നിങ്ങളു​ടെ ഭാവി നിങ്ങൾക്കു തിര​ഞ്ഞെ​ടു​ക്കാം

ഭാവി​ക​ഥ​നത്തെ “വലിയ ഒരു ബൗദ്ധിക നേട്ടമാ​യി പ്രാചീന ലോക​ത്തെ​മ്പാ​ടു​മുള്ള” ആളുകൾ കരുതി​പ്പോ​ന്ന​പ്പോൾ “എബ്രായ പ്രവാ​ചകർ ആ കലയെ അപലപി​ക്കു​ക​യാണ്‌ ചെയ്‌തത്‌” എന്ന്‌ പുരാ​വ​സ്‌തു ഗവേഷ​ക​യായ ജോവാൻ ഓട്ട്‌സ്‌ പറയുന്നു. കാരണം?

വിധി​യിൽ വിശ്വ​സി​ക്കുന്ന ജനതക​ളാ​യി​രു​ന്നു ചുറ്റും ഉണ്ടായി​രു​ന്ന​തെ​ങ്കി​ലും ഒരു അജ്ഞാത ശക്തി തങ്ങളുടെ ജീവി​തത്തെ രൂപ​പ്പെ​ടു​ത്തു​ന്നു എന്ന ആശയം പുരാതന ഇസ്രാ​യേ​ല്യർ തള്ളിക്ക​ളഞ്ഞു. ആ ജനതയ്‌ക്കു ദൈവം നൽകിയ നിർദേ​ശ​ങ്ങ​ളിൽ ഒന്ന്‌ ഇതായി​രു​ന്നു: “പ്രശ്‌ന​ക്കാ​രൻ, മുഹൂർത്ത​ക്കാ​രൻ, ആഭിചാ​രകൻ, ക്ഷുദ്ര​ക്കാ​രൻ, മന്ത്രവാ​ദി, വെളി​ച്ച​പ്പാ​ടൻ, ലക്ഷണം പറയു​ന്നവൻ . . . എന്നിങ്ങ​നെ​യു​ള്ള​വരെ നിങ്ങളു​ടെ ഇടയിൽ കാണരു​തു.”—ആവർത്ത​ന​പു​സ്‌തകം 18:10, 11.

വിധി​വി​ശ്വാ​സ​മോ ഭാവി​ക​ഥ​ന​ക്കാ​രു​ടെ സഹായ​മോ ഇല്ലാ​തെ​തന്നെ ഇസ്രാ​യേ​ല്യർക്ക്‌ തങ്ങളുടെ ഭാവി സംബന്ധിച്ച്‌ ശുഭാ​പ്‌തി​വി​ശ്വാ​സം ഉണ്ടായി​രി​ക്കാൻ കഴിയു​മാ​യി​രു​ന്നു. “മനുഷ്യ​നും ലോക​വും ഏതോ അന്ധമായ ഒരു ശക്തിയു​ടെ കളിപ്പാ​വകൾ അല്ലെന്നും ദൈവ​ത്തിന്‌ മനുഷ്യ​നെ കുറിച്ച്‌ ഒരു ഉദ്ദേശ്യം ഉണ്ടായി​രു​ന്നെ​ന്നും” ആ ജനത വിശ്വ​സി​ച്ചി​രു​ന്നു എന്ന്‌ തേയോ എന്ന ഫ്രഞ്ച്‌ കാത്തലിക്‌ വിജ്ഞാ​ന​കോ​ശം പറയുന്നു. ആ ഉദ്ദേശ്യം എന്തായി​രു​ന്നു?

വിധി​യും ഇച്ഛാസ്വാ​ത​ന്ത്ര്യ​വും

തന്റെ നിയമങ്ങൾ അനുസ​രി​ക്കു​ന്ന​പക്ഷം ഇസ്രാ​യേ​ല്യർക്ക്‌ സമാധാ​ന​വും സമൃദ്ധി​യും ഉണ്ടാകു​മെന്നു ദൈവം വാഗ്‌ദാ​നം ചെയ്‌തു. (ലേവ്യ​പു​സ്‌തകം 26:3-6) കൂടാതെ, ഭൂമി​യിൽ നീതി​നി​ഷ്‌ഠ​മായ അവസ്ഥകൾ സ്ഥാപി​ക്കുന്ന ഒരു മിശി​ഹാ​യ്‌ക്കു വേണ്ടി അവർ പ്രതീ​ക്ഷാ​പൂർവം കാത്തി​രു​ന്നു. (യെശയ്യാ​വു 11-ാം അധ്യായം) എന്നാൽ, ദൈവം അത്തരം കാര്യങ്ങൾ വാഗ്‌ദാ​നം ചെയ്‌തി​രു​ന്നു എന്നതു​കൊണ്ട്‌ അവർ കയ്യും​കെട്ടി ഇരുന്നാൽ പോരാ​യി​രു​ന്നു. പകരം അവരോട്‌ ഇപ്രകാ​രം പറയ​പ്പെട്ടു: “ചെയ്‌വാൻ നിനക്കു സംഗതി​വ​രു​ന്ന​തൊ​ക്കെ​യും ശക്തി​യോ​ടെ ചെയ്‌ക.”—സഭാ​പ്ര​സം​ഗി 9:10.

ഈ ആശയത്തിൽ ഇച്ഛാസ്വാ​ത​ന്ത്ര്യ​ത്തിന്‌ ഒരു സുപ്ര​ധാന പങ്കുണ്ടാ​യി​രു​ന്നു. ദൈവത്തെ സേവി​ച്ചു​കൊണ്ട്‌ സ്വന്തം ഭാവി രൂപ​പ്പെ​ടു​ത്താ​നുള്ള സ്വാത​ന്ത്ര്യം ഇസ്രാ​യേ​ല്യർക്ക്‌ ഉണ്ടായി​രു​ന്നു. ദൈവം അവരോട്‌ ഇങ്ങനെ വാഗ്‌ദാ​നം ചെയ്‌തു: “നിങ്ങളു​ടെ ദൈവ​മായ യഹോ​വയെ നിങ്ങൾ സ്‌നേ​ഹി​ക്ക​യും പൂർണ്ണ​ഹൃ​ദ​യ​ത്തോ​ടും പൂർണ്ണ​മ​ന​സ്സോ​ടും​കൂ​ടെ അവനെ സേവി​ക്ക​യും ചെയ്‌തു​കൊ​ണ്ടു ഞാൻ ഇന്നു നിങ്ങ​ളോ​ടു കല്‌പി​ക്കുന്ന എന്റെ കല്‌പ​നകൾ ജാഗ്ര​ത​യോ​ടെ അനുസ​രി​ച്ചാൽ ധാന്യ​വും വീഞ്ഞും എണ്ണയും ശേഖരി​ക്കേ​ണ്ട​തി​ന്നു ഞാൻ തക്കസമ​യത്തു നിങ്ങളു​ടെ ദേശത്തി​ന്നു വേണ്ടുന്ന മുൻമ​ഴ​യും പിൻമ​ഴ​യും പെയ്യി​ക്കും.” (ആവർത്ത​ന​പു​സ്‌തകം 11:13, 14) ഇസ്രാ​യേൽ അനുസ​രണം കാട്ടി​യ​പ്പോൾ അവർക്കു ദൈവ​ത്തി​ന്റെ അനു​ഗ്രഹം ലഭിച്ചു.

ഇസ്രാ​യേൽ ജനത, ദൈവം വാഗ്‌ദാ​നം ചെയ്‌ത ദേശത്തു പ്രവേ​ശി​ക്കു​ന്ന​തി​നു മുമ്പ്‌ അവൻ അവർക്ക്‌ ഒരു തിര​ഞ്ഞെ​ടു​പ്പു നൽകി: “ഇതാ, ഞാൻ ഇന്നു ജീവനും ഗുണവും, മരണവും ദോഷ​വും നിന്റെ മുമ്പിൽ വെച്ചി​രി​ക്കു​ന്നു.” (ആവർത്ത​ന​പു​സ്‌തകം 30:15) ഓരോ വ്യക്തി​യു​ടെ​യും ഭാവി അയാളു​ടെ സ്വന്തം പ്രവർത്ത​ന​ങ്ങ​ളെ​യും തീരു​മാ​ന​ങ്ങ​ളെ​യും ആശ്രയി​ച്ചാ​യി​രു​ന്നു. ദൈവത്തെ സേവി​ക്കു​ന്നത്‌ ജീവനും അനു​ഗ്ര​ഹ​വും കൈവ​രു​ത്തു​മാ​യി​രു​ന്നു, അങ്ങനെ ചെയ്യാൻ വിസമ്മ​തി​ക്കു​ന്ന​താ​കട്ടെ കഷ്ടപ്പാ​ടും. എന്നാൽ ഇന്നോ?

കാര്യ​വും കാരണ​വും

നമ്മെ നിയ​ന്ത്രി​ക്കുന്ന ഒട്ടേറെ പ്രകൃതി നിയമങ്ങൾ ഉണ്ട്‌, നമ്മുടെ നന്മയ്‌ക്കാ​യി​ട്ടാണ്‌ അവ വെച്ചി​രി​ക്കു​ന്നത്‌. അവയിൽ ഒന്നാണ്‌ കാര്യ-കാരണ നിയമം, അല്ലെങ്കിൽ ബൈബിൾ പറയുന്ന പ്രകാരം, “മനുഷ്യൻ വിതെ​ക്കു​ന്നതു തന്നേ കൊയ്യും” എന്ന ആശയം. (ഗലാത്യർ 6:7) ഈ തത്ത്വം നാം മനസ്സി​ലാ​ക്കി​ക്ക​ഴി​ഞ്ഞാൽ ഭാവി​യിൽ സംഭവി​ക്കാ​നി​ട​യുള്ള ചില കാര്യങ്ങൾ മനസ്സി​ലാ​ക്കുക സാധ്യ​മാണ്‌.

സൂക്ഷിച്ചു വണ്ടി​യോ​ടി​ക്കുന്ന ഒരു വ്യക്തിയെ അപേക്ഷിച്ച്‌ അശ്രദ്ധ​മാ​യി അമിത വേഗത്തിൽ വണ്ടി​യോ​ടി​ക്കുന്ന ഒരാൾക്ക്‌ അപകടം പിണയാ​നുള്ള സാധ്യത കൂടു​ത​ലാണ്‌. അതു​പോ​ലെ, പുകവ​ലി​ക്കാത്ത ഒരാളെ അപേക്ഷിച്ച്‌ പുകവ​ലി​ക്കുന്ന ആൾക്ക്‌ അർബുദം ഉണ്ടാകാ​നുള്ള സാധ്യത കൂടു​ത​ലാ​യി​രി​ക്കും. ആരംഭ​ത്തിൽ പ്രതി​പാ​ദിച്ച തീവ്ര​വാ​ദി അക്രമം പോലുള്ള സംഭവ​ങ്ങൾക്ക്‌ നാം ഇരകളാ​കാ​നുള്ള സാധ്യത കുറവാ​യ​തു​കൊണ്ട്‌ അവ സംഭവി​ച്ചേ​ക്കു​മോ എന്നു കണക്കു​കൂ​ട്ടി സമയം പാഴാ​ക്കേ​ണ്ട​തില്ല. വിധി​വി​ശ്വാ​സം നമ്മെ എവി​ടെ​യും കൊ​ണ്ടെ​ത്തി​ക്കില്ല. വർത്തമാ​ന​കാ​ല​ത്തെ​യോ ഭാവി​കാ​ല​ത്തെ​യോ കാര്യ​ങ്ങളെ സംബന്ധിച്ച്‌ യാതൊ​രു വിവര​വും അതു നമുക്കു നൽകു​ന്നില്ല. വ്യാജ​ത്തിൽ വിശ്വ​സി​ക്കു​ന്നത്‌ ഭാവിയെ സംബന്ധിച്ച്‌ യഥാർഥ​മായ യാതൊ​രു ഉറപ്പും നൽകു​ന്നില്ല. അതു​പോ​ലെ​ത​ന്നെ​യാണ്‌ എല്ലാറ്റി​ന്റെ​യും പിന്നിൽ ദൈവ​ത്തി​ന്റെ കരങ്ങൾ ഉണ്ടെന്ന വിശ്വാ​സ​വും.

നിങ്ങളു​ടെ ഭാവി എന്തായി​രി​ക്കും?

നമ്മുടെ ഭാവി മുൻകൂ​ട്ടി നിശ്ചയി​ക്ക​പ്പെ​ട്ടി​ട്ടില്ല, വർത്തമാ​ന​കാ​ലത്തെ കാര്യ​ങ്ങ​ളാണ്‌ അതിനെ രൂപ​പ്പെ​ടു​ത്തു​ന്നത്‌. ജീവിതം ദൈവ​ത്തിൽനി​ന്നുള്ള ഒരു ദാനമാ​ണെ​ങ്കി​ലും, നമ്മുടെ വർത്തമാ​ന​കാ​ല​വും ഭാവി​യും നിർണ​യി​ക്കു​ന്ന​തിൽ നമുക്ക്‌ ഒരു സുപ്ര​ധാന പങ്കു​ണ്ടെന്ന്‌ ബൈബിൾ വ്യക്തമാ​യി സൂചി​പ്പി​ക്കു​ന്നു. നമുക്കു ദൈവത്തെ സന്തോ​ഷി​പ്പി​ക്കാ​നോ ദുഃഖി​പ്പി​ക്കാ​നോ സാധി​ക്കും എന്നത്‌ ഒരളവു​വരെ നമ്മുടെ ജീവി​ത​ത്തി​ന്മേ​ലുള്ള നിയ​ന്ത്രണം അവൻ നമുക്കു നൽകി​യി​രി​ക്കു​ന്നു എന്നു കാണി​ക്കു​ന്നു.—ഉല്‌പത്തി 6:6; സങ്കീർത്തനം 78:40; സദൃശ​വാ​ക്യ​ങ്ങൾ 27:11.

കൂടാതെ, ഭാവി നമ്മുടെ സഹിഷ്‌ണു​ത​യും ജീവി​ത​ഗ​തി​യു​മാ​യി ബന്ധപ്പെ​ട്ടി​രി​ക്കു​ന്നു എന്ന്‌ വിശുദ്ധ തിരു​വെ​ഴു​ത്തു​കൾ കൂടെ​ക്കൂ​ടെ ഊന്നി​പ്പ​റ​യു​ന്നു. എല്ലാ കാര്യ​ങ്ങ​ളും മുൻനിർണ​യി​ക്ക​പ്പെ​ട്ട​താ​ണെ​ങ്കിൽ അങ്ങനെ പറയു​ന്ന​തിൽ യാതൊ​രു കഴമ്പു​മില്ല. (മത്തായി 24:13; ലൂക്കൊസ്‌ 10:25-28) നാം ദൈവ​ത്തോട്‌ അനുസ​ര​ണ​മു​ള്ള​വ​രും വിശ്വ​സ്‌ത​രും ആയിരു​ന്നാൽ നമുക്ക്‌ ഏതു തരത്തി​ലുള്ള ഭാവി പ്രതീ​ക്ഷി​ക്കാൻ കഴിയും?

മനുഷ്യ​വർഗ​ത്തി​നു വളരെ ശോഭ​ന​മായ ഒരു ഭാവി ഉണ്ടെന്നു ബൈബിൾ പ്രകട​മാ​ക്കു​ന്നു. ഭൂമി സമാധാ​ന​വും സുരക്ഷി​ത​ത്വ​വും കളിയാ​ടുന്ന ഒരു പറുദീ​സ​യാ​യി മാറും. (സങ്കീർത്തനം 37:9-11; 46:8, 9) ആ ഭാവി സുനി​ശ്ചി​ത​മാണ്‌, കാരണം സർവശ​ക്ത​നായ സ്രഷ്‌ടാവ്‌ തന്റെ വാഗ്‌ദാ​നം തീർച്ച​യാ​യും നിവർത്തി​ക്കും. (യെശയ്യാ​വു 55:11) എന്നാൽ പറുദീ​സ​യി​ലെ ജീവി​ത​മാ​കുന്ന അനു​ഗ്രഹം നമുക്കു ലഭിക്കു​മോ ഇല്ലയോ എന്നത്‌ ആശ്രയി​ച്ചി​രി​ക്കു​ന്നത്‌ വിധിയെ അല്ല. പകരം, ഇപ്പോൾ അനുസ​ര​ണ​യോ​ടെ ദൈ​വേഷ്ടം ചെയ്യു​ന്ന​തി​ന്റെ പ്രതി​ഫ​ല​മെന്ന നിലയി​ലാണ്‌ നാം അത്‌ ആസ്വദി​ക്കുക. (2 തെസ്സ​ലൊ​നീ​ക്യർ 1:6-8; വെളി​പ്പാ​ടു 7:14, 15) ദൈവം നമുക്ക്‌ സ്വതന്ത്ര ഇച്ഛാശക്തി നൽകി​യി​രി​ക്കു​ന്നു. അവൻ നമ്മെ ഇങ്ങനെ പ്രോ​ത്സാ​ഹി​പ്പി​ക്കു​ന്നു: “ജീവനെ തിര​ഞ്ഞെ​ടു​ത്തു​കൊൾക.” (ആവർത്ത​ന​പു​സ്‌തകം 30:19, 20) നിങ്ങളു​ടെ തിര​ഞ്ഞെ​ടുപ്പ്‌ എന്തായി​രി​ക്കും? നിങ്ങളു​ടെ ഭാവി വിധി​യു​ടെ കരങ്ങളിൽ അല്ല, നിങ്ങളു​ടെ കരങ്ങളിൽത​ന്നെ​യാണ്‌.

[10-ാം പേജിലെ ചിത്രം]

അനുസരണമുള്ള മനുഷ്യ​വർഗ​ത്തിന്‌ ദൈവം അത്ഭുത​ക​ര​മായ ഒരു ഭാവി ഉദ്ദേശി​ച്ചി​രി​ക്കു​ന്നു