കിരീ​ട​ധാ​രി​ക​ളായ കൊക്കു​കൾ—വർണഭം​ഗി​യാർന്ന ചൂഡയുള്ള നർത്തകർ

കെനിയയിലെ ഉണരുക! ലേഖകൻ

കിരീ​ട​ധാ​രി​യായ കൊക്ക്‌ ലോക​ത്തി​ലെ ഏറ്റവും മനോ​ഹ​ര​മായ പക്ഷിക​ളി​ലൊ​ന്നാണ്‌. മൃദു​വർണ​ങ്ങ​ളും രൂപഭം​ഗി​യു​മുള്ള പ്രൗഢി​യാർന്ന ഒരു പക്ഷിയാ​ണത്‌. ഒരു മീറ്ററി​ല​ധി​കം നീളം, നല്ല ചിറകു​വി​രിവ്‌, മൃദു​ല​മെ​ങ്കി​ലും മറ്റു കൊക്കു​കൾക്കു​ള്ള​തു​പോ​ലെ നീണ്ട കഴുത്തും.

കിരീ​ട​ധാ​രി​യായ ആൺകൊ​ക്കി​നെ​യും പെൺകൊ​ക്കി​നെ​യും കണ്ടാൽ ഒരു​പോ​ലി​രി​ക്കും. ഈ പക്ഷിയു​ടെ ഇരുവ​ശ​ങ്ങ​ളി​ലും കാണുന്ന തൂവെള്ള ചിറകിൻതൂ​വ​ലു​കൾക്കു വാൽഭാ​ഗ​ത്തേക്കു ചെല്ലു​മ്പോൾ തങ്കവർണം കൈവ​രു​ന്നു. മുതു​കി​ലെ കറുത്ത തൂവലു​കൾ അവയ്‌ക്ക്‌ ആകർഷ​ക​മായ ഒരു ചട്ടക്കൂ​ടു​പോ​ലെ വർത്തി​ക്കു​ന്നു. ചിറകി​ലെ മറ്റു തൂവലു​കൾക്കു ചുവപ്പു​ക​ലർന്ന തവിട്ടു​നി​റ​മാണ്‌.

കിരീ​ട​ധാ​രി​യായ കൊക്കി​ന്റെ മുഖം കാഴ്‌ച​യ്‌ക്കു വളരെ ഹൃദ്യ​മാണ്‌. അതിന്റെ കവിളു​കൾക്ക്‌ ആനക്കൊ​മ്പി​ന്റെ നിറമാണ്‌. ഉച്ചിയി​ലും തൊണ്ട​യി​ലു​മുള്ള തൂവലു​കൾക്കു കരിന്താ​ളി​യു​ടെ നിറവും. കണ്ണുക​ളു​ടെ നിറം ഇളംനീ​ല​യാണ്‌. കരിന്തൂ​വ​ലു​ക​ളുള്ള തൊണ്ട​യിൽനിന്ന്‌ നീണ്ട, കടും​ചു​വപ്പു നിറത്തി​ലുള്ള താട തൂങ്ങി​ക്കി​ട​ക്കു​ന്നു. കൊക്ക്‌ കഴുത്ത്‌ തിരശ്ചീ​ന​മാ​യി നീട്ടു​മ്പോൾ കടും​വർണ​ത്തി​ലുള്ള ഒരു ആഭരണം​പോ​ലെ അതു തൂങ്ങി​യാ​ടും. എല്ലാറ്റി​ലും ശ്രദ്ധേ​യ​മാ​യത്‌ നേർത്ത, തങ്കവർണ​ത്തി​ലുള്ള ശിരോ​തൂ​വ​ലു​ക​ളി​ലെ പകിട്ടാർന്ന പപ്പുക​ളാണ്‌. അവയെ​ല്ലാം ചേർന്ന്‌ മനോ​ഹ​ര​മായ ഒരു ഉജ്ജ്വല കിരീടം കണക്കെ തോന്നി​ക്കു​ന്നു. ഉജ്ജ്വല​മായ, നേർത്ത ഈ തൂവലു​കൾ സൂര്യ​കി​ര​ണ​ങ്ങ​ളേൽക്കു​മ്പോൾ തങ്കവർണ​ത്തിൽ തിളങ്ങു​ന്നു. പകി​ട്ടേ​റിയ ഈ വിരു​ദ്ധ​വർണ​ങ്ങ​ളെ​ല്ലാം നീണ്ട്‌ വണ്ണം കുറഞ്ഞ രണ്ടു കറുത്ത കാലു​കൾക്കു​മീ​തെ നന്നായി സമീക​രി​ക്ക​പ്പെ​ട്ടി​രി​ക്കു​ന്നു.

കിരീ​ട​ധാ​രി​യായ കൊക്കി​ന്റെ കാഹള​ധ്വ​നി ആഫ്രി​ക്ക​യി​ലെ അവിസ്‌മ​ര​ണീ​യ​മായ ശബ്ദങ്ങളി​ലൊ​ന്നാണ്‌: ഓവാങ്‌! ഓവാങ്‌! ഓവാങ്‌! ഉച്ചത്തി​ലുള്ള ഈ വിളി വളരെ അകലെ​പ്പോ​ലും കേൾക്കാം. ചേക്കേ​റുന്ന വൃക്ഷങ്ങ​ളി​ലേ​ക്കോ അവയിൽനി​ന്നോ പറക്കു​മ്പോൾ ഇണക്കൊ​ക്കു​കൾ മിക്ക​പ്പോ​ഴും ഒന്നിച്ച്‌ ഈ ശബ്ദം പുറ​പ്പെ​ടു​വി​ക്കാ​റുണ്ട്‌. വർഷത്തി​ലെ ചില സമയങ്ങ​ളിൽ കിരീ​ട​ധാ​രി​ക​ളായ കൊക്കു​കൾ ഒന്നിച്ചു​കൂ​ടു​ന്നു, 30-ഓളം കണ്ടേക്കാം അവയുടെ എണ്ണം. അപ്പോഴവ കാതു​കൾക്ക്‌ ഇമ്പമേ​കുന്ന ലയരഹിത ശബ്ദം പുറ​പ്പെ​ടു​വി​ക്കാ​റുണ്ട്‌.

മാതൃ-പിതൃ പരിപാ​ല​നം

കിരീ​ട​ധാ​രി​ക​ളായ കൊക്കു​കൾ ആജീവ​നാന്ത ഇണബന്ധം നിലനിർത്തു​ന്ന​വ​യാണ്‌. ആഫ്രി​ക്ക​യു​ടെ കിഴക്കൻ ഭാഗങ്ങ​ളിൽ പലയി​ട​ത്തും, പ്രത്യേ​കിച്ച്‌ ചതുപ്പു​നി​ല​ങ്ങ​ളി​ലും ചെളി​പ്ര​ദേ​ശ​ങ്ങ​ളി​ലും, അവയെ കാണാം. അവിടെ അവ കൂടു​കെട്ടി കുഞ്ഞു​ങ്ങളെ വളർത്തു​ന്നു. പുല്ലും ഞാങ്ങണ​യും കൊണ്ടു​ണ്ടാ​ക്കിയ കോണാ​കൃ​തി​യി​ലുള്ള ഒരു വലിയ കൂനയാണ്‌ അതിന്റെ കൂട്‌. അങ്ങനെ​യു​ണ്ടാ​ക്കുന്ന കൂടിന്റെ തട്ടിൽ പെൺകൊക്ക്‌ രണ്ടോ മൂന്നോ വലിയ മുട്ടക​ളി​ടു​ന്നു. അവയുടെ നിറം പച്ച കലർന്ന നീലയാ​യി​രി​ക്കും. ആൺകൊ​ക്കും പെൺകൊ​ക്കും മാറി​മാ​റി അടയി​രി​ക്കും. ഒരു മാസത്തി​നു​ള്ളിൽ മുട്ട വിരിഞ്ഞ്‌ കുഞ്ഞു​ങ്ങ​ളു​ണ്ടാ​കു​ന്നു. പിഞ്ചു​കു​ഞ്ഞു​ങ്ങളെ പോറ്റാ​നും പരിപാ​ലി​ക്കാ​നു​മാ​യി ഇരുപ​ക്ഷി​ക​ളും കൂട്ടായി പ്രവർത്തി​ക്കു​ന്നു. പറക്കമു​റ്റാത്ത ഈ പിഞ്ചു​കു​ഞ്ഞു​ങ്ങളെ അവ നിർഭയം സംരക്ഷി​ക്കു​ന്നു.

പ്രാണി​കൾ, തവളകൾ, ചെറിയ പാമ്പുകൾ, വിത്തുകൾ തുടങ്ങി​യ​വ​യൊ​ക്കെ​യാണ്‌ കിരീ​ട​ധാ​രി​യായ കൊക്കി​ന്റെ പ്രധാന ഭക്ഷണം. നീണ്ട്‌ വണ്ണം കുറഞ്ഞ കാലു​ക​ളും വലിയ പാദങ്ങ​ളു​മു​പ​യോ​ഗിച്ച്‌ അവ നിലത്ത്‌ അമർത്തി​ച്ച​വി​ട്ടും. അപ്പോൾ പുല്ലു​കൾക്കി​ട​യിൽനിന്ന്‌ ഓടി​പ്പോ​കുന്ന കൊച്ചു​പ്രാ​ണി​കളെ അവ അകത്താ​ക്കു​ന്നു.

പക്ഷിന​ട​നം

കിരീ​ട​ധാ​രി​ക​ളായ കൊക്കു​കൾ ആനന്ദം പകരുന്ന ഊർജ​സ്വ​ല​രായ നർത്തക​രാണ്‌. വർണഭം​ഗി​യാർന്ന അതിന്റെ വലിയ ചിറകു​കൾ അടിച്ചു​കൊണ്ട്‌ അതു വായു​വിൽ കുത്തനെ പറന്നു​പൊ​ങ്ങി​യിട്ട്‌, ഒരു പാരച്ചൂ​ട്ടി​ലെ​ന്ന​പോ​ലെ മെല്ലെ നില​ത്തേക്കു താഴ്‌ന്നി​റ​ങ്ങു​ന്നു. മനോ​ജ്ഞ​മാ​യി ചാടി​ന​ട​ക്കുന്ന അത്‌ ഒന്നോ​ടി​യിട്ട്‌ വായു​വി​ലേക്ക്‌ കുതി​ച്ചു​ചാ​ടി, ഝടുതി​യി​ലുള്ള രസികൻ ചലനങ്ങ​ളോ​ടെ തല വെട്ടി​ച്ചു​കൊണ്ട്‌ ഇണയ്‌ക്കു ചുറ്റും നടക്കുന്നു. അവ വലിയ ചിറകു​കൾ വിരി​ച്ചു​പി​ടിച്ച്‌ നിവർന്നു നിൽക്കു​ക​യും ചിറകി​ലെ തൂവലു​ക​ളു​ടെ സുന്ദര​വർണങ്ങൾ പ്രദർശി​പ്പി​ക്കു​ക​യും ചെയ്യുന്നു.

ചില​പ്പോൾ ഇണകൾ അഴകാർന്ന രീതി​യിൽ കഴുത്തു​കൾ വളച്ചു​പി​ടിച്ച്‌ പരസ്‌പരം കണ്ണിൽക്ക​ണ്ണിൽ നോക്കി​നിൽക്കും. കൊ​ക്കോ​ടു​കൊ​ക്കു​രു​മ്മി ഇരുകി​ളി​ക​ളും താഴ്‌ന്ന ശബ്ദത്തിൽ തുടർച്ച​യാ​യി അന്യോ​ന്യം പ്രേമ​ഗാ​നം ആലപി​ക്കു​ന്ന​തു​പോ​ലെ തോന്നും. നിവർന്നു​നിന്ന്‌ അവ വീണ്ടും തങ്ങളുടെ നടനം തുടരു​ക​യാ​യി.

അതിജീ​വി​ക്കാ​നുള്ള പോരാ​ട്ടം

കിരീ​ട​ധാ​രി​ക​ളായ കൊക്കു​കൾ മനുഷ്യ​രെ ഭയമു​ള്ള​വയല്ല, അവയെ മെരു​ക്കി​യെ​ടു​ക്കാ​നും എളുപ്പ​മാണ്‌. അവയുടെ വർണഭം​ഗി​യും ആകാര​സൗ​ഷ്‌ഠ​വ​വും മനംമ​യ​ക്കുന്ന നടന​പ്രാ​പ്‌തി​ക​ളും നിമിത്തം മൃഗശാ​ല​ക​ളിൽ അവയ്‌ക്കു പ്രിയ​മു​ണ്ടെന്നു മാത്രമല്ല, സ്വകാര്യ സ്ഥലങ്ങളി​ലും പൂന്തോ​ട്ട​ങ്ങ​ളി​ലും അഴകി​നാ​യി അവയെ വളർത്താ​റു​മുണ്ട്‌. ഇത്രയ​ധി​കം പ്രിയ​മു​ള്ള​തു​കൊണ്ട്‌ അവയുടെ എണ്ണം കുറഞ്ഞു​വ​രു​ന്ന​തിൽ അതിശ​യി​ക്കാ​നില്ല. ചതുപ്പു​നി​ലങ്ങൾ വറ്റിക്കു​ന്ന​തും തടാക​ങ്ങ​ളെ​യും അരുവി​ക​ളെ​യും മലീമ​സ​മാ​ക്കുന്ന വിഷപ​ദാർഥ​ങ്ങ​ളും കീടനാ​ശി​നി​ക​ളും ഉപയോ​ഗി​ക്കു​ന്ന​തും കിരീ​ട​ധാ​രി​ക​ളായ കൊക്കു​കളെ അപകട​ത്തി​ലാ​ക്കു​ന്നു.

കിരീ​ട​ധാ​രി​യായ കൊക്കി​നെ കാണാ​നി​ല്ലാത്ത, അതിന്റെ നാദം കേൾക്കാ​നി​ല്ലാത്ത ഒരു നാൾ വന്നാൽ അതു സങ്കടക​ര​മാ​യി​രി​ക്കും. എന്നിരു​ന്നാ​ലും, മുഴു​ഭൂ​മി​യും പുതു​ക്ക​പ്പെ​ടു​മെന്നു ബൈബിൾ വാഗ്‌ദാ​നം ചെയ്യുന്നു. (2 പത്രൊസ്‌ 3:13 താരത​മ്യം ചെയ്യുക.) അപ്പോൾ ഭൂമി​യി​ലെ സകല നിവാ​സി​ക​ളും, ദിവ്യ​നിർമാ​താ​വായ യഹോ​വ​യാം ദൈവ​ത്തി​ന്റെ സൃഷ്ടി​പാ​ട​വ​ത്തി​ലും അവന്റെ വർണഭം​ഗി​യാർന്ന, ചൂഡയുള്ള ഈ നർത്തക​രി​ലും എന്നെന്നും ആനന്ദി​ക്കും.