വികാ​ര​ങ്ങളെ കൈകാ​ര്യം ചെയ്യാ​വുന്ന വിധം

ഗുരു​ത​രാ​വ​സ്ഥ​യി​ലുള്ള പ്രിയ​പ്പെട്ട ഒരാളെ നിങ്ങൾ പരിച​രി​ച്ചു​കൊ​ണ്ടി​രി​ക്കു​ക​യാ​ണോ? ആണെങ്കിൽ, ആശയക്കു​ഴ​പ്പ​മു​ണ്ടാ​ക്കു​ന്ന​തും പേടി​പ്പെ​ടു​ത്തു​ന്ന​തു​മായ ചില വികാ​രങ്ങൾ നിങ്ങൾക്ക്‌ അനുഭ​വ​പ്പെ​ടു​ന്നു​ണ്ടാ​യി​രി​ക്കും. നിങ്ങൾക്ക്‌ എന്തു ചെയ്യാൻ കഴിയും? പരിച​ര​ണ​മേ​കു​ന്ന​വ​രിൽ ചിലർ മല്ലടി​ക്കുന്ന വികാ​ര​ങ്ങ​ളെ​യും അവയെ വിജയ​ക​ര​മാ​യി കൈകാ​ര്യം ചെയ്യാൻ അവരെ സഹായി​ച്ചി​രി​ക്കുന്ന പ്രാ​യോ​ഗിക നിർദേ​ശ​ങ്ങ​ളെ​യും കുറിച്ചു പരിചി​ന്തി​ക്കുക.

നാണ​ക്കേട്‌. ചില​പ്പോൾ, രോഗി​യായ ഒരു വ്യക്തി​യു​ടെ പെരു​മാ​റ്റം മറ്റുള്ള​വ​രു​ടെ മുമ്പിൽവെച്ചു നിങ്ങൾക്കു നാണ​ക്കേ​ടു​ണ്ടാ​ക്കി​യേ​ക്കാം. നിങ്ങളു​ടെ പ്രിയ​പ്പെട്ട ആളുടെ രോഗ​ത്തെ​ക്കു​റിച്ച്‌ സുഹൃ​ത്തു​ക്ക​ളോ​ടും അയൽക്കാ​രോ​ടും വിവരി​ക്കു​ന്നതു കാര്യം മനസ്സി​ലാ​ക്കാൻ അവരെ സഹായി​ക്കു​മെന്നു മാത്രമല്ല, “സഹതാ​പ​വും” ക്ഷമയും കാട്ടാൻ അവരെ പ്രേരി​പ്പി​ക്കു​ക​യും ചെയ്യും. (1 പത്രൊസ്‌ 3:8) സാധി​ക്കു​മെ​ങ്കിൽ, നിങ്ങളു​ടെ അതേ സാഹച​ര്യ​ത്തി​ലുള്ള മറ്റു കുടും​ബ​ങ്ങ​ളോ​ടു കാര്യങ്ങൾ സംസാ​രി​ക്കുക. അനുഭ​വങ്ങൾ കൈമാ​റു​മ്പോൾ നാണ​ക്കേടു കുറയും. തന്നെ സഹായി​ച്ചത്‌ എന്താ​ണെന്നു സൂ വിവരി​ക്കു​ന്നു: “എന്റെ പിതാ​വി​നോട്‌ എനിക്കു സഹതാപം തോന്നി—നാണ​ക്കേ​ടി​ന്റേ​തായ ഏതു തോന്ന​ലു​ക​ളെ​യും അതു മായ്‌ച്ചു​ക​ളഞ്ഞു. അദ്ദേഹ​ത്തി​ന്റെ നർമര​സ​വും സഹായ​ക​മാ​യി​രു​ന്നു.” അതേ, രോഗി​യു​ടെ​യും അയാളെ പരിച​രി​ക്കു​ന്ന​വ​രു​ടെ​യും പക്ഷത്തെ നർമരസം, പിരി​മു​റു​ക്കം കുറയ്‌ക്കു​ന്ന​തി​നു നല്ലൊരു ഉപാധി​യാണ്‌.—സഭാ​പ്ര​സം​ഗി 3:4 താരത​മ്യം ചെയ്യുക.

ഭയം. രോഗ​ത്തെ​ക്കു​റി​ച്ചുള്ള അജ്ഞത കടുത്ത ഭയം ഉളവാ​ക്കി​യേ​ക്കാം. സാധ്യ​മെ​ങ്കിൽ, രോഗം മൂർച്‌ഛി​ക്കു​മ്പോൾ എന്തു സംഭവി​ക്കു​മെ​ന്നതു സംബന്ധിച്ച്‌ വിദഗ്‌ധ ഉപദേശം തേടുക. അത്തരം സാഹച​ര്യ​ങ്ങ​ളിൻ കീഴിൽ എങ്ങനെ പരിച​ര​ണ​മേ​കാ​മെന്നു പഠിക്കുക. എൽസയെ സംബന്ധി​ച്ചി​ട​ത്തോ​ളം, രോഗി​യു​ടെ നില വഷളാ​യി​ക്കൊ​ണ്ടി​രി​ക്കെ എന്തെല്ലാം സംഭവി​ക്കാ​മെ​ന്ന​തി​നെ​ക്കു​റി​ച്ചു മറ്റു രോഗി​കളെ പരിച​രി​ക്കു​ന്ന​വ​രോ​ടും ആശുപ​ത്രി​ക​ളി​ലെ നഴ്‌സു​മാ​രോ​ടും ചോദി​ക്കു​ന്നത്‌ ഭയത്തെ തരണം ചെയ്യാൻ സഹായി​ക്കുന്ന സുപ്ര​ധാന ഘടകങ്ങ​ളി​ലൊ​ന്നാ​യി​രു​ന്നു. ജിനി ഉപദേ​ശി​ക്കു​ന്നു: “നിങ്ങളു​ടെ ഭയത്തെ നേരിട്ട്‌, അതിനെ നിയ​ന്ത്രി​ക്കുക. മിക്ക​പ്പോ​ഴും യാഥാർഥ്യ​ത്തെ​ക്കാൾ കഷ്ടം, എന്തു സംഭവി​ച്ചേ​ക്കാ​മെന്ന പേടി​യാണ്‌.” പേടി​യു​ണ്ടാ​കാ​നുള്ള കാരണം എന്തുത​ന്നെ​യാ​യി​ക്കൊ​ള്ളട്ടെ “അതുണ്ടാ​കു​മ്പോൾ പുറത്തു​പ​റ​യണം” എന്ന്‌ ഡോ. എർണസ്റ്റ്‌ റോസൻബാ​വും നിർദേ​ശി​ക്കു​ന്നു.—സദൃശ​വാ​ക്യ​ങ്ങൾ 15:22 താരത​മ്യം ചെയ്യുക.

ദുഃഖം. ദുഃഖം സഹിക്കുക എളുപ്പമല്ല, വിശേ​ഷിച്ച്‌, രോഗി​യെ പരിച​രി​ക്കുന്ന സാഹച​ര്യ​ത്തിൽ. സുഹൃ​ദ്‌ബന്ധം നഷ്ടമാ​യ​തിൽ നിങ്ങൾ ദുഃഖി​ച്ചേ​ക്കാം. പ്രത്യേ​കിച്ച്‌, രോഗാ​വ​സ്ഥ​യി​ലായ പ്രിയ​പ്പെട്ട ആൾക്ക്‌ മേലാൽ നടക്കാ​നോ കാര്യങ്ങൾ വ്യക്തമാ​യി മനസ്സി​ലാ​ക്കാ​നോ നിങ്ങളെ തിരി​ച്ച​റി​യാ​നോ സാധി​ക്കി​ല്ലെ​ങ്കിൽ. അത്തരം വികാ​രങ്ങൾ മറ്റുള്ള​വർക്ക്‌ അത്ര പെട്ടെന്നു മനസ്സി​ലാ​കു​ക​യി​ല്ലാ​യി​രി​ക്കാം. ക്ഷമയോ​ടും ശ്രദ്ധ​യോ​ടും​കൂ​ടെ കേൾക്കുന്ന, നിങ്ങളെ മനസ്സി​ലാ​ക്കാൻ കഴിവുള്ള ഒരു സുഹൃ​ത്തി​നോ​ടു നിങ്ങളു​ടെ ദുഃഖ​ത്തെ​ക്കു​റി​ച്ചു പറയു​ന്നതു വലിയ ആശ്വാസം കൈവ​രു​ത്തും.—സദൃശ​വാ​ക്യ​ങ്ങൾ 17:17.

ദേഷ്യ​വും നിരാ​ശ​യും. ചില സമയങ്ങ​ളിൽ ബുദ്ധി​മു​ട്ടു​ള​വാ​ക്കുന്ന വിധത്തിൽ പെരു​മാ​റുന്ന, ഗുരു​ത​രാ​വ​സ്ഥ​യി​ലുള്ള ഒരു രോഗി​യെ പരിച​രി​ക്കു​മ്പോ​ഴു​ണ്ടാ​കുന്ന സ്വാഭാ​വിക പ്രതി​ക​ര​ണ​ങ്ങ​ളാണ്‌ ഇവ. (എഫെസ്യർ 4:26 താരത​മ്യം ചെയ്യുക.) ബുദ്ധി​മു​ട്ടു​ള​വാ​ക്കുന്ന പെരു​മാ​റ്റ​രീ​തി​കൾക്കു കാരണം മിക്ക​പ്പോ​ഴും അസുഖ​മാണ്‌, അല്ലാതെ രോഗി​യല്ല എന്നുള്ളതു തിരി​ച്ച​റി​യുക. ലൂസി അനുസ്‌മ​രി​ക്കു​ന്നു: “എനിക്കു ശരിക്കും ദേഷ്യം വന്നാൽ ഞാൻ കരയും. അപ്പോൾ രോഗി​യു​ടെ നില​യെ​ക്കു​റി​ച്ചും അസുഖ​ത്തെ​ക്കു​റി​ച്ചും ഞാൻ സ്വയം ഓർമി​പ്പി​ക്കാൻ ശ്രമി​ക്കും. രോഗിക്ക്‌ എന്റെ സഹായം ആവശ്യ​മാ​ണെന്ന്‌ എനിക്ക​റി​യാ​മാ​യി​രു​ന്നു. എന്റെ കർത്തവ്യ​ങ്ങ​ളിൽ തുടരാൻ അതെന്നെ സഹായി​ക്കും.” അത്തരത്തി​ലുള്ള ഉൾക്കാഴ്‌ച, ‘ദീർഘക്ഷമ കാട്ടാൻ’ സഹായി​ച്ചേ​ക്കാം.—സദൃശ​വാ​ക്യ​ങ്ങൾ 14:29; 19:11.

കുറ്റ​ബോ​ധം. പരിച​ര​ണ​മേ​കുന്ന ആളുകൾക്കി​ട​യിൽ കുറ്റ​ബോ​ധം സർവസാ​ധാ​ര​ണ​മാണ്‌. എങ്കിലും, അനിവാ​ര്യ​വും എന്നാൽ വളരെ ബുദ്ധി​മു​ട്ടു​ള്ള​തു​മായ ഒരു ജോലി​യാ​ണു നിങ്ങൾ ചെയ്യു​ന്ന​തെന്ന്‌ ഉറപ്പു​ണ്ടാ​യി​രി​ക്കുക. വാക്കി​ലും പ്രവൃ​ത്തി​യി​ലും നിങ്ങൾ എപ്പോ​ഴും തികഞ്ഞ​വ​നാ​യി​രി​ക്കു​ക​യി​ല്ലെന്ന യാഥാർഥ്യം അംഗീ​ക​രി​ക്കുക. ബൈബിൾ നമ്മെ ഓർമി​പ്പി​ക്കു​ന്നു: “നാം എല്ലാവ​രും പലതി​ലും തെററി​പ്പോ​കു​ന്നു; ഒരുത്തൻ വാക്കിൽ തെററാ​തി​രു​ന്നാൽ അവൻ ശരീരത്തെ മുഴു​വ​നും കടിഞ്ഞാ​ണി​ട്ടു നടത്തു​വാൻ ശക്തനായി സൽഗു​ണ​പൂർത്തി​യുള്ള പുരുഷൻ ആകുന്നു.” (യാക്കോബ്‌ 3:2; റോമർ 3:23) ഇപ്പോൾ ക്രിയാ​ത്മ​ക​മായ നടപടി എടുക്കു​ന്ന​തിൽനി​ന്നു നിങ്ങളെ തടയാൻ കുറ്റ​ബോ​ധത്തെ അനുവ​ദി​ക്ക​രുത്‌. നിങ്ങൾ പറഞ്ഞതോ പ്രവർത്തി​ച്ച​തോ ആയ എന്തെങ്കി​ലും സംഗതി നിങ്ങളെ അസ്വസ്ഥ​നാ​ക്കു​ന്നു​വെ​ങ്കിൽ, “എന്നോടു ക്ഷമിക്കണം” എന്നു പറയു​ന്നതു നിങ്ങൾക്കും രോഗി​ക്കും ആശ്വാസം നൽകു​ന്ന​താ​യി കണ്ടെത്താൻ വളരെ​യ​ധി​കം സാധ്യ​ത​യുണ്ട്‌. രോഗി​യായ ബന്ധുവി​നെ പരിച​രിച്ച ഒരു മനുഷ്യൻ ഇങ്ങനെ ഉപദേ​ശി​ക്കു​ന്നു: “അത്തരം സാഹച​ര്യ​ങ്ങ​ളിൽ നിങ്ങളാ​ലാ​വു​ന്നതു ചെയ്യുക.”

വിഷാദം. ഗുരു​ത​ര​മായ അസുഖ​ത്തോ​ടു മല്ലടി​ക്കുന്ന കുടും​ബ​ങ്ങ​ളിൽ വിഷാദം സർവസാ​ധാ​ര​ണ​മാണ്‌. അതു മനസ്സി​ലാ​ക്കാ​വു​ന്ന​തേ​യു​ള്ളൂ. (1 തെസ്സ​ലൊ​നീ​ക്യർ 5:14 താരത​മ്യം ചെയ്യുക.) പരിച​ര​ണ​മേ​കുന്ന വിഷാ​ദ​ഗ്ര​സ്‌ത​യായ ഒരു സ്‌ത്രീ തന്നെ സഹായി​ച്ച​തെ​ന്താ​ണെന്നു വിവരി​ക്കു​ന്നു: “രോഗി​യെ പരിച​രി​ക്കു​ന്ന​തി​നു പലരും നമ്മോടു നന്ദി പറയും. നിങ്ങൾ അവശരാ​കു​മ്പോൾ അല്ലെങ്കിൽ വിഷാ​ദ​ചി​ത്ത​രാ​കു​മ്പോൾ പ്രോ​ത്സാ​ഹ​ന​ത്തി​ന്റേ​തായ ഏതാനും വാക്കുകൾ കർത്തവ്യ​ത്തിൽ തുടരാൻ നിങ്ങളെ സഹായി​ക്കും.” ബൈബിൾ പറയുന്നു: “മനോ​വ്യ​സനം ഹേതു​വാ​യി മനുഷ്യ​ന്റെ മനസ്സി​ടി​യു​ന്നു; ഒരു നല്ല വാക്കോ അതിനെ സന്തോ​ഷി​പ്പി​ക്കു​ന്നു.” (സദൃശ​വാ​ക്യ​ങ്ങൾ 12:25) പ്രോ​ത്സാ​ഹ​ന​ത്തി​നു​വേ​ണ്ടി​യുള്ള നിങ്ങളു​ടെ ആഗ്രഹം മറ്റുള്ളവർ എപ്പോ​ഴും മനസ്സി​ലാ​ക്കി​ക്കൊ​ള്ള​ണ​മെ​ന്നില്ല. അതു​കൊണ്ട്‌ ചില​പ്പോൾ, പ്രോ​ത്സാ​ഹ​ന​ത്തി​ന്റേ​തായ ‘നല്ല വാക്ക്‌’ ലഭിക്കാൻ തക്കവണ്ണം ആദ്യം നിങ്ങൾ ‘മനോ​വ്യ​സനം’ തുറന്നു പറയേ​ണ്ട​തു​ണ്ടാ​യി​രി​ക്കാം. എന്നിട്ടും വിഷാദം വിട്ടു​മാ​റാ​തി​രി​ക്കു​ക​യോ അല്ലെങ്കിൽ കൂടു​ത​ലാ​കു​ക​യോ ചെയ്യു​ന്നെ​ങ്കിൽ ഒരു ഡോക്ട​റു​ടെ ഉപദേശം തേടു​ന്നത്‌ ഉചിത​മാ​യി​രി​ക്കും.

നിസ്സഹാ​യത. ശക്തിക്ഷയം വരുത്തുന്ന ഒരു അസുഖ​മു​ള്ള​പ്പോൾ, നിസ്സഹാ​യ​രാ​കു​ന്ന​തു​പോ​ലെ നിങ്ങൾക്കു തോന്നി​യേ​ക്കാം. നിങ്ങളു​ടെ സാഹച​ര്യ​ത്തി​ന്റെ യാഥാർഥ്യ​ത്തെ അംഗീ​ക​രി​ക്കുക. നിങ്ങളു​ടെ പരിമി​തി​കൾ മനസ്സി​ലാ​ക്കുക—രോഗി​യു​ടെ ആരോ​ഗ്യ​നില നിങ്ങൾക്കു നിയ​ന്ത്രി​ക്കാ​വു​ന്നതല്ല, എന്നാൽ നിങ്ങൾക്ക്‌ അനുക​മ്പാ​പൂർവം പരിച​ര​ണ​മേ​കാൻ കഴിയും. നിങ്ങളിൽനി​ന്നോ രോഗി​യിൽനി​ന്നോ നിങ്ങളെ പിന്തു​ണ​യ്‌ക്കു​ന്ന​വ​രിൽനി​ന്നോ പൂർണത പ്രതീ​ക്ഷി​ക്ക​രുത്‌. സമനി​ല​യോ​ടു കൂടിയ സമീപനം നിസ്സഹാ​യ​ബോ​ധം മാത്രമല്ല, ജോലി​യു​ടെ ഭാരവും കുറയ്‌ക്കും. പ്രിയ​പ്പെട്ട ഒരാളെ പരിച​രി​ച്ചി​ട്ടുള്ള പലരും ഇങ്ങനെ ഉപദേ​ശി​ക്കു​ന്നു: അന്നന്നത്തെ പ്രശ്‌ന​ങ്ങളെ അന്നന്ന്‌ അഭിമു​ഖീ​ക​രി​ക്കാൻ പഠിക്കുക.—മത്തായി 6:34.

[8-ാം പേജിലെ ആകർഷ​ക​വാ​ക്യം]

“നിങ്ങളു​ടെ ഭയത്തെ നേരിട്ട്‌, അതിനെ നിയ​ന്ത്രി​ക്കുക. യാഥാർഥ്യ​ത്തെ​ക്കാൾ കഷ്ടം എന്തു സംഭവി​ച്ചേ​ക്കും എന്ന ഭയമാണ്‌”

[7-ാം പേജിലെ ചതുരം]

പരിചരണമേകുന്നവരിൽനിന്നുള്ള പ്രോ​ത്സാ​ഹന വാക്കുകൾ

“നിങ്ങ​ളെ​ക്കു​റി​ച്ചു​ത​ന്നെ​യുള്ള നിഷേ​ധാ​ത്മക ചിന്തക​ളാൽ ദുഃഖി​ക്ക​രുത്‌. അത്തരം സാഹച​ര്യ​ങ്ങ​ളിൻകീ​ഴിൽ അതു സാധാ​ര​ണ​മാണ്‌. തീർച്ച​യാ​യും, നിങ്ങളു​ടെ വികാ​ര​ങ്ങളെ അടക്കി​വെ​ക്ക​രുത്‌. വിശ്വാ​സ​മർപ്പി​ക്കാ​വുന്ന ആരോ​ടെ​ങ്കി​ലും നിങ്ങളു​ടെ തോന്ന​ലു​ക​ളെ​ക്കു​റി​ച്ചു തുറന്നു​പ​റ​യുക. സാധി​ക്കു​മെ​ങ്കിൽ, നവോ​ന്മേഷം ലഭിക്കാൻ വിശ്ര​മ​മെ​ടു​ക്കുക, കുറച്ചു​നാൾ വിട്ടു​നിൽക്കുക.”—ഒരു ക്ലിനി​ക്കിൽ ജോലി​ചെ​യ്‌തി​രുന്ന ലൂസി. പരിച​ര​ണ​മേ​കുന്ന പലരെ​യും അതു​പോ​ലെ രോഗി​ക​ളെ​യും സഹായി​ക്കു​ന്നത്‌ അവരുടെ ജോലി​യിൽ ഉൾപ്പെ​ട്ടി​രു​ന്നു.

“സഹായി​ക്കാൻ സാധി​ക്കു​ന്ന​വ​രും സന്നദ്ധരു​മായ കുടും​ബാം​ഗ​ങ്ങ​ളോ സുഹൃ​ത്തു​ക്ക​ളോ ഉണ്ടെങ്കിൽ അവർ സഹായി​ക്കട്ടെ. നിങ്ങൾ മറ്റുള്ള​വ​രു​മാ​യി ഭാരം പങ്കിടു​ന്നതു മർമ​പ്ര​ധാ​ന​മാണ്‌.—തന്റെ പിതാ​വി​നെ ശുശ്രൂ​ഷി​ച്ചി​രുന്ന സൂ. ഹോഡ്‌ജ്‌കിൻസ്‌ രോഗം മൂലമാണ്‌ അദ്ദേഹം മരിച്ചത്‌.

“നർമരസം നട്ടുവ​ളർത്താൻ പഠിക്കുക.”—കാൻസർ നിമിത്തം മരണമടഞ്ഞ പ്രിയ​പ്പെട്ട കൂട്ടു​കാ​രി​യെ പരിച​രി​ക്കു​ന്ന​തിൽ സഹായി​ച്ചി​രുന്ന മരിയ.

“ആത്മീയ​മാ​യി ബലിഷ്‌ഠ​രാ​യി​രി​ക്കുക. യഹോ​വ​യോ​ട​ടു​ത്തു​ചെ​ല്ലുക, ഇടവി​ടാ​തെ പ്രാർഥി​ക്കുക. (1 തെസ്സ​ലൊ​നീ​ക്യർ 5:17, 18; യാക്കോബ്‌ 4:8) തന്റെ ആത്മാവ്‌, വചനം, ഭൗമിക ദാസന്മാർ, വാഗ്‌ദ​ത്തങ്ങൾ എന്നിവ മുഖാ​ന്തരം അവൻ നമുക്ക്‌ സഹായ​വും ആശ്വാ​സ​വും പ്രദാനം ചെയ്യുന്നു. കഴിയു​ന്ന​ത്ര​യും സംഘടി​ത​രാ​യി​രി​ക്കാൻ ശ്രമി​ക്കുക. ഉദാഹ​ര​ണ​ത്തിന്‌, മരുന്നു​കൾക്കാ​യുള്ള പട്ടിക​യും സഹായി​കൾക്കാ​യുള്ള ജോലി​സ​മ​യ​വി​വ​ര​പ്പ​ട്ടി​ക​യും തയ്യാറാ​ക്കാൻ അതു സഹായി​ക്കും.”—മരിച്ചു​കൊ​ണ്ടി​രുന്ന അളിയനെ പരിച​രി​ച്ചി​രുന്ന യാൽമർ.

“നിങ്ങളു​ടെ രോഗി​യു​ടെ അസുഖ​ത്തെ​ക്കു​റിച്ച്‌ സാധി​ക്കു​ന്നി​ട​ത്തോ​ളം വിവരങ്ങൾ മനസ്സി​ലാ​ക്കുക. രോഗി​യിൽനി​ന്നും നിങ്ങളിൽനി​ന്നും എന്തു പ്രതീ​ക്ഷി​ക്ക​ണ​മെ​ന്ന​തും രോഗി​യെ എങ്ങനെ പരിച​രി​ക്ക​ണ​മെ​ന്ന​തും സംബന്ധിച്ച്‌ അറിയാൻ അതു നിങ്ങളെ സഹായി​ക്കും.”—ജോൺ. അവരുടെ ഭർത്താ​വിന്‌ അൽ​ഷൈ​മേ​ഴ്‌സ്‌ രോഗ​മുണ്ട്‌.

“നിങ്ങൾക്കു​മുമ്പ്‌ മറ്റുള്ള​വ​രും ഇത്തരം സാഹച​ര്യ​ങ്ങൾ കൈകാ​ര്യം ചെയ്‌തി​ട്ടു​ണ്ടെ​ന്നും എന്തു സംഭവി​ച്ചാ​ലും അതിനെ തരണം ചെയ്യാൻ സാധി​ക്ക​ത്ത​ക്ക​വി​ധം യഹോ​വ​യ്‌ക്കു നിങ്ങളെ സഹായി​ക്കാൻ കഴിയു​മെ​ന്നും മനസ്സി​ലാ​ക്കുക.”—ഭർത്താവു മരിക്കു​ന്ന​തി​നു​മുമ്പ്‌ അദ്ദേഹത്തെ പരിച​രി​ച്ചി​രുന്ന ജിനി.

[8-ാം പേജിലെ ചിത്രം]

നിങ്ങളുടെ ഭയത്തെ ശമിപ്പി​ക്കാൻ അസുഖ​ത്തെ​ക്കു​റി​ച്ചു സാധ്യ​മാ​കു​ന്നി​ട​ത്തോ​ളം വിവരങ്ങൾ നേടുക

[9-ാം പേജിലെ ചിത്രം]

സഹാനുഭൂതിയുള്ള ഒരു സുഹൃ​ത്തി​നോ​ടു സംസാ​രി​ക്കു​ന്നതു വളരെ ആശ്വാസം കൈവ​രു​ത്തും