പുല്ല്‌—പുല്ലു​വില കൽപ്പി​ക്കേണ്ട ഒന്നോ?

ചിലരെ സംബന്ധി​ച്ചി​ട​ത്തോ​ളം അതു വീടിനു വെളി​യിൽ വളരുന്ന, വെട്ടി​നി​റു​ത്തേണ്ട, പച്ച നിറമുള്ള ഒരു സാധന​മാണ്‌. നേരെ മറിച്ച്‌, കൃഷി​ക്കാർക്കും പന്തുക​ളി​ക്കാർക്കും അത്‌ അവരുടെ തൊഴി​ലു​മാ​യി ബന്ധപ്പെട്ട ഒരു വസ്‌തു​വാണ്‌. കുട്ടി​കൾക്കാ​കട്ടെ പുൽപ്പു​റങ്ങൾ ഒന്നാന്ത​ര​മൊ​രു കളിസ്ഥ​ല​വും. എന്നാൽ പുല്ല്‌ എന്ന പദത്തിന്‌ പുൽത്ത​കി​ടി​ക​ളും കൃഷി​യി​ട​ങ്ങ​ളും കളിസ്ഥ​ല​ങ്ങ​ളും ആയി മാത്രമേ ബന്ധമു​ള്ളോ?

നഗരത്തി​ലെ ഒരു ബഹുനില കെട്ടി​ട​ത്തിൽ താമസി​ക്കുന്ന ഒരാളാ​ണു നിങ്ങ​ളെ​ങ്കിൽ പുല്ലിന്റെ യാതൊ​രു ഇനങ്ങളു​മാ​യും നിങ്ങൾക്കു കാര്യ​മായ ബന്ധമി​ല്ലെന്നു നിങ്ങൾ കരുതി​യേ​ക്കാം. എന്നാൽ, നമ്മിൽ മിക്കവ​രും പുല്ലിന്റെ ഏതെങ്കി​ലും ഇനങ്ങളു​മാ​യും അതിൽനിന്ന്‌ ഉണ്ടാക്കുന്ന ഉത്‌പ​ന്ന​ങ്ങ​ളു​മാ​യും നിത്യേന സമ്പർക്ക​ത്തിൽ വരുന്നുണ്ട്‌ എന്നതാണു വാസ്‌തവം. എന്താണു പുല്ല്‌? നാം അതിനെ എങ്ങനെ​യാണ്‌ ഉപയോ​ഗ​പ്പെ​ടു​ത്തു​ന്നത്‌?

എന്താണ്‌ പുല്ല്‌?

നിസ്സാ​ര​മെന്നു പലരും കരുതുന്ന ഈ ചെടിയെ നമു​ക്കൊന്ന്‌ അടുത്തു പരി​ശോ​ധി​ക്കാം. പൊക്ക​ത്തിൽ വളരാത്ത, പച്ച നിറമുള്ള എല്ലാ സസ്യങ്ങ​ളെ​യും പൊതു​വേ പുല്ല്‌ എന്നു വിളി​ച്ചു​വ​രു​ന്നു. തൃണവർഗ​ത്തി​ലെ (ഗ്രാമി​നേ അഥവാ പോവ​സി​യേ) അംഗങ്ങ​ളെന്ന നിലയിൽ ശാസ്‌ത്രീ​യ​മാ​യി തരംതി​രി​ക്ക​പ്പെ​ട്ടി​ട്ടുള്ള സസ്യങ്ങൾക്കു പുറമേ ചിലർ സൈ​പ്പെ​റേ​സി​യേ, ജങ്കേസി​യേ കുടും​ബ​ങ്ങ​ളിൽ പെടുന്ന ചെടി​ക​ളെ​യും പുല്ലിന്റെ ഗണത്തിൽ പെടു​ത്തു​ന്നു. എന്നാൽ തൃണകു​ടും​ബം മാത്ര​മാണ്‌ യഥാർഥ പുല്ല്‌. സാധാ​ര​ണ​ഗ​തി​യിൽ അതിന്റെ അംഗങ്ങൾക്കു ചില തനതു സവി​ശേ​ഷ​തകൾ പൊതു​വാ​യുണ്ട്‌. ഒരു പുൽത്തണ്ട്‌ എന്നു നിങ്ങൾ കരുതുന്ന ഒന്ന്‌ സൂക്ഷ്‌മ​മാ​യി പരി​ശോ​ധി​ക്കുക.

അതിന്റെ തണ്ട്‌ ഉരുണ്ട​തും പൊള്ള​യു​മാ​ണോ, അതിനു പർവസ​ന്ധി​കൾ അഥവാ മുട്ടു​ക​ളു​ണ്ടോ? നീണ്ടു വീതി​കു​റഞ്ഞ പരന്ന പത്രപാ​ളി​ക​ളാ​ണോ അതി​ന്റേത്‌? അവയിലെ ഞരമ്പുകൾ സമാന്ത​ര​ങ്ങ​ളാ​ണോ, തണ്ടിനെ പൊതി​യുന്ന പോള​ക​ളിൽനി​ന്നാ​ണോ പത്രപാ​ളി​കൾ ഉത്ഭവി​ക്കു​ന്നത്‌? പത്രപാ​ളി​കൾ ലംബമായ രണ്ടു വരികൾ സൃഷ്ടി​ച്ചു​കൊണ്ട്‌ തണ്ടിന്റെ എതിർവ​ശ​ങ്ങ​ളി​ലാ​യാ​ണോ സ്ഥിതി ചെയ്യു​ന്നത്‌? പ്രധാന വേരിൽനി​ന്നു ശാഖോ​പ​ശാ​ഖ​ക​ളാ​യി പിരി​യു​ന്ന​തി​നു പകരം അതിന്റെ വേരുകൾ നേർത്ത നാരു​ക​ളു​ടെ കൂടി​പ്പി​ണഞ്ഞ ഒരു പടലമാ​ണോ? പൂക്കൾ എന്തെങ്കി​ലും കാണാൻ കഴിയു​ന്നു​ണ്ടെ​ങ്കിൽത്തന്നെ അവ തീരെ ചെറി​യ​തും പെട്ടെന്നു ഗോച​ര​മ​ല്ലാ​ത്ത​തും ആണോ, അവ പ്രകീലം, സ്‌തൂ​പ​മ​ഞ്‌ജരി, അല്ലെങ്കിൽ പാനി​ക്കിൾ ആയാണോ ക്രമീ​ക​രി​ച്ചി​രി​ക്കു​ന്നത്‌? നിങ്ങളു​ടെ ഉത്തരങ്ങൾ അതേ എന്നാ​ണെ​ങ്കിൽ ആ ചെടി തൃണവർഗ​ത്തിൽ പെട്ടതാ​യി​രി​ക്കാ​നാ​ണു സാധ്യത.

തൃണകു​ടും​ബ​ത്തി​ലെ ചെടി​ക​ളെ​ല്ലാം കാഴ്‌ച​യ്‌ക്ക്‌ ഏതാണ്ട്‌ ഒരേ​പോ​ലി​രി​ക്കു​മെ​ങ്കി​ലും അവ വിസ്‌മ​യാ​വ​ഹ​മായ വൈവി​ധ്യം കാഴ്‌ച​വെ​ക്കു​ന്നു. ഈ കുടും​ബ​ത്തിൽ 8,000-ത്തിനും 10,000-ത്തിനും ഇടയ്‌ക്കു സ്‌പീ​ഷീ​സു​കൾ ഉണ്ട്‌. ഏകദേശം 2 സെന്റി​മീ​റ്റർ മുതൽ ചിലയി​നം മുളകൾപോ​ലെ 40 മീറ്റർ വരെ ഉയരമുള്ള ചെടി​കളെ ഈ കുടും​ബ​ത്തിൽ കാണാൻ കഴിയും. ഭൂമി​യി​ലെ സസ്യങ്ങ​ളിൽ വലി​യൊ​രു ഭാഗം പുൽച്ചെ​ടി​ക​ളാണ്‌. അതിൽ അതിശ​യി​ക്കാ​നു​മില്ല. കാരണം, ഭൂമി​യി​ലെ ഏറ്റവു​മ​ധി​കം അനുകൂ​ലന സ്വഭാവം ഉള്ള സസ്യവർഗ​ങ്ങ​ളിൽ ഒന്നാണ്‌ അത്‌. ധ്രുവ​പ്ര​ദേ​ശ​ങ്ങ​ളി​ലും മണലാ​ര​ണ്യ​ങ്ങ​ളി​ലും, ഉഷ്‌ണ​മേ​ഖലാ മഴവന​ങ്ങ​ളി​ലും ശക്തമായ കാറ്റു​വീ​ശുന്ന പർവത​ചെ​രി​വു​ക​ളി​ലും ഒക്കെ അവ വളരും. ചില​പ്പോൾ അവ ഒരു ഭൂപ്ര​ദേ​ശ​മാ​കെ കയ്യടക്കി​യെ​ന്നും വരാം—സ്റ്റെപ്പികൾ, ലാനോ​കൾ, പാംപകൾ, പ്രെയ​റി​കൾ, സാവന്നകൾ എന്നിവ അതിന്‌ ഉദാഹ​ര​ണ​ങ്ങ​ളാണ്‌.

വിവി​ധ​യി​നം പുല്ലു​ക​ളു​ടെ വിജയ രഹസ്യ​ങ്ങ​ളി​ലൊന്ന്‌ അവയുടെ കരുത്താണ്‌. മറ്റു പല സസ്യങ്ങ​ളു​ടെ​യും കാര്യ​ത്തി​ലെന്ന പോലെ പുല്ലിന്റെ വളർച്ച അവയുടെ അഗ്രഭാ​ഗത്തല്ല മറിച്ച്‌ പർവസ​ന്ധി​ക​ളു​ടെ മുകളി​ലുള്ള പ്രത്യേക സ്ഥാനങ്ങ​ളി​ലാണ്‌. മാത്രമല്ല, മണ്ണിനു മുകളി​ലാ​യോ അടിയി​ലാ​യോ തിരശ്ചീ​ന​മാ​യി വളരുന്ന തണ്ടുക​ളിൽനി​ന്നു പുതിയ മുളകൾ പൊട്ടി​വ​ന്നേ​ക്കാം. അതു​കൊണ്ട്‌ പുല്ലു​ചെ​ത്തു​കാ​ര​നോ പുല്ലു​വെ​ട്ടി​യ​ന്ത്ര​മോ പശുവോ അതിന്റെ അഗ്രഭാ​ഗം നശിപ്പി​ച്ചാ​ലും പുൽച്ചെടി വളർന്നു​കൊ​ണ്ടേ​യി​രി​ക്കു​ന്നു, എന്നാൽ മറ്റു പല ചെടി​ക​ളു​ടെ​യും കാര്യ​ത്തി​ലാ​ണെ​ങ്കിൽ അവയുടെ വളർച്ച അതോടെ നിലയ്‌ക്കും. അതു​കൊ​ണ്ടാണ്‌ പുൽത്ത​കി​ടി കൂടെ​ക്കൂ​ടെ വെട്ടി​മി​നു​ക്കു​മ്പോൾ, അതു കൂടുതൽ ഇടതൂർന്ന്‌ മനോ​ഹ​ര​മാ​യി തീരു​ന്നത്‌. കാരണം, അത്‌ കൂട്ടത്തി​ലെ മറ്റു ചെടി​ക​ളു​ടെ വളർച്ച മുരടി​പ്പി​ച്ചു​കൊണ്ട്‌ പുല്ലിന്റെ വളർച്ചയെ ത്വരി​ത​പ്പെ​ടു​ത്തു​ന്നു.

കൂടാതെ, മിക്ക പുൽച്ചെ​ടി​ക​ളു​ടെ​യും കാര്യ​ത്തിൽ അവയുടെ തണ്ട്‌ കാറ്റേറ്റു വളഞ്ഞു​പോ​കു​ക​യോ ചവി​ട്ടേൽക്കു​ക​യോ ചെയ്‌താൽ, നിലത്തിന്‌ അഭിമു​ഖ​മാ​യി നിൽക്കുന്ന വശം കൂടുതൽ വേഗത്തിൽ വളരു​ക​യും അങ്ങനെ തണ്ടു വീണ്ടും നിവർന്നു​വ​രി​ക​യും ചെയ്യും. ഇക്കാര​ണ​ങ്ങ​ളാൽ പുൽച്ചെ​ടി​ക്കു കേടു​പ​റ്റി​യാ​ലും സാധാ​ര​ണ​ഗ​തി​യിൽ അതു പെട്ടെ​ന്നു​തന്നെ പൂർവ​സ്ഥി​തി പ്രാപി​ക്കും, ഇതാകട്ടെ, സൂര്യ​പ്ര​കാ​ശ​ത്തി​നു വേണ്ടി​യുള്ള പോരാ​ട്ട​ത്തിൽ മറ്റു സസ്യങ്ങളെ കടത്തി​വെ​ട്ടാൻ അതിനെ സഹായി​ക്കു​ന്നു. പുല്ല്‌ ഇത്ര​യേറെ കരുത്തുറ്റ ഒരു ചെടി​യാ​യ​തിൽ നമുക്കു സന്തോ​ഷി​ക്കാം. കാരണം അതിനെ ആശ്രയി​ച്ചാ​ണ​ല്ലോ നമ്മൾ ജീവി​ക്കു​ന്നത്‌.

ബഹുമു​ഖോ​പ​യോ​ഗ​മുള്ള ഒരു സസ്യം

പുല്ല്‌ ഏറ്റവും വ്യാപ​ക​മാ​യി കാണ​പ്പെ​ടുന്ന ഒരു സസ്യമാ​ണെന്നു മാത്രമല്ല, ഭൂമു​ഖ​ത്തുള്ള, പൂവണി​യുന്ന സസ്യങ്ങ​ളു​ടെ കുടും​ബ​ങ്ങ​ളിൽ ഏറ്റവും പ്രധാ​ന​പ്പെ​ട്ട​തും കൂടെ​യാണ്‌. പുല്ല്‌ നമ്മുടെ ആഹാര​ത്തി​ന്റെ അടിസ്ഥാ​ന​മാ​ണെന്ന്‌ ഒരു സസ്യശാ​സ്‌ത്രജ്ഞൻ പറയു​ക​യു​ണ്ടാ​യി. “മനുഷ്യ​വർഗത്തെ ക്ഷാമത്തിൽനി​ന്നു സംരക്ഷി​ക്കുന്ന ഒരു അണക്കെ​ട്ടു​പോ​ലെ”യാണ്‌ അത്‌. ഇന്നു നിങ്ങൾ എന്തൊ​ക്കെ​യാ​ണു കഴിച്ച​തെന്ന്‌ ഒന്നോർത്തു നോക്കൂ. പ്രഭാ​ത​ഭ​ക്ഷ​ണ​ത്തിന്‌ ചാമയോ ഓട്‌സോ പഞ്ഞപ്പു​ല്ലോ കൊണ്ടുള്ള കുറുക്ക്‌ ആണോ നിങ്ങൾ കഴിച്ചത്‌? എങ്കിൽ നിങ്ങളു​ടെ ഭക്ഷണം പുല്ലിന്റെ വിത്തു​ക​ളാ​യി​രു​ന്നു. അല്ലെങ്കിൽ ഒരുപക്ഷേ നിങ്ങൾ അപ്പമോ റൊട്ടി​യോ ആയിരി​ക്കാം കഴിച്ചത്‌. അതിന്‌ ഉപയോ​ഗിച്ച മാവും പുല്ലിന്റെ വിത്തിൽനി​ന്നു തയ്യാറാ​ക്കി​യ​താണ്‌—അരി, ഗോതമ്പ്‌, വരക്‌, ബാർളി തുടങ്ങിയ ധാന്യ​ങ്ങ​ളെ​ല്ലാം പുൽവർഗ​ത്തിൽ പെട്ടവ​യാണ്‌. കോൺഫ്‌ളേ​ക്‌സും കോൺ പുഡി​ങ്ങും ടോർട്ടി​യ​യു​മൊ​ക്കെ ഉണ്ടാക്കാൻ ഉപയോ​ഗി​ക്കുന്ന ചോള​വും നിങ്ങൾ ഊഹി​ച്ച​തു​പോ​ലെ​തന്നെ പുൽവർഗം​തന്നെ. പഞ്ചസാ​ര​യിട്ട ചായയോ കാപ്പി​യോ നിങ്ങൾ ഇന്ന്‌ കുടി​ക്കു​ക​യു​ണ്ടാ​യോ? പഞ്ചസാ​ര​യു​ടെ പകുതി​യി​ല​ധി​ക​വും ഉത്‌പാ​ദി​പ്പി​ക്ക​പ്പെ​ടു​ന്നത്‌ ഒരു പുൽച്ചെ​ടി​യായ കരിമ്പിൽനി​ന്നാണ്‌. പാലും പാൽക്ക​ട്ടി​യും പോലും ഒരർഥ​ത്തിൽ പുല്ലിൽനിന്ന്‌, ഉപാപചയ പ്രവർത്ത​ന​ത്തി​ലൂ​ടെ ലഭിക്കുന്ന ഉത്‌പ​ന്ന​ങ്ങ​ളാണ്‌, കാരണം പശുക്ക​ളു​ടെ​യും ആടുക​ളു​ടെ​യു​മൊ​ക്കെ ആഹാര​മാണ്‌ അത്‌.

ഇനി നിങ്ങളു​ടെ ഉച്ചഭക്ഷ​ണത്തെ കുറിച്ചു ചിന്തി​ക്കുക. ചോറും ചപ്പാത്തി​യും ഉണ്ടാക്കാൻ ഉപയോ​ഗി​ക്കുന്ന അരിയും ഗോത​മ്പും പുല്ലു​ത്‌പ​ന്ന​മാണ്‌. കോഴി​ക്കും മറ്റും സാധാരണ തീറ്റയാ​യി കൊടു​ക്കു​ന്നതു ധാന്യ​മാണ്‌. കന്നുകാ​ലി​കൾക്കു പലതരം പുല്ലുകൾ തിന്നാൻ കൊടു​ക്കു​ന്നു. അതു​കൊണ്ട്‌, വലി​യൊ​ര​ള​വു​വരെ നാം ഭക്ഷിക്കുന്ന മുട്ടയും കോഴി​യി​റ​ച്ചി​യും മാട്ടി​റ​ച്ചി​യു​മൊ​ക്കെ ഒരു ജീവി​യു​ടെ ഉപാപ​ച​യ​ത്താൽ പുല്ല്‌ പരിവർത്തന പ്രകി​യ​കൾക്കു വിധേ​യ​മാ​കു​ന്ന​തി​ന്റെ ഫലമായി ലഭിക്കു​ന്ന​വ​യാണ്‌. കൂടാതെ, നിങ്ങൾക്കു പുല്ലു കുടി​ക്കാ​നും കഴിയും. പാലിനു പുറമേ, ജനപ്രീ​തി​യാർജിച്ച പല ലഹരി​പാ​നീ​യ​ങ്ങ​ളും പുല്ലിൽനി​ന്നു തയ്യാറാ​ക്കു​ന്ന​വ​യാണ്‌: ബിയർ, വിസ്‌ക്കി, റം, സാക്കി, കവാസ്‌, വോഡ്‌ക​യിൽ മിക്കവ​യും എല്ലാം അതിന്‌ ഉദാഹ​ര​ണ​ങ്ങ​ളാണ്‌.

നിങ്ങളു​ടെ ഇഷ്ടഭക്ഷ​ണത്തെ പരാമർശി​ച്ചി​ല്ലെന്നു വെച്ച്‌ വിഷമം തോന്ന​രു​തേ, പുല്ലിൽനി​ന്നു തയ്യാറാ​ക്കുന്ന എല്ലാ ആഹാര​സാ​ധ​ന​ങ്ങ​ളു​ടെ​യും ഒരു പട്ടിക ഉണ്ടാക്കാ​മെന്നു വെച്ചാൽ അതു നടക്കുന്ന കാര്യമല്ല. ലോക​വ്യാ​പ​ക​മാ​യി ഉപയോ​ഗി​ച്ചു​തീർക്കുന്ന കലോ​റി​ക​ളിൽ പകുതി​യി​ല​ധി​ക​വും പുല്ലിൽനി​ന്നു വരുന്ന​താ​ണെന്നു ചില കണക്കുകൾ പ്രകട​മാ​ക്കു​ന്നു. അതിൽ അതിശ​യി​ക്കാ​നില്ല, കാരണം ലോക​ത്തി​ലെ മൊത്തം കൃഷി​സ്ഥ​ല​ത്തി​ന്റെ 70 ശതമാ​നം​വരെ പുല്ല്‌ കയ്യടക്കി വെച്ചി​രി​ക്കു​ക​യല്ലേ!

പുല്ലിന്റെ ഉപയോ​ഗം ഭക്ഷ്യരം​ഗത്തു മാത്രം ഒതുങ്ങി​നിൽക്കു​ന്നില്ല. നിങ്ങളു​ടെ വീടിന്റെ ചുവരു​കൾ കളിമ​ണ്ണും വൈ​ക്കോ​ലും കൊണ്ടു പണിതി​രി​ക്കു​ന്ന​താ​ണോ? എങ്കിൽ അതിന്‌ ആവശ്യ​മായ ഉറപ്പു നൽകു​ന്നതു പുല്ലാണ്‌. ലോക​ത്തിൽ പലയി​ട​ങ്ങ​ളി​ലും വീടു​ക​ളു​ടെ മേൽക്കൂ​രകൾ മേയു​ന്നത്‌ പുല്ല്‌ ഉപയോ​ഗി​ച്ചാണ്‌. തെക്കു​കി​ഴക്കൻ ഏഷ്യയിൽ കെട്ടി​ടം​പണി നടത്തു​ന്ന​വർക്ക്‌ കയറി​നി​ന്നു പണിയാ​നുള്ള ചട്ടക്കൂ​ടു​ക​ളും പൈപ്പു​ക​ളും ഫർണി​ച്ച​റും ചുവരു​ക​ളും മറ്റും നിർമി​ക്കു​ന്നത്‌ മുളയിൽനി​ന്നാണ്‌. പായയും കുട്ടയും നെയ്യു​ന്നത്‌ പുല്ല്‌ ഉപയോ​ഗി​ച്ചാണ്‌. പശയും കടലാ​സും നിർമി​ക്കാ​നുള്ള അസംസ്‌കൃത പദാർഥങ്ങൾ പ്രദാനം ചെയ്യു​ന്ന​തും പുല്ലു​തന്നെ. നിങ്ങളു​ടെ വസ്‌ത്ര​ത്തി​ന്റെ കാര്യ​വും മറക്കേണ്ട. നമുക്കു കമ്പിളി​യും തുകലും നൽകുന്ന മിക്ക മൃഗങ്ങ​ളു​ടെ​യും തീറ്റ പുല്ലാണ്‌. അരുൻഡോ ഡൊണാ​ക്‌സ്‌ എന്ന സ്‌പീ​ഷീ​സിൽപ്പെട്ട പുല്ലു​കൊ​ണ്ടാണ്‌ ക്ലാരി​നറ്റ്‌ പോലുള്ള സുഷി​ര​വാ​ദ്യ​ങ്ങ​ളു​ടെ റീഡ്‌ നിർമി​ക്കു​ന്നത്‌, ഈ പ്രകൃ​തി​ദത്ത റീഡിനു പകരം നിൽക്കാ​വുന്ന മറ്റൊ​ന്നും ഇതുവരെ കണ്ടെത്താൻ കഴിഞ്ഞി​ട്ടില്ല.

പുല്ല്‌ ഭൂമു​ഖ​ത്തി​ന്റെ നല്ലൊരു ഭാഗത്തെ അലങ്കരി​ക്കു​ന്നു. ഹരിതാ​ഭ​മായ ഒരു പുൽപ്പു​റം അല്ലെങ്കിൽ ഭംഗി​യാ​യി സൂക്ഷി​ച്ചി​രി​ക്കുന്ന ഒരു പുൽത്ത​കി​ടി—കണ്ണിനും മനസ്സി​നും ഒരു​പോ​ലെ കുളിർമ​യേ​കുന്ന സുന്ദര ദൃശ്യ​മല്ലേ അത്‌! ഭൂമി​യിൽ വളരുന്ന പച്ച സസ്യങ്ങ​ളിൽ ഒരു വലിയ ഭാഗവും പുൽവർഗ​മാ​യ​തി​നാൽ ഓക്‌സി​ജൻ പ്രദാനം ചെയ്യു​ന്ന​തിൽ പുല്ല്‌ ഒരു സുപ്ര​ധാന പങ്കുവ​ഹി​ക്കു​ന്നു. അതിന്റെ നാരു​പോ​ലെ​യുള്ള നേർത്ത വേരുകൾ മണ്ണൊ​ലി​പ്പു തടയുന്നു. പുല്ലിന്റെ ബഹുമു​ഖോ​പ​യോ​ഗം കണക്കി​ലെ​ടു​ക്കു​മ്പോൾ ദീർഘ​കാ​ലം മുമ്പു​തന്നെ അതു കൃഷി ചെയ്യ​പ്പെ​ടു​ക​യും ഉപയോ​ഗി​ക്ക​പ്പെ​ടു​ക​യും ചെയ്‌തി​രു​ന്നു എന്നതിൽ നമുക്ക്‌ അതിശയം തോന്നു​ക​യില്ല.

പുല്ലിന്റെ ചരിത്രം

പുല്ലിനെ കുറി​ച്ചുള്ള ആദ്യ പരാമർശം നാം കാണു​ന്നതു ബൈബി​ളി​ലെ സൃഷ്ടി​പ്പിൻ വിവര​ണ​ത്തി​ലാണ്‌. മൂന്നാ​മത്തെ സൃഷ്ടി​പ്പിൻ ദിവസം, ‘ഭൂമി​യിൽനി​ന്നു പുല്ല്‌ മുളെ​ച്ചു​വ​രട്ടെ’ എന്നു ദൈവം പറഞ്ഞതാ​യി നാം വായി​ക്കു​ന്നു. (ഉല്‌പത്തി 1:11)a എല്ലാ വൻ സംസ്‌കാ​ര​ങ്ങ​ളും പുല്ലിന്റെ ഏതെങ്കി​ലും ഇനങ്ങളെ ആശ്രയി​ച്ചി​ട്ടുണ്ട്‌. ഉദാഹ​ര​ണ​ത്തിന്‌, ഈജി​പ്‌തു​കാ​രു​ടെ​യും ഗ്രീക്കു​കാ​രു​ടെ​യും റോമാ​ക്കാ​രു​ടെ​യും പ്രധാന ഭക്ഷണം ഗോത​മ്പും ബാർളി​യു​മാ​യി​രു​ന്നു. ചൈന​ക്കാ​രു​ടേത്‌ ചാമയും അരിയും; സിന്ധു​ന​ദീ​ത​ട​ത്തിൽ ജീവി​ച്ചി​രു​ന്ന​വ​രു​ടേത്‌ ഗോത​മ്പും ബാർളി​യും ചാമയു​മാ​യി​രു​ന്നു. മൈയ​ക​ളു​ടെ​യും ആസ്റ്റക്കു​കാ​രു​ടെ​യും ഇങ്കകളു​ടെ​യും പ്രധാന ഭക്ഷണം ചോള​മാ​യി​രു​ന്നു. നോ​ക്കെത്താ ദൂര​ത്തേക്കു വ്യാപി​ച്ചു കിടന്നി​രുന്ന സ്റ്റെപ്പി പുൽപ്പു​റങ്ങൾ, മംഗോൾ കുതി​ര​പ്പ​ട​ക​ളി​ലെ കുതി​ര​കൾക്കു​വേണ്ട പുല്ലു പ്രദാനം ചെയ്‌തു. അതേ, പുല്ല്‌ എല്ലാ കാലങ്ങ​ളി​ലും മനുഷ്യ​വർഗ​ത്തി​ന്റെ ജീവി​ത​ത്തിൽ വലിയ പ്രാധാ​ന്യം വഹിച്ചി​ട്ടുണ്ട്‌.

ഇനി എപ്പോ​ഴെ​ങ്കി​ലും നിങ്ങൾ കാറ്റത്ത്‌ ഉലയുന്ന ഒരു നെൽപ്പാ​ട​മോ ഹരിത​മ​നോ​ഹ​ര​മായ പുൽത്ത​കി​ടി​യോ അതുമ​ല്ലെ​ങ്കിൽ വഴി​യോ​രത്തു വളർന്നു നിൽക്കുന്ന പുൽക്കൊ​ടി​ക​ളോ കാണു​ക​യാ​ണെ​ന്നി​രി​ക്കട്ടെ. വിസ്‌മയം ജനിപ്പി​ക്കുന്ന, ബഹുമു​ഖോ​പ​യോ​ഗ​ത്തി​ന്റെ കാര്യ​ത്തിൽ മറ്റെല്ലാ​റ്റി​നെ​ക്കാ​ളും മികച്ചു​നിൽക്കുന്ന ഈ സസ്യകു​ടും​ബത്തെ പറ്റി ഒരു നിമിഷം ഒന്നു ചിന്തി​ക്കാൻ നിങ്ങൾ സമയ​മെ​ടു​ക്കി​ല്ലേ? സങ്കീർത്ത​ന​ക്കാ​രനെ പോലെ അതിന്റെ മഹാ രൂപര​ച​യി​താ​വായ യഹോ​വ​യാം ദൈവ​ത്തിന്‌ കൃതജ്ഞത നൽകാൻ നിങ്ങളും പ്രേരി​ത​രാ​യേ​ക്കാം. സങ്കീർത്ത​ന​ക്കാ​രൻ ഇങ്ങനെ പാടി: “എന്റെ ദൈവ​മായ യഹോവേ, നീ ഏററവും വലിയവൻ; . . . അവൻ മൃഗങ്ങൾക്കു പുല്ലും മനുഷ്യ​ന്റെ ഉപയോ​ഗ​ത്തി​ന്നാ​യി സസ്യവും മുളെ​പ്പി​ക്കു​ന്നു; അവൻ ഭൂമി​യിൽനി​ന്നു ആഹാര​വും . . . ഉത്ഭവി​പ്പി​ക്കു​ന്നു. . . . യഹോ​വയെ സ്‌തു​തി​പ്പിൻ.”—സങ്കീർത്തനം 104:1, 14, 15, 31-35. (g02 6/8)

[അടിക്കു​റിപ്പ്‌]

[22, 23 പേജു​ക​ളി​ലെ രേഖാ​ചി​ത്രം/ചിത്രങ്ങൾ]

(പൂർണ​രൂ​പ​ത്തിൽ കാണു​ന്ന​തിന്‌ പ്രസി​ദ്ധീ​ക​രണം നോക്കുക)

പുൽച്ചെടികളുടെ ഘടന

പുല്ലിന്റെ പൂക്കളു​ടെ പ്രധാന രൂപങ്ങൾ

പ്രകീലം

സ്‌തൂ​പ​മ​ഞ്‌ജ​രി

പാനി​ക്കിൾ

വേരുപടലം

പോള

പത്രപാളി

തണ്ട്‌

പർവസന്ധി

[24-ാം പേജിലെ ചിത്രങ്ങൾ]

ഇന്നു നിങ്ങൾ പുല്ലു ഭക്ഷിച്ചോ?

[24-ാം പേജിലെ ചിത്രങ്ങൾ]

അല്ലെങ്കിൽ കുടി​ച്ചോ?

[24-ാം പേജിലെ ചിത്രങ്ങൾ]

അവയും പുല്ലു തിന്നു ജീവി​ക്കു​ന്നു

[24-ാം പേജിലെ ചിത്രങ്ങൾ]

നിങ്ങൾക്ക്‌ അതു​കൊണ്ട്‌ ഉണ്ടാക്കിയ ഒരു വീട്ടിൽ താമസി​ക്കാ​നും കഴിയും