ഹാബൂ—അകറ്റി​നിർത്തേണ്ട ഒരു പാമ്പ്‌

ഓക്കിനാവയിലെ ഉണരുക! ലേഖകൻ

കാറ്റ്‌ തീരെ​യി​ല്ലാ​യി​രുന്ന ഒരു ഈറൻ സന്ധ്യ. മഴ നിന്ന​തേ​യു​ണ്ടാ​യി​രു​ന്നു​ള്ളൂ, ചൂടക​റ്റാൻ ഓരോ​രു​ത്ത​രും മെല്ലെ തന്നെത്താൻ വീശി​ക്കൊ​ണ്ടി​രി​ക്കു​ക​യാ​യി​രു​ന്നു. പെട്ടെന്ന്‌, “ഹാബൂ!” “അതാ അവിടെ ഒരു ഹാബൂ!” എന്നീ നിലവി​ളി​ക​ളു​യർന്നു. ആ നിലവി​ളി ഗ്രാമീ​ണരെ പ്രകമ്പനം കൊള്ളി​ച്ചു. മുതിർന്നവർ വടിക​ളു​മാ​യി ഓടി, പിന്നാലെ ജിജ്ഞാ​സ​രായ കുട്ടി​ക​ളും പാഞ്ഞു. അത്‌ എവി​ടെ​യാ​യി​രു​ന്നു? എല്ലാവ​രും സംഭ്രാ​ന്ത​രാ​യി​രു​ന്നു. രണ്ടു മീറ്റ​റോ​ളം നീളം​വ​രുന്ന ഈ പാമ്പിൽനി​ന്നുള്ള ദംശനം മരണക​ര​മാ​യേ​ക്കാം. മുതിർന്നവർ നീണ്ട വടികൾക്കൊ​ണ്ടു പാമ്പിന്റെ തലയ്‌ക്ക​ടി​ച്ചു ബോധം​കെ​ടു​ത്തി​യ​തോ​ടെ ഗ്രാമീ​ണർക്ക്‌ ആശ്വാ​സ​മാ​യി. എന്നിട്ട്‌, ജീവ​നോ​ടെ വിൽക്കു​ന്ന​തി​നു വേഗം​തന്നെ അതിനെ സഞ്ചിയി​ലാ​ക്കി.

കിഴക്കൻ ചൈനാ​ക്ക​ട​ലിൽ സ്ഥിതി ചെയ്യുന്ന റിയൂ​ക്യൂ ദ്വീപു​ക​ളിൽ കുട്ടികൾ മുതൽ അപ്പൂപ്പ​ന​മ്മൂ​മ്മ​മാർ വരെ എല്ലാവ​രും ഹാബൂ​വി​നെ അകറ്റി​നിർത്തു​ന്നു. മഞ്ഞനി​റ​ത്തി​ലുള്ള പുള്ളി​ക​ളോ​ടു​കൂ​ടിയ കൂർത്ത തലയുള്ള ഈ കുഴി അണലി ദ്വീപു​ക​ളി​ലുള്ള ചിലരെ സംബന്ധി​ച്ചി​ട​ത്തോ​ളം സ്വദേ​ശി​യാണ്‌, എന്നാൽ എല്ലാവരെ സംബന്ധി​ച്ചു​മല്ല. ഭയങ്കര​നായ ഈ പാമ്പിനെ നമുക്കി​പ്പോൾ അടുത്തു നിരീ​ക്ഷി​ക്കാം. എന്നാൽ അതിനെ അകറ്റി​നിർത്താൻ, എപ്പോ​ഴും ഒരു കൈയ്യ​ക​ല​ത്തിൽ നിർത്താൻ ഓർമി​ക്കുക!

ഭയജന​ക​മായ രൂപകൽപ്പന

വിവിധ തരത്തി​ലുള്ള ഹാബൂ​ക​ളുണ്ട്‌. പച്ചകലർന്ന തവിട്ടു പുള്ളി​ക​ളു​ള്ള​വ​യാണ്‌ ഒരിനം. ഈ നിറം മൂലം പുല്ലു​കൾക്കും ചീഞ്ഞു​കൊ​ണ്ടി​രി​ക്കുന്ന ഇലകൾക്കു​മി​ട​യിൽ അതിനെ ഒട്ടും​തന്നെ തിരി​ച്ച​റി​യാ​നാ​വില്ല. ഹാബൂ​ക​ളു​ടെ രാത്രി​കാല പ്രവർത്ത​ന​ങ്ങൾക്കും ഇരുട്ടു​ള്ള​യി​ട​ങ്ങ​ളിൽ ഒളിഞ്ഞി​രി​ക്കാ​നുള്ള പ്രവണ​ത​യ്‌ക്കും യോജി​ക്കു​ന്ന​വി​ധം മറ്റു ചിലതിന്‌ ഇരുണ്ട നിറമാ​ണു​ള്ളത്‌.

ദൂരക്കാ​ഴ്‌ച അൽപ്പം കുറവാ​ണെ​ങ്കി​ലും നമുക്കി​ല്ലാത്ത തരത്തി​ലുള്ള കഴിവു​കൾ ഇതിനുണ്ട്‌. തലയുടെ ഇരുവ​ശ​ങ്ങ​ളി​ലും ഓരോ നിമ്‌നാ​വ​യ​വങ്ങൾ (pit organs) എന്നു വിളി​ക്ക​പ്പെ​ടു​ന്ന​വ​യാൽ ഇത്‌ അനു​ഗ്ര​ഹി​ക്ക​പ്പെ​ട്ടി​രി​ക്കു​ന്നു. നാസാ​ര​ന്ധ്ര​ങ്ങൾക്കും കണ്ണിനു​മി​ട​യ്‌ക്കുള്ള ഈ കുഴികൾ ചൂടി​നോട്‌ ഏറെ സംവേ​ദ​നീ​യ​മാ​യ​വ​യാണ്‌. മനുഷ്യർക്കു ചൂടായി അനുഭ​വ​പ്പെ​ടുന്ന ഇൻഫ്രാ​റെഡ്‌ പ്രസരണം “കാണാൻ” ഈ രണ്ടു നിമ്‌നാ​വ​യ​വങ്ങൾ അതിനെ സഹായി​ക്കു​ന്നു. ഇവ ഉപയോ​ഗിച്ച്‌ കൂരി​രു​ട്ടിൽപോ​ലും ഇളം ചൂടുള്ള ഒരു ചെറിയ എലിയെ കൃത്യ​മാ​യി ലക്ഷ്യം വെക്കാൻ ഹാബൂ​വി​നു കഴിയും.

പാമ്പ്‌ അതിന്റെ നാക്ക്‌ ഇടയ്‌ക്കി​ടെ നീട്ടു​ന്നതു നിങ്ങൾ കണ്ടിരി​ക്കും. അസാധാ​ര​ണ​മായ ഒരു മറു നാസാ​ര​ന്ധ്രം പോലെ അതിന്റെ നാക്ക്‌ വർത്തി​ക്കു​ന്നു. ഇത്തരത്തിൽ നാക്ക്‌ ഇടയ്‌ക്കി​ടെ പുറ​ത്തേക്കു നീട്ടി​ക്കൊണ്ട്‌ ഹാബൂ, വായു​വിൽനി​ന്നു രാസവ​സ്‌തു​ക്കൾ ശേഖരി​ക്കു​ക​യും അണ്ണാക്കി​ലുള്ള രാസസം​വേ​ദ​നീ​യ​മായ ഒരു അവയവ​ത്തോട്‌ അതിന്റെ നാക്ക്‌ അമർത്തു​ക​യും ചെയ്യുന്നു. ഈ മറു നാസാ​ര​ന്ധ്രം ഉപയോ​ഗി​ച്ചു​കൊണ്ട്‌ ഹാബൂ വായു​വിൽനിന്ന്‌ വളരെ​യേറെ രാസവി​വ​രങ്ങൾ ശേഖരി​ക്കു​ന്നു.

“ആക്രമ​ണ​ത്തെ​ത്തു​ടർന്ന്‌ ഹാബൂ തുട​രെ​ത്തു​ടരെ വളരെ​യ​ധി​കം പ്രാവ​ശ്യം നാക്ക്‌ പുറ​ത്തേക്കു നീട്ടുന്നു” എന്ന്‌ ടെനിസ്സി സർവക​ലാ​ശാ​ല​യി​ലെ ഗവേഷ​ക​രായ ആർ. എം. വാട്ടേ​ഴ്‌സും ജി. എം. ബുർഗ്‌ഹാർട്ടും നിരീ​ക്ഷി​ച്ചു. ആക്രമ​ണ​ത്തി​നു ശേഷം വായു​വിൽ രാസ​പ്ര​ചോ​ദ​ക​ങ്ങൾക്കു​വേണ്ടി നോക്കു​ന്ന​തെ​ന്തി​നാണ്‌? വശംകെട്ട ഇരയിൽനിന്ന്‌ എപ്പോ​ഴും പ്രത്യാ​ക്ര​മ​ണ​ത്തി​നു സാധ്യ​ത​യു​ള്ള​തു​കൊണ്ട്‌, കൊത്തു​ക​യും വിഷം കുത്തി​വെ​ക്കു​ക​യും ചെയ്‌ത​തി​നു​ശേഷം ഹാബൂ മിക്ക​പ്പോ​ഴും ഇരയെ വിട്ടയ​യ്‌ക്കു​ന്നു. പിന്നീട്‌, വിഷം പ്രവർത്തി​ച്ചു തുടങ്ങു​മ്പോൾ, നാക്കു​കൊണ്ട്‌ “മണംപി​ടിച്ച്‌” അണലി അതിന്റെ ഇരയെ തേടി​പ്പോ​കു​ന്നു.

നിസ്സഹാ​യ​നാ​യ ഇരയെ കണ്ടെത്തി​ക്ക​ഴി​യു​മ്പോൾ, എലിയോ കോഴി​ക്കു​ഞ്ഞോ പക്ഷിയോ എന്തെങ്കി​ലു​മാ​യി​ക്കൊ​ള്ളട്ടെ, ഹാബൂ മുഴു​വ​നോ​ടെ അതിനെ വിഴു​ങ്ങാൻ തുടങ്ങു​ന്നു—തല, കാൽ, വാൽ, തൂവൽ, അങ്ങനെ അപ്പാടെ. താടി​യെ​ല്ലിന്‌ അകലാൻ കഴിയുന്ന വിധത്തിൽ അതിന്റെ കീഴ്‌ത്താ​ടി പുറകി​ലാ​യി തുറക്കു​ന്നു. വലിപ്പ​ക്കൂ​ടു​ത​ലുള്ള ഇരയെ വിഴു​ങ്ങാൻ തക്കവണ്ണം ഇതു സഹായി​ക്കു​ന്നു. ഓക്കി​നാ​വ​യി​ലെ ഒരു ഹാബൂ ഗവേഷ​ണ​കേ​ന്ദ്ര​ത്തിൽ പ്രദർശ​ന​ത്തി​നു വെച്ചി​രി​ക്കുന്ന ഹാബൂ​വി​ന്റെ വയറ്റിൽ ഒരു പൂച്ചയെ മുഴു​വ​നാ​യി കണ്ടെത്തു​ക​യു​ണ്ടാ​യി.

ആക്രമ​ണ​ത്തി​നി​ട​യിൽ ഒരു ഹാബൂ​വിന്‌ സിറിഞ്ചു പോലുള്ള അതിന്റെ വിഷപ്പല്ലു നഷ്ടപ്പെ​ട്ടെ​ങ്കി​ലോ? അതിന്റെ സ്ഥാനത്തു പുതി​യൊ​രെണ്ണം വളരും. എന്തിന്‌, വായുടെ ഇരുവ​ശ​ങ്ങ​ളി​ലും ഈരണ്ടു വിഷപ്പ​ല്ലു​ക​ളുള്ള ഹാബൂ​കളെ കണ്ടെത്തി​യി​ട്ടുണ്ട്‌. അതിനു​പു​റമേ, ഹാബൂ​വിന്‌ അതിന്റെ പല്ലു നഷ്ടപ്പെ​ട്ടാ​ലും അതു പട്ടിണി​യാ​വില്ല. ഒരു ഹാബൂ മൂന്നു വർഷം വെള്ളം​കൊ​ണ്ടു മാത്രം ജീവി​ച്ച​താ​യി രേഖ​പ്പെ​ടു​ത്ത​പ്പെ​ട്ടി​ട്ടുണ്ട്‌.

അതിന്റെ ആക്രമണം ഒഴിവാ​ക്കൽ

തെക്കു​കി​ഴക്കൻ ഏഷ്യയി​ലെ മൂർഖ​നും ആഫ്രി​ക്ക​യി​ലെ ബ്ലാക്ക്‌ മാമ്പയും നാഡീ​വി​ഷം കുത്തി​വെ​ക്കു​മ്പോൾ ഹാബൂ രക്തസ്രാ​വ​മു​ണ്ടാ​ക്കുന്ന കൂടി​യ​ത​ര​ത്തി​ലുള്ള വിഷം കുത്തി​വെ​ക്കു​ന്നു. രക്തധമ​നി​കളെ നശിപ്പി​ച്ചു​കൊണ്ട്‌ രക്തസ്രാ​വ​മു​ണ്ടാ​ക്കു​ന്ന​തു​കൊ​ണ്ടാണ്‌ അതിനെ രക്തസ്രാ​വ​മു​ണ്ടാ​ക്കു​ന്നത്‌ എന്നു വിളി​ക്കു​ന്നത്‌. വിഷം, എരിച്ചി​ലും നീർക്കെ​ട്ടും ഉണ്ടാക്കു​ന്നു, ഇതു മരണക​ര​വു​മാ​യേ​ക്കാം.

പതുങ്ങി​യി​രി​ക്കുന്ന സ്ഥലത്തു​നിന്ന്‌ പാമ്പ്‌ ചാടി​വീണ്‌ മനുഷ്യ​രു​ടെ പിന്നാലെ പായു​മെന്നു ചിലർ വിചാ​രി​ക്കു​ന്നു. എന്നാൽ ഇതു ശരിയല്ല. ഹാബൂ​വി​നെ സംബന്ധി​ച്ചി​ട​ത്തോ​ളം മനുഷ്യർ വിശി​ഷ്ട​ഭോ​ജ്യ​മൊ​ന്നു​മല്ല. നിങ്ങൾ ഒരു ഹാബൂ​വി​നെ അറിയാ​തെ ചവിട്ടു​ക​യോ അതിന്റെ പ്രദേ​ശത്ത്‌ അതി​ക്ര​മി​ച്ചു കടക്കു​ക​യോ ചെയ്‌താൽമാ​ത്രം ഒരുപക്ഷേ അത്‌ ആക്രമി​ക്കു​മാ​യി​രി​ക്കും. ഇരകളാ​യ​വ​രിൽ ഒട്ടുമി​ക്ക​വ​രും പച്ചക്കറി​ത്തോ​ട്ട​മോ കരിമ്പിൻതോ​ട്ട​മോ പോലെ ഹാബൂകൾ ഇരതേ​ടാൻ വരുന്ന പ്രദേ​ശ​ങ്ങ​ളി​ലു​ണ്ടാ​യി​രു​ന്ന​വ​രാണ്‌. ഉചിത​മായ പാദര​ക്ഷ​ക​ളി​ല്ലാ​തെ ദ്വീപു​വാ​സി​കൾ ഒരിക്ക​ലും പുല്ല്‌ ഉയരത്തിൽ വളർന്നു നിൽക്കു​ന്നി​ടത്തു പോവു​ക​യില്ല. രാത്രി​യിൽ അവർ ടോർച്ചു​മേ​ന്തി​യാ​ണു പോകാറ്‌. ഹാബൂ പ്രത്യേ​കി​ച്ചും ഉഷാറാ​കു​ന്നതു രാത്രി​യി​ലാണ്‌. ഓ, മരത്തിൽ കയറുന്ന കാര്യ​ത്തിൽ ഈ പാമ്പുകൾ വിദഗ്‌ധ​രാ​ണെ​ന്നതു നിങ്ങൾ മറക്കരു​തേ. ഇത്‌ വേനലിൽ ചൂടക​റ്റാൻ അവയെ സഹായി​ക്കു​ന്നെന്നു മാത്രമല്ല, ഹാബൂ വരു​മെന്നു പ്രതീ​ക്ഷി​ച്ചി​രി​ക്കാത്ത പക്ഷികൾക്ക​രി​കി​ലേക്കു ചെല്ലാ​നും അവയെ സഹായി​ക്കും. അതു​കൊണ്ട്‌ അവയുടെ ആവാസ​ത്തി​ന​രി​കി​ലാ​യി​രി​ക്കു​മ്പോൾ നിങ്ങളു​ടെ തലയും അതു​പോ​ലെ​തന്നെ നിങ്ങളു​ടെ കാൽച്ചു​വ​ടും സൂക്ഷി​ച്ചു​കൊൾക!

ഈ അണലിയെ കൈകാ​ര്യം ചെയ്യാൻ പറ്റിയ ഏറ്റവും നല്ല വിധം അതിനു കെട്ടി​ട​ത്തി​ലേക്കു വന്നുക​യ​റാ​നുള്ള അവസരം നൽകാ​തി​രി​ക്കുക എന്നതാണ്‌. കെട്ടി​ട​ത്തി​ന്റെ അസ്ഥിവാ​ര​ത്തി​ലും പുറം​ചു​വ​രു​ക​ളി​ലു​മുള്ള പൊത്തു​ക​ളെ​ല്ലാം അടയ്‌ക്കുക. നിങ്ങളു​ടെ മുറ്റത്തു പുല്ല്‌ ഉയരത്തിൽ വളരാ​തി​രി​ക്കാൻ ശ്രദ്ധി​ക്കുക. മറ്റു തരത്തിൽ പറഞ്ഞാൽ, ഹാബൂ​വി​നു പതുങ്ങി​യി​രി​ക്കാൻ പറ്റിയ ഒരിടം പ്രദാനം ചെയ്യാ​തി​രി​ക്കുക.

നിങ്ങൾക്കു ദംശന​മേ​റ്റാ​ലോ?

ഈ വിഷപ്പാ​മ്പു​ക​ളിൽ ഒന്നിനെ നിങ്ങൾക്കു നേരി​ടേ​ണ്ടി​വ​ന്നാൽ എന്തു സംഭവി​ക്കും? ഒരുപക്ഷേ, ഹാബൂ ശരീര​ത്തി​ന്റെ മുൻഭാ​ഗം പകുതി S ആകൃതി​യിൽ വളച്ചു​വെ​ക്കും. അതാ വരുന്നു! വായ്‌ വിസ്‌താ​ര​ത്തിൽ തുറന്ന്‌ അതിന്റെ ശരീര​ത്തി​ന്റെ മൂന്നിൽ രണ്ടുഭാ​ഗം നിങ്ങൾക്കു​നേരെ പെട്ടെന്ന്‌ നീളുന്നു. വിഷപ്പ​ല്ലു​ക​ളാ​യി​രി​ക്കും ആദ്യം എത്തുന്നത്‌.

പരി​ഭ്ര​മി​ക്ക​രുത്‌. നിങ്ങളെ ആക്രമി​ച്ചത്‌ വാസ്‌ത​വ​ത്തിൽ ഒരു ഹാബൂ തന്നെയാ​ണോ​യെന്നു പരി​ശോ​ധി​ക്കുക. വിഷപ്പ​ല്ലു​കൾ നിങ്ങളു​ടെ ശരീര​ത്തിൽ ആഴ്‌ന്നി​ടത്ത്‌ രണ്ടു സെൻറി​മീ​റ്റർ ഇടവിട്ട്‌ രണ്ട്‌ ചെമന്ന പൊട്ടു​കൾ കാണു​ന്നു​വെ​ങ്കിൽ ഹാബൂ​വിൽനി​ന്നുള്ള ദംശന​മേ​റ്റു​വെന്നു മനസ്സി​ലാ​ക്കാം. ചിലതി​നു മൂന്നോ നാലോ വിഷപ്പ​ല്ലു​കൾ കാണും, ഇത്‌ ചെമന്ന പൊട്ടു​ക​ളു​ടെ എണ്ണം വർധി​പ്പി​ക്കു​ന്നു. താമസി​യാ​തെ, നിങ്ങളു​ടെ കൈയ്യ്‌ ആരോ തീയിൽ കാണി​ച്ച​തു​പോ​ലെ, നീറ്റൽ കൂടി​വ​രു​ന്നു. നിങ്ങൾക്കെന്തു ചെയ്യാൻ കഴിയും? സഹായ​ത്തി​നാ​യി നിലവി​ളി​ക്കുക. എന്നിട്ട്‌, വിഷം വലി​ച്ചെ​ടു​ത്തു നില​ത്തേക്കു തുപ്പി​ക്ക​ള​യുക. “കുറഞ്ഞതു പത്തു പ്രാവ​ശ്യ​മെ​ങ്കി​ലും ചോര വലി​ച്ചെ​ടു​ക്കുക,” ഹാൻഡ്‌ ബുക്ക്‌ ഫോർ ദ കൺ​ട്രോൾ ഓഫ്‌ ഹാബൂ, ഓർ വെനമസ്‌ സ്‌നേ​ക്ക്‌സ്‌ ഇൻ ദ റിയൂ​ക്യൂ ഐലൻറ്‌സ്‌ പറയുന്നു. ഹാബൂ വിഷത്തി​നു​വേണ്ട സീറമുള്ള ആശുപ​ത്രി​യി​ലേക്കു പോവുക. എന്നിരു​ന്നാ​ലും ഓടരുത്‌. ഇത്‌, വിഷം നിങ്ങളു​ടെ ശരീര​ത്തി​ലൂ​ടെ വേഗത്തിൽ വ്യാപി​ക്കാ​നും ദോഷം വർധി​ക്കാ​നും സൗഖ്യ​മാ​കു​ന്നതു താമസി​ക്കാ​നും ഇടയാ​ക്കും. 30 മിനി​റ്റി​നകം നിങ്ങൾക്ക്‌ ഒരു ആശുപ​ത്രി​യി​ലെ​ത്താൻ സാധി​ക്കു​ക​യി​ല്ലെ​ങ്കിൽ, വിഷം വ്യാപി​ക്കു​ന്നതു തടയാൻ തക്കവണ്ണം ദംശന​മേറ്റ സ്ഥലത്തി​ന​രി​കി​ലാ​യല്ല പകരം ദംശന​മേറ്റ കൈത്ത​ണ്ട​യി​ലോ കാലി​ലോ ഹൃദയ​ത്തി​ന​രി​കി​ലാ​യുള്ള ഒരു സ്ഥലത്തു കെട്ടുക. കെട്ടു വല്ലാതെ മുറു​ക​രുത്‌, കാരണം നാഡി​മി​ടി​പ്പു നിലനിർത്തണം. രക്തപര്യ​യനം ഉണ്ടാകാ​നാ​യി ഓരോ പത്തു മിനി​റ്റി​ലും കെട്ടയ​യ്‌ക്കണം.

ഓക്കി​നാ​വ പ്രീ​ഫെ​ക്‌ചു​റൽ ഇൻസ്റ്റി​റ്റ്യൂട്ട്‌ ഓഫ്‌ ഹെൽത്ത്‌ ആൻഡ്‌ എൻവയൺമെൻറി​ലെ ഹാബൂ ഗവേഷണ വിഭാ​ഗ​ത്തി​ലെ മാസാ​റ്റോ​ഷീ നോസാ​ക്കീ​യും സേകീ കാറ്റ്‌സ്യൂ​റെ​നും, ദംശന​മേ​റ്റ​തി​നു​ശേ​ഷം​പോ​ലും ഹാബൂ വിഷത്തി​നെ​തി​രെ മനുഷ്യ​ശ​രീ​രം ശാശ്വ​ത​മായ പ്രതി​രോ​ധ​ശക്തി നേടി​യെ​ടു​ക്കു​ന്നി​ല്ലെന്ന്‌ ഉണരുക!യോടു പറഞ്ഞു. പണ്ടുകാ​ല​ങ്ങ​ളിൽ ദംശന​മേൽക്കു​ന്നതു പലപ്പോ​ഴും അംഗവി​ക​ല​ന​ത്തിന്‌ ഇടയാ​ക്കി​യി​രു​ന്നു. എന്നാൽ ഇക്കാലത്ത്‌ അങ്ങനെ അവയവ​നഷ്ടം സംഭവി​ക്കു​ന്നതു കുറവാണ്‌, ഹാബൂ​വി​ന്റെ കടി​യേറ്റു മരിക്കുന്ന കാര്യ​മാ​ണെ​ങ്കിൽ പറയു​കയേ വേണ്ട. ഫലപ്ര​ദ​മായ ഔഷധ​ങ്ങ​ളും ചികി​ത്സാ​വി​ധി​ക​ളും ഉള്ളതി​നാൽ, ദംശന​മേ​റ്റ​വ​രിൽ 95 ശതമാനം പേരും ഇപ്പോൾ സൗഖ്യം പ്രാപി​ക്കു​ന്നുണ്ട്‌. അമിത​മായ ആത്മവി​ശ്വാ​സ​മു​ള്ള​വ​രോ വൈദ്യ​ചി​കിത്സ ലഭിക്കു​ക​യി​ല്ലാ​ത്ത​വി​ധം ദൂരത്തു​ള്ള​വ​രോ മാത്രമേ ഗുരു​ത​ര​മാ​യി ബാധി​ക്ക​പ്പെ​ടു​ന്നു​ള്ളൂ.

ഹാബൂകൾ വിൽപ്പ​ന​യ്‌ക്ക്‌

ഹാബൂ​വിന്‌ ഏതാനും ജന്മശ​ത്രു​ക്ക​ളുണ്ട്‌. വീട്ടിൽ വളർത്തുന്ന പൂച്ചകൾക്കും പട്ടികൾക്കും അതിനെ ഉപദ്ര​വി​ച്ചു രസിക്കാ​നുള്ള ഒരു പ്രവണ​ത​യുണ്ട്‌. വിഷമി​ല്ലാത്ത പാമ്പായ ആക്കാമാ​റ്റാ, ചില മരപ്പട്ടി​കൾ, കാട്ടു​പ​ന്നി​കൾ, പ്രാപ്പി​ടി​യ​ന്മാർ എന്നിവ അതിനെ തിന്നുന്ന കൂട്ടത്തിൽ പെട്ടതാണ്‌. റിയൂ​ക്യൂ ദ്വീപു​ക​ളി​ലേക്കു കീരിയെ കൊണ്ടു​വ​ന്നതു ഹാബൂ​വി​ന്റെ വംശവർധ​നവു തടയു​ന്ന​തി​നു​വേ​ണ്ടി​യാ​യി​രു​ന്നെ​ങ്കി​ലും അവയെ ഉന്മൂലനം ചെയ്യു​ന്ന​തിൽ അത്‌ അത്ര ഫലപ്ര​ദ​മാ​യില്ല.

അതിന്റെ ജന്മശ​ത്രു​ക്ക​ളിൽ ഏറ്റവും ഹാനി​ക​ര​മാ​യതു മനുഷ്യ​നാണ്‌. “ഹാബൂ” എന്ന വിളി​കേട്ട നിമി​ഷം​തന്നെ ഓടി​ച്ചെന്ന ഗ്രാമീ​ണ​രെ​പ്പോ​ലെ, ഹാബൂ തലകാ​ണി​ക്കു​മ്പോൾതന്നെ അതിനെ പിടി​കൂ​ടാൻ ഉത്സുക​രായ അനേക​രുണ്ട്‌. അപകട​ക​ര​മെ​ങ്കി​ലും, വിപണി​യിൽ 80-നും 100-നും ഇടയ്‌ക്ക്‌ ഡോളർ (യു.എസ്‌.) വിലവ​രുന്ന ഒരു ഹാബൂ പലരേ​യും മോഹി​പ്പി​ക്കു​ന്നു.

ഹാബൂ​വി​നെ എപ്രകാ​ര​മാണ്‌ ഉപയോ​ഗി​ക്കു​ന്നത്‌? ആരോ​ഗ്യ​സം​ബ​ന്ധ​മായ പ്രശ്‌ന​ങ്ങൾക്ക്‌ ഉപയോ​ഗി​ക്കുന്ന ഹാബൂ ദ്രാവ​കൗ​ഷ​ധ​വും ഉണക്കിയ പാമ്പിൻപൊ​ടി​യും ഇതിൽനി​ന്നാണ്‌ ഉണ്ടാക്കു​ന്നത്‌. വിനോ​ദ​സ​ഞ്ചാ​രി​കളെ ആകർഷി​ക്കു​ന്ന​തി​നാ​യി ചിലതി​നെ ജീവ​നോ​ടെ പ്രദർശ​ന​ങ്ങ​ളിൽ ഉപയോ​ഗി​ക്കു​ന്നു. തീർച്ച​യാ​യും, പണപേ​ഴ്‌സു​ക​ളും ബെൽറ്റു​ക​ളും നിർമി​ക്കു​ന്ന​തി​നു തോൽ നല്ലതാണ്‌. അതേസ​മയം വിഷം ആൻറി​ടോ​ക്‌സിൻ സീറം ഉണ്ടാക്കാൻ ഉപയോ​ഗി​ക്കു​ന്നു. അത്തരം ഉപയോ​ഗ​ങ്ങ​ളു​ണ്ടെ​ങ്കി​ലും, ഉപദേശം ഇപ്പോ​ഴും ഇതാണ്‌, ഹാബൂ​വിൽനിന്ന്‌ അകന്നു​നിൽക്കുക!

[10-ാം പേജിലെ ചിത്രം]

ഹാബൂ അതിന്റെ സിറി​ഞ്ചു​പോ​ലുള്ള വിഷപ്പ​ല്ലു​ക​ളോ​ടു​കൂ​ടി. വലിപ്പം​കൂ​ടിയ ഇരയെ വിഴു​ങ്ങാൻ തക്കവണ്ണം അതിന്റെ കീഴ്‌ത്താ​ടി പുറകി​ലാ​യി തുറക്കു​ന്നു