വന്യജീ​വി​കൾക്ക്‌ റോഡ്‌ സുരക്ഷി​ത​ത്വം

ബ്രിട്ടനിലെ ഉണരുക! ലേഖകൻ

ഓരോ വർഷവും ഒരു ലക്ഷം കുറു​ക്കൻമാ​രും അത്രയും​തന്നെ മുള്ളൻപ​ന്നി​ക​ളും മുയലു​ക​ളും ബ്രിട്ട​നി​ലെ റോഡു​ക​ളിൽ കൊല്ല​പ്പെ​ടു​ന്നു. 40,000 തുരപ്പൻ കരടി​ക​ളു​ടെ​യും 5,000 വെള്ളി​മൂ​ങ്ങ​ക​ളു​ടെ​യും പത്തുല​ക്ഷ​ത്തി​ലേറെ പേക്കാ​ന്ത​വ​ള​ക​ളു​ടെ​യും ഗതിയും അതുതന്നെ. ശൈത്യ​കാല മൂടൽമ​ഞ്ഞും ഇരുട്ടും ഹൈ​വേ​ക​ളി​ലൂ​ടെ ചീറി​പ്പാ​യുന്ന കാറുകൾ മുട്ടി വന്യജീ​വി​കൾ കൊല്ല​പ്പെ​ടു​ന്ന​തിന്‌ ഇടയാ​ക്കു​ന്നു. ഡ്രൈ​വർമാർ പലപ്പോ​ഴും ജന്തുക്കളെ കൊല്ലു​ന്നത്‌ ഒഴിവാ​ക്കാ​നാ​യി വണ്ടി വെട്ടി​ക്കു​ന്നു. അപ്പോൾ വാഹന​ത്തി​നു കേടു സംഭവി​ക്കു​ക​യോ അവ എതിരേ വരുന്ന വാഹന​ങ്ങ​ളിൽ ഇടിക്കു​ക​യോ ചെയ്യുന്നു. ഇത്‌ ചില​പ്പോൾ ആളപാ​യ​ത്തിൽ കലാശി​ക്കു​ന്നു. ഏതെങ്കി​ലു​മൊ​രു ജന്തു ഉൾപ്പെട്ട അപകട​ത്തി​നു​ശേഷം പല ഡ്രൈ​വർമാ​രും മാനസി​ക​ക്ഷതം അനുഭ​വി​ക്കു​ന്നു. പൊലീസ്‌ റിപ്പോർട്ടു​കൾ കാണി​ക്കു​ന്ന​ത​നു​സ​രിച്ച്‌, നൂറു​ക​ണ​ക്കി​നു​പേർക്ക്‌ യാത്ര തുടരാൻ കഴിയു​ന്നില്ല.

റോഡിൽനി​ന്നു മാനു​കളെ വിരട്ടി ഓടി​ക്കു​ന്ന​തി​നാ​യി ബ്രിട്ട​നി​ലെ ചില ഹൈ​വേ​ക​ളിൽ അധികൃ​തർ പ്രത്യേക പ്രതി​ഫ​ല​നി​കൾ സ്ഥാപി​ച്ചി​ട്ടുണ്ട്‌. കാറിന്റെ ഹെഡ്‌​ലൈ​റ്റു​ക​ളിൽനി​ന്നുള്ള പ്രകാശം പ്രതി​ഫ​ല​നി​ക​ളിൽ പതിക്കു​മ്പോൾ അവ ചെന്നാ​യ്‌ക്ക​ളു​ടെ കണ്ണുകൾ പോലെ തോന്നി​ക്കു​ന്നു! മറ്റുചി​ല​യി​ട​ങ്ങ​ളിൽ വൃക്ഷങ്ങൾ റോഡിൽനിന്ന്‌ സാധാ​ര​ണ​യി​ലും അകലത്തിൽ നട്ടിരി​ക്കു​ന്നു. മുമ്പി​ലൂ​ടെ പോകുന്ന വന്യജീ​വി​കളെ കൂടുതൽ നന്നായി കാണാൻ ഇത്‌ ഡ്രൈ​വർമാ​രെ സഹായി​ക്കു​ന്നു. ഐക്യ​നാ​ടു​ക​ളി​ലെ ചില മോ​ട്ടോർവാ​ഹന ഡ്രൈ​വർമാർ, വേഗത മണിക്കൂ​റിൽ 55 കിലോ​മീ​റ്റ​റി​ല​ധി​ക​മാ​കു​മ്പോൾ ഉയർന്ന ആവൃത്തി​യി​ലുള്ള ശബ്ദം പുറ​പ്പെ​ടു​വി​ക്കുന്ന വിസി​ലു​കൾകൊണ്ട്‌ തങ്ങളുടെ വാഹന​ങ്ങളെ സജ്ജമാ​ക്കി​യി​രി​ക്കു​ന്നു. വിസി​ലി​ലൂ​ടെ വായു പ്രവഹി​ക്കു​മ്പോൾ മനുഷ്യ​നു കേൾക്കാൻ പറ്റാത്ത​തും എന്നാൽ വന്യജീ​വി​കൾക്കു വ്യക്തമാ​യി കേൾക്കാ​വു​ന്ന​തു​മായ ആവൃത്തി​യി​ലുള്ള 60 ഡെസിബൽ ശബ്ദം ഉത്‌പാ​ദി​പ്പി​ക്ക​പ്പെ​ടു​ന്നു. മുന്നോ​ട്ടു തള്ളിനിൽക്കുന്ന ചെവി​ക​ളുള്ള ജന്തുക്ക​ളിൽ ഈ വിദ്യ ഏറ്റവും ഫലപ്ര​ദ​മാ​ണെന്നു തെളി​ഞ്ഞി​രി​ക്കു​ന്നു. ഈ വിസിൽ ഉപയോ​ഗി​ച്ചുള്ള ഒരു പരീക്ഷ​ണ​ത്തിൽ മാനു​ക​ളു​മാ​യുള്ള കൂട്ടി​യി​ടി​കൾ 50 ശതമാനം കുറഞ്ഞ​താ​യി പൊലീസ്‌ റിപ്പോർട്ടു ചെയ്‌തു.

റോഡ​പ​ക​ട​ങ്ങ​ളും റോഡു​ക​ളിൽവെച്ചു വന്യജീ​വി​കൾ അനാവ​ശ്യ​മാ​യി കൊല്ല​പ്പെ​ടു​ന്ന​തും നിങ്ങൾക്ക്‌ എങ്ങനെ ഒഴിവാ​ക്കാൻ കഴിയും? വാഹന​മോ​ടി​ക്കു​മ്പോൾ—പ്രത്യേ​കിച്ച്‌ ശൈത്യ​കാ​ല​ത്തോ രാത്രി​യി​ലോ—വേഗം കുറയ്‌ക്കു​ക​യും ജന്തുക്ക​ളു​ടെ സാന്നി​ധ്യം വിളി​ച്ച​റി​യി​ക്കുന്ന റോഡ്‌ സൂചന​കൾക്കു ശ്രദ്ധ കൊടു​ക്കു​ക​യും ചെയ്യുക.