പോരാ​ട്ട​ത്തിൽ വിജയം വരിക്കു​ന്നു​ണ്ടോ?

“ഈ ഗ്രഹത്തെ പരിര​ക്ഷി​ക്കൂ, നമുക്കുള്ള ഒരേ ഒരു ഗ്രഹം ഇതു മാത്ര​മാണ്‌.” പ്രകൃ​തി​ക്കാ​യുള്ള ലോക​വ്യാ​പക നിധി​യു​ടെ പ്രസി​ഡൻറായ, ബ്രിട്ട​നി​ലെ ഫിലിപ്പ്‌ രാജകു​മാ​രന്റെ ശ്രദ്ധേ​യ​മായ അഭ്യർഥ​ന​യാ​യി​രു​ന്നു അത്‌.

ആയിര​ക്ക​ണ​ക്കി​നു വർഷങ്ങൾക്കു മുമ്പ്‌, സങ്കീർത്ത​ന​ക്കാ​രൻ ഇങ്ങനെ എഴുതി: “സ്വർഗ്ഗം യഹോ​വ​യു​ടെ സ്വർഗ്ഗ​മാ​കു​ന്നു; ഭൂമിയെ അവൻ മനുഷ്യർക്കു കൊടു​ത്തി​രി​ക്കു​ന്നു.” (സങ്കീർത്തനം 115:16) നമ്മുടെ ഭവനമാ​യി ഭൂമിയെ ദൈവം നമുക്കു തന്നിരി​ക്കു​ന്നു. നാം അതിനെ പരിപാ​ലി​ക്കേ​ണ്ട​തുണ്ട്‌. അതുത​ന്നെ​യാ​ണു പരിസ്ഥി​തി​ശാ​സ്‌ത്രം അർഥമാ​ക്കു​ന്ന​തും.

“പരിസ്ഥി​തി​ശാ​സ്‌ത്രം” (“ecology”) എന്നതി​നുള്ള ഇംഗ്ലീഷ്‌ പദത്തിന്റെ അക്ഷരാർഥം “ഭവന​ത്തെ​ക്കു​റി​ച്ചുള്ള പഠനം” എന്നാണ്‌.a “പരിര​ക്ഷ​ണ​ത്തി​ലൂ​ടെ പ്രതി​രോ​ധി​ക്കുക അല്ലെങ്കിൽ മറുദി​ശ​യിൽ തിരി​ച്ചു​വി​ടുക എന്ന ലക്ഷ്യം മുൻനിർത്തി, ആധുനിക നഗരവ​ത്‌ക​രണം പരിസ്ഥി​തി​യിൽ ഉളവാ​ക്കുന്ന ഹാനി​ക​ര​മായ ഫലങ്ങ​ളെ​ക്കു​റി​ച്ചുള്ള പഠനം” എന്നാണ്‌ ദി അമേരി​ക്കൻ ഹെറി​റ്റേജ്‌ ഡിക്‌ഷ​ണറി അതിനു നൽകുന്ന ഒരു നിർവ​ചനം. ലളിത​മാ​യി പറഞ്ഞാൽ, മനുഷ്യൻ വരുത്തി​വെ​ച്ചി​രി​ക്കുന്ന കുഴപ്പം കണ്ടുപി​ടിച്ച്‌ അവ പരിഹ​രി​ക്കു​ന്ന​തി​നുള്ള വഴികൾ ആരായു​ക​യെ​ന്ന​താ​ണു പരിസ്ഥി​തി​ശാ​സ്‌ത്ര​ത്താൽ അർഥമാ​ക്ക​പ്പെ​ടു​ന്നത്‌. ഇവ രണ്ടും അത്ര എളുപ്പ​മുള്ള കാര്യ​ങ്ങളല്ല.

പരിസ്ഥി​തി​ശാ​സ്‌ത്ര​ത്തി​ന്റെ അനി​ഷേ​ധ്യ​മായ മൂന്നു പരമാർഥ​ങ്ങൾ

ഗ്രഹവു​മാ​യി സമാധാ​ന​ത്തി​ലാ​കൽ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ജീവശാ​സ്‌ത്ര​ജ്ഞ​നായ ബാരി കോമണർ, ദുരു​പ​യോ​ഗ​ത്തി​നു ഭൂമി ഇത്രയ​ധി​കം ഇരയാ​യി​രി​ക്കു​ന്ന​തി​ന്റെ കാരണം വിശദീ​ക​രി​ക്കാൻ സഹായി​ക്കുന്ന ലളിത​മായ മൂന്നു പരിസ്ഥി​തി​ശാ​സ്‌ത്ര നിയമങ്ങൾ അവതരി​പ്പി​ക്കു​ന്നു.

ഓരോ​ന്നും മറ്റെല്ലാ​റ്റി​നോ​ടും ബന്ധപ്പെ​ട്ടി​രി​ക്കു​ന്നു. കേടു ബാധിച്ച ഒരു പല്ല്‌ നമ്മുടെ മുഴു ശരീര​ത്തെ​യും ബാധി​ക്കാ​വു​ന്ന​തു​പോ​ലെ, പ്രകൃ​തി​യി​ലെ ഏതെങ്കി​ലും ഒരു പ്രത്യേക വിഭവ​ത്തി​നു ഹാനി​ത​ട്ടി​യാൽ അതിനു പാരി​സ്ഥി​തിക പ്രശ്‌ന​ങ്ങ​ളു​ടെ ഒരു പരമ്പര​യ്‌ക്കു​തന്നെ തിരി​കൊ​ളു​ത്താൻ കഴിയും.

ഉദാഹ​ര​ണ​ത്തിന്‌, കഴിഞ്ഞ 40 വർഷക്കാ​ലത്തു നേപ്പാ​ളി​ലെ ഹിമാ​ലയൻ വനങ്ങളിൽ 50 ശതമാ​ന​വും കത്തിക്കു​ന്ന​തി​നുള്ള വിറകി​നു വേണ്ടി​യോ തടി​കൊ​ണ്ടുള്ള ഉത്‌പ​ന്ന​ങ്ങൾക്കു വേണ്ടി​യോ വെട്ടി​ന​ശി​പ്പി​ക്കു​ക​യു​ണ്ടാ​യി. വൃക്ഷങ്ങൾ നീക്കം ചെയ്യ​പ്പെ​ട്ട​തോ​ടെ, തുടർന്നെ​ത്തിയ കാലവർഷ​ത്തിൽ പർവത​ച്ചെ​രി​വു​ക​ളി​ലെ മണ്ണു വളരെ വേഗം കുത്തി​യൊ​ലി​ച്ചു​പോ​യി. മേൽമ​ണ്ണി​ല്ലാ​തെ വരു​മ്പോൾ പുതിയ മരങ്ങൾക്ക്‌ എളുപ്പ​ത്തിൽ വേരു​പി​ടി​ക്കാൻ സാധി​ക്കില്ല. അങ്ങനെ പല പർവത​ങ്ങ​ളും തരിശാ​യി മാറുന്നു. വനനശീ​ക​രണം മൂലം നേപ്പാ​ളിന്‌ ഇപ്പോൾ ഓരോ വർഷവും നഷ്ടപ്പെ​ടു​ന്നതു ലക്ഷക്കണ​ക്കി​നു ടൺ മേൽമ​ണ്ണാണ്‌. അത്തരം പ്രശ്‌നങ്ങൾ നേപ്പാ​ളിൽ മാത്രം ഒതുങ്ങു​ന്നതല്ല.

ബംഗ്ലാ​ദേ​ശിൽ ഒരിക്കൽ വൃക്ഷങ്ങൾ വലി​ച്ചെ​ടു​ത്തി​രുന്ന കോരി​ച്ചൊ​രി​യുന്ന മഴവെള്ളം ഇപ്പോൾ നഗ്നമായ പർവത​ങ്ങ​ളി​ലൂ​ടെ തീര​പ്ര​ദേ​ശ​ങ്ങ​ളി​ലേക്കു നിർവി​ഘ്‌നം പ്രവഹി​ക്കു​ന്നു. അവിടെ അവ കൊടും​വിന വരുത്തുന്ന ജലപ്ര​ള​യങ്ങൾ സൃഷ്ടി​ക്കു​ക​യും ചെയ്യുന്നു. കഴിഞ്ഞ കാലങ്ങ​ളിൽ ബംഗ്ലാ​ദേ​ശിൽ ഗുരു​ത​ര​മായ വെള്ള​പ്പൊ​ക്ക​മു​ണ്ടാ​യി​രു​ന്നത്‌ 50 വർഷത്തി​ലൊ​രി​ക്കൽ മാത്ര​മാ​യി​രു​ന്നു; ഇപ്പോ​ഴത്‌ 4 വർഷം കൂടു​മ്പോ​ഴോ അതിൽ കുറഞ്ഞ കാലയ​ള​വി​ലോ ഉണ്ടാകു​ന്നു.

ലോക​ത്തി​ന്റെ മറ്റു ചില ഭാഗങ്ങ​ളിൽ, വനനശീ​ക​രണം മരുഭൂ​വ​ത്‌ക​ര​ണ​ത്തി​നും പ്രാ​ദേ​ശിക കാലാ​വ​സ്ഥ​യി​ലെ വ്യതി​യാ​ന​ങ്ങൾക്കും കാരണ​മാ​യി​രി​ക്കു​ന്നു. മനുഷ്യൻ ചൂഷണം ചെയ്‌തു​കൊ​ണ്ടി​രി​ക്കുന്ന പ്രകൃ​തി​വി​ഭ​വ​ങ്ങ​ളിൽ ഒന്നു മാത്ര​മാ​ണു വനങ്ങൾ. നമ്മുടെ ബൃഹത്തായ ആവാസ​വ്യ​വ​സ്ഥ​യു​ടെ പരസ്‌പ​ര​ബ​ന്ധി​ത​മായ ഘടകങ്ങ​ളെ​ക്കു​റി​ച്ചു പരിസ്ഥി​തി​ശാ​സ്‌ത്ര​ജ്ഞ​ന്മാർക്ക്‌ ഇപ്പോ​ഴും താരത​മ്യേന വളരെ കുറച്ചു മാത്രമേ അറിയാ​വൂ എന്നതു​കൊണ്ട്‌, സാരമായ ഹാനി തട്ടുന്ന​തു​വരെ ഒരു പ്രശ്‌നം ശ്രദ്ധി​ക്ക​പ്പെ​ടാ​തെ പോ​യേ​ക്കാം. മാലി​ന്യ​ങ്ങൾ നിർമാർജനം ചെയ്യുന്ന കാര്യ​ത്തിൽ അതു സത്യമാണ്‌. അതു പരിസ്ഥി​തി​ശാ​സ്‌ത്ര​ത്തി​ന്റെ രണ്ടാമത്തെ നിയമത്തെ വ്യക്തമാ​യി എടുത്തു​കാ​ട്ടു​ന്നു.

എല്ലാ വസ്‌തു​ക്ക​ളും എവി​ടെ​യെ​ങ്കി​ലും ചെന്നെ​ത്തി​യേ പറ്റൂ. മാലി​ന്യ​ങ്ങൾ നീക്കം ചെയ്യു​ന്നി​ല്ലെ​ങ്കിൽ ഒരു സാധാരണ ഭവനം എങ്ങനെ​യി​രി​ക്കു​മെന്ന്‌ ഒന്നു സങ്കൽപ്പി​ച്ചു​നോ​ക്കൂ. നമ്മുടെ ഗ്രഹം അത്തരം അടയ്‌ക്ക​പ്പെട്ട ഒരു സംവി​ധാ​ന​മാണ്‌—നമ്മുടെ ചപ്പുച​വ​റു​ക​ളെ​ല്ലാം ഒടുവിൽ ഈ ഭൗമഭ​വ​ന​ത്തി​നു ചുറ്റും എവി​ടെ​യെ​ങ്കി​ലും ചെന്നെ​ത്തി​യേ പറ്റൂ. ക്ലോ​റോ​ഫ്‌ളൂ​റോ​കാർബ​ണു​കൾ (സിഎഫ്‌സി-കൾ) പോലെ പ്രത്യ​ക്ഷ​ത്തിൽ നിരു​പ​ദ്ര​വ​ക​ര​മായ വാതക​ങ്ങൾപോ​ലും യാതൊ​രു നാമ്പും അവശേ​ഷി​പ്പി​ക്കാ​തെ കേവലം വായു​വിൽ അലിഞ്ഞി​ല്ലാ​താ​വു​ന്നി​ല്ലെന്ന്‌ ഓസോൺ പാളി​യു​ടെ ഭാഗി​ക​മായ നാശം കാട്ടി​ത്ത​രു​ന്നു. ആകാശം, നദികൾ, സമു​ദ്രങ്ങൾ എന്നിവി​ട​ങ്ങ​ളി​ലേക്കു തള്ളിവി​ട​പ്പെ​ടുന്ന, സാധ്യ​ത​യ​നു​സ​രിച്ച്‌ അപകട​കാ​രി​ക​ളായ, നൂറു​ക​ണ​ക്കി​നു പാദർഥ​ങ്ങ​ളിൽ കേവലം ഒന്നു മാത്ര​മാ​ണു സിഎഫ്‌സി-കൾ.

“ജൈവാ​പ​ക്ഷയം സംഭവി​ക്കു​ന്നവ” എന്നു വിളി​ക്കുന്ന ചില ഉത്‌പ​ന്നങ്ങൾ കാല​ക്ര​മ​ത്തിൽ സ്വാഭാ​വിക പ്രക്രി​യ​കൾവഴി വിഘടി​ക്ക​പ്പെട്ടു സ്വാം​ശീ​ക​രി​ക്ക​പ്പെ​ടു​ന്നു എന്നതു സത്യമാണ്‌. എന്നാൽ മറ്റു ചില ഉത്‌പ​ന്ന​ങ്ങൾക്ക്‌ അതു സംഭവി​ക്കു​ന്നില്ല. ലോക​ത്തി​ലെ കടലോ​ര​ങ്ങ​ളിൽ പ്ലാസ്റ്റിക്‌ കണ്ടെയ്‌ന​റു​കൾ ചിന്നി​ച്ചി​ത​റി​ക്കി​ട​ക്കു​ന്നതു കാണാം. വരാൻപോ​കുന്ന അനേകം ദശകങ്ങ​ളിൽ അവ അവി​ടെ​ത്തന്നെ കിടക്കു​ക​യും ചെയ്യും. വ്യവസാ​യ​ശാ​ലകൾ ഉത്‌പാ​ദി​പ്പി​ക്കുന്ന, അത്ര​യൊ​ന്നും കാണ​പ്പെ​ടാത്ത വിഷമാ​ലി​ന്യ​ങ്ങൾ എവി​ടെ​യോ കൊണ്ടു​പോ​യി കുഴി​ച്ചു​മൂ​ടു​ക​യാ​ണു പതിവ്‌. കാഴ്‌ച​യിൽനി​ന്നു മറഞ്ഞു​കി​ട​ക്കു​ന്നു​വെ​ങ്കി​ലും, അവ സദാ വിസ്‌മ​രി​ക്ക​പ്പെ​ട്ടു​തന്നെ കിടക്കു​മെ​ന്ന​തി​നു യാതൊ​രു ഉറപ്പു​മില്ല. അതിനു ഭൂഗർഭ​ജ​ല​ത്തിൽ ലയിച്ചു​ചേർന്ന്‌ മനുഷ്യ​നും മൃഗങ്ങൾക്കും സാരമായ ആരോ​ഗ്യാ​പ​ക​ടങ്ങൾ വരുത്തി​വെ​ക്കാൻ കഴിയും. “ആധുനിക വ്യവസാ​യം ഉത്‌പാ​ദി​പ്പി​ക്കുന്ന രാസപ​ദാർഥ​ങ്ങ​ളെ​ല്ലാം എന്തു ചെയ്യണ​മെന്നു ഞങ്ങൾക്ക​റി​യില്ല. നമുക്ക്‌ അവയെ​ക്കു​റി​ച്ചുള്ള വിവരങ്ങൾ പോലും സൂക്ഷി​ച്ചു​വെ​ക്കാൻ കഴിയു​ന്നില്ല” എന്നു ബുഡാ​പെ​സ്റ്റി​ലെ ഹൈ​ഡ്രോ​ളജി ഇൻസ്റ്റി​റ്റ്യൂ​ട്ടി​ലെ ഒരു ഹംഗേ​റി​യൻ ശാസ്‌ത്രജ്ഞൻ സമ്മതി​ച്ചു​പ​റഞ്ഞു.

ഏറ്റവും ആപത്‌ക​ര​മായ പാഴ്‌വ​സ്‌തു, ആണവശക്തി നിലയ​ങ്ങ​ളു​ടെ ഒരു ഉപോ​ത്‌പ​ന്ന​മായ റേഡി​യോ ആക്ടീവ​ത​യുള്ള മാലി​ന്യ​ങ്ങ​ളാണ്‌. കുറെ ആണവ മാലി​ന്യ​ങ്ങൾ സമു​ദ്ര​ത്തിൽ തള്ളിയി​ട്ടു​ണ്ടെ​ങ്കി​ലും താത്‌കാ​ലിക സ്ഥലങ്ങളിൽ ആയിര​ക്ക​ണ​ക്കി​നു ടൺ ആണവ മാലി​ന്യ​ങ്ങ​ളാ​ണു സംഭരി​ച്ചു​വെ​ച്ചി​ട്ടു​ള്ളത്‌. വർഷങ്ങ​ളാ​യി ശാസ്‌ത്രീയ ഗവേഷണം നടത്തി​യി​ട്ടും, ആണവ മാലി​ന്യ​ങ്ങൾ സുരക്ഷി​ത​വും സ്ഥിരവു​മാ​യി നീക്കം ചെയ്യു​ന്ന​തി​നോ സംഭരി​ച്ചു​വെ​ക്കു​ന്ന​തി​നോ ഉള്ള ഏതെങ്കി​ലും പരിഹാ​ര​മാർഗം കണ്ടെത്താൻ ഇതുവരെ കഴിഞ്ഞി​ട്ടില്ല, സമീപ ഭാവി​യി​ലെ​ങ്ങും ഒരു പരിഹാ​രം കാണാൻ പോകു​ന്നി​ല്ല​താ​നും. ഈ പാരി​സ്ഥി​തിക ടൈം ബോം​ബു​കൾ എപ്പോൾ പൊട്ടി​ത്തെ​റി​ക്കു​മെന്ന്‌ ആർക്കു​മ​റി​യില്ല. തീർച്ച​യാ​യും ഈ പ്രശ്‌നങ്ങൾ തിരോ​ഭ​വി​ക്കു​ക​യില്ല—ആ മാലി​ന്യ​ങ്ങൾക്ക്‌, വരാനി​രി​ക്കുന്ന നൂറു​ക​ണ​ക്കി​നോ ആയിര​ക്ക​ണ​ക്കി​നോ വർഷങ്ങ​ളി​ലേക്ക്‌ അല്ലെങ്കിൽ ദൈവം നടപടി​യെ​ടു​ക്കു​ന്ന​തു​വരെ ആക്ടീവത ഉണ്ടായി​രി​ക്കും. (വെളി​പ്പാ​ടു 11:18) മാലി​ന്യ​ങ്ങൾ നിർമാർജനം ചെയ്യു​ക​യെന്ന കാര്യ​ത്തോ​ടുള്ള മമനു​ഷ്യ​ന്റെ അവഗണന പരിസ്ഥി​തി​ശാ​സ്‌ത്ര​ത്തി​ന്റെ മൂന്നാ​മത്തെ നിയമ​ത്തെ​ക്കു​റി​ച്ചു നമ്മെ അനുസ്‌മ​രി​പ്പി​ക്കു​ക​യും ചെയ്യുന്നു.

പ്രകൃതി അതിന്റെ സ്വന്തം മാർഗങ്ങൾ സ്വീക​രി​ക്കട്ടെ. മറ്റു വാക്കു​ക​ളിൽ പറഞ്ഞാൽ, താൻ ഏറെ മെച്ച​മെന്നു ചിന്തി​ക്കുന്ന എന്തെങ്കി​ലും ഉപയോ​ഗിച്ച്‌ പ്രകൃ​തി​യു​ടെ സംവി​ധാ​ന​ങ്ങളെ കടത്തി​വെ​ട്ടാൻ തുനി​യു​ന്ന​തി​നു​പ​കരം അവയോ​ടു മനുഷ്യൻ സഹകരി​ക്കു​ക​യാ​ണു വേണ്ടത്‌. ചില കീടനാ​ശി​നി​കൾ പ്രസക്ത​മായ ഉദാഹ​ര​ണ​മാണ്‌. ആദ്യം രംഗ​പ്ര​വേശം ചെയ്‌ത​പ്പോൾ, കളകളെ നിയ​ന്ത്രി​ക്കാ​നും നാശകാ​രി​ക​ളായ കീടങ്ങളെ ഫലത്തിൽ ഉന്മൂലനം ചെയ്യാ​നും അവ കർഷകരെ പ്രാപ്‌ത​രാ​ക്കി. വൻ വിള​വെ​ടു​പ്പു​കൾ ഉറപ്പാ​ണെ​ന്ന​തു​പോ​ലെ തോന്നി. എന്നാൽ, പിന്നീടു കാര്യ​ങ്ങ​ളെ​ല്ലാം തകിടം​മ​റി​ഞ്ഞു. കളകളും കീടങ്ങ​ളും ഓരോ​രോ കീടനാ​ശി​നി​ക​ളോ​ടു​മുള്ള പ്രതി​രോ​ധ​ശക്തി വളർത്തി​യെ​ടു​ത്തു. യഥാർഥ​ത്തിൽ കീടനാ​ശി​നി​കൾ കീടങ്ങ​ളു​ടെ സ്വാഭാ​വിക ഇരപി​ടി​യൻമാർക്കും വന്യജീ​വി​കൾക്കും മനുഷ്യ​നു​ത​ന്നെ​യും വിഷക​ര​മാ​ണെന്നു വ്യക്തമാ​യി. കീടനാ​ശി​നി​യു​ടെ വിഷാം​ശം ഒരുപക്ഷേ നിങ്ങ​ളെ​യും ബാധി​ച്ചി​രി​ക്കാം—എങ്കിൽ നിങ്ങൾ ലോക​വ്യാ​പ​ക​മാ​യുള്ള കുറഞ്ഞത്‌ അത്തരം പത്തു ലക്ഷം ബലിയാ​ടു​ക​ളിൽ ഒരാളാണ്‌.

കാല​ക്ര​മ​ത്തിൽ, കീടനാ​ശി​നി​കൾ വിളവു​ത്‌പ​ന്ന​ങ്ങളെ മെച്ച​പ്പെ​ടു​ത്തു​ക​യി​ല്ലെന്ന വർധി​ച്ചു​വ​രുന്ന തെളി​വാണ്‌ ഒടുവി​ലത്തെ വിരോ​ധാ​ഭാ​സം. ഐക്യ​നാ​ടു​ക​ളിൽ കീടനാ​ശി​നി വിപ്ലവ​ത്തി​നു മുമ്പു തിന്നു​ന​ശി​പ്പി​ച്ചി​രു​ന്ന​തി​നെ​ക്കാൾ കൂടുതൽ വിളക​ളാണ്‌ ഇപ്പോൾ കീടങ്ങൾ തിന്നു​ന​ശി​പ്പി​ക്കു​ന്നത്‌. സമാന​മാ​യി, തെക്കു​കി​ഴ​ക്കേ​ഷ്യ​യിൽ കീടനാ​ശി​നി​കൾ മേലാൽ നെല്ലിന്റെ വിളവു​ത്‌പ​ന്ന​ങ്ങളെ മെച്ച​പ്പെ​ടു​ത്തു​ന്നി​ല്ലെന്നു ഫിലി​പ്പീൻസ്‌ ആസ്ഥാന​മാ​ക്കി​യുള്ള അന്തർദേ​ശീയ നെല്ലു ഗവേഷണ കേന്ദ്രം കണ്ടെത്തി​യി​രി​ക്കു​ന്നു. വാസ്‌ത​വ​ത്തിൽ, കീടനാ​ശി​നി​ക​ളിൽ വളരെ​യ​ധി​കം ആശ്രയി​ക്കാത്ത ഒരു പരിപാ​ടി ഇന്തോ​നേ​ഷ്യൻ ഗവൺമെൻറ്‌ ഏറ്റെടു​ത്തു നടത്തു​ന്നുണ്ട്‌. കീടനാ​ശി​നി​ക​ളു​ടെ ഉപയോ​ഗ​ത്തിൽ 65 ശതമാനം കുറവ്‌ ഉണ്ടായി​രു​ന്നി​ട്ടും 1987 മുതൽ അത്‌ അരിയു​ടെ ഉത്‌പാ​ദ​ന​ത്തിൽ 15 ശതമാനം വർധനവു നേടി​യി​രി​ക്കു​ന്നു. എന്നിരു​ന്നാ​ലും, ലോക​ത്തി​ലെ കർഷകർ ഓരോ വർഷവും കീടനാ​ശി​നി​കൾ വളരെ​യ​ധി​ക​മാ​യി ഉപയോ​ഗി​ക്കു​ന്നു.

മേൽ വിവരിച്ച പരിസ്ഥി​തി​ശാ​സ്‌ത്ര​ത്തി​ന്റെ മൂന്നു നിയമങ്ങൾ, കാര്യങ്ങൾ കുഴപ്പ​ത്തി​ലേക്കു നീങ്ങി​ക്കൊ​ണ്ടി​രി​ക്കു​ന്നത്‌ എന്തു​കൊ​ണ്ടെന്നു വിശദീ​ക​രി​ക്കാൻ സഹായി​ക്കു​ന്നു. മറ്റു പ്രധാ​ന​പ്പെട്ട ചോദ്യ​ങ്ങ​ളു​മുണ്ട്‌. ഇപ്പോൾത്തന്നെ എന്തുമാ​ത്രം ഹാനി തട്ടിയി​രി​ക്കു​ന്നു, അതു പരിഹ​രി​ക്കാൻ കഴിയു​മോ?

എന്തുമാ​ത്രം ഹാനി തട്ടിയി​രി​ക്കു​ന്നു?

ഇതോ​ടൊ​പ്പം കൊടു​ത്തി​രി​ക്കുന്ന ലോക​ഭൂ​പടം, (8-9 പേജുകൾ കാണുക) ചില പ്രമുഖ പരിസ്ഥി​തി പ്രശ്‌ന​ങ്ങ​ളെ​യും അവ ഏറ്റവും രൂക്ഷമാ​യി​രി​ക്കുന്ന സ്ഥലങ്ങ​ളെ​യും എടുത്തു​കാ​ട്ടു​ന്നു. സ്വാഭാ​വിക ചുറ്റു​പാ​ടു​ക​ളു​ടെ നഷ്ടം അല്ലെങ്കിൽ മറ്റു ഘടകങ്ങൾ ഒരു സസ്യവർഗ​ത്തി​ന്റെ​യോ ജന്തുവർഗ​ത്തി​ന്റെ​യോ ഉന്മൂല​ന​ത്തി​നു കാരണ​മാ​കു​മ്പോൾ മനുഷ്യന്‌ ആ നഷ്ടം പരിഹ​രി​ക്കാ​നാ​വി​ല്ലെ​ന്നതു സ്‌പഷ്ട​മാണ്‌. ഓസോൺ പാളി​യു​ടെ നാശം പോലുള്ള മറ്റു കുഴപ്പ​ങ്ങ​ളും ഉണ്ടായി​ട്ടുണ്ട്‌. തുടർന്നു​കൊ​ണ്ടി​രി​ക്കുന്ന പരിസ്ഥി​തി വിനാശം സംബന്ധി​ച്ചോ? അതു തടയു​ന്ന​തിൽ അല്ലെങ്കിൽ കുറഞ്ഞ​പക്ഷം കുറയ്‌ക്കു​ന്ന​തിൽ പുരോ​ഗതി കൈവ​രി​ക്കാൻ സാധി​ക്കു​ന്നു​ണ്ടോ?

പരിസ്ഥി​തി​ക്കു സംഭവി​ക്കുന്ന വിനാ​ശ​ത്തി​ന്റെ ഏറ്റവും പ്രധാ​ന​പ്പെട്ട രണ്ട്‌ അളവു​കോ​ലു​കൾ കൃഷി​യും മത്സ്യബ​ന്ധ​ന​വു​മാണ്‌. എന്തു​കൊണ്ട്‌? അവയുടെ ഫലദാ​യകത ആരോ​ഗ്യാ​വ​ഹ​മായ ഒരു പരിസ്ഥി​തി​യെ​യും നമ്മുടെ ജീവൻ ആശ്രയ​യോ​ഗ്യ​മായ ഭക്ഷ്യ​ശേ​ഖ​ര​ത്തെ​യും ആശ്രയി​ച്ചി​രി​ക്കു​ന്നു എന്നതാണ്‌ അതിനു കാരണം.

രണ്ടു മണ്ഡലങ്ങ​ളും അപക്ഷയ​ത്തി​ന്റെ അടയാ​ളങ്ങൾ കാണി​ക്കു​ന്നുണ്ട്‌. മത്സ്യ​ശേ​ഖ​ര​ത്തി​നു സാരമായ ഹാനി വരുത്താ​തെ പത്തു കോടി ടൺ മത്സ്യങ്ങളെ പിടി​ക്കാൻ ലോക​ത്തി​ലെ മത്സ്യബന്ധന കപ്പലു​കൾക്കു സാധ്യ​മ​ല്ലെന്ന്‌ ഐക്യ​രാ​ഷ്ട്ര ഭക്ഷ്യ-കാർഷിക സംഘടന കണക്കാ​ക്കി​യി​ട്ടുണ്ട്‌. 1989-ൽ ആ പരിധി കവിയു​ക​യു​ണ്ടാ​യി. അതു​കൊണ്ട്‌ പ്രതീ​ക്ഷി​ച്ച​തു​പോ​ലെ, തുടർന്നു​വന്ന വർഷം ലോക​വ്യാ​പ​ക​മാ​യുള്ള മത്സ്യബ​ന്ധനം 40 ലക്ഷം ടൺ കണ്ടു കുറഞ്ഞു. ചില മത്സ്യബന്ധന മേഖല​കൾക്കു കനത്ത ശോഷണം സംഭവി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, വടക്കു കിഴക്കൻ അറ്റ്‌ലാൻറി​ക്കിൽ മത്സ്യബ​ന്ധനം, കഴിഞ്ഞ 20-ലധികം വർഷം​കൊണ്ട്‌ 32 ശതമാനം കണ്ടു കുറഞ്ഞു​പോ​യി. അമിത മത്സ്യബ​ന്ധനം, സമു​ദ്ര​മ​ലി​നീ​ക​രണം, പ്രജന​ന​സ്ഥ​ല​ങ്ങ​ളു​ടെ നാശം തുടങ്ങി​യ​വ​യാ​ണു മുഖ്യ പ്രശ്‌നങ്ങൾ.

ഞെട്ടി​ക്കു​ന്ന ഈ പ്രവണത വിളവു​ത്‌പാ​ദ​ന​ത്തി​ലും പ്രതി​ഫ​ലി​ച്ചു​കാ​ണു​ന്നു. ’60-കളിലും ’70-കളിലും, മെച്ചപ്പെട്ട കാർഷിക ഇനങ്ങൾ, ജലസേ​ചനം, രാസ കീടനാ​ശി​നി​ക​ളു​ടെ​യും വളങ്ങളു​ടെ​യും വ്യാപ​ക​മായ ഉപയോ​ഗം തുടങ്ങിയ കാര്യങ്ങൾ ലോക​ത്തി​ലെ ധാന്യ ഉത്‌പാ​ദനം ഗണ്യമാ​യി വർധി​പ്പി​ച്ചു. ഇപ്പോ​ഴാ​കട്ടെ, കീടനാ​ശി​നി​കൾക്കും വളങ്ങൾക്കും അവയുടെ ഫലപ്ര​ദ​ത്വം നഷ്ടപ്പെ​ട്ടു​കൊ​ണ്ടി​രി​ക്കു​ക​യാണ്‌. മാത്രമല്ല, ജലക്ഷാ​മ​വും മലിനീ​ക​ര​ണ​വും കുറഞ്ഞ വിള​വെ​ടു​പ്പു​കൾക്കു നിദാ​ന​മാ​യി​ത്തീർന്നി​രി​ക്കു​ക​യാണ്‌.

ഓരോ വർഷവും കൂടു​ത​ലാ​യി ഏതാണ്ടു പത്തു കോടി ആളുകൾക്കുള്ള ആഹാരം ഉണ്ടാ​ക്കേ​ണ്ട​തു​ണ്ടെ​ങ്കി​ലും, കഴിഞ്ഞ പതിറ്റാ​ണ്ടിൽ കൃഷി​യി​ട​ത്തി​ന്റെ മൊത്തം അളവിൽ കുറവു​ണ്ടാ​യി​രു​ന്നു. കൃഷി​യോ​ഗ്യ​മായ ഈ സ്ഥലത്തിന്‌ അതിന്റെ വളക്കൂറു നഷ്ടപ്പെ​ട്ടു​കൊ​ണ്ടി​രി​ക്കു​ക​യാണ്‌. കഴിഞ്ഞ 20 വർഷങ്ങ​ളിൽ മണ്ണൊ​ലി​പ്പു നിമിത്തം കർഷകർക്ക്‌ 50,000 കോടി ടൺ മേൽമണ്ണു നഷ്ടപ്പെ​ട്ട​താ​യി ലോക​നി​രീ​ക്ഷണ കാര്യാ​ലയം കണക്കാ​ക്കു​ന്നു. തീർച്ച​യാ​യും, ഭക്ഷ്യോ​ത്‌പാ​ദനം കുറഞ്ഞി​രി​ക്കു​ന്നു. “ഒരുപക്ഷേ ഇന്നു ലോക​ത്തി​ലെ ഏറ്റവും സ്‌തോ​ഭ​ജ​ന​ക​മായ സാമ്പത്തിക പ്രവണത 1984-നും 1992-നും ഇടയ്‌ക്കുള്ള കാലഘ​ട്ട​ത്തിൽ ആളോ​ഹ​രി​യുള്ള ധാന്യോ​ത്‌പാ​ദനം 6 ശതമാനം കണ്ട്‌ കുറഞ്ഞ​താ​യി​രി​ക്കാം” എന്ന്‌ ലോകാ​വസ്ഥ 1993 (ഇംഗ്ലീഷ്‌) എന്ന റിപ്പോർട്ട്‌ അഭി​പ്രാ​യ​പ്പെ​ടു​ന്നു.

പരിസ്ഥി​തി​യോ​ടുള്ള മമനു​ഷ്യ​ന്റെ അവഗണ​ന​യു​ടെ ഫലമായി കോടി​ക്ക​ണ​ക്കി​നാ​ളു​ക​ളു​ടെ ജീവൻ ഇപ്പോൾത്തന്നെ വ്യക്തമാ​യും അപകട​ത്തി​ലാണ്‌.

മനുഷ്യ​നു പ്രശ്‌നങ്ങൾ പരിഹ​രി​ക്കാൻ കഴിയു​മോ?

എന്താണു കുഴപ്പ​മെന്നു മനുഷ്യ​നു കുറ​ച്ചൊ​ക്കെ ഇപ്പോൾ മനസ്സി​ലാ​കു​ന്നു​ണ്ടെ​ങ്കി​ലും, അതു പരിഹ​രി​ക്കുക എന്നത്‌ അത്ര എളുപ്പ​മുള്ള കാര്യമല്ല. 1992-ലെ ഭൗമ ഉച്ചകോ​ടി സമ്മേള​ന​ത്തിൽ മുന്നോ​ട്ടു വയ്‌ക്ക​പ്പെട്ട സവിസ്‌തര നിർദേ​ശങ്ങൾ പ്രാബ​ല്യ​ത്തിൽ വരുത്താൻ ഭീമമായ പണം—ചുരു​ങ്ങി​യ​പക്ഷം 60,000 കോടി ഡോള​റെ​ങ്കി​ലും—മുട​ക്കേ​ണ്ട​താ​യി​വ​രും എന്നതാണ്‌ ഒന്നാമത്തെ വൈഷ​മ്യം. യഥാർഥ ത്യാഗ​ങ്ങ​ളും ആവശ്യ​മാ​യി​വ​രും—അവയിൽ ഉൾപ്പെ​ട്ടി​രി​ക്കു​ന്നത്‌ കുറച്ചു പാഴാക്കൽ, കൂടുതൽ പുനഃ​സം​സ്‌ക​രി​ക്കൽ, ജലത്തി​ന്റെ​യും ഊർജ​ത്തി​ന്റെ​യും പരിര​ക്ഷണം, സ്വകാര്യ വാഹനങ്ങൾ ഉപയോ​ഗി​ക്കു​ന്ന​തി​നു​പ​കരം പൊതു​വാ​ഹ​നങ്ങൾ ഉപയോ​ഗി​ക്കൽ തുടങ്ങി​യ​വ​യാണ്‌. എന്നാൽ അവയിൽ ഏറ്റവും ദുഷ്‌ക​ര​മായ മറ്റൊരു സംഗതി കൂടി​യുണ്ട്‌, സ്വന്തം താത്‌പ​ര്യ​ങ്ങ​ളെ​ക്കു​റി​ച്ചു മാത്രം ചിന്തി​ക്കു​ന്ന​തി​നു​പ​കരം ഒരു ഗ്രഹമെന്ന നിലയിൽ ചിന്തി​ക്കുക എന്നത്‌. ജല ആവാസ​വ്യ​വ​സ്ഥ​കളെ പുനഃ​സ്ഥി​തീ​ക​രി​ക്കു​ന്ന​തി​നുള്ള ഒരു യു.എസ്‌. കമ്മിറ്റി​യു​ടെ ചെയർമാ​നായ ജോൺ കാൺസ്‌ ജൂനിയർ ഈ പ്രശ്‌ന​ത്തെ​ക്കു​റിച്ച്‌ ഇങ്ങനെ ചുരു​ക്കി​പ്പ​റഞ്ഞു: “നമുക്ക്‌ എന്തു ചെയ്യാൻ കഴിയും എന്നതു സംബന്ധി​ച്ചു ഞാൻ ശുഭാ​പ്‌തി​വി​ശ്വാ​സ​മു​ള്ള​വ​നാണ്‌. നാം എന്തു ചെയ്യും എന്നതു സംബന്ധി​ച്ചു ഞാൻ ശുഭാ​പ്‌തി​വി​ശ്വാ​സ​മു​ള്ള​വനല്ല.”

മിക്ക രാജ്യ​ങ്ങ​ളും കണക്കു​തീർപ്പി​നുള്ള സമയം വെച്ചു​താ​മ​സി​പ്പി​ക്കു​മാറ്‌, മൊത്ത​മായ ഒരു ശുചീ​ക​ര​ണ​ത്തിന്‌ ഒടു​ക്കേ​ണ്ടി​വ​രുന്ന വില വളരെ കനത്തതാണ്‌. സാമ്പത്തിക പ്രതി​സ​ന്ധി​യുള്ള ഇക്കാലത്ത്‌, പരിസ്ഥി​തി​യെ സംരക്ഷി​ക്കു​ന്ന​തി​നുള്ള നടപടി​കളെ വീക്ഷി​ക്കു​ന്നതു തൊഴി​ലു​കൾക്കുള്ള ഒരു ഭീഷണി​യാ​യും സാമ്പത്തി​ക​രം​ഗ​ത്തി​ന്മേ​ലുള്ള ഒരു കടിഞ്ഞാ​ണാ​യി​ട്ടു​മാണ്‌. പ്രവർത്തി​ക്കു​ന്ന​തി​നെ​ക്കാൾ വളരെ എളുപ്പ​മാ​ണു പറയാൻ. ഇന്നുവ​രെ​യുള്ള പ്രതി​ക​ര​ണത്തെ “ശ്രേഷ്‌ഠ വാഗ്‌ദാ​ന​ങ്ങൾക്കു ശേഷമുള്ള പ്രവർത്ത​ന​രാ​ഹി​ത്യം” എന്നു ഭൂമിയെ പരിപാ​ലി​ക്കൽ (ഇംഗ്ലീഷ്‌) എന്ന പുസ്‌തകം വിവരി​ക്കു​ന്നു. എന്നാൽ ഈ അനാസ്ഥ​യു​ണ്ടെ​ങ്കിൽകൂ​ടി, സമയം ലഭിച്ചാൽ, പുതിയ സാങ്കേ​തി​ക​വി​ദ്യക്ക്‌ ഈ ഗ്രഹത്തി​ന്റെ രോഗ​ങ്ങൾക്ക്‌ ഒരു വേദനാ​ര​ഹി​ത​മായ പ്രതി​വി​ധി കണ്ടെത്താൻ കഴിയി​ല്ലേ? കഴിയി​ല്ലെന്നു തോന്നു​ന്നു.

ഒരു സംയുക്ത പ്രസ്‌താ​വ​ന​യിൽ, യു.എസ്‌. ദേശീയ ശാസ്‌ത്ര അക്കാദ​മി​യും ലണ്ടനിലെ റോയൽ സൊ​സൈ​റ്റി​യും ഇങ്ങനെ തുറന്നു​പ​റഞ്ഞു: “ജനസം​ഖ്യാ വർധന​വി​നെ​ക്കു​റി​ച്ചുള്ള ഇപ്പോ​ഴത്തെ പ്രവച​നങ്ങൾ സത്യ​മെന്നു തെളി​യു​ക​യും ഈ ഗോള​ത്തിൽ മമനു​ഷ്യ​ന്റെ പ്രവർത്ത​ന​രീ​തി​കൾ മാറ്റം വരാതെ നില​കൊ​ള്ളു​ക​യും ചെയ്യു​ക​യാ​ണെ​ങ്കിൽ, മറുഗ​തി​യിൽ തിരി​ച്ചു​വി​ടാ​നാ​വാത്ത പാരി​സ്ഥി​തിക അപക്ഷയ​വും ലോക​ത്തി​ലെ മിക്കവ​രു​ടെ​യും ഭാഗ​ധേ​യ​മായ തുടർച്ച​യായ ദാരി​ദ്ര്യ​വും തടയാൻ ശാസ്‌ത്ര​ത്തി​നും സാങ്കേ​തി​ക​വി​ദ്യ​ക്കും കഴിയില്ല.”

ഒരിട​ത്തേ​ക്കും നിർമാർജനം ചെയ്യാൻ കഴിയാത്ത ആണവ മാലി​ന്യം എന്ന സ്‌തോ​ഭ​ജ​ന​ക​മായ പ്രശ്‌നം, ശാസ്‌ത്രം എന്തും ചെയ്യാൻ പോന്ന ഒന്നല്ല എന്നതിന്റെ ഒരു ഓർമി​പ്പി​ക്ക​ലാണ്‌. ഉയർന്ന അളവിൽ റേഡി​യോ ആക്ടീവ​ത​യുള്ള മാലി​ന്യ​ങ്ങൾ എന്നേക്കും സംഭരി​ച്ചു​വെ​ക്കാ​നുള്ള സുരക്ഷി​ത​മായ സ്ഥലങ്ങൾ ശാസ്‌ത്ര​ജ്ഞ​ന്മാർ 40 വർഷക്കാ​ല​മാ​യി അന്വേ​ഷി​ച്ചു​കൊ​ണ്ടി​രി​ക്കു​ക​യാണ്‌. ഈ അന്വേ​ഷണം വളരെ ദുഷ്‌ക​ര​മാ​ണെന്നു തെളി​ഞ്ഞു​കൊ​ണ്ടി​രി​ക്കു​ക​യാണ്‌. കാരണം, ഏറ്റവും നേര​ത്തെ​യാ​യാൽപോ​ലും 2040 എന്ന വർഷമാ​കു​ന്ന​തി​നു മുമ്പ്‌ അത്തര​മൊ​രു സ്ഥലം തങ്ങൾക്കു കണ്ടെത്താൻ കഴിയി​ല്ലെന്ന്‌ ഇറ്റലി, അർജൻറീന തുടങ്ങിയ രാജ്യങ്ങൾ നിഗമനം ചെയ്‌തി​രി​ക്കു​ന്നു. ഈ രംഗത്ത്‌ ഏറ്റവും ശുഭാ​പ്‌തി​വി​ശ്വാ​സ​മുള്ള രാജ്യ​മായ ജർമനി അതിന്റെ പദ്ധതി​കൾക്ക്‌ 2008 എന്ന വർഷ​ത്തോ​ടെ തീർപ്പു​കൽപ്പി​ക്കാ​നാ​കു​മെന്നു പ്രത്യാ​ശി​ക്കു​ന്നു.

ആണവ മാലി​ന്യം അത്രയ്‌ക്കും വലി​യൊ​രു പ്രശ്‌ന​മാ​യി​രി​ക്കു​ന്നത്‌ എന്തു​കൊ​ണ്ടാണ്‌? “ഏറ്റവും നല്ല സംഭര​ണ​ശാ​ല​ക​ളിൽനി​ന്നു​പോ​ലും ഒരു നാൾ അപകട​ക​ര​മായ അളവിൽ റേഡി​യോ ആക്ടീവ​ത​യുള്ള മാലി​ന്യ​ങ്ങൾ ചോരു​ക​യില്ല എന്ന്‌ ഏതെങ്കി​ലും ശാസ്‌ത്ര​ജ്ഞ​നോ എഞ്ചിനി​യർക്കോ സമ്പൂർണ​മായ ഉറപ്പു നൽകാൻ സാധി​ക്കില്ല” എന്നു ഭൂശാ​സ്‌ത്ര​ജ്ഞ​നായ കോൺറാഡ്‌ ക്രൗസ്‌കോ​പ്‌ഫ്‌ വിശദീ​ക​രി​ക്കു​ന്നു. മാലി​ന്യം നിർമാർജനം ചെയ്യു​ന്ന​തി​ന്റെ ബുദ്ധി​മു​ട്ടു സംബന്ധി​ച്ചു നേര​ത്തെ​തന്നെ മുന്നറി​യി​പ്പു​കൾ ലഭിച്ചി​ട്ടും, നാളത്തെ സാങ്കേ​തി​ക​വി​ദ്യ ഒരു പരിഹാ​രം കൈവ​രു​ത്തു​മെന്നു ചിന്തി​ച്ചു​കൊ​ണ്ടു ഗവൺമെൻറു​ക​ളും ആണവ വ്യവസാ​യ​വും കണ്ണടച്ചു മുന്നോ​ട്ടു നീങ്ങു​ക​യാണ്‌. അവർ പ്രത്യാ​ശി​ക്കുന്ന ആ നാളെ ഒരിക്ക​ലും വന്നില്ല.

പാരി​സ്ഥി​തി​ക പ്രതി​സ​ന്ധി​ക്കു സാങ്കേ​തി​ക​വി​ദ്യ​യു​ടെ പക്കൽ ഉടനടി ഒരു പരിഹാ​ര​മി​ല്ലെ​ങ്കിൽ, മറ്റെന്തു തിര​ഞ്ഞെ​ടു​പ്പു​ക​ളാ​ണു​ള്ളത്‌? ഈ ഗ്രഹത്തെ സംരക്ഷി​ക്കാൻ കൂട്ടായി പ്രവർത്തി​ക്കാൻ ഒടുവിൽ ആവശ്യം രാഷ്ട്ര​ങ്ങളെ നിർബ​ന്ധി​ക്കു​മോ?

[അടിക്കു​റിപ്പ്‌]

[7-ാം പേജിലെ ചതുരം]

പുതുക്കാവുന്ന ഊർജോ​റ​വി​ട​ങ്ങൾക്കുള്ള അന്വേ​ഷ​ണം

കറൻറ്‌കട്ട്‌ ഉണ്ടാവു​ക​യോ എണ്ണവില വർധി​ക്കു​ക​യോ ചെയ്യു​ന്ന​തു​വരെ നമ്മിൽ മിക്കവ​രും ഊർജത്തെ അത്ര വിലമ​തി​ക്കാ​റില്ല. എന്നിരു​ന്നാ​ലും, മലിനീ​ക​ര​ണ​ത്തി​ന്റെ ഏറ്റവും വലിയ കാരണ​ങ്ങ​ളി​ലൊന്ന്‌ ഊർജോ​പ​ഭോ​ഗ​മാണ്‌. ഉപയോ​ഗി​ക്കുന്ന ഊർജ​ത്തി​ന്റെ ഏറിയ പങ്കും ലഭിക്കു​ന്നതു വിറകോ ഫോസിൽ ഇന്ധനങ്ങ​ളോ കത്തിക്കു​ന്ന​തിൽനി​ന്നാണ്‌. ഈ പ്രക്രി​യ​യു​ടെ ഫലമായി കോടി​ക്ക​ണ​ക്കി​നു ടൺ കാർബൺ ഡൈ​യോ​ക്‌​സൈഡ്‌ അന്തരീ​ക്ഷ​ത്തി​ലേക്കു തള്ളപ്പെ​ടു​ക​യും ലോക​ത്തി​ലെ വനങ്ങളിൽ നല്ലൊരു പങ്കു നശിപ്പി​ക്ക​പ്പെ​ടു​ക​യും ചെയ്യുന്നു.

മറ്റൊരു ഉപാധി​യായ ആണവോർജം അധിക​മ​ധി​കം അസ്വീകാര്യമായിത്തീർന്നുകൊണ്ടിരിക്കുകയാണ്‌. കാരണം, അപകട​ങ്ങ​ളും റേഡി​യോ ആക്ടീവ​ത​യുള്ള മാലി​ന്യ​ങ്ങൾ സംഭരി​ക്കു​ന്ന​തി​ലുള്ള ബുദ്ധി​മു​ട്ടു​മാണ്‌. പകരമാർഗ​മാ​യി, പുതു​ക്കാ​വുന്ന ഊർജോ​റ​വി​ട​ങ്ങ​ളുണ്ട്‌. അവയ്‌ക്കു പ്രകൃ​തി​യിൽ സുലഭ​മാ​യുള്ള ഊർജോ​റ​വി​ട​ങ്ങളെ ഉപയോ​ഗ​പ്പെ​ടു​ത്താൻ കഴിയു​ന്ന​തു​കൊ​ണ്ടാണ്‌ അങ്ങനെ അറിയ​പ്പെ​ടു​ന്നത്‌. പ്രധാ​ന​മാ​യും ഇത്തരത്തിൽ പെടു​ന്നത്‌ അഞ്ചിനം ഊർജ​ങ്ങ​ളാണ്‌.

സൗരോർജം. ചൂടാ​ക്കു​ന്ന​തി​നു വേണ്ടി ഇത്‌ എളുപ്പ​ത്തിൽ ഉപയോ​ഗ​പ്പെ​ടു​ത്താൻ കഴിയും. ഇസ്രാ​യേൽ പോലുള്ള ചില രാജ്യ​ങ്ങ​ളിൽ വെള്ളം ചൂടാ​ക്കു​ന്ന​തി​നു വേണ്ടി പല വീടു​ക​ളി​ലും സോളാർ പാനലു​ക​ളുണ്ട്‌. വൈദ്യു​തി ഉത്‌പാ​ദി​പ്പി​ക്കാൻ സൂര്യനെ ഉപയോ​ഗി​ക്കു​ന്നത്‌ ഏറെ ദുഷ്‌ക​ര​മാണ്‌. എന്നാൽ വൈദ്യു​തി നൽകുന്ന ആധുനിക ഫോ​ട്ടോ​വോൾട്ടെ​യിക്‌ സെല്ലുകൾ ഇപ്പോൾത്തന്നെ ഗ്രാമ​പ്ര​ദേ​ശ​ങ്ങ​ളി​ലുണ്ട്‌. അവ ചെലവു കുറഞ്ഞ​താ​ണു​താ​നും.

കാറ്റിന്റെ ശക്തി. ലോക​ത്തിൽ കാറ്റുള്ള പല ഭാഗങ്ങ​ളി​ലും കൂറ്റൻ കാറ്റാ​ടി​യ​ന്ത്രങ്ങൾ വ്യാപ​ക​മാണ്‌. ഇയോ​ലി​യൻ ഊർജം എന്നു വിളി​ക്ക​പ്പെ​ടുന്ന ഈ ഊർജ​ത്തിൽനി​ന്നു ലഭിക്കുന്ന വൈദ്യു​തി​യു​ടെ വില വളരെ താണി​ട്ടുണ്ട്‌, ചില പ്രദേ​ശ​ങ്ങ​ളിൽ ഇപ്പോൾ അതിന്റെ വില പരമ്പരാ​ഗ​ത​മായ ഊർജ​വി​ഭ​വ​ങ്ങ​ളെ​ക്കാൾ കുറവാണ്‌.

ജല​വൈ​ദ്യു​തി. ഇപ്പോൾത്തന്നെ ലോക​ത്തി​ലെ വൈദ്യു​തി​യു​ടെ 20 ശതമാനം ലഭിക്കു​ന്നതു ജല​വൈ​ദ്യു​ത നിലയ​ങ്ങ​ളിൽനി​ന്നാണ്‌. എന്നാൽ ദുഃഖ​ക​ര​മെന്നു പറയട്ടെ, വികസിത രാജ്യ​ങ്ങ​ളിൽ അതിനു സാധ്യ​ത​യുള്ള പല സ്ഥലങ്ങളും ഇതി​നോ​ടകം ചൂഷണം ചെയ്യ​പ്പെ​ട്ടു​ക​ഴി​ഞ്ഞു. വമ്പൻ ഡാമു​കൾക്കും ഗണ്യമായ പാരി​സ്ഥി​തിക ഹാനി വരുത്തി​വെ​ക്കാൻ കഴിയും. വിശേ​ഷി​ച്ചും വികസ്വര രാജ്യ​ങ്ങ​ളിൽ, ഏറെ മെച്ചപ്പെട്ട ഒരു പ്രതീക്ഷ ചെറിയ ചെറിയ ജല വൈദ്യു​ത നിലയങ്ങൾ നിർമി​ക്കു​ന്ന​താ​ണെന്നു തോന്നു​ന്നു.

ഭൗമതാ​പോർജം. ചില രാജ്യ​ങ്ങൾക്ക്‌, പ്രത്യേ​കിച്ച്‌ ഐസ്‌ലൻഡി​നും ന്യൂസി​ലൻഡി​നും ഭൂമി​ക്ക​ടി​യി​ലുള്ള “ഉഷ്‌ണജല വ്യവസ്ഥ”യിൽനിന്ന്‌ ഊർജം എടുക്കാൻ കഴിഞ്ഞി​ട്ടുണ്ട്‌. ഭൂമി​ക്ക​ടി​യി​ലെ അഗ്നിപർവത പ്രവർത്ത​നങ്ങൾ വെള്ളത്തെ ചൂടു പിടി​പ്പി​ക്കു​ന്നു, അതു വീടുകൾ ചൂടാ​ക്കാ​നും വൈദ്യു​തി ഉത്‌പാ​ദി​പ്പി​ക്കാ​നും ഉപയോ​ഗി​ക്കാം. ഇറ്റലി, ഐക്യ​നാ​ടു​കൾ, ജപ്പാൻ, ഫിലി​പ്പീൻസ്‌, മെക്‌സി​ക്കോ തുടങ്ങിയ രാഷ്ട്ര​ങ്ങ​ളും പ്രകൃ​തി​യി​ലെ ഈ ഊർജ​ത്തി​ന്റെ ഉറവി​ടങ്ങൾ ഒരള​വോ​ളം ഉപയോ​ഗ​യു​ക്ത​മാ​ക്കി​യി​ട്ടുണ്ട്‌.

വേലി​യേ​റ്റ​ത്തി​ന്റെ ശക്തി. വൈദ്യു​തി ഉത്‌പാ​ദി​പ്പി​ക്കാൻ ബ്രിട്ടൻ, ഫ്രാൻസ്‌, റഷ്യ എന്നിവ പോലുള്ള ചില രാജ്യങ്ങൾ സമു​ദ്ര​ത്തി​ലെ വേലി​യേ​റ്റ​ങ്ങളെ ഉപയോ​ഗ​പ്പെ​ടു​ത്തു​ന്നുണ്ട്‌. എന്നിരു​ന്നാ​ലും, കുറഞ്ഞ ചെലവിൽ അത്തരം ഊർജ​വി​ഭവം തരുന്ന പ്രാ​യോ​ഗി​ക​മായ സ്ഥലങ്ങൾ ലോക​ത്തിൽ വളരെ പരിമി​ത​മാണ്‌.

[8, 9 പേജു​ക​ളി​ലെ ചതുരം/ചിത്രം]

ലോകത്തിലെ പാരി​സ്ഥി​തി​ക​മായ ചില മുഖ്യ പ്രശ്‌ന​ങ്ങൾ

വനനശീ​ക​രണം. ലോക​ത്തി​ലെ മിതോ​ഷ്‌ണ​മേ​ഖലാ വനങ്ങളു​ടെ നാലിൽ മൂന്നു ഭാഗവും ഉഷ്‌ണ​മേ​ഖലാ വനങ്ങളു​ടെ പകുതി​യും ഇപ്പോൾ നഷ്ടപ്പെ​ട്ടു​ക​ഴി​ഞ്ഞി​രി​ക്കു​ക​യാണ്‌. കഴിഞ്ഞ ദശകത്തിൽ വനനശീ​ക​ര​ണ​ത്തി​ന്റെ നിരക്ക്‌ ഞെട്ടി​ക്കും​വി​ധം വർധി​ക്കു​ക​യു​ണ്ടാ​യി. ഓരോ വർഷവും നശിപ്പി​ക്ക​പ്പെ​ടുന്ന ഉഷ്‌ണ​മേ​ഖലാ വനപ്ര​ദേ​ശ​ത്തി​ന്റെ വ്യാപ്‌തി 1,50,000 ചതുരശ്ര കിലോ​മീ​റ്റ​റി​നും 2,00,000 ചതുരശ്ര കിലോ​മീ​റ്റ​റി​നും ഇടയി​ലാ​ണെന്ന്‌ ഏറ്റവും പുതിയ കണക്കുകൾ സൂചി​പ്പി​ക്കു​ന്നു. അതിന്‌ ഉറുഗ്വെ എന്ന രാജ്യ​ത്തി​ന്റെ അത്രയും ഏകദേശം വലിപ്പം വരുമ​ത്രേ.

വിഷലി​പ്‌ത​മായ മാലി​ന്യ​ങ്ങൾ. ഇക്കാലത്തു നിർമി​ക്ക​പ്പെ​ടുന്ന 70,000 രാസപ​ദാർഥ​ങ്ങ​ളിൽ പകുതി​യും വിഷാം​ശ​മു​ള്ള​വ​യാ​യി തരംതി​രി​ക്ക​പ്പെ​ട്ടി​രി​ക്കു​ന്നു. ഐക്യ​നാ​ടു​കൾ മാത്രം പ്രതി​വർഷം 24 കോടി ടൺ വിഷലിപ്‌ത മാലി​ന്യ​ങ്ങൾ ഉത്‌പാ​ദി​പ്പി​ക്കു​ന്നു​വ​ത്രേ. ലോക​വ്യാ​പ​ക​മാ​യി അതിന്റെ മൊത്തം അളവ്‌ എത്ര​യെന്നു കണക്കാ​ക്കുക യഥാർഥ വിവര​ങ്ങ​ളു​ടെ അഭാവം​മൂ​ലം അസാധ്യ​മാണ്‌. അതു മാത്രമല്ല, 2000-മാണ്ടാ​കു​മ്പോ​ഴേ​ക്കും താത്‌കാ​ലിക സ്ഥലങ്ങളിൽ സംഭരി​ച്ചു​വെ​ച്ചി​രി​ക്കുന്ന റേഡി​യോ ആക്ടീവ​ത​യുള്ള പാഴ്‌വ​സ്‌തു​ക്ക​ളു​ടെ അളവ്‌ ഏകദേശം 2,00,000 ടൺ ആയിത്തീ​രും.

കരയുടെ അപക്ഷയം. ഭൂമി​യു​ടെ കരഭാ​ഗ​ത്തി​ന്റെ മൂന്നി​ലൊ​ന്നു ഭാഗം മരുഭൂ​മി​യാ​യി​ത്തീ​രു​മെന്ന ഭീഷണി​യുണ്ട്‌. ആഫ്രി​ക്ക​യു​ടെ ചില ഭാഗങ്ങ​ളിൽ കേവലം 20 വർഷം​കൊണ്ട്‌ സഹാറാ മരുഭൂ​മി​യു​ടെ വ്യാപ്‌തി 350 കിലോ​മീ​റ്റർ കൂടി വർധിച്ചു. ഇപ്പോൾത്തന്നെ കോടി​ക്ക​ണ​ക്കി​നാ​ളു​ക​ളു​ടെ ജീവന​പ്ര​തീക്ഷ ഭീഷണി​യി​ലാണ്‌.

ജലദൗർല​ഭ്യത. ജലക്ഷാമം വളരെ​യ​ധി​ക​മുള്ള സ്ഥലങ്ങളി​ലാണ്‌ ഏകദേശം 200 കോടി​യാ​ളു​കൾ വസിക്കു​ന്നത്‌. ഈ ക്ഷാമത്തെ രൂക്ഷമാ​ക്കു​മാറ്‌, കിണറു​കൾ ആശ്രയി​ച്ചു​നിൽക്കുന്ന ഭൂമി​യി​ലെ ജലപ്പര​പ്പി​ന്റെ അളവു വളരെ​യ​ധി​കം താഴു​ന്ന​തു​കൊണ്ട്‌ ആയിര​ക്ക​ണ​ക്കി​നു കിണറു​കൾ വറ്റി​ക്കൊ​ണ്ടി​രി​ക്കു​ക​യാണ്‌.

ഉന്മൂല​നാ​ശ​ത്തി​ന്റെ അപകട​ത്തി​ലായ ജീവി​വർഗങ്ങൾ. എണ്ണം ഏതാണ്ട്‌ ഊഹി​ച്ചെ​ടു​ക്കു​ന്ന​താ​ണെ​ങ്കി​ലും, 2000-ാമാ​ണ്ടോ​ടെ 5,00,000-ത്തിനും 10,00,000-ത്തിനും ഇടയിൽ മൃഗ-സസ്യ-പ്രാണി വർഗങ്ങൾ വംശനാ​ശ​ത്തിന്‌ ഇരയാ​യി​ത്തീ​രു​മെന്നു ശാസ്‌ത്ര​ജ്ഞ​ന്മാർ കണക്കാ​ക്കു​ന്നു.

അന്തരീക്ഷ മലിനീ​ക​രണം. ആരോ​ഗ്യ​ഭീ​ഷണി ഉയർത്തുന്ന അളവി​ലുള്ള ധൂളി​കൾക്കോ സൾഫർ ഡയോ​ക്‌​സൈഡ്‌, നൈ​ട്രജൻ ഡയോ​ക്‌​സൈഡ്‌, കാർബൺ മോ​ണോ​ക്‌​സൈഡ്‌ എന്നിവ പോലുള്ള വിഷവാ​ത​ക​ങ്ങൾക്കോ എന്നും വിധേ​യ​മാ​കുന്ന നഗര​പ്ര​ദേ​ശ​ങ്ങ​ളിൽ ജീവി​ക്കുന്ന ആളുക​ളു​ടെ എണ്ണം നൂറു കോടി​യാ​ണെന്ന്‌ ഐക്യ​രാ​ഷ്ട്ര​സം​ഘടന 1980-ന്റെ ആരംഭ​ത്തിൽ നടത്തിയ ഒരു പഠനം കണ്ടെത്തു​ക​യു​ണ്ടാ​യി. കഴിഞ്ഞ ദശകത്തി​ലെ നഗരങ്ങ​ളു​ടെ ത്വരി​ത​ഗ​തി​യി​ലുള്ള വളർച്ച നിസ്സം​ശ​യ​മാ​യും ഈ പ്രശ്‌നത്തെ രൂക്ഷമാ​ക്കി​യി​രി​ക്കു​ക​യാണ്‌. മാത്രമല്ല, വർഷ​ന്തോ​റും അന്തരീ​ക്ഷ​ത്തി​ലേക്കു തള്ളപ്പെ​ടുന്ന കാർബൺ ഡയോ​ക്‌​സൈ​ഡി​ന്റെ അളവ്‌ 2,400 കോടി ടൺ ആണ്‌. ഈ “ഹരിത​ഗൃഹ വാതകം” ആഗോള താപവർധ​ന​വി​നു കാരണ​മാ​കു​മെന്നു ഭയക്കുന്നു.

[ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

വനനശീകരണം

വിഷലിപ്‌തമായ മാലി​ന്യ​ങ്ങൾ

അന്തരീക്ഷ മലിനീ​ക​ര​ണം

ജലദൗർല​ഭ്യ​ത

അപകടത്തിലായ ജീവി​വർഗ​ങ്ങൾ

കരയുടെ അപക്ഷയം

[കടപ്പാട്‌]

Mountain High Maps™ copyright© 1993 Digital Wisdom, Inc.

Photo: Hutchings, Godo-Foto

Photo: Mora, Godo-Foto