രോഗ​വു​മാ​യുള്ള പോരാ​ട്ട​ത്തി​ലെ ജയാപ​ജ​യ​ങ്ങൾ

രോഗി മരിക്കാ​റാ​യെന്ന്‌ ഡോ. അലക്‌സാ​ണ്ടർ ഫ്‌ളെ​മിം​ഗി​നു മനസ്സി​ലാ​യി. 1942 ആഗസ്റ്റ്‌ 5-നായി​രു​ന്നു ഇത്‌. അദ്ദേഹ​ത്തി​ന്റെ സുഹൃ​ത്താ​യി​രുന്ന ആ 52-കാരന്‌ സ്‌​പൈനൽ മെനിൻ​ജൈ​റ്റിസ്‌ പിടി​പെ​ട്ടി​രു​ന്നു. ഫ്‌ളെ​മിംഗ്‌ കിണഞ്ഞു ശ്രമി​ച്ചി​ട്ടും അയാൾ അബോ​ധാ​വ​സ്ഥ​യി​ലാ​യി.

അതിനു പതിനഞ്ചു വർഷങ്ങൾക്കു മുമ്പ്‌ ഒരിക്കൽ പരീക്ഷ​ണ​ങ്ങൾക്കി​ടെ ഫ്‌ളെ​മിംഗ്‌ അവിചാ​രി​ത​മാ​യി, ഒരു സവിശേഷ വസ്‌തു കണ്ടെത്തു​ക​യു​ണ്ടാ​യി, നീലി​മ​ക​ലർന്ന പച്ചനി​റ​മുള്ള ഒരുതരം പൂപ്പലാ​യി​രു​ന്നു അതിനെ ഉത്‌പാ​ദി​പ്പി​ച്ചത്‌. അദ്ദേഹം അതിനെ പെനി​സി​ലിൻ എന്നു വിളിച്ചു. അതിനു ബാക്ടീ​രി​യയെ കൊല്ലാ​നുള്ള ശക്തിയു​ള്ള​താ​യി അദ്ദേഹം മനസ്സി​ലാ​ക്കി. എന്നാൽ പെനി​സി​ലി​നെ മാത്ര​മാ​യി വേർതി​രി​ച്ചെ​ടു​ക്കാൻ അദ്ദേഹ​ത്തി​നു കഴിഞ്ഞില്ല, ഒരു അണുനാ​ശി​നി എന്ന രീതി​യിൽ മാത്ര​മാണ്‌ അദ്ദേഹം അതു പരീക്ഷി​ച്ചത്‌. എന്നാൽ, 1938-ൽ ഓക്‌സ്‌ഫോർഡ്‌ സർവക​ലാ​ശാ​ല​യി​ലെ ഹോവാർഡ്‌ ഫ്‌ളോ​റി​യും സംഘവും മനുഷ്യ​രിൽ പരീക്ഷി​ക്കു​ന്ന​തി​നാ​യി വേണ്ടത്ര പെനി​സി​ലിൻ ഉത്‌പാ​ദി​പ്പി​ക്കാ​നുള്ള ഒരു വെല്ലു​വി​ളി ഏറ്റെടു​ത്തി​രു​ന്നു. ഫ്‌ളെ​മിംഗ്‌, ഫ്‌ളോ​റി​യെ ഫോണിൽ വിളിച്ചു, കൈവ​ശ​മുള്ള പെനി​സി​ലിൻ മുഴു​വ​നും എത്തിച്ചു​ത​രാ​മെന്ന്‌ ഫ്‌ളോ​റി സമ്മതിച്ചു. തന്റെ സുഹൃ​ത്തി​നെ രക്ഷിക്കാ​നുള്ള ഫ്‌ളെ​മിം​ഗി​ന്റെ അവസാന ശ്രമമാ​യി​രു​ന്നു ഇത്‌.

പേശി​ക​ളി​ലൂ​ടെ നൽകിയ കുത്തി​വെപ്പ്‌ ഫലകര​മ​ല്ലെന്നു തെളിഞ്ഞു. അതു​കൊണ്ട്‌ അദ്ദേഹം നട്ടെല്ലി​ലേക്കു നേരിട്ട്‌ പെനി​സി​ലിൻ കുത്തി​വെച്ചു. അതു ഫലം കണ്ടു, പെനി​സി​ലിൻ സൂക്ഷ്‌മാ​ണു​ക്കളെ നശിപ്പി​ച്ചു, ഒരാഴ്‌ച​യും ഏതാനും ദിവസ​വും​കൊണ്ട്‌ ഫ്‌ളെ​മിം​ഗി​ന്റെ രോഗി പൂർണ​മാ​യും രോഗ​വി​മു​ക്ത​നാ​യി ആശുപ​ത്രി വിട്ടു. അങ്ങനെ, ആന്റിബ​യോ​ട്ടി​ക്കു​ക​ളു​ടെ പുതു​യു​ഗം പിറന്നു. രോഗ​ങ്ങ​ളു​മാ​യുള്ള മാനവ​രാ​ശി​യു​ടെ പോരാ​ട്ട​ത്തി​ലെ ഒരു നാഴി​ക​ക്ക​ല്ലാ​യി​രു​ന്നു അത്‌.

ആന്റിബ​യോ​ട്ടി​ക്കു​ക​ളു​ടെ യുഗം

ആന്റിബ​യോ​ട്ടി​ക്കു​കൾ രംഗ​പ്ര​വേശം ചെയ്‌ത സമയത്ത്‌ അവയെ അത്ഭുത മരുന്നു​ക​ളാ​യി കരുതി​യി​രു​ന്നു. അന്നുവരെ ചികി​ത്സി​ച്ചു ഭേദമാ​ക്കുക സാധ്യ​മ​ല്ലാ​തി​രുന്ന ബാക്ടീ​രിയ, ഫംഗസ്‌, മറ്റു സൂക്ഷ്‌മാ​ണു​ക്കൾ എന്നിവ മൂലമു​ണ്ടാ​കുന്ന രോഗ​ബാ​ധയെ ഇനി വിജയ​ക​ര​മാ​യി ചികി​ത്സി​ക്കാൻ കഴിയു​മെ​ന്നാ​യി. മെനിൻ​ജൈ​റ്റിസ്‌, ന്യൂ​മോ​ണിയ, സ്‌കാർലറ്റ്‌ പനി തുടങ്ങി​യവ മൂലമു​ണ്ടാ​കുന്ന മരണങ്ങൾ അതിശ​യ​ക​ര​മാം​വി​ധം കുറയ്‌ക്കാൻ പുതിയ മരുന്നു​കൾ കാരണ​മാ​യി. ആശുപ​ത്രി​യിൽ വെച്ച്‌ ഉണ്ടാകുന്ന അണുബാധ മുമ്പൊ​ക്കെ മരണകരം ആയിരു​ന്നെ​ങ്കിൽ പുതിയ മരുന്നു​ക​ളു​ടെ ആവിർഭാ​വ​ത്തോ​ടെ ഏതാനും ദിവസ​ങ്ങൾകൊണ്ട്‌ അതു ഭേദമാ​ക്കാൻ കഴിഞ്ഞു.

ഫ്‌ളെ​മിം​ഗി​ന്റെ കാലം മുതൽ ഇങ്ങോട്ട്‌ ഗവേഷകർ ഒട്ടനവധി ആന്റിബ​യോ​ട്ടി​ക്കു​കൾ വികസി​പ്പി​ച്ചെ​ടു​ത്തി​രി​ക്കു​ന്നു, പുതി​യ​വ​യ്‌ക്കു വേണ്ടി​യുള്ള ഗവേഷണം തുടരു​ക​യും ചെയ്യുന്നു. കഴിഞ്ഞ 60 വർഷക്കാ​ല​മാ​യി രോഗ​വു​മാ​യുള്ള പോരാ​ട്ട​ത്തിൽ ഒഴിച്ചു​കൂ​ടാ​നാ​വാത്ത ആയുധ​മാ​യി ആന്റിബ​യോ​ട്ടി​ക്കു​കൾ മാറി​യി​രി​ക്കു​ന്നു. ജോർജ്‌ വാഷി​ങ്‌ടൺ ഇന്നാണു ജീവി​ച്ചി​രു​ന്ന​തെ​ങ്കിൽ ഡോക്ടർമാർ നിസ്സം​ശ​യ​മാ​യും അദ്ദേഹ​ത്തി​ന്റെ തൊണ്ട​വേ​ദ​ന​യ്‌ക്ക്‌ ആന്റിബ​യോ​ട്ടിക്ക്‌ നൽകു​മാ​യി​രു​ന്നു. ഏതാണ്ട്‌ ഒരാഴ്‌ച​കൊണ്ട്‌ അദ്ദേഹം സുഖം പ്രാപി​ക്കു​ക​യും ചെയ്‌തേനെ. നാം എല്ലാവ​രും​തന്നെ ഏതെങ്കി​ലും വിധത്തി​ലുള്ള രോഗ​ബാ​ധ​യിൽനി​ന്നു മോചനം നേടാൻ ആന്റിബ​യോ​ട്ടി​ക്കു​ക​ളു​ടെ സഹായം സ്വീക​രി​ച്ചി​ട്ടു​ള്ള​വ​രാണ്‌. എന്നിരു​ന്നാ​ലും, ഈ മരുന്നു​കൾക്ക്‌ ചില പോരാ​യ്‌മ​ക​ളും ഉണ്ടെന്നുള്ള കാര്യം വ്യക്തമാ​യി​രി​ക്കു​ന്നു.

ആന്റിബ​യോ​ട്ടി​ക്കു​കൾ കൊണ്ടുള്ള ചികിത്സ വൈറ​സു​കൾ മൂലമു​ണ്ടാ​കുന്ന എയ്‌ഡ്‌സ്‌, ഇൻഫ്‌ളു​വൻസ എന്നിവ പോലുള്ള രോഗ​ങ്ങൾക്ക്‌ ഫലപ്ര​ദമല്ല. അതുമാ​ത്രമല്ല, ചിലർക്ക്‌ ചില ആന്റിബ​യോ​ട്ടി​ക്കു​ക​ളോട്‌ അലർജി​യു​മുണ്ട്‌. അതു​പോ​ലെ പലതരം സൂക്ഷ്‌മാ​ണു​ക്കളെ നശിപ്പി​ക്കാൻ കഴിവുള്ള ആന്റിബ​യോ​ട്ടി​ക്കു​കൾ കഴിക്കു​ന്നത്‌ നമ്മുടെ ശരീര​ത്തി​ലുള്ള ഉപകാ​രി​ക​ളായ സൂക്ഷ്‌മ​ജീ​വി​ക​ളെ​യും ഇല്ലാതാ​ക്കാൻ ഇടയാ​ക്കി​യേ​ക്കാം. എന്നാൽ ആന്റിബ​യോ​ട്ടി​ക്കു​ക​ളോ​ടു ബന്ധപ്പെ​ട്ടുള്ള ഏറ്റവും ഗുരു​ത​ര​മായ പ്രശ്‌നം അവ വേണ്ടത്ര അളവിൽ ഉപയോ​ഗി​ക്കാ​തി​രി​ക്കു​ക​യോ അമിത​മാ​യി ഉപയോ​ഗി​ക്കു​ക​യോ ചെയ്യു​ന്ന​താണ്‌ എന്നു തോന്നു​ന്നു.

രോഗ​ശ​മ​നം ഉണ്ടാകു​ന്ന​തു​കൊ​ണ്ടോ ചികിത്സ ദീർഘി​ച്ചത്‌ ആയതി​നാ​ലോ തുടർന്നു മരുന്നു കഴിക്കാ​തി​രു​ന്നു​കൊണ്ട്‌ ഡോക്ടർ നിർദേ​ശിച്ച ആന്റിബ​യോ​ട്ടിക്‌ ചികിത്സ രോഗി പൂർത്തി​യാ​ക്കാ​തി​രു​ന്നേ​ക്കാം. ഇങ്ങനെ വരു​മ്പോൾ ആന്റിബ​യോ​ട്ടി​ക്കു​കൾ വേണ്ടത്ര അളവിൽ രോഗി​യു​ടെ ഉള്ളി​ലേക്കു ചെല്ലു​ന്നില്ല. ഫലമോ? ആക്രമ​ണ​കാ​രി​ക​ളായ ബാക്ടീ​രി​യയെ പൂർണ​മാ​യി നശിപ്പി​ക്കാൻ ആന്റിബ​യോ​ട്ടി​ക്കി​നു കഴി​ഞ്ഞെ​ന്നു​വ​രില്ല. ഇതേത്തു​ടർന്ന്‌, ശരീര​ത്തി​ലുള്ള രോഗ​കാ​രി​കൾ പ്രതി​രോ​ധ​ശേഷി ആർജി​ക്കാ​നും പെരു​കാ​നും അതു കളമൊ​രു​ക്കു​ന്നു. ക്ഷയരോ​ഗ​ത്തി​നുള്ള ചികി​ത്സ​യിൽ പലപ്പോ​ഴും അങ്ങനെ സംഭവി​ച്ചി​ട്ടുണ്ട്‌.

പുതു​താ​യി രംഗ​പ്ര​വേശം ചെയ്‌ത ഈ മരുന്നു​ക​ളു​ടെ അമിത ഉപയോ​ഗ​ത്തിന്‌ പല ഡോക്ടർമാ​രും കർഷക​രും കുറ്റക്കാ​രാണ്‌. “ഐക്യ​നാ​ടു​ക​ളിൽ ഡോക്ടർമാർ അനാവ​ശ്യ​മാ​യി ആന്റിബ​യോ​ട്ടി​ക്കു​കൾ കുറി​ച്ചു​കൊ​ടു​ക്കാ​റുണ്ട്‌. മറ്റ്‌ അനേകം രാജ്യ​ങ്ങ​ളിൽ ഇതിലും വിവേ​ച​നാ​ര​ഹി​ത​മാ​യി അവ ഉപയോ​ഗി​ച്ചു​വ​രു​ന്നു,” മനുഷ്യ​നും സൂക്ഷ്‌മാ​ണു​ക്ക​ളും എന്ന പുസ്‌തകം വിശദീ​ക​രി​ക്കു​ന്നു. “ഈ മരുന്നു​കൾ ഭീമമായ അളവിൽ കന്നുകാ​ലി​കളെ തീറ്റി​ക്കു​ന്നു, അവയുടെ രോഗം ഭേദമാ​ക്കാ​നല്ല മറിച്ച്‌ വളർച്ചയെ ത്വരി​ത​പ്പെ​ടു​ത്താൻവേണ്ടി. സൂക്ഷ്‌മാ​ണു​ക്കൾ പ്രതി​രോ​ധ​ശേഷി ആർജി​ച്ചെ​ടു​ക്കു​ന്ന​തി​ന്റെ ഒരു പ്രധാന കാരണ​മാണ്‌ ഇത്‌.” ഫലമോ? “നമ്മുടെ പക്കൽ പുതിയ പുതിയ ആന്റിബ​യോ​ട്ടി​ക്കു​കൾ എല്ലായ്‌പോ​ഴും ഉണ്ടായി​രി​ക്ക​ണ​മെ​ന്നില്ല” എന്ന്‌ പ്രസ്‌തുത പുസ്‌തകം മുന്നറി​യി​പ്പു നൽകുന്നു.

എന്നാൽ ആന്റിബ​യോ​ട്ടി​ക്കി​നെ പ്രതി​രോ​ധി​ക്കുന്ന രോഗാ​ണു​ക്കളെ കുറി​ച്ചുള്ള ഭയാശ​ങ്കകൾ ഒഴിച്ചു​നി​റു​ത്തി​യാൽ 20-ാം നൂറ്റാ​ണ്ടി​ന്റെ രണ്ടാം പകുതി വൈദ്യ​ശാ​സ്‌ത്ര​ത്തി​ന്റെ വിജയ​ഗാ​ഥ​ക​ളു​ടെ കാലമാ​യി​രു​ന്നു. ഏതാണ്ട്‌ എല്ലാത്തരം രോഗ​ങ്ങ​ളോ​ടും പൊരു​താ​നുള്ള ഔഷധങ്ങൾ കണ്ടെത്താൻ വൈദ്യ​ശാ​സ്‌ത്ര ഗവേഷകർ പ്രാപ്‌ത​രാ​യി​രി​ക്കു​ന്ന​തു​പോ​ലെ കാണ​പ്പെട്ടു. വാക്‌സി​നു​കൾ ആവിഷ്‌ക​രി​ക്ക​പ്പെ​ട്ട​തോ​ടെ രോഗം വരാതെ തടയാൻ കഴിയു​മെന്ന അവസ്ഥയും സംജാ​ത​മാ​യി.

വൈദ്യ​ശാ​സ്‌ത്ര​ത്തി​ന്റെ വിജയ​ഗാ​ഥ​കൾ

“പൊതു​ജ​നാ​രോ​ഗ്യ​ത്തി​ന്റെ ചരി​ത്ര​ത്തിൽ നേടാൻ കഴിഞ്ഞി​ട്ടുള്ള ഏറ്റവും വലിയ വിജയ​മാണ്‌ രോഗ​പ്ര​തി​രോ​ധം” എന്ന്‌ ലോകാ​രോ​ഗ്യ റിപ്പോർട്ട്‌ 1999 (ഇംഗ്ലീഷ്‌) പ്രസ്‌താ​വി​ക്കു​ന്നു. ലോക​മൊ​ട്ടാ​കെ​യുള്ള ബൃഹത്തായ രോഗ​പ്ര​തി​രോധ പ്രചാരണ പരിപാ​ടി​കൾ, ഇപ്പോൾത്തന്നെ കോടി​ക്ക​ണ​ക്കിന്‌ ആളുക​ളു​ടെ ജീവൻ രക്ഷിച്ചി​രി​ക്കു​ന്നു. ഗോള​മെ​മ്പാ​ടു​മുള്ള പ്രതി​രോധ കുത്തി​വെപ്പു പരിപാ​ടി വസൂരി​യെ ഉന്മൂലനം ചെയ്‌തി​രി​ക്കു​ന്നു—20-ാം നൂറ്റാ​ണ്ടി​ലെ എല്ലാ യുദ്ധങ്ങ​ളി​ലും​കൂ​ടെ പൊലി​ഞ്ഞ​തി​നെ​ക്കാൾ കൂടുതൽ മനുഷ്യ​ജീ​വൻ അപഹരിച്ച മാരക​രോ​ഗ​മാ​ണിത്‌. ഇതു​പോ​ലെ​യുള്ള ഒരു പ്രചാരണ പരിപാ​ടി​യി​ലൂ​ടെ പോളി​യോ​യും ഏതാണ്ട്‌ നിർമാർജനം ചെയ്യ​പ്പെ​ട്ടി​രി​ക്കു​ന്നു. (“വസൂരി​ക്കും പോളി​യോ​യ്‌ക്കും എതിരെ വിജയം​വ​രി​ക്കു​ന്നു” എന്ന ചതുരം കാണുക.) ജീവാ​പാ​യം വരുത്തുന്ന നിരവധി സാധാരണ രോഗ​ങ്ങ​ളിൽനി​ന്നുള്ള സംരക്ഷ​ണാർഥം ഒട്ടനവധി കുട്ടി​കൾക്ക്‌ ഇന്നു പ്രതി​രോധ കുത്തി​വെ​പ്പു​കൾ നൽകു​ന്നുണ്ട്‌.

ഇത്രയും ഒച്ചപ്പാ​ടും ബഹളവു​മൊ​ന്നും ഇല്ലാ​തെ​തന്നെ മറ്റു ചില രോഗ​ങ്ങ​ളെ​യും വരുതി​യിൽ കൊണ്ടു​വ​ന്നി​ട്ടുണ്ട്‌. ആവശ്യ​ത്തി​നു മാലി​ന്യ​നിർമാർജന സൗകര്യ​ങ്ങ​ളും സുരക്ഷി​ത​മായ ജലവി​ത​ര​ണ​വും ഉള്ള സ്ഥലങ്ങളിൽ വെള്ളത്തി​ലൂ​ടെ പകരുന്ന കോളറ പ്രശ്‌നം സൃഷ്ടി​ക്കു​ന്നതു വിരള​മാണ്‌. അനേകം ദേശങ്ങ​ളി​ലും ഡോക്ടർമാ​രും ആശുപ​ത്രി​ക​ളും കൂടു​ത​ലാ​യി ലഭ്യമാ​യ​തി​നാൽ മിക്ക രോഗ​ങ്ങ​ളും കണ്ടുപി​ടി​ക്കു​ന്ന​തി​നും അവ മാരക​മാ​കു​ന്ന​തി​നു മുമ്പു​തന്നെ ചികി​ത്സി​ക്കു​ന്ന​തി​നും കഴിയു​ന്നു. മെച്ചപ്പെട്ട ആഹാര ക്രമവും ജീവിത സാഹച​ര്യ​ങ്ങ​ളും, അതോ​ടൊ​പ്പം ഭക്ഷ്യവ​സ്‌തു​ക്കൾ ശേഖരി​ച്ചു​വെ​ക്കു​ന്ന​തി​നും കൈകാ​ര്യം ചെയ്യു​ന്ന​തി​നും ഏർപ്പെ​ടു​ത്തി​യി​ട്ടുള്ള നിയമ​ങ്ങ​ളും പൊതു​ജ​നാ​രോ​ഗ്യം മെച്ച​പ്പെ​ടു​ത്തു​ന്ന​തി​നു വഴി​തെ​ളി​ച്ചി​രി​ക്കു​ന്നു.

സാം​ക്ര​മി​ക രോഗ​ങ്ങ​ളു​ടെ കാരണം ശാസ്‌ത്രജ്ഞർ ഒരിക്കൽ കണ്ടുപി​ടി​ച്ചാൽ ഒരു പകർച്ച​വ്യാ​ധി പൊട്ടി​പ്പു​റ​പ്പെ​ടു​മ്പോൾത്തന്നെ അതിനു തടയി​ടു​ന്ന​തി​നുള്ള പ്രാ​യോ​ഗിക നടപടി​കൾ സ്വീക​രി​ക്കാൻ ആരോഗ്യ അധികൃ​തർക്ക്‌ സാധി​ക്കു​ന്നു. ഒരു ഉദാഹ​രണം പരിചി​ന്തി​ക്കുക. 1907-ൽ സാൻ ഫ്രാൻസി​സ്‌കോ​യിൽ പൊട്ടി​പ്പു​റ​പ്പെട്ട ബ്യൂ​ബോ​ണിക്‌ പ്ലേഗി​നാൽ വളരെ കുറച്ചു​പേർക്കേ ജീവഹാ​നി സംഭവി​ച്ചു​ള്ളൂ. കാരണം രോഗം പരത്തുന്ന ചെള്ളു​കളെ വഹിക്കുന്ന എലികളെ ഉന്മൂലനം ചെയ്യാ​നുള്ള വ്യാപ​ക​മായ നടപടി നഗരം ഉടനടി കൈ​ക്കൊ​ണ്ടു. നേരെ മറിച്ച്‌, 1896-ന്റെ തുടക്ക​ത്തിൽ ഇന്ത്യയിൽ പൊട്ടി​പ്പു​റ​പ്പെട്ട ഇതേ രോഗം തുടർന്നു​വന്ന 12 വർഷം​കൊണ്ട്‌ കൊ​ന്നൊ​ടു​ക്കി​യത്‌ ഒരു​കോ​ടി ആളുകളെ ആയിരു​ന്നു. ഈ ബാധയു​ടെ അടിസ്ഥാന കാരണം തിരി​ച്ച​റി​യാ​തെ പോയതു നിമി​ത്ത​മാ​യി​രു​ന്നു അത്‌.

രോഗ​ത്തോ​ടുള്ള പോരാ​ട്ട​ത്തി​ലെ പരാജ​യ​ങ്ങൾ

ഈ പോരാ​ട്ട​ത്തിൽ നിർണാ​യക വിജയങ്ങൾ നേടി​യി​ട്ടുണ്ട്‌ എന്നതു വ്യക്തമാണ്‌. എന്നാൽ, പൊതു​ജ​നാ​രോ​ഗ്യം പരിര​ക്ഷി​ക്കു​ന്ന​തിൽ നേടി​യി​ട്ടുള്ള ചില വിജയങ്ങൾ ലോക​ത്തി​ലെ സമ്പന്ന രാഷ്‌ട്ര​ങ്ങ​ളു​ടേതു മാത്ര​മാണ്‌. ചികി​ത്സി​ച്ചു ഭേദമാ​ക്കാൻ കഴിയുന്ന രോഗങ്ങൾ, ദരിദ്ര രാജ്യ​ങ്ങ​ളിൽ വേണ്ടത്ര ഫണ്ട്‌ ഇല്ല എന്ന കാരണ​ത്താൽ മാത്രം ഇന്നും ദശലക്ഷ​ക്ക​ണ​ക്കിന്‌ ആളുക​ളു​ടെ ജീവൻ അപഹരി​ക്കു​ന്നു. വികസ്വര രാജ്യ​ങ്ങ​ളിൽ അനേകർക്കും മതിയായ മാലി​ന്യ​നിർമാർജന സൗകര്യ​മോ ആരോ​ഗ്യ​പ​രി​ച​ര​ണ​മോ ശുദ്ധജ​ല​മോ ഇപ്പോ​ഴും ലഭിക്കു​ന്നില്ല. വികസ്വര രാജ്യ​ങ്ങ​ളി​ലെ നാട്ടിൻപു​റ​ങ്ങ​ളിൽനിന്ന്‌ മഹാന​ഗ​ര​ങ്ങ​ളി​ലേ​ക്കുള്ള ആളുക​ളു​ടെ ഒഴുക്ക്‌ ഈ അടിസ്ഥാന ആവശ്യങ്ങൾ പോലും ഏർപ്പെ​ടു​ത്തി​ക്കൊ​ടു​ക്കുക എന്നത്‌ കൂടുതൽ ദുഷ്‌കരം ആക്കിത്തീർത്തി​രി​ക്കു​ന്നു. ഈ ഘടകങ്ങൾ ഒത്തു​ചേ​രു​മ്പോൾ ലോകാ​രോ​ഗ്യ സംഘട​ന​യു​ടെ വാക്കു​ക​ളിൽ പറഞ്ഞാൽ ലോക​ത്തി​ലെ ദരി​ദ്ര​ജനത, “രോഗ​ങ്ങ​ളു​ടെ അമിത ദുരി​ത​ഭാ​രം പേറേ​ണ്ടി​വ​രു​ന്നു.”

സ്വാർഥ​ത​യു​ടെ ഫലമാ​യുള്ള ദീർഘ​വീ​ക്ഷ​ണ​മി​ല്ലാ​യ്‌മ​യാണ്‌ ആരോ​ഗ്യ​രം​ഗത്തെ ഈ അസന്തു​ലി​താ​വ​സ്ഥ​യു​ടെ നാരാ​യ​വേര്‌. “ലോക​ത്തി​ലെ ഏറ്റവും നികൃഷ്ട കൊല​യാ​ളി​ക​ളായ ചില സാം​ക്ര​മിക രോഗങ്ങൾ വളരെ വിദൂ​ര​ത്താ​യി​രി​ക്കു​ന്നതു പോലെ തോന്നു​ന്നു” എന്ന്‌ മനുഷ്യ​നും സൂക്ഷ്‌മാ​ണു​ക്ക​ളും എന്ന പുസ്‌തകം പറയുന്നു. “ഇവയിൽ ചിലത്‌ പൂർണ​മാ​യോ പ്രധാ​ന​മാ​യോ ഉഷ്‌ണ​മേ​ഖ​ല​യി​ലും ഉപോ​ഷ്‌ണ​മേ​ഖ​ല​യി​ലു​മുള്ള ദരിദ്ര പ്രദേ​ശ​ങ്ങ​ളിൽ തമ്പടി​ച്ചി​രി​ക്കു​ന്നു.” നേരിട്ടു ലാഭം കൊയ്യാൻ കഴിയാ​തി​രു​ന്നേ​ക്കാം എന്ന കാരണ​ത്താൽ സമ്പന്നരായ വികസിത രാജ്യ​ങ്ങ​ളും മരുന്നു കമ്പനി​ക​ളും ഈ രോഗ​ങ്ങൾക്കുള്ള ചികി​ത്സാർഥം ഫണ്ടു നീക്കി​വെ​ക്കാൻ വൈമ​ന​സ്യം കാണി​ക്കു​ന്നു.

ഉത്തരവാ​ദി​ത്വ​ബോ​ധം ഇല്ലാ​തെ​യുള്ള മനുഷ്യ​ന്റെ പെരു​മാ​റ്റ​വും വ്യാധി​ക​ളു​ടെ വ്യാപ​ന​ത്തി​നു വഴി​തെ​ളി​ക്കു​ന്നു. ദുഃഖ​ക​ര​മായ ഈ യാഥാർഥ്യ​ത്തി​ന്റെ മകു​ടോ​ദാ​ഹ​ര​ണ​മാണ്‌ മനുഷ്യ​ന്റെ ശരീര​ദ്ര​വ​ങ്ങ​ളി​ലൂ​ടെ മറ്റുള്ള​വ​രി​ലേക്കു സംക്ര​മി​ക്കുന്ന എയ്‌ഡ്‌സ്‌ വൈറ​സി​ന്റെ വ്യാപനം. കുറച്ചു വർഷങ്ങൾക്കു​ള്ളിൽ ഈ സമസ്‌ത വ്യാപക പകർച്ച​വ്യാ​ധി ഗോള​ത്തി​ന്റെ നാനാ​ദി​ക്കി​ലേ​ക്കും പടർന്നി​രി​ക്കു​ന്നു. (“എയ്‌ഡ്‌സ്‌—നമ്മുടെ കാലത്തെ കൊടും​വി​പത്ത്‌” എന്ന ചതുരം കാണുക.) “ഈ മഹാവ്യാ​ധി​യു​ടെ കാരണ​ക്കാ​രൻ മനുഷ്യൻ തന്നെയാണ്‌” എന്ന്‌ സാം​ക്ര​മി​ക​രോഗ ശാസ്‌ത്ര​ജ്ഞ​നായ ജോ മക്‌കോർമിക്‌ തീർത്തു പറയുന്നു. “ഇത്‌ ആളുക​ളു​ടെ ധാർമിക നിലവാ​രത്തെ വിമർശി​ക്കാ​നല്ല, ഇതാണ്‌ യഥാർഥ വസ്‌തുത.”

എങ്ങനെ​യാണ്‌ മനുഷ്യൻ ബോധ​പൂർവ​മ​ല്ലെ​ങ്കി​ലും എയ്‌ഡ്‌സ്‌ വൈറസ്‌ സംക്ര​മി​പ്പി​ക്കു​ന്ന​തി​നു കാരണ​മാ​യി​ത്തീർന്നത്‌? ദ കമിങ്‌ പ്ലേഗ്‌ എന്ന പുസ്‌തകം പിൻവ​രുന്ന ഘടകങ്ങൾ പട്ടിക​പ്പെ​ടു​ത്തി​യി​രി​ക്കു​ന്നു: സാമൂ​ഹിക മാറ്റങ്ങൾ—വിശേ​ഷാൽ ഒന്നില​ധി​കം ലൈം​ഗിക പങ്കാളി​കൾ ഉള്ളത്‌—ലൈം​ഗി​ക​മാ​യി പകരുന്ന രോഗ​ങ്ങ​ളു​ടെ ഒരു വൻതരം​ഗം​തന്നെ സൃഷ്ടി​ച്ചി​രി​ക്കു​ന്നു. ഇത്‌, വൈറ​സി​നു താവള​മു​റ​പ്പി​ക്കു​ന്നത്‌ എളുപ്പ​മാ​ക്കി​ത്തീർക്കു​ക​യും രോഗ​ബാ​ധ​യുള്ള ഒരു വ്യക്തി​യിൽനി​ന്നു മറ്റു പല വ്യക്തി​ക​ളി​ലേ​ക്കും രോഗം പകരു​ന്ന​തിന്‌ ഇടയാ​ക്കു​ക​യും ചെയ്‌തു. വികസ്വര രാജ്യ​ങ്ങ​ളിൽ മരുന്നു​കൾ കുത്തി​വെ​ക്കു​ന്ന​തിന്‌ മറ്റൊ​രാൾക്ക്‌ ഉപയോ​ഗിച്ച, മലിന​മായ സൂചികൾ വ്യാപ​ക​മാ​യി ഉപയോ​ഗി​ച്ചു​വ​രു​ന്ന​തും മയക്കു​മ​രു​ന്നു​കൾ കുത്തി​വെ​ക്കു​ന്ന​തിന്‌ ഇത്തരത്തി​ലുള്ള സൂചികൾ ഉപയോ​ഗി​ക്കു​ന്ന​തും മേൽപ്പറഞ്ഞ അതേ ഫലം ഉളവാ​ക്കി​യി​രി​ക്കു​ന്നു. ഗോള​വ്യാ​പ​ക​മാ​യി നടക്കുന്ന കോടി​ക്ക​ണ​ക്കി​നു ഡോള​റി​ന്റെ രക്തവ്യ​വ​സാ​യ​വും എയ്‌ഡ്‌സ്‌ വൈറസ്‌ ഒരൊറ്റ ദാതാ​വിൽനിന്ന്‌ അനവധി സ്വീകർത്താ​ക്ക​ളി​ലേക്കു പകരാൻ വഴി​തെ​ളി​ച്ചി​രി​ക്കു​ന്നു.

നേരത്തേ കണ്ടുക​ഴി​ഞ്ഞ​തു​പോ​ലെ, ആന്റിബ​യോ​ട്ടി​ക്കു​ക​ളു​ടെ അമിത ഉപയോ​ഗ​വും അവ വേണ്ടത്ര ഉപയോ​ഗി​ക്കാ​ത്ത​തും പ്രതി​രോ​ധ​ശേഷി ആർജിച്ച സൂക്ഷ്‌മാ​ണു​ക്ക​ളു​ടെ രംഗ​പ്ര​വേ​ശ​ത്തി​നു കാരണ​മാ​യി​ട്ടുണ്ട്‌. ഈ പ്രശ്‌നം ഗുരു​ത​ര​മാണ്‌, അത്‌ ഒന്നി​നൊ​ന്നു വഷളാ​കു​ക​യും ചെയ്യുന്നു. മുറി​വു​ക​ളിൽ രോഗ​ബാ​ധ​യു​ണ്ടാ​ക്കുന്ന സ്റ്റാഫി​ലോ​കോ​ക്കസ്‌ ബാക്ടീ​രി​യയെ പെനി​സി​ലി​നിൽനി​ന്നു വേർതി​രി​ച്ചെ​ടുത്ത ഘടകങ്ങൾകൊണ്ട്‌ മുമ്പ്‌ എളുപ്പം നിർമാർജനം ചെയ്യാൻ കഴിഞ്ഞി​രു​ന്നു. എന്നാൽ ഇന്ന്‌ ഈ പഴയ ആന്റിബ​യോ​ട്ടി​ക്കു​കൾ പലപ്പോ​ഴും ഫലരഹി​ത​മെന്നു തെളി​യു​ന്നു. അതു​കൊണ്ട്‌, ഡോക്ടർമാർ പുതിയ, വിലകൂ​ടിയ ആന്റിബ​യോ​ട്ടി​ക്കു​കൾ ഉപയോ​ഗി​ക്കാൻ നിർബ​ന്ധി​ത​രാ​കു​ന്നു. ഇതിന്റെ ചെലവാ​കട്ടെ, പൊതു​വെ വികസ്വര രാജ്യ​ങ്ങ​ളി​ലെ ആശുപ​ത്രി​കൾക്കു താങ്ങാൻ പറ്റാത്ത​താ​ണു​താ​നും. ഇനി, ഏറ്റവും പുതിയ ആന്റിബ​യോ​ട്ടി​ക്കു​കൾക്കു പോലും ചില സൂക്ഷ്‌മാ​ണു​ക്ക​ളു​ടെ മുന്നിൽ അടിയ​റവു പറയേ​ണ്ടി​വ​ന്നേ​ക്കാം. ഇതുമൂ​ലം, ആശുപ​ത്രി​യിൽനി​ന്നു പകരുന്ന രോഗ​ബാധ കൂടുതൽ സാധാ​ര​ണ​വും മാരക​വു​മാ​യി മാറാ​നി​ട​യുണ്ട്‌. ‘അലർജി​ക്കും സാം​ക്ര​മിക രോഗ​ത്തി​നു​മുള്ള യു.എസ്‌. ദേശീയ ഇൻസ്റ്റി​റ്റ്യൂ​ട്ടി’ലെ മുൻ ഡയറക്ട​റായ ഡോ. റിച്ചാർഡ്‌ ക്രൗസെ ഇന്നു നാം “സൂക്ഷ്‌മാ​ണു​ക്ക​ളു​ടെ പ്രതി​രോ​ധ​ശേ​ഷി​യാ​കുന്ന മഹാമാ​രി”യെ നേരി​ട്ടു​കൊ​ണ്ടി​രി​ക്കു​ക​യാ​ണെന്ന്‌ തുറന്നു പറയു​ക​യു​ണ്ടാ​യി.

“ഇന്നു സ്ഥിതി മെച്ച​പ്പെ​ട്ടി​രി​ക്കു​ന്നു​വോ?”

ഇന്ന്‌, 21-ാം നൂറ്റാ​ണ്ടി​ന്റെ ഉദയത്തിൽ, രോഗങ്ങൾ ഉയർത്തുന്ന ഭീഷണി അപ്രത്യ​ക്ഷ​മാ​യി​ട്ടില്ല എന്നു വ്യക്തമാ​യി​രി​ക്കു​ന്നു. എയ്‌ഡ്‌സി​ന്റെ തീവ്ര വ്യാപനം, ഔഷധ-പ്രതി​രോധ ശക്തിയുള്ള രോഗ​കാ​രി​ക​ളു​ടെ രംഗ​പ്ര​വേശം, ക്ഷയം, മലമ്പനി തുടങ്ങിയ പഴയ കൊല​യാ​ളി രോഗ​ങ്ങ​ളു​ടെ തിരി​ച്ചു​വ​രവ്‌ എന്നിവ വെളി​ച്ച​ത്തു​കൊ​ണ്ടു​വ​രു​ന്നത്‌ രോഗ​വു​മാ​യുള്ള പോരാ​ട്ട​ത്തിൽ നാം വിജയം വരിച്ചി​ട്ടില്ല എന്നുത​ന്നെ​യാണ്‌.

“ഒരു നൂറ്റാ​ണ്ടു​മുമ്പ്‌ നാം ആയിരു​ന്ന​തി​നെ​ക്കാൾ ഇന്നു സ്ഥിതി മെച്ച​പ്പെ​ട്ടി​രി​ക്കു​ന്നു​വോ?” എന്ന്‌ നോബൽ സമ്മാനി​ത​നായ ജോഷ്വാ ലെഡർബെർഗ്‌ ചോദി​ക്കു​ക​യു​ണ്ടാ​യി. “മിക്ക സംഗതി​യി​ലും നമ്മുടെ സ്ഥിതി വഷളാ​യി​രി​ക്കു​ക​യാണ്‌” എന്ന്‌ അദ്ദേഹം പറഞ്ഞു. “നാം സൂക്ഷ്‌മാ​ണു​ക്ക​ളു​ടെ കാര്യ​ത്തിൽ അശ്രദ്ധ കാണിച്ചു. ആ അശ്രദ്ധ​യു​ടെ ഫലം ഇപ്പോൾ ഒഴിയാ​ബാധ പോലെ നമ്മെ പിന്തു​ട​രു​ക​യാണ്‌.” വൈദ്യ​ശാ​സ്‌ത്ര​വും ലോക​രാ​ഷ്‌ട്ര​ങ്ങ​ളും അരയും തലയും മുറുക്കി രംഗത്തി​റ​ങ്ങി​യാൽ ഇപ്പോ​ഴത്തെ തിരി​ച്ച​ടി​കളെ തരണം ചെയ്യാ​നാ​കു​മോ? വസൂരി നിർമാർജനം ചെയ്‌ത​തു​പോ​ലെ ഇന്നത്തെ മുഖ്യ സാം​ക്ര​മിക രോഗ​ങ്ങളെ ക്രമേണ ഉന്മൂലനം ചെയ്യാ​നാ​കു​മോ? ഞങ്ങളുടെ ലേഖന പരമ്പര​യി​ലെ അവസാന ലേഖനം ഈ ചോദ്യ​ങ്ങൾ പരിചി​ന്തി​ക്കു​ന്ന​താ​യി​രി​ക്കും. (g04 5/22)

[8-ാം പേജിലെ ചതുരം/ചിത്രം]

വസൂരിക്കും പോളി​യോ​യ്‌ക്കും എതിരെ വിജയം​വ​രി​ക്കു​ന്നു

സ്വാഭാ​വിക സംക്ര​മ​ണ​ത്തി​ലൂ​ടെ പിടി​പെട്ട വസൂരി ലോകാ​രോ​ഗ്യ സംഘടന അവസാ​ന​മാ​യി കണ്ടെത്തി​യത്‌ 1977 ഒക്ടോബർ അവസാ​ന​ത്തി​ലാണ്‌. സൊമാ​ലി​യ​യി​ലുള്ള ഒരു ആശുപ​ത്രി​യി​ലെ പാചക​ക്കാ​ര​നാ​യി​രുന്ന അലി മൗ മാലി​നാ​യി​രു​ന്നു രോഗം പിടി​പെ​ട്ടത്‌, പക്ഷേ അത്‌ ഗുരു​ത​ര​മാ​യി​രു​ന്നില്ല, ഏതാനും ആഴ്‌ച​യ്‌ക്കു​ള്ളിൽ അദ്ദേഹം ആരോ​ഗ്യം വീണ്ടെ​ടു​ത്തു. അദ്ദേഹ​വു​മാ​യി സമ്പർക്ക​ത്തിൽ വന്നവർക്കെ​ല്ലാം വാക്‌സിൻ നൽകി​യി​രു​ന്നു.

തുടർന്നു​വന്ന രണ്ടുവർഷം ഡോക്ടർമാർ മുൾമു​ന​യി​ലാ​യി​രു​ന്നു. “സജീവ​മായ വസൂരി”യുടെ തെളി​യി​ക്ക​പ്പെട്ട ഒരു കേസ്‌ റിപ്പോർട്ടു ചെയ്യു​ന്ന​വർക്ക്‌ 50,000 രൂപ സമ്മാന​ത്തുക പ്രഖ്യാ​പി​ക്കു​ക​യു​ണ്ടാ​യി. സമ്മാന​ത്തുക ആർക്കും നേടാ​നാ​യില്ല. അങ്ങനെ 1980 മേയ്‌ 8-ന്‌, “ഭൂലോ​ക​വും അതിലെ നിവാ​സി​ക​ളും വസൂരി​യു​ടെ പിടി​യിൽനി​ന്നു മോചി​ത​രാ​യി​രി​ക്കു​ന്നു” എന്ന്‌ ലോകാ​രോ​ഗ്യ സംഘടന ഔദ്യോ​ഗി​ക​മാ​യി പ്രഖ്യാ​പി​ക്കു​ക​യു​ണ്ടാ​യി. വെറും ഒരു ദശകം മുമ്പ്‌ വർഷം​തോ​റും വസൂരി അപഹരി​ച്ചു​കൊ​ണ്ടി​രു​ന്നത്‌ ഏകദേശം 20 ലക്ഷം മനുഷ്യ​ജീ​വ​നാ​യി​രു​ന്നു. ചരി​ത്ര​ത്തിൽ ആദ്യമാ​യി, ഒരു കൊല​യാ​ളി സാം​ക്ര​മിക രോഗം വേരോ​ടെ പിഴു​തെ​റി​യ​പ്പെട്ടു.a

കുട്ടി​കൾക്ക്‌ ബലക്ഷയം വരുത്തുന്ന പോളി​യോ അഥവാ പോളി​യോ​മൈ​ല​റ്റിസ്‌ എന്ന രോഗ​ത്തെ​യും പടിക്കു പുറത്താ​ക്കാൻ കഴിയും എന്നതിന്റെ ശുഭസൂ​ച​നകൾ തെളിഞ്ഞു. 1955-ൽ യൊനാസ്‌ സൾക്ക്‌ പോളി​യോ​യ്‌ക്ക്‌ ഒരു ഫലപ്ര​ദ​മായ വാക്‌സിൻ കണ്ടുപി​ടി​ച്ചു. പോളി​യോ​യ്‌ക്ക്‌ എതി​രെ​യുള്ള പ്രതി​രോധ പ്രചാരണ പരിപാ​ടിക്ക്‌ ഐക്യ​നാ​ടു​ക​ളി​ലും മറ്റു രാജ്യ​ങ്ങ​ളി​ലും തുടക്കം കുറിച്ചു. പിന്നീട്‌ ഒരു തുള്ളി​മ​രുന്ന്‌ വികസി​പ്പി​ച്ചെ​ടു​ക്കു​ക​യു​ണ്ടാ​യി. പോളി​യോ നിർമാർജ​ന​ത്തി​നാ​യുള്ള ഒരു ലോക​വ്യാ​പക സംരം​ഭ​ത്തിന്‌ 1988-ൽ ലോകാ​രോ​ഗ്യ സംഘടന സമാരം​ഭം കുറിച്ചു.

“പോളി​യോ നിർമാർജന പരിപാ​ടിക്ക്‌ നാം 1988-ൽ തുടക്ക​മിട്ട സമയത്ത്‌, ഓരോ ദിവസ​വും പോളി​യോ ബാധിച്ചു തളരുന്ന കുട്ടി​ക​ളു​ടെ എണ്ണം 1,000-ത്തിലേറെ ആയിരു​ന്നു” എന്ന്‌ ലോകാ​രോ​ഗ്യ സംഘട​ന​യു​ടെ അന്നത്തെ ഡയറക്ടർ ജനറലാ​യി​രുന്ന ഡോ. ഗ്രോ ഹാർലെം ബ്രൺഡ്‌ലാൻഡ്‌ റിപ്പോർട്ടു ചെയ്യുന്നു. “2001 എന്ന വർഷത്തിൽ ആകെ​മൊ​ത്തം 1,000-ത്തിൽ താഴെ പോളി​യോ കേസു​കളേ ഉണ്ടായി​രു​ന്നു​ള്ളൂ.” ഇന്ന്‌ പോളി​യോ ബാധയുള്ള രാജ്യ​ങ്ങ​ളു​ടെ എണ്ണം വെറും പത്തിൽ താഴെ​യാണ്‌. എന്നിരു​ന്നാ​ലും, പോളി​യോ​യെ നിശ്ശേഷം ഇല്ലാതാ​ക്ക​ണ​മെ​ങ്കിൽ ഈ രാജ്യ​ങ്ങൾക്ക്‌ കൂടുതൽ ഫണ്ട്‌ വേണ്ടി​വ​രും.

[അടിക്കു​റിപ്പ്‌]

[ചിത്രം]

എത്യോപ്യയിലെ ഒരു ആൺകു​ട്ടിക്ക്‌ പോളി​യോ തുള്ളി​മ​രുന്ന്‌ നൽകുന്നു

[കടപ്പാട്‌]

© WHO/P. Virot

[10-ാം പേജിലെ ചതുരം/ചിത്രം]

എയ്‌ഡ്‌സ്‌—നമ്മുടെ കാലത്തെ കൊടും​വി​പത്ത്‌

ഭൂഗോ​ളത്തെ മഥിക്കുന്ന ഒരു പുതിയ ഭീഷണി​യാണ്‌ എയ്‌ഡ്‌സ്‌. ഇതു കണ്ടുപി​ടിച്ച്‌ ഏതാണ്ട്‌ 20 വർഷങ്ങൾക്കു​ള്ളിൽത്തന്നെ ആറു​കോ​ടി​യിൽ അധികം പേർ രോഗ​ബാ​ധി​ത​രാ​യി​രി​ക്കു​ന്നു. എയ്‌ഡ്‌സ്‌ എന്ന സമസ്‌ത വ്യാപക പകർച്ച​വ്യാ​ധി ഇപ്പോ​ഴും അതിന്റെ “ശൈശവ ദശയി​ലാ​ണെന്ന്‌” ആരോഗ്യ അധികൃ​തർ മുന്നറി​യി​പ്പു തരുന്നു. രോഗ​സം​ക്രമണ നിരക്ക്‌ “മുമ്പു വിചാ​രി​ച്ചി​രു​ന്ന​തി​നെ​ക്കാൾ കുതി​ച്ചു​യർന്നി​രി​ക്കു​ന്നു.” ഈ മഹാവ്യാ​ധി തേർവാഴ്‌ച നടത്തി​യി​ട്ടുള്ള പ്രദേ​ശ​ങ്ങ​ളി​ലെ സ്ഥിതി അതിദാ​രു​ണ​മാണ്‌.

“ലോക​വ്യാ​പ​ക​മാ​യി എച്ച്‌ഐവി/എയ്‌ഡ്‌സ്‌ ബാധി​ത​രായ ആളുക​ളു​ടെ വലിയ ഒരു പങ്ക്‌ കാര്യ​ക്ഷ​മ​ത​യോ​ടെ തൊഴിൽ ചെയ്യാ​വുന്ന പ്രായ​ക്കാ​രാണ്‌” എന്ന്‌ ഒരു ഐക്യ​രാ​ഷ്‌ട്ര സംഘടനാ റിപ്പോർട്ട്‌ പറയുന്നു. ഫലമോ? തെക്കൻ ആഫ്രി​ക്ക​യി​ലെ നിരവധി രാജ്യ​ങ്ങൾക്ക്‌ തൊഴിൽ ചെയ്യാൻ പ്രാപ്‌ത​രാ​യ​വ​രു​ടെ 10 മുതൽ 20 വരെ ശതമാ​നത്തെ 2005-ാം ആണ്ടോടെ നഷ്ടമാ​കും എന്നു കരുത​പ്പെ​ടു​ന്നു. “സഹാറ​യ്‌ക്കു തെക്കുള്ള ആഫ്രിക്കൻ പ്രദേ​ശത്തെ ശരാശരി ആയുർ​ദൈർഘ്യം ഇപ്പോൾ 47 വർഷമാണ്‌. എന്നാൽ എയ്‌ഡ്‌സ്‌ ഇല്ലായി​രു​ന്നെ​ങ്കിൽ അത്‌ 62 വർഷം ആയിരി​ക്കു​മാ​യി​രു​ന്നു.”

ഇതിന്‌ ഒരു വാക്‌സിൻ കണ്ടുപി​ടി​ക്കാ​നുള്ള ശ്രമങ്ങ​ളെ​ല്ലാം ഇതുവരെ നിഷ്‌ഫ​ല​മെന്നു തെളി​ഞ്ഞി​രി​ക്കു​ക​യാണ്‌. മാത്രമല്ല, വികസ്വര രാജ്യ​ങ്ങ​ളി​ലെ 60 ലക്ഷം എയ്‌ഡ്‌സ്‌ ബാധി​ത​രിൽ വെറും 4 ശതമാ​ന​ത്തി​നാണ്‌ ചികിത്സ ലഭിക്കു​ന്നത്‌. ഇതുവരെ എയ്‌ഡ്‌സിന്‌ യാതൊ​രു പ്രതി​വി​ധി​യും കണ്ടെത്തി​യി​ട്ടില്ല. ഇപ്പോൾ വൈറസ്‌ ബാധി​ത​രായ മിക്കവ​രെ​യും ക്രമേണ ഈ മഹാവ്യാ​ധി ഗ്രസി​ക്കും എന്നു ഡോക്ടർമാർ വിശ്വ​സി​ക്കു​ന്നു.

[ചിത്രം]

എച്ച്‌ഐവി വൈറസ്‌ ബാധിച്ച റ്റി ലിം​ഫോ​സൈറ്റ്‌ കോശങ്ങൾ

[കടപ്പാട്‌]

Godo-Foto

[7-ാം പേജിലെ ചിത്രം]

കീഴ്‌പെടുത്താൻ ബുദ്ധി​മു​ട്ടുള്ള ഒരിനം വൈറ​സി​നെ പരി​ശോ​ധി​ക്കുന്ന ഒരു ലാബ്‌ ജോലി​ക്കാ​രൻ

[കടപ്പാട്‌]

CDC/Anthony Sanchez