വളരെ നേര​ത്തെ​യോ വളരെ വൈകി​യോ?

യേശു​ക്രി​സ്‌തു​വി​ന്റെ ജനനത്തി​നു ശേഷമുള്ള 21-ാം നൂറ്റാ​ണ്ടി​നെ​യും മൂന്നാം സഹസ്രാ​ബ്‌ദ​ത്തെ​യും കുറിച്ച്‌ ഒട്ടുവ​ളരെ കാര്യങ്ങൾ ഇപ്പോൾ ആളുക​ളു​ടെ സംസാ​ര​വി​ഷ​യ​മാണ്‌. “സമഗ്ര​യു​ദ്ധ​ത്തി​ന്റെ നൂറ്റാണ്ട്‌ എന്ന നിലയിൽ തുടങ്ങിയ ഇരുപ​താം നൂറ്റാണ്ട്‌ ആണവയു​ഗ​മാ​യി വളർന്ന്‌ വിനോ​ദ​യു​ഗ​മാ​യി അവസാ​നി​ക്കു​ക​യാ​ണെന്നു തോന്നു​ന്നു” എന്ന്‌ ന്യൂസ്‌വീക്ക്‌ മാസിക പറയു​ക​യു​ണ്ടാ​യി. 1999 ഡിസംബർ 31-ന്‌ പുതു​വ​ത്സ​രത്തെ വരവേൽക്കാ​നുള്ള ആഘോ​ഷ​ങ്ങൾക്കാ​യി “ലോക​മെ​മ്പാ​ടു​മുള്ള ഹോട്ട​ലു​കൾ ഇപ്പോൾത്തന്നെ ബുക്കു ചെയ്യ​പ്പെ​ട്ടി​രി​ക്കു​ന്നു” എന്ന്‌ 1997 ജനുവരി 22 ലക്കത്തിൽ ആ മാസിക റിപ്പോർട്ടു ചെയ്‌തു.

എന്നാൽ, ഈ ആഘോ​ഷങ്ങൾ നേര​ത്തെ​യാണ്‌ എന്നാണ്‌ ചിലരു​ടെ വാദം. അനേക​രും വിശ്വ​സി​ക്കു​ന്ന​തിൽനി​ന്നു വ്യത്യ​സ്‌ത​മാ​യി, 21-ാം നൂറ്റാ​ണ്ടും പുതിയ സഹസ്രാ​ബ്‌ദ​വും ആരംഭി​ക്കു​ന്നത്‌ 2000 ജനുവരി 1-ന്‌ അല്ല, മറിച്ച്‌ 2001 ജനുവരി 1-ന്‌ ആണ്‌ എന്ന്‌ അവർ ചൂണ്ടി​ക്കാ​ട്ടു​ന്നു. 0 എന്ന വർഷം ഇല്ലാത്ത​തി​നാൽ ഒന്നാം നൂറ്റാണ്ട്‌, 1 മുതൽ 100 വരെയും രണ്ടാം നൂറ്റാണ്ട്‌, 101 മുതൽ 200 വരെയും ആയിരു​ന്നു. ഈ വിധത്തിൽ കണക്കു കൂട്ടു​മ്പോൾ, 20-ാം നൂറ്റാണ്ട്‌ ആരംഭി​ച്ചത്‌ 1901 ജനുവരി 1-ന്‌ ആണെന്നും രണ്ടാം സഹസ്രാ​ബ്‌ദം ആരംഭി​ച്ചത്‌ 1001 ജനുവരി 1-ന്‌ ആണെന്നും തന്മൂലം 20-ാം നൂറ്റാണ്ട്‌ 2000 ഡിസംബർ 31-ന്‌ മാത്രമേ അവസാ​നി​ക്കു​ക​യു​ള്ളൂ എന്നുമാണ്‌ ഉന്നയി​ക്ക​പ്പെ​ടുന്ന വാദഗതി.

പരിചിന്തിക്കേണ്ട കൂടു​ത​ലായ ഒരു വശം കൂടി​യുണ്ട്‌. ക്രിസ്‌തു​വി​ന്റെ ജനനത്തി​നു മുമ്പ്‌ അല്ലെങ്കിൽ ശേഷം എന്ന അടിസ്ഥാ​ന​ത്തി​ലാണ്‌ നമ്മുടെ കലണ്ടർ സമയത്തെ തിരി​ക്കു​ന്നത്‌. നേരത്തെ വിചാ​രി​ച്ചി​രു​ന്ന​തി​നെ​ക്കാൾ മുമ്പാണ്‌ യേശു ജനിച്ച​തെന്ന്‌ പണ്ഡിത​ന്മാർ ഇപ്പോൾ തിരി​ച്ച​റി​യു​ന്നു, അപ്പോൾ കലണ്ടറി​ന്റെ ആധാര​ബി​ന്ദു കൃത്യ​ത​യി​ല്ലാ​ത്തത്‌ ആയിത്തീ​രു​ന്നു. യേശു എപ്പോൾ ജനിച്ചു എന്നതു സംബന്ധിച്ച്‌ ഭിന്നമായ അഭി​പ്രാ​യ​ങ്ങ​ളാണ്‌ ഉള്ളത്‌. എന്നാൽ ബൈബിൾ കാലഗണന പൊ.യു.മു. 2 എന്ന വർഷത്തി​ലേക്കു വിരൽ ചൂണ്ടുന്നു. ആ കണക്കനു​സ​രിച്ച്‌, ക്രിസ്‌തു​വി​ന്റെ ജനനത്തി​നു ശേഷമുള്ള മൂന്നാ​മത്തെ സഹസ്രാ​ബ്‌ദം ആരംഭി​ക്കു​ന്നത്‌ വാസ്‌ത​വ​ത്തിൽ ഈ വർഷം ശരത്‌കാ​ല​ത്താണ്‌! കൂടുതൽ വിവര​ങ്ങൾക്ക്‌ ഉണരുക!യുടെ 1997 മേയ്‌ 22 ലക്കത്തിന്റെ 28-ാം പേജും 1975 ഡിസംബർ 22 ലക്കത്തിന്റെ (ഇംഗ്ലീഷ്‌) 27-ാം പേജും കാണുക.a

സംഗതി എന്തായി​രു​ന്നാ​ലും, 21-ാം നൂറ്റാ​ണ്ടും പുതിയ സഹസ്രാ​ബ്‌ദ​വും ഏതാനും ആഴ്‌ച​കൾക്കു​ള്ളിൽ ആരംഭി​ക്കു​മെന്ന്‌ ശാഠ്യ​പൂർവം പ്രസ്‌താ​വി​ക്കാ​തി​രി​ക്കു​ന്ന​താ​യി​രി​ക്കും ബുദ്ധി. എന്നിരു​ന്നാ​ലും, ആളുക​ളു​ടെ പരക്കെ​യുള്ള വീക്ഷണ​ങ്ങ​ളു​ടെ അടിസ്ഥാ​ന​ത്തിൽ “ഇരുപ​താം നൂറ്റാണ്ട്‌—പരിവർത്ത​ന​ത്തി​ന്റെ നിർണാ​യക വർഷങ്ങൾ” എന്ന വിഷയത്തെ കുറിച്ച്‌ ഇപ്പോൾ ചർച്ച ചെയ്യു​ന്നത്‌ ഉചിത​മാ​ണെന്ന്‌ ഉണരുക! കരുതു​ന്നു.

[അടിക്കു​റിപ്പ്‌]