രാജ്യവാർത്ത നമ്പർ 36

പുതിയ സഹസ്രാ​ബ്ദം—നിങ്ങളു​ടെ ഭാവി ശോഭ​ന​മാ​യി​രി​ക്കു​മോ?

പുതിയ സഹസ്രാ​ബ്ദം ഒരു പുതിയ യുഗത്തി​ന്റെ പിറവി​യോ?

ആയിര​ത്തി​ത്തൊ​ള്ളാ​യി​ര​ത്തി​ത്തൊ​ണ്ണൂ​റ്റൊ​മ്പത്‌ ഡിസംബർ 31 അർധരാ​ത്രി​യോ​ടെ 20-ാം നൂറ്റാണ്ട്‌ ലോക​ത്തോ​ടു വിടപ​റഞ്ഞു.a പ്രശ്‌ന​പൂ​രി​ത​മായ ഒരു നൂറ്റാ​ണ്ടാ​യി​രു​ന്നു അത്‌. എന്നാൽ പുതിയ സാങ്കേ​തിക വിദ്യ​ക​ളു​ടെ ആഗമനം, വമ്പിച്ച വൈദ്യ​ശാ​സ്‌ത്ര നേട്ടങ്ങൾ, വിജ്ഞാന സ്‌ഫോ​ടനം, ആഗോള സമ്പദ്‌വ്യ​വ​സ്ഥ​യു​ടെ ത്വരി​ത​ഗ​തി​യി​ലുള്ള വളർച്ച എന്നിവ​യ്‌ക്കും പോയ നൂറ്റാണ്ടു സാക്ഷ്യം വഹിച്ചു. അതു​കൊ​ണ്ടു​തന്നെ പുതിയ സഹസ്രാ​ബ്ദത്തെ വളരെ പ്രതീ​ക്ഷ​യോ​ടെ​യാ​ണു പലരും വരവേ​റ്റി​രി​ക്കു​ന്നത്‌. അതു പ്രത്യാ​ശ​യു​ടെ​യും മാറ്റത്തി​ന്റെ​യും ഒരു യുഗമാ​യി​രി​ക്കു​മെന്ന്‌ അവർ കരുതു​ന്നു. ഈ പുതിയ സഹസ്രാ​ബ്ദ​ത്തിൽ യുദ്ധത്തി​നും ദാരി​ദ്ര്യ​ത്തി​നും പരിസ്ഥി​തി മലിനീ​ക​ര​ണ​ത്തി​നും രോഗ​ത്തി​നും അറുതി വരു​മെന്നു നമുക്കു പ്രതീ​ക്ഷി​ക്കാ​നാ​കു​മോ?

പലരും അങ്ങനെ പ്രതീ​ക്ഷി​ക്കു​ന്നു. എന്നാൽ പുതിയ സഹസ്രാ​ബ്ദ​ത്തിൽ നിങ്ങൾക്കു പ്രയോ​ജനം ചെയ്യുന്ന മാറ്റങ്ങൾ—അതായത്‌ നിങ്ങളു​ടെ​യും നിങ്ങളു​ടെ കുടും​ബാം​ഗ​ങ്ങ​ളു​ടെ​യും ജീവിതം സുരക്ഷി​ത​മാ​ക്കി​ത്തീർക്കുന്ന തരം മാറ്റങ്ങൾ—ഉണ്ടാകാ​നുള്ള സാധ്യ​ത​യു​ണ്ടോ? നാം ഇന്നു നേരി​ടുന്ന ചുരുക്കം ചില പ്രശ്‌ന​ങ്ങ​ളു​ടെ വ്യാപ്‌തി​യെ കുറിച്ച്‌ ഒന്നു പരിചി​ന്തി​ക്കുക.

മലിനീ​ക​ര​ണം

വ്യവസാ​യ​വ​ത്‌കൃത രാജ്യങ്ങൾ “ആഗോ​ള​ത​ല​ത്തി​ലുള്ള പാരി​സ്ഥി​തിക വിനാ​ശ​ത്തി​നും വ്യാപ​ക​മായ മലിനീ​ക​ര​ണ​ത്തി​നും ആവാസ​വ്യ​വ​സ്ഥ​ക​ളു​ടെ തകർച്ച​യ്‌ക്കും ഇടയാ​ക്കു​ക​യാണ്‌.” ഈ സ്ഥിതി​വി​ശേഷം ഇങ്ങനെ​തന്നെ തുടർന്നാൽ “സ്വാഭാ​വിക പരിസ്ഥി​തി​യു​ടെ​മേൽ ഉണ്ടാകുന്ന സമ്മർദം അതിനു താങ്ങാ​വു​ന്ന​തി​നും അപ്പുറ​മാ​യി​ത്തീ​രും.”—“ആഗോള പാരി​സ്ഥി​തിക വീക്ഷണം—2000,” ഐക്യ​രാ​ഷ്‌ട്ര പരിസ്ഥി​തി പരിപാ​ടി.

രോഗം

“2020 ആകു​മ്പോ​ഴേ​ക്കും വികസ്വര രാജ്യ​ങ്ങ​ളി​ലെ പത്തു മരണങ്ങ​ളിൽ ഏഴും പകരാത്ത രോഗങ്ങൾ മൂലമു​ള്ള​താ​യി​രി​ക്കും എന്നു കണക്കാ​ക്ക​പ്പെ​ടു​ന്നു. അത്തരത്തി​ലുള്ള മരണങ്ങ​ളു​ടെ ഇന്നത്തെ നിരക്കി​ന്റെ ഇരട്ടി​യി​ല​ധി​ക​മാ​ണത്‌.”—“ആഗോള ആരോഗ്യ പ്രതി​സന്ധി,” ഹാർവാർഡ്‌ യൂണി​വേ​ഴ്‌സി​റ്റി പ്രസ്സ്‌, 1996.

ചില വിദഗ്‌ധ​രു​ടെ അഭി​പ്രാ​യ​ത്തിൽ, “2010 ആകു​മ്പോൾ ഏറ്റവും കൂടുതൽ [എയ്‌ഡ്‌സ്‌] ബാധി​ത​രുള്ള 23 രാജ്യ​ങ്ങ​ളിൽ 660 ലക്ഷം ആളുകൾ അതുമൂ​ലം മരിച്ചി​രി​ക്കും.”—“എയ്‌ഡ്‌സു​മാ​യുള്ള ഏറ്റുമു​ട്ടൽ: വികസ്വര രാജ്യ​ങ്ങ​ളിൽനി​ന്നുള്ള തെളി​വു​കൾ,” യൂറോ​പ്യൻ കമ്മീഷ​ന്റെ​യും ലോക​ബാ​ങ്കി​ന്റെ​യും റിപ്പോർട്ട്‌.

ദാരി​ദ്ര്യം

“ഏകദേശം 130 കോടി ആളുകൾക്ക്‌ ഒരു ദിവസം ഒരു ഡോള​റിൽ താഴെയേ വരുമാ​ന​മു​ള്ളൂ. 100 കോടി​യോ​ളം ആളുകൾക്ക്‌ തങ്ങളുടെ അടിസ്ഥാന ഭക്ഷ്യ ആവശ്യങ്ങൾ നിറ​വേ​റ്റാൻ കഴിയു​ന്നില്ല.”—“മാനവ വികസന റിപ്പോർട്ട്‌ 1999,” ഐക്യ​രാ​ഷ്‌ട്ര വികസന പരിപാ​ടി.

യുദ്ധം

“[പല രാജ്യ​ങ്ങ​ളി​ലും] അക്രമ​ത്തിൽ അഭൂത​പൂർവ​മായ വർധനവ്‌ ഉണ്ടാകാൻ സാധ്യ​ത​യുണ്ട്‌. അടുത്ത കാൽനൂ​റ്റാ​ണ്ടു​കാ​ലത്തെ മിക്ക ഏറ്റുമു​ട്ട​ലു​കൾക്കും . . . തിരി​കൊ​ളു​ത്തു​ന്നത്‌ മതപര​വും ഗോ​ത്ര​പ​ര​വും വംശീ​യ​വു​മായ [ഭിന്നത​ക​ളാൽ] പ്രേരി​ത​മായ അത്തരം അക്രമങ്ങൾ ആയിരി​ക്കും. . . . അവ ഓരോ വർഷവും ആയിര​ക്ക​ണ​ക്കിന്‌ ആളുക​ളു​ടെ മരണത്തി​നി​ട​യാ​ക്കും.”—“പുതി​യ​ലോക ആഗമനം: 21-ാം നൂറ്റാ​ണ്ടി​ലെ അമേരി​ക്കൻ സുരക്ഷി​ത​ത്വം,” യു.എസ്‌. ദേശീയ സുരക്ഷി​തത്വ സമിതി/21-ാം നൂറ്റാണ്ട്‌.

പുതിയ സഹസ്രാ​ബ്ദ​ത്തി​ന്റെ പേരി​ലുള്ള ആഹ്ലാദ​ത്തി​മിർപ്പു​ക​ളും ആരവങ്ങ​ളു​മെ​ല്ലാം മലിനീ​ക​രണം, രോഗം, ദാരി​ദ്ര്യം, യുദ്ധം എന്നിവ​യു​ടെ ഭീകര​മു​ഖങ്ങൾ മറയ്‌ക്കുക മാത്ര​മാ​ണു ചെയ്യു​ന്നത്‌. കേവലം ശാസ്‌ത്രീയ ഗവേഷ​ണ​ങ്ങൾക്കോ സാങ്കേ​തിക വിദ്യ​കൾക്കോ രാഷ്‌ട്രീ​യ​ത്തി​നോ ഈ പ്രശ്‌ന​ങ്ങ​ളു​ടെ​യെ​ല്ലാം അടിസ്ഥാന കാരണ​ങ്ങ​ളായ അത്യാ​ഗ്രഹം, അവിശ്വാ​സം, സ്വാർഥത എന്നിവയെ തുടച്ചു​മാ​റ്റാൻ ആവില്ല.

മനുഷ്യ​വർഗ​ത്തിന്‌ അനു​ഗ്ര​ഹങ്ങൾ കൈവ​രു​ത്തുന്ന സഹസ്രാ​ബ്ദം

ഒരു പുരാതന എഴുത്തു​കാ​രൻ ഒരിക്കൽ ഇങ്ങനെ രേഖ​പ്പെ​ടു​ത്തി: “മനുഷ്യ​ന്നു തന്റെ വഴിയും നടക്കു​ന്ന​വന്നു തന്റെ കാലടി​കളെ നേരെ ആക്കുന്ന​തും സ്വാധീ​നമല്ല.” (യിരെ​മ്യാ​വു 10:23) മനുഷ്യന്‌ ഈ ഭൂമിയെ ഭരിക്കാ​നുള്ള കഴിവി​ല്ലെന്നു മാത്രമല്ല, അതിനുള്ള അവകാ​ശ​വു​മില്ല. നമ്മുടെ സ്രഷ്ടാ​വായ യഹോ​വ​യാം ദൈവ​ത്തി​നു മാത്രമേ അതിനുള്ള അവകാ​ശ​മു​ള്ളൂ. മനുഷ്യ​വർഗ​ത്തി​ന്റെ പ്രശ്‌നങ്ങൾ എങ്ങനെ പരിഹ​രി​ക്കാ​മെന്ന്‌ അറിയാ​വു​ന്ന​തും അവനു മാത്ര​മാണ്‌.—റോമർ 11:33-36; വെളി​പ്പാ​ടു 4:11.

എന്നാൽ എപ്പോൾ, എങ്ങനെ​യാ​യി​രി​ക്കും അവൻ അതു ചെയ്യുക? നാം ജീവി​ക്കു​ന്നത്‌ ‘അന്ത്യകാ​ല​ത്തി​ന്റെ’ അവസാന ഘട്ടത്തി​ലാണ്‌ എന്നതിന്‌ അനവധി തെളി​വു​ക​ളുണ്ട്‌. ദയവായി, നിങ്ങളു​ടെ ബൈബിൾ തുറന്ന്‌ 2 തിമൊ​ഥെ​യൊസ്‌ 3:1-5 വായി​ക്കുക. ഈ ‘ദുർഘട സമയങ്ങ​ളിൽ’ ആളുകൾ പ്രകടി​പ്പി​ക്കുന്ന സ്വഭാവ സവി​ശേ​ഷ​തകൾ അവിടെ വ്യക്തമാ​യി വർണി​ച്ചി​രി​ക്കു​ന്നു. മത്തായി 24:3-14-ലും ലൂക്കൊസ്‌ 21:10, 11-ലും ‘അന്ത്യകാ​ലത്തെ’ കുറിച്ചു പറയു​ന്നുണ്ട്‌. ആഗോള യുദ്ധങ്ങൾ, പകർച്ച​വ്യാ​ധി​കൾ, വ്യാപ​ക​മായ ഭക്ഷ്യക്ഷാ​മങ്ങൾ എന്നിങ്ങനെ 1914 മുതൽ ഉണ്ടായി​ട്ടുള്ള സംഭവ​വി​കാ​സ​ങ്ങ​ളിൽ ആണ്‌ ആ വാക്യങ്ങൾ ശ്രദ്ധ കേന്ദ്രീ​ക​രി​ച്ചി​രി​ക്കു​ന്നത്‌.

പെട്ടെ​ന്നു​ത​ന്നെ ഈ ‘അന്ത്യകാ​ലം’ അവസാ​നി​ക്കും. ദാനീ​യേൽ 2:44 ഇങ്ങനെ പറയുന്നു: “സ്വർഗ്ഗ​സ്ഥ​നായ ദൈവം ഒരുനാ​ളും നശിച്ചു​പോ​കാത്ത ഒരു രാജത്വം [“രാജ്യം,” NW] സ്ഥാപി​ക്കും; . . . അതു ഈ [ഭൗമിക] രാജത്വ​ങ്ങളെ [“രാജ്യ​ങ്ങളെ,” NW] ഒക്കെയും തകർത്തു നശിപ്പി​ക്ക​യും എന്നേക്കും നിലനി​ല്‌ക്ക​യും ചെയ്യും.” അങ്ങനെ, ഭൂമിയെ ഭരിക്കാൻ ദൈവം ഒരു രാജ്യം അഥവാ ഗവൺമെന്റ്‌ സ്ഥാപി​ക്കു​മെന്നു മുൻകൂ​ട്ടി പറഞ്ഞി​രു​ന്നു. വെളി​പ്പാ​ടു 20:4 പറയു​ന്നത്‌ അനുസ​രിച്ച്‌ ഈ ഗവൺമെന്റ്‌ ആയിരം വർഷം—അതേ ഒരു സഹസ്രാ​ബ്ദം—ഭരണം നടത്തും! ഈ മഹത്തായ സഹസ്രാ​ബ്ദ​ത്തിൽ മനുഷ്യ​വർഗ​ത്തിന്‌ ആസ്വദി​ക്കാൻ കഴിയുന്ന ചില അനു​ഗ്ര​ഹങ്ങൾ പരിചി​ന്തി​ക്കുക:

സാമ്പത്തികസ്ഥിതി. “അവർ വീടു​കളെ പണിതു പാർക്കും; അവർ മുന്തി​രി​ത്തോ​ട്ട​ങ്ങളെ ഉണ്ടാക്കി അവയിലെ ഫലം അനുഭ​വി​ക്കും. അവർ പണിക, മറെറാ​രു​ത്തൻ പാർക്ക എന്നു വരിക​യില്ല; അവർ നടുക, മറെറാ​രു​ത്തൻ തിന്നുക എന്നും വരിക​യില്ല.”—യെശയ്യാ​വു 65:21, 22.

ആരോഗ്യം. “അന്നു കുരു​ട​ന്മാ​രു​ടെ കണ്ണു തുറന്നു​വ​രും; ചെകി​ട​ന്മാ​രു​ടെ ചെവി അടഞ്ഞി​രി​ക്ക​യു​മില്ല. അന്നു മുടന്തൻ മാനി​നെ​പ്പോ​ലെ ചാടും; ഊമന്റെ നാവും ഉല്ലസിച്ചു ഘോഷി​ക്കും.” “എനിക്കു ദീനം എന്നു യാതൊ​രു നിവാ​സി​യും പറകയില്ല.”—യെശയ്യാ​വു 33:24; 35:5, 6.

പരിസ്ഥിതി. ദൈവം ‘ഭൂമിയെ നശിപ്പി​ക്കു​ന്ന​വരെ നശിപ്പി​ക്കും.’—വെളി​പ്പാ​ടു 11:18.

മാനുഷബന്ധങ്ങൾ. “ഭൂമി യഹോ​വ​യു​ടെ പരിജ്ഞാ​നം​കൊ​ണ്ടു പൂർണ്ണ​മാ​യി​രി​ക്ക​യാൽ എന്റെ വിശു​ദ്ധ​പർവ്വ​ത​ത്തിൽ എങ്ങും ഒരു ദോഷ​മോ നാശമോ ആരും ചെയ്‌ക​യില്ല.”—യെശയ്യാ​വു 11:9.

ദശലക്ഷങ്ങൾ ബൈബി​ളി​ന്റെ ഈ വാഗ്‌ദാ​ന​ങ്ങ​ളിൽ വിശ്വാ​സം അർപ്പി​ച്ചി​രി​ക്കു​ന്നു. തന്നിമി​ത്തം ഒരു ശോഭ​ന​മായ ഭാവി സംബന്ധിച്ച ഉറപ്പുള്ള പ്രത്യാശ അവർക്കുണ്ട്‌. ജീവിത സമ്മർദ​ങ്ങ​ളെ​യും പ്രശ്‌ന​ങ്ങ​ളെ​യും കൂടുതൽ മെച്ചമാ​യി കൈകാ​ര്യം ചെയ്യാൻ ഈ പ്രത്യാശ അവരെ സഹായി​ക്കു​ന്നു. ബൈബി​ളിന്‌ എങ്ങനെ നിങ്ങളു​ടെ ജീവി​ത​ത്തി​ലെ വഴികാ​ട്ടി ആയിരി​ക്കാ​നാ​കും?

ജീവനി​ലേക്കു നയിക്കുന്ന പരിജ്ഞാ​നം!

ശാസ്‌ത്ര-സാങ്കേ​തിക രംഗങ്ങ​ളിൽ തികച്ചും വിസ്‌മ​യാ​വ​ഹ​മായ നേട്ടങ്ങൾ കൈവ​രി​ക്കാൻ മനുഷ്യ​നു സാധി​ച്ചി​ട്ടുണ്ട്‌! എന്നിരു​ന്നാ​ലും, ഭൂരി​പക്ഷം മനുഷ്യ​രു​ടെ​യും കാര്യ​ത്തിൽ സന്തോ​ഷ​വും സുരക്ഷി​ത​ത്വ​വും പ്രദാനം ചെയ്യാൻ മനുഷ്യ​ജ്ഞാ​ന​ത്തി​നു കഴിഞ്ഞി​ട്ടില്ല. എന്നാൽ ഇവ പ്രദാനം ചെയ്യാൻ കഴിവുള്ള ഏക പരിജ്ഞാ​നത്തെ കുറിച്ച്‌ ബൈബിൾ യോഹ​ന്നാൻ 17:3-ൽ പറയുന്നു: “ഏകസത്യ​ദൈ​വ​മായ നിന്നെ​യും നീ അയച്ചി​രി​ക്കുന്ന യേശു​ക്രി​സ്‌തു​വി​നെ​യും അറിയു​ന്നതു [“പരിജ്ഞാ​നം ഉൾക്കൊ​ള്ളു​ന്നത്‌,” NW] തന്നേ നിത്യ​ജീ​വൻ ആകുന്നു.”

ആ പരിജ്ഞാ​ന​ത്തി​ന്റെ ഉറവിടം ബൈബി​ളാണ്‌. ആ വിശു​ദ്ധ​ഗ്ര​ന്ഥത്തെ കുറിച്ച്‌ പലരും ശക്തമായ അഭി​പ്രാ​യ​പ്ര​ക​ട​നങ്ങൾ നടത്താ​റു​ണ്ടെ​ങ്കി​ലും വാസ്‌ത​വ​ത്തിൽ അത്‌ വ്യക്തി​പ​ര​മാ​യി പരി​ശോ​ധി​ച്ചി​ട്ടു​ള്ളവർ ചുരു​ക്ക​മാണ്‌. നിങ്ങളെ സംബന്ധി​ച്ചെന്ത്‌? ബൈബിൾ വായി​ക്കു​ന്ന​തിന്‌ നല്ല ശ്രമം ആവശ്യ​മാ​ണെ​ന്നു​ള്ളതു ശരിയാണ്‌. എന്നാൽ അതു തീർച്ച​യാ​യും ശ്രമത്തി​നു തക്ക മൂല്യ​മു​ള്ള​താണ്‌. കാരണം, “ദൈവ​ശ്വാ​സീയ”വും [“ദൈവ​നി​ശ്വ​സ്‌തം,” NW] “ഉപദേ​ശ​ത്തി​ന്നും ശാസന​ത്തി​ന്നും ഗുണീ​ക​ര​ണ​ത്തി​ന്നും നീതി​യി​ലെ അഭ്യാ​സ​ത്തി​ന്നും പ്രയോ​ജന”പ്രദവും ആയ ഏക ഗ്രന്ഥമാ​ണത്‌.—2 തിമൊ​ഥെ​യൊസ്‌ 3:16, 17.

അങ്ങനെ​യെ​ങ്കിൽ, ബൈബി​ളു​മാ​യി പരിച​യ​ത്തി​ലാ​കാൻ നിങ്ങൾക്ക്‌ എങ്ങനെ കഴിയും? എന്തു​കൊണ്ട്‌ യഹോ​വ​യു​ടെ സാക്ഷി​ക​ളു​ടെ സഹായം സ്വീക​രി​ച്ചു​കൂ​ടാ? അവർ ദശലക്ഷ​ക്ക​ണ​ക്കിന്‌ ആളുകളെ അവരുടെ വീടു​ക​ളിൽ ചെന്ന്‌ സൗജന്യ​മാ​യി ബൈബിൾ പഠിപ്പി​ക്കു​ന്നു. അതിനു സഹായ​ക​മായ വിവിധ ബൈബി​ള​ധി​ഷ്‌ഠിത പ്രസി​ദ്ധീ​ക​ര​ണങ്ങൾ അവർ ഉപയോ​ഗി​ക്കു​ന്നു. അതി​ലൊ​ന്നാണ്‌ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു എന്ന ലഘുപ​ത്രിക. ദൈവം ആരാണ്‌? ഭൂമിയെ സംബന്ധിച്ച ദൈവ​ത്തി​ന്റെ ഉദ്ദേശ്യം എന്താണ്‌? ദൈവ​രാ​ജ്യം എന്താണ്‌? കുടും​ബ​ജീ​വി​തം മെച്ച​പ്പെ​ടു​ത്താൻ ബൈബി​ളിന്‌ എങ്ങനെ സഹായി​ക്കാൻ കഴിയും? എന്നിങ്ങനെ നിങ്ങളു​ടെ മനസ്സിൽ ഉയർന്നു​വ​ന്നേ​ക്കാ​വുന്ന പല ചോദ്യ​ങ്ങൾക്കു​മുള്ള സംക്ഷി​പ്‌ത​മായ ഉത്തരങ്ങൾ അതിലുണ്ട്‌.

യഹോ​വ​യു​ടെ സാക്ഷി​ക​ളിൽ ആരെങ്കി​ലും നിങ്ങളെ സന്ദർശി​ക്കാൻ ആഗ്രഹി​ക്കു​ന്നെ​ങ്കിൽ ദയവായി, താഴെ കൊടു​ത്തി​രി​ക്കുന്ന കൂപ്പൺ പൂരി​പ്പിച്ച്‌ അയയ്‌ക്കുക. ദൈവ​രാ​ജ്യ​ത്തി​ന്റെ മഹത്തായ സഹസ്രാബ്ദ ഭരണത്തെ കുറിച്ച്‌ കൂടുതൽ വിവരങ്ങൾ പ്രദാനം ചെയ്യാൻ അവർക്കു സന്തോ​ഷ​മേ​യു​ള്ളൂ!

□ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​കയെ കുറിച്ചു കൂടുതൽ അറിയാൻ ഞാൻ ആഗ്രഹി​ക്കു​ന്നു

□ സൗജന്യ ഭവന ബൈബിൾ അധ്യയ​ന​ത്തി​നു താത്‌പ​ര്യ​മുണ്ട്‌, എന്റെ വിലാസം:

[അടിക്കു​റിപ്പ്‌]