സൂക്ഷി​ക്കുക! തട്ടിപ്പു​കാർ രംഗത്ത്‌

സങ്കൽപ്പി​ക്കുക. കൊടു​ങ്കാറ്റ്‌ കഴിഞ്ഞ്‌ അന്തരീക്ഷം ശാന്തം. കാറ്റ്‌ സംഹാ​ര​താ​ണ്ഡ​വ​മാ​ടി​ക്ക​ഴി​ഞ്ഞി​രി​ക്കു​ന്നു. വെള്ള​പ്പൊ​ക്ക​ത്തി​ന്റെ ഭീഷണി​യും നിലച്ചി​രി​ക്കു​ന്നു. ഞെട്ടലിൽനിന്ന്‌ ഇനിയും വിമുക്തി നേടി​യി​ട്ടി​ല്ലാത്ത അതിജീ​വകർ, അഭയം തേടി​യി​രുന്ന സ്ഥലങ്ങളിൽനിന്ന്‌ പുറ​ത്തേക്കു വരുന്നു. ദൂരെ​യെ​വി​ടേ​ക്കോ മാറ്റി​പ്പാർപ്പി​ക്ക​പ്പെ​ട്ടി​രു​ന്നവർ കൊടു​ങ്കാ​റ്റു വിതച്ച നാശന​ഷ്ടങ്ങൾ എത്രയു​ണ്ടെന്നു കാണാൻ പിരി​മു​റു​ക്ക​ത്തോ​ടും പേടി​യോ​ടും​കൂ​ടെ മടങ്ങി വരുന്നു. ഭവനങ്ങ​ളു​ടെ മേൽക്കൂര നഷ്ടപ്പെ​ട്ടി​രി​ക്കു​ന്നു, കടപു​ഴ​കിയ വൃക്ഷങ്ങൾ മഴയിൽ കുതിർന്ന അകത്തള​ങ്ങ​ളി​ലേക്കു വീണു കിടക്കു​ന്നു. ടെല​ഫോൺ ലൈനു​ക​ളും മറ്റും പൊട്ടി​വീ​ണ​തി​ന്റെ ഫലമായി അടിയ​ന്തി​ര​മാ​യി ഫോൺവി​ളി​ക്കാ​നും സന്ദേശ​മ​യ​യ്‌ക്കാ​നും സാധ്യ​മ​ല്ലാ​താ​യി​രി​ക്കു​ന്നു. ഒരിക്കൽ സന്തോഷം അലതല്ലി​യി​രുന്ന ചില ഭവനങ്ങൾ ഇപ്പോൾ നശിച്ചി​രി​ക്കു​ന്നു—നന്നാക്കി​യെ​ടു​ക്കാൻ പറ്റാത്ത​വി​ധം അവയ്‌ക്കു കേടു​പാ​ടു​കൾ സംഭവി​ച്ചി​രി​ക്കു​ന്നു. ഒരിക്കൽ പ്രശാന്തത കളിയാ​ടി​യി​രുന്ന ഇവിടം ഇപ്പോൾ നാശന​ഷ്ട​ങ്ങ​ളു​ടെ​യും നൈരാ​ശ്യ​ത്തി​ന്റെ​യും കേളീ​രം​ഗ​മാ​യി​ത്തീർന്നി​രി​ക്കു​ന്നു.

ആളുകൾ സാഹച​ര്യ​ത്തി​നൊത്ത്‌ ഉയരുന്നു, തകർന്നു​വീ​ണ​തെ​ല്ലാം വീണ്ടും കെട്ടി​പ്പ​ടു​ക്കു​മെന്ന ദൃഢനി​ശ്ച​യ​ത്തോ​ടെ. അയൽക്കാർ അന്യോ​ന്യം സഹായി​ക്കു​ന്നു; ചിലർക്ക്‌ അതുവരെ പരസ്‌പരം പേരു​പോ​ലും അറിയി​ല്ലാ​യി​രു​ന്നു. പുരു​ഷ​ന്മാർ തങ്ങളുടെ പണിയാ​യു​ധ​ങ്ങ​ളും പാടവ​ങ്ങ​ളും പങ്കു​വെ​ക്കു​ന്നു. സ്‌ത്രീ​കൾ പണിക്കാർക്കു ഭക്ഷണം തയ്യാറാ​ക്കു​ന്നു. മുതിർന്ന കുട്ടികൾ ഇളയവരെ നോക്കുന്ന ചുമത​ല​യേ​റ്റെ​ടു​ത്തി​രി​ക്കു​ന്നു. സമുദാ​യ​ത്തി​നു പുറത്തു​നിന്ന്‌, സഹായ​സ​ന്ന​ദ്ധ​രായ പണിക്കാ​രു​ടെ—മേൽപ്പു​ര​പ​ണി​ക്കാർ, മരംനീ​ക്കൽ വിദഗ്‌ധർ, ആശാരി​മാർ, പെയിൻറ​ടി​ക്കാർ എന്നിവ​ര​ട​ങ്ങിയ—സംഘങ്ങൾ എത്തി​ച്ചേ​രു​ന്നു. കൂട്ടത്തിൽ അതിജീ​വ​കരെ ചൂഷണം ചെയ്യാൻ തയ്യാറാ​യി തട്ടിപ്പു​കാ​രും.

അറ്റകു​റ്റ​പ്പ​ണി​കൾക്ക്‌ വൻതുക മുൻകൂ​റാ​യി നൽകാൻ അവർ ആവശ്യ​പ്പെ​ടു​ന്നു. ഭഗ്നാശ​രായ വീട്ടു​ട​മസ്ഥർ കൈവ​ശ​മുള്ള പണം അവർക്കു നൽകുന്നു. പണവു​മാ​യി കടന്നു​കളഞ്ഞ പണിക്കാ​രു​ടെ പൊടി​പോ​ലും പിന്നെ കാണാ​നില്ല. മേൽപ്പു​ര​പ​ണി​ക്കാർ ഗുണ​മേ​ന്മ​യുള്ള പണി “ഉറപ്പു​കൊ​ടു”ത്തെങ്കി​ലും അവർ കേടു​പോ​ക്കിയ മേൽപ്പു​രകൾ ആദ്യമ​ഴ​യ്‌ക്കു​തന്നെ ചോർന്നൊ​ലി​ക്കു​ന്നു. അടുത്ത ദിവസത്തെ പണിക്കു​വേണ്ടി വലിയ ഉപകര​ണങ്ങൾ വാടക​യ്‌ക്കെ​ടു​ക്കാ​നെന്നു പറഞ്ഞ്‌ മരംനീ​ക്കൽ വിദഗ്‌ധർ ആളുക​ളിൽനിന്ന്‌ മുൻകൂ​റാ​യി വൻതുക പിടു​ങ്ങു​ന്നു. പിന്നെ ഒരിക്ക​ലും അവർ മടങ്ങി​വ​രു​ന്നില്ല.

നാശന​ഷ്ട​ങ്ങൾക്കു​പു​റമേ, സംഭവിച്ച നഷ്ടങ്ങൾക്ക്‌ പണം നൽകാൻ സാധി​ക്കാത്ത പാപ്പരായ ഇൻഷ്വ​റൻസ്‌ കമ്പനി​കൾക്കോ ഉടമസ്ഥർ കടന്നു​ക​ള​ഞ്ഞ​തി​ന്റെ ഫലമായി ഓഫീസ്‌ അടച്ചു​പൂ​ട്ടേ​ണ്ടി​വന്ന വ്യാജ ഇൻഷ്വ​റൻസ്‌ സ്ഥാപന​ങ്ങൾക്കോ നല്ലൊരു തുക പ്രീമി​യ​മാ​യി നൽകേണ്ടി വന്നതി​ലുള്ള ഹൃദയ​വേ​ദ​ന​യും വീട്ടു​ട​മ​സ്ഥർക്ക്‌ അനുഭ​വി​ക്കേ​ണ്ടി​വ​രു​ന്നു. നഷ്ടം നികത്താൻ ഇൻഷ്വ​റൻസ്‌ തുക ലഭിച്ച​വ​രു​ടെ കാര്യ​ത്തി​ലാ​കട്ടെ, എല്ലാ ജോലി​യും​കൂ​ടെ കൈകാ​ര്യം ചെയ്യാൻ യോഗ്യ​ത​യുള്ള വേണ്ടത്ര കോൺട്രാ​ക്‌ടർമാ​രി​ല്ലാ​തെ വരു​മ്പോൾ അവർക്ക്‌ മനസ്സാ​ക്ഷി​യി​ല്ലാ​ത്ത​വ​രും യോഗ്യ​ത​യി​ല്ലാ​ത്ത​വ​രു​മായ ആളുകളെ കണ്ടെ​ത്തേ​ണ്ട​താ​യി വരുന്നു. മോശ​മായ പണിയാ​യി​രി​ക്കും അവർ കാഴ്‌ച വെക്കു​ന്നത്‌. ഇത്‌ പരി​ഭ്രാ​ന്ത​രായ വീട്ടു​ട​മ​സ്ഥ​രു​ടെ ദുഃഖം വർധി​പ്പി​ക്കു​ന്നു.

വിപത്തി​നി​ര​യാ​യവർ വീണ്ടും വീണ്ടും ചൂഷണം ചെയ്യ​പ്പെ​ടു​ന്നു. പൊതു നന്മയിൽ കലാശി​ക്ക​ത്ത​ക്ക​വണ്ണം, തകർന്നു​ത​രി​പ്പ​ണ​മായ ഒരു സമുദാ​യത്തെ വീണ്ടും കെട്ടി​പ്പ​ടു​ക്കാ​നുള്ള ഉദ്ദേശ്യ​ത്തിൽ തുടങ്ങിയ സംരംഭം അനേക​രെ​യും സംബന്ധി​ച്ചി​ട​ത്തോ​ളം നൊമ്പ​ര​പ്പെ​ടു​ത്തുന്ന മിഥ്യ​യാ​യി അവശേ​ഷി​ക്കു​ന്നു.

ഒരിടത്ത്‌ ചുഴലി​ക്കാ​റ്റു​ണ്ടാ​യ​തി​നെ​ത്തു​ടർന്ന്‌ കാൻറി ബാറിന്റെ വില 4 ഡോള​റാ​യും ഒരു ടിൻ ബേബി ഫുഡ്ഡിന്റെ വില 6 ഡോള​റാ​യും അവിശ്വ​സ​നീ​യ​മാം​വി​ധം കുതി​ച്ചു​യർന്നു. ഒരു കടയിൽ, ടിവി-യോ റേഡി​യോ​യോ വാങ്ങാതെ ബാറ്ററി​കൾ ലഭിക്കു​ക​യി​ല്ലാ​യി​രു​ന്നു. നിർമാ​ണ​വ​സ്‌തു വിൽപ്പ​ന​ക്കാർ സാധനങ്ങൾ കൊള്ള വിലയ്‌ക്കു വിറ്റു​കൊണ്ട്‌ കീശ വീർപ്പി​ച്ചു. മറ്റൊരു സംഭവം. വെള്ള​പ്പൊക്ക ഭീഷണി നേരി​ട്ട​പ്പോൾ സഞ്ചരി​ക്കുന്ന ഭവനങ്ങ​ളു​ള്ള​വർക്ക്‌ അതു വടം കെട്ടി വലിച്ചു​കൊ​ണ്ടു​വ​രു​ന്ന​തിന്‌ 600 ശതമാനം കൂടുതൽ പണം നൽകേ​ണ്ടി​വന്നു. ഭൂകമ്പ​ത്തെ​ത്തു​ടർന്ന്‌, വീടിനു കേടു​പാ​ടു​കൾ സംഭവിച്ച 84 വയസ്സുള്ള ഒരു സ്‌ത്രീ​യെ ഗവൺമെൻറ്‌ ജോലി​ക്കാ​ര​നാ​യി നടിച്ച ഒരു അജ്ഞാതൻ സന്ദർശി​ച്ചു. തുടർന്ന്‌ ഒപ്പുവെച്ച രേഖക​ളെ​ല്ലാം ഗവൺമെൻറിൽനി​ന്നുള്ള സഹായ​ത്തി​നോ ഭക്ഷണ കൂപ്പണു​കൾക്കോ ഉള്ള അപേക്ഷ​യാ​യി​രി​ക്കു​മെ​ന്നാണ്‌ അവർ കരുതി​യത്‌. വാസ്‌ത​വ​ത്തിൽ, ഏതാണ്ട്‌ 5,000 ഡോളർ മാത്രം ചെലവു വരുന്ന അറ്റകു​റ്റ​പ്പ​ണി​കൾക്കാ​യി അവരുടെ ഭവനം 18,000 ഡോള​റിന്‌ പണയം വെക്കാ​നുള്ള രേഖക​ളാ​യി​രു​ന്നു അവ.

ടെല​ഫോ​ണി​ലൂ​ടെ​യുള്ള കച്ചവട​ത്ത​ട്ടിപ്പ്‌

‘അഭിന​ന്ദ​നങ്ങൾ, മിസിസ്‌. സ——! ഇന്ന്‌ നിങ്ങളെ ഭാഗ്യം കടാക്ഷി​ച്ചി​രി​ക്കു​ന്നു.’ ഒരു അവിചാ​രിത ഫോൺസ​ന്ദേ​ശ​ത്തി​ന്റെ പ്രാരം​ഭ​വാ​ക്കു​ക​ളാ​യി​രി​ക്കാം ഇവ. ‘ഞങ്ങളുടെ . . . പരിപാ​ടി​യി​ലെ വിജയി നിങ്ങളാണ്‌.’ “നിങ്ങൾക്കാണ്‌ സമ്മാനം,” നിങ്ങൾക്കു സമ്മാനങ്ങൾ “ഉറപ്പാ​ക്ക​പ്പെ​ട്ടി​രി​ക്കു​ന്നു” എന്നൊ​ക്കെ​യുള്ള ഫോൺകോ​ളു​കൾ പല ആളുകൾക്കും ലഭിച്ചി​ട്ടുണ്ട്‌. വിജയ “സമ്മാനം” പുതി​യൊ​രു കാറോ ഭവന വിനോദ മാധ്യ​മ​ങ്ങ​ളോ ഒരുപക്ഷേ ഒരു വജ്ര​മോ​തി​രം തന്നെയോ ആയിരു​ന്നേ​ക്കാം.

ഒരു സൗജന്യ സമ്മാനം ലഭിക്കാൻ പോകു​ക​യാ​ണെന്ന്‌ അറിയി​ച്ചു​കൊ​ണ്ടുള്ള അത്തര​മൊ​രു ഫോൺസ​ന്ദേശം നിങ്ങൾക്ക്‌ എപ്പോ​ഴെ​ങ്കി​ലും ലഭിച്ചി​ട്ടു​ണ്ടോ? സന്തോ​ഷം​കൊ​ണ്ടു നിങ്ങൾ തുള്ളി​ച്ചാ​ടി​യോ? കേട്ട കാര്യം അവിശ്വ​സ​നീ​യ​മാ​യി നിങ്ങൾക്കു തോന്നി​യോ? അത്തര​മൊ​രു സന്ദേശ​ത്തോ​ടു പ്രതി​ക​രി​ച്ചി​രു​ന്നെ​ങ്കിൽത്തന്നെ ആ സമ്മാനം നിങ്ങൾക്ക്‌ എപ്പോ​ഴെ​ങ്കി​ലും ലഭിക്കു​ക​യു​ണ്ടാ​യോ? അതോ നിങ്ങൾ ടെല​ഫോ​ണി​ലൂ​ടെ​യുള്ള കച്ചവട​ത്ത​ട്ടി​പ്പിന്‌ ഇരയാ​യ​താ​യി​രു​ന്നോ? അതാണു സംഭവി​ച്ച​തെ​ങ്കിൽ നിങ്ങൾ തനിച്ചല്ല. കൺസ്യൂ​മേ​ഴ്‌സ്‌ റിസർച്ച്‌ മാഗസിൻ പറയു​ന്ന​ത​നു​സ​രിച്ച്‌, ഐക്യ​നാ​ടു​ക​ളിൽ മാത്ര​മാ​യി ഓരോ മിനി​റ്റി​ലും ഏതാണ്ട്‌ പത്തു പേർ വീതം ടെല​ഫോ​ണി​ലൂ​ടെ​യുള്ള കച്ചവട​ത്ത​ട്ടി​പ്പിന്‌ ഇരയാ​കു​ന്നു. വർഷം​തോ​റും, മനസ്സാ​ക്ഷി​യി​ല്ലാത്ത തട്ടിപ്പു​കാർ ഉപഭോ​ക്താ​ക്ക​ളിൽനിന്ന്‌ 1,000 കോടി​മു​തൽ 4,000 കോടി​വരെ ഡോളർ—അതായത്‌, ഓരോ മിനി​റ്റി​ലും ഏതാണ്ട്‌ 7,500 ഡോളർ വീതം—തട്ടി​യെ​ടു​ക്കു​ന്നു.

റീഡേ​ഴ്‌സ്‌ ഡൈജസ്റ്റ്‌ ഇങ്ങനെ റിപ്പോർട്ടു ചെയ്‌തു: “ഓരോ വർഷവും കാനഡ​യി​ലു​ട​നീ​ളം 1,50,000-ത്തിലേറെ ആളുകൾക്ക്‌ ടെല​ഫോ​ണി​ലൂ​ടെ കച്ചവട​ത്ത​ട്ടി​പ്പു നടത്തു​ന്ന​വ​രിൽനിന്ന്‌, അവർ ‘വിജയി’ച്ചിരി​ക്കു​ന്നെ​ന്നോ വമ്പിച്ച സമ്മാന​ത്തി​നു ‘തിര​ഞ്ഞെ​ടു​ക്ക​പ്പെട്ടി’രിക്കു​ന്നെ​ന്നോ പറഞ്ഞു​കൊ​ണ്ടുള്ള അറിയി​പ്പു​കൾ ലഭിക്കു​ന്നു. കൂടാതെ, ഇത്തരം അറിയി​പ്പു​ക​ളാൽ കബളി​പ്പി​ക്ക​പ്പെട്ട്‌ ഓരോ വർഷവും ആയിര​ക്ക​ണ​ക്കി​നു കാനഡ​ക്കാർ സമ്മാനം ലഭിക്കു​ന്ന​തി​നാ​യി ശരാശരി 2,000 ഡോളർ വീതം ചെലവ​ഴി​ക്കു​ന്നു.” ഒൺടേ​റി​യോ പ്രവി​ശ്യ​യി​ലെ ഒരു പൊലീസ്‌ ഉദ്യോ​ഗസ്ഥൻ പ്രഖ്യാ​പി​ച്ചു: “കാനഡ​യു​ടെ ചരി​ത്ര​ത്തി​ലെ ഏറ്റവും വലിയ തട്ടിപ്പു​ക​ളിൽപ്പെ​ട്ട​താണ്‌ ടെല​ഫോ​ണി​ലൂ​ടെ​യുള്ള തട്ടിപ്പു​കൾ.” അദ്ദേഹം കൂട്ടി​ച്ചേർക്കു​ന്നു: “ഇതുമൂ​ലം കാനഡ​ക്കാർക്ക്‌ വർഷത്തിൽ കോടി​ക്ക​ണ​ക്കി​നു ഡോളർ നഷ്ടമാ​കു​ന്നു​ണ്ടെന്ന്‌ ഞങ്ങൾക്ക​റി​യാം.” മുഖ്യ​മാ​യും ഇത്‌, പൊലീ​സിൽ റിപ്പോർട്ട്‌ ചെയ്യപ്പെട്ട കേസു​ക​ളു​ടെ കണക്കാണ്‌. തട്ടിപ്പി​നി​ര​യാ​യ​വ​രിൽ 10 ശതമാനം മാത്രമേ തങ്ങളുടെ നഷ്ടം റിപ്പോർട്ടു ചെയ്യു​ന്നു​ള്ളു എന്നതു​കൊണ്ട്‌ പ്രശ്‌ന​ത്തി​ന്റെ പൂർണ​മായ വ്യാപ്‌തി നിർണ​യി​ക്കുക അസാധ്യ​മാണ്‌.

“ഞങ്ങൾ ആളുക​ളോട്‌ വിജയി​ച്ചി​രി​ക്കു​ന്ന​താ​യി പറയു​ന്ന​തു​കൊണ്ട്‌ പിന്നീ​ടവർ അതേക്കു​റിച്ച്‌ കൂടുതൽ വ്യക്തമാ​യി​ട്ടൊ​ന്നും ചിന്തി​ക്കാൻ മിന​ക്കെ​ടു​ന്നില്ല,” ഒരു തട്ടിപ്പു​വീ​രൻ സമ്മതി​ച്ചു​പ​റഞ്ഞു. അയാൾ കൂട്ടി​ച്ചേർത്തു: “ആദ്യം അയാൾ വിസമ്മ​തി​ച്ചാൽത്തന്നെ പണമയ​യ്‌ക്കു​ന്ന​തു​വരെ ഞങ്ങൾ നിർബ​ന്ധി​ച്ചു​കൊ​ണ്ടേ​യി​രി​ക്കും.” ഒരു വ്യക്തി ഒരിക്കൽ തട്ടിപ്പി​നി​ര​യാ​യി​ക്ക​ഴി​ഞ്ഞാൽ അയാളു​ടെ അല്ലെങ്കിൽ അവളുടെ പേർ ടെല​ഫോ​ണി​ലൂ​ടെ കച്ചവടം നടത്തുന്ന മറ്റു സ്ഥാപന​ങ്ങൾക്കു കൈമാ​റു​ന്നു. അങ്ങനെ ആ പേർ “ചൂഷിത”രുടെ പട്ടിക​യിൽ ചേർക്ക​പ്പെ​ടു​ന്നു. അവരുടെ പേരുകൾ മറ്റു തട്ടിപ്പു സ്ഥാപന​ങ്ങൾക്കും കൈമാ​റി​യേ​ക്കാം. അവർ അവരെ തുട​രെ​ത്തു​ടരെ ഫോണിൽ വിളി​ക്കു​ന്നു. ടെല​ഫോ​ണി​ലൂ​ടെ ഇടപാടു നടത്തുന്ന ഒരു ടൊറ​ന്റോ​ക്കാ​രി ഇങ്ങനെ പറഞ്ഞു: “ഞങ്ങൾ ചൂഷി​ത​രു​ടെ പട്ടിക​യി​ലു​ള്ള​വ​രു​മാ​യി ഫോണി​ലൂ​ടെ ബന്ധപ്പെ​ടു​മ്പോൾ 75 ശതമാ​ന​വും ആദ്യത്തെ വിളി​ക്കു​തന്നെ സാധനം വാങ്ങും. മൂന്നാം തവണ വിളി​ക്കു​മ്പോ​ഴേ​ക്കും അത്‌ 50 ശതമാ​ന​മാ​യി കുറയു​ന്നു. എന്നാൽ ഒരിക്കൽ കുടു​ങ്ങി​ക്ക​ഴി​ഞ്ഞാൽ ചിലർ പണം അയച്ചു​കൊ​ണ്ടേ​യി​രി​ക്കും. പണം വാരി​ക്കൂ​ട്ടാ​നുള്ള വ്യാ​മോ​ഹ​ത്താൽ അവർ മറ്റെല്ലാം മറക്കുന്നു.”

ടെല​ഫോ​ണി​ലൂ​ടെ​യുള്ള തട്ടിപ്പി​നി​ര​യാ​കു​ന്നവർ വമ്പിച്ച സമ്മാനം കരസ്ഥമാ​ക്കാ​മെന്ന വ്യാ​മോ​ഹ​ത്താൽ എത്രമാ​ത്രം പണമാണ്‌ ചെലവാ​ക്കു​ന്നത്‌? “ബാങ്കു​കാ​രു​ടെ സഹായ​ത്തോ​ടെ ഞങ്ങൾക്ക്‌ പ്രായ​മായ ചിലരു​ടെ സമ്പാദ്യം മരവി​പ്പി​ക്കേ​ണ്ടി​വ​ന്നി​ട്ടുണ്ട്‌, അവർ പാപ്പരാ​കാ​തി​രി​ക്കാൻ,” ഒരു പൊലീസ്‌ കുറ്റാ​ന്വേ​ഷകൻ പറഞ്ഞു. അടുത്ത​യി​ടെ ഭർത്താവ്‌ മരിച്ചു​പോയ ഒരു സ്‌ത്രീ, ടെല​ഫോ​ണി​ലൂ​ടെ വ്യാപാര ഇടപാ​ടു​കൾ നടത്തുന്ന 16 വ്യത്യസ്‌ത വ്യക്തി​കൾക്ക്‌ 36 തവണക​ളാ​യി 85,000 ഡോള​റി​ലേറെ നൽകി​യ​താ​യി കണ്ടെത്ത​പ്പെട്ടു. പകരം അവർക്ക്‌ ലഭിച്ച​തോ, “വിലയി​ല്ലാത്ത കുറെ ആഭരണ​ങ്ങ​ളും.”

ബുദ്ധി​ശാ​ലി​കളെ കുടു​ക്കാൻ വൻ തട്ടിപ്പു​വി​ദ്യ​കൾ

ഇത്തരം തട്ടിപ്പു​കൾ പതിവാ​ക്കി​യി​രി​ക്കു​ന്ന​വർക്ക്‌ വ്യക്തി​ഭേ​ദ​മില്ല. സമൂഹ​ത്തി​ന്റെ എല്ലാ സാമ്പത്തിക തലങ്ങളി​ലു​ള്ള​വ​രും അവർക്ക്‌ ഇരകളാ​കു​ന്നു. ബുദ്ധി​ശാ​ലി​ക​ളെന്നു വിളി​ക്ക​പ്പെ​ടുന്ന, ഏറ്റവും മുന്തിയ വിദ്യാ​ഭ്യാ​സം ലഭിച്ച​വർപോ​ലും കബളി​പ്പി​ക്ക​പ്പെ​ട്ടി​ട്ടുണ്ട്‌. ഏറ്റവും ജാഗരൂ​ക​നായ ഉപഭോ​ക്താ​വി​നെ​പോ​ലും കുടു​ക്കും​വി​ധം അത്രയ്‌ക്കു തന്ത്രപൂർവ​മാണ്‌ അവർ കെണി​യൊ​രു​ക്കു​ന്നത്‌. ബുദ്ധി​ശാ​ലി​ക​ളായ ക്രേതാ​ക്കളെ ലക്ഷ്യം​വെ​ച്ചു​കൊ​ണ്ടുള്ള വൻതു​ക​യു​ടെ തട്ടിപ്പു​കൾ ടെലി​വി​ഷ​നി​ലോ തപാൽവഴി അയയ്‌ക്കുന്ന നിറപ്പ​കി​ട്ടാർന്ന ലഘുപ​ത്രി​ക​ക​ളി​ലോ പരസ്യ​പ്പെ​ടു​ത്തി​യേ​ക്കാം. വമ്പിച്ച ലാഭം കിട്ടുന്ന നിക്ഷേ​പങ്ങൾ—ചലച്ചിത്ര സ്റ്റുഡി​യോ​കൾ, സ്വർണം, സ്വർണ​ഖ​നി​കൾ, എണ്ണക്കി​ണ​റു​കൾ എന്നിവ​യി​ലുള്ള നിക്ഷേ​പങ്ങൾ—അവർ ഇവയി​ലുൾപ്പെ​ടു​ത്തി​യേ​ക്കാം. പട്ടിക അങ്ങനെ നീണ്ടു​പോ​കു​ന്നു. എങ്കിലും ഫലം ഒന്നുതന്നെ—സമ്പൂർണ നഷ്ടം.

“അവരുടെ ചതി​പ്ര​യോ​ഗ​ങ്ങൾക്കു കൈയും കണക്കു​മില്ല,” തട്ടിപ്പി​നി​ര​യായ അഭ്യസ്‌ത​വി​ദ്യ​യായ ഒരു സ്‌ത്രീ പറഞ്ഞു. “ഒരു സ്‌കൂൾ അധ്യാ​പി​ക​യെന്ന നിലയിൽ എനിക്ക്‌ അൽപ്പം അറിവും പരിച​യ​വു​മൊ​ക്കെ​യു​ണ്ടെ​ന്നാ​ണു ഞാൻ കരുതി​യത്‌. . . . വാഗ്‌ദാ​ന​ങ്ങ​ളു​ടെ നിലയ്‌ക്കാത്ത പ്രവാ​ഹ​മാ​യി​രു​ന്നു,” ഒരു ചലച്ചിത്ര നിർമാണ കമ്പനി തട്ടിപ്പിൽ അവർക്ക്‌ 20,000 ഡോളർ നഷ്ടമായി.

ടെല​ഫോ​ണി​ലൂ​ടെ​യുള്ള കച്ചവട​ത്ത​ട്ടിപ്പ്‌ ഒരു രാജ്യാ​ന്തര പ്രശ്‌ന​മാണ്‌. അത്‌ “ഈ ദശകത്തിൽ കൂടുതൽ വഷളാകു”മെന്ന്‌ അന്വേ​ഷകർ പ്രവചി​ക്കു​ന്നു.” എന്നാൽ, സൂക്ഷി​ക്കുക! മറ്റു തരത്തി​ലുള്ള തട്ടിപ്പു​ക​ളു​മുണ്ട്‌. ചില തട്ടിപ്പു​വീ​ര​ന്മാ​രു​ടെ പ്രിയ​പ്പെട്ട ഇരകളാണ്‌ പ്രായ​മാ​യവർ.

[4-ാം പേജിലെ ചിത്രം]

ഒരു കൊടു​ങ്കാ​റ്റി​നു​ശേഷം വരുന്ന തട്ടിപ്പു​കാ​രെ സൂക്ഷി​ക്കുക!

[5-ാം പേജിലെ ചിത്രം]

“നിങ്ങൾ ഒരു സൗജന്യ സമ്മാന​ത്തിന്‌ അർഹനാണ്‌!”—ആണോ?