ബൈബി​ളി​ന്റെ വീക്ഷണം

നൃത്തം ക്രിസ്‌ത്യാ​നി​കൾക്കു​ള്ള​തോ?

“എനിക്കി​തു കാണാൻ വയ്യ. ഞാൻ പുറത്തു പോ​കേ​ണ്ടി​വ​രും,” എന്ന്‌ ഇരിപ്പി​ട​ത്തിൽനിന്ന്‌ എഴു​ന്നേൽക്കവേ ആ ചെറു​പ്പ​ക്കാ​രൻ തന്റെ ഭാര്യ​യോ​ടു മന്ത്രി​ച്ചിട്ട്‌ തണുത്ത രാത്രി​യിൽ ഒന്നു നടക്കാ​നാ​യി അദ്ദേഹം ആ മുറി വിട്ടു​പോ​യി. അദ്ദേഹം അസ്വസ്ഥ​നാ​യി​രു​ന്നു.

സുഹൃ​ത്തു​ക്കൾ അദ്ദേഹ​ത്തെ​യും ഭാര്യ​യെ​യും ഒരു സാമൂ​ഹിക പരിപാ​ടി​ക്കു ക്ഷണിച്ച​താ​യി​രു​ന്നു. മൂന്നു സ്‌ത്രീ​കൾ നൃത്തം ചെയ്യു​ന്നത്‌ ഉൾപ്പെട്ട കലാപ​രി​പാ​ടി​കൾ നടത്താൻ ആതി​ഥേയർ തീരു​മാ​നി​ച്ചു. ശേഷിച്ച സദസ്സ്‌ അസ്വസ്ഥ​ത​യൊ​ന്നും തട്ടാത്ത​താ​യി കാണ​പ്പെട്ടു. അദ്ദേഹം അമിത ലോല​മ​ന​സ്‌ക്ക​നാ​യി​രു​ന്നോ? നർത്തകി​കൾ ആന്തരിക വികാ​രങ്ങൾ കേവലം പ്രകടി​പ്പി​ക്കു​ക​യും നൃത്തസ്വാ​ത​ന്ത്യം ആസ്വദി​ക്കു​ക​യു​മാ​യി​രു​ന്നി​ല്ലേ? നൃത്തത്തെ ക്രിസ്‌തീയ വീക്ഷണ​കോ​ണ​ത്തിൽനി​ന്നു മനസ്സി​ലാ​ക്കാൻ നമുക്കു ശ്രമി​ക്കാം.

നൃത്തം ആശയവി​നി​മ​യ​മാർഗം

മനുഷ്യർ ആശയവി​നി​യമം ചെയ്യുന്ന മാർഗ​ങ്ങ​ളിൽ ഒന്ന്‌ അംഗവി​ക്ഷേ​പങ്ങൾ അല്ലെങ്കിൽ ചലനങ്ങൾ ആണ്‌. ഉദാഹ​ര​ണ​ത്തിന്‌, ഒരു വിദേശ രാജ്യ​ത്താ​യി​രി​ക്കു​മ്പോൾ, തങ്ങൾ നിർദോ​ഷ​മാ​യി പരിഗ​ണി​ക്കുന്ന ഒരു ചലനത്തി​നു വ്യത്യ​സ്‌ത​മായ, ഒരുപക്ഷേ അനഭി​കാ​മ്യ​മായ അർഥം ഉണ്ടെന്നു മനസ്സി​ലാ​ക്കു​ന്നത്‌ അനേകം സന്ദർശ​കരെ അതിശ​യി​പ്പി​ച്ചി​രി​ക്കു​ന്നു. സോളമൻ ദ്വീപു​കൾ, മലേഷ്യ, പാപ്പുവ ന്യൂ ഗിനി എന്നിവി​ട​ങ്ങ​ളി​ലെ ഒരു മുൻ മിഷനറി ഇങ്ങനെ അഭി​പ്രാ​യ​പ്പെട്ടു: “ചില സ്ഥലങ്ങളിൽ ചില ശാരീ​രിക ചലനങ്ങൾ ലൈം​ഗിക സൂചന​ക​ളു​മാ​യി ബന്ധപ്പെ​ട്ടി​രി​ക്കു​ന്നു. ദൃഷ്ടാ​ന്ത​ത്തിന്‌, ഒരു സ്‌ത്രീ തറയി​ലി​രി​ക്കു​മ്പോൾ അവളുടെ കാലു​കൾക്കു മീതെ​കൂ​ടി ഒരു പുരുഷൻ കവച്ചു​ക​ട​ക്കു​ന്നത്‌ അനുചി​ത​മാ​ണെന്നു പരിഗ​ണി​ക്ക​പ്പെ​ടു​ന്നു. തറയി​ലി​രി​ക്കുന്ന ഒരു പുരു​ഷന്റെ മുന്നി​ലൂ​ടെ സ്‌ത്രീ നടക്കു​ന്നത്‌ അതു​പോ​ലെ​തന്നെ അവി​വേ​ക​മാണ്‌. രണ്ടു സംഗതി​യി​ലും ലൈം​ഗിക ധ്വനി പെട്ടെന്നു ദർശി​ക്ക​പ്പെ​ടു​ന്നു. നാം അതേക്കു​റി​ച്ചു ബോധ​വാ​ന്മാ​രാ​യി​രു​ന്നാ​ലും ഇല്ലെങ്കി​ലും, നമ്മുടെ ശരീര​ച​ല​നങ്ങൾ സംസാ​രി​ക്കു​ന്നു. ആയതി​നാൽ, ഒരു ആശയവി​നി​മയ രൂപ​മെ​ന്ന​നി​ല​യിൽ നൃത്തം ചരി​ത്ര​ത്തി​ലു​ട​നീ​ളം ഉപയോ​ഗി​ച്ചി​രി​ക്കു​ന്നു എന്നതു നമ്മെ അതിശ​യി​പ്പി​ക്ക​രുത്‌.

ഒരു ആഘോ​ഷ​ത്തി​ന്റെ സന്തോ​ഷ​വും ആഹ്ലാദ​വും​മു​തൽ മതചട​ങ്ങി​ന്റെ​യോ പാരമ്പ​ര്യ​ത്തി​ന്റെ​യോ കർമാ​നു​ഷ്‌ഠാ​നം​വ​രെ​യുള്ള വികാ​ര​ങ്ങ​ളു​ടെ പൂർണ​വ്യാ​പ്‌തി നൃത്തത്തിൽ പ്രകടി​പ്പി​ക്ക​പ്പെ​ടാ​വു​ന്ന​താണ്‌. (2 ശമൂവേൽ 6:14-17; സങ്കീർത്ത​നങ്ങൾ 149:1, 3) ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ഇങ്ങനെ പ്രസ്‌താ​വി​ക്കു​ന്നു: “നർത്തകൻ രണ്ടു വ്യതി​രിക്ത വിധങ്ങ​ളിൽ സദസ്സു​മാ​യി ആശയവി​നി​യമം ചെയ്യുന്നു, ശരീരം​കൊ​ണ്ടും അതു​പോ​ലെ​തന്നെ മുഖം​കൊ​ണ്ടും ഉള്ള ഒരു വികാര ചൊരി​യ​ലി​ലൂ​ടെ അല്ലെങ്കിൽ ഹാസ്യാ​നു​ക​ര​ണ​ത്തി​ന്റെ​യും അംഗവി​ക്ഷേ​പ​ത്തി​ന്റെ​യും ഒരു സങ്കീർണ ഭാഷയി​ലൂ​ടെ.” ചില നൃത്തങ്ങ​ളി​ലെ ആശയവി​നി​യമം വളരെ എളുപ്പം ഗ്രഹി​ക്കാ​വു​ന്നത്‌ ആയിരു​ന്നേ​ക്കാം. മറ്റു നൃത്തരൂ​പ​ങ്ങ​ളിൽ, പാണ്ഡി​ത്യ​മുള്ള ചിലർക്കു മാത്രമേ പ്രസ്‌തുത ഭാഷ മനസ്സി​ലാ​യേ​ക്കു​ക​യു​ള്ളൂ. ഉദാഹ​ര​ണ​ത്തിന്‌, ക്ലാസിക്കൽ ബാലേ​നൃ​ത്ത​ത്തിൽ ഹൃദയ​ത്തി​ന്മേ​ലുള്ള കൈ സ്‌നേ​ഹത്തെ സൂചി​പ്പി​ക്കു​ന്നു. എന്നാൽ ഇടതു കൈയി​ലെ നാലാം വിരലി​ലേക്കു ചൂണ്ടു​ന്നതു വിവാ​ഹത്തെ അർഥമാ​ക്കു​ന്നു. ചൈനീസ്‌ സംഗീത നാടക​ത്തിൽ വൃത്തത്തിൽ നടക്കു​ന്നതു യാത്രയെ സൂചി​പ്പി​ക്കു​ന്നു; എന്നാൽ തിരശ്ചീ​ന​മാ​യുള്ള ഒരു ചമ്മട്ടി പിടി​ച്ചു​കൊ​ണ്ടു സ്റ്റേജിനു വലം​വെ​ക്കു​ന്നതു കുതി​ര​സ​വാ​രി​യെ അർഥമാ​ക്കു​ന്നു; സ്റ്റേജിനു വിലങ്ങനെ ഇഴച്ചു​വ​ലി​ക്കുന്ന ഒരു കറുത്ത കൊടി കൊടു​ങ്കാ​റ്റി​നെ കുറി​ക്കു​മ്പോൾ ഇളംനീല കൊടി ഇളംകാ​റ്റി​നെ സൂചി​പ്പി​ക്കു​ന്നു. അങ്ങനെ നൃത്തച​ല​ന​ങ്ങ​ളി​ലൂ​ടെ​യും അംഗവി​ക്ഷേ​പ​ങ്ങ​ളി​ലൂ​ടെ​യും ശരീരം ആശയവി​നി​യമം ചെയ്യുന്നു. പക്ഷേ ആ സന്ദേശം എല്ലായ്‌പോ​ഴും ഉചിത​മാ​യ​താ​ണോ?

നൃത്തം—ഉചിത​വും അനുചി​ത​വും

നൃത്തം വിനോ​ദ​ത്തി​ന്റെ​യും വ്യായാ​മ​ത്തി​ന്റെ​യും ഒരു ഉല്ലാസ​ക​ര​മായ രൂപമാ​യി​രി​ക്കാ​വു​ന്ന​താണ്‌. ജീവി​ച്ചി​രി​ക്കു​ന്ന​തി​ന്റെ ആനന്ദ​ത്തോ​ടുള്ള സന്തോ​ഷ​ക​ര​മായ ശാരീ​രിക പ്രതി​ക​ര​ണത്തെ അല്ലെങ്കിൽ യഹോ​വ​യു​ടെ നന്മയോ​ടുള്ള വിലമ​തി​പ്പി​നെ കാണി​ക്കുന്ന ഒരു ശുദ്ധമായ നിഷ്‌കളങ്ക പ്രകട​ന​മാ​യി​രി​ക്കാം ഇത്‌. (പുറപ്പാ​ടു 15:20; ന്യായാ​ധി​പ​ന്മാർ 11:34) ചില സമൂഹ നൃത്തങ്ങ​ളും നാടോ​ടി​നൃ​ത്ത​ങ്ങ​ളും ആസ്വാ​ദ്യ​മാ​യി​രി​ക്കാ​വു​ന്ന​താണ്‌. ധൂർത്ത പുത്രനെ കുറി​ച്ചുള്ള തന്റെ ഉപമയിൽ ആഘോ​ഷ​ങ്ങ​ളു​ടെ ഭാഗ​മെ​ന്ന​നി​ല​യിൽ നർത്തക​രു​ടെ സമൂഹത്തെ, തെളി​വ​നു​സ​രി​ച്ചു കൂലി​ക്കെ​ടുത്ത ഒരു നൃത്തസം​ഘത്തെ, യേശു പോലും പരാമർശി​ച്ചു. (ലൂക്കൊസ്‌ 15:25) അതു​കൊ​ണ്ടു സ്‌പഷ്ട​മാ​യും, ബൈബിൾ നൃത്തത്തെ അതിൽത്തന്നെ കുറ്റം​വി​ധി​ക്കു​ന്നില്ല. എന്നാൽ, തെറ്റായ ചിന്തക​ളു​ടെ​യും ആഗ്രഹ​ങ്ങ​ളു​ടെ​യും ഉദ്ദീപ​ന​ത്തി​നെ​തി​രെ അതു മുന്നറി​യി​പ്പു നൽകു​ക​തന്നെ ചെയ്യുന്നു. ഈ സംഗതി​യി​ലാണ്‌ ചിലതരം നൃത്തം മാന്യ​ത​യി​ല്ലാ​ത്ത​തോ ഒരുവന്റെ ആത്മീയ​തക്ക്‌ അപകട​ക​രം​പോ​ലു​മോ ആയിരു​ന്നേ​ക്കാ​വു​ന്നത്‌. (കൊ​ലൊ​സ്സ്യർ 3:5) പുരാ​ത​ന​കാ​ലം മുതൽക്കെ ചില അവസര​ങ്ങ​ളിൽ നൃത്തം രതിയെ ഉണർത്തു​ന്ന​തും ഉപദ്ര​വ​ക​ര​മായ ഉദ്ദേശ്യ​ങ്ങൾക്ക്‌ ഉതകു​ന്ന​തു​മാ​യി​രു​ന്നി​ട്ടുണ്ട്‌.—മത്തായി 14:3-11 താരത​മ്യം ചെയ്യുക.

നൃത്തച​ല​ന​ങ്ങ​ളെ അനുചിത ചിന്തക​ളു​മാ​യി ബന്ധിപ്പി​ക്കു​ന്നതു തന്റെ കരങ്ങളി​ലെ ശക്തമായ ഒരു ആയുധ​മാ​ണെന്നു നമ്മുടെ എതിരാ​ളി​യായ പിശാ​ചായ സാത്താ​ന​റി​യാം. (യാക്കോബ്‌ 1:14, 15 താരത​മ്യം ചെയ്യുക.) ശരീര​ച​ല​ന​ത്തി​ന്റെ വിഷയാ​സക്ത പ്രലോ​ഭ​ന​ത്തെ​യും അതിന്‌ എങ്ങനെ കാമചി​ന്തകൾ ഉണർത്താൻ കഴിയു​മെ​ന്ന​തി​നെ​യും കുറിച്ച്‌ അവനു നന്നായി അറിയാം. നമ്മുടെ “മനസ്സു ക്രിസ്‌തു​വി​നോ​ടുള്ള ഏകാ​ഗ്ര​ത​യും നിർമ​ല​ത​യും വിട്ടു വഷളാ​യി​പ്പോ”കേണ്ടതി​നു നമ്മെ വശീക​രി​ക്കാൻ സാത്താൻ തുനി​ഞ്ഞി​റ​ങ്ങി​യി​രി​ക്കു​ന്നു​വെന്ന്‌ അപ്പോ​സ്‌ത​ല​നായ പൗലോസ്‌ മുന്നറി​യി​പ്പു നൽകി. (2 കൊരി​ന്ത്യർ 11:3) അശ്ലീല​നൃ​ത്തം വീക്ഷി​ക്കു​ന്ന​തി​നാ​ലോ അതിൽ പങ്കെടു​ക്കു​ന്ന​തി​നാ​ലോ നമ്മുടെ മനസ്സ്‌ അധാർമിക ചിന്തയിൽ കുരു​ങ്ങാൻ നാം അനുവ​ദി​ക്കു​ന്നു​വെ​ങ്കിൽ പിശാച്‌ എത്ര സന്തുഷ്ട​നാ​യി​രി​ക്കു​മെന്നു സങ്കല്‌പി​ക്കുക. അനിയ​ന്ത്രിത അഭിലാ​ഷങ്ങൾ നാം കെട്ടഴി​ച്ചു​വിട്ട്‌ അനുചിത പെരു​മാ​റ്റ​ത്തി​ന്റെ വേദനാ​ക​ര​മായ പരിണ​ത​ഫ​ല​ത്തിൽ അകപ്പെ​ടു​ന്നെ​ങ്കിൽ അവൻ കൂടുതൽ ആഹ്‌ളാ​ദി​ത​നാ​യി​രി​ക്കും. പുരാ​ത​ന​കാ​ലത്ത്‌ ആ ഉദ്ദേശ്യ​ത്തിൽ ചലനവും നൃത്തവും അവൻ ഉപയോ​ഗി​ച്ചി​ട്ടുണ്ട്‌.—പുറപ്പാ​ടു 32:6, 17-19 താരത​മ്യം ചെയ്യുക.

ഉചിത​മോ അനുചി​ത​മോ—നിർണ​യി​ക്കുന്ന വിധം

തത്‌ഫ​ല​മാ​യി, നൃത്തം ചെയ്യു​ന്നത്‌ സംഘങ്ങ​ളോ ജോടി​ക​ളോ ഒരാൾ മാത്ര​മോ ആയിരു​ന്നാ​ലും, ചലനങ്ങൾ നിങ്ങളിൽ ദുഷിച്ച ചിന്തകൾ ഉണർത്തു​ന്നെ​ങ്കിൽ, ആ നൃത്തം നിങ്ങൾക്കു ഹാനി​ക​ര​മാണ്‌, മറ്റുള്ള​വർക്ക്‌ അല്ലാതി​രു​ന്നേ​ക്കാ​മെ​ങ്കി​ലും.

ആധുനിക നൃത്തങ്ങ​ളിൽ പങ്കാളി​കൾ പരസ്‌പരം സ്‌പർശി​ക്കു​ന്നു​പോ​ലു​മി​ല്ലെന്നു ചിലർ അഭി​പ്രാ​യ​പ്പെ​ട്ടി​രി​ക്കു​ന്നു. എന്നാൽ സ്‌പർശി​ക്കു​ന്ന​താ​ണോ യഥാർഥ​ത്തിൽ പ്രശ്‌നം? ബ്രിട്ടാ​നിക്ക ഇങ്ങനെ പറഞ്ഞു​കൊണ്ട്‌ ഉപസം​ഹ​രി​ക്കു​ന്നു: “ആലിം​ഗനം ചെയ്‌താ​ലും അർധ​ബോ​ധ​ത്തോ​ടെ നിരീ​ക്ഷി​ച്ചാ​ലും അന്തിമ ഫലം ഒന്നുത​ന്നെ​യാണ്‌—നൃത്തത്തി​ലെ ശാരീ​രിക ഉല്ലാസ​വും ഒരു പങ്കാളി​യു​ടെ ലൈം​ഗിക ഉണർച്ച​യും.” വിവാ​ഹ​ബ​ന്ധ​ത്തി​നു വെളി​യിൽ “ഒരു പങ്കാളി​യു​ടെ ലൈം​ഗിക ഉണർച്ച” ജ്ഞാനപൂർവ​ക​മാ​ണോ? “സ്‌ത്രീ​യെ മോഹി​ക്കേ​ണ്ട​തി​ന്നു അവളെ നോക്കു​ന്നവൻ എല്ലാം ഹൃദയം​കൊ​ണ്ടു അവളോ​ടു വ്യഭി​ചാ​രം ചെയ്‌തു​പോ​യി” എന്ന യേശു​വി​ന്റെ പ്രസ്‌താ​വ​ന​യ​നു​സ​രിച്ച്‌, അല്ല.—മത്തായി 5:28.

നൃത്തം​ചെ​യ്യ​ണ​മോ വേണ്ടയോ എന്നതു നിങ്ങളു​ടെ തിര​ഞ്ഞെ​ടു​പ്പാണ്‌. പിൻവ​രുന്ന ചോദ്യ​ങ്ങൾ പരിചി​ന്തി​ക്കു​ന്നതു വിവേ​ക​ത്തോ​ടെ തീരു​മാ​ന​മെ​ടു​ക്കാൻ നിങ്ങളെ സഹായി​ച്ചേ​ക്കാം. ഈ നൃത്തത്തി​ന്റെ ഉദ്ദേശ്യം എന്താണ്‌? എന്താണി​തി​ന്റെ കീർത്തി? നൃത്തച​ല​നങ്ങൾ എന്താണ്‌ ഊന്നി​പ്പ​റ​യു​ന്നത്‌? എന്തു ചിന്തക​ളും വികാ​ര​ങ്ങ​ളു​മാണ്‌ അവ എന്നിൽ ഇളക്കി​വി​ടു​ന്നത്‌? എന്റെ പങ്കാളി​യിൽ അല്ലെങ്കിൽ നിരീ​ക്ഷി​ക്കു​ന്ന​വ​രിൽ അവ എന്ത്‌ ആഗ്രഹ​ങ്ങ​ളാണ്‌ ഉണർത്തുക? തീർച്ച​യാ​യും, മറ്റുള്ളവർ എന്തു​ചെ​യ്യു​ന്നു​വെ​ന്നതു പരിഗ​ണി​ക്കാ​തെ, നമ്മുടെ ആമുഖ​ത്തി​ലെ ചെറു​പ്പ​ക്കാ​ര​നായ ഭർത്താവു ചെയ്‌ത​തു​പോ​ലെ ഒരുവൻ തന്റെ മനസ്സാ​ക്ഷി​യോ​ടു പ്രതി​ക​രി​ക്കണം.

സൗന്ദര്യം, താളം, ലാവണ്യം തുടങ്ങിയ ദാനങ്ങൾ നാം ആസ്വദി​ക്ക​ണ​മെന്നു സ്രഷ്ടാവ്‌ ആഗ്രഹി​ക്കു​ന്ന​താ​യി ബൈബിൾ സൂചി​പ്പി​ക്കു​ന്നു. അതേ, അവ ആസ്വദി​ക്കുക—പക്ഷേ നിങ്ങൾ നൃത്തം ചെയ്യു​മ്പോൾ നിങ്ങളു​ടെ ശരീരം സംസാ​രി​ക്കു​ന്നു​വെന്നു മനസ്സിൽ പിടി​ക്കുക. ഫിലി​പ്പി​യർ 4:8-ലെ പൗലോ​സി​ന്റെ മാർഗ​നിർദേ​ശങ്ങൾ ഓർമി​ക്കുക: “സത്യമാ​യതു ഒക്കെയും ഘനമാ​യതു ഒക്കെയും നീതി​യാ​യതു ഒക്കെയും നിർമ​ല​മാ​യതു ഒക്കെയും രമ്യമാ​യതു ഒക്കെയും സല്‌ക്കീർത്തി​യാ​യതു ഒക്കെയും സൽഗു​ണ​മോ പുകഴ്‌ച്ച​യോ അതു ഒക്കെയും ചിന്തി​ച്ചു​കൊൾവിൻ.”

[26-ാം പേജിലെ ചിത്ര​ത്തിന്‌ കടപ്പാട്‌]

Picture Fund/Courtesy, Museum of Fine Arts, Boston