ഉത്തമ പരിഹാ​രം കണ്ടെത്തൽ

മോ​ട്ടോർവാ​ഹ​ന​ങ്ങൾമൂ​ല​മുള്ള മലിനീ​ക​ര​ണ​ത്തി​ന്റെ ഇപ്പോ​ഴത്തെ പ്രശ്‌നം ഉൾപ്പെ​ടെ​യുള്ള മനുഷ്യ​വർഗ​ത്തി​ന്റെ എല്ലാ പ്രശ്‌ന​ങ്ങ​ളെ​യും ദൈവ​ത്തി​ന്റെ സ്വർഗീയ ഗവൺമെൻറ്‌ പരിഹ​രി​ക്കുന്ന ഒരു സമയ​ത്തെ​ക്കു​റി​ച്ചു ദൈവ​വ​ച​ന​മായ ബൈബിൾ സംസാ​രി​ക്കു​ന്നു. അനേകർ പ്രാർഥി​ക്കാൻ പഠിപ്പി​ക്ക​പ്പെ​ട്ടി​രി​ക്കുന്ന ഈ മിശി​ഹൈക രാജ്യം, ഒട്ടും മലിനീ​ക​രണം ഇല്ലാത്ത ഒരു മോ​ട്ടോർവാ​ഹനം ഉത്‌പാ​ദി​പ്പി​ച്ചു​കൊ​ണ്ടാ​ണോ ഉത്തമ പരിഹാ​രം പ്രദാനം ചെയ്യു​ന്നത്‌? അതോ ഈ ഭൂമി​യിൽനിന്ന്‌ എല്ലാ മോ​ട്ടോർവാ​ഹ​ന​ങ്ങ​ളെ​യും നീക്കം ചെയ്‌തു​കൊ​ണ്ടാ​ണോ ഉത്തമ പരിഹാ​രം സാധ്യ​മാ​ക്കുക? ബൈബിൾ നമുക്കു കൃത്യ​മായ ഉത്തര​മൊ​ന്നും നൽകാ​ത്ത​തി​നാൽ കാത്തി​രു​ന്നു കാണു​ക​യ​ല്ലാ​തെ നിവൃ​ത്തി​യില്ല.—മത്തായി 6:9, 10.

എന്നാൽ, ദൈവ​ത്തി​ന്റെ ഗവൺമെൻറ്‌ കൊണ്ടു​വ​രുന്ന പുനഃ​സ്ഥി​തീ​ക​രി​ക്ക​പ്പെട്ട പറുദീ​സ​യി​ലെ സൃഷ്ടി​ക​ളു​ടെ സൗന്ദര്യ​ത്തെ വികല​മാ​ക്കാൻ ആ രാജ്യം മലിനീ​ക​ര​ണത്തെ അനുവ​ദി​ക്കു​ക​യി​ല്ലെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും.—യെശയ്യാ​വു 35:1, 2, 7; 65:17-25.

ദൈവ​വ​ച​നം അനുസ​രി​ക്കു​ന്നവർ മലിനീ​ക​ര​ണ​മി​ല്ലാത്ത ഒരു പുതിയ ലോക​ത്തി​ലെ ജീവി​ത​ത്തി​നു​വേണ്ടി ഇപ്പോൾത്തന്നെ പരിശീ​ലി​പ്പി​ക്ക​പ്പെ​ടു​ന്ന​തി​നാൽ മോ​ട്ടോർവാ​ഹ​ന​ങ്ങ​ളു​ടെ ഇന്നത്തെ ഉപയോ​ഗം സംബന്ധിച്ച്‌ അവർ എങ്ങനെ​യാ​ണു വിചാ​രി​ക്കേ​ണ്ടത്‌? 1987 ജൂൺ 22-ലെ ഉണരുക! (ഇംഗ്ലീഷ്‌) “നമ്മുടെ വനങ്ങൾക്ക്‌ എന്തു സംഭവി​ച്ചു​കൊ​ണ്ടി​രി​ക്കു​ന്നു” എന്ന വിഷയ​ത്തെ​ക്കു​റി​ച്ചു സംസാ​രി​ച്ചു. വാഹന​ങ്ങ​ളു​ടെ പുകയിൽ അടങ്ങി​യി​രി​ക്കുന്ന വായു മാലി​ന്യ​കാ​രി​ക​ളും വനങ്ങളു​ടെ നശീക​ര​ണ​വും തമ്മിൽ ബന്ധമു​ള്ള​താ​യി ചില ശാസ്‌ത്ര​ജ്ഞൻമാർ വിചാ​രി​ക്കു​ന്നു​വെന്ന്‌ അതു റിപ്പോർട്ടു ചെയ്‌തു. ഈ വസ്‌തു​ത​യു​ടെ വെളി​ച്ച​ത്തിൽ ക്രിസ്‌ത്യാ​നി​കൾ കാറുകൾ ഓടി​ക്കു​ന്നത്‌ ഉചിത​മാ​ണോ​യെന്നു ചോദി​ച്ചു​കൊണ്ട്‌ വാച്ച്‌ടവർ സൊ​സൈ​റ്റിക്ക്‌ എഴുതാൻ ഇതു ചിന്താ​കു​ല​നായ ഒരു വായന​ക്കാ​രനെ പ്രേരി​പ്പി​ച്ചു. അങ്ങനെ ചെയ്യു​ന്നതു യഹോ​വ​യു​ടെ സൃഷ്ടി​യോ​ടുള്ള അനാദ​രവു പ്രകട​മാ​ക്കു​ക​യാ​ണോ എന്നതാ​യി​രു​ന്നു അദ്ദേഹ​ത്തി​ന്റെ സംശയം.

അദ്ദേഹ​ത്തി​ന്റെ എഴുത്തി​നു മറുപടി നൽകി. അതിന്റെ ഒരു ഭാഗം പിൻവ​രു​ന്ന​തു​പോ​ലെ​യാണ്‌: “മലിനീ​ക​രണം കുറയ്‌ക്കു​ന്ന​തി​നു ഗവൺമെൻറ്‌ അധികാ​രി​കൾ നടപ്പി​ലാ​ക്കുന്ന പരിസ്ഥി​തി നിയമങ്ങൾ യഹോ​വ​യു​ടെ സാക്ഷികൾ വിശ്വ​സ്‌ത​മാ​യി അനുസ​രി​ക്കു​ന്നു. (റോമർ 13:1, 7; തീത്തൊസ്‌ 3:1) ഗവൺമെൻറ്‌ ആവശ്യ​പ്പെ​ടു​ന്ന​തി​ല​ധി​ക​മാ​യി നടപടി​കൾ സ്വീക​രി​ക്കു​ന്നതു വ്യക്തി​യു​ടെ വിവേ​ച​ന​യ്‌ക്കു വിട്ടു​കൊ​ടു​ത്തി​രി​ക്കു​ന്നു. മേലാൽ കാർ ഓടി​ക്കു​ക​യി​ല്ലെന്ന്‌ ഒരാൾ തീരു​മാ​നി​ക്കു​ന്നെ​ങ്കിൽ അത്‌ അദ്ദേഹ​ത്തി​ന്റെ സ്വകാര്യ സംഗതി​യാണ്‌. എന്നാൽ, 8-ാം പേജിൽ പിൻവ​രുന്ന പ്രകാരം പറഞ്ഞു​കൊണ്ട്‌ ഉണരുക! ചിലയാ​ളു​കൾ എങ്ങനെ വിചാ​രി​ക്കു​ന്നു​വെന്നു പ്രകട​മാ​ക്കി: ‘ന്യായ​മായ വിധത്തിൽ സാധ്യ​മാ​കുന്ന അളവോ​ളം വായു മലിനീ​ക​രണം കുറയ്‌ക്കു​ന്ന​തി​നുള്ള പ്രാ​യോ​ഗിക നടപടി​കൾ പലയാ​ളു​ക​ളും സ്വീക​രി​ക്കു​ന്നുണ്ട്‌. അവർ വേഗം കുറച്ച്‌ ഓടി​ക്കു​ക​യും യാത്ര​യു​ടെ അളവു കുറയ്‌ക്കു​ക​യും കാർ കൂട്ടു​ചേർന്ന്‌ ഉപയോ​ഗി​ക്കു​ക​യും ഈയമി​ല്ലാത്ത പെ​ട്രോൾ ഉപയോ​ഗി​ക്കു​ക​യും മലിനീ​ക​ര​ണത്തെ തടയാ​നുള്ള ഗവൺമെൻറി​ന്റെ നിയമങ്ങൾ അനുസ​രി​ക്കു​ക​യും ചെയ്യുന്നു.’”

ക്രിസ്‌തീയ സമനില

ഈ മറുപടി ക്രിസ്‌തീയ സമനില പ്രകട​മാ​ക്കി. മോ​ട്ടോർവാ​ഹ​നങ്ങൾ മാത്രമല്ല മലിനീ​ക​രണം ഉണ്ടാക്കു​ന്ന​തെന്ന കാര്യം ഓർമി​ക്കേ​ണ്ട​തുണ്ട്‌. വിമാ​ന​ങ്ങ​ളും തീവണ്ടി​ക​ളും—വാസ്‌ത​വ​ത്തിൽ ആധുനിക ഗതാഗത മാർഗങ്ങൾ മിക്കവ​യും—മലിനീ​ക​രണം ഉണ്ടാക്കു​ന്നുണ്ട്‌. പക്ഷേ ഈ വാഹന​ങ്ങ​ളൊ​ന്നും മലിനീ​ക​രണം ഉണ്ടാക്കു​ക​യെന്ന കരുതി​ക്കൂ​ട്ടി​യുള്ള ഉദ്ദേശ്യ​ത്തോ​ടെ വികസി​പ്പി​ച്ചെ​ടു​ത്ത​വയല്ല. മലിനീ​ക​രണം ഒരു പാർശ്വ​ഫ​ല​മാണ്‌, ഖേദക​ര​മായ സംഗതി​യാണ്‌, പരിമി​ത​മായ അറിവും അപൂർണ​മായ മനോ​ഭാ​വ​ങ്ങ​ളും നിമിത്തം ഉണ്ടാകു​ന്ന​താണ്‌.

1993 ഏപ്രിൽ 1-ലെ വീക്ഷാ​ഗോ​പു​ര​ത്തി​ന്റെ 31-ാം പേജ്‌ പിൻവ​രു​ന്ന​പ്ര​കാ​രം പറഞ്ഞു​കൊണ്ട്‌ ഈ വിഷയം ചർച്ച​ചെ​യ്‌തു: “യഹോ​വ​യു​ടെ സാക്ഷി​ക​ളെന്ന നിലയിൽ, നാം ഇപ്പോൾ നമ്മുടെ ഭൗമി​ക​ഭ​വ​നത്തെ ബാധി​ക്കുന്ന പരിസ്ഥി​തി​സം​ബ​ന്ധ​മായ പ്രശ്‌ന​ങ്ങ​ളിൽ ആഴത്തിൽ തത്‌പ​ര​രാണ്‌. ഭൂമി ഒരു പൂർണ്ണ​മ​നു​ഷ്യ​കു​ടും​ബ​ത്തി​നു ശുദ്ധവും ആരോ​ഗ്യ​പ്ര​ദ​വു​മായ ഭവനമാ​യി​രി​ക്കാ​നാ​ണു സൃഷ്ടി​ക്ക​പ്പെ​ട്ട​തെന്നു മിക്ക ആളുക​ളെ​ക്കാ​ളു​മു​പരി നാം വിലമ​തി​ക്കു​ന്നുണ്ട്‌. (ഉല്‌പത്തി 1:31; 2:15-17; യെശയ്യാ​വു 45:18) . . . അതു​കൊണ്ട്‌, മനുഷ്യ​രാ​ലുള്ള നമ്മുടെ ഭൂഗോ​ള​ത്തി​ന്റെ തുടർന്നു​കൊ​ണ്ടി​രി​ക്കുന്ന പാഴാ​ക്ക​ലി​നെ അനാവ​ശ്യ​മാ​യി വർദ്ധി​പ്പി​ക്കു​ന്ന​തൊ​ഴി​വാ​ക്കാൻ സന്തുലി​ത​വും ന്യായ​യു​ക്ത​വു​മായ ശ്രമങ്ങൾ നടത്തു​ന്നത്‌ ഉചിത​മാണ്‌. എന്നിരു​ന്നാ​ലും ‘ന്യായ​യു​ക്തം’ എന്ന പദം ശ്രദ്ധി​ക്കുക. . . . ദൈവ​ജനം പരിസ്ഥി​തി​കാ​ര്യ​ങ്ങളെ അവഗണി​ക്കു​ന്ന​വ​രാ​യി​രി​ക്ക​രുത്‌. തന്റെ പുരാ​ത​ന​ജനം വിസർജ്ജ്യ​ങ്ങൾ നിർമ്മാർജ്ജനം ചെയ്യാൻ നടപടി​കൾ സ്വീക​രി​ക്ക​ണ​മെന്ന്‌ യഹോവ അവരോട്‌ ആവശ്യ​പ്പെട്ടു, അവ പരിസ്ഥി​തി​സം​ബ​ന്ധ​വും ആരോ​ഗ്യ​സം​ര​ക്ഷ​ണ​പ​ര​വു​മാ​യി പ്രാധാ​ന്യ​മുള്ള നടപടി​ക​ളാ​യി​രു​ന്നു. (ആവർത്ത​ന​പു​സ്‌തകം 23:9-14) ഭൂമിയെ നശിപ്പി​ക്കു​ന്ന​വരെ സംബന്ധി​ച്ചുള്ള അവന്റെ വീക്ഷണം നമുക്ക​റി​യാ​വു​ന്ന​തു​കൊണ്ട്‌, പരിസ്ഥി​തി​യെ ശുചി​യാ​യി സൂക്ഷി​ക്കാൻ നമുക്കു ചെയ്യാൻ കഴിയുന്ന കാര്യ​ങ്ങളെ നാം തീർച്ച​യാ​യും അവഗണി​ക്ക​രുത്‌. . . . എന്നിരു​ന്നാ​ലും, നിയമം ആവശ്യ​പ്പെ​ടാ​ത്ത​പക്ഷം, ക്രിസ്‌ത്യാ​നി​കൾ ഈ ദിശയിൽ എത്ര​ത്തോ​ളം പോകു​മെ​ന്നു​ള്ളത്‌ വ്യക്തി​പ​ര​മായ ഒരു സംഗതി​യാണ്‌. അപൂർണ്ണ​മ​നു​ഷ്യർ അനായാ​സം തീവ്ര​വാ​ദി​ക​ളാ​യി​ത്തീ​രു​ന്നു. . . . മലിനീ​ക​രണം ഉൾപ്പെ​ടെ​യുള്ള ഭൂമി​യു​ടെ മുഖ്യ പരിസ്ഥി​തി​പ്ര​ശ്‌ന​ങ്ങളെ നീക്കം​ചെ​യ്യാ​നുള്ള മനുഷ്യ​ശ്ര​മങ്ങൾ പൂർണ്ണ​മാ​യി വിജയി​ക്കു​ക​യില്ല. . . . അവി​ടെ​യും ഇവി​ടെ​യും കുറെ പുരോ​ഗതി ഉണ്ടായി​രി​ക്കാം, എന്നാൽ നിലനിൽക്കുന്ന ഏക പരിഹാ​ര​ത്തി​നു ദൈവ​ത്തി​ന്റെ ഇടപെടൽ ആവശ്യ​മാണ്‌. ഈ കാരണ​ത്താൽ നാം ഉപരി​പ്ല​വ​മായ ലക്ഷണങ്ങളെ ലഘൂക​രി​ക്കാൻ ശ്രമി​ക്കു​ന്ന​തി​നു പകരം, നമ്മുടെ ശ്രമങ്ങ​ളും വിഭവ​ങ്ങ​ളും ദിവ്യ ഇടപെ​ട​ലിൽ കേന്ദ്രീ​ക​രി​ക്കു​ന്നു.”

ക്രിസ്‌ത്യാ​നി​കൾ, ദൈവ​രാ​ജ്യ​ത്തെ​ക്കു​റി​ച്ചുള്ള സന്ദേശം ലോക​മെ​മ്പാ​ടും പ്രസം​ഗി​ക്കു​ന്ന​തി​നാ​യി തങ്ങൾക്കു ലഭിച്ചി​രി​ക്കുന്ന ദിവ്യ നിയോ​ഗം മനസ്സിൽ പിടി​ച്ചു​കൊ​ണ്ടു ബൈബിൾ തത്ത്വങ്ങൾ അനുസ​രി​ക്കു​മ്പോൾ സമനി​ല​യു​ള്ള​വ​രാണ്‌. (മത്തായി 24:14) അതി​നെ​ക്കാൾ പ്രാധാ​ന്യ​മോ അടിയ​ന്തി​ര​ത​യോ ഉള്ള ഒന്നുമില്ല! ഈ ചുമതല നിർവ​ഹി​ക്കാൻ ആധുനിക ഗതാഗത വാർത്താ​വി​നി​മയ മാർഗ​ങ്ങൾക്കു ക്രിസ്‌ത്യാ​നി​കളെ സഹായി​ക്കാൻ കഴിയു​മെ​ങ്കിൽ അവ ഉപയോ​ഗ​പ്പെ​ടു​ത്താൻ അവർക്കു സകല കാരണ​വു​മുണ്ട്‌. അതേസ​മയം, അമിത​മാ​യി അല്ലെങ്കിൽ മനഃപൂർവ​മാ​യി മലിനീ​ക​രണം നടത്തു​ന്നത്‌ അവർ ഒഴിവാ​ക്കു​ന്നു. അങ്ങനെ അവർ മനുഷ്യ​ന്റെ​യും ദൈവ​ത്തി​ന്റെ​യും മുമ്പാകെ ഒരു നല്ല മനസ്സാക്ഷി നിലനിർത്തു​ന്നു.

അതു​കൊണ്ട്‌, മലിനീ​ക​ര​ണ​വും മോ​ട്ടോർവാ​ഹ​ന​വും ഉൾപ്പെട്ട പ്രശ്‌നം എങ്ങനെ​യാണ്‌ ഒടുവിൽ പരിഹ​രി​ക്ക​പ്പെ​ടു​ന്ന​തെന്നു യഥാർഥ​ത്തിൽ നമുക്കിന്ന്‌ അറിയാൻ പാടി​ല്ലെ​ങ്കി​ലും അതു പരിഹ​രി​ക്ക​പ്പെ​ടു​മെന്നു നമുക്കു തീർച്ച​യാ​യും അറിയാം. തീർച്ച​യാ​യും, ഉത്തമ പരിഹാ​രം വളരെ സമീപ​മാണ്‌.

[9-ാം പേജിലെ ചതുരം]

മലിനീകരണം തടയൽ

•സാധ്യമായിരിക്കുമ്പോൾ കാൽന​ട​യാ​യോ സൈക്കി​ളി​ലോ യാത്ര​ചെ​യ്യു​ക

•കാർ കൂട്ടു​ചേർന്ന്‌ ഉപയോ​ഗി​ക്കു​ക

•മോട്ടോർവാഹനങ്ങൾ ക്രമമാ​യി സർവീസ്‌ ചെയ്യുക

•ശുദ്ധമായ ഇന്ധനം ഉപയോ​ഗി​ക്കു​ന്ന​തി​നെ​ക്കു​റി​ച്ചു ബോധ​മു​ള്ള​വ​രാ​യി​രി​ക്കുക

•അനാവശ്യമായ യാത്ര ഒഴിവാ​ക്കു​ക

•മിതമായ, സ്ഥിര​വേ​ഗ​ത്തിൽ വണ്ടി​യോ​ടി​ക്കു​ക

•സാധ്യവും പ്രാ​യോ​ഗി​ക​വും ആയിരി​ക്കു​മ്പോൾ പൊതു ഗതാഗ​ത​മാർഗങ്ങൾ ഉപയോ​ഗി​ക്കു​ക

•വാഹനം എത്ര​നേരം നിർത്തി​യാ​ലും എഞ്ചിൻ അലസമാ​യി ഓൺചെ​യ്‌തി​ടു​ന്ന​തി​നു പകരം അത്‌ ഓഫു​ചെ​യ്യു​ക