ആകാശ​ത്തി​നു നീലവർണ്ണം എന്തു​കൊണ്ട്‌?

വിസ്‌തൃ​ത​മായ ബാഹ്യാ​കാശ മേഖലകൾ അന്ധകാര നിബി​ഢ​മാണ്‌. നാം ആകാശം എന്നു വിളി​ക്കു​ന്നത്‌ ഭൂമിയെ വലയം ചെയ്യുന്ന അന്തരീ​ക്ഷ​ത്തെ​യാണ്‌; മാനുഷ നേത്ര​ങ്ങൾക്കു ഗോച​ര​മായ ബാഹ്യാ​കാശ മേഖല തന്നെ. ഈ വിശാ​ല​മായ വിഹാ​യ​സ്സി​ലേക്കു നോക്കി​ക്കൊണ്ട്‌ അനേകർ അതിശ​യ​ത്തോ​ടെ ചോദി​ച്ചി​ട്ടുണ്ട്‌, ‘ആകാശ​ത്തി​നു നീലവർണ്ണം എന്തു​കൊണ്ട്‌?’ എന്തു​കൊണ്ട്‌ ദൃശ്യ വർണ്ണരാ​ജി​യി​ലെ മററ്‌ അടിസ്ഥാന വർണ്ണങ്ങ​ളായ വയല​റേറാ പച്ചയോ മഞ്ഞയോ ഓറഞ്ചോ ചുവപ്പോ ആയിരി​ക്കു​ന്നില്ല?

ദൃശ്യ വർണ്ണരാ​ജി​യിൽ വ്യത്യസ്‌ത വർണ്ണങ്ങ​ളാ​യി കാണ​പ്പെ​ടുന്ന വിവിധ തരംഗ ദൈർഘ്യ​ങ്ങ​ളുള്ള പ്രകാശ രശ്‌മി​കൾ സൂര്യ​പ്ര​കാ​ശ​ത്തി​ല​ട​ങ്ങി​യി​രി​ക്കു​ന്നു. ഈ പ്രകാശ തരംഗ​ങ്ങ​ളിൽ ഏററവും ദൈർഘ്യ​മു​ള്ളവ ചുവപ്പും ഏററവും ദൈർഘ്യം കുറഞ്ഞവ നീലയും അഥവാ വയലറ​റും ആണ്‌. നമ്മുടെ അന്തരീ​ക്ഷ​ത്തി​ലെ വാതക​തൻമാ​ത്രകൾ ഹ്രസ്വ തരംഗ ദൈർഘ്യ​മുള്ള പ്രകാ​ശത്തെ, അതായത്‌ നീലയെ കൂടുതൽ തരംഗ ദൈർഘ്യ​മു​ള്ള​വ​യേ​ക്കാൾ അതായത്‌ ചുവപ്പി​നെ​ക്കാൾ അധിക​മാ​യി വിസരി​പ്പി​ക്കു​ന്നു. തത്‌ഫ​ല​മാ​യി ആകാശ​ത്തിന്‌ നീല വർണ്ണം കൈവ​രു​ന്നു. ധൂളി​പ​ട​ലങ്ങൾ പോ​ലെ​യുള്ള അസംഖ്യം ഖരപദാർത്ഥ കണികകൾ അടങ്ങുന്ന വായു മണ്ഡലം ഒരു കണ്ണാടി​യിൽ പ്രതി​ഫ​ലി​പ്പി​ക്ക​പ്പെ​ടു​ന്ന​തു​പോ​ലെ​യുള്ള ദൃശ്യ​ത​യു​ടെ ഒരു പ്രത്യക്ഷത നൽകി​ക്കൊണ്ട്‌ പ്രകാ​ശത്തെ വിസരി​പ്പി​ക്കു​ന്നു.

സൂര്യൻ ചക്രവാ​ള​ത്തിന്‌ സമീപ​മാ​യി​രി​ക്കു​മ്പോൾ നമ്മുടെ കണ്ണുക​ളി​ലേ​ക്കെ​ത്തി​ച്ചേ​രാൻ സൂര്യ​പ്ര​കാ​ശം ഏറെ അളവ്‌ അന്തരീ​ക്ഷ​ത്തി​ലൂ​ടെ സഞ്ചരി​ക്കു​ന്നു. അപ്പോൾ ദീർഘ തരംഗങ്ങൾ ഹ്രസ്വ തരംഗ​ങ്ങ​ളെ​ക്കാൾ മെച്ചമാ​യി നുഴഞ്ഞു സഞ്ചരി​ക്കു​ന്നു. അങ്ങനെ ആകാശം കടുത്ത ഓറഞ്ചും ചുവപ്പും കലർന്ന വർണ്ണം പ്രാപി​ക്കു​ന്നു. വായു​വി​ലുള്ള ഖരകണി​കകൾ ഈ ചുവക്ക​ലി​നു കരു​ത്തേ​കു​ന്നു. സമാന​മാ​യി ധൂമ പടലങ്ങ​ളോ സാന്ദ്ര​മായ മേഘങ്ങ​ളോ ആകാശ​ത്തിൽ നിറയു​മ്പോൾ സർവവർണ്ണ​ത്തി​ലുള്ള പ്രകാശ തരംഗ​ങ്ങൾക്കും പ്രകീർണ്ണനം സംഭവി​ക്കു​ന്നു. അതിന്റെ ഫലമായി ആകാശം ചാര നിറത്തിൽ കാണ​പ്പെ​ടു​ന്നു.

അന്തരീ​ക്ഷാ​കാ​ശ​ങ്ങ​ളിൽ ദൈവം പ്രകാ​ശത്തെ ഉപയോ​ഗി​ക്കു​ന്ന​തി​ന്റെ ഈ ഗംഭീ​ര​പ്ര​ക​ടനം നമ്മെ സങ്കീർത്ത​ന​ക്കാ​രന്റെ വാക്കുകൾ അനുസ്‌മ​രി​പ്പി​ക്കു​ന്നു: “ആകാശങ്ങൾ ദൈവ​ത്തി​ന്റെ മഹത്വത്തെ ഘോഷി​ക്കു​ന്നു; ആകാശ​വി​താ​നം അവന്റെ കൈ​വേ​ലയെ വർണ്ണി​ക്കു​ന്നു.”—സങ്കീർത്തനം 19:1. (g90 8/22)