രാജ്യ​വാർത്ത​യോ​ടു താത്‌പ​ര്യം കാണി​ച്ച​വരെ വീണ്ടും സന്ദർശി​ക്കു​ക

¹ നാം കഴിഞ്ഞ ഏതാനും ആഴ്‌ച​ക​ളി​ലാ​യി, എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലം വരുമോ? എന്ന ശീർഷ​ക​ത്തി​ലുള്ള രാജ്യ​വാർത്ത നമ്പർ 35 വിതരണം ചെയ്യു​ന്ന​തി​ന്റെ പദവി ആസ്വദി​ച്ചു​വ​രു​ക​യാണ്‌. രാജ്യ​വാർത്ത​യു​ടെ ഈ ലക്കവു​മാ​യി യോഗ്യ​ത​യുള്ള പരമാ​വധി ആളുക​ളു​ടെ അടുക്ക​ലെ​ത്താൻ ലോക​വ്യാ​പ​ക​മാ​യുള്ള പ്രസാ​ധകർ കഠിന​ശ്രമം ചെയ്യു​ക​യാണ്‌. (മത്താ. 10:11) പ്രസ്ഥാ​ന​കാ​ലം നവംബർ 16, ഞായറാഴ്‌ച അവസാ​നി​ക്കുന്ന വിധത്തി​ലാണ്‌ പട്ടിക​പ്പെ​ടു​ത്തി​യി​രി​ക്കു​ന്ന​തെ​ങ്കി​ലും, സഭയിലെ ശേഖരം തീരു​ന്ന​തു​വരെ രാജ്യ​വാർത്ത നമ്പർ 35-ന്റെ വിതരണം തുടരാൻ മൂപ്പന്മാർ നിങ്ങ​ളോട്‌ ആവശ്യ​പ്പെ​ട്ടേ​ക്കാം.

² ഈ ലക്കം രാജ്യ​വാർത്ത അനേക​രു​ടെ​യും താത്‌പ​ര്യ​ത്തെ തൊട്ടു​ണർത്തി​യി​ട്ടുണ്ട്‌. പൊതു​വേ ആളുക​ളു​ടെ ഇടയിൽ സ്വാഭാ​വി​ക​പ്രി​യം നഷ്ടപ്പെ​ട്ടി​രി​ക്കു​ന്നെന്ന്‌ അവർ മനസ്സി​ലാ​ക്കു​ന്നു. അതു​കൊ​ണ്ടു​തന്നെ ഭാവി എന്തു കൈവ​രു​ത്തു​മെന്ന്‌ അവർ ചിന്തി​ക്കു​ന്നു. (2 തിമൊ. 3:3, NW) താത്‌പ​ര്യം കാണി​ച്ചി​രി​ക്കു​ന്ന​വരെ നാം വീണ്ടും സന്ദർശി​ക്കേ​ണ്ട​തുണ്ട്‌.

³ രാജ്യ​വാർത്ത ഫലം കൊയ്യു​ന്നു: 1995-ലെ രാജ്യ​വാർത്ത പ്രസ്ഥാ​ന​കാ​ലത്ത്‌ അതിന്റെ ഒരു പ്രതി ലഭിച്ച ഒരു സ്‌ത്രീ, യഹോ​വ​യു​ടെ സാക്ഷികൾ എന്താണു വിശ്വ​സി​ക്കു​ന്ന​തെന്നു കൂടു​ത​ലാ​യ​റി​യാൻ വേണ്ടി രാജ്യ​ഹാ​ളിൽ ഒരു യോഗ​ത്തി​നു ഹാജരാ​യി. ആ യോഗ​ത്തിൽവെച്ച്‌ അവർ യാതൊ​രു മടിയും​കൂ​ടാ​തെ ഒരു ബൈബി​ള​ധ്യ​യനം സ്വീക​രി​ച്ചു. പിന്നീട്‌ അവർ അപൂർവ​മാ​യി മാത്രമേ യോഗങ്ങൾ മുടക്കി​യി​ട്ടു​ള്ളൂ. അധികം താമസി​യാ​തെ, അവർ താൻ അംഗമാ​യി​രുന്ന പള്ളിയി​ലേക്ക്‌ അംഗത്വം രാജി​വെ​ച്ചു​കൊ​ണ്ടു കത്തയച്ചു!

⁴ ഇതി​നോ​ടകം നിങ്ങളു​ടെ പ്രദേ​ശ​ത്തുള്ള നൂറു​ക​ണ​ക്കി​നാ​ളു​കൾ രാജ്യ​വാർത്ത നമ്പർ 35-ലെ സന്ദേശം വായി​ച്ചി​ട്ടുണ്ട്‌. പക്ഷേ അതി​നോ​ടുള്ള അവരുടെ പ്രതി​ക​ര​ണ​മെ​ന്താ​യി​രു​ന്നു? തങ്ങൾ വായി​ച്ച​തി​നെ​ക്കു​റി​ച്ചു മതിപ്പു തോന്നി​യി​ട്ടു​ണ്ടാ​യി​രി​ക്കാ​മെ​ങ്കി​ലും, മിക്കവ​രും യഹോ​വ​യു​ടെ സാക്ഷി​ക​ളി​ലാ​രെ​ങ്കി​ലും തങ്ങളുടെ ഭവനം വീണ്ടും സന്ദർശി​ക്കു​ന്ന​തു​വരെ യാതൊ​രു നടപടി​യു​മെ​ടു​ക്കില്ല. നിങ്ങൾ മടങ്ങി​ച്ചെ​ല്ലാൻ ആസൂ​ത്രണം ചെയ്യു​ന്നു​ണ്ടോ? സഹമനു​ഷ്യ​രോ​ടുള്ള നമ്മുടെ സ്‌നേ​ഹ​പൂർവ​ക​മായ താത്‌പ​ര്യം നമ്മെ അതിനു പ്രേരി​പ്പി​ക്കണം. രാജ്യ​വാർത്ത​യോ​ടു താത്‌പ​ര്യം കാണിച്ച എല്ലാവ​രെ​യും വീണ്ടും സന്ദർശി​ക്കണം.

⁵ മടങ്ങി​ച്ചെ​ല്ലു​മ്പോൾ നിങ്ങൾ എന്തു പറയും? രാജ്യ​വാർത്ത​യി​ലെ സന്ദേശം എത്ര കാലോ​ചി​ത​മാ​ണെ​ന്ന​തി​നെ സംബന്ധിച്ച്‌ ഏതാനും പരാമർശങ്ങൾ നടത്തി​യ​ശേഷം നിങ്ങൾ ചിന്തോ​ദ്ദീ​പ​ക​മായ ഒരു ചോദ്യം ചോദി​ച്ചേ​ക്കാം. വീട്ടു​കാ​രൻ തന്റെ ആശയങ്ങൾ പറയു​മ്പോൾ അവധാ​ന​പൂർവം ശ്രദ്ധി​ക്കുക. അങ്ങനെ ചെയ്യവേ അദ്ദേഹ​ത്തി​ന്റെ മനസ്സി​ലു​ള്ള​തെ​ന്താ​ണെന്ന്‌ നിങ്ങൾക്ക​റി​യാൻ സാധി​ക്കും. അതിനു​ശേഷം രാജ്യ​വാർത്ത​യിൽ വിശേ​ഷ​വ​ത്‌ക​രി​ച്ചി​ട്ടുള്ള അനു​യോ​ജ്യ​മായ ഒരു വിഷയം തിര​ഞ്ഞെ​ടുത്ത്‌ അതേക്കു​റിച്ച്‌ ആവശ്യം ലഘുപ​ത്രിക പറഞ്ഞി​രി​ക്കു​ന്ന​തി​ലേക്കു ശ്രദ്ധ ക്ഷണിക്കുക. അനുകൂ​ല​മായ പ്രതി​ക​ര​ണ​മാ​ണു ലഭിക്കു​ന്ന​തെ​ങ്കിൽ, അപ്പോൾത്തന്നെ ഒരു ബൈബി​ള​ധ്യ​യനം തുടങ്ങാൻ ശ്രമി​ക്കുക.

⁶ “രാജ്യ​വാർത്ത” നമ്പർ 35-ൽ താത്‌പ​ര്യം കാണി​ച്ച​വർക്കു മടക്കസ​ന്ദർശനം നടത്തു​മ്പോൾ പരീക്ഷി​ച്ചു നോക്കാ​വുന്ന ചില അവതര​ണ​ങ്ങ​ളി​താ:

◼“കഴിഞ്ഞ ദിവസം ഞാൻ തന്നിട്ടു പോയ ഒരു ലഘു​ലേ​ഖ​യെ​ക്കു​റി​ച്ചു നിങ്ങൾ ഓർക്കു​ന്നു​ണ്ടാ​കും. അതിലെ സന്ദേശം ഇന്നു മനുഷ്യ​വർഗത്തെ തമ്മില​ക​റ്റുന്ന ഒരു സുപ്ര​ധാന പ്രശ്‌നത്തെ—മറ്റുള്ള​വ​രോ​ടുള്ള സ്‌നേ​ഹ​രാ​ഹി​ത്യ​ത്തെ—സ്‌പർശി​ക്കു​ന്നു.” രാജ്യ​വാർത്ത​യു​ടെ 2-ാം പേജിൽ “അയൽസ്‌നേഹം തണുത്തു​പോ​യി​രി​ക്കു​ന്നു” എന്ന തലക്കെ​ട്ടിൻകീ​ഴിൽ കൊടു​ത്തി​രി​ക്കുന്ന തെളി​വു​ക​ളി​ലേക്കു ശ്രദ്ധക്ഷ​ണി​ക്കുക. അതിനു​ശേഷം ഇങ്ങനെ ചോദി​ക്കുക: “മനുഷ്യ​വർഗം ഈ വിധത്തിൽ ജീവി​ക്കു​ക​യെ​ന്നത്‌ ദൈവ​ത്തി​ന്റെ ഉദ്ദേശ്യ​മാ​ണെന്നു നിങ്ങൾ വിചാ​രി​ക്കു​ന്നു​ണ്ടോ?” പ്രതി​ക​രി​ക്കാൻ അനുവ​ദി​ക്കുക. ആവശ്യം ലഘുപ​ത്രി​ക​യു​ടെ 5-ാം പാഠത്തി​ലേക്കു പേജുകൾ മറിക്കുക, ഒരു അധ്യയ​ന​മാ​രം​ഭി​ക്കാൻ ശ്രമി​ക്കുക.

◼“‘എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലം വരുമോ?’ എന്ന വിഷയ​ത്തെ​ക്കു​റിച്ച്‌ ചില വിവര​ങ്ങ​ള​ട​ങ്ങിയ ഒരു ലഘുലേഖ ഞാൻ കഴിഞ്ഞ​തവണ തന്നിട്ടു പോയി​രു​ന്ന​ല്ലോ. അത്തര​മൊ​രു ലോകം എന്നെങ്കി​ലും വരു​മെന്നു നിങ്ങൾ വിചാ​രി​ക്കു​ന്നു​ണ്ടോ?” പ്രതി​ക​രി​ക്കാൻ അനുവ​ദി​ക്കുക. ആവശ്യം ലഘുപ​ത്രി​ക​യു​ടെ 6-ാം പാഠത്തി​ലേക്കു തുറന്ന്‌ അതിന്റെ 6-ാം ഖണ്ഡിക വായി​ക്കുക. അതിനു​ശേഷം മീഖാ 4:3, 4-ൽ ദൈവം നൽകി​യി​രി​ക്കുന്ന വാഗ്‌ദാ​നം വായി​ക്കുക. വീട്ടു​കാ​രനു താത്‌പ​ര്യ​മു​ള്ള​താ​യി കാണു​ന്ന​പക്ഷം ലഘുപ​ത്രിക സമർപ്പി​ക്കു​ക​യും അധ്യയന ക്രമീ​ക​ര​ണ​ത്തെ​ക്കു​റി​ച്ചു പറയു​ക​യും ചെയ്യുക.

◼“കഴിഞ്ഞ തവണ ഞാനി​വി​ടെ വന്നപ്പോൾ, ‘എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലം വരുമോ?’ എന്ന ശീർഷ​ക​ത്തോ​ടു​കൂ​ടിയ ഒരു ലഘുലേഖ നിങ്ങൾക്കു തന്നിട്ടു​പോ​യി​രു​ന്ന​ല്ലോ. അതിൽ ഒരു സൗജന്യ ബൈബി​ള​ധ്യ​യ​ന​ത്തി​നുള്ള വാഗ്‌ദാ​ന​മു​ണ്ടാ​യി​രു​ന്നു. ഞങ്ങളു​പ​യോ​ഗി​ക്കുന്ന പഠനസ​ഹാ​യി നിങ്ങളെ കാണി​ക്കാ​നാ​ണു ഞാൻ മടങ്ങി​വ​ന്നത്‌. [പരിജ്ഞാ​നം പുസ്‌തകം കാണി​ക്കുക.] എല്ലാവ​രും അന്യോ​ന്യം സ്‌നേ​ഹി​ക്കുന്ന ഒരു കാലം വരുന്ന​തെ​പ്പോ​ഴാ​ണെന്ന്‌ ഈ പുസ്‌തകം വ്യക്തമാ​യി വിശദീ​ക​രി​ക്കു​ന്നു. കൂടാതെ, നാം വാർധ​ക്യം പ്രാപി​ക്കു​ന്ന​തും മരിക്കു​ന്ന​തും എന്തു​കൊണ്ട്‌? ദൈവം കഷ്ടപ്പാട്‌ അനുവ​ദി​ക്കു​ന്നത്‌ എന്തു​കൊണ്ട്‌? നമ്മുടെ മരിച്ച പ്രിയ​പ്പെ​ട്ട​വർക്ക്‌ എന്തു സംഭവി​ക്കു​ന്നു? എന്നിങ്ങനെ നിങ്ങൾ അറിയാൻ ആഗ്രഹി​ച്ചി​ട്ടുള്ള ചോദ്യ​ങ്ങൾക്ക്‌ ഇതു വ്യക്തമാ​യി ഉത്തരം നൽകുന്നു.” എന്നിട്ട്‌, “അധ്യയനം നടത്തു​ന്ന​തെ​ങ്ങ​നെ​യാ​ണെന്ന്‌ ഒന്നു പ്രകടി​പ്പി​ച്ചു കാണി​ക്കട്ടേ?” എന്നു ചോദി​ക്കുക. വീട്ടു​കാ​രൻ നിങ്ങളു​ടെ വാഗ്‌ദാ​നം നിരസി​ക്കു​ന്നെ​ങ്കിൽ, പുസ്‌തകം തന്നെത്താൻ വായി​ക്കാൻ താത്‌പ​ര്യ​മു​ണ്ടോ എന്നു ചോദി​ക്കുക. ഒരു പ്രതി സമർപ്പി​ക്കുക. വീണ്ടും മടങ്ങി​ച്ചെ​ല്ലാൻ ആസൂ​ത്രണം ചെയ്യുക.

⁷ രാജ്യ​വാർത്ത നമ്പർ 35-ന്റെ ശേഖരം തീർന്നു​ക​ഴി​യു​മ്പോൾ, മാസത്തി​ന്റെ ശേഷിച്ച ദിവസ​ങ്ങ​ളിൽ നമുക്ക്‌ പരിജ്ഞാ​നം പുസ്‌തകം സമർപ്പി​ക്കാ​വു​ന്ന​താണ്‌. ഈ പുസ്‌ത​ക​ത്തി​നു​വേണ്ടി നിർദേ​ശി​ക്ക​പ്പെട്ട അവതര​ണ​ങ്ങ​ളു​ടെ ഒരു നല്ല ശേഖരം നമ്മുടെ രാജ്യ ശുശ്രൂ​ഷ​യു​ടെ 1996 മാർച്ച്‌, ജൂൺ, നവംബർ ലക്കങ്ങളു​ടെ​യും 1997 ജൂൺ ലക്കത്തി​ന്റെ​യും പിൻപേ​ജിൽ കാണാ​വു​ന്ന​താണ്‌.

⁸ രാജ്യ​വാർത്ത​യു​ടെ ഈ പ്രത്യേക വിതരണം, പ്രസം​ഗ​വേ​ല​യി​ലെ നമ്മുടെ ശ്രമങ്ങൾക്ക്‌ ആക്കം കൂട്ടാൻ നമ്മെ​യെ​ല്ലാ​വ​രെ​യും പ്രചോ​ദി​പ്പി​ക്കണം. യഹോ​വ​യു​ടെ സഹായ​ത്തോ​ടെ ഈ പ്രസ്ഥാനം സുനി​ശ്ചി​ത​മാ​യും വിജയം കൈവ​രി​ക്കു​മെന്നു നമുക്ക്‌ ഉറപ്പു​ണ്ടാ​യി​രി​ക്കാൻ കഴിയും. മുഴു​മ​നു​ഷ്യ​വർഗ​വും അന്യോ​ന്യം സ്‌നേ​ഹി​ക്കണം എന്ന ദൈ​വോ​ദ്ദേ​ശ്യ​ത്തെ​ക്കു​റിച്ച്‌ അറിയാൻ അത്‌ ആളുകളെ സഹായി​ക്കും. രാജ്യ​വാർത്ത​യോട്‌ ആളുകൾ കാണിച്ച താത്‌പ​ര്യ​ത്തെ പിൻചെ​ല്ലവേ, യഹോവ നമ്മുടെ ആത്മാർഥ ശ്രമങ്ങളെ അനു​ഗ്ര​ഹി​ക്കു​ന്ന​തിൽ തുടരു​മാ​റാ​കട്ടെ.