ഒരു ആഗോള ഗ്രാമം എങ്കിലും വിഭജി​തം

നൈജീരിയയിലെ ഉണരുക! ലേഖകൻ

വായി​ല്ലാ​ഞ്ഞ​തും അതു​കൊണ്ട്‌ തിന്നാ​നോ കുടി​ക്കാ​നോ കഴിയാ​ഞ്ഞ​തു​മായ ഒരു വർഗം ആളുക​ളെ​ക്കു​റി​ച്ചുള്ള കഥകൾ നിങ്ങൾ എന്നെങ്കി​ലും കേട്ടി​ട്ടു​ണ്ടോ? അവർ കൂടു​ത​ലും ആപ്പിളു​കൾ മണത്തു​കൊണ്ട്‌ അതിജീ​വി​ച്ചി​രു​ന്ന​താ​യി പറയ​പ്പെ​ട്ടി​രു​ന്നു. ഒരു ദുർഗന്ധം അവരെ കൊല്ലു​മാ​യി​രു​ന്നു.

സ്വർണ​വ്യാ​പാ​രം നടത്തി​യി​രുന്ന പശ്ചിമാ​ഫ്രി​ക്കൻ ആളുക​ളെ​ക്കു​റി​ച്ചുള്ള കഥകളു​മു​ണ്ടാ​യി​രു​ന്നു. അക്കാലത്തെ ഒരു പോർച്ചു​ഗീസ്‌ കപ്പലിന്റെ കപ്പിത്താൻ ഇപ്രകാ​രം റിപ്പോർട്ടു ചെയ്‌തു: “[മാലി] രാജ്യ​ത്തിന്‌ ഇരുനൂ​റു യോജന അപ്പുറത്തു ചെന്നാൽ, നായ്‌ക്ക​ളു​ടേ​തു​പോ​ലെ ശിരസ്സും പല്ലും വാലു​മുള്ള നിവാ​സി​ക​ളുള്ള ഒരു രാജ്യം കാണാം. ഈ കറുത്ത​വർക്കു മറ്റു മനുഷ്യ​രെ കാണു​ന്നത്‌ ഇഷ്ടമല്ലാ​ത്ത​തു​കൊണ്ട്‌ അവർ സംഭാ​ഷ​ണ​ത്തി​ലേർപ്പെ​ടാൻ വിസമ്മ​തി​ക്കു​ന്നു.” അനേക വർഷങ്ങൾക്കു മുമ്പ്‌, അതായത്‌ യാത്ര​യു​ടെ​യും കണ്ടുപി​ടി​ത്ത​ത്തി​ന്റെ​യും യുഗത്തി​നു​മുമ്പ്‌, ഉണ്ടായി​രുന്ന ചില വിചി​ത്രാ​ശ​യ​ങ്ങ​ളാ​യി​രു​ന്നു അവ.

ആളുകൾ ഒന്നിക്കു​ന്നു

ആ കഥകൾ സത്യമാ​ണെന്നു നൂറ്റാ​ണ്ടു​ക​ളോ​ളം വിചാ​രി​ച്ചി​രു​ന്നു. എന്നാൽ പര്യ​വേ​ക്ഷകർ ഗ്രഹം പര്യ​വേ​ക്ഷണം ചെയ്‌ത​പ്പോൾ അവർ ആപ്പിൾ മണക്കുന്ന വായി​ല്ലാത്ത ആളുക​ളെ​യോ നായുടെ തലയു​ള്ള​വ​രെ​യോ കണ്ടില്ല. നമ്മുടെ അതിർത്തി​കൾക്ക്‌ അപ്പുറത്തു പാർക്കുന്ന ആളുക​ളെ​ക്കു​റിച്ച്‌ ഇന്ന്‌ ഒട്ടും​തന്നെ നിഗൂഢത അവശേ​ഷി​ക്കു​ന്നില്ല. ലോകം ഒരു ആഗോള ഗ്രാമ​മാ​യി​ത്തീർന്നി​രി​ക്കു​ന്നു. ടെലി​വി​ഷൻ വിദേശ രാജ്യ​ങ്ങ​ളെ​യും ആളുക​ളെ​യും നമ്മുടെ സ്വീകരണ മുറി​ക​ളി​ലെ​ത്തി​ക്കു​ന്നു. വിമാ​ന​യാ​ത്ര മണിക്കൂ​റു​കൾക്കു​ള്ളിൽ ആ രാജ്യങ്ങൾ സന്ദർശി​ക്കു​ന്നതു സാധ്യ​മാ​ക്കി​ത്തീർക്കു​ന്നു; കോടി​ക്ക​ണ​ക്കി​നാ​ളു​കൾ വർഷം​തോ​റും അങ്ങനെ സഞ്ചരി​ക്കു​ന്നു. മറ്റുചി​ലർ സാമ്പത്തി​ക​മോ രാഷ്ട്രീ​യ​പ​ര​മോ ആയ കാരണ​ങ്ങ​ളാൽ സ്ഥലം മാറി​ക്കൊ​ണ്ടി​രി​ക്കു​ന്നു. ഐക്യ​രാ​ഷ്ട്ര ജനസം​ഖ്യാ നിധി​യു​ടെ ഒരു റിപ്പോർട്ട്‌ ഇപ്രകാ​രം പ്രസ്‌താ​വി​ക്കു​ന്നു: “ലോക​മെ​മ്പാ​ടു​മുള്ള ആളുകൾ ചരി​ത്ര​ത്തിൽ ഇതുവരെ ഉണ്ടായി​രു​ന്നി​ട്ടി​ല്ലാ​ത്ത​തും വർധി​ക്കു​മെന്ന്‌ ഉറപ്പു​ള്ള​തു​മായ ഒരു നിരക്കിൽ, മെച്ചപ്പെട്ട ജീവി​ത​ത്തി​നാ​യി തങ്ങളുടെ വാസസ്ഥാ​നം ഉപേക്ഷി​ക്കു​ക​യും ദേശാ​ന്ത​ര​ഗ​മനം നടത്തു​ക​യും ചെയ്യുന്നു.” ഏതാണ്ട്‌ പത്തു കോടി ആളുകൾ തങ്ങളുടെ ജന്മദേ​ശ​ത്തി​നു പുറത്താ​ണു പാർക്കു​ന്നത്‌.

രാഷ്ട്ര​ങ്ങ​ളു​ടെ​യി​ട​യി​ലെ സാമ്പത്തിക പരസ്‌പ​രാ​ശ്ര​യ​ത്വം വർധി​ച്ചു​വ​രി​ക​യാണ്‌. അതികാ​യ​മായ ഒരു കേന്ദ്ര​നാ​ഡീ​വ്യ​വസ്ഥ പോലെ, ആഗോള വാർത്താ​വി​നി​മയ ശൃംഖല ഭൂമി​യി​ലെ എല്ലാ രാഷ്ട്ര​ങ്ങ​ളെ​യും ബന്ധിപ്പി​ക്കു​ന്നു. ആശയങ്ങ​ളും വിവര​ങ്ങ​ളും സാങ്കേ​തി​ക​വി​ദ്യ​യും കൈമാ​റ​പ്പെ​ടു​മ്പോൾ സംസ്‌കാ​രങ്ങൾ ഇടകല​രു​ക​യും ഒന്നി​നോ​ടൊ​ന്നു യോജി​ക്കു​ക​യും ചെയ്യുന്നു. ലോക​മാ​സ​ക​ല​മുള്ള ആളുകൾ മുമ്പെ​ന്ന​ത്തെ​ക്കാ​ളു​മ​ധി​ക​മാ​യി ഒരു​പോ​ലെ വസ്‌ത്ര​ധാ​രണം ചെയ്യുന്നു. പൊലീസ്‌, ആഡംബര ഹോട്ട​ലു​കൾ, ഗതാഗതം, സ്റ്റോറു​കൾ, ബാങ്കുകൾ, മലിനീ​ക​രണം എന്നിങ്ങനെ ലോക​ന​ഗ​ര​ങ്ങൾക്കു പൊതു​വാ​യി വളരെ​യ​ധി​കം കാര്യ​ങ്ങ​ളുണ്ട്‌. അങ്ങനെ, ലോക ജനങ്ങൾ ഒന്നിക്കു​മ്പോൾ ഉദയം​ചെ​യ്യുന്ന ഒരു ലോക സംസ്‌കാ​രം എന്നു ചിലർ വർണി​ക്കു​ന്നതു നാം കാണുന്നു.

ആളുകൾ വിഭജി​ത​രാ​യി നില​കൊ​ള്ളു​ന്ന​തി​ന്റെ കാരണം

എന്നാൽ ആളുക​ളും സംസ്‌കാ​ര​ങ്ങ​ളും കൂടി​ക്ക​ല​രു​മ്പോൾ പരസ്‌പരം എല്ലാവ​രും സഹോ​ദ​ര​ങ്ങ​ളെ​പ്പോ​ലെ കാണു​ന്നി​ല്ലെ​ന്നു​ള്ളതു വ്യക്തമാണ്‌. “എല്ലാവ​രും പരദേ​ശി​യെ കുറ്റ​പ്പെ​ടു​ത്താൻ ധൃതി​കാ​ട്ടു​ന്നു” എന്ന്‌ 2,000-ത്തിലധി​കം വർഷങ്ങൾക്കു​മുമ്പ്‌ ഒരു ഗ്രീക്ക്‌ നാടക​കൃത്ത്‌ എഴുതി. ദുഃഖ​ക​ര​മെന്നു പറയട്ടെ, ഇന്നും അതുത​ന്നെ​യാ​ണു സത്യം. മതഭ്രാന്ത്‌, വിദേ​ശി​യ​രോ​ടുള്ള വിദ്വേ​ഷം, “വംശീയ ശുദ്ധീ​ക​രണം,” വർഗീയ പോരാ​ട്ടം, മത ലഹളകൾ, സൈനി​കേ​ത​ര​രു​ടെ കൂട്ടക്കു​രു​തി, കൊല​ക്ക​ളങ്ങൾ, ബലാൽസംഗ ക്യാമ്പു​കൾ, പീഡനം, വംശഹത്യ എന്നിവ​യെ​ക്കു​റി​ച്ചുള്ള വർത്തമാ​ന​പത്ര റിപ്പോർട്ടു​ക​ളിൽ ഇതിനുള്ള തെളി​വു​കൾ അനായാ​സം കാണാൻ കഴിയും.

തീർച്ച​യാ​യും, വംശീയ സംഘട്ട​ന​ങ്ങ​ളു​ടെ ഗതി മാറ്റാൻ നമ്മിൽ മിക്കവർക്കും കാര്യ​മാ​യൊ​ന്നും ചെയ്യാൻ കഴിയു​ന്നില്ല. അവ നമ്മെ നേരിട്ടു ബാധി​ക്കു​ക​പോ​ലു​മി​ല്ലാ​യി​രി​ക്കാം. എന്നിരു​ന്നാ​ലും, അയൽക്കാ​രോ സഹജോ​ലി​ക്കാ​രോ സഹപാ​ഠി​ക​ളോ പോലെ നാം ബന്ധപ്പെ​ടുന്ന വിദേ​ശി​യ​രു​മാ​യി ആശയവി​നി​യമം നടത്താ​ത്ത​പ്പോൾ നമ്മിൽ പലർക്കും പ്രശ്‌ന​ങ്ങ​ളു​ണ്ടാ​കു​ന്നു.

വ്യത്യ​സ്‌ത വംശീയ വിഭാ​ഗ​ങ്ങ​ളിൽപ്പെട്ട ആളുകൾ പരസ്‌പരം ആശ്രയി​ക്കു​ന്ന​തും വിലമ​തി​ക്കു​ന്ന​തും ഇത്ര കൂടെ​ക്കൂ​ടെ വിഷമ​ക​ര​മാ​യി കണ്ടെത്തു​ന്നതു വിചി​ത്ര​മാ​യി തോന്നു​ന്നി​ല്ലേ? എങ്ങനെ​യാ​യാ​ലും, ബൃഹത്തായ നാനാ​ത്വ​വും അന്തമി​ല്ലാത്ത വൈവി​ധ്യ​വു​മുള്ള ഒരു ഗ്രഹമാണ്‌ നമ്മു​ടേത്‌. ആഹാരം, സംഗീതം, വർണം എന്നിവ​യു​ടെ സമൃദ്ധ​മായ വൈവി​ധ്യ​വും ചെടി​ക​ളു​ടെ​യും പക്ഷിക​ളു​ടെ​യും മൃഗങ്ങ​ളു​ടെ​യും അനേക ഇനങ്ങളും നമ്മിൽ മിക്കവ​രും വിലമ​തി​ക്കു​ന്നു. എന്നാൽ വൈവി​ധ്യ​ത്തെ​ക്കു​റി​ച്ചുള്ള നമ്മുടെ വിലമ​തി​പ്പിൽ, നമ്മെ​പ്പോ​ലെ ചിന്തി​ക്കു​ക​യോ പ്രവർത്തി​ക്കു​ക​യോ ചെയ്യാത്ത ആളുകൾ എന്തു​കൊ​ണ്ടോ എല്ലായ്‌പോ​ഴും ഉൾപ്പെ​ടു​ന്നില്ല.

ആളുക​ളു​ടെ​യി​ട​യി​ലെ വൈവി​ധ്യ​ത്തി​ന്റെ ക്രിയാ​ത്മക വശങ്ങളി​ലേക്കു നോക്കു​ന്ന​തി​നു​പ​കരം പലരും വൈജാ​ത്യ​ങ്ങ​ളിൽ ശ്രദ്ധ​കേ​ന്ദ്രീ​ക​രി​ക്കാൻ ചായ്‌വു​ള്ള​വ​രാ​യി​രി​ക്കു​ക​യും അവയെ ഭിന്നത​യു​ടെ അടിസ്ഥാ​ന​മാ​ക്കു​ക​യും ചെയ്യുന്നു. എന്തു​കൊ​ണ്ടാണ്‌ അങ്ങനെ? നമ്മു​ടേ​തിൽനി​ന്നു വ്യത്യ​സ്‌ത​മായ സംസ്‌കാ​ര​മുള്ള ആളുക​ളു​മാ​യി ബന്ധങ്ങൾ സ്ഥാപി​ക്കാൻ ശ്രമി​ക്കു​ന്ന​തു​കൊണ്ട്‌ എന്തു പ്രയോ​ജ​ന​മാ​ണു​ള്ളത്‌? നാം ആശയവി​നി​മ​യ​ത്തി​ന്റെ മതിലു​കൾ ഇടിച്ചു​ക​ള​യു​ക​യും അവയ്‌ക്കു​പ​കരം പാലങ്ങൾ പണിയു​ക​യും ചെയ്‌തേ​ക്കാ​വു​ന്ന​തെ​ങ്ങ​നെ​യാണ്‌? പിൻവ​രുന്ന ലേഖനങ്ങൾ ആ ചോദ്യ​ങ്ങൾക്ക്‌ ഉത്തരം നൽകാൻ ശ്രമി​ക്കു​ന്ന​താ​യി​രി​ക്കും.