്യൻ എന്നു പറഞ്ഞും​കൊ​ണ്ടു തങ്ങളുടെ കിരീ​ട​ങ്ങളെ സിംഹാ​സ​ന​ത്തി​ന്മു​മ്പിൽ ഇടും.”

[9-ാം പേജിലെ ചിത്രം]

മനുഷ്യരാശിയുടെ ഭാവി ഭൂമി​യി​ലാണ്‌