ഫോബി​യ​ക​ളു​ടെ നീരാ​ളി​പ്പി​ടി​ത്ത​ത്തിൽ

“ഫോബി​യകൾ പലപ്പോ​ഴും ഒരു പരിഹാ​സ​വി​ഷയം ആണ്‌. എന്നാൽ തീർച്ച​യാ​യും അവ ചിരിച്ചു തള്ളേണ്ട ഒരു കാര്യമല്ല.”—ഉത്‌ക​ണ്‌ഠാ രോഗ ചികി​ത്സാ​കേ​ന്ദ്ര​ത്തി​ന്റെ ഡയറക്ട​റായ ജെറി​ലിൻ റോസ്‌

ഒരു വസ്‌തു​വി​നോ​ടോ സംഭവ​ത്തോ​ടോ വികാ​ര​ത്തോ​ടോ ഉള്ള അയഥാർഥ​മായ, തീവ്ര​ഭ​യ​ത്തെ​യാണ്‌ “ഫോബിയ” എന്ന പദം കൊണ്ട്‌ അർഥമാ​ക്കു​ന്നത്‌. എന്നാൽ ഫോബിയ ഉളവാ​ക്കുന്ന കൊടും​ഭീ​തി​യെ​യും നിസ്സഹാ​യ​ത​യെ​യും ഒരു നിർവ​ച​ന​ത്തിൽ ഒതുക്കാ​നാ​വില്ല. ഫോബി​യ​കളെ രണ്ടു പതിറ്റാ​ണ്ടി​ല​ധി​കം ചികി​ത്സി​ച്ചി​ട്ടുള്ള റേയാൻ ഡൂമോണ്ട്‌ ഇപ്രകാ​രം അഭി​പ്രാ​യ​പ്പെ​ടു​ന്നു: “ഫോബിയ ഉള്ളവർ ഒട്ടനവധി സാഹച​ര്യ​ങ്ങൾ ഒഴിവാ​ക്കു​ന്നതു നിമിത്തം അവർക്ക്‌ വീട്ടിൽത്തന്നെ ഒതുങ്ങി​ക്കൂ​ടേണ്ടി വരുന്നു, അല്ലെങ്കിൽ അവർ വിട്ടു​മാ​റാത്ത, ഭയങ്കര​മായ ഉത്‌ക​ണ്‌ഠ​യു​മാ​യി കഴിഞ്ഞു​കൂ​ടു​ന്നു. അതുമ​ല്ലെ​ങ്കിൽ അവർ ഉത്‌കണ്‌ഠ ശമിപ്പി​ക്കാൻ മദ്യത്തെ അഭയം പ്രാപി​ക്കു​ന്നു. എന്നാൽ അത്‌ കൂടു​ത​ലായ പ്രശ്‌ന​ങ്ങ​ളി​ലേക്കു നയിക്കു​ന്നു.”

ഫോബി​യ​ക​ളെ ഉത്‌ക​ണ്‌ഠാ രോഗങ്ങൾ എന്നു വിളി​ക്ക​പ്പെ​ടു​ന്ന​വ​യു​ടെ ഗണത്തി​ലാണ്‌ പെടു​ത്തി​യി​രി​ക്കു​ന്നത്‌.a ഐക്യ​നാ​ടു​ക​ളി​ലെ പ്രായ​പൂർത്തി​യാ​യ​വ​രു​ടെ 12 ശതമാ​ന​വും ജീവി​ത​ത്തിൽ ഏതെങ്കി​ലു​മൊ​രു സമയത്ത്‌ ഫോബിയ ഉള്ളവരാ​യി​ത്തീ​രു​ന്ന​താ​യി കണക്കാ​ക്ക​പ്പെ​ടു​ന്നു. അവരിൽ പലരും വർഷങ്ങ​ളോ​ളം അത്‌ ആരോ​ടും പറയാതെ കൊണ്ടു​ന​ട​ക്കു​ന്നു. “സങ്കടക​ര​മെന്നു പറയട്ടെ, ഫോബിയ ഉള്ളവരു​ടെ ഏതാണ്ട്‌ എഴുപ​ത്തഞ്ചു ശതമാ​ന​വും ഒരിക്ക​ലും സഹായം തേടു​ന്നില്ല. ഫോബിയ ഉള്ള പലരും ജാള്യം നിമിത്തം സഹായം തേടാൻ മടിക്കു​ന്നു. മറ്റു ചിലർക്കാ​ണെ​ങ്കിൽ തങ്ങളുടെ കുഴപ്പം എന്താ​ണെന്നു മനസ്സി​ലാ​കു​ന്നില്ല, അല്ലെങ്കിൽ സഹായ​ത്തി​നാ​യി ആരെ സമീപി​ക്ക​ണ​മെന്ന്‌ അവർക്ക്‌ അറിയില്ല. ഇനിയും വേറെ ചിലർ ചികി​ത്സയെ തന്നെ ഭയപ്പെ​ടു​ന്നു” എന്ന്‌ അമേരി​ക്ക​യി​ലെ ഉത്‌ക​ണ്‌ഠാ രോഗ​സ​മി​തി റിപ്പോർട്ടു ചെയ്യുന്നു.

അറിയ​പ്പെ​ടു​ന്ന നൂറു കണക്കിനു ഫോബി​യ​ക​ളുണ്ട്‌. എങ്കിലും വിദഗ്‌ധർ സാധാരണ ഗതിയിൽ അവയെ മൂന്നു ഗണങ്ങളി​ലാണ്‌ പെടു​ത്താറ്‌. ലഘുവായ ഫോബിയ പ്രാണി​കൾ, ജന്തുക്കൾ, പറക്കൽ, അടഞ്ഞ സ്ഥലങ്ങളിൽ ആയിരി​ക്കൽ എന്നിങ്ങനെ ഏതെങ്കി​ലും വസ്‌തു​വി​നോ​ടോ അവസ്ഥ​യോ​ടോ തോന്നുന്ന അതിഭ​യ​മാണ്‌. ആഗൊ​ര​ഫോ​ബിയ വിഭ്രാ​ന്തി​ബാ​ധ​യോട്‌ അനുബ​ന്ധി​ച്ചാണ്‌ സാധാരണ ഗതിയിൽ ഉണ്ടാകു​ന്നത്‌. ഇത്‌ ഉള്ളയാൾ മുമ്പ്‌ തനിക്ക്‌ വിഭ്രാ​ന്തി​ബാ​ധ​യു​ണ്ടാ​യി​ട്ടുള്ള എല്ലാ സ്ഥലങ്ങളും സാഹച​ര്യ​ങ്ങ​ളും ഒഴിവാ​ക്കുന്ന അളവോ​ളം വിഭ്രാ​ന്തി​ബാ​ധയെ ഭയപ്പെ​ടു​ന്നു. സാമൂ​ഹിക ഫോബിയ പൊതു സ്ഥലങ്ങളിൽ ലജ്ജിത​നാ​കു​മെന്ന ഭയമാണ്‌. ഒരു സദസ്സിനു മുമ്പാകെ പ്രസം​ഗി​ക്കു​ന്ന​തി​നുള്ള ഭയം ഇതിന്‌ ഉദാഹ​ര​ണ​മാണ്‌.

ഈ മൂന്നിനം ഫോബി​യ​ക​ളിൽ ഒരെണ്ണ​ത്തി​ന്റെ കാര്യ​മെ​ടു​ക്കാം—സാമൂ​ഹിക ഫോബിയ. ദ വാഷി​ങ്‌ടോ​ണി​യൻ ഇങ്ങനെ പ്രസ്‌താ​വി​ക്കു​ന്നു: “ലഘുവായ ഫോബി​യകൾ—പാമ്പു​ക​ളോ​ടും പറക്കലി​നോ​ടും മറ്റും ഉള്ള ഭയം—എല്ലാം കൂട്ടി​ച്ചേർത്താ​ലും അവ സാമൂ​ഹിക ഫോബി​യ​യു​ടെ അത്രയും പ്രശ്‌നങ്ങൾ സൃഷ്ടി​ക്കു​ന്നില്ല.” അതു ശരിയാ​ണോ? ആണെങ്കിൽ എന്തു​കൊണ്ട്‌? നമുക്കു നോക്കാം.

[അടിക്കു​റിപ്പ്‌]