ആധുനിക പോള​ണ്ടി​ലെ മതം

പോളണ്ടിലെ ഉണരുക! ലേഖകൻ

പോള​ണ്ടി​ലെ ആളുകൾ വലിയ മതഭക്തർ ആണെന്നാണ്‌ പരക്കെ​യുള്ള അറിവ്‌. വാസ്‌ത​വ​ത്തിൽ, അവിടു​ത്തെ ജനങ്ങളു​ടെ ഏതാണ്ട്‌ 95 ശതമാനം റോമൻ കത്തോ​ലി​ക്ക​രെന്ന്‌ അവകാ​ശ​പ്പെ​ടു​ന്ന​വ​രാണ്‌.

പോള​ണ്ടി​ലെ ആളുകൾ മതപര​മായ ആഘോ​ഷ​ങ്ങളെ വളരെ ഗൗരവ​മാ​യി എടുക്കു​ന്നു. മാത്രമല്ല, അവ ദേശീയ പാരമ്പ​ര്യ​ത്തി​ന്റെ ഒരു അവിഭാ​ജ്യ ഘടകം കൂടി​യാണ്‌. പ്രത്യേ​കി​ച്ചും നാട്ടിൻപു​റ​ങ്ങ​ളിൽ മത വിശേ​ഷ​ദി​നങ്ങൾ വളരെ നിറപ്പ​കി​ട്ടാർന്ന​തും ഉല്ലാസ​പ്ര​ദ​വു​മാണ്‌. പരിപാ​ടി​ക​ളിൽ പങ്കെടു​ക്കു​ന്നവർ നാടൻ വേഷവി​ധാ​നങ്ങൾ അണിയു​ന്നു. എല്ലാവ​രും കളിക​ളിൽ ഏർപ്പെ​ടു​ന്നു.

അവിടു​ത്തെ വാർത്താ മാധ്യ​മങ്ങൾ അത്തരം വിശേ​ഷ​ദി​ന​ങ്ങ​ളെ​ക്കു​റി​ച്ചും പ്രസി​ദ്ധ​മായ ആരാധനാ സ്ഥലങ്ങളി​ലേ​ക്കുള്ള തീർഥാ​ട​ന​ങ്ങ​ളെ​ക്കു​റി​ച്ചും മത ഘോഷ​യാ​ത്ര​ക​ളെ​ക്കു​റി​ച്ചും ഉള്ള വാർത്തകൾ പതിവാ​യി വിശേ​ഷ​വ​ത്‌ക​രി​ക്കു​ന്നു. മാമ്മോ​ദീ​സാ​കൾ, പള്ളിയിൽ വെച്ചു നടത്ത​പ്പെ​ടുന്ന വിവാ​ഹങ്ങൾ, തങ്ങൾ പേരു കടം കൊണ്ടി​രി​ക്കുന്ന വിശു​ദ്ധ​ന്മാ​രു​ടെ പെരു​ന്നാ​ളു​കൾ, ആദ്യ കുർബാന കൈ​ക്കൊ​ള്ള​പ്പാട്‌ തുടങ്ങി​യ​വ​യ്‌ക്കും അവിടു​ത്തെ ആളുകൾ ഉയർന്ന പ്രാധാ​ന്യം കൽപ്പി​ക്കു​ന്നു.

1978-ൽ പോള​ണ്ടിൽ നിന്നുള്ള കാരൊൾ വൊയ്‌റ്റി​വാ, ജോൺ പോൾ രണ്ടാമൻ പാപ്പാ ആയി സ്ഥാന​മേറ്റു. ഇത്‌ പോള​ണ്ടി​ലെ കത്തോ​ലി​ക്കാ മതത്തിന്‌ കൂടു​ത​ലായ പ്രചോ​ദനം പകർന്നു. അദ്ദേഹം സ്വദേ​ശ​ത്തേക്കു വരു​മ്പോ​ഴൊ​ക്കെ ജനക്കൂ​ട്ടങ്ങൾ അവരുടെ നാട്ടു​കാ​രനെ അഭിമാ​ന​പൂർവം സ്വാഗതം ചെയ്യുന്നു.

മതപര​മാ​യ ഈ പ്രവർത്ത​ന​ങ്ങ​ളു​ടെ​യെ​ല്ലാം ഫലമായി പോള​ണ്ടു​കാർ വലിയ മതവി​ശ്വാ​സി​ക​ളും തങ്ങളുടെ വിശ്വാ​സം പരസ്യ​മാ​യി പ്രകടി​പ്പി​ക്കു​ന്ന​വ​രും ആണെന്ന ധാരണ പോള​ണ്ടി​നു വെളി​യിൽ ഉള്ളവർക്ക്‌ ഉണ്ടായി​രി​ക്കു​ന്നു. എങ്കിലും, പോള​ണ്ടി​ലെ കത്തോ​ലി​ക്കാ നേതാ​ക്ക​ന്മാ​രും മറ്റു നിരീ​ക്ഷ​ക​രും കൂടുതൽ കൂടുതൽ സഭാം​ഗങ്ങൾ തങ്ങളുടെ മനോ​ഭാ​വ​ങ്ങ​ളി​ലും പതിവു​ക​ളി​ലും മാറ്റം വരുത്തു​ന്ന​തിൽ ഉത്‌കണ്‌ഠ പ്രകടി​പ്പി​ക്കു​ന്നു.

പോള​ണ്ടു​കാ​രു​ടെ കാഴ്‌ച​പ്പാട്‌

പോള​ണ്ടി​ലെ കത്തോ​ലി​ക്കാ പൗരോ​ഹി​ത്യ​ശ്രേ​ണി​യി​ലെ പ്രമു​ഖ​രായ പ്രതി​നി​ധി​കൾക്കും പത്ര​പ്ര​വർത്ത​കർക്കും സാമൂ​ഹിക ഗവേഷ​കർക്കും ആധുനിക പോള​ണ്ടി​ലെ കത്തോ​ലി​ക്കാ മതത്തിന്റെ അവസ്ഥ​യെ​ക്കു​റിച്ച്‌ വ്യത്യ​സ്‌ത​മായ ഒരു വീക്ഷണ​മാണ്‌ ഉള്ളത്‌. വർധി​ച്ചു​വ​രുന്ന കുറ്റകൃ​ത്യം, അധഃപ​തി​ച്ചു​കൊ​ണ്ടി​രി​ക്കുന്ന ധാർമിക നിലവാ​രങ്ങൾ, സഭയുടെ പഠിപ്പി​ക്ക​ലി​ലും ആചാര​ത്തി​ലും ഉള്ള കുറഞ്ഞു​വ​രുന്ന താത്‌പ​ര്യം എന്നിവ​യോ​ടു പ്രതി​ക​രി​ച്ചു​കൊണ്ട്‌ പ്രമുഖ വ്യക്തികൾ കൂടെ​ക്കൂ​ടെ ശക്തമായ പ്രസ്‌താ​വ​നകൾ നടത്തുന്നു. പ്രസിദ്ധ റോമൻ കത്തോ​ലി​ക്കാ ആരാധനാ രീതി ആളുക​ളു​ടെ അനുദിന ജീവി​ത​ത്തിൽ എന്ത്‌ സ്വാധീ​ന​മാണ്‌ ചെലു​ത്തു​ന്നത്‌? ഈ ചോദ്യ​മാണ്‌ മുഖ്യ ചർച്ചാ​വി​ഷയം.

ഉദാഹ​ര​ണ​ത്തിന്‌, പോള​ണ്ടി​ലെ ആർച്ചു​ബി​ഷ​പ്പായ യൂസെഫ്‌ ഗ്ലെംപ്‌ ആളുക​ളു​ടെ ഇടയിലെ വർധിച്ച ലൗകി​ക​ത്വം ശ്രദ്ധി​ക്കു​ക​യും രാജ്യത്തെ നവീന പുറജാ​തീ​യ​ത​യു​ടെ തരംഗത്തെ ചെറു​ക്കേ​ണ്ട​തി​ന്റെ ആവശ്യ​ത്തെ​ക്കു​റി​ച്ചു സംസാ​രി​ക്കു​ക​യും ചെയ്‌തു. വാഡ്‌ എന്ന കത്തോ​ലി​ക്കാ മാസി​ക​യിൽ ലേഖക​നായ വൊയി​ച്ചെച്ച്‌ ചൂഡി സ്ഥിതി​വി​ശേ​ഷത്തെ കൂടുതൽ വിശദ​മാ​യി വിശക​ലനം ചെയ്‌തു. അദ്ദേഹം പറഞ്ഞു: ‘പുരോ​ഹി​ത​ന്മാ​രെ​യും സമുദായ ശാസ്‌ത്ര​ജ്ഞ​രെ​യും മത മനഃശാ​സ്‌ത്ര​ജ്ഞ​രെ​യും വർഷങ്ങ​ളാ​യി അലട്ടി​ക്കൊ​ണ്ടി​രി​ക്കുന്ന പ്രശ്‌ന​ത്തെ​ക്കു​റിച്ച്‌—ആളുക​ളു​ടെ മത ജീവി​ത​വും അനുദിന ജീവി​ത​വും തമ്മിലുള്ള വ്യക്തമായ അന്തര​ത്തെ​ക്കു​റിച്ച്‌—നാം പരിചി​ന്തി​ക്കേ​ണ്ടി​യി​രി​ക്കു​ന്നു. നിങ്ങൾ മതപ്ര​ഭാ​ഷണം കേൾക്കു​ന്നു, എന്നാൽ പള്ളിയു​ടെ പടി കടക്കു​മ്പോൾത്തന്നെ ദൈവ​ത്തി​ന്റെ ലോക​ത്തെ​ക്കു​റി​ച്ചു മറന്നു​പോ​കു​ന്നു. പിന്നെ നിങ്ങൾ മറ്റൊരു ലോക​ത്തി​ലേക്കു പ്രവേ​ശി​ക്കു​ന്നു, അനുദിന പോരാ​ട്ട​ത്തി​ന്റെ ഒരു ലോക​ത്തി​ലേക്ക്‌. അവിടെ ആയിരി​ക്കു​മ്പോൾ ദൈവം ഇല്ലാത്ത​തു​പോ​ലെ നിങ്ങൾ ജീവിതം നയിക്കു​ന്നു.’

ബിഷപ്പു​മാ​രു​ടെ സമ്മേള​ന​ത്തി​ന്റെ വൈസ്‌ പ്രസി​ഡ​ന്റായ ആർച്ചു​ബി​ഷപ്പ്‌ ഹെന്‌റിക്‌ മൂഷിൻസ്‌കി ഇങ്ങനെ പറഞ്ഞു​കൊണ്ട്‌ ഒരു പടികൂ​ടെ മുമ്പോ​ട്ടു​പോ​യി: “സുവി​ശേ​ഷ​ത്തിന്‌ നമ്മുടെ ഉള്ളിലെ മനുഷ്യന്‌ രൂപാ​ന്തരം വരുത്താൻ കഴിഞ്ഞി​ട്ടില്ല. പോള​ണ്ടു​കാർ രേഖക​ളിൽ മാത്ര​മാണ്‌ ക്രിസ്‌ത്യാ​നി​കൾ ആയിരി​ക്കു​ന്നത്‌. മിക്കയാ​ളു​ക​ളും ക്രിസ്‌ത്യാ​നി​ത്വ​ത്തെ ഒരു മതമായി വീക്ഷി​ക്കു​ന്ന​തി​നു പകരം ജീവി​ത​ത്തി​ന്റെ ഭാഗമാ​യി​ത്തീർന്ന ഒരു ശീലമാ​യി​ട്ടാണ്‌ വീക്ഷി​ക്കു​ന്നത്‌ എന്ന വസ്‌തു​തയെ നിഷേ​ധി​ക്കാൻ ബുദ്ധി​മു​ട്ടാണ്‌.”

മൂല്യ​ങ്ങ​ളി​ലും പെരു​മാ​റ്റ​ത്തി​ലും വന്ന മാറ്റം

പൊതു​ജ​ന​ങ്ങ​ളു​ടെ ജീവിത മൂല്യ​ങ്ങ​ളി​ലും പെരു​മാ​റ്റ​ത്തി​ലും സംഭവിച്ച വലിയ മാറ്റങ്ങ​ളെ​ക്കു​റിച്ച്‌ പ്രമു​ഖ​രായ സഭാ പ്രതി​നി​ധി​കൾ ആകുല​ചി​ത്ത​രാ​ണെന്ന്‌ അത്തരം പ്രസ്‌താ​വ​നകൾ കാണി​ക്കു​ന്നു. മുമ്പു സാധാ​ര​ണ​മാ​യി​രുന്ന മതഭക്തി മറ്റു താത്‌പ​ര്യ​ങ്ങൾക്ക്‌ വഴിമാ​റി​ക്കൊ​ടു​ക്കു​ന്ന​താ​യി കാണ​പ്പെ​ടു​ന്നു എന്നതാണ്‌ ഒരു കാരണം.

ഉദാഹ​ര​ണ​ത്തിന്‌, പോള​ണ്ടു​കാർ ജീവി​ത​ത്തിൽ ഒന്നാം സ്ഥാനം കുടും​ബ​ത്തി​നും പിന്നീ​ടുള്ള സ്ഥാനങ്ങൾ ക്രമത്തിൽ സത്യസന്ധത, ന്യായം, ദയ, ആശ്രയ​യോ​ഗ്യത എന്നിവ​യ്‌ക്കും കൊടു​ക്കു​ന്ന​താ​യി ഒരു സമുദാ​യ​ശാ​സ്‌ത്ര പഠനം സൂചി​പ്പി​ക്കു​ന്നു. ദൈവിക കാര്യ​ങ്ങൾക്കും മതത്തി​നും അവരുടെ ജീവി​ത​ത്തിൽ 16-ാമത്തെ സ്ഥാനം മാത്രമേ ഉണ്ടായി​രു​ന്നു​ള്ളൂ. വിശ്വാ​സി​കൾ എന്ന്‌ അവകാ​ശ​പ്പെ​ടു​ന്ന​വ​രു​ടെ പോലും പള്ളി ഹാജർ കുറഞ്ഞു​വ​രു​ന്നു എന്നതാണ്‌ ഇതിന്റെ ഒരു ഫലം.

സഭാ പഠിപ്പി​ക്ക​ലു​ക​ളോ​ടുള്ള വ്യാപ​ക​മായ അവഗണന സൂചി​പ്പി​ക്കുന്ന സ്ഥിതി​വി​വ​ര​ക്ക​ണ​ക്കു​ക​ളും പോള​ണ്ടു​കാ​രായ ബിഷപ്പു​മാ​രെ വ്യാകു​ല​പ്പെ​ടു​ത്തു​ന്നു. ഉദാഹ​ര​ണ​ത്തിന്‌, യാഗ്യെ​ലൊൻസ്‌കി സർവക​ലാ​ശാ​ല​യി​ലെ ഇറേന ബൊ​റൊ​വിക്‌ മതകാ​ര്യ​ങ്ങ​ളെ​ക്കു​റിച്ച്‌ ഒരു സർവേ നടത്തി​യ​പ്പോൾ അതിൽ പങ്കെടു​ത്ത​വ​രിൽ 50 ശതമാനം മാത്രമേ തങ്ങൾ മരണാ​നന്തര ജീവി​ത​ത്തിൽ വിശ്വ​സി​ക്കു​ന്ന​താ​യി പറഞ്ഞുള്ളൂ, പുരോ​ഹി​ത​ന്മാ​രെ വിവാഹം ചെയ്യാൻ അനുവ​ദി​ക്കേ​ണ്ട​താ​ണെന്ന്‌ 47 ശതമാനം പേർ അവകാ​ശ​പ്പെട്ടു, 64 ശതമാനം വിവാ​ഹ​മോ​ച​നത്തെ അംഗീ​ക​രി​ക്ക​യും ചെയ്‌തു.

“പോള​ണ്ടു​കാ​രു​ടെ 69 ശതമാനം ഗർഭനി​രോ​ധന ഉപാധി​ക​ളു​ടെ ഉപയോ​ഗം സംബന്ധിച്ച സഭയുടെ വിലക്കി​നെ കുറ്റം​വി​ധി​ക്കു​ന്ന​താ​യും 56 ശതമാനം ഗർഭച്ഛി​ദ്രം സംബന്ധിച്ച വിലക്കി​നെ എതിർക്കു​ന്ന​താ​യും 54 ശതമാനം വിവാ​ഹ​ത്തി​നു മുമ്പുള്ള ലൈം​ഗി​ക​തയെ അംഗീ​ക​രി​ക്കു​ന്ന​താ​യും” വ്‌​പ്രൊസ്റ്റ്‌ മാസി​ക​യിൽ വന്ന മറ്റൊരു പഠന റിപ്പോർട്ട്‌ സൂചി​പ്പി​ക്കു​ക​യു​ണ്ടാ​യി. ഈ സംഖ്യകൾ സഭയിലെ ആളുക​ളു​ടെ ചിന്താ​ഗ​തി​കൾ തമ്മിൽ ഇപ്പോൾ വ്യത്യാ​സം ഉണ്ട്‌ എന്നതിന്റെ സൂചന​യാണ്‌.

കമ്മ്യൂ​ണി​സ​ത്തെ എതിർക്കു​ന്ന​തിൽ പങ്കു വഹിച്ചതു നിമിത്തം സഭ കഴിഞ്ഞ രണ്ടു ദശകങ്ങ​ളാ​യി വളരെ​യ​ധി​കം ആദരവു നേടി​യി​രി​ക്കു​ക​യാ​യി​രു​ന്നു. എന്നാൽ, ഇപ്പോൾ രാഷ്‌ട്രീ​യ​വും സാമൂ​ഹി​ക​വു​മായ വിവാ​ദ​പ്ര​ശ്‌ന​ങ്ങ​ളി​ലുള്ള അതിന്റെ തുടർച്ച​യായ ഉൾപ്പെടൽ വിദ്വേ​ഷം ഇളക്കി​വി​ടു​ന്ന​താ​യി തോന്നു​ന്നു. ഇത്‌ സഭാ പുരോ​ഹി​ത​വർഗ​വും സഭാം​ഗ​ങ്ങ​ളും തമ്മിലുള്ള വിടവ്‌ വർധി​ക്കു​ന്ന​തിന്‌ ഇടയാ​ക്കി​യി​രി​ക്കു​ന്നു.

യഥാർഥ പരിഹാ​രം എന്താണ്‌?

1989-ൽ ചരി​ത്ര​പ്ര​ധാ​ന​മായ രാഷ്‌ട്രീയ മാറ്റങ്ങൾ നടക്കു​ന്ന​തി​നു മുമ്പ്‌ ഗവൺമെന്റ്‌ പ്രത്യേക പെരു​മാറ്റ ചട്ടങ്ങൾ നിർബ​ന്ധ​പൂർവം നടപ്പാ​ക്കി​യി​രു​ന്നു. അവയിൽ അധിക പങ്കും ഇപ്പോ​ഴില്ല. പുതിയ രാഷ്‌ട്രീയ വ്യവസ്ഥി​തി ജനാധി​പ​ത്യ​വും വ്യക്തി സ്വാത​ന്ത്ര്യ​വും എന്നാൽ അതോ​ടൊ​പ്പം​തന്നെ ഒരു ഉദാര​വ​ത്‌കൃത സ്വത​ന്ത്ര​ക​മ്പോള സമ്പദ്‌വ്യ​വ​സ്ഥ​യിൽ അതിജീ​വി​ക്കാ​നുള്ള പോരാ​ട്ട​വും ആനയി​ച്ചി​രി​ക്കു​ന്നു. പോള​ണ്ടി​ലെ ജനസമു​ദാ​യം അത്തര​മൊ​രു സമൂല പരിവർത്ത​ന​ത്തി​നു കേവലം സജ്ജരല്ലാ​യി​രു​ന്നു എന്ന്‌ ഇവി​ടെ​യുള്ള പലർക്കും തോന്നു​ന്നു. അവർക്ക്‌ എന്താണു കുറവു​ണ്ടാ​യി​രു​ന്നത്‌?

ഇന്നത്തെ ലോക​ത്തിൽ ധാർമി​ക​മാ​യും ആത്മീയ​മാ​യും അതിജീ​വി​ക്കു​ന്ന​തിന്‌ വിശ്വാ​സം ആവശ്യ​മാണ്‌. ഇത്‌ കേവലം മതപര​മായ ശീലങ്ങ​ളി​ലോ ചടങ്ങു​ക​ളി​ലോ വേരൂ​ന്നിയ ഒന്നല്ല, പകരം ദൈവ​വ​ച​ന​മായ ബൈബി​ളി​നെ​ക്കു​റി​ച്ചുള്ള വ്യക്തി​പ​ര​മായ പരിജ്ഞാ​ന​ത്തി​ലും ഗ്രാഹ്യ​ത്തി​ലും രൂഢമൂ​ല​മായ വിശ്വാ​സം ഓരോ വ്യക്തി​യും വളർത്തി​യെ​ടു​ക്കണം.

ക്രിസ്‌ത്യാ​നി​കൾ വിശുദ്ധ തിരു​വെ​ഴു​ത്തു​കൾ പതിവാ​യി വായി​ക്കേ​ണ്ട​തി​ന്റെ ആവശ്യ​ത്തെ​ക്കു​റിച്ച്‌ അടുത്ത​കാ​ലത്ത്‌ ജോൺ പോൾ രണ്ടാമൻ പാപ്പാ​തന്നെ സമ്മതിച്ചു പറയു​ക​യു​ണ്ടാ​യി. “ദൈവ​വ​ച​ന​വു​മാ​യി കൂടുതൽ ഗാഢമായ ഒരു നിരന്തര ബന്ധം നട്ടുവ​ളർത്താൻ” അദ്ദേഹം ക്രിസ്‌ത്യാ​നി​കളെ ആഹ്വാനം ചെയ്‌തു. അദ്ദേഹം ഇങ്ങനെ കൂട്ടി​ച്ചേർത്തു: “വിശുദ്ധ തിരു​വെ​ഴു​ത്തു​കൾ വായി​ക്കാൻ പഠിക്കു​ന്നത്‌ ഒരു വിശ്വാ​സി​യെ സംബന്ധി​ച്ചി​ട​ത്തോ​ളം അടിസ്ഥാന സംഗതി​യാണ്‌: അതാണ്‌ ആദ്യ പടി, ധ്യാന​വും ഉള്ളു തുറന്നുള്ള പ്രാർഥ​ന​യും ആണ്‌ അടുത്ത പടികൾ.” “ജീവന്റെ വചനമാ​കുന്ന അപ്പം​കൊണ്ട്‌ ദിവസ​വും സ്വയം പോഷി​പ്പി​ക്കാൻ . . . സത്യാ​ന്വേ​ഷി​യായ ഏതൊ​രാ​ളെ​യും” പാപ്പാ പ്രോ​ത്സാ​ഹി​പ്പി​ച്ചു.

പത്തൊ​മ്പ​തു നൂറ്റാ​ണ്ടു​കൾക്കു മുമ്പ്‌, അതായത്‌ ജീവിതം ഇപ്പോ​ഴ​ത്തെ​പ്പോ​ലെ തിരക്കു​പി​ടി​ച്ച​തും അസ്ഥിര​വും ആയിത്തീ​രു​ന്ന​തിന്‌ ദീർഘ​നാൾ മുമ്പ്‌, തന്റെ ശിഷ്യ​ന്മാ​രെ അവർക്കു ചുറ്റു​മുള്ള ആത്മീയ​മാ​യി ദുർബ​ലീ​ക​രി​ക്കുന്ന സ്വാധീ​ന​ങ്ങ​ളിൽനിന്ന്‌ സംരക്ഷി​ക്ക​ണ​മേ​യെന്ന്‌ യേശു​ക്രി​സ്‌തു ദൈവ​ത്തോട്‌ അപേക്ഷി​ക്കു​ക​യു​ണ്ടാ​യി. അവൻ ഇങ്ങനെ പ്രാർഥി​ച്ചു: “സത്യത്താൽ അവരെ വിശു​ദ്ധീ​ക​രി​ക്കേ​ണമേ; നിന്റെ വചനം സത്യം ആകുന്നു.” (യോഹ​ന്നാൻ 17:17) ബൈബിൾ “സത്യം” ആയിരി​ക്കു​ന്നത്‌ അത്‌ മനുഷ്യ​ന്റെ വചനം ആയിരി​ക്കാ​തെ ദൈവ​ത്തി​ന്റെ വചനം ആയിരി​ക്കു​ന്ന​തു​കൊ​ണ്ടാണ്‌. അപ്പൊ​സ്‌ത​ല​നായ പൗലൊസ്‌ ഒരു സഭയ്‌ക്ക്‌ ഇങ്ങനെ​യെ​ഴു​തി: ‘ഞങ്ങൾ പ്രസം​ഗിച്ച ദൈവ​വ​ചനം നിങ്ങൾ കേട്ടു, മമനു​ഷ്യ​ന്റെ വചനമാ​യി​ട്ടല്ല സാക്ഷാൽ ആകുന്ന​തു​പോ​ലെ ദൈവ​വ​ച​ന​മാ​യി​ട്ടു തന്നേ കൈ​ക്കൊ​ണ്ടു.’—1 തെസ്സ​ലൊ​നീ​ക്യർ 2:13.

ബൈബിൾ “ദൈവ​വചന”വും “സത്യ”വും ആയതി​നാൽ ദൈവ​ഭ​ക്തി​യി​ല്ലാത്ത ഈ ലോക​ത്തിൽ സ്വയം കെട്ടു​റ​പ്പു​ള്ള​വ​രാ​ക്കി നിർത്താൻ നമുക്ക്‌ ആവശ്യ​മാ​യത്‌ പ്രദാനം ചെയ്യാൻ അതിനു കഴിയും. ബൈബിൾ ഇങ്ങനെ പറയുന്നു: “എല്ലാതി​രു​വെ​ഴു​ത്തും ദൈവ​ശ്വാ​സീ​യ​മാ​ക​യാൽ ദൈവ​ത്തി​ന്റെ മനുഷ്യൻ സകല സൽപ്ര​വൃ​ത്തി​ക്കും വക പ്രാപി​ച്ചു തികഞ്ഞവൻ ആകേണ്ട​തി​ന്നു ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജ​ന​മു​ള്ളതു ആകുന്നു.”—2 തിമൊ​ഥെ​യൊസ്‌ 3:16, 17.

ബൈബി​ളി​ന്റെ വ്യക്തി​പ​ര​മായ പഠനം ദൈവ​ത്തി​ലും അവന്റെ ഉദ്ദേശ്യ​ത്തി​ലും വിശ്വാ​സം അർപ്പി​ക്കു​ന്ന​തി​നുള്ള ഉറച്ച അടിസ്ഥാ​നം പ്രദാനം ചെയ്യു​ന്നു​വെന്ന്‌ പോള​ണ്ടി​ലും ഗോള​മെ​മ്പാ​ടും ഉള്ള ആത്മാർഥ​ഹൃ​ദ​യ​രും ബുദ്ധി​ശാ​ലി​ക​ളു​മായ പല ആളുക​ളും കണ്ടെത്തു​ന്നു. ഇത്തരം വിശ്വാ​സ​മാണ്‌ ദൈവ​ത്തിൽനി​ന്നു പൂർവാ​ധി​കം അന്യ​പ്പെ​ട്ടു​കൊ​ണ്ടി​രി​ക്കുന്ന ഇന്നത്തെ ലോക​ത്തിൽ യഥാർഥ ക്രിസ്‌തീയ ജീവിതം നയിക്കാ​നുള്ള ശക്തി അവർക്കു പ്രദാനം ചെയ്യു​ന്നത്‌.

[16-ാം പേജിലെ ആകർഷ​ക​വാ​ക്യം]

“പോള​ണ്ടു​കാർ രേഖക​ളിൽ മാത്ര​മാണ്‌ ക്രിസ്‌ത്യാ​നി​കൾ ആയിരി​ക്കു​ന്നത്‌.”—പോള​ണ്ടി​ലെ ഒരു ആർച്ചു​ബി​ഷപ്പ്‌

[17-ാം പേജിലെ ആകർഷ​ക​വാ​ക്യം]

ആളുകൾ സഭാ പഠിപ്പി​ക്ക​ലു​ക​ളോട്‌ വ്യാപ​ക​മായ അവഗണന പ്രകട​മാ​ക്കു​ന്നു

[15-ാം പേജിലെ ഭൂപടം]

(പൂർണ​രൂ​പ​ത്തിൽ കാണു​ന്ന​തി​നു പ്രസി​ദ്ധീ​ക​രണം നോക്കുക.)

പോളണ്ട്‌