ആകാശ ചിത്രം നിർമി​ക്കൽ—അന്നും ഇന്നും

നെതർലൻഡ്‌സിലെ ഉണരുക! ലേഖകൻ

ആകാശ​ത്തി​ന്റെ അഗാധ നീലി​മ​യിൽ വിരിഞ്ഞു നിൽക്കുന്ന നക്ഷത്ര​പ്പൂ​ക്കൾ. അവ എക്കാല​വും മനുഷ്യ​നെ വിസ്‌മ​യ​ഭ​രി​ത​നാ​ക്കി​യി​ട്ടുണ്ട്‌. അവയുടെ മനോ​ഹാ​രി​ത​യിൽ ആകൃഷ്ട​നായ അവൻ, ചരി​ത്ര​ത്തി​ലു​ട​നീ​ളം അവയുടെ സ്രഷ്ടാ​വി​നു സ്‌തുതി കരേറ്റി​യി​രി​ക്കു​ന്നു. ദീർഘ​കാ​ലം മുമ്പ്‌ ഒരു കവി ഇങ്ങനെ പാടി: “ആകാശം ദൈവ​ത്തി​ന്റെ മഹത്വത്തെ വർണ്ണി​ക്കു​ന്നു; ആകാശ​വി​താ​നം അവന്റെ കൈ​വേ​ലയെ പ്രസി​ദ്ധ​മാ​ക്കു​ന്നു.” (സങ്കീർത്തനം 19:1) എന്നിരു​ന്നാ​ലും, പണ്ടു കാലങ്ങ​ളിൽ നിശാ​ന​ഭ​സ്സി​നെ നിരീ​ക്ഷി​ച്ചി​രു​ന്നവർ അതിന്റെ സൗന്ദര്യം മാത്രമല്ല കണ്ടറി​ഞ്ഞത്‌.

ആകാശ​ത്തിൽ രൂപങ്ങൾ കണ്ടെത്തു​ന്നു

എല്ലാ നക്ഷത്ര​ങ്ങ​ളും പ്രത്യ​ക്ഷ​ത്തിൽ ക്രമീ​കൃ​ത​മായ വിധത്തിൽ നീങ്ങു​ന്ന​താ​യി മുൻ കാലങ്ങ​ളിൽ ജ്യോ​തി​ശ്ശാ​സ്‌ത്രജ്ഞർ മനസ്സി​ലാ​ക്കി​യി​രു​ന്നു. ആകാശ​മ​ണ്ഡ​ല​ത്തിൽ നക്ഷത്രങ്ങൾ കിഴക്കു നിന്നു പടിഞ്ഞാ​റോ​ട്ടു നീങ്ങി​യി​രു​ന്നെ​ങ്കി​ലും പരസ്‌പ​ര​മുള്ള ബന്ധത്തിൽ അവയുടെ സ്ഥാനത്തി​നു മാറ്റം സംഭവി​ച്ചി​രു​ന്നില്ല.a മറ്റു വാക്കു​ക​ളിൽ പറഞ്ഞാൽ, എന്നും രാത്രി​യിൽ ഒരേ നക്ഷത്ര​ക്കൂ​ട്ടങ്ങൾ തന്നെ ആളുകൾക്കു ദൃശ്യ​മാ​യി​രു​ന്നു. എണ്ണിയാ​ലൊ​ടു​ങ്ങാത്ത ഈ ജ്യോ​തിർഗോ​ള​ങ്ങളെ കുറിച്ചു ക്രമീ​കൃ​ത​മാ​യി മനസ്സി​ലാ​ക്കേ​ണ്ട​തി​നു മനുഷ്യൻ അവയെ ഓരോ നക്ഷത്ര​ക്കൂ​ട്ട​ങ്ങ​ളാ​യി തരംതി​രി​ച്ചു. അവൻ ഭാവന​യു​ടെ തേരിൽ നിന്നു നോക്കി​യ​പ്പോൾ ആ നക്ഷത്ര​സ​മൂ​ഹ​ങ്ങൾക്കു മൃഗങ്ങ​ളു​ടെ​യോ മനുഷ്യ​രു​ടെ​യോ ചില അചേതന വസ്‌തു​ക്ക​ളു​ടെ​യോ ആകാരം കൈവന്നു. അങ്ങനെ, നക്ഷത്ര​ങ്ങ​ളു​ടെ ഓരോ കൂട്ട​ത്തെ​യും നക്ഷത്ര​മ​ണ്ഡ​ല​ങ്ങ​ളാ​യി കണക്കാ​ക്കുന്ന രീതി നിലവിൽ വന്നു.

ഇന്നു നമുക്ക്‌ അറിയാ​വുന്ന ചില നക്ഷത്ര​മ​ണ്ഡ​ല​ങ്ങൾക്ക്‌ ആദ്യമാ​യി പേരു നൽകി​യത്‌ പുരാതന ബാബി​ലോ​ന്യർ ആയിരു​ന്നു. രാശി​ചക്ര ചിഹ്നങ്ങളെ ചിത്രീ​ക​രി​ക്കു​ന്ന​താ​യി കാണ​പ്പെ​ടുന്ന 12 നക്ഷത്ര​മ​ണ്ഡ​ല​ങ്ങ​ളും അവയിൽപ്പെ​ടും. മനുഷ്യ​കാ​ര്യാ​ദി​ക​ളിൽ നക്ഷത്രങ്ങൾ സ്വാധീ​നം ചെലു​ത്തു​ന്ന​താ​യി കരുത​പ്പെ​ടുന്ന ജ്യോ​തി​ഷ​ത്തിൽ അവ ഒരു മുഖ്യ പങ്കുവ​ഹി​ച്ചി​ട്ടുണ്ട്‌, ഇന്നും അങ്ങനെ​തന്നെ. നക്ഷത്ര​ങ്ങ​ളു​ടെ സ്ഥാനം നോക്കി ശകുനം പറയുന്ന സമ്പ്രദാ​യത്തെ ബൈബിൾ കുറ്റം വിധി​ക്കു​ന്നു. (ആവർത്ത​ന​പു​സ്‌തകം 18:10-12, ഓശാന ബൈബിൾ) എങ്കിലും, നക്ഷത്ര​മ​ണ്ഡ​ല​ങ്ങ​ളു​ടെ അസ്‌തി​ത്വ​ത്തെ കുറിച്ച്‌ യഹോ​വ​യാം ദൈവ​ത്തി​ന്റെ ആരാധ​കർക്ക്‌ അറിയാ​മാ​യി​രു​ന്നു. ഉദാഹ​ര​ണ​ത്തിന്‌, യഹോവ “സപ്‌തർഷി, മകയിരം, കാർത്തിക ഇവയെ​യും തെക്കെ നക്ഷത്ര​മ​ണ്ഡ​ല​ത്തെ​യും ഉണ്ടാക്കു​ന്നു” എന്ന്‌ ബൈബിൾ പുസ്‌ത​ക​മായ ഇയ്യോബ്‌ പറയുന്നു.—ഇയ്യോബ്‌ 9:9.

ഇന്നു നമുക്ക്‌ അറിയാ​വുന്ന പല നക്ഷത്ര​മ​ണ്ഡ​ല​ങ്ങൾക്കും പേരുകൾ കൈവ​ന്നതു ഗ്രീക്ക്‌ പുരാ​ണ​ത്തിൽ നിന്നാണ്‌. സെഫ്യുസ്‌, കാസി​യോ​പി​യാ, ആൻ​ഡ്രോ​മി​ഡാ, ഹെർക്കു​ലീസ്‌ എന്നീ പേരു​ക​ളി​ലുള്ള നക്ഷത്ര​മ​ണ്ഡ​ലങ്ങൾ ആധുനിക നക്ഷത്ര ചാർട്ടു​ക​ളി​ലും കണ്ടെത്താ​നാ​കും.

പ്രാചീന നക്ഷത്ര ചാർട്ടു​കൾ

പൊ.യു. 150-നോട​ടുത്ത്‌, ഗ്രീക്ക്‌ ജ്യോ​തി​ശ്ശാ​സ്‌ത്ര​ജ്ഞ​നായ ടോളമി അന്നത്തെ ജ്യോ​തി​ശ്ശാ​സ്‌ത്ര വിജ്ഞാ​നത്തെ ആസ്‌പ​ദ​മാ​ക്കി ഒരു ഗ്രന്ഥം തയ്യാറാ​ക്കി. അൽമാ​ഗസ്റ്റ്‌ എന്ന ശീർഷ​ക​ത്തോ​ടു കൂടിയ ഈ ഗ്രന്ഥത്തിൽ 48 നക്ഷത്ര​മ​ണ്ഡ​ല​ങ്ങളെ കുറിച്ചു പ്രതി​പാ​ദി​ച്ചി​ട്ടുണ്ട്‌. ടോള​മി​ക്കു ശേഷം രചിക്ക​പ്പെട്ട ചാർട്ടു​ക​ളും ആകാശ ചിത്ര​ങ്ങ​ളും സാധാ​ര​ണ​മാ​യി ആ 48 നക്ഷത്ര​മ​ണ്ഡ​ല​ങ്ങളെ കുറിച്ചു മാത്രമേ പരാമർശി​ച്ചി​രു​ന്നു​ള്ളൂ. വാസ്‌ത​വ​ത്തിൽ, 16-ാം നൂറ്റാണ്ടു വരെ നക്ഷത്ര​മ​ണ്ഡ​ല​ങ്ങ​ളു​ടെ എണ്ണത്തിനു മാറ്റം വന്നില്ല.b പിന്നീട്‌, വേറെ 40 നക്ഷത്ര​മ​ണ്ഡ​ലങ്ങൾ അവയോ​ടു കൂട്ടി​ച്ചേർക്ക​പ്പെട്ടു. 1922-ൽ ‘അന്താരാ​ഷ്‌ട്ര ജ്യോ​തി​ശ്ശാ​സ്‌ത്ര സംഘടന’ ഔദ്യോ​ഗി​ക​മാ​യി നക്ഷത്ര​മ​ണ്ഡ​ല​ങ്ങ​ളു​ടെ എണ്ണം 88 ആണെന്നു നിജ​പ്പെ​ടു​ത്തി.

നക്ഷത്ര​മ​ണ്ഡ​ല​ങ്ങൾക്കു പുറമേ, ആയിര​ത്തി​ലേറെ നക്ഷത്ര​ങ്ങളെ കുറി​ച്ചും അവയുടെ ദീപ്‌തി​യെ​യും സ്ഥാന​ത്തെ​യും കുറി​ച്ചും ഉള്ള വിവരങ്ങൾ ടോള​മി​യു​ടെ ഗ്രന്ഥത്തിൽ അടങ്ങി​യി​ട്ടുണ്ട്‌. രേഖാം​ശ​ത്തോ​ടും അക്ഷാം​ശ​ത്തോ​ടും ഉള്ള ബന്ധത്തിൽ ഒരു നക്ഷത്ര​ത്തി​ന്റെ സ്ഥാനം രേഖ​പ്പെ​ടു​ത്തു​ന്ന​തി​ലും അധികം ടോളമി ചെയ്‌തി​രി​ക്കു​ന്നു. ഉദാഹ​ര​ണ​ത്തിന്‌, അർസാ​മേജർ അഥവാ ഗ്രേറ്റ്‌ ബെയർ നക്ഷത്ര​മ​ണ്ഡ​ല​ത്തി​ലെ ഒരു നക്ഷത്രത്തെ അദ്ദേഹം വർണി​ച്ചി​രി​ക്കു​ന്നത്‌ “വാൽ തുടങ്ങു​ന്നി​ടത്തെ നക്ഷത്രം” എന്നാണ്‌. ഒരു ധൂമ​കേ​തു​വി​ന്റെ സ്ഥാനത്തെ കുറിച്ചു വിവരി​ച്ചി​രി​ക്കു​ന്നത്‌, “ആൻ​ഡ്രോ​മി​ഡാ​യു​ടെ വലത്തെ കാൽമു​ട്ടിന്‌ ഇടത്തു​ള്ളത്‌” എന്നുമാണ്‌. തന്മൂലം, “വിദഗ്‌ധ​നായ ഏതൊരു ജ്യോ​തി​ശ്ശാ​സ്‌ത്ര​ജ്ഞ​നും ആകാശ ഘടനയെ കുറിച്ചു നല്ല അറിവു​ണ്ടാ​യി​രി​ക്കേ​ണ്ടത്‌ ആവശ്യ​മാ​യി​രു​ന്നു” എന്ന്‌ ഒരു ഗ്രന്ഥം പറയുന്നു.

എന്നാൽ, പ്രാചീന നക്ഷത്ര​മ​ണ്ഡ​ല​ങ്ങ​ളിൽ അധിക​വും ഉത്തര ആകാശ​ത്തിൽ സ്ഥിതി​ചെ​യ്യു​ന്നത്‌ എന്തു​കൊ​ണ്ടാണ്‌? നക്ഷത്ര​ങ്ങ​ളു​ടെ കൂട്ടത്തെ നക്ഷത്ര​മ​ണ്ഡ​ല​ങ്ങ​ളാ​യി കണക്കാ​ക്കുന്ന രീതി ഉത്തര ആകാശം നന്നായി തെളിഞ്ഞു കാണാ​വുന്ന മെഡി​റ്റ​റേ​നി​യൻ പ്രദേ​ശ​ത്താണ്‌ ഉരുത്തി​രി​ഞ്ഞത്‌ എന്നതാണ്‌ അതിനു കാരണം എന്ന്‌ ഒരു ആകാശ ചിത്ര നിർമാ​താ​വു വിശദീ​ക​രി​ക്കു​ന്നു. പിന്നീട്‌, ദക്ഷിണ ആകാശത്തെ സൂക്ഷ്‌മ നിരീ​ക്ഷ​ണ​ത്തി​നു വിധേ​യ​മാ​ക്കാൻ തുടങ്ങി​യ​പ്പോ​ഴാ​ണു പുതിയ നക്ഷത്ര​മ​ണ്ഡ​ലങ്ങൾ കണ്ടെത്താൻ കഴിഞ്ഞത്‌. ഈ പുതിയ നക്ഷത്ര​മ​ണ്ഡ​ല​ങ്ങ​ളിൽ ചിലതിന്‌ കെമിക്കൽ ഫർണസ്‌, പെൻഡു​ലം ക്ലോക്ക്‌, മൈ​ക്രോ​സ്‌കോപ്‌, ടെലസ്‌കോപ്‌ എന്നിങ്ങനെ പേരി​ട​പ്പെട്ടു.

“ക്രിസ്‌തീയ നക്ഷത്ര ആകാശം”

1627-ൽ ജർമൻ പണ്ഡിത​നായ യൂലി​യസ്‌ ഷില്ലർ, കോയി​ലം സ്റ്റെല്ലാറ്റം ക്രിസ്റ്റ്യാ​നം (ക്രിസ്‌തീയ നക്ഷത്ര ആകാശം) എന്ന ഒരു ഗ്രന്ഥം പ്രസി​ദ്ധീ​ക​രി​ച്ചു. ആകാശത്തെ, പുറജാ​തീയ വിമു​ക്ത​മാ​ക്കാൻ സമയമാ​യ​താ​യി അദ്ദേഹം കരുതി. അങ്ങനെ അദ്ദേഹം, പുറജാ​തീയ പേരു നൽകി​യി​രി​ക്കുന്ന ആകാശ രൂപങ്ങൾക്ക്‌ ബൈബിൾ കഥാപാ​ത്ര​ങ്ങ​ളു​ടെ പേരു നൽകാൻ ഇറങ്ങി​ത്തി​രി​ച്ചു. “ഉത്തര ആകാശത്തെ പുതിയ നിയമ​ത്തോ​ടും ദക്ഷിണ ആകാശത്തെ പഴയ നിയമ​ത്തോ​ടും” അദ്ദേഹം ബന്ധപ്പെ​ടു​ത്തി എന്ന്‌ ആകാശ ചിത്ര നിർമാ​ണം (ഇംഗ്ലീഷ്‌) എന്ന ഗ്രന്ഥം വിശദീ​ക​രി​ക്കു​ന്നു. “ഷില്ലറി​ന്റെ ദക്ഷിണാർധ​ഗോ​ള​ത്തിൽ പഴയ നിയമ കഥാപാ​ത്രങ്ങൾ അണിനി​ര​ക്കു​ക​യാ​യി—ഇന്ത്യനും-മയിലും എന്ന നക്ഷത്ര​മ​ണ്ഡ​ല​ത്തി​ന്റെ സ്ഥാനം ഇയ്യോബ്‌ കയ്യടക്കി, സെന്റോർ അബ്രാ​ഹാ​മും ഇസ്‌ഹാ​ക്കും ആയിമാ​റി.” ഉത്തരാർധ​ഗോ​ള​ത്തിൽ “കാസി​യോ​പിയ, മഗ്‌ദ​ല​ക്കാ​രത്തി മറിയ​യും പെർസ്യുസ്‌, പൗലൊസ്‌ പുണ്യ​വാ​ള​നും 12 രാശി​ചക്ര ചിഹ്നങ്ങൾ സൗകര്യാർഥം 12 അപ്പൊ​സ്‌ത​ല​ന്മാ​രും ആയി പുനർനാ​മ​ക​രണം ചെയ്യ​പ്പെട്ടു.”

ഈ ശുദ്ധീ​കരണ പ്രക്രി​യ​യിൽ ഒരു ചെറിയ നക്ഷത്ര​മ​ണ്ഡ​ല​ത്തി​ന്റെ പേരിനേ മാറ്റം വരാതെ പോയു​ള്ളൂ. അത്‌ കൊളമ്പാ (പ്രാവ്‌) ആയിരു​ന്നു—ഉണങ്ങിയ നിലം കണ്ടെത്താ​നാ​യി നോഹ അയച്ച പ്രാവാ​യി അതിനെ സങ്കൽപ്പി​ച്ചു.

മാറ്റം സംഭവിച്ച ആകാശ ചിത്രങ്ങൾ

കാല​ക്ര​മ​ത്തിൽ, നക്ഷത്ര ചാർട്ടു​ക​ളു​ടെ മുഖച്ഛാ​യ​യ്‌ക്കു​തന്നെ മാറ്റം വന്നു. 17-ാം നൂറ്റാ​ണ്ടിൽ, ദൂരദർശി​നി കണ്ടുപി​ടി​ക്ക​പ്പെട്ട ശേഷം നക്ഷത്ര​ങ്ങ​ളു​ടെ സ്ഥാനം കുറേ​ക്കൂ​ടെ കൃത്യ​മാ​യി രേഖ​പ്പെ​ടു​ത്തുന്ന ചാർട്ടു​കൾ ആവശ്യ​മാ​യി​വന്നു. അതിനു​പു​റമെ, ആദ്യകാല ചാർട്ടു​ക​ളിൽ നിറയെ ഉണ്ടായി​രുന്ന അലങ്കാ​ര​ങ്ങൾക്ക്‌ പുതിയ ചാർട്ടു​ക​ളിൽ അത്ര പ്രാധാ​ന്യം നൽകാ​താ​യി, ഒടുവിൽ അവ പാടേ അപ്രത്യ​ക്ഷ​മാ​കു​ക​യും ചെയ്‌തു. ഇന്നത്തെ നക്ഷത്ര ചാർട്ടു​ക​ളിൽ നക്ഷത്രങ്ങൾ, നക്ഷത്ര​സ​മൂ​ഹങ്ങൾ, നെബു​ലകൾ, ഗാലക്‌സി​കൾ എന്നിങ്ങനെ വാനനി​രീ​ക്ഷ​ക​രിൽ താത്‌പ​ര്യം ഉണർത്തുന്ന നിശാ​ന​ഭ​സ്സി​ലെ ചില സംഗതി​കൾ മാത്രമേ ഉൾപ്പെ​ടു​ത്തി​യി​ട്ടു​ള്ളൂ.

19-ാം നൂറ്റാ​ണ്ടി​ന്റെ മധ്യ​ത്തോ​ടെ, കൂടുതൽ സമഗ്ര​മായ നക്ഷത്ര വിവര​പ്പ​ട്ടി​കകൾ നിർമി​ക്ക​പ്പെ​ടാൻ തുടങ്ങി. ഈ രംഗത്തെ അമരക്കാ​രിൽ ഒരാളാ​യി​രു​ന്നു ജർമൻ ജ്യോ​തി​ശ്ശാ​സ്‌ത്ര​ജ്ഞ​നായ ഫ്രി​ഡ്രിച്ച്‌ വിൽഹെം ആർജെ​ലാൻഡർ. കുറെ സഹായി​ക​ളോ​ടൊ​പ്പം അദ്ദേഹം ഉത്തര ആകാശ​ത്തി​ലെ നക്ഷത്ര​ങ്ങ​ളു​ടെ വിവര​പ്പ​ട്ടിക തയ്യാറാ​ക്കുന്ന ബൃഹത്തായ ഉദ്യമ​ത്തി​നു തുടക്കം കുറിച്ചു. ഒരു ദൂരദർശി​നി​യു​ടെ സഹായ​ത്താൽ അവർ 3,25,000 നക്ഷത്ര​ങ്ങളെ കണ്ടെത്തു​ക​യും അവയിൽ ഓരോ​ന്നി​ന്റെ​യും സ്ഥാനവും ദീപ്‌തി​യും അളക്കു​ക​യും ചെയ്‌തു. അവരുടെ നിരീക്ഷണ കേന്ദ്രം ജർമനി​യി​ലെ ബോൺ എന്ന നഗരത്തിൽ ആയിരു​ന്ന​തി​നാൽ ആ നക്ഷത്ര വിവര​പ്പ​ട്ടി​ക​യ്‌ക്ക്‌ ബോണർ ഡുർ ച്‌മു​സ്റ്റ​റുങ്‌ (ബോൺ ആകമാന സർവെ) എന്നു പേരു​വന്നു. 1863-ലാണ്‌ അതു പ്രസി​ദ്ധീ​ക​രി​ച്ചത്‌. ആർജെ​ലാൻഡ​റി​ന്റെ മരണ​ശേഷം അദ്ദേഹ​ത്തി​ന്റെ സഹായി​ക​ളിൽ ഒരാൾ ഉദ്യമം തുടർന്നു. അദ്ദേഹം ദക്ഷിണ ആകാശ​ത്തി​ലെ നക്ഷത്ര​ങ്ങ​ളു​ടെ ചാർട്ടു​ണ്ടാ​ക്കി സ്യൂറ്റ്‌ലിച്ച ബോണർ ഡുർ ച്‌മു​സ്റ്റ​റുങ്‌ (ബോൺ ദക്ഷിണ ആകമാന സർവെ) എന്ന പേരിൽ ഒരു ഗ്രന്ഥം പുറത്തി​റക്കി. 1930-ലാണ്‌ ഏറ്റവും ഒടുവി​ലത്തെ സർവെ പ്രസി​ദ്ധീ​ക​രി​ച്ചത്‌. അർജന്റീ​ന​യി​ലെ കൊർഡ​ബ​യിൽ വെച്ചാ​യി​രു​ന്നു അതിന്റെ പ്രകാ​ശനം. ഈ നക്ഷത്ര വിവര​പ്പ​ട്ടി​ക​ക​ളു​ടെ മൂല്യ​ത്തിന്‌ ഇന്നും മങ്ങലേ​റ്റി​ട്ടില്ല.

ഇപ്പോ​ഴും ഭാവി​യി​ലും

ആർജെ​ലാൻഡ​റി​ന്റെ​യും സഹായി​ക​ളു​ടെ​യും ഉദ്യമ​ങ്ങളെ തുടർന്ന്‌ കൂടുതൽ മെച്ചപ്പെട്ട നക്ഷത്ര വിവര​പ്പ​ട്ടി​കകൾ തയ്യാറാ​ക്ക​പ്പെട്ടു. എങ്കിലും, കുറെ​ക്കൂ​ടെ അടുത്ത കാലത്ത്‌, ബഹിരാ​കാശ ദൂരദർശി​നി​കൾ രംഗത്തു വന്നതോ​ടെ ആകാശ ചിത്ര നിർമാ​ണ​രം​ഗത്ത്‌ അഭൂത​പൂർവ​മായ പുരോ​ഗ​തി​യു​ണ്ടാ​യി. ഹബിൾ ബഹിരാ​കാശ ദൂരദർശി​നി ഉപയോ​ഗിച്ച്‌ ജ്യോ​തി​ശ്ശാ​സ്‌ത്രജ്ഞർ ഇപ്പോൾ ഏകദേശം 1 കോടി 50 ലക്ഷം നക്ഷത്ര​ങ്ങളെ കുറി​ച്ചുള്ള ഒരു നക്ഷത്ര വിവര​പ്പ​ട്ടിക തയ്യാറാ​ക്കി​യി​രി​ക്കു​ന്നു!

‘യൂറോ​പ്യൻ ബഹിരാ​കാശ ഏജൻസി’ പ്രസി​ദ്ധീ​ക​രിച്ച പുതിയ രണ്ടു നക്ഷത്ര വിവര​പ്പ​ട്ടി​ക​ക​ളാണ്‌ ആകാശ ചിത്ര നിർമാ​ണ​രം​ഗത്തു സമീപ​കാ​ലത്ത്‌ ഉണ്ടായ ഒരു നേട്ടം. ഹിപ്പാർക്കസ്‌ ഉപഗ്ര​ഹ​ത്തി​ന്റെ ബഹിരാ​കാശ ദൂരദർശി​നി ഉപയോ​ഗി​ച്ചു നടത്തിയ നിരീ​ക്ഷ​ണത്തെ അടിസ്ഥാ​ന​പ്പെ​ടു​ത്തി​യാണ്‌ അവ നിർമി​ച്ചി​രി​ക്കു​ന്നത്‌. ഈ നക്ഷത്ര വിവര​പ്പ​ട്ടി​ക​ക​ളു​ടെ കൃത്യത ഇന്നും അതുല്യ​മാണ്‌. ഈ വിവര​പ്പ​ട്ടി​ക​കളെ അടിസ്ഥാ​ന​പ്പെ​ടു​ത്തി പുതിയ നക്ഷത്ര ചിത്രങ്ങൾ ഉണ്ടാക്കി​യി​രി​ക്കു​ന്നു. അതി​ലൊ​ന്നാണ്‌ മൂന്നു വാല്യ​ങ്ങ​ളുള്ള സമഗ്ര ചിത്ര​മായ സഹസ്രാബ്ദ നക്ഷത്ര ചിത്രം.

ആ ശീർഷകം, തിരു​വെ​ഴു​ത്തു​ക​ളിൽ പ്രതി​പാ​ദി​ച്ചി​രി​ക്കുന്ന സഹസ്രാ​ബ്ദത്തെ അഥവാ ക്രിസ്‌തു​വി​ന്റെ സമാധാ​ന​പൂർണ​മായ ആയിര​വർഷ വാഴ്‌ചയെ കുറിച്ച്‌ ബൈബിൾ വായന​ക്കാ​രെ ഓർമി​പ്പി​ച്ചേ​ക്കാം. (വെളി​പ്പാ​ടു 20:4) ആ കാലത്ത്‌, വിസ്‌മ​യാ​വ​ഹ​മായ നമ്മുടെ പ്രപഞ്ചത്തെ കുറിച്ചു മനുഷ്യൻ ഇനിയും വളരെ​യേറെ കാര്യങ്ങൾ മനസ്സി​ലാ​ക്കും എന്നതിൽ സംശയ​മില്ല. അന്നത്തെ അറിവി​നോ​ടുള്ള താരത​മ്യ​ത്തിൽ ഇന്നത്തെ ഏറ്റവും വലിയ നക്ഷത്ര ചാർട്ടു​ക​ളി​ലെ വിവരങ്ങൾ പോലും ഏതുമാ​യി​രി​ക്കില്ല.

[അടിക്കു​റി​പ്പു​കൾ]

[25-ാം പേജിലെ ചിത്രം]

1540-ലെ ഏപിയൻ നക്ഷത്ര ചാർട്ട്‌

[കടപ്പാട്‌]

By permission of the British Library (Maps C.6.d.5.: Apian’s Star Chart)

[26-ാം പേജിലെ ചിത്രം]

19-ാം നൂറ്റാ​ണ്ടിൽ രചിച്ച ദക്ഷിണാർധ​ഗോ​ള​ത്തി​ന്റെ ചിത്രം

[കടപ്പാട്‌]

© 1998 Visual Language

[27-ാം പേജിലെ ചിത്രം]

ഒറിയോൺ നക്ഷത്ര മണ്ഡലം, ഒരു ആധുനിക നക്ഷത്ര ചാർട്ടിൽ

[27-ാം പേജിലെ ചിത്ര​ങ്ങൾക്ക്‌ കടപ്പാട്‌]

25-7 പേജു​ക​ളി​ലെ പശ്ചാത്തലം: Courtesy of ROE/Anglo-Australian Observatory, photograph by David Malin