യുദ്ധമി​ല്ലാത്ത ഒരു ലോകം സാധ്യ​മോ?

യുദ്ധത്തി​ന്റെ​യും അതിന്റെ അനന്തര​ഫ​ല​ങ്ങ​ളു​ടെ​യും ഭയാന​ക​മായ യാഥാർഥ്യ​ങ്ങളെ വീണ്ടു​മൊ​രി​ക്ക​ലും കാണേ​ണ്ട​തോ അല്ലെങ്കിൽ അനുഭ​വി​ക്കേ​ണ്ട​തോ ഇല്ലാത്ത​താ​യി സങ്കൽപ്പി​ക്കുക. വെടി​യു​ടെ​യോ ബോം​ബു​ക​ളു​ടെ​യോ ഒച്ച കേൾക്കേ​ണ്ട​തി​ല്ലാ​ത്ത​താ​യി, അരപ്പട്ടി​ണി​ക​ളായ അഭയാർഥി​ക​ളു​ടെ പാച്ചൽ ഒരിക്ക​ലും വീക്ഷി​ക്കേ​ണ്ട​തി​ല്ലാ​ത്ത​താ​യി, നിങ്ങളോ അല്ലെങ്കിൽ പ്രിയ​പ്പെട്ട ആരെങ്കി​ലു​മോ, ക്രൂര​വും അർഥശൂ​ന്യ​വു​മായ ഏതെങ്കി​ലും ഏറ്റുമു​ട്ട​ലിൽ മരിക്കു​മെന്ന്‌ ഒരിക്ക​ലും ആകുല​പ്പെ​ടേ​ണ്ട​തി​ല്ലാ​ത്ത​താ​യി സങ്കൽപ്പി​ക്കുക. യുദ്ധമി​ല്ലാത്ത ഒരു ലോകത്തു ജീവി​ക്കു​ന്നത്‌ എന്തോ​ര​നു​ഭ​വ​മാ​യി​രി​ക്കും!

‘സംഭാ​വ്യ​മായ ഒരു പ്രത്യാ​ശയല്ല,’ നിങ്ങൾ പറയു​മാ​യി​രി​ക്കും. എങ്കിലും സമാധാ​ന​പൂർണ​മായ ഒരു ലോക​ത്തി​ന്റെ ദൃശ്യം ഏതാനും വർഷങ്ങൾക്കു​മുമ്പ്‌ കത്തിജ്വ​ലി​ച്ചു നിന്നി​രു​ന്നു. 1990-ലും 1991-ലും, രാഷ്ട്രങ്ങൾ സുരക്ഷി​ത​ത്വ​ത്തി​ന്റെ​യും സഹകര​ണ​ത്തി​ന്റെ​യും ഒരു നവയുഗ കവാട​ത്തി​ങ്ക​ലാ​ണെന്നു പലരും പറയു​ന്നു​ണ്ടാ​യി​രു​ന്നു. ആ കാലഘ​ട്ട​ത്തി​ന്റെ മനോ​ഭാ​വത്തെ വ്യക്തമാ​ക്കി​ക്കൊണ്ട്‌, ഐക്യ​നാ​ടു​ക​ളു​ടെ ആ സമയത്തെ പ്രസി​ഡൻറ്‌ ജോർജ്‌ ബുഷ്‌ കിളിർത്തു​വ​രുന്ന “ഒരു പുതിയ ലോക​ക്രമ”ത്തെക്കു​റി​ച്ചു പല സന്ദർഭ​ങ്ങ​ളി​ലും പ്രതി​പാ​ദി​ക്കു​ക​യു​ണ്ടാ​യി.

ഈ ശുഭാ​പ്‌തി​വി​ശ്വാ​സം എന്തു​കൊ​ണ്ടാ​യി​രു​ന്നു? ശീതയു​ദ്ധം സമാപ്‌തി​യി​ലെ​ത്തി​യി​രു​ന്നു. 40 വർഷത്തി​ലേ​റെ​യാ​യി ന്യൂക്ലി​യർയു​ദ്ധ​ത്തെ​ക്കു​റി​ച്ചുള്ള ഭീഷണി മനുഷ്യ​വർഗ​ത്തി​നു മീതെ, ഒരു നേർത്ത ചരടിൽ തൂക്കി​യിട്ട വാൾ പോലെ അപകട​ക​ര​മാം​വി​ധം തൂങ്ങി​ക്കി​ട​ന്നി​രു​ന്നു. എന്നാൽ കമ്മ്യു​ണി​സ​ത്തി​ന്റെ പതനത്തി​നും സോവി​യറ്റ്‌ യൂണി​യന്റെ തകർച്ച​യ്‌ക്കും ശേഷം, ഒരു ന്യൂക്ലി​യർ കൂട്ട​ക്കൊ​ല​യെ​ക്കു​റി​ച്ചുള്ള ഭീഷണി അപ്രത്യ​ക്ഷ​മാ​യി. ലോകം ഭയവി​മു​ക്ത​മാ​ക്ക​പ്പെട്ടു.

ആളുകൾ ഭാവിയെ ദൃഢവി​ശ്വാ​സ​ത്തോ​ടെ വീക്ഷി​ച്ച​തിന്‌—ഇന്നും പലരും അങ്ങനെ ചെയ്യു​ന്ന​തി​നും—മറ്റൊരു പ്രധാ​ന​പ്പെട്ട കാരണ​മു​ണ്ടാ​യി​രു​ന്നു. കിഴക്കും പടിഞ്ഞാ​റും തമ്മിലുള്ള ശത്രുത, നാലു ദശകങ്ങ​ളോ​ളം ഐക്യ​രാ​ഷ്ട്ര​ങ്ങളെ വെറും കലഹി​ച്ചു​കൊ​ണ്ടി​രി​ക്കുന്ന ഒരു സമൂഹ​മാ​ക്കി​ത്തീർത്തി​രു​ന്നു. എന്നാൽ ശീതയു​ദ്ധ​ത്തി​ന്റെ അന്ത്യം, എന്തു​ചെ​യ്യു​ന്ന​തി​നു​വേ​ണ്ടി​യാ​ണോ യുഎൻ രൂപകൽപന ചെയ്യ​പ്പെ​ട്ടത്‌ അതു ചെയ്യാൻ തക്കവണ്ണം അതിനെ വിമു​ക്ത​മാ​ക്കി—സാർവ​ദേ​ശീയ സമാധാ​ന​ത്തി​നും സുരക്ഷി​ത​ത്വ​ത്തി​നും വേണ്ടി പ്രവർത്തി​ക്കു​ന്ന​തി​നു​തന്നെ.

സമീപ​വർഷ​ങ്ങ​ളിൽ, യുദ്ധങ്ങളെ നിരു​ത്സാ​ഹ​പ്പെ​ടു​ത്തു​ന്ന​തി​നുള്ള ശ്രമങ്ങളെ യുഎൻ ശക്തമാ​ക്കി​യി​ട്ടുണ്ട്‌. അംഗരാ​ഷ്ട്ര​ങ്ങ​ളിൽനി​ന്നുള്ള സൈനിക സന്നാഹ​ങ്ങ​ളോ​ടെ 1994-നു മുമ്പുള്ള 4 വർഷങ്ങ​ളിൽ, മുൻപത്തെ 44 വർഷങ്ങ​ളി​ലേ​തി​നേ​ക്കാൾ കൂടു​ത​ലാ​യി സമാധാ​ന​ത്തി​നാ​യുള്ള സൈനി​ക​പ്ര​വർത്ത​ന​ങ്ങ​ളിൽ ഐക്യ​രാ​ഷ്ട്രങ്ങൾ ഏർപ്പെ​ട്ടി​ട്ടുണ്ട്‌. ലോക​വ്യാ​പ​ക​മാ​യി, സാധാരണ പൗരന്മാ​രും സൈനി​ക​രും ആയ ഏതാണ്ട്‌ 70,000 ആളുകൾ 17 സൈനിക പ്രവർത്ത​ന​ങ്ങ​ളിൽ സേവന​മ​നു​ഷ്‌ഠി​ച്ചു. 1994-ൽ സമാധാ​ന​പാ​ല​ന​ത്തി​നാ​യി ചെലവ​ഴി​ച്ചത്‌ 330 കോടി ഡോള​റാ​യി​രു​ന്നു. എന്നാൽ വെറും രണ്ടു വർഷത്തി​നു​ള്ളിൽ അത്‌ ഇരട്ടി​യി​ല​ധി​ക​മാ​യി​രി​ക്കു​ന്നു.

സമീപ​കാ​ലത്ത്‌ യുഎൻ-ന്റെ സെക്ര​ട്ടറി ജനറൽ ബു​ട്രോസ്‌ ബു​ട്രോസ്‌ ഖാലി ഇപ്രകാ​രം എഴുതി: “ഏതാണ്ട്‌ 50 വർഷത്തി​നു മുമ്പ്‌ [യുഎൻ-ന്‌ അടിസ്ഥാ​ന​മി​ട്ട​പ്പോൾ] സാൻ ഫ്രാൻസി​സ്‌ക്കോ​വിൽ സ്ഥാപിച്ച കൂട്ടസു​ര​ക്ഷി​തത്വ വ്യവസ്ഥ, തുടക്ക​ത്തിൽ ഉദ്ദേശി​ച്ചി​രു​ന്ന​തു​പോ​ലെ ഒടുവിൽ പ്രവർത്ത​ന​മാ​രം​ഭി​ക്കു​ന്ന​താ​യി സൂചന​ക​ളുണ്ട്‌. . . . പ്രവർത്ത​ന​ക്ഷ​മ​മായ ഒരു സാർവ​ദേ​ശീയ വ്യവസ്ഥ നേടി​യെ​ടു​ക്കു​ന്ന​തി​നുള്ള പാതയി​ലാ​ണു നാം.” ഈ വികസ​ന​ങ്ങ​ളൊ​ക്കെ​യു​ണ്ടാ​യി​ട്ടും ഒരു പുതിയ ലോക​ക്ര​മ​ത്തി​ന്റെ ദൃശ്യം സത്വരം മങ്ങി​ക്കൊ​ണ്ടി​രി​ക്കു​ക​യാണ്‌. യുദ്ധമി​ല്ലാത്ത ഒരു ലോക​ത്തെ​ക്കു​റി​ച്ചുള്ള പ്രത്യാ​ശയെ ഇരുണ്ട​താ​ക്കാൻ തക്കവണ്ണം എന്താണു സംഭവി​ച്ചത്‌? നാം എന്നെങ്കി​ലും ആഗോ​ള​സ​മാ​ധാ​നം കാണു​മെന്നു വിശ്വ​സി​ക്കു​ന്ന​തി​നു കാരണ​മു​ണ്ടോ? പിൻവ​രുന്ന ലേഖനങ്ങൾ ഈ ചോദ്യ​ങ്ങൾ പരിചി​ന്തി​ക്കും.

[3-ാം പേജിലെ ചിത്ര​ത്തിന്‌ കടപ്പാട്‌]

War planes: USAF photo

Anti-aircraft guns: U.S. National Archives photo