ലോകത്തെ വീക്ഷിക്കൽ

നിരാ​ശ​രായ ബേബി ബൂമേ​ഴ്‌സ്‌

രണ്ടാം ലോക​മ​ഹാ​യു​ദ്ധ​ത്തി​ന്റെ അവസാ​ന​ത്തി​നും 1960-കളുടെ ആരംഭ​ത്തി​നും ഇടയ്‌ക്കു ജനിച്ച ആളുകളെ വർണി​ക്കാ​നാ​യി കണ്ടുപി​ടിച്ച പദമാണ്‌ “ബേബി ബൂമേ​ഴ്‌സ്‌.” ആ കാലഘ​ട്ട​ത്തിൽ യുദ്ധത്തിൽ ജയിച്ചു​കൊ​ണ്ടി​രുന്ന പക്ഷത്തുള്ള പല രാജ്യ​ങ്ങ​ളും ശ്രദ്ധേ​യ​മായ ജനസം​ഖ്യാ വർധനവ്‌ റിപ്പോർട്ടു ചെയ്‌തു. ഒരുകാ​ലത്ത്‌ ഭാവി​യെ​ക്കു​റിച്ച്‌ യാതൊ​രു ആകുല​ത​ക​ളു​മി​ല്ലാ​തെ, ശുഭ​പ്ര​തീ​ക്ഷ​യു​ള്ള​വ​രാ​യി കഴിഞ്ഞി​രുന്ന ബേബി ബൂമേ​ഴ്‌സിന്‌ ഇപ്പോൾ “തങ്ങളെ​ക്കു​റി​ച്ചും തങ്ങളുടെ കുട്ടി​ക​ളെ​ക്കു​റി​ച്ചും അരക്ഷി​ത​ത്വം തോന്നു​ന്നു​വെ​ന്നും വാർധ​ക്യ​ത്തെ അവർ ഉത്‌ക​ണ്‌ഠ​യോ​ടെ വീക്ഷി​ക്കു​ന്നു​വെ​ന്നും” 16 രാജ്യ​ങ്ങ​ളിൽ നടത്തിയ ഒരു സർവേ കാണി​ക്കു​ന്ന​താ​യി യൂറോ​പ്യൻ എന്ന പത്രം പറയുന്നു. നിരാ​ശ​യ്‌ക്കു കാരണ​മെ​ന്താണ്‌? “വ്യക്തി​മാ​ഹാ​ത്മ്യ​വാ​ദം, ഭൗതി​ക​ത്വ​ചി​ന്താ​ഗതി, ആത്മനി​യ​ന്ത്ര​ണ​മി​ല്ലായ്‌മ, സത്‌പെ​രു​മാ​റ്റ​ങ്ങ​ളു​ടെ അഭാവം എന്നിവ അങ്ങേയ​റ്റ​മു​ള്ള​തെന്ന്‌ അവർക്കു തോന്നുന്ന ഒരു ലോകത്തെ ആണ്‌ അവരി​പ്പോൾ അഭിമു​ഖീ​ക​രി​ക്കു​ന്നത്‌” എന്ന്‌ ആ റിപ്പോർട്ടു പറയുന്നു.

ഒളിഞ്ഞി​രി​ക്കുന്ന ഹെപ്പ​റ്റൈ​റ്റിസ്‌-സി ബാധകൾ

“ഹെപ്പ​റ്റൈ​റ്റിസ്‌-സി ഫ്രാൻസി​ലെ ഒരു പ്രമുഖ പൊതു​ജ​നാ​രോ​ഗ്യ പ്രശ്‌ന​മാ​യി കാണ​പ്പെ​ടു​ന്നു”വെന്ന്‌ ഫ്രഞ്ചു ഡോക്ടർമാ​രു​ടെ ഒരു സംഘം തയ്യാറാ​ക്കിയ റിപ്പോർട്ടു പറയുന്നു. 10 മുതൽ 30 വരെ വർഷം പഴക്കമുള്ള സ്ഥായി​യായ കരൾ രോഗം കണ്ടുപി​ടി​ക്ക​പ്പെ​ട്ട​തി​നു ശേഷമേ മിക്ക ഹെപ്പ​റ്റൈ​റ്റിസ്‌-സി ബാധക​ളും കണ്ടുപി​ടി​ക്ക​പ്പെ​ടു​ന്നു​ള്ളു എന്ന്‌ ആ ഡോക്ടർമാർ ചൂണ്ടി​ക്കാ​ണി​ക്കു​ന്നു. ഹെപ്പ​റ്റൈ​റ്റിസ്‌-സി വൈറസ്‌ ബാധ മാരക​മാ​യി​രി​ക്കാൻ കഴിയും. ഒട്ടുമി​ക്ക​പ്പോ​ഴും അത്‌ പകരു​ന്നത്‌ രക്തപ്പകർച്ച​ക​ളി​ലൂ​ടെ​യും സിറി​ഞ്ചി​ലൂ​ടെ​യു​മാണ്‌. രോഗ​ബാ​ധി​ത​രാ​യി കണ്ടെത്ത​പ്പെ​ട്ട​വ​രു​ടെ കാൽഭാ​ഗ​ത്തിൽ താഴെ ആളുകൾ മാത്രമേ അതി​നെ​ക്കു​റി​ച്ചു നേര​ത്തെ​തന്നെ ബോധ​വാൻമാ​രാ​യി​രു​ന്നു​ള്ളൂ. അതു​കൊണ്ട്‌ കൂടുതൽ സമഗ്ര​മായ പരി​ശോ​ധനാ രീതികൾ അടിയ​ന്തി​ര​മാ​യി ആവശ്യ​മാ​ണെന്ന്‌ റിപ്പോർട്ട്‌ മുന്നറി​യി​പ്പു നൽകുന്നു. 5,00,000 മുതൽ 6,50,000 വരെ ഫ്രഞ്ചു​കാ​രെ ഇപ്പോൾ ഈ വൈറസ്‌ ബാധി​ച്ചി​രി​ക്കു​ന്ന​താ​യി ഹെപ്പ​റ്റോ​ളജി എന്ന ജേർണൽ പറയുന്നു.

മുലയൂ​ട്ടൽ രോഗങ്ങൾ കുറയ്‌ക്കു​ന്നു

“മുലപ്പാൽ കുടി​ക്കുന്ന കുഞ്ഞു​ങ്ങൾക്ക്‌ കർണ രോഗ​ങ്ങ​ളും അതിസാ​ര​വും ഉണ്ടാകാൻ സാധ്യത കുറവാ​ണെന്ന്‌ 2 മുതൽ 7 വരെ മാസം പ്രായ​മുള്ള 1,700-ൽപ്പരം കുഞ്ഞു​ങ്ങ​ളിൽ നടത്തിയ ഒരു പഠനം കാണി​ക്കുന്ന”തായി പേരൻറ്‌സ്‌ മാസിക പറയുന്നു. “പൊടി​പ്പാൽ മാത്രം കുടി​ക്കുന്ന കുഞ്ഞിന്‌ പ്രസ്‌തുത രോഗ​ങ്ങ​ളിൽ ഏതെങ്കി​ലും പിടി​പെ​ടു​ന്ന​തിന്‌ മുലപ്പാൽ മാത്രം കുടി​ക്കുന്ന കുഞ്ഞി​നെ​ക്കാൾ ഏതാണ്ട്‌ ഇരട്ടി സാധ്യ​ത​യു​ണ്ടെന്ന്‌ രോഗ​നി​യ​ന്ത്രണ-പ്രതി​രോധ കേന്ദ്ര​ങ്ങ​ളി​ലെ ഗവേഷകർ കണ്ടെത്തി.” അമ്മയി​ലുള്ള സംരക്ഷ​ണാ​ത്മക ആൻറി​ബോ​ഡി​കൾ മുലപ്പാ​ലി​ലൂ​ടെ കുട്ടിക്കു ലഭിക്കു​ന്ന​തി​നാൽ മുലപ്പാൽ രോഗ​ബാ​ധ​യിൽനി​ന്നു കുട്ടിയെ സംരക്ഷി​ക്കു​ന്നു​വെന്ന്‌ ഡോക്ടർമാർ ദീർഘ​നാ​ളാ​യി വിശ്വ​സി​ച്ചി​രു​ന്നെ​ങ്കി​ലും മുലപ്പാൽ അതിലു​മ​ധി​കം ചെയ്യു​ന്നു​വെന്ന്‌ പഠനം കാണി​ക്കു​ന്നു. പഠനറി​പ്പോർട്ട്‌ തയ്യാറാ​ക്കി​യ​വ​രി​ലൊ​രാ​ളായ ലോറൻസ്‌ ഗ്രമ്മെർ-സ്‌ട്രാൻ പറയുന്നു: “ഒരു ശിശു​വിന്‌ ആദ്യത്തെ ആറു മാസങ്ങ​ളിൽ എത്രയ​ധി​കം മുലപ്പാൽ കിട്ടു​ന്നു​വോ അത്രയ​ധി​കം നല്ലതാ​യി​രി​ക്കും എന്നു പറഞ്ഞാൽ എതിര​ഭി​പ്രാ​യം ഉണ്ടാകാ​നി​ട​യില്ല.”

കുത്തി​ത്തു​ള​യ്‌ക്കൽ പ്രശ്‌നങ്ങൾ സൃഷ്ടി​ക്കു​ന്നു

ശരീരം കുത്തി​ത്തു​ള​യ്‌ക്കു​ന്നത്‌ ചില രാജ്യ​ങ്ങ​ളിൽ വലിയ ഭ്രമമാണ്‌. എന്നാൽ “ചുണ്ട്‌, കവിൾ, നാക്ക്‌ എന്നീ ഭാഗങ്ങൾ കുത്തി​ത്തു​ള​യ്‌ക്കു​ന്നത്‌ അണുബാ​ധ​യ്‌ക്കു പുറമേ മറ്റു പല അപകട​ങ്ങൾക്കും ഇടയാ​ക്കു​ന്നു”വെന്ന്‌ ദ ജേർണൽ ഓഫ്‌ ദി അമേരി​ക്കൻ മെഡിക്കൽ അസോ​സി​യേഷൻ റിപ്പോർട്ടു ചെയ്യുന്നു. മോർഗൻടൗ​ണി​ലുള്ള വെസ്റ്റ്‌ വെർജീ​നിയ യൂണി​വേ​ഴ്‌സി​റ്റി സ്‌കൂൾ ഓഫ്‌ ഡെൻറി​സ്‌ട്രി​യി​ലെ ദന്തഡോ​ക്ടർമാർ പറയു​ന്ന​ത​നു​സ​രിച്ച്‌ “വേദന, നീര്‌, അണുബാധ, വർധിച്ച ഉമിനീർ പ്രവാഹം, മോണ​യ്‌ക്കേൽക്കുന്ന പരിക്ക്‌ എന്നിവ വായ്‌ കുത്തി​ത്തു​ള​യ്‌ക്കു​ന്ന​വ​രു​ടെ​യി​ട​യിൽ സാധാ​ര​ണ​മാണ്‌. . . . വായ്‌ കുത്തി​ത്തു​ളച്ച ശേഷം ഇടുന്ന ആഭരണങ്ങൾ കൂടു​ത​ലായ അപകടങ്ങൾ വരുത്തി​വെ​ക്കു​ന്നു.” ഈ ആഭരണങ്ങൾ പല്ലുകൾ ഒടിയു​ന്ന​തി​നോ പൊട്ടു​ന്ന​തി​നോ ഇടയാ​ക്കി​യേ​ക്കാം. കൂടാതെ അവ സംസാര തടസ്സത്തി​നും തഴമ്പു രൂപം​കൊ​ള്ളു​ന്ന​തി​നും ഇടയാ​ക്കി​യേ​ക്കാം. വിഴു​ങ്ങി​പ്പോ​കുന്ന പക്ഷം അവ ശ്വാസ​ത​ട​സ്സ​വും ഉളവാ​ക്കി​യേ​ക്കാം.

ദയവായി മത്സരി​ക്കാ​തി​രി​ക്കൂ

“മറ്റു സഭകളിൽനി​ന്നു സ്വന്തം സഭയി​ലേക്ക്‌ അംഗങ്ങളെ ചേർക്കു​ന്ന​തിന്‌ ചില സഭകൾ നടത്തുന്ന ‘മത്സരാത്മക’ ശ്രമങ്ങൾ അവസാ​നി​പ്പി​ക്കാൻ” 330 അംഗസ​ഭ​ക​ളുള്ള ലോക സഭാ കൗൺസിൽ (ഡബ്ലിയു​സി​സി) “ആഹ്വാനം ചെയ്‌ത”തായി ഇഎൻഐ ബുള്ളറ്റിൻ റിപ്പോർട്ടു ചെയ്യുന്നു. “വികസ്വര രാജ്യ​ങ്ങ​ളിൽ, ‘മനുഷ്യ​കാ​രു​ണ്യ പ്രവർത്ത​ന​ങ്ങ​ളി​ലൂ​ടെ സഹായം’ നൽകി . . . പാവ​പ്പെ​ട്ട​വ​രെ​യും തനിച്ചാ​യി​രി​ക്കു​ന്ന​വ​രെ​യും സ്വന്തം രാജ്യ​ത്തു​നിന്ന്‌ പിഴു​തെ​റി​യ​പ്പെ​ട്ട​വ​രെ​യും സ്വാധീ​നിച്ച്‌ മതം മാറ്റുന്ന രീതിയെ” ഡബ്ലിയു​സി​സി “പ്രത്യേ​കം വിമർശി​ക്കു​ന്നു.” ‘സ്വീകാ​ര്യ​മായ രീതി​യിൽ സുവി​ശേഷം സാക്ഷീ​ക​രി​ക്കു​ന്ന​തി​നെ​യും അസ്വീ​കാ​ര്യ​മായ മതപരി​വർത്ത​ന​ത്തെ​യും’ വേർതി​രി​ച്ച​റി​യി​ക്കുന്ന മാർഗ​രേ​ഖകൾ നൽകു​ക​യു​ണ്ടാ​യി. അസ്വീ​കാ​ര്യ​മായ മതപരി​വർത്ത​ന​ത്തിൽ പിൻവ​രുന്ന സംഗതി​കൾ ഉൾപ്പെ​ടു​ന്നു: മറ്റൊരു സഭയെ “അന്യാ​യ​മാ​യി വിമർശി​ക്കു​ന്നത്‌,” ഒരുവന്റെ സഭയെ​യും വിശ്വാ​സ​ങ്ങ​ളെ​യും സത്യമാ​ണെന്ന രീതി​യിൽ അവതരി​പ്പി​ക്കു​ന്നത്‌, വിദ്യാ​ഭ്യാ​സ അവസര​ങ്ങ​ളോ മനുഷ്യ​കാ​രു​ണ്യ പ്രവർത്ത​ന​ങ്ങ​ളി​ലൂ​ടെ സഹായ​മോ നൽകി​ക്കൊണ്ട്‌ മറ്റൊരു സഭയിൽ ചേരാൻ ആളുകളെ നിർബ​ന്ധി​ക്കു​ന്നത്‌, ബലപ്ര​യോ​ഗ​ത്താ​ലോ മാനസിക സമ്മർദം ചെലു​ത്തി​യോ മതംമാ​റാൻ ആളുകളെ പ്രേരി​പ്പി​ക്കു​ന്നത്‌, “തങ്ങളുടെ സഭയുടെ കാര്യ​ത്തിൽ” ആളുകൾക്കുള്ള ദുഃഖ​ത്തെ​യോ “നിരാ​ശ​യെ​യോ” മുത​ലെ​ടുത്ത്‌ “അവരെ ‘മതംമാ​റ്റു​ന്നത്‌.’”

ഇറ്റലി​യിൽ മരുഭൂ​വ​ത്‌ക​രണം

സാധാ​ര​ണ​ഗ​തി​യിൽ മരുഭൂ​മി​ക​ളു​മാ​യി ബന്ധപ്പെട്ട ഒരു രാജ്യ​മ​ല്ലെ​ങ്കി​ലും ഇറ്റലി, മരുഭൂ​വ​ത്‌ക​ര​ണ​ത്തി​നെ​തി​രെ പോരാ​ടു​ന്ന​തി​നാ​യി ഒരു ദേശീയ കമ്മിറ്റി രൂപീ​ക​രി​ച്ചി​രി​ക്കു​ന്നു. കാരണം? ഇറ്റലി​യു​ടെ വടക്കു​ഭാ​ഗ​ത്തുള്ള പ്രദേ​ശ​ങ്ങ​ളിൽ മണ്ണിന്റെ ഫലപുഷ്ടി അതി​വേഗം കുറഞ്ഞു​വ​രി​ക​യാണ്‌. “ഹരിത​ഗൃഹ പ്രഭാ​വ​ത്തി​നു കാരണ​മായ വാതക​ങ്ങ​ളു​ടെ അളവു കുറയ്‌ക്കാ​നും ഹാനി​ക​ര​മായ ചില കാർഷിക രീതി​ക​ളിൽ മാറ്റം​വ​രു​ത്താ​നും സഹായി​ക്കുന്ന സുചി​ന്തി​ത​മായ ഒരു പരിസ്ഥി​തി നയം നടപ്പി​ലാ​ക്കാ​ത്ത​പക്ഷം . . . ഏതാനും ദശകങ്ങൾക്കു​ള്ളിൽ [ഇറ്റലി​യു​ടെ] പ്രദേ​ശ​ത്തി​ന്റെ 27 ശതമാനം ചുട്ടു​പൊ​ള്ളുന്ന മരുഭൂ​മി​യാ​യി​ത്തീർന്നേ​ക്കാ​മെന്ന്‌” ലാ സ്റ്റാമ്പാ എന്ന പത്രം പറയുന്നു. ഐക്യ​രാ​ഷ്ട്ര ഭക്ഷ്യ-കാർഷിക സംഘടന, മരുഭൂ​വ​ത്‌ക​ര​ണ​ത്തെ​ക്കു​റിച്ച്‌ റോമിൽവെച്ചു നടത്തിയ സമ്മേള​ന​ത്തി​ലാണ്‌ ആപത്‌ധ്വ​നി മുഴങ്ങി​യത്‌. സിസിലി, സാർഡി​നിയ, കലേ​ബ്രിയ, അപ്യൂല്യ, ബസിലി​ക്കാറ്റ എന്നിങ്ങനെ ഇറ്റലി​യു​ടെ തെക്കു​ഭാ​ഗ​ത്തുള്ള മേഖലകൾ മാത്രമല്ല അപകട​ത്തി​ലാ​യി​രി​ക്കു​ന്ന​തെ​ന്നും വടക്കു​ഭാ​ഗത്തെ കാലങ്ങ​ളാ​യി ഫലഭൂ​യി​ഷ്‌ഠ​മായ പ്രദേ​ശ​ങ്ങ​ളും ബാധി​ക്ക​പ്പെ​ട്ടി​രി​ക്കു​ക​യാ​ണെ​ന്നും അവിട​ങ്ങ​ളി​ലെ മണ്ണിന്റെ ഫലപുഷ്ടി കുറഞ്ഞു​വ​രി​ക​യാ​ണെ​ന്നും വിശദീ​ക​രി​ക്കു​ക​യു​ണ്ടാ​യി.

കുട്ടി​കൾക്കു​ണ്ടാ​കുന്ന അതിസാ​ര​ത്തി​നു ചികിത്സ

“കുട്ടി​കൾക്കി​ട​യി​ലെ കടുത്ത അതിസാ​രം ഏതാണ്ടു പൂർണ​മാ​യും നിർമാർജനം ചെയ്യുന്ന ഒരു വാക്‌സിൻ വെനെ​സ്വേ​ല​യി​ലെ ഗവേഷകർ വികസി​പ്പി​ച്ചെ​ടു​ത്തി​രി​ക്കുന്ന”തായി കരാക്ക​സി​ലെ ദ ഡെയ്‌ലി ജേർണൽ പറയുന്നു. “വികസ്വര രാജ്യ​ങ്ങ​ളി​ലെ അഞ്ചു വയസ്സിനു താഴെ​യുള്ള 8,73,000-ത്തോളം കുട്ടി​കളെ ഓരോ വർഷവും കൊ​ന്നൊ​ടു​ക്കുന്ന റോട്ട​വൈ​റ​സിൽനി​ന്നു സംരക്ഷണം നൽകാ​നാണ്‌ . . . ആ വാക്‌സിൻ നിർമി​ച്ചി​രി​ക്കു​ന്നത്‌.” ഐക്യ​നാ​ടു​ക​ളിൽപോ​ലും, ഈ രോഗം ശിശു​ക്ക​ളും സ്‌കൂൾപ്രാ​യ​മെ​ത്താ​ത്ത​വ​രു​മായ 1,00,000-ത്തിലധി​കം പേരെ ഓരോ വർഷവും ആശുപ​ത്രി​യി​ലെ​ത്തി​ക്കു​ന്നു. വാക്‌സി​ന്റെ ഉപയോ​ഗം​മൂ​ലം വൈറ​സി​നെ​തി​രെ 88 ശതമാനം സംരക്ഷണം ലഭിച്ച​താ​യും കടുത്ത അതിസാ​രം​മൂ​ലം ആശുപ​ത്രി​യി​ലാ​ക്ക​പ്പെ​ടു​ന്ന​വ​രു​ടെ എണ്ണം 70 ശതമാനം കുറഞ്ഞ​താ​യും ദ ന്യൂ ഇംഗ്ലണ്ട്‌ ജേർണൽ ഓഫ്‌ മെഡി​സി​നിൽ പ്രസി​ദ്ധീ​ക​രി​ക്ക​പ്പെട്ട പഠനം റിപ്പോർട്ടു ചെയ്യുന്നു. എങ്കിലും ഒരു കുഴപ്പ​മുണ്ട്‌. “പ്രസ്‌തുത ചികിത്സ ഏറ്റവും കൂടുതൽ ആവശ്യ​മാ​യി​രി​ക്കുന്ന വികസ്വര രാജ്യ​ങ്ങളെ സംബന്ധി​ച്ചി​ട​ത്തോ​ളം അതു വളരെ ചെല​വേ​റി​യ​താ​യി​രു​ന്നേ​ക്കാം” എന്ന്‌ ദ ഡെയ്‌ലി ജേർണൽ പറയുന്നു. ആ രാജ്യങ്ങൾ “ആരോ​ഗ്യ​പ​രി​പാ​ല​ന​ത്തി​നാ​യി ഓരോ വ്യക്തി​ക്കും പ്രതി​വർഷം 20 ഡോള​റിൽ കുറവേ ചെലവാ​ക്കു​ന്നു​ള്ളൂ.” വാക്‌സിൻ ചെലവു കുറഞ്ഞ രീതി​യിൽ ഉത്‌പാ​ദി​പ്പി​ക്കാൻ കഴിയു​ന്ന​തു​വരെ, അതിസാ​രം നിമി​ത്ത​മുള്ള നിർജ​ലീ​ക​ര​ണ​ത്തി​നുള്ള ചികിത്സ ശരീര​ത്തിൽനി​ന്നു നഷ്ടപ്പെട്ട ദ്രാവകം പുനഃ​സ്ഥാ​പി​ക്ക​ലാ​യി​രി​ക്കണം. 20 വർഷമാ​യി ഫലപ്ര​ദ​മാ​യി ഉപയോ​ഗി​ച്ചു​വ​രുന്ന ഒരു ചികി​ത്സാ​മാർഗ​മാ​ണിത്‌.

ആലയ രസീത്‌ കണ്ടെത്ത​പ്പെ​ട്ടു

“യാഹ്‌വേ​യു​ടെ ആലയത്തി​ലേക്ക്‌ മൂന്ന്‌ വെള്ളി ശെക്കേൽ സംഭാവന കൊടു​ത്ത​തി​നുള്ള രസീത്‌ ആണെന്നു കരുതുന്ന” ഒന്ന്‌ “അടുത്ത​യി​ടെ പുരാ​ത​ന​വ​സ്‌തു​ക്കൾ വിൽക്കുന്ന വിപണി​യിൽ പ്രത്യ​ക്ഷ​പ്പെട്ട”തായി ബിബ്ലിക്കൽ ആർക്കി​യോ​ളജി റിവ്യൂ പറയുന്നു. “ശലോ​മോൻ രാജാ​വി​ന്റെ ആലയ​ത്തെ​ക്കു​റി​ച്ചു കണ്ടുപി​ടി​ക്ക​പ്പെ​ട്ടി​ട്ടു​ള്ള​തി​ലേ​ക്കും പഴക്കം​ചെന്ന ബൈബി​ളി​തര പരാമർശ​മാണ്‌ അത്‌. . . . BYT YHWH അതായത്‌ ‘കർത്താ​വി​ന്റെ ഭവനം [യാഹ്‌വേ]’ [എന്നീ വാക്കുകൾ] . . . ഒരു ബൈബി​ളി​തര ആലേഖ​ന​ത്തിൽ മാത്രമേ പൂർണ​മായ രൂപത്തിൽ കണ്ടെത്ത​പ്പെ​ട്ടി​രു​ന്നു​ള്ളു.” സന്ദർഭം വ്യക്തമ​ല്ലാ​ഞ്ഞ​തി​നാൽ അതിന്റെ അർഥം വിവാ​ദ​പ​ര​മാ​യി​രു​ന്നു. 10.9 സെൻറി​മീ​റ്റർ നീളവും 8.6 സെൻറി​മീ​റ്റർ വീതി​യും അഞ്ചു വരിക​ളും 13 വാക്കു​ക​ളും ഉള്ള, പുതു​താ​യി കണ്ടെത്ത​പ്പെട്ട കളിമൺപാ​ത്ര​ക്ക​ഷ​ണ​ത്തി​ലെ ആലേഖനം വ്യക്തവും അനായാ​സം വായി​ക്കാ​വു​ന്ന​തു​മാണ്‌. പൊ.യു.മു. ഒമ്പതാം നൂറ്റാ​ണ്ടി​ലേ​തെന്ന്‌ കാലനിർണയം ചെയ്യപ്പെട്ട അതിന്‌ മറ്റേ ആലേഖ​ന​ത്തെ​ക്കാ​ളും ഒരു നൂറ്റാ​ണ്ടെ​ങ്കി​ലും അധികം പഴക്കമുണ്ട്‌. വിദഗ്‌ധർ അതിനെ പ്രാമാ​ണി​ക​മെന്നു പ്രഖ്യാ​പി​ക്കു​ക​യും ചെയ്‌തി​രി​ക്കു​ന്നു.

ശെബാ രാജ്ഞി വിവാദം

എത്യോ​പ്യ​യിൽ അവരെ വിളി​ക്കു​ന്നത്‌ മാക്കെഡാ എന്നാണ്‌. യെമനിൽ അവരുടെ പേര്‌ ബിൽക്കിസ്‌ എന്നാണ്‌. അവർ കൂടു​ത​ലും അറിയ​പ്പെ​ടു​ന്നത്‌ ശെബാ രാജ്ഞി എന്ന പേരി​ലാണ്‌. ബൈബി​ളി​ലും ഖുർആ​നി​ലും അവരെ അങ്ങനെ​യാ​ണു പരാമർശി​ക്കു​ന്നത്‌. ഇരു രാജ്യ​ക്കാ​രും അവർ തങ്ങളുടെ നാട്ടു​കാ​രി​യാ​ണെന്ന്‌ അവകാ​ശ​പ്പെ​ടു​ക​യും അവരുടെ ശവകു​ടീ​രം പെട്ടെ​ന്നു​തന്നെ അവിടെ കണ്ടെത്ത​പ്പെ​ടു​മെന്നു പ്രത്യാ​ശി​ക്ക​യും ചെയ്യുന്നു. അതു​കൊണ്ട്‌ തെളി​വി​നു​വേണ്ടി കുഴി​ച്ചു​കൊ​ണ്ടേ​യി​രി​ക്കാൻ പുരാ​വ​സ്‌തു ഗവേഷ​കരെ പ്രോ​ത്സാ​ഹി​പ്പി​ക്കു​ന്നു. ശെബാ രാജ്ഞി​യെ​ക്കു​റി​ച്ചുള്ള തെളിവു കണ്ടെത്താൻ കഴിയു​ന്ന​പക്ഷം പ്രസ്‌തുത സ്ഥലം ഒരു വലിയ വിനോ​ദ​സ​ഞ്ചാര കേന്ദ്ര​മാ​യി​ത്തീ​രും. പുരാതന കാലത്തു​തന്നെ ആ രാജ്യം സംസ്‌കാ​ര​സ​മ്പ​ന്ന​മാ​യി​രു​ന്നു എന്ന അതിന്റെ അവകാ​ശ​വാ​ദ​ങ്ങളെ അതു സാധൂ​ക​രി​ക്കു​ക​യും ചെയ്യും. “പുരാ​വ​സ്‌തു​ഗ​വേ​ഷകർ പുരാതന ശെബാ രാജ്യ​ത്തു​നി​ന്നുള്ള ധാരാളം ആലേഖ​നങ്ങൾ എത്യോ​പ്യ​യി​ലും യെമനി​ലു​മുള്ള പുരാതന ശിലക​ളിൽ കണ്ടെത്തി”യതായി ദ വാൾ സ്‌ട്രീറ്റ്‌ ജേർണൽ പറയുന്നു. “വിചി​ത്ര​മെന്നു പറയട്ടെ, ഒന്നിലും മാക്കെ​ഡാ​യെ​ക്കു​റി​ച്ചോ ബിൽക്കി​സി​നെ​ക്കു​റി​ച്ചോ ഉള്ള പരാമർശ​മില്ല.” അതിങ്ങനെ കൂട്ടി​ച്ചേർക്കു​ന്നു: “ബൈബിൾ വലിയ സഹായമല്ല. അത്‌ ശലോ​മോ​നു ശെബാ കൊണ്ടു​വ​ന്നു​കൊ​ടുത്ത സ്വർണ​ത്തെ​ക്കു​റി​ച്ചും സുഗന്ധ​വ്യ​ഞ്‌ജ​ന​ത്തെ​ക്കു​റി​ച്ചു​മുള്ള സകല വിശദാം​ശ​ങ്ങ​ളും നൽകുന്നു. എന്നാൽ അവർ എവി​ടെ​നി​ന്നാ​ണു വന്നതെന്ന്‌ അതു പറയു​ന്നില്ല.”

ജാമ്യ ചുരു​ളു​കൾ

ശമര്യാ​ക്കാർക്ക്‌—ഇപ്പോൾ അവരുടെ അംഗസം​ഖ്യ കേവലം 600 മാത്ര​മാണ്‌—അവരുടെ വിശുദ്ധ ഗ്രന്ഥങ്ങൾ തിരികെ ലഭിക്ക​ണ​മെ​ങ്കിൽ മോച​ന​ദ്ര​വ്യ​മാ​യി 10 ലക്ഷം ഡോളർ നൽകേ​ണ്ടി​വ​ന്നി​രി​ക്കു​ക​യാണ്‌. യഥാ​ക്രമം 700-ഉം 400-ഉം വർഷം പഴക്കമു​ള്ള​താ​യി പറയ​പ്പെ​ടുന്ന രണ്ടു ചുരു​ളു​കൾ വെസ്റ്റ്‌ ബാങ്കി​ലുള്ള നാബ്ലസ്‌ നഗരത്തി​ലെ ഒരു ശമര്യാ സിന​ഗോ​ഗിൽനിന്ന്‌ മൂന്നു വർഷം മുമ്പാണ്‌ മോഷണം പോയത്‌. മോഷ്ടാ​ക്കൾ ആ ചുരു​ളു​കൾ രാജ്യ​ത്തു​നിന്ന്‌ ഒളിച്ചു​ക​ടത്തി. അതിനു​ശേഷം അവ പ്രത്യ​ക്ഷ​പ്പെ​ടു​ന്നത്‌ അടുത്ത​യി​ടെ ജോർദാ​നി​ലെ അമ്മാനി​ലാണ്‌. ശമര്യാ​ക്കാ​രായ മൂപ്പൻമാർ അവി​ടെ​ച്ചെന്ന്‌ അവ കാണു​ക​യു​ണ്ടാ​യി. അവ വെക്കാ​റുള്ള സ്ഥലം അറിയാ​മാ​യി​രുന്ന ഒരു വ്യക്തി​യാണ്‌ അവ മോഷ്ടി​ച്ച​തെന്നു വിശ്വ​സി​ക്ക​പ്പെ​ടു​ന്നു. ശമര്യാ​ക്കാ​രിൽ മിക്കവ​രും നാബ്ലസിൽ തലയു​യർത്തി​നിൽക്കുന്ന മലയുടെ മുകളി​ലാ​ണു പാർക്കു​ന്നത്‌. അത്‌ അവരുടെ അതിവി​ശുദ്ധ സ്ഥലമാണ്‌. പുത്ര​നായ യിസ്‌ഹാ​ക്കി​നെ ബലിയർപ്പി​ക്കാൻ ദൈവം അബ്രാ​ഹാ​മി​നോട്‌ കൽപ്പി​ച്ചത്‌ അവി​ടെ​വെ​ച്ചാ​ണെ​ന്നാണ്‌ അവരുടെ വിശ്വാ​സം.

[29-ാം പേജിലെ ചിത്ര​ത്തിന്‌ കടപ്പാട്‌]

Courtesy: Shlomo Moussaieff