ജ്യോ​തി​ശ്ശാ​സ്‌ത്ര​മാണ്‌ എന്റെ ഹോബി

ദക്ഷിണ പസഫി​ക്കി​ലുള്ള ന്യൂസി​ലൻഡി​ലെ വടക്കൻ ദ്വീപി​ലാ​ണു ഞാൻ താമസി​ക്കു​ന്നത്‌. 15 വയസ്സുള്ള ഒരു യുവാ​വാ​യി​രു​ന്ന​പ്പോൾമു​തൽ എനിക്കു ജ്യോ​തി​ശ്ശാ​സ്‌ത്ര​ത്തിൽ താത്‌പ​ര്യ​മു​ണ്ടാ​യി​രു​ന്നു. നിങ്ങളു​ടെ ഇഷ്ടാനു​സ​രണം ലളിത​മോ സങ്കീർണ​മോ ആയിരി​ക്കാ​വുന്ന സ്വസ്ഥമായ ഒരു ഹോബി​യാണ്‌ അത്‌. ജ്യോ​തി​ശ്ശാ​സ്‌ത്രം ആസ്വദി​ക്കു​ന്ന​തി​നു നിങ്ങൾക്കു ഭൗതി​ക​ശാ​സ്‌ത്ര​ത്തിൽ ഒരു ബിരുദം ഉണ്ടായി​രി​ക്കേ​ണ്ട​തി​ന്റെ​യോ നിങ്ങൾ ഒരു കണക്കു പ്രതിഭ ആയിരി​ക്കേ​ണ്ട​തി​ന്റെ​യോ ആവശ്യ​മി​ല്ലെന്ന്‌ ഉറപ്പു​ണ്ടാ​യി​രി​ക്കുക.

മിക്ക ഹോബി​കൾക്കും ചില ഉപകര​ണങ്ങൾ ആവശ്യ​മുണ്ട്‌. അതു​കൊണ്ട്‌, നിങ്ങൾക്ക്‌ ആവശ്യ​മാ​യി​രി​ക്കു​ന്നത്‌ എന്താണ്‌? മുഖ്യ​മാ​യും നിങ്ങളു​ടെ കണ്ണുകൾ. നിങ്ങളു​ടെ വീട്ടിലെ പ്രകാ​ശ​മുള്ള മുറി​ക​ളിൽനി​ന്നു രാത്രി​യിൽ ആദ്യമാ​യി പുറ​ത്തേ​ക്കി​റ​ങ്ങു​മ്പോൾ നിങ്ങളു​ടെ കണ്ണുകൾ കുറഞ്ഞ പ്രകാ​ശ​ത്തോ​ടു പൊരു​ത്ത​പ്പെ​ടാൻ പത്തു മിനി​റ്റോ അതില​ധി​ക​മോ എടുക്കും. നിങ്ങൾ നഗരത്തി​ലാ​ണു പാർക്കു​ന്ന​തെ​ങ്കിൽ തെരു​വിൽനി​ന്നും വീടു​ക​ളിൽനി​ന്നു​മുള്ള പ്രകാശം കടന്നു​വ​രു​ന്ന​താ​യി നിങ്ങൾ ശ്രദ്ധി​ച്ചേ​ക്കാം. നിങ്ങൾക്ക്‌ അതു സംബന്ധിച്ച്‌ എന്തു ചെയ്യാൻ കഴിയും? നല്ല ഫലങ്ങൾക്കാ​യി, ഈ പ്രകാശ സ്രോ​ത​സ്സു​ക​ളിൽനി​ന്നുള്ള വെളി​ച്ച​മ​ടി​ക്കാത്ത ഒരു സ്ഥാനത്തു നിലയു​റ​പ്പി​ക്കുക.

വീക്ഷി​ക്കാൻ ഏറ്റവും പറ്റിയ സാഹച​ര്യ​ങ്ങ​ളു​ള്ളത്‌ ചന്ദ്രനി​ല്ലാത്ത, മേഘങ്ങ​ളി​ല്ലാത്ത ഒരു ഇരുണ്ട രാത്രി​യി​ലാണ്‌. ചന്ദ്രൻ അന്തരീ​ക്ഷ​ത്തിന്‌ ഒരു മങ്ങിയ ദീപ്‌തി നൽകു​ന്നതു മങ്ങിയ പല നക്ഷത്ര​ങ്ങ​ളും അപ്രത്യ​ക്ഷ​മാ​കാൻ ഇടയാ​ക്കു​ന്നു. നഗ്നനേ​ത്രം​കൊ​ണ്ടു നിങ്ങൾക്ക്‌ എത്ര നക്ഷത്ര​ങ്ങളെ കാണാൻ കഴിയും? സാധാ​ര​ണ​ഗ​തി​യിൽ 2,000-ത്തിനും 4,000-ത്തിനും ഇടയ്‌ക്ക്‌ നക്ഷത്ര​ങ്ങളെ കാണാൻ കഴിയും. ചക്രവാ​ള​ത്തോ​ടു കൂടുതൽ അടുത്തുള്ള നക്ഷത്ര​ങ്ങളെ കാണാൻ ഏറെ ബുദ്ധി​മു​ട്ടാണ്‌. എന്തു​കൊ​ണ്ടെ​ന്നാൽ അന്തരീ​ക്ഷ​ത്തി​ന്റെ കട്ടികൂ​ടിയ ഒരു ആവരണ​ത്തി​ലൂ​ടെ​യാ​ണു നിങ്ങൾ നോക്കു​ന്നത്‌, ഇതു കൂടു​ത​ലായ മങ്ങലി​നും രൂപവ്യ​തി​യാ​ന​ത്തി​നും ഇടയാ​ക്കു​ന്നു. ആദ്യമാ​യി മുകളി​ലേക്കു നോക്കു​മ്പോൾ കോടി​ക്ക​ണ​ക്കി​നു നക്ഷത്രങ്ങൾ ഉള്ളതായി തോന്നു​മ്പോൾ, നഗ്നനേ​ത്രം​കൊ​ണ്ടു താരത​മ്യേന കുറഞ്ഞ എണ്ണം നക്ഷത്ര​ങ്ങളെ മാത്രമേ കാണാൻ കഴിയു​ന്നു​ള്ളൂ എന്നതു ചില ആളുകളെ അതിശ​യി​പ്പി​ക്കു​ന്നു.

നക്ഷത്ര​മോ അതോ ഒരു ഗ്രഹമോ?

പ്രകാ​ശ​ത്തി​ന്റെ തിളക്ക​മേ​റിയ ഒരു ബിന്ദു കാണു​മ്പോൾ ഈ ചോദ്യം ഉദിക്കു​ന്നു, അത്‌ ഒരു നക്ഷത്ര​മാ​ണോ അതോ ഒരു ഗ്രഹമാ​ണോ? നക്ഷത്രങ്ങൾ പ്രകാശ സ്രോ​ത​സ്സു​ക​ളാണ്‌, വൈദ്യു​ത​കാ​ന്തിക സൂചന​കളെ ബഹിരാ​കാ​ശ​ത്തി​ലേക്ക്‌ ഉത്സർജി​ക്കുന്ന വൻ ആണവ യന്ത്രങ്ങൾ തന്നെ. അവ ഭൂമി​യിൽനി​ന്നു വളരെ അകലെ​യാണ്‌, ഏറ്റവും അടുത്തു​ള്ള​തു​പോ​ലും—സൂര്യ​നൊ​ഴി​കെ​യു​ള്ളത്‌—4.3 പ്രകാ​ശ​വർഷം അകലത്തി​ലാണ്‌. പ്രകാശം സെക്കണ്ടിൽ ഏകദേശം 2,99,000 കിലോ​മീ​റ്റർ സഞ്ചരി​ക്കു​ന്നു. നക്ഷത്ര​ങ്ങ​ളിൽനി​ന്നുള്ള പ്രകാശം നമ്മളിൽ എത്താൻ ഇത്രയും ദൂരം സഞ്ചരി​ക്കു​ന്ന​തു​കൊണ്ട്‌ അതു കൂടുതൽ മങ്ങിയ​താ​യി​ത്തീ​രു​ന്നു. പിന്നെ അതിനു ഭൗമാ​ന്ത​രീ​ക്ഷ​ത്തി​ന്റെ വർധിച്ച സാന്ദ്ര​ത​യി​ലൂ​ടെ കടന്നു​പോ​കേ​ണ്ടി​വ​രു​ന്ന​തി​ന്റെ ഫലമായി പ്രകാ​ശ​കി​ര​ണങ്ങൾ അങ്ങോ​ട്ടു​മി​ങ്ങോ​ട്ടും വളയുന്നു. “ട്വിങ്കിൾ, ട്വിങ്കിൾ, ലിറ്റിൽ സ്റ്റാർ, ഹൗ ഐ വണ്ടർ വാട്ട്‌ യു ആർ” എന്നു പാടി​ക്കൊണ്ട്‌ നേഴ്‌സ​റി​പ്പാട്ട്‌ നിശ്ശബ്ദ​മായ ആകാശ​ങ്ങൾക്കു ജീവസ്‌പർശം നൽകുന്നു. ചിമ്മു​ന്നു​ണ്ടെ​ങ്കിൽ അതൊരു നക്ഷത്ര​മാണ്‌.

എന്നാൽ, ഗ്രഹങ്ങൾ ചന്ദ്ര​നെ​പ്പോ​ലെ സൂര്യ​നിൽനി​ന്നുള്ള പ്രകാ​ശത്തെ പ്രതി​ഫ​ലി​പ്പി​ക്കുക മാത്രമേ ചെയ്യു​ന്നു​ള്ളൂ. സൗരയൂ​ഥം എന്ന സൂര്യ​കു​ടും​ബ​ത്തി​ലെ സഹാം​ഗ​ങ്ങ​ളെന്ന നിലയിൽ അവ നമ്മോടു താരത​മ്യേന അടുത്താണ്‌. അതു​കൊണ്ട്‌ നഗ്നനേ​ത്രം​കൊ​ണ്ടു കാണാ​വുന്ന ഗ്രഹങ്ങൾ സ്ഥിരവും ചിമ്മാ​ത്ത​തു​മായ പ്രകാശം പ്രതി​ഫ​ലി​പ്പി​ക്കു​ന്നു.

സഹായം ലഭ്യമാണ്‌

നിങ്ങൾ സാഹസി​കോ​ദ്യ​മം പുരോ​ഗ​മി​പ്പി​ക്കാൻ ആഗ്രഹി​ക്കു​ന്നെ​ങ്കിൽ, എന്റെ ഹോബി​യെ കൂടുതൽ ആസ്വാ​ദ്യ​മാ​ക്കുന്ന ചില കൂട്ടു​കാ​രെ​ക്കു​റി​ച്ചു ഞാൻ നിങ്ങ​ളോ​ടു പറയാം. ഒന്നാമ​ത്തേത്‌ ഒരു നക്ഷത്ര അറ്റ്‌ലസ്‌ ആണ്‌. ഇപ്പോൾ എന്റെ കൈയി​ലി​രി​ക്കുന്ന പ്രതി നോർട്ടൺസ്‌ സ്റ്റാർ അറ്റ്‌ല​സി​ന്റെ പരിഷ്‌ക​രിച്ച പതിപ്പാണ്‌. ആകാശ​ത്തി​ന്റെ ഉത്‌കൃ​ഷ്ട​മായ മാപ്പു​ക​ളും ജിജ്ഞാ​സു​വായ ഒരാളെ ജ്യോ​തി​ശ്ശാ​സ്‌ത്ര പദസഞ്ച​യ​ത്തെ​ക്കു​റി​ച്ചു പരിച​യ​പ്പെ​ടു​ത്തുന്ന വിവര​ങ്ങ​ളും അതിലുണ്ട്‌.

എന്റെ രണ്ടാമത്തെ കൂട്ടു​കാ​രൻ പ്ലാനി​സ്‌ഫി​യ​റാണ്‌. അതിന്‌ ഒന്നിനു മുകളിൽ ഒന്നായി ഘടിപ്പി​ച്ചി​രി​ക്കുന്ന രണ്ടു പ്ലാസ്റ്റിക്‌ തകിടു​ക​ളുണ്ട്‌. അവയുടെ കേന്ദ്ര​ഭാ​ഗം ഒരു ഗോള​ക​ത്താൽ ബന്ധിക്ക​പ്പെ​ട്ടി​രി​ക്കു​ന്നു. ജാലക​ത്തോ​ടു​കൂ​ടിയ മുകളി​ലത്തെ തകിട്‌, നക്ഷത്ര ചാർട്ട്‌ അച്ചടി​ച്ചി​ട്ടുള്ള താഴത്തെ തകിടി​നു ചുറ്റും കറക്കാൻ കഴിയും, ആവശ്യ​മാ​യി​രി​ക്കുന്ന സമയവും തീയതി​യും ക്രമീ​ക​രി​ക്കാ​നും കഴിയും. നിങ്ങളു​ടെ അനുകൂ​ല​സ്ഥാ​നത്തു നിന്നു​കൊണ്ട്‌ വർഷത്തി​ലെ പ്രത്യേക മണിക്കൂ​റി​ലും സമയത്തും നിങ്ങളു​ടെ അക്ഷാം​ശ​ത്തി​ലും നിരീ​ക്ഷ​ണ​വി​ധേ​യ​മാ​യി​രി​ക്കുന്ന നക്ഷത്രങ്ങൾ ഏവയാ​ണെന്നു നിർണ​യി​ക്കാൻ ഇപ്പോൾ നിങ്ങൾക്കു കഴിയും. ന്യൂസി​ലൻഡി​ലെ പല പുസ്‌ത​ക​ക്ക​ട​ക​ളിൽനി​ന്നും ഒരു ഫിലി​പ്‌സ്‌ പ്ലാനി​സ്‌ഫി​യർ തത്‌ക്ഷണം വാങ്ങി​ക്കാ​നോ ഓർഡർ ചെയ്യാ​നോ കഴിയും. ഒരു പ്ലാനി​സ്‌ഫി​യർ വാങ്ങു​മ്പോൾ നിങ്ങളു​ടെ പട്ടണത്തി​ന്റെ അക്ഷാംശം ഭൂമധ്യ​രേ​ഖ​യ്‌ക്കു വടക്കാ​ണോ തെക്കാ​ണോ എന്നുള്ള​തും നിങ്ങൾ അറിഞ്ഞി​രി​ക്കേ​ണ്ട​തുണ്ട്‌.

നിങ്ങൾ ഒരു ദൂരദർശി​നി വാങ്ങേ​ണ്ട​തു​ണ്ടോ? നിങ്ങൾ ഈ ഹോബി പിന്തു​ട​രു​ന്നെ​ങ്കിൽ ഒടുവിൽ നിങ്ങൾ അതു വാങ്ങു​മെന്നു ഞാൻ വിചാ​രി​ക്കു​ന്നു. മൂന്നു തരത്തി​ലുള്ള ദൂരദർശി​നി​കൾ ഉണ്ട്‌—അപവർത്തന ദൂരദർശി​നി, പ്രതി​ഫലന ദൂരദർശി​നി, അപവർത്തന-പ്രതി​ഫലന ദൂരദർശി​നി. ജ്യോ​തി​ശ്ശാ​സ്‌ത്ര​ത്തെ​യും ദൂരദർശി​നി​ക​ളെ​യും സംബന്ധിച്ച പുസ്‌ത​ക​ങ്ങൾക്കു​വേണ്ടി നിങ്ങളു​ടെ പബ്ലിക്ക്‌ ലൈ​ബ്രറി സന്ദർശി​ക്കുക. ഒരു പ്രതി​ഫലന ദൂരദർശി​നി സ്വയം നിർമി​ക്കു​ന്നത്‌ അതിശ​യ​ക​ര​മാം​വി​ധം എളുപ്പ​മാണ്‌. ഒരു ജ്യോ​തി​ശ്ശാ​സ്‌ത്ര ദൂരദർശി​നി ഉണ്ടാക്കുന്ന വിധം വിവരി​ക്കുന്ന വിലക്കു​റ​വുള്ള ഒരു പുസ്‌തകം വാങ്ങി​ക്കുക. അതു രസകര​മായ ഒരു പരിപാ​ടി​യാ​യി നിങ്ങൾ കണ്ടെത്തും.

ബൈ​നോ​ക്കു​ല​റു​കൾ ആകാശ​ത്തി​ന്റെ വിശാ​ല​മായ ഒരു വീക്ഷണം നൽകുന്നു. കറുത്ത വെൽവറ്റു പോലുള്ള ആകാശ​ത്തിൽ രത്‌ന​ങ്ങൾപോ​ലെ തൂങ്ങി​ക്കി​ട​ക്കുന്ന മനോ​ഹ​ര​മായ നക്ഷത്ര സഞ്ചയങ്ങൾ നിങ്ങൾക്കു കാണാൻ കഴിയും. മേഘക്കീ​റു​കൾപോ​ലെ കാണ​പ്പെ​ടുന്ന നെബു​ലകൾ നിങ്ങൾക്കു ദർശി​ക്കാൻ കഴിയും. അനേകം പ്രകാ​ശ​വർഷങ്ങൾ അകലെ ബഹിരാ​കാശ ഗർഭത്തിൽ സ്ഥിതി​ചെ​യ്യുന്ന, പൊടി​യും വാതക​വും നിറഞ്ഞ മേഘങ്ങ​ളാണ്‌ അവ. ഉജ്ജ്വല​മായ ക്ഷീരപഥ വൃന്ദത്തെ ഭൂമി​യു​ടെ ഏതു ഭാഗത്തു നിന്നാ​ലും കാണാൻ കഴിയും. കൂടാതെ, ഇടയ്‌ക്കി​ട​യ്‌ക്കു നമ്മോ​ട​ടുത്ത ബഹിരാ​കാശ ഭാഗങ്ങ​ളിൽ പോ​യൊ​ളി​ക്കുന്ന, അലഞ്ഞു​ന​ട​ക്കുന്ന വാൽന​ക്ഷ​ത്ര​ങ്ങളെ തിരയു​ക​യോ നിരീ​ക്ഷി​ക്കു​ക​യോ ചെയ്യു​മ്പോൾ ആകാശ​മാ​ക​മാ​നം പരി​ശോ​ധി​ക്കു​ന്ന​തിന്‌ ഏറ്റവും പറ്റിയ​താ​ണു ബൈ​നോ​ക്കു​ല​റു​കൾ. നിശാ​ന​ഭസ്സ്‌ നിരീ​ക്ഷി​ക്കാൻ നിങ്ങളെ സഹായി​ക്കാൻവേണ്ടി തയ്യാറാ​ക്കി​യി​ട്ടുള്ള ലേഖനങ്ങൾ പ്രാ​ദേ​ശിക പത്രങ്ങൾ വാരം​തോ​റും പ്രസി​ദ്ധീ​ക​രി​ച്ചേ​ക്കാം.

നിങ്ങൾക്ക്‌ ഒരു പേഴ്‌സണൽ കമ്പ്യൂട്ടർ ഉണ്ടോ? ഒരു തുടക്ക​ക്കാ​രന്‌ ആസ്വാ​ദ്യ​മായ ജ്യോ​തി​ശ്ശാ​സ്‌ത്ര​ത്തെ​ക്കു​റി​ച്ചുള്ള ചില പ്രോ​ഗ്രാ​മു​ക​ളും പരിഷ്‌കൃ​ത​മായ ചില പ്രോ​ഗ്രാ​മു​ക​ളും ഉണ്ട്‌. എന്റെ ഹോബി​യു​മാ​യി ബന്ധപ്പെട്ട എല്ലാത്തരം വിവര​ങ്ങ​ളും ശേഖരി​ച്ചു​വ​യ്‌ക്കാൻ ഞാൻ എന്റെ കമ്പ്യൂട്ടർ ഉപയോ​ഗി​ക്കു​ന്നു. ജ്യോ​തി​ശ്ശാ​സ്‌ത്രത്തെ സംബന്ധിച്ച പ്രചാരം സിദ്ധിച്ച മാസി​ക​ക​ളും ഉണ്ട്‌. ഉണരുക! ഇടയ്‌ക്കി​ട​യ്‌ക്ക്‌ ഈ വിഷയ​ത്തെ​ക്കു​റി​ച്ചുള്ള ലേഖനങ്ങൾ അച്ചടി​ക്കു​ന്നു.

ചന്ദ്രനും ഗ്രഹങ്ങ​ളും

തീർച്ച​യാ​യും, ചന്ദ്രനെ കണ്ടുപി​ടി​ക്കാൻ ഒരു ബുദ്ധി​മു​ട്ടു​മില്ല. ദൃശ്യ​മാ​യി​രി​ക്കു​മ്പോൾ അതു നിശാ​ന​ഭ​സ്സിൽ നിറഞ്ഞു​നിൽക്കു​ന്നു. നേരം വെളു​ക്കു​ന്ന​ത​നു​സ​രിച്ച്‌, കിഴക്കു​നിന്ന്‌ പടിഞ്ഞാ​റോട്ട്‌ നീങ്ങു​ന്ന​താ​യി കാണ​പ്പെ​ടുന്ന പൂർണ​ച​ന്ദ്രൻ തീർച്ച​യാ​യും അഴകു​ള്ള​താണ്‌. നക്ഷത്ര​ങ്ങളെ വഴികാ​ട്ടി​യാ​യി ഉപയോ​ഗി​ച്ചു​കൊ​ണ്ടു കൂടുതൽ അടുത്തു നിരീ​ക്ഷി​ക്കു​മ്പോൾ നാം സഞ്ചരി​ക്കുന്ന അതേ ദിശയിൽ, അതായത്‌ പടിഞ്ഞാ​റു​നി​ന്നു കിഴ​ക്കോ​ട്ടാ​ണു വാസ്‌ത​വ​ത്തിൽ ചന്ദ്രൻ സഞ്ചരി​ക്കു​ന്ന​തെന്നു വെളി​വാ​കു​ന്നു. സ്ഥിരമാ​യി നിൽക്കുന്ന നക്ഷത്ര​ങ്ങ​ളു​ടെ സ്ഥാനം ചന്ദ്ര​നോ​ടുള്ള ബന്ധത്തിൽ ശ്രദ്ധി​ച്ചു​കൊണ്ട്‌ ഒന്നോ രണ്ടോ മണിക്കൂ​റോ തുടർച്ച​യായ രണ്ടു രാത്രി​ക​ളി​ലോ ഇങ്ങനെ നിരീ​ക്ഷി​ക്കുക. ചന്ദ്രൻ ഭ്രമണം ചെയ്യു​ന്ന​തി​ലും വേഗത്തിൽ ഭൂമി അതിന്റെ അക്ഷത്തിൽ ചുറ്റു​ന്ന​തി​നാൽ നാം ചന്ദ്രനെ പിന്നി​ലാ​ക്കു​ന്നു.

പൂർണ​ച​ന്ദ്ര​നു​ള്ള​പ്പോൾ ജ്യോ​തി​ശ്ശാ​സ്‌ത്രജ്ഞൻ നേരി​ടുന്ന ഒരു പ്രശ്‌നം വളരെ​യ​ധി​കം പ്രകാ​ശ​മാണ്‌. 4 മുതൽ 7 വരെയോ 22 മുതൽ 24 വരെയോ ദിവസം പ്രായ​മുള്ള ചന്ദ്രനെ നിരീ​ക്ഷി​ക്കു​ന്ന​താ​ണു ഞാൻ എല്ലായ്‌പോ​ഴും ഏറ്റവു​മ​ധി​കം ആസ്വദി​ച്ചി​ട്ടു​ള്ളത്‌. എന്തു​കൊ​ണ്ടെ​ന്നാൽ അപ്പോൾ അതിലെ പർവത​ങ്ങ​ളു​ടെ നിഴലു​ക​ളും ഗർത്ത വക്കുക​ളും നീളമു​ള്ള​വ​യും കൂർത്ത​വ​യു​മാണ്‌. നഗ്നനേ​ത്രം​കൊ​ണ്ടു സ്ഥിരമായ ഉപരിതല സവി​ശേ​ഷ​തകൾ കാണത്ത​ക്ക​രീ​തി​യിൽ അടുത്തു സ്ഥിതി​ചെ​യ്യുന്ന ഏക ജ്യോ​തിർ ഗോള​മായ ചന്ദ്രന്റെ ഉപരി​തലം നിങ്ങൾ ഭൂമധ്യ​രേ​ഖ​യു​ടെ വടക്കാ​ണോ തെക്കാ​ണോ എന്നതിനെ ആശ്രയി​ച്ചു വ്യത്യ​സ്‌ത​മാ​യി കാണ​പ്പെ​ടു​ന്നു.

നക്ഷത്ര​വ്യൂ​ഹ​ങ്ങൾ അഥവാ നക്ഷത്ര മാതൃ​ക​ക​ളു​ടെ കാര്യ​ത്തി​ലും ഇതുതന്നെ സത്യമാണ്‌. അതു​കൊണ്ട്‌ നിങ്ങളു​ടെ ഗോളാർധ​ത്തി​നു​വേണ്ടി ഉണ്ടാക്കിയ മാപ്പുകൾ ഉപയോ​ഗി​ക്കു​ന്ന​താ​ണു കൂടുതൽ നല്ലത്‌. അല്ലാത്ത​പക്ഷം, പ്രത്യേ​കിച്ച്‌ ഒരു കുതുകി നക്ഷത്ര​വ്യൂ​ഹ​ങ്ങളെ തലകീ​ഴാ​യും പുറന്തി​രി​ഞ്ഞും കുഴപ്പി​ക്കുന്ന വിധത്തിൽ കാണുന്നു. ജ്യോ​തി​ശ്ശാ​സ്‌ത്ര ദൂരദർശി​നി നിരീക്ഷണ വിധേ​യ​മാ​യി​രി​ക്കുന്ന വസ്‌തു​വി​നെ തലകീ​ഴാ​യി അവതരി​പ്പി​ക്കു​ന്നു എന്ന സംഗതി​യും പരാമർശി​ക്കേ​ണ്ടി​യി​രി​ക്കു​ന്നു. എന്നാൽ ഗ്രഹങ്ങൾ എവി​ടെ​യാണ്‌? ഒന്നാമ​താ​യി, നാമറി​ഞ്ഞി​രി​ക്കേണ്ട രണ്ടു സംഗതി​ക​ളുണ്ട്‌: ക്രാന്തി​വൃ​ത്ത​വും (ecliptic) രാശി​ച​ക്ര​വും (zodiac) എന്താണ്‌?

സൂര്യന്റെ വാർഷിക യാത്ര​യി​ലെ, നക്ഷത്രങ്ങൾ പശ്ചാത്ത​ല​ങ്ങ​ളാ​യുള്ള പ്രത്യ​ക്ഷ​പ​ഥ​മാണ്‌ ക്രാന്തി​വൃ​ത്തം. ക്രാന്തി​വൃ​ത്തം ഭൂമധ്യ​രേ​ഖ​യ്‌ക്കു നേരേ മുകളിൽ ആകാശ​ത്തി​ലൂ​ടെ​യുള്ള സാങ്കൽപ്പിക രേഖയെ ഏതാണ്ട്‌ 23.5 ഡിഗ്രി​യിൽ കുറുകെ ഛേദി​ക്കു​ന്നു. ക്രാന്തി​വൃ​ത്ത​ത്തി​ന്റെ ഓരോ വശത്തും ഏതാണ്ട്‌ 8 ഡിഗ്രി വ്യാപി​ച്ചു​കി​ട​ക്കുന്ന ഒരു സാങ്കൽപ്പിക വലയമാണ്‌ “മൃഗങ്ങ​ളു​ടെ വലയം” എന്നർഥ​മുള്ള രാശി​ച​ക്രം. നഗ്നനേ​ത്രം​കൊ​ണ്ടു കാണാൻ കഴിയുന്ന സൂര്യ​നും ചന്ദ്രനും ഗ്രഹങ്ങ​ളും എല്ലായ്‌പോ​ഴും രാശി​ച​ക്ര​ത്തി​ന്റെ പരിധി​കൾക്കു​ള്ളി​ലാണ്‌. നിങ്ങൾ ഒരു ഗ്രഹ​ത്തെ​യാ​ണു നോക്കു​ന്ന​തെന്നു മനസ്സി​ലാ​കു​ന്നത്‌ തുടർച്ച​യാ​യുള്ള രാത്രി​ക​ളി​ലെ വീക്ഷണ​ത്താ​ലാണ്‌, എന്തു​കൊ​ണ്ടെ​ന്നാൽ സ്ഥിരമാ​യി കാണ​പ്പെ​ടുന്ന നക്ഷത്ര​ങ്ങ​ളോ​ടുള്ള ബന്ധത്തിൽ ഒരു ഗ്രഹത്തി​ന്റെ സ്ഥാനം വ്യത്യ​സ്‌ത​മാ​യി​രി​ക്കും.

എന്നാൽ ഞാൻ ഏതു ഗ്രഹ​ത്തെ​യാ​ണു നോക്കു​ന്നത്‌? ബുധനും ശുക്ര​നും എല്ലായ്‌പോ​ഴും സന്ധ്യാ​കാ​ശ​ത്തിൽ പടിഞ്ഞാ​റോ​ട്ടു മാറി​യും രാവിലെ കിഴ​ക്കോ​ട്ടു മാറി​യും കാണ​പ്പെ​ടു​ന്നു, അവ ഒരിക്ക​ലും തലയ്‌ക്കു മീതെ വരില്ല. ബുധ​നെ​ക്കാൾ പ്രകാ​ശ​മു​ള്ളതു ചന്ദ്രനു​മാ​ത്ര​മേ​യു​ള്ളൂ. അതിനു പ്രഭാത നക്ഷത്ര​മോ സന്ധ്യാ നക്ഷത്ര​മോ ആയിരി​ക്കാൻ കഴിയു​മെ​ന്നു​ള്ളതു നിങ്ങൾക്ക്‌ ഒരുപക്ഷേ അറിയാ​മാ​യി​രി​ക്കും. ഭൂമിക്ക്‌ അപ്പുറത്തു സൂര്യനെ ഭ്രമണം ചെയ്യുന്ന ഗ്രഹങ്ങൾ കിഴക്കു​നി​ന്നു പടിഞ്ഞാ​റോ​ട്ടു സഞ്ചരി​ക്കു​ന്നു. ചൊവ്വ, വ്യാഴം, ശനി, യുറാ​നസ്‌ എന്നിവ​യും നഗ്നനേ​ത്ര​ത്തി​നു ദൃശ്യ​മാണ്‌. അവ നക്ഷത്ര​ങ്ങ​ളു​ടെ​യി​ട​യ്‌ക്ക്‌ ഒളിഞ്ഞി​രി​ക്കു​ന്ന​തി​നാൽ തുടക്ക​ത്തിൽ, അവയുടെ സ്ഥാനം സംബന്ധി​ച്ച​റി​യാൻ ചില വിജ്ഞാന സ്രോ​ത​സ്സു​കൾ പരി​ശോ​ധി​ക്കേ​ണ്ടി​വ​രും.

നക്ഷത്രങ്ങൾ

നക്ഷത്ര​ങ്ങളെ ആകർഷ​ക​മായ പ്രകാ​ശ​ബി​ന്ദു​ക്ക​ളാ​യി നിങ്ങ​ളെ​ല്ലാ​യ്‌പോ​ഴും കണ്ടെത്തും. നക്ഷത്ര​സ​മൂ​ഹ​ങ്ങ​ളു​മാ​യി നിങ്ങ​ളെ​ത്തന്നെ പരിച​യ​പ്പെ​ടു​ത്തു​ന്നത്‌ സ്രഷ്ടാ​വി​ന്റെ ഈ വിസ്‌മ​യാ​വ​ഹ​മായ കരവേ​ല​യു​മാ​യുള്ള പുതിയ സൗഹൃ​ദ​ത്തി​ന്റെ തുടക്ക​മാ​യി​രി​ക്കാൻ കഴിയും.

ചില നക്ഷത്രങ്ങൾ നമുക്കു പ്രത്യേക താത്‌പ​ര്യ​മു​ള​വാ​ക്കു​ന്ന​വ​യാണ്‌. അവയി​ലൊന്ന്‌ ചോതി​ന​ക്ഷ​ത്ര​മാണ്‌ (Sirius); ഏറ്റവും തിളക്ക​മുള്ള നക്ഷത്ര​മാണ്‌ അത്‌. ഒരു പൊതു​വായ കേന്ദ്ര​ത്തി​നു ചുറ്റും രണ്ടു നക്ഷത്രങ്ങൾ ഭ്രമണം ചെയ്യു​ന്ന​തു​കൊണ്ട്‌ അത്‌ ഒരു ഇരട്ട നക്ഷത്രം കൂടി​യാണ്‌. തിളക്ക​ത്തിൽ രണ്ടാമതു നിൽക്കുന്ന നക്ഷത്രം അഗസ്‌ത്യ​നാണ്‌ (Canopus). ബഹിരാ​കാ​ശ​പേ​ടകം, ബഹിരാ​കാ​ശ​ത്തുള്ള അതിന്റെ സ്ഥാനം കണ്ടുപി​ടി​ക്കാ​നും ആജ്ഞകൾ അയയ്‌ക്കാൻ സുഗമ​മാ​യ​വി​ധം ആൻറി​നകൾ ഭൂമി​യി​ലേക്കു തിരി​ക്കാ​നും ഈ നക്ഷത്രത്തെ ഉപയോ​ഗി​ച്ചി​ട്ടുണ്ട്‌.

മുന്നറി​യി​പ്പിൻ വാക്കുകൾ

(1) ജ്യോ​തി​ശ്ശാ​സ്‌ത്രം ഒരു ഹോബി​യാ​യി​രി​ക്കണം, ഒരു ഒഴിയാ​ബാധ ആയിരി​ക്ക​രുത്‌. “സൃഷ്ടിക്കു മുമ്പെ സ്രഷ്ടാവ്‌” എന്നതാണ്‌ ഒരു വിശിഷ്ട നിയമം. (2) ദൂരദർശി​നി​യോ ബൈ​നോ​ക്കു​ല​റു​ക​ളോ ഉപയോ​ഗിച്ച്‌, അടുത്തു​നി​ന്നു​കൊണ്ട്‌ ഒരിക്ക​ലും സൂര്യനെ നോക്കു​ക​യോ ആകാശ​ത്തിൽ തിരച്ചിൽ നടത്തു​ക​യോ ചെയ്യരുത്‌; അവയ്‌ക്കുള്ള ശിക്ഷ അന്ധതയാ​യി​രി​ക്കാം. (3) നിങ്ങൾ വായി​ക്കു​ന്ന​തെ​ല്ലാം വിശ്വ​സി​ക്ക​രുത്‌. തെളി​യി​ക്ക​പ്പെ​ടാത്ത സിദ്ധാ​ന്ത​ങ്ങൾപ്പോ​ലെ പഴയ പുസ്‌ത​കങ്ങൾ നിങ്ങളെ വഴി​തെ​റ്റി​ച്ചേ​ക്കാം. (4) നിങ്ങൾക്കു താത്‌പ​ര്യം നഷ്ടപ്പെ​ട്ടേ​ക്കാ​മെ​ന്ന​തി​നാൽ ഉപകര​ണ​ങ്ങൾക്കു​വേണ്ടി പണം ചെലവി​ടാൻ തിടുക്കം കാട്ടാ​തി​രി​ക്കുക.

കണ്ടുപി​ടി​ത്ത​ത്തി​ന്റെ​യും അത്ഭുത​ത്തി​ന്റെ​യും അവസാ​നി​ക്കാത്ത ഒരു സാഹസി​ക​ത​യാണ്‌ എന്റെ ഹോബി. ദൈവ​ത്തി​ന്റെ പുതിയ ലോക​ത്തിൽ എന്നേക്കും ജീവി​ച്ചാ​ലും പ്രപഞ്ച​ത്തി​ന്റെ എല്ലാ നിഗൂ​ഢ​ത​ക​ളെ​ക്കു​റി​ച്ചും നാം പഠിക്കു​ക​യില്ല. (സഭാ​പ്ര​സം​ഗി 3:11; 8:17) എന്നാൽ അതി​നെ​ക്കു​റി​ച്ചു കൂടു​തൽക്കൂ​ടു​തൽ പഠിക്കു​ന്നത്‌ അപ്പോൾ എക്കാല​ത്തേ​ക്കും ആകർഷ​ക​മാ​യി​രി​ക്കും.—സംഭാ​വ​ന​ചെ​യ്യ​പ്പെ​ട്ടത്‌.