നിങ്ങൾ എപ്പോ​ഴെ​ങ്കി​ലും ഒരു ഹരിത​വെ​ളി​ച്ചം കണ്ടിട്ടു​ണ്ടോ?

മനോ​ഹ​ര​മായ ഒരു സൂര്യാ​സ്‌ത​മയം കണ്ണിമ​യ്‌ക്കാ​തെ നോക്കി​നി​ന്നു​കൊണ്ട്‌ ഒരു ദിവസ​ത്തോ​ടു വിടപ​റ​യു​ന്നത്‌ എന്തൊ​രാ​സ്വാ​ദ്യ​ക​ര​മാണ്‌! ഊഷ്‌മ​ള​മായ സൂര്യ​പ്രഭ ഭൗമാ​ന്ത​രീ​ക്ഷ​ത്തി​ലൂ​ടെ കടന്നു​വ​രു​മ്പോൾ നിറങ്ങ​ളു​ടെ ഒരു ഗംഭീര ദൃശ്യം പ്രദാനം ചെയ്യുന്നു. ഹരിത​വെ​ളി​ച്ചം എന്നു വിളി​ക്ക​പ്പെ​ടുന്ന ഒരസാ​ധാ​രണ പ്രതി​ഭാ​സം, വിസ്‌മ​യാ​വ​ഹ​മായ ഈ ദൃശ്യ​ത്തിന്‌ അടിവ​ര​യി​ടു​ന്നു. പരിസ്ഥി​തി അനു​യോ​ജ്യ​മാ​ണെ​ങ്കിൽ സൂര്യാ​സ്‌ത​മ​യ​ത്തി​ന്റെ അവസാ​ന​നി​മി​ഷ​ത്തിൽ ഇളംപ​ച്ച​നി​റ​മുള്ള ഈ വെളിച്ചം ഉണ്ടാകു​ന്നു. നീല​വെ​ളി​ച്ചം എന്നു വിളി​ക്ക​പ്പെ​ടുന്ന അപൂർവ​മായ ഒരു ദൃശ്യം ഇതിലും മനോ​ഹ​ര​മാ​ണെന്നു പറയ​പ്പെ​ടു​ന്നു.

വർണാ​ഭ​മാ​യ ഈ വെളി​ച്ച​ങ്ങ​ളു​ണ്ടാ​ക്കു​ന്നത്‌ എന്താണ്‌? അവ നൊടി​യി​ട​കൊണ്ട്‌ ഇല്ലതാ​കു​ന്നത്‌ എന്തു​കൊ​ണ്ടാണ്‌? മാത്രമല്ല, അവ ഇത്ര വിരള​മാ​യി​രി​ക്കു​ന്ന​തും എന്തു​കൊ​ണ്ടാണ്‌? ഈ ചോദ്യ​ങ്ങൾക്കു​ത്തരം നൽകു​ന്ന​തിന്‌, ആദ്യം​തന്നെ നമുക്കു സൂര്യ​പ്ര​കാ​ശ​വും ഭൂമി​യു​ടെ അന്തരീ​ക്ഷ​വും തമ്മിലുള്ള അന്യോ​ന്യ​പ്ര​വർത്ത​ന​ത്തെ​ക്കു​റിച്ച്‌ ഒരടി​സ്ഥാന ധാരണ​യു​ണ്ടാ​യി​രി​ക്കണം.

ഭൂമി​യി​ലേ​ക്കു പ്രവഹി​ക്കുന്ന സൂര്യ​പ്ര​കാ​ശം മഴവി​ല്ലി​ന്റെ എല്ലാ നിറങ്ങ​ളും ഉൾക്കൊ​ള്ളു​ന്നു. ഈ പ്രകാശം ഭൂമി​യു​ടെ അന്തരീ​ക്ഷത്തെ തുളച്ചി​റ​ങ്ങു​മ്പോൾ, ഭീമാ​കാ​ര​മായ ഒരു പ്രിസം പോലെ വർത്തി​ച്ചു​കൊണ്ട്‌ അന്തരീക്ഷം വെളി​ച്ചത്തെ പ്രകീർണനം ചെയ്യു​ക​യോ ചിതറി​ക്കു​ക​യോ ചെയ്യുന്നു. എന്നിരു​ന്നാ​ലും, ഒരു പ്രകാ​ശ​ത​രം​ഗം എത്ര​ത്തോ​ളം പ്രകീർണനം ചെയ്യു​മെ​ന്നത്‌ അതിന്റെ തരംഗ​ദൈർഘ്യ​ത്തെ ആശ്രയി​ച്ചി​രി​ക്കു​ന്നു.

നീല​പ്ര​കാ​ശ​ത്തി​ന്റെ തരംഗ​ദൈർഘ്യം കുറവാ​യ​തി​നാൽ അവ അന്തരീ​ക്ഷ​ത്തിൽ വ്യാപ​ക​മാ​യി പ്രകീർണനം ചെയ്യ​പ്പെ​ടു​ന്നു. തെളിഞ്ഞ ഒരു ദിവസ​ത്തിൽ സൂര്യൻ ചക്രവാ​ള​ത്തിൽനി​ന്നു വളരെ മുകളി​ലാ​യി​രി​ക്കു​മ്പോൾ ആകാശം നീലനി​റ​മാ​യി കാണ​പ്പെ​ടു​ന്നത്‌ അതു​കൊ​ണ്ടാണ്‌. എന്നാൽ, സൂര്യൻ ചക്രവാ​ള​ത്തി​ന​ടു​ത്താ​യി​രി​ക്കു​മ്പോൾ—സൂര്യാ​സ്‌തമയ സമയ​ത്തേ​തു​പോ​ലെ—സൂര്യ​പ്ര​കാ​ശ​ത്തി​നു നമ്മുടെ കണ്ണി​ലെ​ത്താൻ അന്തരീ​ക്ഷ​ത്തി​ലൂ​ടെ ബഹുദൂ​രം സഞ്ചരി​ക്കേ​ണ്ടി​വ​രും. തത്‌ഫ​ല​മാ​യി, ഏറ്റവും കൂടുതൽ പ്രകീർണനം ചെയ്യ​പ്പെ​ടുന്ന നീല​വെ​ളി​ച്ചം നമ്മുടെ അടുക്കൽ എത്തുന്നില്ല. അതേസ​മയം, ചുവപ്പി​നെ​പ്പോ​ലെ ദൈർഘ്യ​മേ​റിയ തരംഗ​ങ്ങൾക്ക്‌ കട്ടി​യേ​റിയ അന്തരീക്ഷം എളുപ്പ​ത്തിൽ തുളച്ചി​റ​ങ്ങാൻ കഴിയും. ഇതു സൂര്യാ​സ്‌ത​മ​യ​ത്തിന്‌ സുപരി​ചി​ത​മായ ചുവപ്പു​നി​റം അല്ലെങ്കിൽ ഓറഞ്ചു​നി​റം നൽകുന്നു.a

എങ്കിൽത്ത​ന്നെ​യും, ചില പ്രത്യേക സാഹച​ര്യ​ങ്ങ​ളിൽ സൂര്യാ​സ്‌തമയ സമയത്ത്‌ ഒരു ഹരിത​വെ​ളി​ച്ച​മോ നീല​വെ​ളി​ച്ച​മോ കാണാ​വു​ന്ന​താണ്‌. ഇവ ഉണ്ടാകു​ന്ന​തെ​ങ്ങ​നെ​യാണ്‌? ഏതാണ്ട്‌ മറഞ്ഞു​ക​ഴി​ഞ്ഞി​രി​ക്കുന്ന സൂര്യന്റെ പ്രകാശം മഴവി​ല്ലി​നെ​പ്പോ​ലെ ഒരു വർണരാ​ജി​യാ​യി പ്രകീർണനം ചെയ്യ​പ്പെ​ടു​ന്നു. ചുവപ്പു​വെ​ളി​ച്ചം വർണരാ​ജി​യു​ടെ അടിയി​ലും നീല​വെ​ളി​ച്ചം മുകളി​ലു​മാ​യി കാണ​പ്പെ​ടു​ന്നു. സൂര്യൻ അസ്‌ത​മി​ച്ചു​കൊ​ണ്ടി​രി​ക്കെ വർണരാ​ജി​യു​ടെ ചുവപ്പു​ഭാ​ഗം ചക്രവാ​ള​ത്തി​നു കീഴെ മറയുന്നു. നീലഭാ​ഗത്തെ, അന്തരീക്ഷം പ്രകീർണനം ചെയ്യുന്നു. ദൃശ്യ പ്രകാ​ശ​ത്തി​ന്റെ അവസാന കണിക ഒരു പച്ചവെ​ളി​ച്ചം സ്‌ഫു​രി​ക്കാൻ ഇടയാ​ക്കി​യേ​ക്കാ​വു​ന്നത്‌ ഈ നിമി​ഷ​ത്തി​ലാണ്‌. എന്നാൽ, പച്ച വെളിച്ചം എന്തു​കൊണ്ട്‌? കാരണം പ്രകാ​ശ​ത്തി​ന്റെ മറ്റൊരു മൂല വർണം പച്ചയാണ്‌.

ആകാശം അത്യന്തം മലിന​മാ​യി​ട്ടു​ണ്ടെ​ങ്കിൽ, ഹരിത​വെ​ളി​ച്ചം അപൂർവ​മാ​യേ കാണാൻ സാധിക്കൂ. അസാധാ​ര​ണ​മാം​വി​ധം തെളിഞ്ഞ അന്തരീ​ക്ഷ​ത്തി​ലും ഉജ്ജ്വല​മായ ഒരു വെളിച്ചം കാണാ​നാ​വ​ശ്യ​മായ നീല പ്രകാശം ആകാശത്തെ തുളച്ചി​റ​ങ്ങു​ന്നെ​ങ്കി​ലും മാത്രമേ നീല​വെ​ളി​ച്ചം പ്രത്യ​ക്ഷ​മാ​കു​ക​യു​ള്ളൂ.

[അടിക്കു​റിപ്പ്‌]

[24-ാം പേജിലെ ചിത്ര​ത്തിന്‌ കടപ്പാട്‌]

Sunset: ©Pekka Parviainen/SPL/Photo Researchers