സംസാര സ്വാത​ന്ത്ര്യം—അത്‌ ദുർവി​നി​യോ​ഗം ചെയ്യ​പ്പെ​ടു​ന്നു​വോ?

ഇരുപ​ത്തൊ​ന്നാം നൂറ്റാ​ണ്ടി​ലേക്കു പ്രവേ​ശി​ക്കാ​നുള്ള കവാടം തുറക്കാ​റാ​യി​രി​ക്കു​ന്നു. പുതിയ നൂറ്റാണ്ട്‌, പുതിയ പ്രത്യാ​ശ​ക​ളും ആദർശ​ങ്ങ​ളും ധാർമിക മനോ​ഭാ​വ​ങ്ങ​ളും വിസ്‌മ​യാ​വ​ഹ​മായ സാങ്കേ​തി​ക​വി​ദ്യ​ക​ളു​ടെ ആശയങ്ങ​ളും കൂടുതൽ സ്വാത​ന്ത്ര്യ​ങ്ങൾക്കു​വേ​ണ്ടി​യുള്ള മുറവി​ളി​ക​ളും കൊണ്ടു​വ​രു​മെ​ന്ന​തിൽ സംശയ​മില്ല. ഗവൺമെൻറു​ക​ളു​ടെ​യും മതങ്ങളു​ടെ​യും ജനങ്ങളു​ടെ​യും പരമ്പരാ​ഗത വീക്ഷണങ്ങൾ പുതിയ അഭി​പ്രാ​യ​ങ്ങൾക്കും ആവശ്യ​ങ്ങൾക്കും വഴിമാ​റി​ക്കൊ​ടു​ക്കു​ക​യാണ്‌. ഒട്ടേറെ സ്ഥലങ്ങളിൽ, ഭവിഷ്യ​ത്തു​കൾ കണക്കി​ലെ​ടു​ക്കാ​തെ സംസാര സ്വാത​ന്ത്ര്യ​ത്തി​ന്മേ​ലും ആശയാ​വി​ഷ്‌കരണ സ്വാത​ന്ത്ര്യ​ത്തി​ന്മേ​ലും ഏർപ്പെ​ടു​ത്തി​യി​രി​ക്കുന്ന, നിലവി​ലുള്ള നിയ​ന്ത്ര​ണങ്ങൾ എടുത്തു​മാ​റ്റാൻ നിരന്ത​ര​മാ​യി ആവശ്യ​പ്പെ​ടു​ക​യാണ്‌!

റേഡി​യോ-ടെലി​വി​ഷൻ പ്രക്ഷേ​പ​ക​രും സെൻസർ ഉദ്യോ​ഗ​സ്ഥ​ന്മാ​രും ഒരിക്കൽ അംഗീ​ക​രി​ക്കാ​തി​രുന്ന അസഭ്യ​ഭാ​ഷ​ണ​വും അശ്ലീല രംഗങ്ങ​ളും ആംഗ്യ​ങ്ങ​ളും ഇപ്പോൾ ഒട്ടേറെ രാജ്യ​ങ്ങ​ളിൽ സർവസാധാരണമായിത്തീർന്നിരിക്കുന്നെന്നുമാത്രമല്ല സംസാര സ്വാത​ന്ത്ര്യാ​വ​കാ​ശ​മെന്ന നാട്യ​ത്തിൽ അംഗീ​ക​രി​ക്ക​പ്പെ​ടു​ക​യു​മാണ്‌!

കമ്പ്യൂട്ടർ ഉപയോ​ഗി​ക്കു​ന്ന​തിൽ വിദഗ്‌ധ​രാ​യ​വർക്ക്‌—കുട്ടി​കൾക്കും മുതിർന്ന​വർക്കും—മറ്റു ഭൂഖണ്ഡ​ങ്ങ​ളി​ലേക്കു സെക്കൻഡു​കൾക്കു​ള്ളിൽ അസഭ്യ ലൈം​ഗിക ചേഷ്ടക​ളു​ടെ സുവ്യ​ക്ത​മായ ചിത്രങ്ങൾ അയച്ചു​കൊ​ടു​ക്കാ​നും ഒളിത്താ​വ​ള​ങ്ങ​ളിൽ സമ്മേളി​ക്കാൻ പേരു​ക​ളും മേൽവി​ലാ​സ​ങ്ങ​ളും ചോദി​ച്ച​റി​യുന്ന, അറിയ​പ്പെ​ടുന്ന ലൈം​ഗിക ദ്രോ​ഹി​ക​ളോ​ടും കുട്ടി​കളെ ഉപദ്ര​വി​ക്കു​ന്ന​വ​രോ​ടും സംഭാ​ഷണം നടത്താ​നും സാധി​ക്കും. ആത്മഹത്യ ചെയ്യാ​നും മാതാ​പി​താ​ക്കൾ, പൊലീ​സു​കാർ, ഗവൺമെൻറു​ദ്യോ​ഗ​സ്ഥ​ന്മാർ എന്നിവരെ വധിക്കാ​നും നിർദേ​ശി​ക്കു​ക​യും പ്രോ​ത്സാ​ഹി​പ്പി​ക്കു​ക​യും ചെയ്യുന്ന വരിക​ളുള്ള സംഗീതം റേഡി​യോ​യി​ലൂ​ടെ​യും ടെലി​വി​ഷ​നി​ലൂ​ടെ​യും അല്ലെങ്കിൽ കുട്ടികൾ പ്രവർത്തി​പ്പി​ക്കുന്ന റെക്കോർഡി​ങ്ങു​ക​ളി​ലൂ​ടെ​യും ഇപ്പോൾ ദിവസ​വും കേൾക്കാൻ കഴിയു​ന്നു.

വിലക്കി​ല്ലാ​ത്ത സംസാ​ര​സ്വാ​ത​ന്ത്ര്യം ആവശ്യ​പ്പെ​ടുന്ന അധികം പേർ സുപ്രീം കോടതി ചീഫ്‌ ജസ്റ്റിസ്‌ ഒലിവർ വെൻഡെൽ ഹോംസ്‌ ജൂനി​യ​റോ​ടു വിയോ​ജി​ക്കില്ല. അരനൂ​റ്റാ​ണ്ടി​ലേറെ മുമ്പ്‌, സംസാര സ്വാത​ന്ത്ര്യ​ത്തെ സംബന്ധിച്ച വിഖ്യാ​ത​മായ ഒരു തീർപ്പിൽ അദ്ദേഹം എഴുതി: “സംസാര സ്വാത​ന്ത്ര്യ​ത്തി​ന്റെ അതികർശന സംരക്ഷണം തീയേ​റ്റ​റിൽ തീ എന്നു വെറുതെ വിളി​ച്ചു​കൂ​വി സംഭ്രാ​ന്തി സൃഷ്ടി​ക്കുന്ന ഒരു വ്യക്തിയെ സംരക്ഷി​ക്കില്ല.” അത്തരത്തി​ലുള്ള ഒരു പ്രവൃ​ത്തി​യു​ടെ ഭവിഷ്യ​ത്തു​കൾ സുവ്യ​ക്ത​മാണ്‌. ഇതേ ആളുകൾ, അതേ വിധി​യു​ടെ അടുത്ത വാചക​ത്തിന്‌ അൽപ്പം പോലും വിലകൽപ്പി​ക്കാ​തി​രി​ക്കു​ക​യും അതിനെ ധിക്കരി​ച്ചു​കൊണ്ട്‌ ഉദ്ധതമാ​യി പ്രവർത്തി​ക്കു​ക​യും ചെയ്യു​ന്നത്‌ എത്ര യുക്തി​ര​ഹി​ത​മാണ്‌. “ഉപയോ​ഗി​ക്കുന്ന വാക്കുകൾ, അത്തരം സാഹച​ര്യ​ങ്ങ​ളി​ലാ​ണോ ഉപയോ​ഗി​ക്കു​ന്ന​തെ​ന്നും കോൺഗ്ര​സി​നു തടയാൻ അവകാ​ശ​മുള്ള കാര്യ​മായ തിന്മകൾ വരുത്തി​ക്കൂ​ട്ടത്തക്ക വ്യക്തവും നിലവി​ലു​ള്ള​തു​മായ അപകടം ഉളവാ​ക്കുന്ന സ്വഭാ​വ​ത്തി​ലു​ള്ള​വ​യാ​ണോ എന്നതു​മാണ്‌ ചോദ്യം,” ഹോംസ്‌ പറഞ്ഞു.

കമ്പ്യൂട്ടർ അശ്ലീലം

“ഈയി​ടെ​യാ​യി, ലൈം​ഗി​കത എല്ലായി​ട​ത്തു​മുണ്ട്‌, പുസ്‌ത​കങ്ങൾ, മാസി​കകൾ, സിനി​മകൾ, ടെലി​വി​ഷൻ, വീഡി​യോ സംഗീ​തങ്ങൾ, ബസ്സ്‌സ്റ്റോ​പ്പിൽ പതിച്ചി​രി​ക്കുന്ന പെർഫ്യൂം പരസ്യങ്ങൾ എന്നിവ​യി​ലെ​ല്ലാം. അത്‌ ഡയൽ-എ-പോൺ (ടെല​ഫോ​ണി​ലൂ​ടെ ലഭിക്കുന്ന അശ്ലീല സേവനങ്ങൾ) ബിസി​നസ്സ്‌ കാർഡു​ക​ളിൽ അച്ചടിച്ചു വൈപ്പ​റു​കൾക്ക​ടി​യിൽ നിക്ഷേ​പി​ക്കു​ന്നു. . . . ഒട്ടുമിക്ക അമേരി​ക്ക​ക്കാ​രും കാമ​കേ​ളി​ക​ളു​ടെ തുറന്ന പ്രദർശ​ന​ത്തോ​ടും—കൂടാതെ, ആദ്യത്തെ ഭേദഗ​തി​യു​ടെ [സംസാര സ്വാത​ന്ത്ര്യം] കീഴിൽ സവി​ശേ​ഷ​മായ പദവി അത്‌ ആസ്വദി​ക്കു​ന്ന​തെ​ന്തു​കൊ​ണ്ടാ​ണെ​ന്ന​തി​ന്റെ വാദങ്ങ​ളോ​ടും—സുപരി​ചി​ത​രാ​യി​രി​ക്കു​ന്ന​തു​കൊണ്ട്‌ അശ്ലീലം അവി​ടെ​യു​ണ്ടെ​ന്നത്‌ അവർ അശേഷം മനസ്സി​ലാ​ക്കു​ന്നില്ല” എന്നു ടൈം മാഗസിൻ റിപ്പോർട്ടു ചെയ്‌തു. തുറന്ന ലൈം​ഗി​ക​ത​യു​ടെ​യും കമ്പ്യൂ​ട്ട​റി​ന്റെ​യും സംയോ​ജ​ന​ത്തിൽ “അശ്ലീലം” എന്നതിനു പുതിയ മാനങ്ങ​ളും അർഥങ്ങ​ളും നൽകി​യി​രി​ക്കുന്ന എന്തോ ഒന്നുണ്ട്‌. വ്യാപ്‌തി​യു​ടെ കാര്യ​ത്തിൽ അതു പ്രചാ​ര​മു​ള്ള​തും സർവവ്യാ​പി​യും ലോക​വ്യാ​പ​ക​വു​മായ ഒന്നായി​ത്തീർന്നി​രി​ക്കു​ന്നു.

ഒരു പഠനം പറയു​ന്ന​ത​നു​സ​രിച്ച്‌, പ്രായ​പൂർത്തി​യാ​യ​വർക്കു​വേ​ണ്ടി​യുള്ള കമ്പ്യൂട്ടർ ബുള്ളറ്റിൻ-ബോർഡ്‌ സംവി​ധാ​ന​ത്തി​ന്റെ വരിക്കാ​രാ​യി പ്രതി​മാ​സം 10 മുതൽ 30 വരെ ഡോളർ ഫീസ്‌ നൽകാൻ തയ്യാറായ ആളുകളെ “ഐക്യ​നാ​ടു​ക​ളു​ടെ 50 സംസ്ഥാ​ന​ങ്ങ​ളി​ലെ​യും ലോക​ത്തി​നു​ചു​റ്റു​മുള്ള 40 രാജ്യ​ങ്ങ​ളി​ലെ​യും പ്രദേ​ശ​ങ്ങ​ളി​ലെ​യും പ്രവി​ശ്യ​ക​ളി​ലെ​യും 2,000-ത്തിൽപരം നഗരങ്ങളി”ൽ കണ്ടെത്തി—“അശ്ലീല സാമ​ഗ്രി​കൾ കൈവ​ശം​വെ​ക്കു​ന്നതു വധശി​ക്ഷാർഹ​മായ കുറ്റമാ​യി​രി​ക്കാ​വുന്ന ചൈന പോലുള്ള ചില രാജ്യ​ങ്ങ​ളും ഇവയിൽ ഉൾപ്പെ​ടു​ന്നു.”

“ലൈം​ഗിക ബന്ധനാവസ്ഥ, പര​ദ്രോ​ഹ​പ്രി​യം, മൂത്ര​മൊ​ഴി​ക്കൽ, മലവി​സർജനം, പലതര​ത്തി​ലുള്ള മൃഗങ്ങ​ളു​മാ​യുള്ള ലൈം​ഗി​ക​വേ​ഴ്‌ചകൾ എന്നിവ​യു​ടെ പ്രതി​രൂ​പങ്ങൾ ഉൾപ്പെ​ടുന്ന ‘വഴി​തെ​റ്റി​ക്കുന്ന’ കാര്യങ്ങൾ അടങ്ങിയ ഭാഗ്യം​വ​രു​ത്തുന്ന ഒരു സഞ്ചി” എന്ന്‌ ടൈം മാഗസിൻ, ഒരു തരം കമ്പ്യൂട്ടർ അശ്ലീലത്തെ വർണിച്ചു. ലോക​മെ​മ്പാ​ടു​മുള്ള സ്‌ത്രീ​പു​രു​ഷ​ന്മാർക്കും കുട്ടി​കൾക്കും കാണത്ത​ക്ക​വി​ധം ഇത്തരത്തി​ലുള്ള വിവരങ്ങൾ ഒരു പൊതു കമ്പ്യൂട്ടർ നെറ്റ്‌വർക്കിൽ പ്രത്യ​ക്ഷ​മാ​കു​ന്നത്‌, സംസാര സ്വാത​ന്ത്ര്യം ദുരു​പ​യോ​ഗം ചെയ്യു​ന്ന​തി​നെ​സം​ബ​ന്ധിച്ച ഗൗരവാ​വ​ഹ​മായ ചോദ്യ​ങ്ങൾ ഉയർത്തു​ന്നു.

“കുട്ടികൾ കണ്ടു​കൊ​ണ്ടി​രി​ക്കു​മ്പോൾ പച്ച അശ്ലീലങ്ങൾ വാർത്താ ഏജൻറു​മാ​രു​ടെ ഷെൽഫു​ക​ളു​ടെ മുകൾത്ത​ട്ടിൽ മാത്ര​മാ​യി ഒതുങ്ങി നിൽക്കു​ന്നില്ല. അത്‌ ഏതു കുട്ടി​ക്കും അനായാ​സം ലഭ്യമാണ്‌. കിടപ്പ​റ​യു​ടെ സ്വകാ​ര്യ​ത​യിൽ എന്നർഥം,” ഒരു ബ്രിട്ടീഷ്‌ വർത്തമാ​ന​പ​ത്രം അഭി​പ്രാ​യ​പ്പെട്ടു. 1996-ന്റെ അവസാ​ന​ത്തോ​ടെ കമ്പ്യൂ​ട്ട​റു​ക​ളുള്ള ബ്രിട്ടീഷ്‌ ഭവനങ്ങ​ളു​ടെ 47 ശതമാനം കമ്പ്യൂട്ടർ നെറ്റ്‌വർക്കു​ക​ളാൽ ബന്ധിപ്പി​ക്ക​പ്പെ​ടു​മെന്ന്‌ പ്രവചി​ക്ക​പ്പെ​ടു​ന്നു. “ഒട്ടേറെ ബ്രിട്ടീഷ്‌ മാതാ​പി​താ​ക്കൾ, തങ്ങളുടെ മക്കൾ അധിവ​സി​ക്കുന്ന ഉയർന്ന സാങ്കേ​തി​ക​വി​ദ്യാ ലോക​ത്തു​നിന്ന്‌ അകറ്റി​നിർത്ത​പ്പെ​ട്ടി​രി​ക്കു​ന്നു. കഴിഞ്ഞ 18 മാസങ്ങ​ളാ​യി ‘നെറ്റ്‌വർക്കിൽ മേയു​ന്നത്‌’ കൗമാ​ര​പ്രാ​യ​ക്കാ​രു​ടെ ഏറ്റവും പ്രചാ​ര​മേ​റിയ നേര​മ്പോ​ക്കാ​യി​ത്തീർന്നി​രി​ക്കു​ന്നു,” വർത്തമാ​ന​പ​ത്രം പറഞ്ഞു.

കാനഡാ​യിൽ കാൾഗരി സർവക​ലാ​ശാ​ല​യി​ലെ നിയമ പ്രൊ​ഫ​സ​റും അശ്ലീലത്തെ ചുറ്റി​പ്പ​റ്റി​യുള്ള നിയമ​പ​ര​മായ വാദവി​ഷ​യ​ങ്ങ​ളിൽ നിപു​ണ​യു​മായ കേത്‌ലീൻ മായോ​നി പറഞ്ഞു: “കുട്ടി​കളെ വഷളാ​ക്കു​ക​യും സ്വാധീ​നി​ക്കു​ക​യും ചെയ്യാ​നാ​വുന്ന, തീർത്തും നിയ​ന്ത്ര​ണാ​തീ​ത​മായ ഒരു മാധ്യമം സ്ഥിതി ചെയ്യുന്നു എന്നതി​നെ​ക്കു​റിച്ച്‌ പൊതു​ജനം ബോധ​മു​ള്ള​വ​രാ​യി​രി​ക്കണം.” കാനഡ​ക്കാ​ര​നായ ഒരു പൊലീ​സു​ദ്യോ​ഗസ്ഥൻ പറഞ്ഞു: “കമ്പ്യൂട്ടർ സംബന്ധ​മായ ബാലഅ​ശ്ലീല കേസു​ക​ളു​ടെ പൊടു​ന്ന​നെ​യുള്ള ഒരു വർധന​വു​തന്നെ താമസി​യാ​തെ സംഭവി​ക്കു​മെ​ന്ന​തി​നു സുവ്യ​ക്ത​മായ സൂചന​ക​ളുണ്ട്‌.” കുട്ടികൾ കാണുന്ന കമ്പ്യൂട്ടർ അശ്ലീല​വും അവയ്‌ക്ക്‌ അവരു​ടെ​മേ​ലു​ണ്ടാ​യി​രി​ക്കാ​വുന്ന സ്വാധീ​ന​വും “വ്യക്തവും നിലവി​ലു​ള്ള​തു​മായ ഒരു വിപത്തി​നെ കുറി​ക്കു​ന്നു” എന്ന്‌ ഒട്ടേറെ ഭവന കൗൺസി​ലിംഗ്‌ ഗ്രൂപ്പു​കൾ നിഷ്‌കർഷി​ക്കു​ന്നു.

ഭിന്നാ​ഭി​പ്രാ​യങ്ങൾ

ജസ്റ്റിസ്‌ ഹോം​സി​ന്റെ​യും യു.എസ്‌. സുപ്രീം കോട​തി​യു​ടെ​യും വിധി​യോ​ടുള്ള ചേർച്ച​യിൽ കമ്പ്യൂട്ടർ അശ്ലീലം പോലുള്ള കാര്യ​ങ്ങളെ നിയ​ന്ത്രി​ക്കാ​നുള്ള കോൺഗ്ര​സി​ന്റെ ഏതു നടപടി​ക്കെ​തി​രെ​യും പൊതു​ജ​ന​സ്വാ​ത​ന്ത്ര്യ​വാ​ദി​കൾ ക്ഷുഭി​ത​രാ​കു​ന്നു. “ഒന്നാം ഭേദഗ​തി​ക്കു​നേ​രെ​യുള്ള നേരി​ട്ടുള്ള ഒരു കയ്യേറ്റ​മാ​ണിത്‌,” ഒരു ഹാർവാർഡ്‌ നിയമ പ്രൊ​ഫസർ പ്രസ്‌താ​വി​ച്ചു. തഴക്കവും പഴക്കവു​മുള്ള പ്രോ​സി​ക്യൂ​ട്ടർമാർപോ​ലും ഇതിനെ അപഹസി​ക്കു​ന്ന​താ​യി ടൈം മാഗസിൻ പറഞ്ഞു. “ചെറിയ കുറ്റങ്ങൾ കൈകാ​ര്യം ചെയ്യുന്ന കോട​തി​യി​ലെ പരി​ശോ​ധ​ന​യിൽപോ​ലും ഇതു നിലനിൽക്കില്ല,” ഒരു പ്രോ​സി​ക്യൂ​ട്ടർ പറഞ്ഞു. “ഇത്‌ ഗവൺമെൻറ്‌ സെൻസർഷി​പ്പാണ്‌,” ഇല​ക്ട്രോ​ണിക്ക്‌ പ്രൈ​വസി ഇൻഫർമേഷൻ സെന്ററി​ലെ ഒരു ഉദ്യോ​ഗസ്ഥൻ പറഞ്ഞു. “ഒന്നാം ഭേദഗതി, ഇന്റർനെറ്റ്‌ ആരംഭി​ക്കു​ന്നി​ടത്ത്‌ അവസാ​നി​ക്കാൻ പാടില്ല” എന്ന്‌ അദ്ദേഹം പറയു​ന്ന​താ​യി ടൈം മാഗസിൻ ഉദ്ധരിച്ചു. “ഇത്‌ സംസാര സ്വാത​ന്ത്ര്യ​ത്തി​ന്റെ വ്യക്തമായ ഒരു ലംഘന​മാണ്‌, പ്രായ​പൂർത്തി​യാ​യ​വർക്കു പരസ്‌പരം ആശയവി​നി​യമം നടത്താ​നുള്ള അവകാ​ശ​ത്തി​ന്റെ ഒരു ലംഘനം കൂടി​യാ​ണിത്‌,” യു.എസ്‌. കോൺഗ്ര​സി​ലെ ഒരംഗം പ്രഖ്യാ​പി​ക്കു​ക​യു​ണ്ടാ​യി.

പൊതു​ജ​ന​സ്വാ​ത​ന്ത്ര്യ​ത്തി​നും സംസാര സ്വാത​ന്ത്ര്യ​ത്തി​നു​മ​പ്പു​റത്ത്‌, ലൈം​ഗി​ക​ത​യു​ടെ വിവിധ പ്രകട​ന​ങ്ങ​ളിൽ പ്രയോ​ജ​ന​മു​ണ്ടെന്നു ന്യൂ​യോർക്ക്‌ നിയമ വിദ്യാ​ല​യ​ത്തി​ലെ ഒരു പ്രൊ​ഫസർ വാദി​ക്കു​ന്നു. “ഇന്റർനെ​റ്റി​ലെ ലൈം​ഗി​കത വാസ്‌ത​വ​ത്തിൽ യുവജ​ന​ങ്ങളെ സംബന്ധി​ച്ചി​ട​ത്തോ​ളം നല്ലതാ​യി​രു​ന്നേ​ക്കാം,” അവരുടെ വീക്ഷണം ടൈം മാഗസിൻ റിപ്പോർട്ടു ചെയ്‌തു. “വിലക്ക​പ്പെ​ട്ട​തും ഭ്രഷ്ടു കൽപ്പി​ച്ചി​രി​ക്കു​ന്ന​തു​മായ കാര്യങ്ങൾ കണ്ടുപി​ടി​ക്കാ​നുള്ള സുരക്ഷി​ത​മായ ഒരിട​മാണ്‌ [കമ്പ്യൂട്ടർ ലോകം] . . . ലൈം​ഗി​ക​ത​യു​ടെ സൂക്ഷ്‌മ​വും അതു​പോ​ലെ​തന്നെ സാങ്കൽപ്പി​ക​വു​മായ രൂപങ്ങ​ളെ​ക്കു​റി​ച്ചു കലർപ്പി​ല്ലാ​തെ, ബുദ്ധി​മു​ട്ടി​ല്ലാ​തെ സംഭാ​ഷണം നടത്തു​ന്ന​തി​നുള്ള അവസരം അതു പ്രദാനം ചെയ്യുന്നു,” അവർ പറഞ്ഞു.

കമ്പ്യൂട്ടർ നെറ്റ്‌വർക്കി​ലെ അശ്ലീല​ങ്ങൾക്കു​മേ​ലുള്ള ഏതു നിയ​ന്ത്ര​ണ​ത്തി​നെ​തി​രെ​യും പൊരു​തു​ന്ന​വ​രിൽ നിരവധി യുവജ​ന​ങ്ങ​ളു​മുണ്ട്‌, പ്രത്യേ​കി​ച്ചും സർവക​ലാ​ശാ​ലാ വിദ്യാർഥി​കൾ. സംസാര സ്വാത​ന്ത്ര്യ​ത്തി​നുള്ള തങ്ങളുടെ അവകാ​ശങ്ങൾ എടുത്തു​ക​ള​യു​ന്ന​തെന്നു വീക്ഷി​ക്കുന്ന കാര്യ​ങ്ങൾക്കെ​തി​രാ​യി ചിലർ പ്രകട​നങ്ങൾ നടത്തി​യി​ട്ടുണ്ട്‌. ഒരു വിദ്യാർഥി​യു​ടേ​ത​ല്ലെ​ങ്കി​ലും, ദ ന്യൂ​യോർക്ക്‌ ടൈം​സിൽ ഉദ്ധരി​ക്ക​പ്പെട്ട ഒരു വ്യക്തി​യു​ടെ അഭി​പ്രാ​യം, കമ്പ്യൂ​ട്ട​റി​ലൂ​ടെ​യുള്ള അശ്ലീലം നിരോ​ധി​ക്കുന്ന ഏത്‌ നിർദേ​ശ​ത്തെ​യും എതിർക്കുന്ന നിരവധി പേരുടെ വികാ​ര​ങ്ങളെ പ്രതി​ധ്വ​നി​പ്പി​ക്കു​ന്നു: “ഈ രാജ്യ​ത്തുള്ള സകല ഇന്റർനെറ്റ്‌ ഉപയോ​ക്താ​ക്ക​ളും ഇതിനെ പരിഹ​സി​ച്ചു​ത​ള്ളു​മെ​ന്നും, ലോക​ത്തി​ലെ ബാക്കി​യുള്ള ഇന്റർനെറ്റ്‌ സമുദാ​യ​ത്തി​ന്റെ മുമ്പാകെ ഇത്‌ ഐക്യ​നാ​ടു​കളെ പരിഹാ​സ​പാ​ത്ര​മാ​ക്കി​ത്തീർക്കു​മെ​ന്നും ഞാൻ സംശയി​ക്കു​ന്നു.”

പൊതു​ജന സ്വാത​ന്ത്ര്യ​വാ​ദി ഗ്രൂപ്പി​ലെ ഒരു ഉദ്യോ​ഗ​സ്ഥ​നിൽനി​ന്നുള്ള ഒരു പ്രസ്‌താ​വന റിപ്പോർട്ടു ചെയ്യവേ, യു.എസ്‌. ന്യൂസ്‌ & വേൾഡ്‌ റിപ്പോർട്ട്‌ ഇങ്ങനെ അഭി​പ്രാ​യ​പ്പെട്ടു: “സൈബർസ്‌പേസ്‌, [കമ്പ്യൂട്ടർ നെറ്റ്‌വർക്കു​കൾ] സംസാ​ര​സ്വാ​ത​ന്ത്ര്യ​ത്തെ ഒന്നാം ഭേദഗ​തി​യെ​ക്കാൾ ബലിഷ്‌ഠ​മാ​ക്കി​യേ​ക്കാം. തീർച്ച​യാ​യും, ‘ഒരു ഗവൺമെൻറിന്‌ ജനങ്ങളെ മിണ്ടാ​താ​ക്കു​ന്നത്‌ അക്ഷരീ​യ​മാ​യി അസാധ്യ’മായി​ത്തീർന്നി​രി​ക്കാം.”

കാനഡ​യിൽ, അവകാ​ശ​ങ്ങ​ളെ​യും സ്വാത​ന്ത്ര്യ​ങ്ങ​ളെ​യും സംബന്ധിച്ച പ്രമാ​ണ​ത്തി​ലെ അഭി​പ്രാ​യ​പ്ര​കടന സ്വാത​ന്ത്ര്യം ലംഘി​ക്കു​ന്ന​ത​ര​ത്തി​ലുള്ള വിവാ​ദങ്ങൾ അലയടി​ച്ചു​കൊ​ണ്ടി​രി​ക്കു​ക​യാണ്‌. വിമർശ​ക​രു​ടെ​യും പൊലീ​സു​കാ​രു​ടെ​യും ദേഷ്യം ആളിക്ക​ത്തി​ക്കു​ന്ന​ത​ര​ത്തി​ലുള്ള ചിത്ര​ങ്ങളെ “അശ്ലീല”മെന്നു മുദ്ര​കു​ത്തി, അവ രചിച്ച കലാകാ​ര​ന്മാ​രെ അറസ്റ്റു ചെയ്‌തി​രി​ക്കു​ന്നു. തങ്ങളുടെ സംസാര സ്വാത​ന്ത്ര്യ​ത്തി​ന്റെ ഒരു ലംഘന​മാ​യി അറസ്റ്റു​കളെ എതിർക്കാ​നും പ്രഖ്യാ​പി​ക്കാ​നും​വേണ്ടി കലാകാ​ര​ന്മാ​രും സംസാര സ്വാത​ന്ത്ര്യ​വാ​ദി​ക​ളും കൈ​കോർത്തി​രി​ക്കു​ക​യാണ്‌. ഏതാണ്ട്‌ രണ്ടു വർഷം​മു​മ്പു​വരെ, കാനഡ​യി​ലെ അശ്ലീല​ത്തി​നെ​തി​രെ​യുള്ള നിയമ​ത്തിൻകീ​ഴിൽ പൊലീ​സു​കാർ അശ്ലീല വീഡി​യോ ടേപ്പുകൾ ദിവസേന പിടി​ച്ചെ​ടു​ത്തി​രു​ന്നു. കേസുകൾ വിചാരണ ചെയ്യു​ക​യും അതിന്റെ വിൽപ്പന നടത്തിയ വ്യാപാ​രി​കൾ കുറ്റക്കാ​രാ​ണെന്നു കണ്ടെത്തു​ക​യും ചെയ്‌തു.

എന്നിരു​ന്നാ​ലും, 1992-ൽ കാനഡാ​യി​ലെ സുപ്രീം കോടതി, അവകാ​ശ​ങ്ങ​ളു​ടെ​യും സ്വാത​ന്ത്ര്യ​ങ്ങ​ളു​ടെ​യും പ്രമാ​ണ​ത്തിൽ ഉറപ്പു​നൽകുന്ന ആശയാ​വി​ഷ്‌കരണ സ്വാത​ന്ത്ര്യ​ത്തി​ന്റെ അടിസ്ഥാ​ന​ത്തിൽ അത്തരത്തി​ലുള്ള ഉത്‌പ​ന്നങ്ങൾ നിയമ​ന​ട​പ​ടി​ക​ളിൽനി​ന്നു സംരക്ഷി​ക്ക​പ്പെ​ടു​ന്ന​താ​യി, പ്രധാ​ന​പ്പെട്ട ഒരു കേസി​നോ​ടു ബന്ധപ്പെട്ടു തീർപ്പു​കൽപ്പി​ച്ച​തോ​ടെ അതി​നെ​ല്ലാം മാറ്റം​വന്നു. കോട​തി​യു​ടെ തീർപ്പ്‌ “കാനഡ സമൂഹ​ത്തി​നു കാര്യ​മായ മാറ്റങ്ങൾ വരുത്തി​യി​ട്ടുണ്ട്‌,” മാക്ലീൻസ്‌ മാഗസിൻ എഴുതി. “ഒട്ടേറെ നഗരങ്ങ​ളിൽ, തെരു​ക്കോ​ണു​ക​ളി​ലെ കടകളിൽ പച്ച അശ്ലീല​മുള്ള മാഗസി​നു​ക​ളും വീഡി​യോ​ക​ളും ഇപ്പോൾ കണ്ടെത്തു​ന്നതു സാധാ​ര​ണ​മാണ്‌,” മാഗസിൻ പ്രസ്‌താ​വി​ച്ചു. നിരോ​ധി​ക്കേ​ണ്ട​വ​യെന്നു കോടതി തീർപ്പു​കൽപ്പി​ച്ച​വ​പോ​ലും ഉപഭോ​ക്താ​ക്കൾക്ക്‌ ഇപ്പോ​ഴും ലഭ്യമാണ്‌.

“അവി​ടെ​ച്ചെ​ന്നാൽ നിയമ​വി​രു​ദ്ധ​മാ​യി​രി​ക്കാ​വുന്ന വസ്‌തു​ക്കൾ നിങ്ങൾ കണ്ടെത്തു​മെന്ന്‌ എനിക്ക​റി​യാം,” ഒരു പൊലീ​സു​ദ്യോ​ഗസ്ഥൻ പറഞ്ഞു. “സാധ്യ​ത​യ​നു​സ​രിച്ച്‌ ഞങ്ങൾക്കു പോയി കുറ്റം ചുമത്താ​വുന്ന വസ്‌തു​ക്ക​ളാ​ണത്‌. എന്നാൽ . . . ഞങ്ങൾക്ക​തി​നു സമയമില്ല.” മാത്രമല്ല, കുറ്റാ​രോ​പ​ണങ്ങൾ സാധു​ത​യു​ള്ള​താ​യി​രി​ക്കു​മെന്ന്‌ അവർക്ക്‌ ഉറപ്പില്ല. ഈ അനുവാ​ദാ​ത്മക യുഗത്തിൽ, അതിരി​ല്ലാത്ത വ്യക്തിഗത സ്വാത​ന്ത്ര്യ​ത്തി​നു പ്രത്യേക പരിഗണന നൽകി​യി​രി​ക്കു​ന്നു. കോട​തി​കൾ പൊതു​വേ പൊതു​ജ​നാ​ഭി​പ്രാ​യ​ത്താൽ സ്വാധീ​നി​ക്ക​പ്പെ​ടു​ന്നു. പക്ഷേ, യുക്തി​വാ​ദം എന്തുത​ന്നെ​യാ​ണെ​ങ്കി​ലും, വാഗ്വാ​ദം ഇരുവ​ശ​ത്തും ആഴമേ​റിയ, ഭിന്നത​യു​ള​വാ​ക്കുന്ന വികാ​രങ്ങൾ തുടർന്നും ഉണർത്തി​ക്കൊ​ണ്ടി​രി​ക്കും—അനുകൂ​ല​മാ​യും പ്രതി​കൂ​ല​മാ​യും.

ഒരുകാ​ലത്ത്‌, ജപ്പാൻ, സംസാര സ്വാത​ന്ത്ര്യ​വും പത്ര സ്വാത​ന്ത്ര്യ​വും സംബന്ധിച്ച കടുത്ത നിയ​ന്ത്ര​ണ​ത്തിൻകീ​ഴി​ലാ​യി​രു​ന്നു. ഉദാഹ​ര​ണ​ത്തിന്‌, റിക്‌റ്റർ സ്‌കെ​യി​ലിൽ 7.9 എന്ന്‌ അളക്കപ്പെട്ട, ആയിര​ക്ക​ണ​ക്കി​നാ​ളു​കളെ കൊ​ന്നൊ​ടു​ക്കിയ ഒരു ഭൂകമ്പ​ത്തെ​ക്കു​റി​ച്ചു തുറ​ന്നെ​ഴു​താൻ സാധി​ക്കി​ല്ലാ​യി​രു​ന്നു. അഴിമ​തി​യെ​യോ കാമു​കീ​കാ​മു​ക​ന്മാർ ആത്മഹത്യാ​ക​രാർപ്ര​കാ​രം പരസ്‌പരം കൊല്ലു​ന്ന​തി​നെ​യോ കുറിച്ചു റിപ്പോർട്ടു ചെയ്യാൻ പാടി​ല്ലാ​യി​രു​ന്നു. നിസ്സാ​ര​മെന്നു വീക്ഷി​ച്ചി​രുന്ന കാര്യ​ങ്ങൾക്കു​പോ​ലും ഏർപ്പെ​ടു​ത്തി​യി​രുന്ന നിയ​ന്ത്ര​ണ​ങ്ങ​ളു​ടെ തീവ്രത വർധി​ച്ച​തോ​ടെ പത്രാ​ധി​പർ ഗവൺമെൻറി​ന്റെ ഭീഷണി​കൾക്കു​മു​മ്പിൽ മുട്ടു​മ​ടക്കി. എന്തായാ​ലും, രണ്ടാം ലോക​മ​ഹാ​യു​ദ്ധ​ത്തെ​ത്തു​ടർന്ന്‌ നിയ​ന്ത്ര​ണങ്ങൾ എടുത്തു​ക​ളഞ്ഞു, ജപ്പാൻ കൂടുതൽ സംസാര സ്വാത​ന്ത്ര്യ​വും പത്രസ്വാ​ത​ന്ത്ര്യ​വും ആസ്വദി​ച്ചു.

തീർച്ച​യാ​യും, മാഗസി​നു​ക​ളും കുട്ടി​കൾക്കുള്ള ചില കോമിക്ക്‌ പുസ്‌ത​ക​ങ്ങ​ളും കാമാ​സ​ക്ത​വും അസഭ്യ​വു​മായ ചിത്ര​ങ്ങൾകൊ​ണ്ടു നിറഞ്ഞ​പ്പോൾ പെൻഡു​ലം മറ്റേ അറ്റത്തേ​ക്കാ​ടി. ദ ഡെയ്‌ലി യോമി​യൂ​രി എന്ന പ്രമുഖ ജാപ്പനീസ്‌ വർത്തമാ​ന​പ​ത്രം ഒരിക്കൽ ഇപ്രകാ​രം എഴുതി: “പുതു​താ​യി ജപ്പാനിൽ കാലു​കു​ത്തുന്ന ഒരു വിദേ​ശി​യെ ഞെട്ടി​ക്കുന്ന കാഴ്‌ച​ക​ളി​ലൊന്ന്‌ ഒരുപക്ഷേ, ടോക്കി​യോ​യി​ലെ ഭൂഗർഭ​പാ​ത​ക​ളിൽ ബിസി​ന​സു​കാർ ലൈം​ഗിക കോമിക്ക്‌ പുസ്‌ത​കങ്ങൾ വായി​ക്കു​ന്ന​താണ്‌. ബുക്ക്‌സ്റ്റോ​റു​ക​ളി​ലെ​യും സൂപ്പർമാർക്ക​റ്റി​ലെ​യും ഷെൽഫു​ക​ളിൽ വനിത​ക​ളു​ടെ അശ്ലീല കോമിക്ക്‌ പുസ്‌ത​കങ്ങൾ പ്രത്യ​ക്ഷ​പ്പെട്ടു തുടങ്ങി​യ​തോ​ടെ പ്രവണത സ്‌ത്രീ​ക​ളെ​യും ബാധി​ച്ചു​തു​ട​ങ്ങി​യ​താ​യി കാണ​പ്പെ​ടു​ന്നു.”

1995-ൽ ആസാഹീ ഷെമ്പൂൻ എന്ന പ്രശസ്‌ത വർത്തമാ​ന​പ​ത്രം ജപ്പാനെ “അശ്ലീല പറുദീസ” എന്നു വിളി​ക്കു​ക​യു​ണ്ടാ​യി. മാതാ​പി​താ​ക്ക​ളിൽനി​ന്നുള്ള എതിർപ്പു​കൾക്കു​ത്ത​ര​മാ​യി, പത്രാ​ധി​പ​ന്മാ​രും പ്രസാ​ധ​ക​രും ഗവൺമെൻറ്‌ നിയമ​ങ്ങൾക്കു ശ്രമി​ക്കു​ന്ന​തി​നു​പ​കരം സ്വമേ​ധ​യാ​യുള്ള പരിഹാ​രം തേടി​യ​പ്പോൾ യുവ വായന​ക്കാർ എതിർത്തു. ‘ആരുടെ സ്വരമാ​യി​രി​ക്കാം ഒടുവിൽ നിലനിൽക്കു​ന്നത്‌,’ ഒരുവൻ ചോദി​ച്ചേ​ക്കാം?

ഫ്രാൻസിൽ, സംസാര സ്വാത​ന്ത്യം ഇപ്പോൾ വളരെ​യ​ധി​കം വിവാ​ദ​പ​ര​മായ ഒരു വിഷയ​മാണ്‌. സംസാ​ര​സ്വാ​ത​ന്ത്ര്യ​ത്തെ​ക്കു​റി​ച്ചുള്ള തന്റെ പുസ്‌ത​ക​ത്തിൽ, “സംശയ​ലേ​ശ​മെ​ന്യേ, സംസാര സ്വാത​ന്ത്ര്യ​ത്തി​ന്റെ ചരിത്രം അവസാ​നി​ച്ചി​ട്ടില്ല, തുടർന്നും അത്‌ ഭിന്നതകൾ സൃഷ്ടി​ച്ചു​കൊ​ണ്ടി​രി​ക്കും. . . . സെൻസർഷി​പ്പി​നെ സംബന്ധിച്ച, പഴയതും ഒരിക്ക​ലും തീരാ​ത്ത​തു​മായ വാഗ്വാ​ദ​ത്തി​നു വീണ്ടും തിരി​കൊ​ളു​ത്തു​ന്ന​വി​ധം, ഘോര​മായ പ്രതി​ക​രണം സൃഷ്ടി​ച്ചു​കൊ​ണ്ടുള്ള ഒരു സിനി​മ​യോ ടെലി​വി​ഷൻ പരമ്പര​യോ പരസ്യ​മോ റിലീസ്‌ ചെയ്യാതെ ഒരൊറ്റ വർഷം​പോ​ലും കടന്നു​പോ​കു​ന്നില്ല,” ഫ്രഞ്ച്‌ ഗ്രന്ഥകാ​ര​നായ ഷാൻ ഒറാൻഷ്‌ എഴുതി.

പാരീസ്‌ വർത്തമാ​ന​പ​ത്ര​മായ ല ഫിഗാ​റോ​യിൽ വന്ന ഒരു ലേഖനം, മിനി​സ്റ്റെർ ആമെർ (കഠോര ശുശ്രൂഷ) എന്നു വിളി​ക്ക​പ്പെ​ടുന്ന ഒരു റാപ്പ്‌ സംഗീ​ത​സം​ഘം പൊലീ​സു​കാ​രെ വധിക്കാൻ അതിന്റെ ആരാധ​കരെ പ്രോ​ത്സാ​ഹി​പ്പി​ക്കു​ന്ന​താ​യി റിപ്പോർട്ടു ചെയ്‌തു. അവരുടെ ഒരു ഗാനത്തി​ലെ വരികൾ ഇങ്ങനെ പറയുന്നു: “പൊലീസ്‌ വിശ്രാ​ന്തി​കൊ​ള്ളു​ന്ന​തു​വരെ ശാന്തി​യു​ണ്ടാ​വു​ക​യില്ല.” “ഞങ്ങളുടെ റെക്കോർഡിൽ, പൊലീസ്‌ സ്റ്റേഷൻ കത്തിച്ചു​ക​ള​യാ​നും [പൊലീ​സി​നെ] ബലിക​ഴി​ക്കാ​നും ഞങ്ങൾ അവരോ​ടു പറയുന്നു. ഇനി​നേ​ക്കാൾ സ്വാഭാ​വി​ക​മാ​യി വേറെ എന്തുണ്ട്‌?” സംഘത്തി​ന്റെ വക്താവ്‌ പ്രഖ്യാ​പി​ച്ചു. റാപ്പ്‌ സംഘത്തി​നെ​തി​രെ ഒരു നടപടി​യും കൈ​ക്കൊ​ണ്ടി​ട്ടില്ല.

അമേരി​ക്ക​യി​ലെ റാപ്പ്‌ സംഘങ്ങ​ളും പൊലീസ്‌ വധത്തെ പ്രോ​ത്സാ​ഹി​പ്പി​ക്കു​ന്നു, ഇത്തരത്തി​ലുള്ള ആശയങ്ങൾ സംസാ​ര​സ്വാ​ത​ന്ത്ര്യാ​വ​കാ​ശ​ത്തി​ന്റെ സംരക്ഷ​ണ​ത്തിൻകീ​ഴിൽ പ്രകടി​പ്പി​ക്കാ​നുള്ള അവകാശം അവർ പ്രഖ്യാ​പി​ക്കു​ന്നു. ഫ്രാൻസ്‌, ഇറ്റലി, ഇംഗ്ലണ്ട്‌ എന്നിവി​ട​ങ്ങ​ളി​ലും യൂറോ​പ്പി​ലും ലോക​ത്തി​നു​ചു​റ്റു​മുള്ള മറ്റു രാഷ്ട്ര​ങ്ങ​ളി​ലും പരസ്യ​മാ​യി സംസാ​രി​ക്കാ​നുള്ള സ്വാത​ന്ത്ര്യ​ത്തി​ന്മേൽ—“വ്യക്തവും നിലവി​ലു​ള്ള​തു​മായ ഒരു വിപത്ത്‌ സൃഷ്ടി​ക്കത്തക്ക സ്വാഭാ​വ​മുള്ള” താണെ​ങ്കിൽ പോലും—നിയ​ന്ത്ര​ണങ്ങൾ ഏർപ്പെ​ടു​ത്താൻ പാടി​ല്ലെന്ന മുറവി​ളി എല്ലാ സമൂഹ​ങ്ങ​ളി​ലും കേൾക്കാം. ഈ വിവാദം എന്നായി​രി​ക്കും അവസാ​നി​ക്കു​ന്നത്‌, വിജയം ആരുടെ പക്ഷത്താ​യി​രി​ക്കും?

[7-ാം പേജിലെ ചിത്രം]

കമ്പ്യൂട്ടർ അശ്ലീലം, “‘വഴി​തെ​റ്റി​ക്കുന്ന’ കാര്യങ്ങൾ അടങ്ങിയ ഭാഗ്യം​വ​രു​ത്തുന്ന ഒരു സഞ്ചി”