വിക്കി​നെ​ക്കു​റി​ച്ചുള്ള ഭയം മനസ്സി​ലാ​ക്കൽ

വാക്‌ചാ​തു​ര്യ​മുള്ള ഒരു വ്യക്തി​യും വിക്കു​ണ്ടാ​കു​മോ എന്നു ഭയപ്പെ​ടുന്ന ഒരു വ്യക്തി​യും തമ്മിലുള്ള വ്യത്യാ​സം നിങ്ങൾക്കു പറയാ​മോ? ‘ഓ, അതാണോ ഇത്ര വലിയ കാര്യം, എനിക്ക​റി​യാം,’ നിങ്ങൾ ഉത്തരം പറഞ്ഞേ​ക്കാം. എന്നാൽ, ആഫ്രി​ക്കാൻസ്‌ ഭാഷയി​ലുള്ള തന്റെ ഹ്‌ഹ്‌ഹാ​ക്കൽ (വ്‌വ്‌വിക്ക്‌) എന്ന പുസ്‌ത​ക​ത്തിൽ പേയ്‌റ്റർ ലോ എഴുതിയ സംഗതി പരിഗ​ണി​ക്കുക: “സാധ്യ​ത​യ​നു​സ​രിച്ച്‌, ‘വ്യക്തമാ​യും’ വിക്കുള്ള ഓരോ വ്യക്തി​യോ​ടു​മുള്ള അനുപാ​ത​ത്തിൽ ഈ പ്രശ്‌നം അത്ര പ്രകട​മ​ല്ലാത്ത പത്തു പേരുണ്ട്‌. അവർ കഴിയു​ന്നി​ട​ത്തോ​ളം ശ്രദ്ധി​ക്ക​പ്പെ​ടാ​തി​രി​ക്കാൻ ആഗ്രഹി​ക്കു​ക​യും വ്യത്യസ്‌ത വിധങ്ങ​ളിൽ തങ്ങളുടെ സംസാ​ര​വൈ​ക​ല്യം മറച്ചു​പി​ടി​ക്കു​ക​യും ചെയ്യുന്നു.” സംസാര വൈക​ല്യം മറച്ചു​പി​ടി​ക്കു​ക​യോ? അതെങ്ങനെ സാധി​ക്കും?

വിക്കുള്ള ചിലർ പറയാൻ മുമ്പു ബുദ്ധി​മു​ട്ട​നു​ഭ​വ​പ്പെ​ട്ടി​ട്ടുള്ള വാക്കു​ക​ളെ​ക്കു​റി​ച്ചു മുൻകൂ​ട്ടി ചിന്തി​ച്ചു​കൊണ്ട്‌ തങ്ങളുടെ വൈക​ല്യം ഏതെങ്കി​ലും വിധത്തിൽ മറച്ചു​പി​ടി​ക്കു​ന്നു. എന്നിട്ട്‌ ആ വാക്കു പറയു​ന്ന​തി​നു പകരം അവർ വാചക​ഘടന മാറ്റു​ക​യോ അതേ അർഥം ധ്വനി​ക്കുന്ന മറ്റൊരു പദമു​പ​യോ​ഗി​ക്കു​ക​യോ ചെയ്യുന്നു. ഒരു ഭർത്താവ്‌ തന്റെ വിവാ​ഹ​ജീ​വി​ത​ത്തിൽ 19 വർഷം വിക്കു മറച്ചു​പി​ടി​ക്കു​ന്ന​തിൽ വിജയി​ച്ചു. ഒടുവിൽ ഭാര്യ​യു​ടെ മുമ്പാകെ സത്യം വെളി​പ്പെ​ട്ട​പ്പോൾ അവൾ ഒരു സംസാ​ര​വൈ​കല്യ ചികി​ത്സാ​വി​ദ​ഗ്‌ധ​നോ​ടു ചോദി​ച്ചു: “അദ്ദേഹം എല്ലായ്‌പോ​ഴും എന്നെ​ക്കൊ​ണ്ടു ഫോൺ ചെയ്യി​പ്പി​ക്കു​ന്ന​തി​നും ഹോട്ട​ലിൽ പോകു​മ്പോൾ ഭക്ഷണത്തിന്‌ ഓർഡർ ചെയ്യി​പ്പി​ക്കു​ന്ന​തി​നും . . . അദ്ദേഹം യോഗ​ങ്ങ​ളിൽ ഒരിക്ക​ലും അഭി​പ്രാ​യങ്ങൾ പറയാ​തി​രു​ന്ന​തി​നു​മൊ​ക്കെ കാരണം അതാ​ണെന്നു നിങ്ങൾക്കു തോന്നു​ന്നു​ണ്ടോ?”

ദക്ഷിണാ​ഫ്രി​ക്ക​യിൽനി​ന്നുള്ള സന്തുഷ്ട വിവാ​ഹ​ദ​മ്പ​തി​ക​ളായ ഗേരാർട്ടി​നെ​യും മരീയ​യെ​യും കുറിച്ചു പരിചി​ന്തി​ക്കുക.a താൻ ബൈബിൾ പഠന​യോ​ഗ​ങ്ങ​ളിൽ ഉത്തരങ്ങൾ പറയാ​തി​രി​ക്കു​ന്നത്‌ വിക്ക്‌ ഉണ്ടാകു​മോ എന്ന ഭയം നിമി​ത്ത​മാ​ണെന്നു നിരവധി തവണ മരീയ തന്റെ ഭർത്താ​വി​നോ​ടു വിശദീ​ക​രി​ക്കാൻ ശ്രമിച്ചു. “വിഡ്‌ഢി​ത്തം പറയാ​തി​രി​ക്കൂ,” അദ്ദേഹം ദൃഢമാ​യി പറയും, “നിനക്കു വിക്കൊ​ന്നു​മില്ല.” തന്റെ ഭാര്യ​യു​ടെ വാചാ​ല​പ്ര​കൃ​തത്തെ അടിസ്ഥാ​ന​പ്പെ​ടു​ത്തി​യാണ്‌ ഗേരാർട്ട്‌ ഈ നിഗമ​ന​ത്തി​ലെ​ത്തി​യത്‌. ചില പ്രത്യേക സാഹച​ര്യ​ങ്ങ​ളിൽ സംസാ​രി​ക്കു​മ്പോൾ മാത്രമേ അവൾ വിക്ക്‌ ഉണ്ടാകു​മോ എന്നു ഭയപ്പെ​ടാ​റു​ള്ളൂ. വിവാഹം കഴിഞ്ഞ്‌ അഞ്ചുവർഷ​ത്തി​നു ശേഷം ആദ്യമാ​യി ഗേരാർട്ട്‌ ഇതു സംബന്ധിച്ച്‌ ബോധ​വാ​നാ​യി. അദ്ദേഹം ഇങ്ങനെ തുറന്നു സമ്മതി​ക്കു​ന്നു: “ഞാൻ അറിവും പരിഗ​ണ​ന​യു​മി​ല്ലാ​ത്ത​വ​നാ​യി​രു​ന്നു.” ഇപ്പോൾ, വിമർശി​ക്കു​ന്ന​തി​നു പകരം ഒരു വലിയ സദസ്സിനു മുമ്പാകെ സംസാ​രി​ക്കാൻ ധൈര്യം സമാഹ​രി​ക്കുന്ന ഓരോ തവണയും അദ്ദേഹ​മ​വളെ അഭിന​ന്ദി​ക്കു​ന്നു.

മനസ്സി​ലാ​ക്കാ​വു​ന്ന​തു​പോ​ലെ, വിക്കുള്ള ഒട്ടുമി​ക്ക​വ​രെ​യും ബാധി​ച്ചി​രി​ക്കു​ന്നത്‌ “ഭയമാണ്‌ . . . ഇതു ചില​പ്പോൾ കുറഞ്ഞ അളവിൽ സ്ഥിരമാ​യി അനുഭ​വ​പ്പെ​ടു​ന്ന​താ​കാം, എന്നാൽ മിക്ക​പ്പോ​ഴും അതു തീവ്ര​മാ​യി​രി​ക്കാം,” വിക്ക്‌ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ വിക്കനായ ഡേവിഡ്‌ കോം​പ്‌ടൺ വിശദീ​ക​രി​ക്കു​ന്നു. “അയാൾക്ക്‌, താനേ​റ്റ​വും ദുർബ​ല​നാ​ണെന്നു തോന്നുന്ന നിമി​ഷ​ത്തിൽ, സഹമനു​ഷ്യ​രു​മാ​യുള്ള ബന്ധം ഏറ്റവും ആവശ്യ​മുള്ള സമയത്ത്‌, സംസാ​ര​ത്തി​ലൂ​ടെ—അതു സാധാരണ സംസാ​ര​മോ ഹൃദയം തുറന്നു​ള്ള​തോ ആയി​ക്കൊ​ള്ളട്ടെ—വികാ​രങ്ങൾ മറ്റുള്ള​വരെ അറിയി​ക്കാൻ ശ്രമി​ക്കുന്ന അവസര​ങ്ങ​ളിൽ തന്റെ വികാ​രങ്ങൾ വ്രണ​പ്പെ​ടു​ക​യോ താൻ പരിഹാ​സ്യ​നാ​കു​ക​യോ ചെയ്യാൻ സാധ്യ​ത​യു​ണ്ടെന്നു പ്രതീ​ക്ഷി​ക്കാ​വു​ന്ന​താണ്‌ . . . ഏറ്റവും വിജയ​ക​ര​മാ​യി അതിനെ തരണം ചെയ്യു​ന്ന​വർപോ​ലും അപ്പോ​ഴും, തങ്ങൾ ഭയത്തിന്റെ സ്വാധീ​ന​ത്തി​ലാ​ണെ​ന്നും അതൊ​രി​ക്ക​ലും തങ്ങളെ പൂർണ​മാ​യി വിട്ടു​പോ​കു​ന്നി​ല്ലെ​ന്നും സമ്മതി​ക്കു​ന്നു.”

ഭയമു​ണർത്തി​യേ​ക്കാ​വുന്ന സാഹച​ര്യ​ങ്ങൾ

വിക്കുള്ള ഒരാളെ, സ്‌കൂ​ളി​ലെ ക്ലാസ്സു​മു​റി​യി​ലോ ഒരു ബിസി​നസ്‌ യോഗ​ത്തി​ലോ മതപര​മായ കൂടി​വ​ര​വി​ലോ​വെച്ച്‌ സദസ്സിനു മുമ്പാകെ ഒരു ചോദ്യ​ത്തി​നു​ത്തരം നൽകാൻ ക്ഷണിക്കു​മ്പോൾ അയാൾക്ക്‌ ഉത്‌ക​ണ്‌ഠ​യു​ള​വാ​കു​ക​യും അതു നിമിത്തം വിക്കു വല്ലാതെ കൂടു​ക​യും ചെയ്യും. “വെറുതെ മിണ്ടാ​തി​രി​ക്കു​ന്നത്‌ എത്രയോ മെച്ച​മെന്നു നിങ്ങൾക്കു തോന്നുന്ന അവസര​ങ്ങ​ളു​ണ്ടാ​യി​ട്ടു​ണ്ടോ?” എന്ന്‌ വിക്കുള്ള പതിന​ഞ്ചു​കാ​രി​യായ ദക്ഷിണാ​ഫ്രി​ക്ക​ക്കാ​രി റോസ​ന്ന​യോട്‌ ഒരു റേഡി​യോ അഭിമു​ഖ​ത്തിൽ ചോദി​ച്ചു. അവൾ മറുപടി പറഞ്ഞു, “അനേകം തവണ. ഉദാഹ​ര​ണ​ത്തിന്‌, ക്ലാസ്സു​മു​റി​യി​ലാ​യി​രി​ക്കു​മ്പോൾ എനിക്കു മാർക്കു നേടി​ത്ത​രു​മെന്ന്‌ ഉറപ്പുള്ള ശരിയായ ഒരു ഉത്തരം അറിയാ​മാ​യി​രി​ക്കും. പക്ഷേ അതൊന്നു പറഞ്ഞൊ​പ്പി​ക്കാ​നുള്ള പാട്‌ എനിക്കേ അറിയൂ.”

ആ റേഡി​യോ പരിപാ​ടി​യിൽ സിമോൺ എന്നു പേരുള്ള ഒരു ബിസി​ന​സു​കാ​ര​നു​മാ​യും അഭിമു​ഖം നടത്തി​യി​രു​ന്നു. റോസ​ന്ന​യെ​പ്പോ​ലെ സിമോ​ണും സംസാ​ര​വൈ​ദ​ഗ്‌ധ്യ ചികി​ത്സ​യു​ടെ സഹായ​ത്താൽ വളരെ​യേറെ പുരോ​ഗ​മി​ച്ചി​രു​ന്നു. പക്ഷേ ഇപ്പോ​ഴും, അദ്ദേഹ​ത്തിന്‌ ഇടയ്‌ക്കൊ​ക്കെ വിക്കനു​ഭ​വ​പ്പെ​ടാ​റുണ്ട്‌. സദസ്യ​രു​ടെ മനോ​ഭാ​വം ചില​പ്പോ​ഴൊ​ക്കെ അതു വർധി​ക്കാ​നും ഇടയാ​ക്കും. “നിങ്ങൾ ഒരു ബോർഡ്‌ മീറ്റിം​ഗിൽ പങ്കെടു​ക്കു​ക​യാ​ണെ​ന്നി​രി​ക്കട്ടെ. അവിടെ നിങ്ങൾക്കു വളരെ​യേറെ പറയാ​നുണ്ട്‌, സംസാ​രി​ക്കാൻ ബുദ്ധി​മു​ട്ടുള്ള സമയവും. മീറ്റിം​ഗി​നു വേണ്ടി മേശയ്‌ക്കു​ചു​റ്റും കൂടി​വ​ന്നി​രി​ക്കു​ന്നവർ വളരെ, വളരെ അക്ഷമരാ​യി​ത്തീ​രും,” അദ്ദേഹം വിശദീ​ക​രി​ക്കു​ന്നു.

വിക്കുള്ള ഒരാൾക്ക്‌ അനുഭ​വ​പ്പെ​ടുന്ന ഭയത്തെ ലജ്ജാലു​വായ ഒരാൾക്ക്‌ അപരി​ചി​ത​രോ​ടു സംസാ​രി​ക്കു​മ്പോ​ഴു​ണ്ടാ​യേ​ക്കാ​വുന്ന ഭയവു​മാ​യി കൂട്ടി​ക്കു​ഴ​യ്‌ക്ക​രുത്‌. കഴിഞ്ഞ രണ്ടു വർഷമാ​യി യഹോ​വ​യു​ടെ സാക്ഷി​ക​ളു​ടെ യോഗ​ങ്ങൾക്കു ഹാജരാ​കുന്ന ലീസാ​യെ​ക്കു​റി​ച്ചു പരിചി​ന്തി​ക്കുക. കൂട്ടു​കാ​രു​മാ​യി സാധാരണ സംഭാ​ഷ​ണ​ങ്ങ​ളി​ലേർപ്പെ​ടു​മ്പോൾ അവൾക്കു മിക്കവാ​റും ഒഴു​ക്കോ​ടു​കൂ​ടി സംസാ​രി​ക്കാൻ സാധി​ക്കു​ന്നു. മുൻ​കൈ​യെ​ടുത്ത്‌ അപരി​ചി​തരെ സമീപി​ക്കേ​ണ്ടി​വ​രുന്ന സുവി​ശേ​ഷ​വേ​ല​യി​ലും അവൾ തീക്ഷ്‌ണ​ത​യോ​ടെ പങ്കെടു​ക്കു​ന്നു. പക്ഷേ വിക്കുള്ള മിക്കവ​രി​ലും കാണുന്ന ഒരു ഭയം അവൾക്കുണ്ട്‌—വലിയ ഒരു സദസ്സിനു മുമ്പാകെ സംസാ​രി​ക്കു​ന്നത്‌. “ഞങ്ങളുടെ യോഗ​ങ്ങ​ളിൽ പങ്കെടു​ക്കു​മ്പോൾ,” ലീസാ വിശദ​മാ​ക്കു​ന്നു, “കൈ​പൊ​ക്കി ചോദ്യ​ത്തിന്‌ ഉത്തരം നൽകാൻ എനിക്കു വല്ലപ്പോ​ഴു​മൊ​ക്കെയേ സാധി​ക്കാ​റു​ള്ളൂ. ഇനി അഥവാ ഒരു ഉത്തരം പറഞ്ഞാൽത്തന്നെ, അത്‌ ഒരു വാക്കി​ലോ കൂടി​വ​ന്നാൽ ഒരു ചെറിയ വാചക​ത്തി​ലോ ഒതുങ്ങു​ന്ന​തു​മാ​യി​രി​ക്കും. അതു ചെറു​താ​യി​രി​ക്കാം, പക്ഷേ എന്റെ കഴിവി​ന്റെ പരമാ​വ​ധി​യാ​ണത്‌. ഞാൻ മുൻകൂ​ട്ടി തയ്യാറാ​കു​ന്ന​തു​കൊണ്ട്‌ മിക്ക​പ്പോ​ഴും ഉത്തരം എന്റെ മനസ്സി​ലും നാവിൻതു​മ്പ​ത്തു​മു​ണ്ടാ​കും. പക്ഷേ എന്റെ നാവ്‌ സഹകരി​ക്കാൻ വിസമ്മ​തി​ക്കു​ന്നു.”

വിക്കുള്ള ചിലരെ സംബന്ധി​ച്ചി​ട​ത്തോ​ളം അതി​നെ​ക്കാൾ ബുദ്ധി​മു​ട്ടുള്ള ഒന്നാണ്‌ ഉറക്കെ വായി​ക്കു​ന്നത്‌. ഇത്‌, സാധാ​ര​ണ​ഗ​തി​യിൽ അവർ ഒഴിവാ​ക്കുന്ന പദങ്ങൾ ഉപയോ​ഗി​ക്കാൻ അവരെ നിർബ​ന്ധി​ത​രാ​ക്കു​ന്നു. “ഞങ്ങളുടെ യോഗ​ങ്ങ​ളി​ലൊ​ന്നിൽ,” ലീസാ തുടരു​ന്നു, “ചില​പ്പോ​ഴൊ​ക്കെ ചർച്ച ചെയ്‌തു​കൊ​ണ്ടി​രി​ക്കുന്ന തിരു​വെ​ഴു​ത്തു​കൾ ഊഴമ​നു​സ​രി​ച്ചു വായി​ക്കാൻ ഞങ്ങളോ​ടാ​വ​ശ്യ​പ്പെ​ടാ​റുണ്ട്‌. അത്തരം സാഹച​ര്യ​ങ്ങ​ളിൽ ഞാൻ പേടി​ച്ചു​വി​റച്ച്‌, അതെനി​ക്കു നേരേ​ചൊ​വ്വേ വായി​ക്കാൻ സാധി​ക്കു​മോ എന്നു ചിന്തിച്ച്‌, വേവലാ​തി​യോ​ടെ, എന്റെ ഊഴത്തി​നാ​യി കാത്തി​രി​ക്കും. ചില​പ്പോ​ഴൊ​ക്കെ വായി​ക്കു​മെ​ങ്കി​ലും ചില വാക്കുകൾ നേരാം​വണ്ണം ഉച്ചരി​ക്കാ​നെ​നി​ക്കാ​കില്ല. അങ്ങനെ​വ​രു​മ്പോൾ ഞാൻ ആ വാക്കു വിഴു​ങ്ങി​യിട്ട്‌ ബാക്കി​യു​ള്ളതു വായി​ക്കു​ന്നു.”

സ്‌പഷ്ട​മാ​യും, വിക്കുള്ള ഒരു വ്യക്തിയെ ഉറക്കെ വായി​ക്കാൻ പ്രോ​ത്സാ​ഹി​പ്പി​ക്കു​ന്ന​തി​നു മുമ്പ്‌ അതി​നെ​ക്കു​റിച്ച്‌ ശ്രദ്ധാ​പൂർവം പരിചി​ന്തി​ക്കേ​ണ്ട​തുണ്ട്‌. അത്തരം “പ്രോ​ത്സാ​ഹനം” വിക്കു​ള്ള​യാ​ളു​ടെ അവസ്ഥ കൂടുതൽ വഷളാ​ക്കാൻ സാധ്യ​ത​യുണ്ട്‌. പകരം, അവനോ അവളോ തന്റെ കഴിവി​ന്റെ പരമാ​വധി ചെയ്യു​മ്പോൾ, ആ വ്യക്തി ഊഷ്‌മ​ള​മായ അഭിന​ന്ദനം അർഹി​ക്കു​ന്നു.

സഹായി​ക്കാൻ ശ്രമി​ക്കു​മ്പോൾ

വിക്ക്‌ സങ്കീർണ​മായ ഒരു തകരാ​റാണ്‌. ഒരാൾക്കു ഗുണം ചെയ്യുന്ന ഒന്ന്‌ മറ്റൊ​രാൾക്കു ഫലപ്ര​ദ​മാ​യി​ക്കൊ​ള്ള​ണ​മെ​ന്നില്ല. വാസ്‌ത​വ​ത്തിൽ, ഒരു കാലഘ​ട്ട​ത്തേക്ക്‌ വിക്കു “മാറിയ”തായി തോന്നി​യി​ട്ടുള്ള പലർക്കും പിന്നീട്‌ അതു തിരി​കെ​വ​ന്നി​ട്ടുണ്ട്‌. മറ്റേ​തൊ​രു സംസാ​ര​വൈ​ക​ല്യ​ത്തെ​ക്കു​റി​ച്ചും നടത്തി​യി​ട്ടു​ള്ള​തി​നെ​ക്കാൾ അധികം പഠനങ്ങൾ വിക്കി​നെ​ക്കു​റി​ച്ചു നടത്തി​യി​ട്ടുണ്ട്‌. എന്നിട്ടും, വിദഗ്‌ധർക്ക്‌ ഒരു നിശ്ചിത കാരണം കണ്ടെത്താ​നാ​യി​ട്ടില്ല. യഥാർഥ​ത്തിൽ, വിക്കിന്‌ അനേകം കാരണങ്ങൾ ഉണ്ടായി​രു​ന്നേ​ക്കാം എന്നതി​നോ​ടു മിക്കവ​രും യോജി​ക്കു​ന്നു. വിക്കുള്ള ആളിന്റെ തലച്ചോ​റി​ലെ കോശ​ങ്ങ​ളു​ടെ ക്രമീ​ക​ര​ണ​ത്തിന്‌ ശൈശ​വ​ത്തിൽ ഉണ്ടാകുന്ന തകരാ​റി​നോട്‌ അതു ബന്ധപ്പെ​ട്ടി​രി​ക്കു​ന്നു​വെ​ന്നാണ്‌ അടുത്ത​യി​ടെ നടത്തിയ പഠനങ്ങൾക്ക​നു​സ​രിച്ച്‌ ഒരു സിദ്ധാന്തം പറയു​ന്നത്‌. ഡോ. തിയൊ​ഡോർ ജെ. പീറ്റേ​ഴ്‌സും ഡോ. ബാരീ ഗിറ്റാ​റും വിക്ക്‌—അതിന്റെ സ്വഭാ​വ​വും ചികി​ത്സ​യും സംബന്ധിച്ച ഒരു സമഗ്ര​സ​മീ​പനം (ഇംഗ്ലീഷ്‌) എന്ന തങ്ങളുടെ പുസ്‌ത​ക​ത്തിൽ പറയു​ന്ന​ത​നു​സ​രിച്ച്‌, “കൂടു​ത​ലായ പഠനങ്ങൾ വിക്കി​നെ​ക്കു​റി​ച്ചുള്ള നമ്മുടെ അറിവി​ലുള്ള വലിയ വിടവു​കൾ നികത്തു​മ്പോൾ,” അതിന്റെ കാരണ​ങ്ങ​ളെ​പ്പ​റ്റി​യുള്ള ഇപ്പോ​ഴത്തെ വീക്ഷണ​ങ്ങ​ളെ​ല്ലാം “പഴഞ്ചനാ​യി​ത്തീ​രും.”

വിക്കി​നെ​ക്കു​റി​ച്ചു മനുഷ്യർക്ക്‌ കാര്യ​മായ അറി​വൊ​ന്നു​മി​ല്ലാത്ത സ്ഥിതിക്ക്‌, ഈ തകരാ​റു​ള്ള​വ​രോട്‌ നിലവി​ലുള്ള എണ്ണമറ്റ ചികി​ത്സാ​വി​ധി​ക​ളി​ലേ​തെ​ങ്കി​ലും നിർദേ​ശി​ക്കു​മ്പോൾ വളരെ ശ്രദ്ധ പുലർത്തേണ്ട ആവശ്യ​മുണ്ട്‌. “കടുത്ത വിക്കുള്ള മിക്കവർക്കും,” മേൽപ്പറഞ്ഞ പുസ്‌തകം കൂട്ടി​ച്ചേർക്കു​ന്നു, “ഭാഗി​ക​മാ​യേ സുഖ​പ്പെ​ടു​ക​യു​ള്ളൂ. അവർ കുറെ​ക്കൂ​ടി പതുക്കെ സംസാ​രി​ക്കാൻ അല്ലെങ്കിൽ വലിയ പരി​ഭ്ര​മ​മൊ​ന്നു​മി​ല്ലാ​തെ വിക്കി​വി​ക്കി പറയാ​നും, അതേ​ച്ചൊ​ല്ലി ഏറെ വിഷമി​ക്കാ​തി​രി​ക്കാ​നും പഠിക്കു​ന്നു. . . . നമുക്കു മനസ്സി​ലാ​ക്കാൻ സാധി​ക്കാത്ത കാരണ​ങ്ങ​ളാൽ ഏതാനും ചില വിക്കന്മാർക്ക്‌ ചികി​ത്സ​കൊ​ണ്ടു കാര്യ​മായ മാറ്റ​മൊ​ന്നും​തന്നെ ഉണ്ടായി​ട്ടില്ല.”b

ചികിത്സ ഫലിക്കാ​തെ​വ​രു​മ്പോൾ ചില ചികി​ത്സാ​വി​ദ​ഗ്‌ധർ വേണ്ടത്ര പരി​ശ്ര​മി​ക്കാ​ത്ത​തിന്‌ വിക്കു​ള്ള​യാ​ളെ പഴിച്ചി​ട്ടുണ്ട്‌. ഒരു ചികി​ത്സകൻ ഇപ്രകാ​രം തറപ്പിച്ചു പറഞ്ഞു: “ചികിത്സ പരാജ​യ​പ്പെ​ടാൻ സാധ്യ​ത​യുള്ള ഒരേ​യൊ​രു സാഹച​ര്യം, വിക്കു​ള്ള​യാ​ളി​ന്റെ മനോ​ഭാ​വം അർധമ​ന​സ്സോ​ടെ​യു​ള്ള​താ​കു​മ്പോൾ മാത്ര​മാണ്‌.” അത്തരം അവകാ​ശ​വാ​ദ​ങ്ങ​ളെ​ക്കു​റിച്ച്‌ ഗ്രന്ഥകാ​ര​നായ ഡേവിഡ്‌ കോം​പ്‌ടൺ ഇങ്ങനെ പറഞ്ഞു: “ഇത്തരം പരാമർശങ്ങൾ വിക്കു​ള്ള​വ​രി​ലു​ള​വാ​ക്കി​യേ​ക്കാ​വുന്ന കോപത്തെ വർണി​ക്കാൻ എനിക്കു വാക്കു​ക​ളില്ല. കാരണം, ഒന്നാമ​താ​യി അതു വ്യക്തമാ​യും അസത്യ​മാണ്‌. വിക്കുള്ള എല്ലാവർക്കും ഒരേ ചികിത്സ ഫലിക്കില്ല. തന്നെയു​മല്ല, വിക്കുള്ള ഒരു പ്രത്യേക വ്യക്തിക്കു ചേരുന്ന ശരിയായ ഒരു ചികി​ത്സാ​രീ​തി​പോ​ലും ഒരിക്ക​ലും പരാജ​യ​പ്പെ​ടില്ല എന്നു തീർത്തു പറയാൻ സാധ്യമല്ല. രണ്ടാമ​താ​യി, വിക്കു​ള്ളവർ ഒരു തകരാ​റോ​ടു​കൂ​ടി ജീവി​ക്കു​ന്നു . . . [അവരുടെ തകരാ​റി​നെ] അനാവ​ശ്യ​മാ​യി, അന്യാ​യ​മാ​യി വഷളാ​ക്കുന്ന ഏതു പ്രവൃ​ത്തി​യും കുറ്റക​ര​മാണ്‌.”

അവരുടെ ബുദ്ധി​മു​ട്ടു ലഘൂക​രി​ക്കൽ

വിക്കു​ള്ളവർ സാധാ​ര​ണ​ഗ​തി​യിൽ സഹതാപം ഇഷ്ടപ്പെ​ടു​ന്നില്ല. എന്നിരു​ന്നാ​ലും, അവരുടെ ചുമടു ലഘൂക​രി​ക്കാൻ ചെയ്യാ​വുന്ന അനേകം സംഗതി​ക​ളുണ്ട്‌. അവർ വിക്കു​മ്പോൾ, വിഷമ​ത്തോ​ടെ നോക്ക​രുത്‌. അവരുടെ വായുടെ ചലനങ്ങൾ നിരീ​ക്ഷി​ക്കു​ന്ന​തി​നു പകരം കണ്ണുക​ളി​ലേക്കു നോക്കുക. പൊതു​വേ അവർ തങ്ങളെ ശ്രദ്ധി​ക്കു​ന്ന​വ​രു​ടെ അംഗവി​ക്ഷേ​പ​ങ്ങ​ളോട്‌ ക്ഷിപ്ര​സം​വേ​ദ​ക​ത്വ​മു​ള്ള​വ​രാണ്‌. നിങ്ങൾ പിരി​മു​റു​ക്ക​മി​ല്ലാ​തെ കാണ​പ്പെ​ടു​ന്നെ​ങ്കിൽ, അവരുടെ ഭയം കുറയാൻ അതു സഹായി​ക്കും. “മറ്റേ​തൊ​രു വ്യക്തി​യെ​യു​മെ​ന്ന​പോ​ലെ അയാ​ളെ​യും ശ്രദ്ധി​ക്കാൻ തയ്യാറാ​യാ​ണു നിങ്ങൾ വന്നിരി​ക്കു​ന്ന​തെന്നു പ്രകട​മാ​ക്കുക,” ഒരു സംസാ​ര​വൈ​കല്യ ചികി​ത്സാ​വി​ദ​ഗ്‌ധൻ അഭി​പ്രാ​യ​പ്പെട്ടു.

തങ്ങളുടെ വിദ്യാർഥി​ക​ളു​ടെ കൂട്ടത്തിൽ വിക്കുള്ള ഒരു കുട്ടി​യു​ണ്ടെ​ങ്കിൽ, അവന്റെ ഭയം ലഘൂക​രി​ക്കാൻ അധ്യാ​പ​കർക്കു വളരെ​യേറെ ചെയ്യാ​നാ​കും. ദക്ഷിണാ​ഫ്രി​ക്ക​യി​ലെ വിദ്യാ​ഭ്യാ​സ പത്രി​ക​യായ ഡി യൂനി അധ്യാ​പ​കർക്കു പിൻവ​രുന്ന നിർദേശം നൽകി: “കേൾക്കു​ന്ന​യാൾ ഒഴുക്കു പ്രതീ​ക്ഷി​ക്കു​ന്നില്ല എന്ന്‌ അറിയാ​വുന്ന സാഹച​ര്യ​ങ്ങ​ളിൽ, വിക്കുള്ള മിക്കവാ​റും പേർക്ക്‌ താരത​മ്യേന വളരെ​കു​റച്ചു മാത്രമേ വിക്കു​ണ്ടാ​കാ​റു​ള്ളൂ.”

മേൽപ്പറഞ്ഞ പത്രിക പറയു​ന്ന​ത​നു​സ​രിച്ച്‌, ഒരു അധ്യാ​പകൻ വിദ്യാർഥി​യു​ടെ വികാ​ര​ങ്ങ​ളെ​ക്കു​റി​ച്ചു മനസ്സി​ലാ​ക്കു​ന്ന​തും പ്രധാ​ന​മാണ്‌. അത്തരം വിദ്യാർഥി​കളെ സങ്കോചം നിമിത്തം അവഗണി​ക്കു​ന്ന​തി​നു പകരം, അവരോ​ടു സംസാ​രി​ക്കാ​നും ഈ തകരാ​റി​നെ​ക്കു​റി​ച്ചുള്ള തങ്ങളുടെ വികാ​രങ്ങൾ പ്രകടി​പ്പി​ക്കാൻ അവരെ പ്രോ​ത്സാ​ഹി​പ്പി​ക്കാ​നും അത്‌ അധ്യാ​പ​ക​രോ​ടു ശുപാർശ ചെയ്യുന്നു. ഈ വിധത്തിൽ സംസാ​രി​ക്കേ​ണ്ടി​വ​രുന്ന ഏതൊക്കെ സാഹച​ര്യ​ങ്ങ​ളെ​യാണ്‌ കുട്ടി ഏറ്റവു​മ​ധി​കം ഭയപ്പെ​ടു​ന്ന​തെന്ന്‌ അധ്യാ​പ​കനു മനസ്സി​ലാ​ക്കാൻ സാധി​ക്കും. “അവന്റെ സംസാ​ര​ത്തി​ന്റെ ഒഴുക്ക്‌, 80 ശതമാ​ന​വും ആശ്രയി​ച്ചി​രി​ക്കു​ന്നതു നിങ്ങ​ളെ​യാണ്‌,” എന്ന്‌ പത്രിക റിപ്പോർട്ടു ചെയ്യുന്നു. ഈ തകരാ​റു​ണ്ടാ​യി​ട്ടും താൻ സ്വീകാ​ര്യ​നാണ്‌ എന്ന അറിവ്‌ അവന്റെ സംസാ​ര​ത്തി​ന്റെ ഒഴുക്കു നിശ്ചയ​മാ​യും മെച്ച​പ്പെ​ടു​ത്തും. പത്രിക കൂടു​ത​ലാ​യി വിശദീ​ക​രി​ക്കു​ന്നു: “ക്ലാസ്സു​മു​റി​യി​ലെ പിരി​മു​റു​ക്ക​മി​ല്ലാത്ത, പഠനോ​ന്മുഖ അന്തരീക്ഷം വിക്കുള്ള വ്യക്തിക്കു മാത്രമല്ല, മുഴു ക്ലാസ്സി​നും പ്രയോ​ജനം ചെയ്യുന്നു.”

തീർച്ച​യാ​യും ഈ നിർദേ​ശങ്ങൾ, മുതിർന്നവർ ഉൾപ്പെ​ടുന്ന പഠിപ്പി​ക്കൽ സാഹച​ര്യ​ങ്ങ​ളി​ലും വിജയ​ക​ര​മാ​യി ഉപയു​ക്ത​മാ​ക്കാ​വു​ന്ന​താണ്‌.

നമ്മുടെ സ്രഷ്ടാവ്‌ മനസ്സി​ലാ​ക്കു​ന്നു

നമ്മുടെ സ്രഷ്ടാ​വായ യഹോ​വ​യാം ദൈവം, മനുഷ്യ​രു​ടെ അപൂർണ​തകൾ പൂർണ​മാ​യും മനസ്സി​ലാ​ക്കു​ന്നു. ഇസ്രാ​യേ​ല്യ​രെ ഈജി​പ്‌തിൽനി​ന്നു പുറ​ത്തേക്കു നയിക്കു​ന്ന​തിന്‌ അവൻ തന്റെ വക്താവാ​യി മോശയെ നിയോ​ഗി​ച്ചു. മോശ​യ്‌ക്ക്‌ ആശയവി​നി​യമം ചെയ്യാൻ ബുദ്ധി​മു​ട്ടു​ണ്ടാ​ക്കുന്ന ഒരു സംസാ​ര​വൈ​ക​ല്യ​മുണ്ട്‌ എന്ന പൂർണ​മായ അറി​വോ​ടു​കൂ​ടി​യാണ്‌ അവനിതു ചെയ്‌തത്‌. നേരേ​മ​റിച്ച്‌, മോശ​യു​ടെ സഹോ​ദ​ര​നായ അഹരോൻ വാക്‌ചാ​തു​ര്യ​മുള്ള ഒരു വ്യക്തി​യാ​ണെന്ന സംഗതി​യും ദൈവ​ത്തി​ന​റി​യാ​മാ​യി​രു​ന്നു. “അവന്നു നല്ലവണ്ണം സംസാ​രി​ക്കാ​മെന്നു ഞാൻ അറിയു​ന്നു,” ദൈവം പറഞ്ഞു. (പുറപ്പാ​ടു 4:14) എന്നിരു​ന്നാ​ലും, മോശ​യ്‌ക്ക്‌ വിശ്വ​സ്‌തത, ദയ, വിശ്വാ​സം, ശാന്ത​പ്ര​കൃ​തി തുടങ്ങി അതി​നെ​ക്കാൾ വളരെ​യേറെ പ്രാധാ​ന്യ​മുള്ള മറ്റനേകം ഗുണങ്ങ​ളു​ണ്ടാ​യി​രു​ന്നു. (സംഖ്യാ​പു​സ്‌തകം 12:3; എബ്രായർ 11:24, 25) മോശ പലതര​ത്തിൽ തടസ്സം പറഞ്ഞി​ട്ടും, തന്റെ ജനത്തിനു നേതൃ​ത്വം കൊടു​ക്കാൻ അവനെ തിര​ഞ്ഞെ​ടു​ത്തു​കൊ​ണ്ടുള്ള തന്റെ തീരു​മാ​ന​ത്തോ​ടു ദൈവം പറ്റിനി​ന്നു. അതേസ​മയം, മോശ​യു​ടെ വക്താവാ​യി അഹരോ​നെ നിയമി​ച്ചു​കൊണ്ട്‌ അവന്റെ ഭയങ്ങ​ളെ​ക്കു​റി​ച്ചും ദൈവം പരിഗണന കാണിച്ചു.—പുറപ്പാ​ടു 4:10-17.

ഗ്രാഹ്യം പ്രകട​മാ​ക്കി​ക്കൊണ്ട്‌ നമുക്കു ദൈവത്തെ അനുക​രി​ക്കാ​വു​ന്ന​താണ്‌. വിക്കു​ള്ള​വ​രോ​ടു ബഹുമാ​ന​ത്തോ​ടെ പെരു​മാ​റുക. വ്യക്തി​യു​ടെ യഥാർഥ മൂല്യം കാണാ​ത​വണ്ണം നിങ്ങളു​ടെ കാഴ്‌ചയെ മറയ്‌ക്കാൻ സംസാ​ര​വൈ​ക​ല്യ​ത്തെ അനുവ​ദി​ക്കാ​തി​രി​ക്കുക. ഒരു കൊച്ചു പെൺകു​ട്ടി​യു​ടെ​യും അവളുടെ വിക്കനായ പിതാ​വി​ന്റെ​യും അനുഭവം ഇതിനെ ഉദാഹ​ര​ണ​സ​ഹി​തം വ്യക്തമാ​ക്കു​ന്നു. പിതാവ്‌ കൂടുതൽ ഒഴു​ക്കോ​ടെ വായി​ക്കാ​നുള്ള ഒരു രീതി പഠി​ച്ചെ​ടു​ത്തു. ഒരു രാത്രി അദ്ദേഹം തന്റെ ആറു വയസ്സു​കാ​രി മകൾക്ക്‌ ഒരു കഥ വായി​ച്ചു​കൊ​ടു​ത്തു​കൊണ്ട്‌ ഈ രീതി ഒന്നു പരീക്ഷി​ച്ചു നോക്കി. തന്റെ വായന​യു​ടെ ഒഴുക്കി​നെ സംബന്ധിച്ച്‌ അദ്ദേഹ​ത്തിന്‌ വളരെ​യേറെ അഭിമാ​നം തോന്നു​ക​യും ചെയ്‌തു.

“ശരിയാ​യി പറയൂ, ഡാഡീ,” പിതാവ്‌ വായിച്ചു നിർത്തി​യ​പ്പോൾ അവൾ പറഞ്ഞു.

“ഞാൻ ശരിയാ​യി​ത്ത​ന്നെ​യാ​ണു പറയു​ന്നത്‌,” അദ്ദേഹം അമർഷ​ത്തോ​ടെ പറഞ്ഞു.

“അല്ല,” അവൾ ശാഠ്യം പിടിച്ചു, “ഡാഡി എപ്പോ​ഴും പറയു​ന്ന​തു​പോ​ലെ പറയൂ.”

അതേ, ഈ കൊച്ചു പെൺകു​ട്ടി തന്റെ പിതാ​വി​നെ അദ്ദേഹം ആയിരു​ന്ന​തു​പോ​ലെ​തന്നെ സ്‌നേ​ഹി​ച്ചു, അദ്ദേഹ​ത്തി​ന്റെ സംസാര വൈക​ല്യം സഹിതം. അതു​കൊണ്ട്‌, അടുത്ത​തവണ നിങ്ങൾ വിക്കുള്ള ഒരാളു​മാ​യി ഇടപെ​ടു​മ്പോൾ, ഓർമി​ക്കുക, ആ വ്യക്തിക്ക്‌ മൂല്യ​വ​ത്തായ ചിന്താ​ഗ​തി​ക​ളും അത്യധി​കം അഭില​ഷ​ണീ​യ​മായ ഗുണങ്ങ​ളും ഉണ്ടായി​രി​ക്കാം. അദ്ദേഹ​ത്തി​നു തീർച്ച​യാ​യും വികാ​ര​ങ്ങ​ളുണ്ട്‌. ക്ഷമയു​ള്ള​വ​രും അദ്ദേഹ​ത്തോ​ടു സഹാനു​ഭൂ​തി കാണി​ക്കു​ന്ന​വ​രും ആയിരി​ക്കുക.

[അടിക്കു​റി​പ്പു​കൾ]

[25-ാം പേജിലെ ചിത്രം]

വിക്കുള്ള ഒരു വ്യക്തിക്ക്‌ പരസ്യ​മാ​യി സംസാ​രി​ക്കാൻ ഭയമാ​യി​രി​ക്കാം

[26-ാം പേജിലെ ചിത്രം]

വിക്കുള്ള ഒരു വ്യക്തിക്ക്‌ നിങ്ങ​ളോ​ടു സംസാ​രി​ക്കാൻ ബുദ്ധി​മു​ട്ട​നു​ഭ​വ​പ്പെ​ടു​ന്നെ​ങ്കിൽ അക്ഷമനാ​കാ​തി​രി​ക്കുക

[27-ാം പേജിലെ ചിത്രം]

വിക്കുള്ളവർ പൊതു​വേ ടെല​ഫോ​ണി​നെ ഭയപ്പെ​ടു​ന്നു