മൂന്നാം സഹസ്രാ​ബ്ദം തുടങ്ങു​ന്നത്‌ എപ്പോൾ?

മൂന്നാം സഹസ്രാ​ബ്ദം തുടങ്ങു​ന്നതു 2000-ാം ആണ്ടിലല്ല മറിച്ച്‌, 2001-ാം ആണ്ടിലാണ്‌ എന്ന അവകാ​ശ​വാ​ദം നിങ്ങൾ കേട്ടി​ട്ടു​ണ്ടോ? ഒരു പരിധി വരെ ആ അവകാ​ശ​വാ​ദം ശരിയാണ്‌. ചിലർ ഒരിക്കൽ വിചാ​രി​ച്ചി​രു​ന്നതു പോലെ, പൊ.യു.മു. 1 എന്ന്‌ ഇപ്പോൾ അറിയ​പ്പെ​ടുന്ന വർഷത്തി​ലാണ്‌ യേശു ജനിച്ച​തെ​ങ്കിൽ, രണ്ടാം സഹസ്രാ​ബ്ദ​ത്തിന്‌ അന്ത്യം കുറി​ക്കു​ന്നതു നിശ്ചയ​മാ​യും 2000 (1999 അല്ല) ഡിസംബർ 31-ഉം മൂന്നാം സഹസ്രാ​ബ്ദ​ത്തി​നു നാന്ദി കുറി​ക്കു​ന്നത്‌ 2001 ജനുവരി 1-ഉം ആയിരി​ക്കും.a എന്നാൽ, യേശു​ക്രി​സ്‌തു ജനിച്ചതു പൊ.യു.മു. 1-ൽ അല്ല എന്ന സംഗതി ഇന്നു മിക്കവാ​റും എല്ലാ പണ്ഡിത​ന്മാ​രും സമ്മതി​ക്കു​ന്നു. അങ്ങനെ​യെ​ങ്കിൽ, അവൻ ജനിച്ചത്‌ എന്നാണ്‌?

യേശു ജനിച്ചത്‌ എന്നാണ്‌?

യേശു കൃത്യ​മാ​യും ഏതു ദിവസ​മാ​ണു ജനിച്ചത്‌ എന്നു ബൈബിൾ വെളി​പ്പെ​ടു​ത്തു​ന്നില്ല. എന്നിരു​ന്നാ​ലും, അവൻ ജനിച്ചത്‌ ‘ഹെരോ​ദാ രാജാ​വി​ന്റെ കാലത്ത്‌’ ആണെന്ന്‌ അതു പറയു​ന്നുണ്ട്‌. (മത്തായി 2:1) പൊ.യു.മു. 4-ാം ആണ്ടിൽ ഹെരോ​ദാവ്‌ മരി​ച്ചെ​ന്നും തന്മൂലം യേശു ജനിച്ചത്‌ അതിനു മുമ്പ്‌—ഒരുപക്ഷേ പൊ.യു.മു. 5-ലോ 6-ലോ—ആണെന്നും നിരവധി ബൈബിൾ പണ്ഡിത​ന്മാ​രും വിശ്വ​സി​ക്കു​ന്നു. ഹെരോ​ദാ​വി​ന്റെ മരണത്തെ കുറി​ച്ചുള്ള ഒന്നാം നൂറ്റാ​ണ്ടി​ലെ യഹൂദ ചരി​ത്ര​കാ​ര​നായ ഫ്‌ളേ​വി​യസ്‌ ജോസീ​ഫ​സി​ന്റെ പ്രസ്‌താ​വ​ന​ക​ളെ​യാ​ണു തങ്ങളുടെ നിഗമ​ന​ങ്ങൾക്ക്‌ അടിസ്ഥാ​ന​മാ​യി അവരെ​ടു​ക്കു​ന്നത്‌.b

ജോസീ​ഫസ്‌ പറയു​ന്ന​ത​നു​സ​രിച്ച്‌, ഹെരോ​ദാ രാജാവു മരിക്കു​ന്ന​തി​നു തൊട്ടു മുമ്പു ചന്ദ്ര​ഗ്ര​ഹണം ഉണ്ടായി. പൊ.യു.മു. 4 മാർച്ച്‌ 11-നു നടന്ന ഒരു ഭാഗിക ചന്ദ്ര​ഗ്ര​ഹ​ണത്തെ തെളി​വാ​യി എടുത്തു​കാ​ട്ടി​ക്കൊണ്ട്‌, ഹെരോ​ദാവ്‌ മരിച്ചത്‌ ആ വർഷമാ​യി​രി​ക്കണം എന്നു ബൈബിൾ പണ്ഡിത​ന്മാർ ചൂണ്ടി​ക്കാ​ട്ടു​ന്നു. എന്നാൽ, പൊ.യു.മു. 1 ജനുവരി 8-ന്‌ ഒരു പൂർണ ചന്ദ്ര​ഗ്ര​ഹ​ണ​വും ഡിസംബർ 27-നു ഭാഗിക ചന്ദ്ര​ഗ്ര​ഹ​ണ​വും സംഭവി​ച്ചി​രു​ന്നു. പൊ.യു.മു. 1-ൽ നടന്ന ഒരു ചന്ദ്ര​ഗ്ര​ഹ​ണ​ത്തെ​യാ​ണോ അതോ പൊ.യു.മു. 4-ൽ നടന്ന ചന്ദ്ര​ഗ്ര​ഹ​ണ​ത്തെ​യാ​ണോ ജോസീ​ഫസ്‌ ഉദ്ദേശി​ച്ചത്‌ എന്ന്‌ ആർക്കും പറയാ​നാ​വില്ല. തന്നിമി​ത്തം, ജോസീ​ഫ​സി​ന്റെ വാക്കു​കളെ അടിസ്ഥാ​ന​പ്പെ​ടു​ത്തി ഹെരോ​ദാവ്‌ മരിച്ചതു കൃത്യ​മാ​യും ഇന്ന വർഷമാ​ണെന്നു നമുക്കു തറപ്പിച്ചു പറയാൻ സാധി​ക്കില്ല. അഥവാ പറയാൻ കഴിഞ്ഞാൽ തന്നെ, കൂടു​ത​ലായ വിശദാം​ശങ്ങൾ ഇല്ലാതെ യേശു ജനിച്ചത്‌ എന്നാ​ണെന്നു നമുക്കു നിർണ​യി​ക്കാ​നാ​വില്ല.

യേശു​വി​ന്റെ ജനനത്തീ​യ​തി​യെ കുറി​ച്ചുള്ള ഏറ്റവും ശക്തമായ തെളിവു നമുക്കു ലഭിക്കു​ന്നതു ബൈബി​ളിൽ നിന്നാണ്‌. യേശു​വി​ന്റെ മച്ചുന​നായ യോഹ​ന്നാൻ സ്‌നാ​പകൻ പ്രവാ​ച​ക​നെന്ന നിലയി​ലുള്ള തന്റെ ശുശ്രൂഷ തുടങ്ങി​യതു റോമാ ചക്രവർത്തി ആയിരുന്ന തീബെ​ര്യൊസ്‌ കൈസ​രു​ടെ വാഴ്‌ച​യു​ടെ 15-ാം ആണ്ടിൽ ആണെന്നു നിശ്വസ്‌ത വൃത്താന്തം പ്രസ്‌താ​വി​ക്കു​ന്നു. (ലൂക്കൊസ്‌ 3:1, 2) തീബെ​ര്യൊസ്‌, ചക്രവർത്തി​യാ​യി അവരോ​ധി​ക്ക​പ്പെ​ട്ടതു പൊ.യു. 14 സെപ്‌റ്റം​ബർ 15-ന്‌ ആണെന്നു ലൗകി​ക​ച​രി​ത്രം സ്ഥിരീ​ക​രി​ക്കു​ന്നു. ആ സ്ഥിതിക്ക്‌, അവന്റെ വാഴ്‌ച​യു​ടെ 15-ാം ആണ്ട്‌ പൊ.യു. 28-ന്റെ രണ്ടാം പകുതി​യിൽ ആരംഭിച്ച്‌ പൊ.യു. 29-ന്റെ രണ്ടാം പകുതി​യിൽ അവസാ​നി​ക്കു​മാ​യി​രു​ന്നു. ആ സമയത്താ​ണു യോഹ​ന്നാൻ തന്റെ ശുശ്രൂഷ തുടങ്ങി​യത്‌. തെളി​വ​നു​സ​രിച്ച്‌, ആറു മാസത്തി​നു ശേഷം യേശു​വും തന്റെ ശുശ്രൂഷ തുടങ്ങി. (ലൂക്കൊസ്‌ 1:24-31) ഇതും മറ്റു തെളി​വു​ക​ളും ചേർത്തു പരിചി​ന്തി​ക്കു​മ്പോൾ, യേശു ശുശ്രൂഷ തുടങ്ങി​യതു പൊ.യു. 29-ന്റെc ഒടുവിൽ ആണെന്നു വ്യക്തമാ​കു​ന്നു. തന്റെ ശുശ്രൂഷ തുടങ്ങു​മ്പോൾ യേശു​വിന്‌ “ഏകദേശം മുപ്പതു വയസ്സാ​യി​രു​ന്നു” എന്നു ബൈബിൾ പറയുന്നു. (ലൂക്കൊസ്‌ 3:23) പൊ.യു. 29-ൽ അവന്‌ 30 വയസ്സു​ണ്ടാ​യി​രു​ന്നെ​ങ്കിൽ അവൻ ജനിച്ചതു പൊ.യു.മു. 2-ാം ആണ്ടിലെ ശരത്‌കാ​ല​ത്തിൽ ആയിരു​ന്നി​രി​ക്കണം. പൊ.യു.മു. 2-ൽ നിന്നു രണ്ടായി​രം വർഷം മുന്നോട്ട്‌ എണ്ണുന്ന പക്ഷം (പൂജ്യം എന്ന വർഷം ഇല്ലായി​രു​ന്നു എന്ന കാര്യം ഇത്തരു​ണ​ത്തിൽ മനസ്സിൽ പിടി​ക്കണം; അതു​കൊണ്ട്‌, പൊ.യു.മു. 2 മുതൽ പൊ.യു. 1 വരെ രണ്ടു വർഷമാണ്‌ ഉള്ളത്‌), 1999 ശരത്‌കാ​ല​ത്തിൽ രണ്ടാം സഹസ്രാ​ബ്ദം അവസാ​നിച്ച്‌ മൂന്നാം സഹസ്രാ​ബ്ദം തുടങ്ങി​യെന്നു നമുക്കു മനസ്സി​ലാ​കും!

എന്നാൽ അതിന്‌ എന്തെങ്കി​ലും പ്രസക്തി​യു​ണ്ടോ? ഉദാഹ​ര​ണ​ത്തിന്‌, മൂന്നാം സഹസ്രാ​ബ്ദ​ത്തി​ന്റെ തുടക്കം, വെളി​പ്പാ​ടു പുസ്‌ത​ക​ത്തിൽ പരാമർശി​ച്ചി​രി​ക്കുന്ന യേശു​ക്രി​സ്‌തു​വി​ന്റെ ആയിര​വർഷ വാഴ്‌ച​യ്‌ക്കു തുടക്കം കുറി​ക്കു​മോ? ഇല്ല. മൂന്നാം സഹസ്രാ​ബ്ദ​ത്തി​നും ക്രിസ്‌തു​വി​ന്റെ ആയിര​വർഷ വാഴ്‌ച​യ്‌ക്കും തമ്മിൽ എന്തെങ്കി​ലും ബന്ധമു​ള്ള​താ​യി ബൈബി​ളിൽ ഒരിട​ത്തും പറയു​ന്നില്ല.

തീയതി​ക​ളെ കുറിച്ച്‌ ഊഹാ​പോ​ഹം നടത്തു​ന്ന​തി​നെ​തി​രെ യേശു തന്റെ ശിഷ്യ​ന്മാർക്കു മുന്നറി​യി​പ്പു നൽകി. തന്റെ ശിഷ്യ​ന്മാ​രോട്‌ അവൻ ഇങ്ങനെ പറഞ്ഞു: “പിതാവു തന്റെ സ്വന്ത അധികാ​ര​ത്തിൽ വെച്ചി​ട്ടുള്ള കാലങ്ങ​ളെ​യോ സമയങ്ങ​ളെ​യോ അറിയു​ന്നതു നിങ്ങൾക്കു​ള്ളതല്ല.” (പ്രവൃ​ത്തി​കൾ 1:7) ക്രിസ്‌തു​വി​ന്റെ സഹസ്രാബ്ദ ഭരണത്തി​നു വഴി​യൊ​രു​ക്കി​ക്കൊണ്ട്‌ ഈ ദുഷ്ട വ്യവസ്ഥി​തി​യു​ടെ മേൽ ദൈവം ന്യായ​വി​ധി നടപ്പാ​ക്കു​ന്നത്‌ എന്നാ​ണെന്ന്‌ അന്നു തനിക്കു​പോ​ലും അറിയി​ല്ലാ​യി​രു​ന്നു എന്ന്‌ മുമ്പ്‌ ഒരവസ​ര​ത്തി​ലും യേശു വ്യക്തമാ​ക്കി​യി​രു​ന്നു. അവൻ പറഞ്ഞു: “ആ നാളും നാഴി​ക​യും സംബന്ധി​ച്ചോ എന്റെ പിതാവു മാത്ര​മ​ല്ലാ​തെ ആരും സ്വർഗ്ഗ​ത്തി​ലെ ദൂതന്മാ​രും പുത്ര​നും കൂടെ അറിയു​ന്നില്ല.”—മത്തായി 24:36.

ഒരു മനുഷ്യ​നാ​യി പിറന്ന ദിവസം മുതൽ കൃത്യം 2,000 വർഷം കഴിയു​മ്പോൾ ക്രിസ്‌തു മടങ്ങി​വ​രും എന്നു പ്രതീ​ക്ഷി​ക്കാൻ എന്തെങ്കി​ലും ന്യായ​മു​ണ്ടോ? ഇല്ല. തന്റെ ജന്മദിനം എന്നാ​ണെന്ന്‌ യേശു​വിന്‌ അറിയാ​മാ​യി​രു​ന്നി​രി​ക്കണം. ആ ദിവസം മുതൽ 2,000 വർഷം എങ്ങനെ കണക്കു​കൂ​ട്ടണം എന്ന്‌ അവനു തീർച്ച​യാ​യും അറിയാ​മാ​യി​രു​ന്നു. എന്നിട്ടും, താൻ വരുന്ന നാളും നാഴി​ക​യും സംബന്ധിച്ച്‌ അവന്‌ അറിഞ്ഞു​കൂ​ടാ​യി​രു​ന്നു. അവൻ തിരി​ച്ചു​വ​രുന്ന നാൾ ഏതാ​ണെന്നു കൃത്യ​മാ​യി ചൂണ്ടി​ക്കാ​ട്ടു​ന്നത്‌ അത്ര എളുപ്പ​മുള്ള സംഗതി​യ​ല്ലെന്നു വ്യക്തം! ‘സമയങ്ങ​ളും കാലങ്ങ​ളും’ പിതാ​വി​ന്റെ അധികാ​ര​ത്തി​ലാ​യി​രു​ന്നൂ—ആ സമയപ​ട്ടിക അവൻ മാത്രമേ അറിഞ്ഞി​രു​ന്നു​ള്ളൂ.

കൂടാതെ, ഒരു പ്രത്യേക ഭൂപ്ര​ദേ​ശത്തു തനിക്കാ​യി കാത്തു നിൽക്കാൻ യേശു തന്റെ ശിഷ്യ​ന്മാ​രോ​ടു കൽപ്പി​ച്ചില്ല. തന്നെയും കാത്ത്‌ ഒരുമി​ച്ചു​കൂ​ടി നിൽക്കാ​നല്ല മറിച്ച്‌, സകല ജാതി​ക​ളി​ലും ഉള്ളവരെ ശിഷ്യ​രാ​ക്കി​ക്കൊണ്ട്‌ ‘ഭൂമി​യു​ടെ അററ​ത്തോ​ളം’ ചിതറി​പ്പാർക്കാ​നാണ്‌ അവൻ അവരോ​ടു പറഞ്ഞത്‌. അവൻ ഒരിക്ക​ലും ആ കൽപ്പന റദ്ദാക്കി​യി​ട്ടില്ല.—പ്രവൃ​ത്തി​കൾ 1:8; മത്തായി 28:19, 20.

അവരുടെ സഹസ്രാബ്ദ പ്രതീ​ക്ഷകൾ ഛിന്നഭി​ന്ന​മാ​കു​മോ?

എന്നിരു​ന്നാ​ലും, ചില മത മൗലി​ക​വാ​ദി​കൾ വലിയ പ്രതീ​ക്ഷ​യോ​ടെ​യാ​ണു 2000-ാം ആണ്ടി​ലേക്ക്‌ ഉറ്റു​നോ​ക്കു​ന്നത്‌. അടുത്ത ഏതാനും മാസങ്ങ​ളിൽ വെളി​പ്പാ​ടു പുസ്‌ത​ക​ത്തി​ലെ ചില ഭാഗങ്ങൾ അക്ഷരീ​യ​മാ​യി നിവൃ​ത്തി​യേ​റും എന്ന്‌ അവർ വിശ്വ​സി​ക്കു​ന്നു. ആ നിവൃ​ത്തി​യിൽ തങ്ങൾക്കു വ്യക്തി​പ​ര​മായ ഒരു പങ്ക്‌ ഉള്ളതായി അവർ കരുതു​ന്നു. ഉദാഹ​ര​ണ​ത്തിന്‌, വെളി​പ്പാ​ടു 11:3, 7, 8-ൽ രേഖ​പ്പെ​ടു​ത്തി​യി​രി​ക്കുന്ന പ്രവച​ന​ത്തി​ലേക്ക്‌ അവർ വിരൽ ചൂണ്ടുന്നു. രണ്ടു സാക്ഷികൾ “അവരുടെ കർത്താവു ക്രൂശി​ക്ക​പ്പെ​ട്ട​തും ആത്മിക​മാ​യി സൊ​ദോം എന്നും മിസ്ര​യീം എന്നും പേരു​ള്ള​തു​മായ മഹാന​ഗ​ര​ത്തി​ന്റെ വീഥി​യിൽ” പ്രവചി​ക്കു​ന്ന​തി​നെ കുറിച്ച്‌ അതു പറയുന്നു. സാക്ഷ്യം നൽകി കഴിയു​മ്പോൾ ആ രണ്ടു സാക്ഷി​ക​ളും, ആഴത്തിൽ നിന്നു പുറത്തു​വ​രുന്ന ഒരു ക്രൂര വന്യമൃ​ഗ​ത്താൽ കൊല്ല​പ്പെ​ടു​ന്നു.

1998 ഡിസംബർ 27-ലെ ദ ന്യൂ​യോർക്ക്‌ ടൈംസ്‌ മാഗസിൻ പറയുന്ന പ്രകാരം, ഒരു മതവി​ഭാ​ഗ​ത്തി​ന്റെ നേതാവ്‌, “ഭൂമി​യു​ടെ നാശത്തെ കുറി​ച്ചും കർത്താ​വി​ന്റെ വരവിനെ കുറി​ച്ചും പ്രഖ്യാ​പി​ക്കാൻ നിയോ​ഗി​ക്ക​പ്പെ​ട്ടി​രി​ക്കുന്ന ആ രണ്ടു സാക്ഷി​ക​ളിൽ ഒരാൾ താനാ​ണെ​ന്നും തുടർന്ന്‌, യെരൂ​ശ​ലേ​മി​ലെ തെരു​വു​ക​ളിൽ താൻ സാത്താ​നാൽ വധിക്ക​പ്പെ​ടു​മെ​ന്നും തന്റെ അനുയാ​യി​ക​ളോ​ടു പറഞ്ഞി​രി​ക്കു​ന്നു.” ഇസ്രാ​യേ​ലി​ലെ അധികൃ​തർ സ്വാഭാ​വി​ക​മാ​യും ഉത്‌ക​ണ്‌ഠാ​കു​ല​രാണ്‌. ചില തീവ്ര​വാ​ദി​കൾ തങ്ങളു​ടേ​തായ വിധത്തിൽ ആ പ്രവച​ന​ത്തി​നു “നിവൃത്തി” വരുത്താൻ—ഒരു സായുധ പോരാ​ട്ടം ഇളക്കി​വി​ട്ടു​കൊ​ണ്ടു പോലും—ശ്രമി​ച്ചേ​ക്കാം എന്ന്‌ അവർ ഭയപ്പെ​ടു​ന്നു! എന്നാൽ, തന്റെ ഉദ്ദേശ്യം നിവർത്തി​ക്കു​ന്ന​തി​നു ദൈവ​ത്തി​നു മനുഷ്യ​ന്റെ “സഹായം” ആവശ്യ​മില്ല. ബൈബി​ളി​ലെ എല്ലാ പ്രവച​ന​ങ്ങ​ളും ദൈവം നിർണ​യി​ച്ചി​രി​ക്കുന്ന സമയത്തും ദൈവം നിർണ​യി​ച്ചി​രി​ക്കുന്ന വിധത്തി​ലും നിവൃ​ത്തി​യേ​റും.

വെളി​പ്പാ​ടു പുസ്‌തകം “അടയാ​ള​ങ്ങ​ളാൽ” (NW) ആണ്‌ എഴുത​പ്പെ​ട്ടത്‌. വെളി​പ്പാ​ടു 1:1 പറയു​ന്ന​ത​നു​സ​രിച്ച്‌, വേഗത്തിൽ സംഭവി​ക്കാ​നി​രി​ക്കു​ന്നത്‌ “തന്റെ ദാസന്മാ”ർക്കു (മൊത്തം ലോക​ത്തി​നല്ല) വെളി​പ്പെ​ടു​ത്താ​നാണ്‌ യേശു ആഗ്രഹി​ച്ചത്‌. വെളി​പ്പാ​ടു പുസ്‌തകം മനസ്സി​ലാ​ക്കാൻ ക്രിസ്‌തു​വി​ന്റെ ദാസന്മാർക്ക്‌ അഥവാ അനുഗാ​മി​കൾക്ക്‌ ദൈവ​ത്തി​ന്റെ പരിശു​ദ്ധാ​ത്മാവ്‌ ആവശ്യ​മാണ്‌. തന്നെ പ്രസാ​ദി​പ്പി​ക്കു​ന്ന​വർക്കാണ്‌ യഹോവ അതു നൽകു​ന്നത്‌. വെളി​പ്പാ​ടു പുസ്‌തകം അക്ഷരീ​യ​മാ​യി മനസ്സി​ലാ​ക്കാ​നാ​ണു പ്രതീ​ക്ഷി​ക്ക​പ്പെ​ടു​ന്ന​തെ​ങ്കിൽ അവിശ്വാ​സി​കൾക്കും അതു വായിച്ചു മനസ്സി​ലാ​ക്കാൻ സാധി​ക്കും. അങ്ങനെ​യാ​കു​മ്പോൾ, അതു മനസ്സി​ലാ​ക്കാ​നാ​യി ക്രിസ്‌ത്യാ​നി​കൾ പരിശു​ദ്ധാ​ത്മാ​വി​നു വേണ്ടി പ്രാർഥി​ക്കേ​ണ്ട​തി​ന്റെ ആവശ്യ​മില്ല.—മത്തായി 13:10-15.

ബൈബിൾ തെളി​വു​കൾ അനുസ​രിച്ച്‌, യേശു​വി​ന്റെ ജനനം മുതലുള്ള മൂന്നാം സഹസ്രാ​ബ്ദം 1999 ശരത്‌കാ​ല​ത്താ​ണു തുടങ്ങു​ന്ന​തെ​ന്നും ആ നാളി​നോ 2000 ജനുവരി 1-നോ 2001 ജനുവരി 1-നോ ഒന്നും യാതൊ​രു പ്രത്യേ​ക​ത​യും ഇല്ലെന്നും നാം കണ്ടുക​ഴി​ഞ്ഞു. എന്നിരു​ന്നാ​ലും, ക്രിസ്‌ത്യാ​നി​കൾ അങ്ങേയറ്റം തത്‌പരർ ആയിരി​ക്കുന്ന ഒരു സഹസ്രാ​ബ്ദം ഉണ്ട്‌. അതു മൂന്നാം സഹസ്രാ​ബ്ദം അല്ലെങ്കിൽപ്പി​ന്നെ ഏതു സഹസ്രാ​ബ്ദ​മാണ്‌? ഈ പരമ്പര​യി​ലെ അവസാന ലേഖനം ഉത്തരം നൽകും.

[അടിക്കു​റി​പ്പു​കൾ]

[5-ാം പേജിലെ ചതുരം]

2000-ഓ 2001-ഓ

യേശു​വി​ന്റെ ജനനം മുതലുള്ള മൂന്നാം സഹസ്രാ​ബ്ദം 2001 ജനുവരി 1-ന്‌ ആരംഭി​ക്കു​മെന്നു ചിലർ അവകാ​ശ​പ്പെ​ടു​ന്നത്‌ എന്തു​കൊ​ണ്ടാ​ണെന്നു മനസ്സി​ലാ​ക്കാൻ ഈ ദൃഷ്ടാന്തം പരിചി​ന്തി​ക്കുക. നിങ്ങൾ, 200 പേജു​ക​ളുള്ള ഒരു പുസ്‌തകം വായി​ക്കു​ക​യാ​ണെ​ന്നി​രി​ക്കട്ടെ. 200-ാം പേജിന്റെ ആരംഭ​ത്തിൽ എത്തു​മ്പോൾ നിങ്ങൾ 199 പേജുകൾ വായിച്ചു കഴിഞ്ഞി​രി​ക്കും, ഒരു പേജ്‌ വായി​ക്കാൻ അവശേ​ഷി​ച്ചി​ട്ടു​ണ്ടാ​കും. 200-ാം പേജിന്റെ അവസാനം ആയാൽ മാത്രമേ നിങ്ങൾ ആ പുസ്‌തകം വായിച്ചു തീർത്തു എന്നു പറയാ​നാ​കൂ. സമാന​മാ​യി, 1999 ഡിസംബർ 31-ന്‌, പൊതു​വെ കണക്കാ​ക്ക​പ്പെ​ടുന്ന ഇപ്പോ​ഴത്തെ സഹസ്രാ​ബ്ദ​ത്തി​ന്റെ 999 വർഷം കൊഴി​ഞ്ഞു​പോ​യി​രി​ക്കും. സഹസ്രാ​ബ്ദം അവസാ​നി​ക്കാൻ ഒരു വർഷം അവശേ​ഷി​ച്ചി​രി​ക്കും. ആ കണക്കനു​സ​രിച്ച്‌, മൂന്നാം സഹസ്രാ​ബ്ദം തുടങ്ങു​ന്നത്‌ 2001 ജനുവരി 1-ന്‌ ആണ്‌. എന്നാൽ ഈ ലേഖനം വ്യക്തമാ​ക്കു​ന്ന​തു​പോ​ലെ, യേശു ജനിച്ചി​ട്ടു കൃത്യം 2,000 വർഷം ആകുന്നത്‌ അന്നാ​ണെന്ന്‌ അതിന്‌ അർഥമില്ല.

[6-ാം പേജിലെ ചതുരം]

ക്രി.മു.-ക്രി.വ. രീതി​യി​ലുള്ള തീയതി കുറിക്കൽ വികാസം പ്രാപിച്ച വിധം

പൊ.യു. 6-ാം നൂറ്റാ​ണ്ടി​ന്റെ തുടക്ക​ത്തിൽ ജോൺ ഒന്നാമൻ പാപ്പാ, ഈസ്റ്ററിന്‌ ഒരു ഔദ്യോ​ഗിക തീയതി നിശ്ചയി​ക്കാൻ സഭയെ സഹായി​ക്കുന്ന ഒരു കാലഗ​ണനാ സമ്പ്രദാ​യം വികസി​പ്പി​ച്ചെ​ടു​ക്കാൻ ഡയനി​ഷ്യസ്‌ എക്‌സി​ഗ്യു​യുസ്‌ എന്നു പേരുള്ള ഒരു സന്യാ​സി​യെ നിയോ​ഗി​ച്ചു.

ഡയനി​ഷ്യസ്‌ തന്റെ വേല തുടങ്ങി. യേശു മരിച്ച വർഷത്തി​നും പിന്നി​ലേക്കു പോയി, അവൻ ജനിച്ച​തെന്ന്‌ അദ്ദേഹം കരുതിയ വർഷം മുതൽ മുമ്പോട്ട്‌ അദ്ദേഹം ഓരോ വർഷവും എണ്ണാൻ തുടങ്ങി. യേശു​വി​ന്റെ ജനനം മുതലുള്ള ഘട്ടത്തെ ഡയനി​ഷ്യസ്‌ “ക്രി.വ.” (ആനോ ദോമി​നി—“നമ്മുടെ കർത്താ​വി​ന്റെ വർഷത്തിൽ”) എന്ന്‌ വിളിച്ചു. ഓരോ വർഷവും ഈസ്റ്റർ കണക്കാ​ക്കാൻ ആശ്രയ​യോ​ഗ്യ​മായ ഒരു മാർഗം കണ്ടെത്താൻ ശ്രമി​ക്കവെ, അറിയാ​തെ​തന്നെ ഡയനി​ഷ്യസ്‌ ക്രിസ്‌തു​വി​ന്റെ ജനനം മുതൽ മുമ്പോ​ട്ടു വർഷങ്ങൾ എണ്ണുന്ന രീതിക്കു തുടക്കം കുറിച്ചു.

തന്റെ കണക്കു​കൂ​ട്ട​ലിന്‌ ആധാര​മാ​യി ഡയനി​ഷ്യസ്‌ ഉപയോ​ഗിച്ച വർഷമല്ല യേശു ജനിച്ചത്‌ എന്നു മിക്ക പണ്ഡിത​ന്മാ​രും സമ്മതി​ക്കു​ന്നു. എന്നുവ​രി​കി​ലും, കാലത്തി​ന്റെ നീരൊ​ഴു​ക്കിൽ ഓരോ​രോ സംഭവ​ങ്ങ​ളും നടന്നത്‌ എന്നാ​ണെ​ന്നും അവ ഒന്നി​നോ​ടൊ​ന്നു ബന്ധപ്പെ​ട്ടി​രി​ക്കു​ന്നത്‌ എങ്ങനെ​യെ​ന്നും മനസ്സി​ക്കാൻ അദ്ദേഹം സ്ഥാപിച്ച കാലഗ​ണനാ രീതി നമ്മെ സഹായി​ക്കു​ന്നു.