യോദ്ധാ​ക്കൾ സമാധാ​ന​കാം​ക്ഷി​കൾ ആയിത്തീ​രു​ന്നു

രണ്ടാം ലോക​മ​ഹാ​യുദ്ധ കാലത്ത്‌ കാമി​ക്കാ​സി ദൗത്യ​സേ​ന​യിൽ സേവി​ക്കാൻ പരിശീ​ലി​പ്പി​ക്ക​പ്പെട്ട റ്റോഷി​യാ​ക്കി നിവാ എന്ന ഒരു ജാപ്പനീസ്‌ പൈല​റ്റി​ന്റെ ജീവി​തകഥ 2003 ജനുവരി 8 ലക്കം ഉണരുക!യിൽ ഉണ്ടായി​രു​ന്നു. 1945 ആഗസ്റ്റിൽ, ക്യോ​ട്ടോ​യ്‌ക്കു സമീപ​മുള്ള ഒരു വ്യോ​മ​സേനാ താവള​ത്തിൽ യു.എസ്‌.-ന്റെ പടക്കപ്പ​ലു​കൾക്കു​നേരെ ചാവേർ ആക്രമണം നടത്താ​നുള്ള ഉത്തരവും കാത്തി​രി​ക്കു​ക​യാ​യി​രു​ന്നു താനെന്ന്‌ നിവാ അതിൽ എഴുതി​യി​രു​ന്നു. എന്നാൽ ആ ഉത്തരവ്‌ ഒരിക്ക​ലും വന്നില്ല, കാരണം ഏതാനും ദിവസ​ങ്ങൾക്കു​ള്ളിൽ യുദ്ധം അവസാ​നി​ച്ചു. വർഷങ്ങൾക്കു​ശേഷം നിവാ യഹോ​വ​യു​ടെ സാക്ഷി​ക​ളോ​ടൊ​ത്തു ബൈബിൾ പഠിക്കാൻ തുടങ്ങി. ദൈവത്തെ പ്രസാ​ദി​പ്പി​ക്കു​ന്നവർ യുദ്ധത്തിൽ പങ്കെടു​ക്കു​ക​യി​ല്ലെന്ന്‌ അദ്ദേഹം മനസ്സി​ലാ​ക്കി. എവിടെ ജീവി​ക്കു​ന്ന​വ​രാ​യാ​ലും ഏതു ദേശക്കാ​രാ​യാ​ലും അവർ സഹമനു​ഷ്യ​രെ ബഹുമാ​നി​ക്കു​ന്നു. (1 പത്രൊസ്‌ 2:17) ഒരു യോദ്ധാ​വാ​യി​രുന്ന നിവാ ഒരു സമാധാ​ന​കാം​ക്ഷി​യാ​യി മാറി​യി​രി​ക്കു​ന്നു. അദ്ദേഹം ഇപ്പോൾ ദൈവ​വ​ച​ന​ത്തിൽനി​ന്നുള്ള ഐക്യ​ത്തി​ന്റെ സന്ദേശം മറ്റുള്ള​വ​രു​മാ​യി പങ്കു​വെ​ക്കു​ന്നു.

ഐക്യ​നാ​ടു​ക​ളിൽനി​ന്നുള്ള റസ്സൽ വെർട്ട്‌സ്‌, നിവാ​യു​ടെ കഥകേട്ട്‌ അത്ഭുത​പ്പെട്ടു. കാരണം അദ്ദേഹ​വും അതേ യുദ്ധത്തിൽ പൊരു​തി​യി​രു​ന്നു, പക്ഷേ മറുപ​ക്ഷ​ത്താ​യി​രു​ന്നെന്നു മാത്രം. നിവാ​യ്‌ക്കുള്ള കത്തിൽ വെർട്ട്‌സ്‌ ഇങ്ങനെ എഴുതി: “1945 ആഗസ്റ്റിൽ ക്യോ​ട്ടോ​യ്‌ക്ക​ടുത്ത്‌ ആക്രമ​ണ​ത്തി​നാ​യി താങ്കൾ തയ്യാ​റെ​ടു​ത്തി​രി​ക്കു​ക​യാ​യി​രു​ന്നു എന്നു പറഞ്ഞല്ലോ, അതേസ​മ​യത്ത്‌, എനിക്ക്‌ ആ ആക്രമ​ണ​ത്തി​നാ​യുള്ള അവസാ​നഘട്ട പരിശീ​ലനം ലഭിച്ചു​കൊ​ണ്ടി​രി​ക്കു​ക​യാ​യി​രു​ന്നു. അപ്പോൾ യുദ്ധം അവസാ​നി​ച്ചി​ല്ലാ​യി​രു​ന്നെ​ങ്കിൽ മിക്കവാ​റും നമ്മൾ രണ്ടു​പേ​രും ഇരുപ​ക്ഷ​ത്തു​മാ​യി യുദ്ധക്ക​ള​ത്തിൽ കൊല്ല​പ്പെ​ടു​മാ​യി​രു​ന്നു. താങ്ക​ളെ​യും കുടും​ബ​ത്തെ​യും പോലെ ഞാനും ഭാര്യ​യും പിന്നീട്‌ യഹോ​വ​യു​ടെ സാക്ഷികൾ ആയിത്തീർന്നു. ഒരിക്കൽ പരസ്‌പരം കൊല്ലാൻ നിശ്ചയി​ച്ചു​റച്ച ബദ്ധശ​ത്രു​ക്ക​ളാ​യി​രുന്ന നമ്മൾ രണ്ടു​പേ​രും ഇപ്പോൾ സുഹൃ​ത്തു​ക്കൾ മാത്രമല്ല സഹോ​ദ​ര​ന്മാർ കൂടി​യാണ്‌ എന്നറി​യു​ന്നത്‌ എത്ര പുളക​പ്ര​ദ​മാണ്‌!”

റ്റോഷി​യാ​ക്കി നിവാ​യെ​യും റസ്സൽ വെർട്ട്‌സി​നെ​യും പോലെ ബദ്ധശ​ത്രു​ക്ക​ളാ​യി​രുന്ന അനേകർ ഇന്ന്‌ സമാധാ​ന​ത്തി​ലും ഐക്യ​ത്തി​ലും ജീവി​ക്കു​ന്നു. കാരണം അവർ ദൈവ​വ​ച​ന​മായ ബൈബിൾ പഠിക്കു​ക​യും അതിലെ തത്ത്വങ്ങൾ പ്രാവർത്തി​ക​മാ​ക്കു​ക​യും ചെയ്‌തി​രി​ക്കു​ന്നു. യഹോ​വ​യു​ടെ സാക്ഷി​ക​ളു​ടെ ഇടയിൽ യഹൂദ​രും അറബി​ക​ളും, അർമേ​നി​യ​ക്കാ​രും തുർക്കി​ക​ളും, ജർമൻകാ​രും റഷ്യക്കാ​രും, ഹൂട്ടു​ക​ളും ടൂട്‌സി​ക​ളും ഉണ്ട്‌. തങ്ങൾ യഥാർഥ ക്രിസ്‌ത്യാ​നി​കൾ ആണെന്ന്‌ ഇവരെ​ല്ലാം തെളി​യി​ച്ചു​കൊ​ണ്ടി​രി​ക്കു​ന്നു. അതേ, യേശു​ക്രി​സ്‌തു അതുത​ന്നെ​യാ​ണു പറഞ്ഞത്‌: “നിങ്ങൾക്കു തമ്മിൽ തമ്മിൽ സ്‌നേഹം ഉണ്ടെങ്കിൽ നിങ്ങൾ എന്റെ ശിഷ്യ​ന്മാർ എന്നു എല്ലാവ​രും അറിയും.”—യോഹ​ന്നാൻ 13:35. (g04 9/8)

[27-ാം പേജിലെ ചിത്രങ്ങൾ]

റ്റോഷിയാക്കി നിവാ​യും റസ്സൽ വെർട്ട്‌സും രണ്ടാം ലോക​മ​ഹാ​യുദ്ധ കാലത്ത്‌