രാജ്യ​വാർത്ത നമ്പർ 36 ഉണർത്തിയ താത്‌പ​ര്യ​ത്തെ ഊട്ടി​വ​ളർത്തൽ

¹ നിങ്ങൾ രാജ്യ​വാർത്ത നമ്പർ 36 സമർപ്പി​ച്ചു​ക​ഴി​ഞ്ഞോ? എല്ലാവർക്കും ചിന്തി​ക്കാ​നുള്ള കാലോ​ചി​ത​മായ ഒരു ചോദ്യം അത്‌ ഉന്നയി​ക്കു​ന്നുണ്ട്‌: “പുതിയ സഹസ്രാ​ബ്ദം—നിങ്ങളു​ടെ ഭാവി ശോഭ​ന​മാ​യി​രി​ക്കു​മോ?” 2000-മാണ്ട്‌ സമീപി​ച്ചു​കൊ​ണ്ടി​രു​ന്ന​പ്പോൾ പുതിയ സഹസ്രാ​ബ്ദം കൈവ​രു​ത്താൻ പോകു​ന്ന​തി​നെ സംബന്ധിച്ച്‌ പലപല പ്രതീ​ക്ഷ​ക​ളാണ്‌ മിക്കവർക്കും ഉണ്ടായി​രു​ന്നത്‌. രാജ്യ​വാർത്ത നമ്പർ 36 അവയിൽ ചില പ്രതീ​ക്ഷ​ക​ളെ​ക്കു​റി​ച്ചു ചർച്ച ചെയ്യു​ക​യും ലോകാ​വ​സ്ഥകൾ ശുഭ​പ്ര​തീ​ക്ഷ​യ്‌ക്കുള്ള അടിസ്ഥാ​നം നൽകു​ന്നി​ല്ലെന്നു നമ്മെ ഓർമി​പ്പി​ക്കു​ക​യും ചെയ്യുന്നു. മിക്കവാ​റും എല്ലാ മനുഷ്യ​രും ആഗ്രഹി​ക്കുന്ന സമാധാ​ന​വും സുരക്ഷി​ത​ത്വ​വും ആനയി​ക്കുന്ന ഏക സഹസ്രാ​ബ്ദം ക്രിസ്‌തു യേശു​വി​ന്റെ സഹസ്രാ​ബ്ദ​മാണ്‌. അവന്റെ രാജ്യം യാഥാർഥ്യ​മാ​യി​ത്തീ​രു​മെന്ന നമ്മുടെ ഉത്തമവി​ശ്വാ​സ​മാണ്‌ കഴിയു​ന്നത്ര ആളുകൾക്ക്‌ രാജ്യ​വാർത്ത നമ്പർ 36 നൽകാൻ നമ്മെ പ്രേരി​പ്പി​ക്കു​ന്നത്‌.

² രാജ്യവാർത്തയോടുള്ള പ്രതി​ക​ര​ണങ്ങൾ: മുൻവർഷ​ങ്ങ​ളി​ലെ രാജ്യ​വാർത്താ വിതര​ണങ്ങൾ വയലിലെ നമ്മുടെ പ്രവർത്ത​ന​ത്തിന്‌ നല്ല പ്രചോ​ദ​ന​മേകി. രാജ്യ​വാർത്താ നമ്പർ 35-നെ കുറിച്ച്‌ കാനഡാ ബ്രാഞ്ച്‌ എഴുതി: “ഈ പ്രത്യേക പ്രസ്ഥാ​ന​ത്തിൽ പ്രസാ​ധ​ക​രും പയനി​യർമാ​രും ഉത്സാഹ​പൂർവം പങ്കെടു​ത്തു. അവർക്കു പ്രോ​ത്സാ​ഹ​ജ​ന​ക​മായ നിരവധി അനുഭ​വ​ങ്ങ​ളും ഉണ്ടായി. രാജ്യ​വാർത്താ നമ്പർ 36-ന്റെ വിതര​ണ​ത്തി​ലും നിങ്ങൾ സമാന​മായ ഉത്സാഹം കാണി​ച്ചി​ട്ടുണ്ട്‌ എന്നതിനു സംശയ​മില്ല.

³ ഈ രാജ്യ​വാർത്താ പ്രസ്ഥാനം, 2000 നവംബർ 30-ന്‌ അവസാ​നി​ക്കത്തക്ക വിധത്തി​ലാ​ണു പട്ടിക​പ്പെ​ടു​ത്തി​യി​രി​ക്കു​ന്നത്‌. നിങ്ങളു​ടെ സഭയുടെ നിയമിത പ്രദേ​ശ​മെ​ല്ലാം പ്രവർത്തി​ച്ചു​തീർന്നോ? ഇല്ലെങ്കിൽ, ഡിസം​ബ​റിൽ ഈ പ്രസ്ഥാനം തുടരാൻ മൂപ്പന്മാർ നിങ്ങ​ളോട്‌ ആവശ്യ​പ്പെ​ട്ടേ​ക്കാം.

⁴ നിങ്ങളുടെ പ്രദേ​ശത്ത്‌ രാജ്യ​വാർത്ത നമ്പർ 36 വിതരണം ചെയ്‌ത​തിൽനിന്ന്‌ ഇതുവരെ എന്തു പ്രതി​ക​ര​ണ​മാണ്‌ ലഭിച്ചത്‌? ചില ആളുകൾ കൂപ്പൺ പൂരി​പ്പി​ച്ചു​കൊണ്ട്‌ ആവശ്യം ലഘുപ​ത്രി​കയെ സംബന്ധിച്ച കൂടുതൽ വിവര​ങ്ങ​ളും ബൈബി​ള​ധ്യ​യ​ന​വും അല്ലെങ്കിൽ അവയിൽ ഏതെങ്കി​ലും ഒന്ന്‌ ആവശ്യ​പ്പെ​ടും. എന്നിരു​ന്നാ​ലും, പ്രാരംഭ സന്ദർശ​ന​ത്തിൽ സഹസ്രാ​ബ്ദ​മെന്ന വിഷയ​ത്തിൽ താത്‌പ​ര്യം കാട്ടിയ ഭൂരി​പക്ഷം ആളുക​ളും നാം മടങ്ങി​ച്ചെ​ന്നി​ല്ലെ​ങ്കിൽ ആവശ്യ​മായ പടികൾ സ്വീക​രി​ക്കാൻ സാധ്യ​ത​യില്ല. അതു​കൊണ്ട്‌ താത്‌പ​ര്യം കാണിച്ച എല്ലാവ​രെ​യും വീണ്ടും സന്ദർശി​ക്കണം. അതു ചെയ്യാ​നുള്ള പറ്റിയ സമയം എപ്പോ​ഴാ​യി​രി​ക്കും? എത്രയും പെട്ടെ​ന്നു​തന്നെ.

⁵ രാജ്യവാർത്ത നമ്പർ 35 സമർപ്പി​ച്ച​വ​രു​ടെ അടുക്കൽ മടങ്ങി​ച്ചെ​ന്ന​തി​ന്റെ ഫലമായി ഉണ്ടായ പിൻവ​രുന്ന അനുഭ​വങ്ങൾ ശ്രദ്ധി​ക്കുക. അയർല​ഡി​ലെ ഒരു പയനിയർ ഒരു റസ്റ്ററന്റ്‌ ഉടമയ്‌ക്ക്‌ ആ രാജ്യ​വാർത്ത നൽകി. അതിലെ സന്ദേശ​ത്തിൽ താത്‌പ​ര്യം തോന്നിയ ആ സ്‌ത്രീ പയനി​യ​റോട്‌ വീണ്ടും വരാൻ പറഞ്ഞു. രണ്ടു ദിവസ​ത്തി​നു ശേഷം പയനിയർ മടങ്ങി​ച്ചെന്നു, ഒരു ബൈബിൾ അധ്യയ​ന​വും ആരംഭി​ച്ചു. ഡെന്മാർക്കിൽ, ഒരു ആളില്ലാ ഭവനത്തിൽ സാക്ഷികൾ ഒരു രാജ്യ​വാർത്ത ഇടുക​യു​ണ്ടാ​യി. അന്നുതന്നെ അവിടെ താമസി​ച്ചി​രുന്ന ഒരു സ്‌ത്രീ അതിലെ കൂപ്പൺ പൂരി​പ്പിച്ച്‌ സൊ​സൈ​റ്റിക്ക്‌ അയച്ചു. സൊ​സൈറ്റി അത്‌ പ്രാ​ദേ​ശിക സഭയ്‌ക്ക്‌ കൈമാ​റി. ആ ആഴ്‌ച​യിൽത്തന്നെ, രണ്ടു സഹോ​ദ​രി​മാർ അവരെ സന്ദർശിച്ച്‌ അധ്യയനം ക്രമീ​ക​രി​ച്ചു. ആ സ്‌ത്രീ രാജ്യ​ഹാ​ളിൽ യോഗ​ത്തി​നു ഹാജരാ​കു​ക​യും ചെയ്‌തു!

⁶ മടങ്ങിച്ചെല്ലുമ്പോൾ പറയേ​ണ്ടത്‌: രാജ്യ​വാർത്ത സമർപ്പി​ച്ചി​ട​ങ്ങ​ളിൽ മടങ്ങി​ച്ചെ​ല്ലു​ന്നത്‌ താരത​മ്യേന എളുപ്പ​വും നമ്മുടെ ശുശ്രൂ​ഷ​യു​ടെ ആസ്വാ​ദ്യ​മായ ഒരു ഭാഗവു​മാണ്‌. മടങ്ങി​ച്ചെ​ല്ലു​മ്പോൾ, നിങ്ങളു​ടെ കൈവശം രാജ്യ​വാർത്ത നമ്പർ 36-ന്റെ ഒരു പ്രതി ഉണ്ടായി​രി​ക്കു​ന്നതു നല്ലതാണ്‌, കാരണം ചില​പ്പോൾ വീട്ടു​കാ​രന്റെ പ്രതി അയാളു​ടെ പക്കൽ കണ്ടെന്നു​വ​രില്ല. നിങ്ങൾക്കു പിൻവ​രുന്ന നിർദേ​ശങ്ങൾ പിൻപ​റ്റാ​വു​ന്ന​താണ്‌.

⁷ പരിചയം പുതു​ക്കി​യ​ശേഷം നിങ്ങൾക്ക്‌ ഇങ്ങനെ പറയാം:

◼ “‘പുതിയ സഹസ്രാ​ബ്ദം—നിങ്ങളു​ടെ ഭാവി ശോഭ​ന​മാ​യി​രി​ക്കു​മോ?’ എന്ന ഒരു ലഘുലേഖ ഞാൻ താങ്കൾക്കു നൽകി​യി​രു​ന്ന​ല്ലോ. ഭൂമി​യിൽ പറുദീ​സാ അവസ്ഥ ആനയി​ച്ചു​കൊണ്ട്‌ പെട്ടെ​ന്നു​തന്നെ യേശു​ക്രി​സ്‌തു​വി​ന്റെ സഹസ്രാ​ബ്ദ​വാഴ്‌ച തുടങ്ങും എന്നു വായി​ക്കാൻ കഴിഞ്ഞത്‌ പ്രോ​ത്സാ​ഹ​ജ​ന​ക​മാ​യി​രു​ന്നി​ല്ലേ? [രാജ്യ​വാർത്ത നമ്പർ 36-ലെ ചിത്രങ്ങൾ കാണി​ക്കുക.] ഇതിന്റെ പിൻപേ​ജിൽ ദൈവം നമ്മിൽനിന്ന്‌ എന്ത്‌ ആവശ്യ​പ്പെ​ടു​ന്നു? എന്ന ലഘുപ​ത്രി​ക​യി​ലെ കൂടുതൽ വിവര​ങ്ങൾക്കാ​യി അപേക്ഷി​ക്കാൻ ആവശ്യ​പ്പെ​ട്ടി​രി​ക്കു​ന്നു.” ആ ലഘുപ​ത്രിക കാണി​ച്ചിട്ട്‌ അതിന്റെ 5-ാം അധ്യാ​യ​ത്തി​ലേക്ക്‌ മറിച്ച്‌ ഒന്നാമത്തെ ചോദ്യ​വും 1-ഉം 2-ഉം ഖണ്ഡിക​ക​ളും വായി​ക്കുക. എന്നിട്ട്‌, അതേക്കു​റിച്ച്‌ അഭി​പ്രാ​യം പറയാൻ വീട്ടു​കാ​രനെ ക്ഷണിക്കുക. ഒന്നോ രണ്ടോ വാക്യങ്ങൾ വായിച്ച്‌ ചർച്ച ചെയ്യുക. സാധ്യ​മെ​ങ്കിൽ മറ്റൊരു ചോദ്യ​വും ഖണ്ഡിക​യും ചർച്ച​ചെ​യ്യുക. തുടർന്ന്‌ മടക്കസ​ന്ദർശനം നടത്താ​നും അങ്ങനെ ചർച്ച തുടരാ​നും ക്രമീ​ക​രണം ചെയ്യുക.

⁸ ഡിസംബർ മാസത്തെ സാഹിത്യ സമർപ്പണം “പരിജ്ഞാ​നം” പുസ്‌തകം ആയതി​നാൽ, നിങ്ങൾക്ക്‌ ഇങ്ങനെ പറയാ​വു​ന്ന​താണ്‌:

◼ “കഴിഞ്ഞ​യി​ടെ ഞാൻ താങ്കളെ സന്ദർശി​ച്ച​പ്പോൾ, ‘പുതിയ സഹസ്രാ​ബ്ദം—നിങ്ങളു​ടെ ഭാവി ശോഭ​ന​മാ​യി​രി​ക്കു​മോ?’ എന്ന ഒരു ലഘുലേഖ താങ്കൾക്കു നൽകി​യി​രു​ന്നു. അതിൽ സൗജന്യ ഭവന ബൈബിൾ അധ്യയ​നത്തെ കുറിച്ചു പറഞ്ഞി​ട്ടുണ്ട്‌. അതിനാ​യി ഞങ്ങൾ ഉപയോ​ഗി​ക്കുന്ന പഠന സഹായി ഏതാ​ണെന്നു കാണി​ക്കാ​നാണ്‌ ഞാൻ ഇപ്പോൾ വന്നിരി​ക്കു​ന്നത്‌. [പരിജ്ഞാ​നം പുസ്‌തകം കാണി​ച്ചിട്ട്‌ അതിന്റെ 188-9 പേജു​ക​ളി​ലേക്കു മറിക്കുക.] ബൈബി​ളിൽ പറഞ്ഞി​രി​ക്കുന്ന സഹസ്രാ​ബ്ദം ഈ ചിത്ര​ത്തിൽ കാണു​ന്ന​തു​പോ​ലുള്ള അവസ്ഥകൾ കൈവ​രു​ത്തും. പറുദീ​സ​യിൽ ജീവി​ക്കാൻ യോഗ്യത നേടണ​മെ​ങ്കിൽ നാം ദൈവ​ത്തെ​ക്കു​റി​ച്ചുള്ള സൂക്ഷ്‌മ പരിജ്ഞാ​നം സമ്പാദി​ച്ചേ മതിയാ​കൂ. എങ്ങനെ ബൈബിൾ പഠിക്കാ​മെന്ന്‌ ഞാൻ കാണി​ച്ചു​ത​രട്ടെ?”

⁹ ശുശ്രൂഷയിലെ നമ്മുടെ പങ്കിനെ തീവ്ര​മാ​ക്കാൻ രാജ്യ​വാർത്ത നമ്പർ 36-ന്റെ വിതരണം നമ്മെ പ്രചോ​ദി​പ്പി​ച്ചി​രി​ക്കു​ന്നു. അത്‌ മഹത്തായ സാക്ഷ്യ​ത്തിൽ കലാശി​ച്ചി​രി​ക്കു​ന്നു. പ്രദേ​ശ​ത്തുള്ള അനേക​രി​ലും അത്‌ താത്‌പ​ര്യം ജനിപ്പി​ച്ചി​ട്ടു​ണ്ടെ​ന്ന​തിൽ സംശയ​മില്ല. ഈ താത്‌പ​ര്യ​ത്തെ ഊട്ടി​വ​ളർത്താൻ നാം ഏകീകൃത ശ്രമം നടത്തു​ന്നെ​ങ്കിൽ യഹോ​വ​യു​ടെ സഹായ​ത്താൽ ചെമ്മരി​യാ​ടു​തു​ല്യ​രായ കൂടുതൽ ആളുകളെ നമുക്ക്‌ കണ്ടെത്താ​നാ​കും.—മത്താ. 10:11; പ്രവൃ. 13:48, 49, 52.