ആശയവി​നി​മ​യ​ത്തി​നു പ്രതി​ബ​ന്ധ​മാ​കുന്ന മതിലു​കൾ

പശ്ചിമാ​ഫ്രി​ക്ക​യി​ലെ സീയെറ ലിയോ​ണിൽ താമസി​ക്കുന്ന ഒരു വാച്ച്‌ ടവർ മിഷന​റി​യാണ്‌ റോബർട്ട്‌. അദ്ദേഹം രാജ്യത്ത്‌ എത്തിയിട്ട്‌ അധിക​നാ​ളാ​യി​ട്ടി​ല്ലാ​യി​രു​ന്നു. ഒരു ദിവസം അദ്ദേഹം റോഡിൽക്കൂ​ടെ നടക്കവേ, ആ പ്രദേ​ശത്തെ കുട്ടികൾ “വെള്ളക്കാ​രൻ! വെള്ളക്കാ​രൻ!” എന്ന്‌ ഉരുവി​ടു​ന്നത്‌ അദ്ദേഹം ശ്രദ്ധിച്ചു. ഒരു കറുത്ത അമേരി​ക്ക​ക്കാ​ര​നായ റോബർട്ട്‌ വെള്ളക്കാ​രൻ എവി​ടെ​യെ​ന്ന​റി​യാൻ ചുറ്റും കണ്ണോ​ടി​ച്ചു. എന്നാൽ അവിടെ മറ്റാരും ഉണ്ടായി​രു​ന്നില്ല. കുട്ടികൾ തന്നെക്കു​റി​ച്ചാ​ണു വിളി​ച്ചു​പ​റ​യു​ന്ന​തെന്ന്‌ അപ്പോൾ അദ്ദേഹ​ത്തി​നു മനസ്സി​ലാ​യി!

ആ ഉരുവി​ട​ലിൽ ദ്രോ​ഹ​പ​ര​മാ​യി യാതൊ​ന്നും ഉണ്ടായി​രു​ന്നില്ല. റോബർട്ട്‌, തങ്ങളു​ടേ​തിൽനി​ന്നു വ്യത്യ​സ്‌ത​മായ ഒരു സംസ്‌കാ​ര​ത്തിൽനി​ന്നു​ള്ള​യാ​ളാ​ണെ​ന്നുള്ള തിരി​ച്ച​റി​വു പ്രകടി​പ്പി​ക്കുക മാത്ര​മാ​യി​രു​ന്നു ആ കുട്ടികൾ. ആ വ്യത്യാ​സം പ്രകടി​പ്പി​ക്കാ​നുള്ള ഏറ്റവും നല്ല മാർഗ​മാ​യി അവർ കരുതി​യത്‌ റോബർട്ടി​നെ വെള്ളക്കാ​രൻ എന്നു വിളി​ക്കു​ന്ന​താ​യി​രു​ന്നു.

നാമാ​രാ​ണെ​ന്നു​ള്ള​തി​നെ സംസ്‌കാ​രം സ്വാധീ​നി​ക്കുന്ന വിധം

“ഒരു ജീവി​ത​രീ​തി​യു​ടെ പ്രത്യേ​ക​ത​യായ, പങ്കിട​പ്പെ​ടുന്ന ആശയങ്ങ​ളു​ടെ​യും . . . ആചാര​ങ്ങ​ളു​ടെ​യും വിശ്വാ​സ​ങ്ങ​ളു​ടെ​യും അറിവി​ന്റെ​യും ഒരു കൂട്ടം” എന്ന്‌ സംസ്‌കാ​രം വിപു​ല​മാ​യി നിർവ​ചി​ക്ക​പ്പെ​ട്ടി​രി​ക്കു​ന്നു. നേരി​ട്ടുള്ള അധ്യാ​പ​ന​ത്തി​ലൂ​ടെ നാം അനേകം സാംസ്‌കാ​രിക മൂല്യങ്ങൾ പഠിക്കു​ന്നു, എന്നാൽ നാമറി​യാ​തെ​യും വളരെ​യ​ധി​കം കാര്യങ്ങൾ ഉൾക്കൊ​ള്ളു​ന്നു. ഒരു ഗവേഷകൻ ഇപ്രകാ​രം പറഞ്ഞു: “[ഒരു കുട്ടി] ജനിച്ചു​വീ​ഴു​ന്നത്‌ ഏത്‌ ആചാര​ങ്ങ​ളി​ലേ​ക്കാ​ണോ അവ, ജനിക്കുന്ന നിമി​ഷം​മു​തൽ അവന്റെ അനുഭ​വ​ത്തെ​യും സ്വഭാ​വ​ത്തെ​യും രൂപ​പ്പെ​ടു​ത്തു​ന്നു. സംസാ​രി​ക്കാ​റാ​കു​മ്പോ​ഴേ​ക്കും അവൻ അവന്റെ സംസ്‌കാ​ര​ത്തി​ന്റെ ഒരു കൊച്ചു സൃഷ്ടി​യാണ്‌, അവൻ വളർന്ന്‌ അതിന്റെ പ്രവർത്ത​ന​ങ്ങ​ളിൽ പങ്കെടു​ക്കാ​റാ​കു​മ്പോൾ അതിന്റെ ശീലങ്ങൾ അവന്റെ ശീലങ്ങ​ളും അതിന്റെ വിശ്വാ​സങ്ങൾ അവന്റെ വിശ്വാ​സ​ങ്ങ​ളും അതിന്റെ അസാധ്യ​തകൾ അവന്റെ അസാധ്യ​ത​ക​ളു​മാ​യി​ത്തീ​രു​ന്നു.”

പല വിധങ്ങ​ളിൽ സംസ്‌കാ​രം നമുക്കു ജീവിതം കൂടുതൽ എളുപ്പ​മു​ള്ള​താ​ക്കി​ത്തീർക്കു​ന്നു. കുട്ടി​ക​ളെന്ന നിലയിൽ നമ്മുടെ മാതാ​പി​താ​ക്കളെ പ്രസാ​ദി​പ്പി​ക്കേ​ണ്ട​തെ​ങ്ങ​നെ​യെന്നു നാം വേഗം പഠിക്കു​ന്നു. നമ്മുടെ സമൂഹ​ത്തിൽ സ്വീകാ​ര്യ​മാ​യ​തും അല്ലാത്ത​തും എന്താ​ണെ​ന്ന​റി​യു​ന്നത്‌ എങ്ങനെ പ്രവർത്തി​ക്കണം, എന്തു ധരിക്കണം, മറ്റുള്ള​വ​രോട്‌ എങ്ങനെ ബന്ധം സ്ഥാപി​ക്കണം എന്നിവ സംബന്ധി​ച്ചു തീരു​മാ​ന​ങ്ങ​ളെ​ടു​ക്കു​ന്ന​തിൽ നമ്മെ വഴിന​യി​ക്കു​ന്നു.

തീർച്ച​യാ​യും, വ്യക്തി​ക​ളെ​ന്ന​നി​ല​യിൽ നാം എന്തായി​രി​ക്കു​ന്നു​വെ​ന്നതു നമ്മുടെ സാംസ്‌കാ​രിക പശ്ചാത്ത​ലത്തെ മാത്രമല്ല ആശ്രയി​ച്ചി​രി​ക്കു​ന്നത്‌. എല്ലാ സംസ്‌കാ​ര​ങ്ങ​ളി​ലെ​യും ആളുക​ളു​ടെ​യി​ട​യിൽ വ്യത്യാ​സ​ങ്ങ​ളുണ്ട്‌. കൂടാതെ, ജനിത​ക​വും നമ്മുടെ ജീവി​താ​നു​ഭ​വ​ങ്ങ​ളും മറ്റനേകം ഘടകങ്ങ​ളും നാമാ​രാ​ണെ​ന്നു​ള്ളതു നിർണ​യി​ക്കു​ന്നു. എങ്ങനെ​യാ​യാ​ലും, നാം ലോകത്തെ നോക്കി​ക്കാ​ണുന്ന ലെൻസാണ്‌ സംസ്‌കാ​രം.

ഉദാഹ​ര​ണ​ത്തിന്‌, നമ്മുടെ സംസ്‌കാ​രം നാം ഏതു ഭാഷ സംസാ​രി​ക്കു​ന്നു​വെന്നു മാത്രമല്ല, നാം അതു സംസാ​രി​ക്കുന്ന രീതി​യെ​യും നിർണ​യി​ക്കു​ന്നു. മധ്യപൂർവ​ദേ​ശത്തു ചിലയി​ട​ങ്ങ​ളിൽ, ആവർത്ത​ന​വും രൂപകാ​ല​ങ്കാ​ര​വും ഉപയോ​ഗിച്ച്‌ അനേകം പദങ്ങളാൽ ആശയങ്ങൾ പ്രകടി​പ്പി​ക്കാ​നുള്ള പ്രാപ്‌തി​ക്കാണ്‌ ആളുകൾ മൂല്യം കൽപ്പി​ക്കു​ന്നത്‌. നേരെ​മ​റിച്ച്‌, ചില വിദൂ​ര​പൂർവ​ദേ​ശ​ങ്ങ​ളി​ലെ ആളുകൾ ഏറ്റവും കുറച്ചു​മാ​ത്രം സംസാ​രി​ക്കു​ന്നു. ഒരു ജാപ്പനീസ്‌ സദൃശ​വാ​ക്യം ഈ വീക്ഷണം പ്രതി​ഫ​ലി​പ്പി​ക്കു​ന്നു: “നിങ്ങളു​ടെ വായാൽ നിങ്ങൾ നശിക്കും.”

നമ്മുടെ സംസ്‌കാ​രം നാം സമയത്തെ എങ്ങനെ വീക്ഷി​ക്കു​ന്നു​വെ​ന്ന​തി​നെ നിർണ​യി​ക്കു​ന്നു. സ്വിറ്റ്‌സർലൻഡിൽ ഒരു നിയമ​ന​ത്തിന്‌ പത്തു മിനിറ്റു താമസി​ച്ചു ചെന്നാൽ ക്ഷമചോ​ദി​ക്കാൻ പ്രതീ​ക്ഷി​ക്ക​പ്പെ​ടു​ന്നു. മറ്റുചില രാജ്യ​ങ്ങ​ളിൽ ഒന്നോ രണ്ടോ മണിക്കൂർ താമസി​ച്ചു ചെന്നാ​ലും ക്ഷമാപണം ഒട്ടും​തന്നെ പ്രതീ​ക്ഷി​ക്ക​പ്പെ​ടു​ന്നില്ല.

നമ്മുടെ സംസ്‌കാ​രം നമ്മെ മൂല്യ​ങ്ങ​ളും പഠിപ്പി​ക്കു​ന്നു. “നിങ്ങൾ ഒത്തിരി വണ്ണം വയ്‌ക്കു​ന്നുണ്ട്‌. നിങ്ങൾ ശരിക്കും തടിവ​ച്ചു​കൊ​ണ്ടി​രി​ക്ക​യാണ്‌!” എന്ന്‌ ഒരാൾ നിങ്ങ​ളോ​ടു പറഞ്ഞാൽ നിങ്ങൾക്ക്‌ എങ്ങനെ തോന്നു​മെന്നു വിചാ​രി​ക്കുക. നിങ്ങൾ, തടിക്കു മൂല്യം കൽപ്പി​ക്കുന്ന ഒരു ആഫ്രിക്കൻ സംസ്‌കാ​ര​ത്തിൽ വളർന്നു​വ​ന്ന​യാ​ളാ​ണെ​ങ്കിൽ ആ അഭി​പ്രാ​യം കേൾക്കു​മ്പോൾ നിങ്ങൾക്കു സന്തോഷം തോന്നാ​നി​ട​യുണ്ട്‌. എന്നാൽ വണ്ണക്കു​റ​വിന്‌ ഉയർന്ന മൂല്യം കൽപ്പി​ക്കുന്ന പാശ്ചാത്യ സംസ്‌കാ​ര​ത്തി​ലാ​ണു നിങ്ങൾ വളർന്ന​തെ​ങ്കിൽ ആ തുറന്ന അഭി​പ്രാ​യം നിങ്ങളെ വിഷമി​പ്പി​ക്കാൻ സാധ്യ​ത​യുണ്ട്‌.

‘ഞങ്ങളുടെ രീതി​യാണ്‌ ഉത്തമം!’

സ്വന്തം സംസ്‌കാ​ര​മാണ്‌ മെച്ചം എന്ന്‌ എല്ലായി​ട​ത്തെ​യും ആളുകൾ അനുമാ​നി​ക്കു​ന്ന​തി​നുള്ള പ്രവണ​ത​യാണ്‌ വ്യത്യസ്‌ത സംസ്‌കാ​ര​ങ്ങ​ളിൽപ്പെ​ട്ടവർ തമ്മിലുള്ള ആശയവി​നി​മ​യത്തെ ഇത്ര കൂടെ​ക്കൂ​ടെ തടസ്സ​പ്പെ​ടു​ത്തു​ന്നത്‌. നമ്മുടെ വിശ്വാ​സ​ങ്ങ​ളും മൂല്യ​ങ്ങ​ളും പാരമ്പ​ര്യ​ങ്ങ​ളും വസ്‌ത്ര​ധാ​ര​ണ​ശൈ​ലി​യും സൗന്ദര്യ​ത്തെ​ക്കു​റി​ച്ചുള്ള ആശയങ്ങ​ളും മറ്റേതി​നെ​ക്കാ​ളും ശരിയും ഉചിത​വും മെച്ചവു​മാ​ണെന്നു നമ്മിൽ മിക്കവ​രും വിചാ​രി​ക്കു​ന്നു. നമ്മുടെ സ്വന്തം വിഭാ​ഗ​ത്തി​ന്റെ മൂല്യ​ങ്ങ​ള​നു​സ​രി​ച്ചു മറ്റു സംസ്‌കാ​ര​ങ്ങളെ വിധി​ക്കാ​നും നാം പ്രവണത കാണി​ക്കു​ന്നു. ഇത്തരത്തി​ലുള്ള ചിന്താ​ഗ​തി​യെ സ്വവർഗ​ശ്രേ​ഷ്‌ഠ​മ​നോ​ഭാ​വം (ethnocentrism) എന്നു വിളി​ക്കു​ന്നു. ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നിക്ക ഇപ്രകാ​രം അഭി​പ്രാ​യ​പ്പെ​ടു​ന്നു: “സ്വവർഗ​ശ്രേ​ഷ്‌ഠ​മ​നോ​ഭാ​വം . . . മിക്കവാ​റും സാർവ​ത്രി​ക​മാ​ണെന്നു പറയാ​വു​ന്ന​താണ്‌. ലോക​ത്തി​ലെ മിക്കവാ​റു​മെല്ലാ സംസ്‌കാ​ര​ങ്ങ​ളി​ലും​പെട്ട ആളുകൾ തങ്ങളുടെ സ്വന്തം ജീവി​ത​രീ​തി​യെ അടുത്ത ബന്ധമുള്ള അയൽക്കാ​രു​ടേ​തി​നെ​ക്കാൾപോ​ലും ഉന്നതമാ​യി കണക്കാ​ക്കു​ന്നു.”

ഇരുനൂ​റു വർഷം​മുമ്പ്‌ ഇംഗ്ലണ്ടു​കാ​ര​നായ ഒരു ജന്മി ഈ സംഗതി​യെ​ക്കു​റിച്ച്‌ ഇങ്ങനെ തുറന്ന​ടി​ച്ചു പറഞ്ഞു: “ഞാൻ കാണുന്ന[തിന്റെ അടിസ്ഥാ​ന​ത്തിൽ] വിദേ​ശി​യർ വിഡ്‌ഢി​ക​ളാണ്‌.” ഈ വാക്കുകൾ പ്രത്യ​ക്ഷ​പ്പെ​ടുന്ന ഉദ്ധരണി പുസ്‌ത​ക​ത്തി​ന്റെ ഗ്രന്ഥകാ​രൻ ഇപ്രകാ​രം എഴുതി: “ഉച്ചരി​ച്ചി​ട്ടു​ള്ള​തിൽവച്ച്‌ സാർവ​ത്രിക വികാ​ര​ത്തോട്‌ ഏറ്റവും അടുത്തു​വ​രു​ന്ന​താണ്‌ [ഇത്‌].”

മറ്റു സംസ്‌കാ​ര​ങ്ങ​ളിൽപെ​ട്ട​വ​രോ​ടുള്ള അസഹി​ഷ്‌ണു​ത​യു​ടെ ധാരാളം ഉദാഹ​ര​ണങ്ങൾ ഉണ്ട്‌. ജർമൻകാ​ര​നായ ഒരു നോവ​ലെ​ഴു​ത്തു​കാ​ര​നാണ്‌ 1930-കളിൽ ആദ്യം എഴുതി​യ​തെ​ങ്കി​ലും നാസി നേതാ​വായ ഹെർമാൻ ഗോറിങ്‌ എഴുതി​യ​താ​യി പലപ്പോ​ഴും ആരോ​പി​ക്ക​പ്പെ​ടു​ന്ന​വ​യാണ്‌ ഈ വാക്കുകൾ: “സംസ്‌കാ​രം എന്ന പദം കേൾക്കു​മ്പോൾ, റിവോൾവർ എടുക്കാൻ എന്റെ കൈകൾ നീളുന്നു.”

സ്വവർഗ​ശ്രേ​ഷ്‌ഠ​മ​നോ​ഭാ​വ​ത്തോ​ടു​കൂ​ടിയ ശക്തമായ വീക്ഷണ​ങ്ങൾക്കു വിവേചന കാട്ടലി​ലേക്കു നയിക്കാൻ കഴിയും, അത്‌ ക്രമത്തിൽ ശത്രു​ത​യി​ലേ​ക്കും സംഘട്ട​ന​ത്തി​ലേ​ക്കും നയി​ച്ചേ​ക്കാം. റുവാ​ണ്ട​യി​ലെ​യും മുൻ യൂഗോ​സ്ലാ​വി​യ​യി​ലെ​യും യുദ്ധ കുറ്റകൃ​ത്യ​ങ്ങൾ സംബന്ധിച്ച്‌ അന്വേ​ഷണം നടത്തുന്ന ഇന്റർനാ​ഷണൽ ക്രിമി​നൽ ട്രിബ്യൂ​ണ​ലി​ന്റെ പ്രോ​സി​ക്യൂ​ട്ട​റാണ്‌ റിച്ചാർഡ്‌ ഗോൾഡ്‌സ്റ്റോൺ. രണ്ടു സംഘട്ട​ന​ങ്ങ​ളി​ലെ​യും കിരാ​ത​കൃ​ത്യ​ങ്ങ​ളെ​ക്കു​റിച്ച്‌ അദ്ദേഹം ഇപ്രകാ​രം പറഞ്ഞു: “ഇത്തരം സംഗതി എവി​ടെ​വേ​ണ​മെ​ങ്കി​ലും സംഭവി​ക്കാം. ഇവ വ്യതി​രി​ക്ത​മായ സംസ്‌കാ​ര​ങ്ങ​ളും ചരി​ത്ര​ങ്ങ​ളു​മുള്ള രണ്ടു വ്യത്യസ്‌ത രാജ്യ​ങ്ങ​ളാണ്‌, എന്നാൽ സമാന​മായ അതി​ഘോര കൃത്യങ്ങൾ അയൽക്കാ​രൻ അയൽക്കാ​ര​നെ​തി​രെ ചെയ്യുന്നു. വംശീ​യ​മോ മതപര​മോ ആയ ഇത്തരത്തി​ലുള്ള മൃഗീയ യുദ്ധം വിവേചന കാട്ടലി​ന്റെ ഒരു അക്രമ മുഖമാണ്‌. അക്രമ​ത്തി​നി​ര​യാ​കുന്ന വിഭാ​ഗത്തെ മനുഷ്യ​ത്വം നശിച്ച​തോ ഭൂതബാ​ധ​യു​ള്ള​തോ ആയി ചിത്രീ​ക​രി​ക്കു​ന്നു. ഇതൊ​രി​ക്കൽ ചെയ്‌താൽപ്പി​ന്നെ, സാധാ​ര​ണ​ഗ​തി​യിൽ അത്തരം ഭയങ്കര കാര്യങ്ങൾ ചെയ്യു​ന്ന​തിൽ [നിന്ന്‌] സാമാ​ന്യ​ജ​ന​ങ്ങളെ തടയുന്ന ധാർമിക നിയ​ന്ത്ര​ണ​ങ്ങ​ളിൽനിന്ന്‌ അവർ സ്വത​ന്ത്ര​രാ​കു​ന്നു.”

നമ്മുടെ വീക്ഷണ​ഗതി വിശാ​ല​മാ​ക്കൽ

സാധാ​ര​ണ​ഗ​തി​യിൽ നാം സുഹൃ​ത്തു​ക്ക​ളാ​യി തിര​ഞ്ഞെ​ടു​ക്കു​ന്നത്‌ ഏറെയും നമ്മെ​പ്പോ​ലെ​യു​ള്ള​വ​രും നമ്മുടെ മനോ​ഭാ​വ​ങ്ങ​ളും മൂല്യ​ങ്ങ​ളും പങ്കുവ​യ്‌ക്കു​ന്ന​വ​രു​മായ ആളുക​ളെ​യാണ്‌. നാം അവരെ ആശ്രയി​ക്കു​ക​യും മനസ്സി​ലാ​ക്കു​ക​യും ചെയ്യുന്നു. അവരോ​ടൊ​പ്പ​മാ​യി​രി​ക്കു​മ്പോൾ നമുക്കു സ്വാസ്ഥ്യം തോന്നു​ന്നു. മറ്റൊ​രാ​ളു​ടെ സ്വഭാ​വത്തെ വിചി​ത്ര​മോ അസാധാ​ര​ണ​മോ ആയി നാം വീക്ഷി​ക്കു​മ്പോൾ നമ്മുടെ സുഹൃ​ത്തു​ക്കൾ നമ്മോടു യോജി​ക്കാ​നി​ട​യുണ്ട്‌, എന്തു​കൊ​ണ്ടെ​ന്നാൽ നമുക്കും നമ്മുടെ സുഹൃ​ത്തു​ക്കൾക്കും ഒരേ താത്‌പ​ര്യ​ങ്ങ​ളാ​ണു​ള്ളത്‌.

അപ്പോൾ സാംസ്‌കാ​രിക പശ്ചാത്തലം നിമിത്തം നമ്മിൽനി​ന്നു വ്യത്യ​സ്‌ത​രായ മറ്റാളു​ക​ളു​മാ​യി ആശയവി​നി​യമം നടത്തു​ന്ന​തു​കൊ​ണ്ടു നമു​ക്കെന്തു നേടാൻ കഴിയും? മറ്റുള്ളവർ അവരുടെ രീതി​യിൽ ചിന്തി​ക്കു​ക​യും പ്രവർത്തി​ക്കു​ക​യും ചെയ്യു​ന്ന​തെ​ന്തു​കൊ​ണ്ടെ​ന്നു​ള്ള​തി​ന്റെ കാരണങ്ങൾ മനസ്സി​ലാ​ക്കാൻ നല്ല ആശയവി​നി​യമം നമ്മെ സഹായി​ക്കു​മെ​ന്ന​താണ്‌ ഒരു സംഗതി. ഒരു പശ്ചിമാ​ഫ്രി​ക്ക​ക്കാ​ര​നായ കുൺലെ ഇപ്രകാ​രം പറയുന്നു: “ഭക്ഷണസ​മ​യത്തു സംസാ​രി​ക്കു​ന്ന​തിൽനിന്ന്‌ ആഫ്രി​ക്ക​യി​ലെ പല കുട്ടി​ക​ളെ​യും ശക്തമായി നിരു​ത്സാ​ഹ​പ്പെ​ടു​ത്തു​ന്നു. എന്നാൽ ചില യൂറോ​പ്യൻ രാജ്യ​ങ്ങ​ളിൽ ഭക്ഷണസ​മ​യ​ങ്ങ​ളിൽ സംഭാ​ഷണം നടത്താൻ പ്രോ​ത്സാ​ഹി​പ്പി​ക്കു​ന്നു. യൂറോ​പ്പു​കാ​രൻ, ആഫ്രി​ക്ക​ക്കാ​ര​നു​മൊ​ന്നി​ച്ചു ഭക്ഷണം കഴിക്കു​മ്പോൾ എന്തു സംഭവി​ക്കു​ന്നു? ആഫ്രി​ക്ക​ക്കാ​ര​നെന്താ ഒന്നും മിണ്ടാതെ ചിന്തയിൽ മുഴു​കി​യി​രു​ന്നു ഭക്ഷണം കഴിക്കു​ന്ന​തെന്ന്‌ യൂറോ​പ്പു​കാ​രൻ അത്ഭുത​പ്പെ​ടു​ന്നു. അതേസ​മയം, യൂറോ​പ്യ​നെന്തേ കിളി​യെ​പ്പോ​ലെ കിടന്നു ചിലയ്‌ക്കു​ന്ന​തെന്ന്‌ ആഫ്രി​ക്ക​ക്കാ​ര​നും അത്ഭുത​പ്പെ​ടു​ന്നു!” വ്യക്തമാ​യും, അത്തരം സാഹച​ര്യ​ങ്ങ​ളിൽ സാംസ്‌കാ​രിക പശ്ചാത്ത​ല​ത്തെ​ക്കു​റി​ച്ചുള്ള പരസ്‌പര ധാരണ സാമൂ​ഹിക മുൻവി​ധി നീക്കാൻ വളരെ​യ​ധി​കം സഹായി​ക്കു​ന്നു.

നാം മറ്റു സംസ്‌കാ​ര​ങ്ങ​ളിൽപ്പെട്ട ആളുകളെ അറിയാ​നി​ട​യാ​കു​മ്പോൾ മറ്റുള്ള​വ​രെ​ക്കു​റി​ച്ചു മാത്രമല്ല, നമ്മെക്കു​റി​ച്ചും നാം മെച്ചമാ​യി മനസ്സി​ലാ​ക്കു​ന്നു. ഒരു നരവം​ശ​ശാ​സ്‌ത്രജ്ഞൻ ഇപ്രകാ​രം എഴുതി: “ഒരു ആഴക്കടൽ ജീവി കണ്ടുപി​ടി​ക്കാൻ തീരെ സാധ്യ​ത​യി​ല്ലാത്ത സംഗതി വെള്ളമാ​യി​രി​ക്കും. എന്തെങ്കി​ലു​മൊ​രു അവിചാ​രിത സംഭവം ഉണ്ടായി അവൻ ഉപരി​ത​ല​ത്തി​ലേക്കു വരിക​യും വായു​വു​മാ​യി സമ്പർക്ക​ത്തി​ലാ​വു​ക​യും ചെയ്‌താൽ മാത്രമേ അതിന്റെ അസ്‌തി​ത്വ​ത്തെ​ക്കു​റിച്ച്‌ അവൻ ബോധ​വാ​നാ​യി​ത്തീ​രൂ. . . . ഒരുവന്റെ സ്വന്തം സമൂഹ​ത്തി​ന്റെ സംസ്‌കാ​രത്തെ ഒന്നായി കാണാ​നുള്ള പ്രാപ്‌തിക്ക്‌ . . . ഒരളവു​വരെ വസ്‌തു​നി​ഷ്‌ഠത ആവശ്യ​മാണ്‌, അത്‌ അപൂർവ​മാ​യി നേടാൻ കഴിയുന്ന ഒന്നാണ്‌.” എന്നിരു​ന്നാ​ലും, നാം മറ്റു സംസ്‌കാ​ര​ങ്ങ​ളു​മാ​യി സമ്പർക്ക​ത്തി​ലാ​കു​മ്പോൾ വായു​വു​മാ​യി സമ്പർക്ക​ത്തി​ലാ​കുന്ന ആ കടൽജീ​വി​യെ​പ്പോ​ലെ​യാണ്‌; നാം ജീവി​ക്കുന്ന സാംസ്‌കാ​രിക ‘വെള്ളങ്ങളെ’ക്കുറിച്ച്‌ നാം ബോധ​വാൻമാ​രാ​യി​ത്തീ​രു​ന്നു. എഴുത്തു​കാ​ര​നായ തോമസ്‌ അബെർ​ക്രോം​ബീ ഈ സംഗതി ഇപ്രകാ​രം ഭംഗി​യാ​യി വർണിച്ചു: “ഒരു വിദേശ സംസ്‌കാ​ര​ത്താൽ ഒരിക്ക​ലും വശീക​രി​ക്ക​പ്പെ​ടാത്ത ഒരുവന്‌ തന്റെ സ്വന്തം സംസ്‌കാ​ര​ത്തി​ന്റെ കൂച്ചു​വി​ല​ങ്ങു​കൾ ഒരിക്ക​ലും മനസ്സി​ലാ​ക്കാൻ കഴിയില്ല.”

ചുരു​ക്കി​പ്പ​റ​ഞ്ഞാൽ, മറ്റു സംസ്‌കാ​ര​ങ്ങ​ളെ​ക്കു​റി​ച്ചു മനസ്സി​ലാ​ക്കു​ന്നത്‌, നമ്മെക്കു​റി​ച്ചും മറ്റുള്ള​വ​രെ​ക്കു​റി​ച്ചും മെച്ചമാ​യി ഗ്രഹി​ക്കാൻ തക്കവണ്ണം നമ്മുടെ വീക്ഷണ​ഗ​തി​യെ വിശാ​ല​മാ​ക്കു​ക​യും അതുവഴി നമ്മുടെ ജീവി​തത്തെ സമ്പുഷ്ട​മാ​ക്കു​ക​യും ചെയ്യുന്നു. സാംസ്‌കാ​രിക പൈതൃ​ക​വും സ്വവർഗ​ശ്രേ​ഷ്‌ഠ​മ​നോ​ഭാ​വ​ത്തോ​ടു​കൂ​ടിയ ചിന്തയും ആശയവി​നി​മ​യത്തെ തടസ്സ​പ്പെ​ടു​ത്തുന്ന മതിലു​ക​ളാ​കാ​മെ​ന്നി​രി​ക്കെ, അവ അങ്ങനെ​യാ​യി​രി​ക്കേ​ണ്ട​തില്ല. ആ മതിലു​കൾ ഭേദി​ക്കാൻ കഴിയും.

[6-ാം പേജിലെ ആകർഷ​ക​വാ​ക്യം]

“ലോക​ത്തി​ലെ മിക്കവാ​റു​മെല്ലാ സംസ്‌കാ​ര​ങ്ങ​ളി​ലും​പെട്ട ആളുകൾ തങ്ങളുടെ സ്വന്തം ജീവി​ത​രീ​തി​യെ അടുത്ത ബന്ധമുള്ള അയൽക്കാ​രു​ടേ​തി​നെ​ക്കാൾപോ​ലും ഉന്നതമാ​യി കണക്കാ​ക്കു​ന്നു.”—ദ ന്യൂ എൻ​സൈ​ക്ലോ​പീ​ഡിയ ബ്രിട്ടാ​നി​ക്ക

[7-ാം പേജിലെ ചിത്രം]

മറ്റു സംസ്‌കാ​ര​ങ്ങ​ളി​ലെ നല്ല കാര്യങ്ങൾ ആസ്വദി​ക്കാൻ നമുക്കു പഠിക്കാ​വു​ന്ന​താണ്‌

[6-ാം പേജിലെ ചിത്ര​ത്തിന്‌ കടപ്പാട്‌]

Globe: Mountain High Maps® Copyright © 1995 Digital Wisdom, Inc.