സ്വദേ​ശി​ക​ളായ അമേരി​ക്ക​ക്കാർ ഒരു യുഗാ​ന്ത്യം

ഇടയൻമാ​രു​ടെ​യും ഇന്ത്യക്കാ​രു​ടെ​യും ഇടയിലെ സംഘട്ട​നങ്ങൾ വിശേ​ഷ​വ​ത്‌ക​രി​ക്കുന്ന ഒരു സാധാരണ ഫിലിം ആരാണു കണ്ടിട്ടി​ല്ലാ​ത്തത്‌? വൈയറ്റ്‌ അർപ്പ്‌, ബഫലോ ബിൽ, ലോൺ റേഞ്ചർ എന്നിവ​രെ​ക്കു​റി​ച്ചും ഇന്ത്യക്കാ​രായ ജെറോ​നി​മോ, സിറ്റിങ്‌ ബുൾ, ക്രേസി ഹോർസ്‌, പ്രമാ​ണി​യായ ജോസഫ്‌ എന്നിവ​രെ​ക്കു​റി​ച്ചും മറ്റു പലരെ​ക്കു​റി​ച്ചും ലോക​മെ​മ്പാ​ടു​മുള്ള ആളുകൾ കേട്ടി​ട്ടുണ്ട്‌. എന്നാൽ ഹോളി​വു​ഡി​ന്റെ ചിത്രീ​ക​ര​ണ​ങ്ങൾക്ക്‌ എത്രമാ​ത്രം പ്രാമാ​ണി​ക​ത​യു​ണ്ടാ​യി​രു​ന്നു? ഇന്ത്യക്കാ​രെ​ക്കു​റി​ച്ചുള്ള അവരുടെ ചിത്രീ​ക​ര​ണങ്ങൾ എത്ര നിഷ്‌പ​ക്ഷ​മാ​യി​രു​ന്നു?

സ്വദേ​ശി​ക​ളാ​യ വടക്കേ അമേരി​ക്ക​ക്കാ​രെ (ഇന്ത്യക്കാർ) യൂറോ​പ്യൻമാർ കീഴട​ക്കി​യ​തി​നെ​ക്കു​റി​ച്ചുള്ള കഥ ചോദ്യ​ങ്ങ​ളു​ന്ന​യി​ക്കു​ന്നു.a ചരിത്ര ഗ്രന്ഥങ്ങൾ ഇന്ത്യക്കാ​രെ​ക്കു​റി​ച്ചു നിഷ്‌പ​ക്ഷ​മാ​യാ​ണോ വർണി​ച്ചി​രി​ക്കു​ന്നത്‌? അത്യാർത്തി, പീഡനം, വർഗീയത, നിഷ്‌ഠു​ര​തകൾ എന്നിവ​യെ​ക്കു​റിച്ച്‌ എന്തെങ്കി​ലും പാഠങ്ങൾ പഠിക്കാ​നു​ണ്ടോ? ഇടയൻമാ​രെ​ന്നും ഇന്ത്യക്കാ​രെ​ന്നും വിളി​ക്ക​പ്പെ​ടു​ന്ന​വ​രു​ടെ യഥാർഥ കഥ എന്താണ്‌?

കസ്റ്റെറി​ന്റെ അവസാന നിലപാ​ടും വൂണ്ടെഡ്‌ നീയിലെ കൂട്ട​ക്കൊ​ല​യും

ലക്കോ​ട്ട​യി​ലെ (സൂ വർഗത്തി​ന്റെ മൂന്നു പ്രധാന വിഭാ​ഗ​ങ്ങ​ളി​ലൊന്ന്‌) സിറ്റിങ്‌ ബുൾ എന്ന മന്ത്രവാ​ദി, 1876-ൽ മോൺടാ​ന​യി​ലെ ലിറ്റിൽ ബിഗ്‌ഹൊൺ നദിയി​ങ്കൽവച്ചു നടന്ന പ്രസിദ്ധ യുദ്ധത്തി​ലെ ഒരു നേതാ​വാ​യി​രു​ന്നു. ലെഫ്‌റ്റ​നൻറ്‌ കേണലായ “ലോങ്‌ ഹെയർ” കസ്റ്റെർ വിചാ​രി​ച്ചത്‌ തന്റെ 650 ഭടൻമാ​രെ​ക്കൊണ്ട്‌ 1,000 സൂ-ഷൈയാൻ യോദ്ധാ​ക്കളെ അനായാ​സം തോൽപ്പി​ക്കാ​മെ​ന്നാണ്‌. അത്‌ അങ്ങേയറ്റം പാളി​പ്പോയ ഒരു കണക്കു​കൂ​ട്ട​ലാ​യി​രു​ന്നു. സാധ്യ​ത​യ​നു​സ​രിച്ച്‌, സ്വദേ​ശി​ക​ളായ അമേരി​ക്കൻ യോദ്ധാ​ക്ക​ളു​ടെ, കൂടി​വ​ന്നി​ട്ടു​ള്ള​തിൽവച്ച്‌ ഏറ്റവും വലിയ കൂട്ടത്തെ അദ്ദേഹം നേരി​ടു​ക​യാ​യി​രു​ന്നു—3,000-ത്തോളം പേരെ.

കസ്റ്റെർ തന്റെ 7-ാം അശ്വ​സൈ​ന്യ​വ്യൂ​ഹത്തെ മൂന്നു വിഭാ​ഗ​ങ്ങ​ളാ​യി തിരിച്ചു. മറ്റു രണ്ടു വിഭാ​ഗ​ങ്ങ​ളിൽനി​ന്നുള്ള പിന്തു​ണ​യ്‌ക്കാ​യി കാത്തു​നിൽക്കാ​തെ അദ്ദേഹ​ത്തി​ന്റെ സംഘം ഇന്ത്യൻ ക്യാം​പി​ന്റെ ദുർബല ഭാഗ​മെന്ന്‌ അദ്ദേഹ​ത്തി​നു തോന്നിയ ഭാഗം ആക്രമി​ച്ചു. ക്രേസി ഹോർസ്‌, ഗൊൾ, സിറ്റിങ്‌ ബുൾ എന്നീ തലവൻമാ​രു​ടെ നേതൃ​ത്വ​ത്തിൽ ഇന്ത്യക്കാർ കസ്റ്റെ​റെ​യും ഏതാണ്ട്‌ 225 ഭടൻമാ​ര​ട​ങ്ങുന്ന അദ്ദേഹ​ത്തി​ന്റെ യൂണി​റ്റി​നെ​യും തുടച്ചു​നീ​ക്കി. അത്‌ ഇന്ത്യൻ ജനതകൾക്കു താത്‌കാ​ലിക വിജയ​ത്തെ​യും യു.എസ്‌. സൈന്യ​ത്തിന്‌ കൊടും പരാജ​യ​ത്തെ​യും അർഥമാ​ക്കി. പക്ഷേ, വെറും 14 വർഷത്തി​നു​ശേഷം പൊരിഞ്ഞ പ്രതി​കാ​രം നടന്നു.

ഒരു ക്ഷമാ വാഗ്‌ദാ​ന​ത്തി​ങ്കൽ സിറ്റിങ്‌ ബുൾ ഒടുവിൽ കീഴടങ്ങി. എന്നാൽ ഡക്കോട്ട പ്രദേ​ശത്തെ ഫോർട്ട്‌ റാൻഡ​ലിൽ അദ്ദേഹത്തെ കുറേ​നാ​ള​ത്തേക്കു തടവി​ലാ​ക്കു​ക​യാ​ണു​ണ്ടാ​യത്‌. വയസ്സു കാലത്ത്‌ അദ്ദേഹം ബഫലോ ബില്ലിന്റെ വൈൽഡ്‌ വെസ്റ്റ്‌ യാത്രാ പ്രദർശ​ന​ത്തിൽ പൊതു​ജ​ന​സ​മക്ഷം പ്രത്യ​ക്ഷ​പ്പെട്ടു. ഒരുകാ​ലത്തു പ്രശസ്‌ത​നാ​യി​രുന്ന ആ നായകൻ സ്വാധീ​നം​ചെ​ലു​ത്തി​യി​രുന്ന ആ മുൻ മന്ത്രവാ​ദി​യു​ടെ വെറു​മൊ​രു നിഴലാ​യി ശേഷിച്ചു.

1890-ൽ സിറ്റിങ്‌ ബുൾ (ലക്കോട്ട നാമം, റ്റാറ്റാങ്കാ ഇയോ​റ്റാക്ക) തന്നെ അറസ്റ്റു​ചെ​യ്യാൻ അയയ്‌ക്ക​പ്പെട്ട ഇന്ത്യൻ പൊലീസ്‌ ഓഫീ​സർമാ​രു​ടെ വെടി​യേറ്റു മരിച്ചു​വീ​ണു. അദ്ദേഹ​ത്തി​ന്റെ കൊല​യാ​ളി​കൾ സൂ “മെറ്റൽ ബ്രെസ്റ്റ്‌സ്‌” (പൊലീസ്‌ ബാഡ്‌ജു​ള്ളവർ), ലെഫ്‌റ്റ​നൻറ്‌ ബുൾ ഹെഡ്‌, സർജൻ റെഡ്‌ ടോമി​ഹൊക്ക്‌ എന്നിവ​രാ​യി​രു​ന്നു.

അതേ വർഷം തന്നെ അമേരി​ക്കൻ ഗ്രേറ്റ്‌ പ്ലെയ്‌ൻസി​ലെ വൂണ്ടെഡ്‌ നീ ക്രീക്കിൽ നടന്ന കൂട്ടക്കു​രു​തി​യിൽ വെള്ളക്കാ​രന്റെ ആധിപ​ത്യ​ത്തി​നെ​തി​രെ​യുള്ള ഇന്ത്യൻ പ്രതി​രോ​ധം ഒടുവിൽ തകർക്ക​പ്പെട്ടു. അവിടെ, ഫെഡറൽ സൈന്യ​ങ്ങ​ളും ദ്രുത​ഗ​തി​യിൽ വെടി​യു​ണ്ടകൾ പായി​ക്കുന്ന അവരുടെ ഹോച്ച്‌കിസ്‌ പീരങ്കി​ക​ളും പലായനം ചെയ്‌തു​കൊ​ണ്ടി​രുന്ന ഏതാണ്ട്‌ 320 സൂ പുരു​ഷൻമാ​രെ​യും സ്‌ത്രീ​ക​ളെ​യും കുട്ടി​ക​ളെ​യും കൊ​ന്നൊ​ടു​ക്കി. ലിറ്റിൽ ബിഗ്‌ഹൊൺ നദിയു​ടെ മുകളി​ലുള്ള മലനി​ര​ക​ളിൽവച്ച്‌ തങ്ങളുടെ കൂട്ടാ​ളി​ക​ളായ കസ്റ്റെ​റെ​യും അദ്ദേഹ​ത്തി​ന്റെ ആളുക​ളെ​യും കൊന്ന​തി​ന്റെ പകവീ​ട്ട​ലാ​യി​രു​ന്നു ഇതെന്ന്‌ ഭടൻമാർ വീമ്പി​ളക്കി. ആക്രമി​ച്ചു കയറി​ക്കൊ​ണ്ടി​രുന്ന അമേരി​ക്കൻ കുടി​യേ​റ്റ​ക്കാ​രും സൈന്യ​ത്താൽ വളയപ്പെട്ട തദ്ദേശ ഗോ​ത്ര​ങ്ങ​ളും തമ്മിൽ 200-ലേറെ വർഷമാ​യി അങ്ങിങ്ങാ​യി നടന്നു​കൊ​ണ്ടി​രുന്ന യുദ്ധങ്ങ​ളും കലഹങ്ങ​ളും അങ്ങനെ അവസാ​നി​ച്ചു.

എന്നാൽ സ്വദേ​ശി​ക​ളായ അമേരി​ക്ക​ക്കാർ വടക്കേ അമേരി​ക്ക​യിൽ ആദ്യം വാസമു​റ​പ്പി​ച്ച​തെ​ങ്ങ​നെ​യാണ്‌? വെള്ളക്കാ​രൻ വടക്കേ അമേരി​ക്ക​യിൽ ആദ്യമാ​യി കാലു​കു​ത്തു​ന്ന​തി​നു​മുമ്പ്‌ അവർക്ക്‌ ഏതു തരത്തി​ലുള്ള ജീവി​ത​ശൈ​ലി​യാണ്‌ ഉണ്ടായി​രു​ന്നത്‌?b അവരുടെ അന്തിമ പരാജ​യ​ത്തി​നും കീഴ്‌പെ​ട​ലി​നും ഇടയാ​ക്കി​യ​തെ​ന്താണ്‌? ആദ്യത്തെ യൂറോ​പ്യൻ കുടി​യേ​റ്റ​ക്കാ​രു​ടെ വംശജർ ഇപ്പോൾ ആധിപ​ത്യം പുലർത്തുന്ന ഒരു രാജ്യത്തെ ഇന്ത്യക്കാ​രു​ടെ ഇപ്പോ​ഴത്തെ സ്ഥിതി എന്താണ്‌? ഇവയും മറ്റു ചോദ്യ​ങ്ങ​ളും പിൻവ​രുന്ന ലേഖന​ങ്ങ​ളിൽ ചർച്ച​ചെ​യ്യ​പ്പെ​ടു​ന്ന​താ​യി​രി​ക്കും.

[അടിക്കു​റി​പ്പു​കൾ]

[3-ാം പേജിലെ ചിത്രം]

വൂണ്ടെഡ്‌ നീയിൽ മരിച്ച​വരെ അടക്കം ചെയ്യുന്നു

[കടപ്പാട്‌]

Montana Historical Society