പരിച​ര​ണ​മേ​കുന്ന വ്യക്തി​യോ​ടു കരുതൽ പ്രകട​മാ​ക്കൽ മറ്റുള്ള​വർക്കു സഹായി​ക്കാ​നാ​കുന്ന വിധം

“ലോറീ​യും ഞാനും വിവാ​ഹി​ത​രാ​യിട്ട്‌ 55 വർഷമാ​യി. ഒരു ദീർഘ കാലഘട്ടം. എത്ര സന്തോ​ഷ​ക​ര​മായ വർഷങ്ങ​ളാ​യി​രു​ന്നെ​ന്നോ അത്‌! അദ്ദേഹത്തെ വീട്ടിൽത്തന്നെ നിറു​ത്താൻ സാധി​ക്കു​മാ​യി​രു​ന്നെ​ങ്കിൽ ഞാൻ അതു ചെയ്യു​മാ​യി​രു​ന്നു. പക്ഷേ എന്റെ ആരോ​ഗ്യം ക്ഷയിക്കാൻ തുടങ്ങി. ഒടുവിൽ അദ്ദേഹത്തെ ഒരു ആതുരാ​ല​യ​ത്തി​ലേക്കു പറഞ്ഞയ​യ്‌ക്കാൻ വേണ്ട ഏർപ്പാ​ടു​കൾ എനിക്കു ചെയ്യേ​ണ്ട​താ​യി വന്നു. ഇതു വിവരി​ക്കു​മ്പോ​ഴത്തെ വൈകാ​രിക വേദന എനിക്കു സഹിക്കാ​വു​ന്ന​തി​ല​പ്പു​റ​മാണ്‌. ഞാൻ അദ്ദേഹത്തെ സ്‌നേ​ഹി​ക്കു​ന്നു, ആഴമായി ബഹുമാ​നി​ക്കു​ന്നു. എന്നാലാ​കും വിധം കൂടെ​ക്കൂ​ടെ അദ്ദേഹത്തെ ഞാൻ സന്ദർശി​ക്കു​ന്നുണ്ട്‌. ശാരീ​രി​ക​മാ​യി, എനിക്ക്‌ കൂടു​ത​ലൊ​ന്നും ചെയ്യാൻ കഴിയില്ല.”—78 വയസ്സുള്ള അന്ന. അൽ​ഷൈ​മേ​ഴ്‌സ്‌ രോഗ​മുള്ള ഭർത്താ​വി​നെ പത്തു വർഷത്തി​ലേ​റെ​യും ഡൗൺസ്‌ സിൻ​ഡ്രോ​മുള്ള മകളെ കഴിഞ്ഞ 40 വർഷ​ത്തോ​ള​വും അവർ പരിച​രി​ച്ചി​ട്ടുണ്ട്‌.a

അന്നയു​ടേത്‌ ഒരസാ​ധാ​രണ സംഭവമല്ല. “ചില പ്രായ​പ​രി​ധി​ക​ളിൽപ്പെട്ട (40-കളിലും 50-കളിലും) മൊത്തം സ്‌ത്രീ​ക​ളിൽ രണ്ടി​ലൊ​രാൾ വീതം പരിച​ര​ണ​മേ​കു​ന്ന​വ​രാണ്‌” എന്ന്‌ ബ്രിട്ടീഷ്‌ ദ്വീപു​ക​ളിൽ നടത്തിയ ഒരു സർവേ വെളി​പ്പെ​ടു​ത്തി. മുമ്പ്‌ ചർച്ച ചെയ്‌ത​തു​പോ​ലെ പരിച​ര​ണ​മേ​കു​ന്നവർ നേരി​ടുന്ന വൈകാ​രിക പ്രക്ഷു​ബ്ധ​ത​യും പ്രശ്‌ന​ങ്ങ​ളും ചില​പ്പോൾ താങ്ങാ​വു​ന്ന​തി​ലു​മ​പ്പു​റ​മാ​ണെന്നു തോന്നി​യേ​ക്കാം.

“പരിച​ര​ണ​മേ​കു​ന്ന​വ​രിൽ ഏതാണ്ട്‌ 50 ശതമാ​ന​ത്തി​നെ​ങ്കി​ലും പരിച​ര​ണ​ത്തി​ന്റെ ആദ്യത്തെ വർഷം വിഷാദം അനുഭ​വ​പ്പെ​ടാ​നുള്ള സാധ്യ​ത​യു​ണ്ടെന്നു ഞാൻ കരുതു​ന്നു,” അമേരി​ക്കൻ ജെറി​യാ​ട്രി​ക്‌സ്‌ സൊ​സൈ​റ്റി​യി​ലെ ഡോ. ഫ്രെ​ഡ്രിക്‌ ഷർമൻ പറയുന്നു. അന്നയെ​പ്പോ​ലെ പ്രായ​മേ​റി​യ​വരെ സംബന്ധി​ച്ചി​ട​ത്തോ​ളം തങ്ങളുടെ കുറഞ്ഞു​വ​രുന്ന ശക്തിയും ക്ഷയിച്ചു​വ​രുന്ന ആരോ​ഗ്യ​വും സാഹച​ര്യ​ത്തെ കൈകാ​ര്യം ചെയ്യു​ന്നതു വളരെ​യ​ധി​കം പ്രയാ​സ​ക​ര​മാ​ക്കി​യേ​ക്കാം.

തങ്ങളുടെ ഉത്തരവാ​ദി​ത്വ​ങ്ങൾ വിജയ​ക​ര​മാ​യി കൈകാ​ര്യം ചെയ്യു​ന്ന​തി​നു പരിച​ര​ണ​മേ​കു​ന്ന​വരെ സഹായി​ക്കാൻ നാം അവരുടെ ആവശ്യ​ങ്ങ​ളെ​ക്കു​റി​ച്ചു ബോധ​മു​ള്ള​വ​രാ​യി​രി​ക്കണം. ആ ആവശ്യങ്ങൾ എന്തൊ​ക്കെ​യാണ്‌? നമുക്ക്‌ അവയോട്‌ എങ്ങനെ പ്രതി​ക​രി​ക്കാൻ കഴിയും?

പരിച​ര​ണ​മേ​കു​ന്നവർ സംസാ​രി​ക്കേണ്ട ആവശ്യ​മുണ്ട്‌

“എനി​ക്കെന്റെ ചുമ​ടൊന്ന്‌ ഇറക്കി വെക്കേണ്ട ആവശ്യ​മു​ണ്ടാ​യി​രു​ന്നു,” മരിച്ചു​കൊ​ണ്ടി​രുന്ന കൂട്ടു​കാ​രി​യെ പരിച​രി​ച്ചി​രുന്ന ഒരു സ്‌ത്രീ പറഞ്ഞു. മുൻ ലേഖന​ത്തിൽ കാണി​ച്ചി​രു​ന്ന​തു​പോ​ലെ സഹാനു​ഭൂ​തി​യുള്ള ഒരു സുഹൃ​ത്തി​നോ​ടു പ്രശ്‌ന​ങ്ങ​ളെ​ക്കു​റി​ച്ചു പറയാൻ സാധി​ക്കു​ന്നെ​ങ്കിൽ അവയെ നേരി​ടാ​നും കൈകാ​ര്യം ചെയ്യാ​നും എളുപ്പ​മാ​യി​രി​ക്കും. തങ്ങളുടെ സാഹച​ര്യ​ങ്ങ​ളിൽ കുടു​ങ്ങി​പ്പോ​യ​താ​യി തോന്നുന്ന, പരിച​ര​ണ​മേ​കുന്ന അനേക​രും തങ്ങളുടെ സ്ഥിതി​യെ​ക്കു​റി​ച്ചു തുറന്നു പറയു​ന്നത്‌, തങ്ങളുടെ വികാ​ര​ങ്ങളെ വ്യക്തമാ​ക്കു​ന്ന​തി​നും ഉള്ളിൽ കെട്ടി​ക്കി​ട​ക്കുന്ന സമ്മർദ​ത്തിന്‌ അയവു​വ​രു​ത്തു​ന്ന​തി​നും സഹായി​ക്കു​ന്ന​താ​യി കണ്ടെത്തു​ന്നു.

“ഞങ്ങൾ ഇരുവർക്കും ധാർമിക പിന്തുണ ആവശ്യ​മാ​ണെന്നു സുഹൃ​ത്തു​ക്കൾ തിരി​ച്ച​റി​ഞ്ഞ​പ്പോൾ ഞാൻ അതു വിലമ​തി​ച്ചു,” ഭർത്താ​വി​നെ പരിച​രി​ച്ചി​രുന്ന സമയ​ത്തെ​ക്കു​റി​ച്ചു ജിനി അനുസ്‌മ​രി​ക്കു​ന്നു. പരിച​രി​ക്കു​ന്ന​വർക്കു പ്രോ​ത്സാ​ഹ​ന​വും കരയു​മ്പോൾ താങ്ങാൻ ഒരു ചുമലും ആവശ്യ​മാ​ണെന്ന്‌ അവർ വിശദ​മാ​ക്കു​ന്നു. രോഗി​യായ അളിയനെ ശുശ്രൂ​ഷി​ക്കു​ന്ന​തിൽ സഹായി​ച്ചി​രുന്ന യാൽമർ ഇങ്ങനെ സമ്മതി​ച്ചു​പ​റ​യു​ന്നു: “ഞാൻ ഭയപ്പെ​ടുന്ന കാര്യ​ങ്ങ​ളെ​യും പ്രശ്‌ന​ങ്ങ​ളെ​യും കുറിച്ചു കേൾക്കാൻ കഴിയുന്ന, എന്റെ വികാ​രങ്ങൾ മനസ്സി​ലാ​ക്കാൻ കഴിയുന്ന ആരെ​യെ​ങ്കി​ലും എനിക്കു വേണമാ​യി​രു​ന്നു.” അടുത്ത ഒരു സുഹൃ​ത്തി​നെ​ക്കു​റി​ച്ചു യാൽമർ ഇപ്രകാ​രം കൂട്ടി​ച്ചേർക്കു​ന്നു: “വെറും അരമണി​ക്കൂർ നേര​ത്തേ​ക്കാ​ണെ​ങ്കി​ലും അദ്ദേഹത്തെ സന്ദർശി​ക്കു​ന്നതു വളരെ ഉന്മേഷ​ദാ​യ​ക​മാ​യി​രു​ന്നു. ഞാൻ പറയു​ന്നത്‌ അദ്ദേഹം ശ്രദ്ധി​ച്ചു​കേൾക്കും. അദ്ദേഹം ശരിക്കും കരുത​ലു​ള്ള​വ​നാ​യി​രു​ന്നു. അതിനു​ശേഷം എനിക്ക്‌ ഉന്മേഷം കൈവ​രു​മാ​യി​രു​ന്നു.”

പരിച​ര​ണ​മേ​കു​ന്ന​വർക്ക്‌, തങ്ങളെ മനസ്സി​ലാ​ക്കാൻ കഴിവുള്ള, തങ്ങൾ പറയു​ന്നതു ശ്രദ്ധി​ക്കുന്ന ഒരു വ്യക്തി​യിൽനി​ന്നു വളരെ​യ​ധി​കം പ്രോ​ത്സാ​ഹനം കൈവ​രി​ക്കാൻ സാധി​ക്കും. “കേൾപ്പാൻ വേഗത​യും പറവാൻ താമസ​വും ഉള്ളവർ ആയിരി”ക്കാൻ ബൈബിൾ ബുദ്ധി​പൂർവം ഉപദേ​ശി​ക്കു​ന്നു. (യാക്കോബ്‌ 1:19) “യഥാർഥ ആശ്വാസം പ്രദാനം ചെയ്യാൻ, പിന്തുണ ലഭ്യമാ​ണെന്ന്‌ അറിയു​ന്നതു മാത്രം മതിയാ​കും” എന്ന്‌ ദ ജേർണൽസ്‌ ഓഫ്‌ ജെറ​ന്റോ​ള​ജി​യി​ലെ ഒരു റിപ്പോർട്ടു വെളി​പ്പെ​ടു​ത്തി.

എങ്കിലും, കേൾക്കാൻ ഒരുക്ക​മുള്ള ചെവി​ക്കും ധാർമിക പിന്തു​ണ​യ്‌ക്കും പുറമേ രോഗി​കളെ പരിച​രി​ക്കു​ന്ന​വർക്ക്‌ എന്താണ്‌ ആവശ്യ​മാ​യി​രി​ക്കു​ന്നത്‌?

പ്രാ​യോ​ഗിക സഹായം പ്രദാനം ചെയ്യൽ

“സ്‌നേ​ഹ​വും പ്രോ​ത്സാ​ഹ​ന​വും ഏതു മാധ്യ​മ​ത്തി​ലൂ​ടെ പ്രകടി​പ്പി​ച്ചാ​ലും രോഗി​യും കുടും​ബ​വും അതിൽനി​ന്നു പ്രയോ​ജനം അനുഭ​വി​ക്കും,” ഡോ. എർണസ്റ്റ്‌ റോസൻബാ​വും പറയുന്നു. തുടക്ക​ത്തിൽ അത്തരം “സ്‌നേ​ഹ​വും പ്രോ​ത്സാ​ഹ​ന​വും” വ്യക്തി​പ​ര​മായ സന്ദർശ​ന​ത്തി​ലൂ​ടെ​യോ ഫോണി​ലൂ​ടെ​യോ ഹ്രസ്വ​മായ ഒരു കുറി​പ്പി​ലൂ​ടെ​യോ (സാധി​ക്കു​മെ​ങ്കിൽ അതോ​ടൊ​പ്പം പുഷ്‌പ​ങ്ങ​ളോ മറ്റ്‌ സമ്മാന​ങ്ങ​ളോ നൽകാം) പ്രകട​മാ​ക്കാ​വു​ന്ന​താണ്‌.

“ഞങ്ങളുടെ സുഹൃ​ത്തു​ക്ക​ളു​ടെ ഹ്രസ്വ സന്ദർശ​നങ്ങൾ ആശ്വാ​സ​ദാ​യ​ക​മാ​യി​രു​ന്നു.” ഹോഡ്‌ജ്‌കിൻസ്‌ രോഗം മൂലം പിതാവ്‌ മരിച്ചു​കൊ​ണ്ടി​രു​ന്ന​പ്പോൾ തന്റെ കുടും​ബ​ത്തി​നു ലഭിച്ച പിന്തു​ണ​യെ​ക്കു​റി​ച്ചു സൂ അനുസ്‌മ​രി​ക്കു​ന്നു. “എന്റെ സുഹൃ​ത്തു​ക്ക​ളി​ലൊ​രാൾ ഫോൺ വിളി​കൾക്കു മറുപടി നൽകു​ക​യും ഞങ്ങളു​ടെ​യെ​ല്ലാം വസ്‌ത്രങ്ങൾ അലക്കി​ത്തേ​ക്കാൻ സഹായി​ക്കു​ക​യും ചെയ്‌തു.”

പരിച​ര​ണ​മേ​കു​ന്ന​വർക്കുള്ള പിന്തു​ണ​യിൽ നിശ്ചി​ത​വും വാസ്‌ത​വി​ക​വു​മായ പിന്തുണ ഉൾപ്പെ​ടു​ത്താൻ കഴിയും, അതു ചെയ്യേ​ണ്ട​താ​ണു​താ​നും. എൽസ അനുസ്‌മ​രി​ക്കു​ന്നു: “സുഹൃ​ത്തു​ക്കൾ പ്രാ​യോ​ഗിക പിന്തുണ വാഗ്‌ദാ​നം ചെയ്‌തതു സഹായ​ക​മാ​യി ഞാൻ കണ്ടെത്തി. ‘ഞാൻ എന്തെങ്കി​ലും ചെയ്യേ​ണ്ട​തു​ണ്ടെ​ങ്കിൽ എന്നെ അറിയി​ക്കുക’ എന്നു വെറുതെ പറയു​കയല്ല അവർ ചെയ്‌തത്‌. മറിച്ച്‌, അവർ പറഞ്ഞത്‌ ഇങ്ങനെ​യാണ്‌: ‘ഞാൻ ഷോപ്പി​ങ്ങി​നു പോകു​ക​യാണ്‌. ഞാൻ എന്താണു കൊണ്ടു​വ​രേ​ണ്ടത്‌?’ ‘ഞാൻ നിന്റെ പൂന്തോ​ട്ടം പരിപാ​ലി​ച്ചോ​ട്ടെ?’ ‘രോഗി​യു​ടെ കൂടെ ഇരിക്കാ​നും അവരെ പുസ്‌തകം വായി​ച്ചു​കേൾപ്പി​ക്കാ​നും എനിക്കി​പ്പോൾ കഴിയും.’ രോഗി​ണി​യായ സുഹൃത്ത്‌ ക്ഷീണി​ച്ചി​രി​ക്കു​ക​യോ ഉറങ്ങു​ക​യോ ചെയ്യുന്ന സമയത്തു സന്ദർശ​ക​രെ​ക്കൊണ്ട്‌ ഒരു നോട്ടു​പു​സ്‌ത​ക​ത്തിൽ സന്ദേശം എഴുതി​ക്കാൻ വേണ്ട ഏർപ്പാടു ചെയ്‌ത​തും പ്രാ​യോ​ഗി​ക​മായ ഒരു സംഗതി​യാ​ണെന്നു ഞങ്ങൾ കണ്ടെത്തി. അതു ഞങ്ങൾക്കെ​ല്ലാം വളരെ ആനന്ദ​മേകി.”

സഹായം വാഗ്‌ദാ​നം ചെയ്യു​ന്ന​തിൽ അനേകം ഗൃഹ​ജോ​ലി​ക​ളിൽ ഏതെങ്കി​ലും ഒന്ന്‌ ഉൾപ്പെ​ടു​ത്താ​വു​ന്ന​താണ്‌. റോസ്‌ വിവരി​ക്കു​ന്നു: “കിടക്ക വിരി​ക്കുക, രോഗി​ക്കു​വേണ്ടി എഴുത്തു​കൾ എഴുതുക, രോഗി​യു​ടെ സന്ദർശ​കരെ സത്‌ക​രി​ക്കുക, മരുന്നു വാങ്ങുക, രോഗി​യു​ടെ മുടി കഴുകി അതു കെട്ടി​ക്കൊ​ടു​ക്കുക, പാത്രങ്ങൾ കഴുകുക എന്നിങ്ങ​നെ​യുള്ള കാര്യ​ങ്ങ​ളി​ലൊ​ക്കെ​യുള്ള സഹായം ഞാൻ വിലമ​തി​ച്ചു.” മാറി​മാ​റി രോഗി​ക്കു ഭക്ഷണം പാകം​ചെ​യ്‌തു​കൊ​ണ്ടും കുടും​ബ​ത്തി​നും സുഹൃ​ത്തു​ക്കൾക്കും പരിച​ര​ണ​മേ​കുന്ന വ്യക്തിയെ സഹായി​ക്കാ​വു​ന്ന​താണ്‌.

ഉചിത​മാ​യ സന്ദർഭ​ങ്ങ​ളിൽ ശുശ്രൂ​ഷ​യു​ടെ അടിസ്ഥാന വശങ്ങളിൽ സഹായി​ക്കു​ന്ന​തും പ്രാ​യോ​ഗി​ക​മാണ്‌. ഉദാഹ​ര​ണ​ത്തിന്‌, രോഗി​യെ ഊട്ടു​ന്ന​തി​ലും കുളി​പ്പി​ക്കു​ന്ന​തി​ലും പരിച​ര​ണ​മേ​കുന്ന വ്യക്തിക്കു സഹായം ആവശ്യ​മാ​യി​രി​ക്കാം.

ബന്ധപ്പെട്ട കുടും​ബാം​ഗ​ങ്ങ​ളും സുഹൃ​ത്തു​ക്ക​ളും അസുഖ​ത്തി​ന്റെ ആരംഭ​ത്തിൽ പ്രാ​യോ​ഗിക സഹായങ്ങൾ നൽകി​യേ​ക്കാം. എന്നാൽ രോഗം നീണ്ടു​നിൽക്കു​ന്നെ​ങ്കി​ലോ? നമ്മുടെ തിര​ക്കേ​റിയ പട്ടിക​യിൽ മുഴു​കി​യി​രു​ന്നാൽ നടക്കു​ന്ന​തെ​ന്താ​ണെന്നു നാം എളുപ്പം മറന്നു​പോ​യേ​ക്കാ​മെന്നു മാത്രമല്ല, രോഗി​യെ പരിച​രി​ക്കുന്ന ആൾ നേരി​ടുന്ന, നിലയ്‌ക്കാത്ത—ഒരുപക്ഷേ കുന്നു​കൂ​ടി​യേ​ക്കാ​വുന്ന—സമ്മർദത്തെ വർധി​പ്പി​ക്കു​ക​യും ചെയ്‌തേ​ക്കാം. അനിവാ​ര്യ​മായ പിന്തുണ കുറഞ്ഞു​പോ​കു​ന്നത്‌ എത്ര ദുഃഖ​ക​ര​മാ​യി​രി​ക്കും!

അങ്ങനെ സംഭവി​ക്കു​ന്നെ​ങ്കിൽ പരിച​ര​ണ​മേ​കുന്ന വ്യക്തി, രോഗി​യു​ടെ പരിച​ര​ണ​ത്തെ​ക്കു​റി​ച്ചു ചർച്ച ചെയ്യാൻ ഒരു കുടും​ബ​യോ​ഗം വിളി​ച്ചു​കൂ​ട്ടു​ന്നത്‌ ഉചിത​മാ​യി​രി​ക്കും. പിന്തു​ണ​യ്‌ക്കാൻ സന്നദ്ധത പ്രകടി​പ്പിച്ച സുഹൃ​ത്തു​ക്ക​ളു​ടെ​യും ബന്ധുക്ക​ളു​ടെ​യും സഹായം തേടാൻ മിക്ക​പ്പോ​ഴും സാധി​ക്കും. സൂവും കുടും​ബ​വും ചെയ്‌തത്‌ അതുത​ന്നെ​യാ​യി​രു​ന്നു. “ആവശ്യം വന്നപ്പോൾ, സഹായി​ക്കാ​മെന്നു വാഗ്‌ദാ​നം ചെയ്‌ത​വരെ ഓർമിച്ച്‌, ഞങ്ങൾ അവർക്കു ഫോൺ ചെയ്‌തു. അവരോ​ടു സഹായം ആവശ്യ​പ്പെ​ടാ​മെന്നു ഞങ്ങൾക്കു തോന്നി,” അവൾ പറയുന്നു.

അവർക്കു വിശ്രമം നൽകൂ

“അത്‌ തികച്ചും അനിവാ​ര്യ​മാണ്‌. അതായത്‌, വിട്ടു​മാ​റാത്ത അസുഖ​മുള്ള ഒരു രോഗി​യെ ഇരുപ​ത്തി​നാ​ലു മണിക്കൂ​റും പരിച​രി​ക്കു​ന്ന​തിൽനി​ന്നു ‘വിട്ടു​നിൽക്കു’വാൻ സാധി​ക്കു​ന്നത്‌, ഇരുവർക്കും [പരിച​ര​ണ​മേ​കുന്ന ആൾക്കും] [രോഗി​ക്കും] അനിവാ​ര്യ​മാണ്‌. . . . ആരെ​യെ​ങ്കി​ലും തുടർന്നും പരിച​രി​ക്കാൻ സാധി​ക്കേ​ണ്ട​തിന്‌ ചെയ്യാൻ കഴിയുന്ന പ്രധാന സംഗതി​ക​ളി​ലൊ​ന്നാ​ണു [രോഗി​യെ] പരിച​രി​ക്കു​ന്ന​തിൽനി​ന്നു വിട്ടു​നിൽക്കു​ന്നത്‌” എന്ന്‌ 36-മണിക്കൂ​റുള്ള ദിവസം (ഇംഗ്ലീഷ്‌) എന്ന പുസ്‌തകം പറയുന്നു. പരിച​ര​ണ​മേ​കു​ന്നവർ ഇതി​നോ​ടു യോജി​ക്കു​ന്നു​ണ്ടോ?

“തീർച്ച​യാ​യും,” കാൻസർനി​മി​ത്തം മരിച്ചു​കൊ​ണ്ടി​രുന്ന അടുത്ത സുഹൃ​ത്തി​നെ പരിച​രി​ക്കു​ന്ന​തിൽ സഹായി​ച്ചി​രുന്ന മരിയ പ്രതി​വ​ചി​ക്കു​ന്നു. “സമയാ​സ​മയം എനി​ക്കൊ​രു ‘ഇടവേള ആവശ്യ​മാ​യി​രു​ന്നു.’ പരിച​രണം കുറച്ചു​സ​മ​യ​ത്തേക്കു മറ്റാ​രെ​ങ്കി​ലും ഏറ്റെടു​ക്കേ​ണ്ട​തും ആവശ്യ​മാ​യി​രു​ന്നു.” അൽ​ഷൈ​മേ​ഴ്‌സ്‌ രോഗ​മുള്ള ഭർത്താ​വി​നെ പരിച​രി​ച്ചി​രുന്ന ജോണി​നും ഇതേ അഭി​പ്രാ​യം​ത​ന്നെ​യാണ്‌. “ഇടയ്‌ക്കി​ടെ ഇടവേള വേണ​മെ​ന്നു​ള്ള​താ​ണു ഞങ്ങളുടെ ഏറ്റവും വലിയ ആവശ്യം.”

എങ്കിലും, തങ്ങളുടെ ഉത്തരവാ​ദി​ത്വ​ത്തി​ന്റെ സമ്മർദ​ങ്ങ​ളിൽനിന്ന്‌ അവർക്കൊ​രു ഇടവേള എങ്ങനെ ലഭിക്കും? പ്രായ​മായ മാതാ​പി​താ​ക്കളെ പരിച​രി​ച്ചി​രുന്ന ജെനിഫർ തനിക്ക്‌ എങ്ങനെ​യാണ്‌ ആശ്വാസം ലഭിച്ച​തെന്നു സൂചി​പ്പി​ക്കു​ന്നു: “കുടും​ബ​സു​ഹൃത്ത്‌ ചില​പ്പോ​ഴൊ​ക്കെ ഞങ്ങൾക്കു വിശ്രമം നൽകാ​നാ​യി ഒരു ദിവസ​ത്തേക്ക്‌ അമ്മയെ കൊണ്ടു​പോ​കു​മാ​യി​രു​ന്നു.”

പ്രാ​യോ​ഗി​ക​മാ​ണെ​ങ്കിൽ രോഗി​യെ കുറച്ചു​കാ​ല​ത്തേക്കു നിങ്ങളു​ടെ​കൂ​ടെ കൊണ്ടു​പോ​യാൽ പരിച​രി​ക്കുന്ന ആൾക്ക്‌ അൽപ്പം വിശ്ര​മ​മേ​കാൻ നിങ്ങൾക്കു കഴിയും. ജോൺ പറയുന്നു: “ഇടയ്‌ക്കെ​ല്ലാം എനിക്കു തനിച്ചാ​യി​രി​ക്കാൻ കഴിയും​വി​ധം ആരെങ്കി​ലും എന്റെ ഭർത്താ​വി​നെ പുറ​ത്തേക്കു കൊണ്ടു​പോ​കു​ന്നത്‌ ഉന്മേഷ​ദാ​യ​ക​മാ​യി എനിക്കു തോന്നു​ന്നു. കാരണം എനിക്ക്‌ എപ്പോ​ഴെ​ങ്കി​ലു​മൊ​ക്കെ വെറു​തെ​യി​രി​ക്കാ​മ​ല്ലോ.” അല്ലെങ്കിൽ, രോഗി​യോ​ടൊ​പ്പം അയാളു​ടെ വീട്ടിൽ സമയം ചെലവ​ഴി​ക്കാൻ സാധി​ക്കും. ഏതെങ്കി​ലും രീതി​യിൽ, രോഗി​യെ പരിച​രി​ക്കുന്ന വ്യക്തിക്ക്‌ അനിവാ​ര്യ​മായ വിശ്രമം ലഭിക്കാൻ അവസര​മൊ​രു​ക്കുക.

എന്നിരു​ന്നാ​ലും, പരിച​ര​ണ​മേ​കുന്ന ആളുകൾക്കു വിശ്ര​മി​ക്കാൻ എപ്പോ​ഴും എളുപ്പ​ത്തിൽ സാധി​ക്കില്ല എന്നതു മനസ്സിൽ പിടി​ക്കുക. പ്രിയ​പ്പെട്ട ആളിന്റെ അരികിൽനി​ന്നു മാറി​പ്പോ​കു​ന്ന​തിൽ അവർക്കു കുറ്റ​ബോ​ധം തോന്നി​യേ​ക്കാം. “സാഹച​ര്യ​ത്തിൽനി​ന്നു വിട്ടു​മാ​റി വിനോ​ദ​ത്തി​ലേർപ്പെ​ടാ​നോ വിശ്ര​മി​ക്കാ​നോ എളുപ്പമല്ല,” യാൽമർ സമ്മതി​ക്കു​ന്നു. “എപ്പോ​ഴും ഞാനവി​ടെ ഉണ്ടായി​രി​ക്ക​ണ​മെന്ന്‌ എനിക്കു തോന്നി.” അളിയന്‌ അധികം ശ്രദ്ധ നൽകേ​ണ്ട​തി​ല്ലാഞ്ഞ സാഹച​ര്യ​ങ്ങ​ളിൽ വിട്ടു​നി​ന്ന​പ്പോൾ യാൽമ​റി​നു വലിയ മനസ്സമാ​ധാ​നം അനുഭ​വ​പ്പെട്ടു. മറ്റുചി​ലർ തങ്ങളുടെ പ്രിയ​പ്പെട്ട ആളെ ഏതാനും മണിക്കൂ​റു​കൾ മുതിർന്ന​വർക്കാ​യുള്ള പകൽ-പരിചരണ കേന്ദ്ര​ത്തിൽ നോക്കാൻ വേണ്ട ഏർപ്പാ​ടു​കൾ ചെയ്‌തി​ട്ടുണ്ട്‌.

എല്ലാ രോഗ​ങ്ങ​ളു​ടെ​യും അന്തം

ഗുരു​ത​ര​മായ രോഗം ബാധിച്ച പ്രിയ​പ്പെട്ട ഒരാളെ പരിച​രി​ക്കു​ന്നത്‌ തീർച്ച​യാ​യും വലിയ ഒരു ഉത്തരവാ​ദി​ത്വ​മാണ്‌. എങ്കിലും, പ്രിയ​പ്പെട്ട ഒരാളെ പരിച​രി​ക്കു​ന്നത്‌ അർഥവ​ത്തും സംതൃ​പ്‌തി​ദാ​യ​ക​വു​മായ ഒരു സംഗതി​യാണ്‌. ഇതു മൂലം കുടും​ബ​വും സുഹൃ​ത്തു​ക്ക​ളു​മാ​യുള്ള ഒരു ശക്തമായ ബന്ധം വികാസം പ്രാപി​ക്കു​ന്ന​താ​യി ഗവേഷ​ക​രും അതു​പോ​ലെ​തന്നെ രോഗി​യെ പരിച​രി​ക്കു​ന്ന​വ​രും ചൂണ്ടി​ക്കാ​ട്ടു​ന്നു. പരിച​ര​ണ​മേ​കു​ന്നവർ ഒട്ടുമി​ക്ക​പ്പോ​ഴും പുതിയ ഗുണങ്ങ​ളും കഴിവു​ക​ളും പഠിക്കു​ന്നു. അതു​പോ​ലെ​തന്നെ, പലരും ആത്മീയ പ്രയോ​ജ​ന​ങ്ങ​ളും അനുഭ​വി​ക്കു​ന്നു.

സർവ പ്രധാ​ന​മാ​യി, യഹോ​വ​യും അവന്റെ പുത്ര​നായ യേശു​ക്രി​സ്‌തു​വും അനുക​മ്പ​യോ​ടെ പരിച​ര​ണ​മേ​കു​ന്ന​തി​ന്റെ മകു​ടോ​ദാ​ഹ​ര​ണ​ങ്ങ​ളാണ്‌. എല്ലാ രോഗ​ങ്ങ​ളു​ടെ​യും കഷ്ടപ്പാ​ടു​ക​ളു​ടെ​യും മരണത്തി​ന്റെ​യും അന്ത്യം വളരെ അടുത്താ​ണെന്ന്‌ ബൈബിൾ പ്രവചനം ഉറപ്പേ​കു​ന്നു. താമസി​യാ​തെ, മനുഷ്യ​ന്റെ കരുത​ലു​ള്ള​വ​നായ സ്രഷ്ടാവ്‌ ഭൂമി​യി​ലെ നീതി​മാ​ന്മാ​രായ നിവാ​സി​കളെ പൂർണ സന്തോ​ഷ​മുള്ള, ആരോ​ഗ്യ​മുള്ള ഒരു പുതിയ ലോക​ത്തിൽ നിത്യ​ജീ​വൻ നൽകി അനു​ഗ്ര​ഹി​ക്കും. അവിടെ “എനിക്കു ദീനം എന്നു യാതൊ​രു നിവാ​സി​യും പറകയില്ല.”—യെശയ്യാ​വു 33:24; വെളി​പ്പാ​ടു 21:4.

[അടിക്കു​റിപ്പ്‌]

[11-ാം പേജിലെ ആകർഷ​ക​വാ​ക്യം]

രോഗിയുടെ ക്ഷേമം നിങ്ങളു​ടെ ക്ഷേമത്തെ ആശ്രയി​ച്ചി​രി​ക്കു​ന്നു

[12-ാം പേജിലെ ആകർഷ​ക​വാ​ക്യം]

നല്ല സുഹൃ​ത്തു​ക്ക​ളു​ടെ പിന്തുണ ഏറ്റവും പ്രയാ​സ​ക​ര​മായ ഘട്ടങ്ങളി​ലൂ​ടെ കടന്നു​പോ​കു​ന്ന​തി​നു നിങ്ങളെ സഹായി​ക്കും

[12-ാം പേജിലെ ചതുരം]

പരിചരണമേകൽ പ്രതി​ഫ​ല​ദാ​യ​ക​മാ​യി​രി​ക്കാൻ കഴിയും

‘പ്രതി​ഫ​ല​ദാ​യ​ക​മോ?’ ചിലർ അത്ഭുതം​കൂ​റി​യേ​ക്കാം. ‘അതെങ്ങനെ?’ പരിച​ര​ണ​മേ​കുന്ന പിൻവ​രുന്ന വ്യക്തികൾ ഉണരുക!യോടു പറഞ്ഞത്‌ എന്തെന്നു ശ്രദ്ധി​ക്കുക:

“ഒരുവന്റെ അനുധാ​വ​ന​ങ്ങ​ളും അഭിലാ​ഷ​ങ്ങ​ളും ത്യജി​ക്കു​ന്നതു സന്തോഷം കുറയ്‌ക്കു​മെന്ന്‌ അർഥമാ​ക്കു​ന്നില്ല. ‘വാങ്ങു​ന്ന​തി​നെ​ക്കാൾ കൊടു​ക്കു​ന്നതു ഭാഗ്യം [“സന്തോഷം,” NW].’ (പ്രവൃ​ത്തി​കൾ 20:35) നിങ്ങൾ സ്‌നേ​ഹി​ക്കുന്ന ആരെ​യെ​ങ്കി​ലും പരിച​രി​ക്കു​ന്നതു വളരെ സംതൃ​പ്‌തി​ക​ര​മാ​യി​രി​ക്കും.”—ജോൺ.

“യഥാർഥ ആവശ്യ​ത്തി​ന്റെ സമയത്ത്‌—അവർക്ക്‌ തിരി​ച്ചൊ​ന്നും ചെയ്യാൻ സാധി​ക്കാ​തി​രു​ന്ന​പ്പോൾ—എന്റെ പെങ്ങ​ളെ​യും അളിയ​നെ​യും സഹായി​ക്കാൻ കഴിഞ്ഞ​തിൽ ഞാൻ കൃതജ്ഞ​നാണ്‌. അതു ഞങ്ങളെ പരസ്‌പരം അടുപ്പി​ച്ചു. ഞാൻ സമ്പാദി​ച്ചി​ട്ടുള്ള ഈ അനുഭ​വ​പ​രി​ച​യം​വെച്ച്‌ ഇതേ സാഹച​ര്യ​ത്തി​ലുള്ള മറ്റാ​രെ​യെ​ങ്കി​ലും ഒരിക്ക​ലെ​നി​ക്കു സഹായി​ക്കാ​നാ​കു​മെന്നു ഞാൻ പ്രതീ​ക്ഷി​ക്കു​ന്നു.”—യാൽമർ.

“രോഗി​ണി​യായ എന്റെ കൂട്ടു​കാ​രി ബെറ്റി​യോ​ടു ഞാൻ പല പ്രാവ​ശ്യം പറഞ്ഞി​ട്ടു​ള്ള​തു​പോ​ലെ, ഞാൻ നൽകി​യി​ട്ടു​ള്ള​തി​നെ​ക്കാൾ വളരെ​യ​ധി​കം എനിക്കു ലഭിച്ചു. സമാനു​ഭാ​വ​വും ക്ഷമയും ഞാൻ പഠിച്ചു. ഏറ്റവും പ്രയാ​സ​ക​ര​മായ സാഹച​ര്യ​ങ്ങ​ളി​ലും ഒരു ക്രിയാ​ത്മക മനോ​ഭാ​വം നിലനിർത്താൻ സാധി​ക്കു​മെന്നു ഞാൻ പഠിച്ചു.”—എൽസ.

“ഞാൻ ശക്തയാ​യി​ത്തീർന്നു. യഹോ​വ​യാം ദൈവത്തെ നിത്യേന ആശ്രയിച്ച്‌ എന്റെ ആവശ്യങ്ങൾ തൃപ്‌തി​പ്പെ​ടു​ത്തുക എന്നു പറഞ്ഞാൽ എന്താ​ണെന്ന്‌ എനിക്കു പൂർണ​മാ​യി മനസ്സി​ലാ​ക്കാൻ സാധിച്ചു.”—ജിനി.

[13-ാം പേജിലെ ചതുരം]

പരിചരണമേകുന്ന ഒരാളെ സന്ദർശി​ക്കു​മ്പോൾ

•സമാനുഭാവത്തോടെ ശ്രദ്ധി​ക്കു​ക

• ഹൃദയം​ഗ​മ​മായ പ്രശംസ നൽകുക

• നിശ്ചിത സഹായം വാഗ്‌ദാ​നം ചെയ്യുക

[10-ാം പേജിലെ ചിത്രങ്ങൾ]

സാധനങ്ങൾ വാങ്ങി​ക്കൊ​ടു​ത്തു​കൊ​ണ്ടും ഭക്ഷണം പാകം​ചെ​യ്‌തു​കൊ​ണ്ടും അല്ലെങ്കിൽ രോഗി​യെ ശുശ്രൂ​ഷി​ക്കു​ന്ന​തിൽ സഹായി​ച്ചു​കൊ​ണ്ടും രോഗി​യെ പരിച​രി​ക്കുന്ന ആളെ സഹായി​ക്കു​ക