ലോകത്തെ വീക്ഷിക്കൽ

കുറ്റകൃ​ത്യം—ലാഭക​ര​മായ ബിസി​നസ്‌

ഇറ്റലി​യിൽ ആസൂ​ത്രിത കുറ്റകൃ​ത്യ​ങ്ങ​ളു​ടെ ഫലമായി പ്രതി​വർഷം 20,000-24,000 കോടി​യോ​ളം ഡോളർ ലഭിക്കു​ന്നു​ണ്ടെന്ന്‌ ഇറ്റലി​യി​ലെ ബിസി​ന​സു​കാ​രു​ടെ ഒരു സംഘട​ന​യായ വാണിജ്യ സഖ്യത്തി​ന്റെ 1997-ലെ റിപ്പോർട്ടു പറയുന്നു. മയക്കു​മ​രു​ന്നു കള്ളക്കട​ത്തി​ലൂ​ടെ ചുരു​ങ്ങി​യത്‌ 1800 കോടി ഡോള​റും വേശ്യാ​വൃ​ത്തി​യി​ലൂ​ടെ 1100 കോടി ഡോള​റും കൊള്ള​പ്പ​ലിശ, തട്ടിപ്പ്‌ എന്നിവ​യി​ലൂ​ടെ 1500-1800 കോടി​യോ​ളം ഡോള​റും ലഭിക്കു​ന്നു​ണ്ടെന്നു പറയ​പ്പെ​ടു​ന്നു. “വ്യവസാ​യ​സ്ഥാ​പ​ന​ങ്ങ​ളിൽ പത്തിൽ മൂന്നെ​ണ്ണ​ത്തി​ന്റെ നടത്തി​പ്പു​കാ​രായ വ്യക്തി​കൾക്കോ കമ്പനി​കൾക്കോ അക്രമ​സം​ഘ​ട​ന​ക​ളു​മാ​യി ബന്ധമു​ണ്ട​ത്രേ. ബാങ്കു​ക​ളിൽ ഓരോ ദിവസ​വും നടക്കുന്ന പണമി​ട​പാ​ടു​ക​ളിൽ 20-25 ശതമാനം ദുരൂ​ഹ​തകൾ നിറഞ്ഞ​താണ്‌,” ലാ റേപ്പൂ​ബ്ലി​ക്കാ എന്ന വർത്തമാ​ന​പ്പ​ത്രം പ്രസ്‌താ​വി​ക്കു​ന്നു.

പുസ്‌തക വായന ജനപ്രീ​തി​യു​ള്ള​താ​യി നിലനിൽക്കു​ന്നു

ബ്രിട്ടീ​ഷു​കാ​രു​ടെ വായനാ​ശീ​ലത്തെ കമ്പ്യൂട്ടർ ടെക്‌നോ​ളജി ഇനിയും കാര്യ​മാ​യി ബാധി​ച്ചി​ട്ടി​ല്ലെന്ന്‌ പോളി​സി സ്റ്റഡീസ്‌ ഇൻസ്റ്റി​റ്റ്യൂട്ട്‌ എന്ന സ്ഥാപനം നടത്തിയ ഒരു സർവേ തെളി​യി​ക്കു​ന്നു. ദ ടൈംസ്‌ റിപ്പോർട്ടു ചെയ്‌ത​ത​നു​സ​രിച്ച്‌ “സർവേക്കു വിധേ​യ​രാ​യ​വ​രിൽ പകുതി​യോ​ളം പേർ തങ്ങൾ ഉല്ലാസ​ത്തി​നു​വേണ്ടി ഒരു പുസ്‌തകം വായി​ക്കു​ന്നു​ണ്ടെന്നു പറഞ്ഞു. 1989-ലേതിനെ അപേക്ഷിച്ച്‌ ഈ അനുപാ​ത​ത്തി​നു കാര്യ​മായ മാറ്റ​മൊ​ന്നു​മില്ല.” സ്‌ത്രീ​ക​ളാ​ണു പുരു​ഷ​ന്മാ​രെ​ക്കാൾ അധികം വായി​ക്കു​ന്നത്‌. ഏറ്റവും വലിയ വായന​ക്കാർ 55-നു മേൽ പ്രായ​മു​ള്ള​വ​രാണ്‌. പാചക​വി​ധി​ക​ളുള്ള പുസ്‌ത​ക​ങ്ങ​ളാണ്‌ ഏറ്റവും കൂടുതൽ പ്രചാരം. ക്രൈം, ത്രില്ലർ കഥകളും പ്രണയ നോവ​ലു​ക​ളും 20-നൂറ്റാ​ണ്ടി​ലെ ശാസ്‌ത്ര​കൽപ്പിത കഥകളും തൊട്ടു​പി​ന്നാ​ലെ​യുണ്ട്‌. 30 ശതമാനം വീടു​ക​ളിൽ സ്വന്തമാ​യി കമ്പ്യൂട്ടർ ഉണ്ടെങ്കിൽക്കൂ​ടി, പുസ്‌ത​ക​ങ്ങൾക്കു വെല്ലു​വി​ളി​യു​യർത്തുന്ന സിഡി-റോം സൗകര്യം അവയിൽ 7 ശതമാ​ന​ത്തി​നേ​യു​ള്ളൂ. മാത്രമല്ല, ലാപ്‌ടോപ്പ്‌ കമ്പ്യൂ​ട്ട​റു​ക​ളിൽനി​ന്നു വ്യത്യ​സ്‌ത​മാ​യി, ഒരു നല്ല പുസ്‌തകം, കടൽത്തീ​രത്ത്‌ ഒഴിവു​കാ​ലം ചെലവ​ഴി​ക്കുന്ന സമയത്ത്‌ ഉള്ളിൽ മണൽ കടക്കു​ന്ന​തി​നാ​ലോ ഒരു ഭൂഗർഭ​പാ​ത​യി​ലെ ആളുക​ളു​ടെ തിക്കും​തി​ര​ക്കും നിമി​ത്ത​മോ ചീത്തയാ​യി​പ്പോ​കു​ന്നില്ല, ദ ടൈംസ്‌ പറയുന്നു. തന്നെയു​മല്ല, മനോ​ഹ​ര​മാ​യി തയ്യാറാ​ക്ക​പ്പെട്ട ഒരു പുസ്‌ത​ക​ത്തിന്‌ “ഉള്ളടക്കം​കൊണ്ട്‌ അറിവു​പ​ക​രാ​നാ​കു​ന്ന​തു​പോ​ലെ​തന്നെ മനോ​ഹാ​രി​ത​കൊ​ണ്ടു മനംക​വ​രാ​നും കഴിയും.”

തിരികെ വെള്ളത്തി​ലേക്ക്‌

“ഓസോൺ പാളി നശിപ്പി​ക്കാത്ത തരത്തി​ലുള്ള ഒരു അഗ്നിശമന രാസവ​സ്‌തു​വി​നു​വേ​ണ്ടി​യുള്ള ദീർഘ​കാല അന്വേ​ഷണം ഒടുക്കം ചെന്നെ​ത്തി​യി​രി​ക്കു​ന്നത്‌ . . . വെള്ളത്തി​ലാണ്‌,” ന്യൂ സയൻറിസ്റ്റ്‌ പ്രസ്‌താ​വി​ക്കു​ന്നു. “പരീക്ഷ​ണാർഥം ഉളവാ​ക്കിയ നൂറോ​ളം അഗ്നിബാ​ധകൾ അണച്ച​ശേഷം ട്രോൺധി​യം എന്ന സ്ഥലത്തെ നോർവീ​ജി​യൻ അഗ്നി ഗവേഷണ പരീക്ഷ​ണ​ശാല, അഗ്നിശ​മ​നോ​പാ​ധി​യെന്ന നിലയിൽ ഇപ്പോ​ഴും വ്യാപ​ക​മാ​യി ഉപയോ​ഗി​ച്ചു​വ​രുന്ന ഓസോൺ നാശക ഹാലണു​കൾക്കു പകരം നേർത്ത ജലകണി​കകൾ സ്‌പ്രേ ചെയ്യു​ന്ന​താണ്‌ ഉചിത​മെന്ന നിഗമ​ന​ത്തി​ലെത്തി.” കാർബൺ, ബ്രോ​മിൻ, ഫ്‌ളൂ​റിൻ എന്നിവ​യു​ടെ സംയു​ക്ത​മായ ഹാലണു​കൾ, തീ പടരാൻവേണ്ട വായു കിട്ടാ​താ​ക്കി​യാണ്‌ തീയണ​യ്‌ക്കു​ന്നത്‌. ജലകണി​ക​ക​ളും അതുതന്നെ ചെയ്യുന്നു. നീരാ​വി​യാ​കുന്ന ജലം അവയുടെ യഥാർഥ അളവിന്റെ 1,700 മടങ്ങു വികസിച്ച്‌ ഓക്‌സി​ജനെ അവി​ടെ​നി​ന്നു തള്ളിനീ​ക്കു​ന്നു. ചെറിയ, പുകഞ്ഞു കത്തുന്ന തീയുടെ കാര്യ​ത്തിൽ മാത്രം ജലകണി​കകൾ ഹാലണു​ക​ളു​ടെ അത്രതന്നെ ഫലപ്ര​ദ​മ​ല്ലെന്നു കണ്ടെത്തു​ക​യു​ണ്ടാ​യി. അത്തരം തീയ്‌ക്ക്‌ വെള്ളത്തെ ബാഷ്‌പീ​ക​രി​ക്കാൻ വേണ്ടത്ര ചൂടി​ല്ലാ​യി​രു​ന്നു. പക്ഷേ, ഹാലണു​കൾക്കു പകരമുള്ള കൃത്രി​മോ​പാ​ധി​കൾക്കു​വേ​ണ്ടി​യുള്ള അന്വേ​ഷണം ഇപ്പോ​ഴും തുടരു​ന്നു, കാരണം വെള്ളത്തി​നു വേറൊ​രു പ്രശ്‌ന​മുണ്ട്‌: അതിന്റെ വിൽപ്പ​ന​യി​ലൂ​ടെ വലിയ ലാഭ​മൊ​ന്നും ഉണ്ടാക്കാൻ കഴിയി​ല്ല​ല്ലോ.

ഇപ്പോൾ—ഹെപ്പ​റ്റൈ​റ്റിസ്‌ ജി

രക്തം സ്വീക​രി​ക്കുന്ന രോഗി​കൾക്ക്‌ അതിനു​ശേഷം ഒരുമാ​സ​ത്തി​നു​ള്ളിൽ ഹെപ്പ​റ്റൈ​റ്റിസ്‌ ജി-വൈറസ്‌ രോഗ​ബാ​ധ​യു​ണ്ടാ​കു​ന്നു​വെന്നു ജപ്പാനി​ലെ ഡോക്ടർമാർ കണ്ടുപി​ടി​ച്ചു. ഈ പുതി​യ​രോ​ഗം ആദ്യമാ​യി തിരി​ച്ച​റി​ഞ്ഞത്‌ 1995-ൽ ഐക്യ​നാ​ടു​ക​ളി​ലാ​യി​രു​ന്നു. ടോക്കി​യോ​യി​ലെ ടോറാ​നോ​മൊൻ ആശുപ​ത്രി​യിൽവെച്ച്‌ 1992-നും 1994-നും ഇടയ്‌ക്കു ശസ്‌ത്ര​ക്രി​യ​യ്‌ക്കു വിധേ​യ​രായ കരൾ-അർബുദ രോഗി​ക​ളിൽ നിന്നെ​ടുത്ത രക്തം പുനഃ​പ​രി​ശോ​ധ​ന​യ്‌ക്കു വിധേ​യ​മാ​ക്കി​യ​പ്പോൾ 55 രോഗി​ക​ളിൽ 2 പേർക്കു ശസ്‌ത്ര​ക്രി​യ​യ്‌ക്കു മുമ്പു​തന്നെ വൈറസ്‌ ബാധയു​ണ്ടാ​യി​രു​ന്നു​വെ​ന്നും 7 പേർക്കു ശസ്‌ത്ര​ക്രിയ കഴിഞ്ഞാ​ണു രോഗ​ബാ​ധ​യു​ണ്ടാ​യ​തെ​ന്നും ഡോക്ടർമാർ കണ്ടെത്തി. 7 രോഗി​ക​ളിൽ കുത്തി​വെച്ച ആ മലീമ​സ​മായ രക്തം ശരാശരി 71 ദാതാ​ക്ക​ളിൽനി​ന്നു​ള്ള​താ​യി​രു​ന്നു​വെന്നു ഡോക്ടർമാർ പറഞ്ഞു. ഉപയോ​ഗിച്ച രക്തത്തിൽ 1.4 ശതമാനം ഈ പുതിയ വൈറ​സി​നാൽ മലീമ​സ​മാ​യി​രു​ന്നു​വെ​ന്നാണ്‌ ഇതു തെളി​യി​ക്കു​ന്നത്‌. ഹെപ്പ​റ്റൈ​റ്റിസ്‌ ജി വൈറ​സി​നെ​ക്കു​റി​ച്ചു വളരെ​ക്കു​റച്ച്‌ അറി​വേ​യു​ള്ളൂ. കൂടാതെ, ഇപ്പോൾ അണുവാ​ഹ​ക​രായ എത്ര​പേർക്ക്‌ ഇനിയും കരൾവീ​ക്ക​മോ കരളിന്‌ അർബു​ദ​ബാ​ധ​യോ ഉണ്ടാ​യേ​ക്കു​മെ​ന്ന​തി​നെ​ക്കു​റി​ച്ചും കാര്യ​മാ​യി ഒന്നുമ​റി​യില്ല എന്ന്‌ അസാഹി ഈവനിങ്ങ്‌ ന്യൂസ്‌ പറയുന്നു.

“സഹസ്രാബ്ദ തകരാറ്‌”

“സഹസ്രാബ്ദ തകരാറ്‌ എന്നറി​യ​പ്പെ​ടുന്ന 2000-ാം വർഷത്തി​ന്റെ പ്രശ്‌നം, ചുരു​ക്ക​ത്തിൽ ‘Y2K,’ ആധുനിക കമ്പ്യൂട്ടർ കണക്കു​കൂ​ട്ട​ലു​കൾ അഭിമു​ഖീ​ക​രി​ക്കുന്ന ഏറ്റവും ഗൗരവ​മേ​റിയ തകരാ​റു​ക​ളിൽ ഒന്നാണ്‌,” യു.എസ്‌.ന്യൂസ്‌ & വേൾഡ്‌ റിപ്പോർട്ട്‌ പറയുന്നു. കമ്പ്യൂ​ട്ട​റു​കൾ വളരെ ചെല​വേ​റി​യ​തും വിവരങ്ങൾ സൂക്ഷി​ക്കാ​നുള്ള കഴിവു പരിമി​ത​വു​മാ​യി​രുന്ന 1960-കളിലാണ്‌ ഇതു തുടങ്ങി​യത്‌. സ്ഥലം ലാഭി​ക്കു​ന്ന​തി​നു വേണ്ടി കമ്പ്യൂട്ടർ പ്രോ​ഗ്രാം ചെയ്‌തവർ തീയതി​ക​ളെ​ഴു​തു​മ്പോൾ വർഷത്തി​ന്റെ അവസാ​നത്തെ അക്കങ്ങൾ മാത്രം എഴുതി. കമ്പ്യൂ​ട്ട​റി​നെ സംബന്ധി​ച്ചി​ട​ത്തോ​ളം 1997 വെറും “97” ആയിരു​ന്നു. എന്താണു കുഴപ്പം? “2000 ജനു. 1-ന്‌ ലോക​ത്തി​ലെ ഏകദേശം 90 ശതമാനം കമ്പ്യൂട്ടർ ഹാർഡ്‌വെ​യ​റു​ക​ളും സോഫ്‌റ്റ്‌വെ​യ​റു​ക​ളും അത്‌ 1900-ാം വർഷത്തി​ന്റെ ആദ്യ ദിവസ​മാ​ണെന്നു ‘വിചാ​രി​ക്കും.’” ഇപ്പോൾത്തന്നെ തെറ്റുകൾ സംഭവി​ച്ചി​രി​ക്കു​ന്നു. ഒരു സംസ്ഥാന ജയിലിൽ, ഈ തകരാറു നിമിത്തം കമ്പ്യൂ​ട്ട​റു​കൾക്ക്‌ അന്തേവാ​സി​ക​ളിൽ ചിലരു​ടെ ശിക്ഷാ​വി​ധി​കൾ കണക്കു​കൂ​ട്ടു​ന്ന​തിൽ പിഴവു സംഭവി​ക്കു​ക​യും അവരെ വിട്ടയ​യ്‌ക്കു​ക​യും ചെയ്‌തു,” ന്യൂസ്‌വീക്ക്‌ പറയുന്നു. “ചില ക്രെഡിറ്റ്‌ കാർഡു​ക​ളി​ലെ കാലാ​വധി തീരുന്ന തീയതി​യിൽ ‘00’ കണ്ടതു കമ്പ്യൂ​ട്ട​റു​കളെ കുഴക്കി​യ​തി​നാൽ കടകളി​ലും റെസ്റ്ററൻറു​ക​ളി​ലും അവ തിരസ്‌ക​രി​ക്ക​പ്പെട്ടു. കൂടാതെ, സംസ്ഥാ​നാ​ന്തര ലൈസൻസു​കൾ പുതു​ക്കാ​നാ​യി സഹസ്രാ​ബ്ദം കഴിഞ്ഞുള്ള തീയതി​കൾവെച്ച്‌ അപേക്ഷകൾ സമർപ്പിച്ച ട്രക്ക്‌ ഡ്രൈ​വർമാർ, കമ്പ്യൂ​ട്ട​റു​കൾക്ക്‌ അവ കൈകാ​ര്യം ചെയ്യാൻ സാധി​ക്കാ​ഞ്ഞതു നിമിത്തം ലൈസൻസു​കൾ റദ്ദു ചെയ്‌തി​രി​ക്കു​ന്ന​താ​യി കണ്ടെത്തി.” തീയതി​യു​ടെ സംജ്ഞകൾ മാറ്റു​ന്ന​തി​നാ​യി ലോക​വ്യാ​പ​ക​മാ​യുള്ള സംഘട​ന​കൾക്ക്‌ ഏകദേശം 60,000 കോടി ഡോളർ ചെലവ​ഴി​ക്കേ​ണ്ടി​വ​രും—ശേഷി​ക്കുന്ന രണ്ടു വർഷം​കൊണ്ട്‌ അതു ചെയ്യാ​നാ​കു​മെ​ന്നാണ്‌ അവരുടെ പ്രതീക്ഷ.

റെക്കോർഡ്‌ തകർക്കുന്ന മൃഗങ്ങൾ

1996 വേനൽക്കാ​ലത്ത്‌, ഒരു സാധാരണ കടൽക്കാക്ക നമുക്ക്‌ അറിവാ​യി​ട്ടുള്ള “ദേശാ​ന്ത​ര​ഗ​മ​ന​ത്തിൽ ഒരു ജീവി​യും ഇതുവരെ താണ്ടി​യി​ട്ടി​ല്ലാ​ത്തത്ര ദൂരം പിന്നിട്ട്‌” ഒരു പുതിയ റെക്കോർഡ്‌ സൃഷ്ടി​ച്ച​താ​യി തെളിവു ലഭിച്ചു​വെന്ന്‌ ഇറ്റാലി​യൻ വർത്തമാ​ന​പ​ത്ര​മായ കൊറീ​യെറേ ദേല്ലാ സേറാ പറയുന്നു. ഫിൻലൻഡിൽനി​ന്നു യാത്ര പുറപ്പെട്ട അതിനെ—അവി​ടെ​വെ​ച്ചാ​ണു തിരി​ച്ച​റി​യൽ വളയമ​ണി​യി​ച്ചത്‌—18 ആഴ്‌ച​കൾക്കു​ശേഷം തെക്കു​കി​ഴക്കൻ ഓസ്‌​ട്രേ​ലി​യ​യി​ലെ വിക്ടോ​റി​യ​യിൽവെച്ചു പിടി​കൂ​ടി. അപ്പോ​ഴേ​ക്കും അത്‌ പ്രതി​ദി​നം 200 കിലോ​മീ​റ്റർ എന്ന നിരക്കിൽ 24,400 കിലോ​മീ​റ്റർ യാത്ര ചെയ്‌തു കഴിഞ്ഞി​രു​ന്നു. 1995-ൽ റഷ്യയിൽനിന്ന്‌ ഓസ്‌​ട്രേ​ലി​യ​യി​ലേക്ക്‌ 22,530 കിലോ​മീ​റ്റർ യാത്ര ചെയ്‌ത ഒരു ആർട്ടിക്‌ കടൽക്കാ​ക്ക​യാ​യി​രു​ന്നു അതിനു മുമ്പത്തെ റെക്കോർഡു​ടമ. ആയിര​ക്ക​ണ​ക്കി​നു കിലോ​മീ​റ്റർ താണ്ടി ദേശാ​ന്ത​ര​ഗ​മനം നടത്തുന്ന മറ്റു ചില ജീവികൾ ചുവന്ന സാൽമൺ മത്സ്യങ്ങൾ, ഈൽ മത്സ്യങ്ങൾ, മൊണാർക്ക്‌ ചിത്ര​ശ​ല​ഭങ്ങൾ, പച്ച കടലാ​മകൾ, ഹമ്പ്‌ബാക്ക്‌ തിമിം​ഗ​ലങ്ങൾ എന്നിവ​യാണ്‌.

ഹമ്പ്‌ബാക്ക്‌ തിമിം​ഗ​ലങ്ങൾ സാധാരണ ഏകദേശം 102 ദിവസം കൊണ്ടാണ്‌ അലാസ്‌ക​യിൽനി​ന്നു ഹവായി​യി​ലേക്കു ദേശാ​ന്ത​ര​ഗ​മനം നടത്തു​ന്നത്‌. എങ്കിലും വെറും 39 ദിവസം​കൊണ്ട്‌ 4,465 കിലോ​മീ​റ്റർ ദൂരം നീന്തി​യെ​ത്തിയ ഇത്തര​മൊ​രു തിമിം​ഗ​ലത്തെ ഗവേഷകർ കണ്ടെത്തി! മണിക്കൂ​റിൽ അഞ്ച്‌ കിലോ​മീ​റ്റർ വേഗത്തിൽ അതു യാത്ര​ചെ​യ്‌തു​വെ​ന്നാണ്‌ അതിന്റെ അർഥം. അതേ തിമിം​ഗ​ലത്തെ മെക്‌സി​ക്കോ​യിൽവെ​ച്ചും കണ്ടെത്തി. ഹമ്പ്‌ബാക്ക്‌ തിമിം​ഗ​ലങ്ങൾ ഹവായി​യി​ലേക്കു ദേശാ​ന്ത​ര​ഗ​മനം നടത്തു​ന്നതു പ്രജന​ന​ത്തി​നു​വേ​ണ്ടി​യാണ്‌. അവയുടെ കുഞ്ഞു​ങ്ങൾക്ക്‌ അലാസ്‌ക​യി​ലെ തണുപ്പി​നെ ചെറു​ത്തു​നിൽക്കാൻ വേണ്ടത്ര കൊഴു​പ്പി​ല്ലാ​ത്ത​താ​ണു കാരണം. അവയുടെ ദേശാ​ന്ത​ര​ഗ​മനം സമുദ്ര സസ്‌ത​നി​കൾ നടത്തു​ന്ന​വ​യിൽവെച്ച്‌ ഏറ്റവും ദൈർഘ്യ​മേ​റി​യ​വ​യി​ലൊ​ന്നാ​ണെന്നു ലണ്ടനിലെ ദ ടൈംസ്‌ റിപ്പോർട്ടു ചെയ്യുന്നു.

വെട്ടി​ച്ചു​പ​റ​ക്കുന്ന ഈച്ച!

ഒരു ഈച്ചയെ അടിച്ചു​കൊ​ല്ലാൻ ഇത്ര പ്രയാ​സ​മാ​യി​രി​ക്കു​ന്ന​തെ​ന്തു​കൊണ്ട്‌? ഇത്ര പെട്ടെന്നു വെട്ടിച്ചു പറക്കാൻ അതി​നെ​ങ്ങ​നെ​യാ​ണു സാധി​ക്കു​ന്നത്‌? അതിന്റെ മസ്‌തി​ഷ്‌ക​ത്തി​ലെ വൻ നാര്‌ എന്നു വിളി​ക്ക​പ്പെ​ടുന്ന ഒരു പ്രത്യേക ഘടനയി​ലാ​ണു രഹസ്യം കുടി​കൊ​ള്ളു​ന്നത്‌. ഇതു നാട​പോ​ലുള്ള ഒരു കോശ​മാണ്‌. മസ്‌തി​ഷ്‌ക​ത്തി​ന്റെ ഇതര ഭാഗങ്ങ​ളി​ലേക്കു സന്ദേശ​മെ​ത്തി​ക്കാൻ ഈ കോശം ഉപയോ​ഗി​ക്കു​ന്നത്‌ രാസസം​ജ്ഞ​കൾക്കു പകരം വൈദ്യു​ത​സം​ജ്ഞ​ക​ളാണ്‌. ഇതു നിമിത്തം, ചാട്ട​ത്തെ​യും പറക്കലി​നെ​യും ഉദ്ദീപി​പ്പി​ക്കുന്ന മസ്‌തി​ഷക ഭാഗ​ത്തേക്ക്‌ വൈദ്യു​തി ത്വരി​ത​ഗ​തി​യിൽ പ്രവഹി​ക്കു​ന്നു. ഇത്‌ ഈച്ചയെ സെക്കൻഡി​ന്റെ ആയിര​ത്തിൽ ഏതാനും അംശം കൊണ്ട്‌ അപകട​ത്തിൽനി​ന്നു വഴുതി​മാ​റു​ന്ന​തി​നു സഹായി​ക്കു​ന്നു. ഉദാഹ​ര​ണ​ത്തിന്‌, ഒരു സാധാരണ മമനു​ഷ്യ​ന്റെ കാര്യ​ത്തിൽ, ദൃഷ്ടി​യിൽ പതിക്കുന്ന ഒരു സംഗതി​യോ​ടു കൈ പ്രതി​ക​രി​ക്കു​ന്ന​തി​നു സെക്കൻഡി​ന്റെ നാലി​ലൊ​രം​ശം സമയ​മെ​ടു​ക്കും. ഈച്ചക​ളെ​ക്കു​റി​ച്ചുള്ള ഈ അറിവി​ന്റെ സഹായ​ത്തോ​ടെ, ഈച്ചയു​ടെ പ്രതി​ക​ര​ണ​ശേഷി നശിപ്പി​ക്കാൻ ഫലപ്ര​ദ​മായ ഒരു കീടനാ​ശി​നി വികസി​പ്പി​ച്ചെ​ടു​ക്കാൻ സാധി​ക്കു​മെ​ന്നാ​ണു ബ്രിട്ട​നി​ലെ സസ്സെക്‌സ്‌ സർവക​ലാ​ശാ​ല​യി​ലെ ഗവേഷ​ക​രു​ടെ പ്രത്യാ​ശ​യെന്നു ലണ്ടനിലെ ദ ടൈംസ്‌ റിപ്പോർട്ടു ചെയ്യുന്നു.

കടലാമ പ്രതി​സ​ന്ധി

ഏഷ്യ-പസഫിക്ക്‌ കടലു​ക​ളി​ലെ അമിത​മായ വേട്ടയാ​ടൽ നിമിത്തം കടലാ​മ​ക​ളു​ടെ സംഖ്യ അപകട​ക​ര​മാം വിധം കുറഞ്ഞു​കൊ​ണ്ടി​രി​ക്കു​ന്നു​വെന്ന്‌ ദ വീക്കെൻഡ്‌ ഓസ്‌​ട്രേ​ലി​യൻ റിപ്പോർട്ടു ചെയ്യുന്നു. ഇത്‌ ഓസ്‌​ട്രേ​ലി​യ​യെ​യും ഇന്തോ​നേ​ഷ്യ​യെ​യും, സംരക്ഷണ രീതികൾ മെച്ച​പ്പെ​ടു​ത്തു​ന്ന​തി​നുള്ള ശ്രമത്തി​ന്റെ ഭാഗമാ​യി ജാവയിൽ ഒരു സമ്മേള​ന​ത്തിന്‌ ഒത്തൊ​രു​മിച്ച്‌ ആതി​ഥേ​യ​ത്വം വഹിക്കു​ന്ന​തി​നു പ്രേരി​പ്പി​ച്ചു. ആമകൾ ദേശാ​ന്ത​ര​ഗ​മനം നടത്തു​ന്ന​തി​നാ​ലും അവ ഒരു പ്രത്യേക രാജ്യ​ത്തി​ന്റെ വകയല്ലാ​ത്ത​തി​നാ​ലും ഒരു രാജ്യം കണ്ടെത്തുന്ന ഏറ്റവും മികച്ച സംരക്ഷണ മാർഗ​ത്തിന്‌ അതിന്റെ ദേശാ​ന്ത​ര​ഗമന പഥത്തി​ലുള്ള മറ്റൊരു രാജ്യം ഒരു വിലയും കൽപ്പി​ക്കാ​തെ, അവയെ ഭാവി​യി​ലേക്ക്‌ ശേഷി​പ്പി​ക്കണം എന്ന ചിന്ത കൂടാതെ, വേട്ടയാ​ടു​ക​യാ​ണെ​ങ്കിൽ ആ സംരക്ഷണ മാർഗ​ത്തി​നു പ്രയോ​ജ​ന​മു​ണ്ടാ​യി​രി​ക്ക​യില്ല. “വിനോദ സഞ്ചാര വിപണി​ക്കു​വേണ്ടി ഓരോ വർഷവും ഏകദേശം 50,000 ആമകളെ ബാലി ദ്വീപിൽ മാത്ര​മാ​യി കൊല്ലാ​റുണ്ട്‌. മാത്രമല്ല, ലക്ഷക്കണ​ക്കിന്‌ ആമമു​ട്ടകൾ ഭക്ഷണത്തി​നു​വേ​ണ്ടി​യും ഉപയോ​ഗി​ക്ക​പ്പെ​ടു​ന്നു” എന്ന്‌ ആ പത്രം പറയുന്നു. പാപ്പുവ ന്യൂഗി​നി​യും കടലാ​മ​കളെ വിൽക്കാ​റുണ്ട്‌. ഇതിൽ വംശനാ​ശ​ഭീ​ഷ​ണി​യി​ലാ​യി​രി​ക്കുന്ന ലോഗ്ഗർഹെഡ്‌ കടലാ​മ​ക​ളും അപകട​ഭീ​ഷണി നേരി​ടുന്ന ലെതർബാക്ക്‌ ആമകളും പച്ചക്കട​ലാ​മ​ക​ളും ഉൾപ്പെ​ടു​ന്നു. അപകട​ത്തി​ലാ​യി​രി​ക്കു​ന്നവ ഹോക്‌സ്‌ബിൽ, ഫ്‌ളാ​റ്റ്‌ബാക്ക്‌, ഒലിവർ റൈഡ്‌ലി എന്നീ വർഗങ്ങ​ളിൽപ്പെട്ട ആമകളാണ്‌.

150 വർഷങ്ങൾക്കു​ശേഷം മോർസ്‌ കോഡ്‌ നാമാ​വ​ശേ​ഷ​മാ​കാൻ പോകു​ന്നു

150-ലേറെ വർഷം​മുമ്പ്‌ ഒരു അമേരി​ക്കൻ ഉപജ്ഞാ​താ​വായ സാമു​വെൽ മോർസ്‌ ഇംഗ്ലീഷ്‌ അക്ഷരമാ​ല​യി​ലെ ഓരോ അക്ഷരത്തി​നും കുത്തു​ക​ളും വരകളു​മുള്ള ഒരു പ്രത്യേക കോഡു​ണ്ടാ​ക്കി. ഇത്‌ മോർസ്‌ കീ എന്ന ഒരു ഉപകര​ണ​മു​പ​യോ​ഗി​ച്ചു റേഡി​യോ തരംഗ​ങ്ങ​ളാ​യി സന്ദേശങ്ങൾ അയയ്‌ക്കുക സാധ്യ​മാ​ക്കി. കടലിൽ കപ്പൽ അപകട​ത്തിൽപ്പെ​ടു​മ്പോൾ എസ്‌ഒ​എസ്‌ (SOS) കോഡു​പ​യോ​ഗിച്ച്‌ അടിയ​ന്തിര സന്ദേശങ്ങൾ അയച്ചതു​വഴി ആയിര​ക്ക​ണ​ക്കി​നു ജീവൻ രക്ഷപ്പെ​ടു​ത്ത​പ്പെ​ട്ടി​ട്ടുണ്ട്‌. ലോക​മെ​മ്പാ​ടു​മുള്ള പട്ടാള​ങ്ങ​ളും ഈ ലളിത​മായ ആശയവി​നി​മ​യോ​പ​ക​രണം ഉപയോ​ഗി​ച്ചി​ട്ടുണ്ട്‌. കൗതു​ക​ത്തി​നു​വേണ്ടി എണ്ണമറ്റ സാധാ​ര​ണ​ക്കാ​രും സന്ദേശ​ങ്ങ​ള​യ​ച്ചി​ട്ടുണ്ട്‌. മോർസ്‌ കോഡി​ന്റെ ഏറ്റവും വലിയ പ്രയോ​ജനം അതിന്റെ വ്യക്തത​യി​ലാണ്‌. ഒരു റേഡി​യോ ഓപ്പ​റേ​റ്റ​റു​ടെ സംസാ​ര​രീ​തി ഒരു പ്രത്യേക തരത്തി​ലു​ള്ള​താ​ണെ​ങ്കി​ലോ അയാളു​ടെ സന്ദേശം കേൾക്കു​ന്നി​ടത്തെ ഭാഷ അയാൾക്കു സംസാ​രി​ക്കാ​ന​റി​യി​ല്ലെ​ങ്കി​ലോ ഇതു പ്രധാ​ന​മാണ്‌. എങ്കിലും നേരിട്ടു സംസാ​രി​ക്കാൻ കഴിയുന്ന റേഡി​യോ ഉപകര​ണ​ങ്ങ​ളും ഉപഗ്രഹ ആശയവി​നി​മ​യോ​പാ​ധി​ക​ളും മോർസ്‌ സന്ദേശ​ങ്ങ​ളു​ടെ സ്ഥാനം കയ്യടക്കി​യി​രി​ക്കു​ന്നു. 1993 മുതൽ കടലി​ലി​റ​ക്കുന്ന കപ്പലു​കൾക്ക്‌ ആ കോഡി​ന്റെ ആവശ്യം വന്നില്ല. ഈ വർഷാ​രം​ഭ​ത്തിൽ ഫ്രാൻസ്‌ മോർസ്‌ സമ്പ്രദാ​യ​ത്തി​ന്റെ ഉപയോ​ഗം വേണ്ടെ​ന്നു​വെച്ചു. 1999-ഓടെ ലോക​മെ​മ്പാ​ടും ഇത്‌ അപ്പാടെ വേണ്ടെ​ന്നു​വെ​ക്കും.