പർവതങ്ങൾ—അവയുടെ പ്രാധാ​ന്യം

“ശൈല​ശൃം​ഗ​ങ്ങ​ളി​ലേറി അവയുടെ കുളി​രേ​കുന്ന സദ്വർത്ത​മാ​ന​ങ്ങൾക്കു കാതോർക്കൂ. അവിടെ വൃക്ഷത്ത​ല​പ്പു​ക​ളി​ലേക്കു സൂര്യ​കി​ര​ണങ്ങൾ ഒഴുകി​യി​റ​ങ്ങു​ന്ന​തു​പോ​ലെ പ്രകൃ​തി​യു​ടെ പ്രശാന്തത നിങ്ങളി​ലേക്ക്‌ അലിഞ്ഞി​റ​ങ്ങും. കാറ്റിന്റെ സുഖശീ​ത​ളിമ നിങ്ങളിൽ ഉന്മേഷം നിറയ്‌ക്കും. തിമിർത്തു​പെ​യ്യുന്ന വർഷ​മേ​ഘങ്ങൾ അവയുടെ ഓജസ്സു നിങ്ങൾക്കേ​കും. നിങ്ങളു​ടെ ആകുല​തകൾ അപ്പോൾ ശരത്‌കാ​ല​പ​ത്ര​ങ്ങൾപോ​ലെ കൊഴി​ഞ്ഞു​വീ​ഴും.”—അമേരി​ക്കൻ എഴുത്തു​കാ​ര​നും പ്രകൃ​തി​ശാ​സ്‌ത്ര​ജ്ഞ​നു​മായ ജോൺ മൂയിർ.

ഒരു നൂറ്റാ​ണ്ടു​മുമ്പ്‌ ജോൺ മൂയിർ കണ്ടെത്തി​യ​തു​പോ​ലെ പർവതങ്ങൾ നമ്മുടെ വികാ​ര​ങ്ങളെ തൊട്ടു​ണർത്തു​ന്നു. അവയുടെ ഗാംഭീ​ര്യം നമ്മെ വിസ്‌മ​യ​ഭ​രി​ത​രാ​ക്കു​ന്നു. അവയുടെ മടിത്ത​ട്ടിൽ വിഹരി​ക്കുന്ന വനജന്തു​ജാ​ലങ്ങൾ നമ്മെ ഹർഷപു​ള​കി​ത​രാ​ക്കു​ന്നു. അവയുടെ ശാന്തഭാ​വം മനസ്സിനെ കുളി​ര​ണി​യി​ക്കു​ന്നു. ഓരോ വർഷവും കോടി​ക്ക​ണ​ക്കി​നാ​ളു​ക​ളാണ്‌ പർവത​പ്ര​ദേ​ശങ്ങൾ സന്ദർശി​ക്കു​ന്നത്‌. അവയുടെ മാസ്‌മ​ര​സൗ​ന്ദ​ര്യം ദർശി​ക്കാ​നും മനസ്സിൽ ഉന്മേഷം നിറയ്‌ക്കാ​നു​മാണ്‌ ഈ യാത്ര. “എത്രയോ കാലം മുമ്പു മുതൽക്കേ മാനവ സമൂഹ​ങ്ങ​ളും സംസ്‌കാ​ര​ങ്ങ​ളും പർവത​ങ്ങ​ളെ​നോ​ക്കി വിസ്‌മ​യി​ച്ചു​നി​ന്നി​ട്ടുണ്ട്‌, അവ അവരുടെ മനസ്സിൽ ഭയാദ​ര​വു​ണർത്തി​യി​ട്ടുണ്ട്‌” എന്ന്‌ ‘ഐക്യ​രാ​ഷ്‌ട്ര പരിസ്ഥി​തി പരിപാ​ടി’യുടെ എക്‌സി​ക്യൂ​ട്ടീവ്‌ ഡയറക്ടർ ക്ലൗസ്‌ ടോപ്‌ഫർ പറയുന്നു.

പക്ഷേ പർവതങ്ങൾ അങ്ങനെ സുഖമാ​യി കഴിയു​കയല്ല. കഴിഞ്ഞ കാലങ്ങ​ളിൽ മനുഷ്യ​ന്റെ ആർത്തി​പൂണ്ട ചൂഷണ​ത്തിൽനിന്ന്‌ അവ വലി​യൊ​ര​ള​വോ​ളം സുരക്ഷി​ത​മാ​യി​രു​ന്നു. കാരണം ജനവാ​സ​കേ​ന്ദ്രങ്ങൾ പർവത​ങ്ങ​ളിൽനി​ന്നു വളരെ അകലെ​യാ​യി​രു​ന്നു. എന്നാൽ ഇന്ന്‌ സ്ഥിതി അതല്ല, അവ ഭീഷണി​യി​ലാണ്‌. “കൃഷി, വികസ​ന​പ​രി​പാ​ടി​കൾ എന്നിങ്ങനെ സാവധാ​നം നുഴഞ്ഞു​ക​യ​റുന്ന ചൂഷണ ഘടകങ്ങ​ളു​ടെ മുന്നിൽ, അവശേ​ഷി​ക്കുന്ന ഈ വനഭൂ​മി​ക​ളിൽ ചിലതും അതി​വേഗം ഇല്ലാതാ​യി​ക്കൊ​ണ്ടി​രി​ക്കു​ക​യാണ്‌” എന്ന്‌ അടുത്ത​യി​ടെ ഐക്യ​രാ​ഷ്‌ട്ര​ങ്ങ​ളു​ടെ ഒരു വർത്തമാ​ന​പ​ത്ര​ത്തി​നു​വേണ്ടി തയ്യാറാ​ക്ക​പ്പെട്ട ഒരു ഔദ്യോ​ഗിക റിപ്പോർട്ട്‌ പ്രസ്‌താ​വി​ക്കു​ക​യു​ണ്ടാ​യി.

ഭൂമി​യി​ലെ കരഭാ​ഗ​ത്തി​ന്റെ നല്ലൊ​രു​ഭാ​ഗ​വും പർവത​പ്ര​ദേ​ശ​ങ്ങ​ളാണ്‌. ലോക​ജ​ന​സം​ഖ്യ​യു​ടെ പകുതി വനവി​ഭ​വ​ങ്ങളെ ആശ്രയി​ക്കു​ന്നു. കോടി​ക്ക​ണ​ക്കിന്‌ ആളുകൾക്കു പർവതങ്ങൾ പാർപ്പി​ട​മൊ​രു​ക്കു​ന്നു. അതു​കൊണ്ട്‌ കാലി​ക്കൂ​ട്ടങ്ങൾ മേഞ്ഞു​ന​ട​ക്കുന്ന പ്രശാ​ന്ത​സു​ന്ദ​ര​മായ ഒരു ഭൂവി​ഭാ​ഗ​ത്തി​നു പശ്ചാത്ത​ല​മൊ​രു​ക്കുന്ന ചേതോ​ഹ​ര​ദൃ​ശ്യം മാത്രമല്ല ഈ മാമലകൾ. മാനവ​രാ​ശി​യു​ടെ ക്ഷേമത്തിന്‌ ഇവ പല സംഭാ​വ​ന​ക​ളും ചെയ്യുന്നു. എങ്ങനെ​യെന്ന്‌ നമുക്കു നോക്കാം.

പർവത​ങ്ങ​ളു​ടെ പ്രാധാ​ന്യം

◼ പ്രകൃ​തി​യു​ടെ ജലകും​ഭങ്ങൾ. നമ്മുടെ മഹാന​ദി​ക​ളെ​ല്ലാം പിറക്കു​ന്നത്‌ പർവത​ങ്ങ​ളിൽനി​ന്നാണ്‌, മിക്ക ജലസം​ഭ​ര​ണി​ക​ളു​ടെ​യും ജലസമൃ​ദ്ധി​ക്കു നിദാ​ന​വും ഇവയാണ്‌. വടക്കേ അമേരി​ക്ക​യി​ലെ, മഹാന​ദി​യായ കോള​റാ​ഡോ​യി​ലെ​യും റിയോ ഗ്രാൻഡി​ലെ​യും മുഴുവൻ ജലവും റോക്കി പർവത​നി​ര​ക​ളിൽനി​ന്നാ​ണെന്നു പറയാം. ഭൂമു​ഖത്തെ ജനസം​ഖ്യ​യിൽ ഏകദേശം പകുതി​യും അധിവ​സി​ക്കു​ന്നത്‌ ദക്ഷിണ-പൂർവ ഏഷ്യയി​ലാണ്‌. ഈ ജനതതി​യു​ടെ ഭൂരി​ഭാ​ഗ​വും ആശ്രയി​ക്കു​ന്നത്‌, ഹിമാ​ലയം, കാറ​ക്കോ​റം, പാമിർസ്‌, ടിബറ്റൻ പർവത​നി​ര​ക​ളിൽ പെയ്യുന്ന മഴയെ​യാണ്‌.

“ഭൂമി​യു​ടെ ജലഭര​ങ്ങ​ളായ പർവതങ്ങൾ, ഭൂമു​ഖത്തെ സമസ്‌ത ജീവജാ​ല​ങ്ങ​ളു​ടെ​യും നിലനിൽപ്പി​നും ജനവർഗ​ങ്ങ​ളു​ടെ ക്ഷേമത്തി​നും അനു​പേ​ക്ഷ​ണീ​യ​മാണ്‌,” ടോപ്‌ഫർ പറയുന്നു. “ഒരു ഉത്തുംഗ പർവത​ത്തി​ന്റെ നെറു​ക​യിൽ സംഭവി​ക്കുന്ന കാര്യങ്ങൾ താഴെ സമതല​ത്തി​ലെ​യും, ശുദ്ധജ​ല​പ്ര​വാ​ഹ​ങ്ങ​ളി​ലെ​യും സമു​ദ്ര​ങ്ങ​ളി​ലെ​ത​ന്നെ​യും ജീവനെ ബാധി​ക്കു​ന്നു,” അദ്ദേഹം കൂട്ടി​ച്ചേർക്കു​ന്നു. പല ദേശങ്ങ​ളി​ലെ​യും മാമലകൾ ശീതകാ​ല​മഞ്ഞ്‌ സംഭരി​ച്ചു​വെ​ച്ചിട്ട്‌ വസന്തത്തി​ലും വേനലി​ലും ജീവസ​ന്ധാ​യ​ക​മായ ഈർപ്പം കുറേ​ശ്ശേ​യാ​യി പുറത്തു​വി​ടു​ന്നു. വിദൂര പർവത​ങ്ങ​ളിൽനിന്ന്‌ മഞ്ഞുരു​കി കിട്ടുന്ന വെള്ളത്തെ ആശ്രയി​ച്ചാണ്‌ പലപ്പോ​ഴും വരൾച്ച​ബാ​ധിത പ്രദേ​ശ​ങ്ങ​ളി​ലെ ജലസേ​ചനം. നിരവധി പർവത​ച്ചെ​രി​വു​ക​ളിൽ നിബി​ഡ​വ​ന​ങ്ങ​ളുണ്ട്‌. ഇവി​ടെ​യുള്ള മരങ്ങൾ മഴവെ​ള്ള​ത്തി​ന്റെ നല്ലൊരു ഭാഗത്തെ ഒരു സ്‌പോ​ഞ്ചു​പോ​ലെ വലി​ച്ചെ​ടു​ക്കു​ന്നു. അങ്ങനെ, പ്രളയ​ത്തിന്‌ ഇടവരു​ത്താ​തെ ഈ ജലം സാവധാ​നം ഒഴുകി നദിക​ളി​ലെ​ത്തു​ന്നു.

◼ വന്യജീ​വി​ക​ളു​ടെ ആവാസ​കേ​ന്ദ്ര​വും, ജൈവ​വൈ​വി​ധ്യ​വും. പർവത​പ്ര​ദേ​ശങ്ങൾ ചെന്നെ​ത്താൻ പറ്റാത്ത​വി​ധം ദൂരത്താ​യ​തി​നാ​ലും കൃഷിക്ക്‌ അത്ര യോജി​ച്ച​ത​ല്ലാ​ത്ത​തി​നാ​ലും അവയെ അധികം ചൂഷണം ചെയ്യാൻ മനുഷ്യ​നു കഴിഞ്ഞി​ട്ടില്ല. അതു​കൊ​ണ്ടുള്ള നേട്ടം? സമനി​ല​പ്ര​ദേ​ശ​ങ്ങ​ളിൽനിന്ന്‌ ഒരുപക്ഷേ അപ്രത്യ​ക്ഷ​മാ​യി​ട്ടുള്ള ജന്തുസ​സ്യ​ജാ​ല​ങ്ങളെ പർവത​ങ്ങ​ളിൽ ധാരാ​ള​മാ​യി കാണാം. ഉദാഹ​ര​ണ​ത്തിന്‌, മലേഷ്യ​യു​ടെ നാഷണൽ പാർക്കായ കിനാ​ബലു, ന്യൂ​യോർക്ക്‌ നഗര​ത്തെ​ക്കാൾ ചെറിയ ഒരു പർവത​പ്ര​ദേ​ശ​മാണ്‌. ഇവിടെ 4,500 ഇനം ചെടികൾ വളരുന്നു. ഇത്‌ ഐക്യ​നാ​ടു​ക​ളിൽ ആകെ കാണ​പ്പെ​ടുന്ന സസ്യവർഗ​ങ്ങ​ളു​ടെ എണ്ണത്തിന്റെ 25 ശതമാ​ന​ത്തി​ലും അധിക​മാണ്‌. ചൈന​യി​ലെ ഭീമൻ പാൻഡ, ആൻഡീ​സി​ലെ വലിയ കഴുക​ന്മാർ, മധ്യേ​ഷ്യ​യി​ലെ ഹിമപു​ള്ളി​പ്പു​ലി എന്നിവ​യു​ടെ​യെ​ല്ലാം വാസസ്ഥാ​ന​മാണ്‌ പർവത​പ്ര​ദേ​ശങ്ങൾ. അതു​പോ​ലെ വംശനാ​ശ​ത്തി​ന്റെ വക്കി​ലെ​ത്തി​നിൽക്കുന്ന എണ്ണമറ്റ മറ്റു ജീവി​വർഗ​ങ്ങ​ളു​ടെ​യും ആശ്രയ​മാ​ണി​വി​ടം.

“കരയിൽ വളരുന്ന അറിയ​പ്പെ​ടുന്ന സസ്യജാ​ല​ങ്ങ​ളു​ടെ​യും കശേരു​കി​ക​ളു​ടെ​യും മൂന്നി​ലൊ​ന്നി​ലേ​റെ​യും വസിക്കു​ന്നത്‌ മൊത്തം ഭൂവി​സ്‌തൃ​തി​യു​ടെ രണ്ടു ശതമാ​നം​പോ​ലും വരാത്ത പ്രദേ​ശ​ത്താണ്‌” എന്ന്‌ ചില പരിസ്ഥി​തി​വാ​ദി​കൾ കണക്കാ​ക്കി​യി​രി​ക്കു​ന്ന​താ​യി നാഷണൽ ജിയോ​ഗ്ര​ഫിക്‌ മാസിക പറയുന്നു. ജീവി​വർഗങ്ങൾ സമൃദ്ധ​മാ​യുള്ള, മനുഷ്യ​സ്‌പർശ​മേൽക്കാത്ത ഭൂവി​ഭാ​ഗ​ങ്ങളെ ശാസ്‌ത്രജ്ഞർ ബയോ​ള​ജി​ക്കൽ ഹോട്ട്‌ സ്‌പോ​ട്ടു​കൾ എന്നാണു വിളി​ക്കു​ന്നത്‌. മറ്റെങ്ങും കാണാത്ത, വംശനാ​ശ​ഭീ​ഷ​ണി​യി​ലാ​യി​രി​ക്കുന്ന ജീവി​വർഗങ്ങൾ കൂട്ടമാ​യി കാണ​പ്പെ​ടുന്ന സ്വാഭാ​വിക ചുറ്റു​പാ​ടു​ക​ളാ​ണി​വി​ടം. നമു​ക്കെ​ല്ലാം പ്രയോ​ജനം ചെയ്യുന്ന ജൈവ​വൈ​വി​ധ്യ​ങ്ങ​ളു​ടെ കലവറ​യായ ഈ ഹോട്ട്‌ സ്‌പോ​ട്ടു​ക​ളിൽ മിക്കവ​യും പർവത​പ്ര​ദേ​ശ​ങ്ങ​ളാണ്‌. ലോക​ത്തി​ലെ സുപ്ര​ധാന ഭക്ഷ്യവി​ള​ക​ളിൽ ചിലത്‌ ഉത്ഭവി​ച്ചത്‌ ഈ മലമട​ക്കു​ക​ളിൽ വളരുന്ന വനസസ്യ​ങ്ങ​ളിൽനി​ന്നാണ്‌. അവ ഇപ്പോ​ഴും അവിടെ വളരുന്നു. ചോള​ത്തി​ന്റെ ജന്മദേശം മെക്‌സി​ക്കോ​യു​ടെ പർവത​പ്ര​ദേ​ശ​ങ്ങ​ളാണ്‌. ഉരുള​ക്കി​ഴങ്ങ്‌, തക്കാളി മുതലാ​യ​വ​യു​ടെ സ്വന്തം​നാട്‌ പെറൂ​വി​യൻ ആൻഡീസ്‌ മലനി​ര​ക​ളും ഗോത​മ്പി​ന്റേത്‌ കാക്കസസ്‌ പർവത​വു​മാണ്‌. ഇവ ഏതാനും ഉദാഹ​ര​ണങ്ങൾ മാത്രം.

◼ വിനോ​ദ​വും സൗന്ദര്യ​വും. പർവതങ്ങൾ അപങ്കി​ല​മായ സൗന്ദര്യ​ത്തി​ന്റെ കേദാ​ര​മാണ്‌. വെള്ളച്ചാ​ട്ടങ്ങൾ, മനോ​ഹ​ര​മായ തടാകങ്ങൾ എന്നുവേണ്ട ലോക​ത്തി​ലെ ഏറ്റവും മനംമ​യ​ക്കുന്ന പ്രകൃ​തി​ര​മ​ണീ​യ​ത​ക​ളിൽ മിക്കവ​യും പർവത​പ്ര​ദേ​ശ​ങ്ങ​ളു​ടെ സ്വന്തമാണ്‌. ഭൂമു​ഖത്തെ മൊത്തം സംരക്ഷിത മേഖല​ക​ളിൽ മൂന്നി​ലൊ​ന്നും പർവത​പ്ര​ദേ​ശ​ങ്ങ​ളാണ്‌. അവയാ​കട്ടെ വിനോ​ദ​സ​ഞ്ചാ​രി​ക​ളു​ടെ സ്വപ്‌ന​ഭൂ​മി​യും.

എത്തി​പ്പെ​ടാൻ ബുദ്ധി​മു​ട്ടുള്ള നാഷണൽ പാർക്കു​ക​ളി​ലേ​ക്കു​പോ​ലും ലോക​മെ​മ്പാ​ടും​നിന്ന്‌ കോടി​ക്ക​ണ​ക്കി​നു സന്ദർശ​ക​രെ​ത്തു​ന്നു. അലാസ്‌ക​യി​ലെ ദനാലി നാഷണൽ പാർക്കി​ലാണ്‌ വടക്കേ അമേരി​ക്ക​യി​ലെ ഏറ്റവും ഉയർന്ന കൊടു​മു​ടി​യായ മക്കിൻളി പർവതം. വിദൂ​ര​ദേ​ശ​ങ്ങ​ളിൽനി​ന്നു​പോ​ലും ആളുകൾ ഇവി​ടേക്കു പ്രവഹി​ക്കു​ന്നു. പ്രൗഢ​ഗം​ഭീ​ര​മായ കിളി​മ​ഞ്ചാ​രോ പർവത​വും മേരു​പർവ​ത​വും തലയെ​ടു​പ്പോ​ടെ നിൽക്കുന്ന ദൃശ്യം ആസ്വദി​ക്കു​ന്ന​തിന്‌ അനേകർ മഹാ ഭ്രംശ​താ​ഴ്‌വര സന്ദർശി​ക്കാ​റുണ്ട്‌. ഒപ്പം ഈ രണ്ടു ഗിരി​നി​ര​കൾക്കി​ട​യിൽ സ്വച്ഛന്ദം വിഹരി​ക്കുന്ന വന്യമൃ​ഗ​ങ്ങ​ളു​ടെ നിരവധി കൂട്ടങ്ങളെ കാണു​ന്ന​തും കണ്ണിനു കുളി​രേ​കുന്ന അനുഭ​വ​മാണ്‌. മാമല​ക​ളു​ടെ മടിയിൽ ജനിച്ചു​വ​ള​രുന്ന നിരവധി മനുഷ്യ​സ​മു​ദാ​യ​ങ്ങൾക്ക്‌ വിനോ​ദ​സ​ഞ്ചാ​രി​ക​ളു​ടെ ഇടതട​വി​ല്ലാത്ത പ്രവാ​ഹം​കൊണ്ട്‌ നേട്ടമുണ്ട്‌, അനിയ​ന്ത്രി​ത​മായ വിനോ​ദ​സ​ഞ്ചാ​രം ലോല​മായ ഈ ആവാസ​വ്യ​വ​സ്ഥ​ക​ളു​ടെ താളം​തെ​റ്റി​ച്ചേ​ക്കു​മെ​ങ്കി​ലും.

പർവതങ്ങൾ അറിവി​ന്റെ കലവറ

പരുക്കൻ പരിസ്ഥി​തി​യിൽ ജീവിതം പണിതു​യർത്തേ​ണ്ടത്‌ എങ്ങനെ​യെന്ന്‌ പർവത നിവാ​സി​കൾ നൂറ്റാ​ണ്ടു​കൾകൊ​ണ്ടു പഠിച്ചി​രി​ക്കു​ന്നു. അവർ മലഞ്ചെ​രി​വു​കളെ തട്ടുക​ളാ​യി തിരിച്ച്‌ പലതരം കൃഷികൾ തുടങ്ങി. രണ്ടു സഹസ്രാ​ബ്ദ​ങ്ങൾക്കു​ശേഷം ഇന്നും ആ രീതി തുടരു​ന്നു. ലാമ, യാക്ക്‌ തുടങ്ങിയ ചില മൃഗങ്ങളെ അവർ മെരു​ക്കി​വ​ളർത്തു​ന്നു. മലമട​ക്കു​ക​ളി​ലെ ദുഷ്‌ക​ര​മായ ചുറ്റു​പാ​ടു​ക​ളോട്‌ ഇണങ്ങാ​നുള്ള കഴിവ്‌ ഈ ജന്തുക്കൾക്കുണ്ട്‌. നാമെ​ല്ലാം ആശ്രയി​ക്കുന്ന പർവത​ങ്ങളെ സംരക്ഷി​ക്കു​ന്ന​തിന്‌ ഈ മലയുടെ മക്കൾ കാലങ്ങ​ളാ​യി ശേഖരി​ച്ചു​പോന്ന അറിവു​കൾ അമൂല്യ​ങ്ങ​ളെന്നു തെളി​ഞ്ഞേ​ക്കാം.

“എല്ലാ ഭൂഖണ്ഡ​ങ്ങ​ളി​ലെ​യും ഒറ്റപ്പെ​ട്ടു​കി​ട​ക്കുന്ന വിശാ​ല​മായ ആവാസ​വ്യ​വ​സ്ഥ​കളെ മുറി​വേൽപ്പി​ക്കാ​തെ നോക്കുന്ന ഏക സംരക്ഷകർ അവിട​ത്തെ​തന്നെ നിവാ​സി​ക​ളാണ്‌” എന്ന്‌ വേൾഡ്‌ വാച്ച്‌ ഇൻസ്റ്റി​റ്റ്യൂ​ട്ടി​ലെ അലൻ താൻ ഡെർണിങ്‌ അഭി​പ്രാ​യ​പ്പെട്ടു. “അവരുടെ പക്കൽ പരിസ്ഥി​തി​യെ സംബന്ധി​ച്ചുള്ള അറിവി​ന്റെ ഭണ്ഡാര​മുണ്ട്‌ . . . ആധുനിക ശാസ്‌ത്ര​ത്തി​ന്റെ ലൈ​ബ്ര​റി​ക​ളോ​ടു കിടപി​ടി​ക്കാൻ പോന്ന ഒന്നാണ്‌ അത്‌.” മറ്റു പർവത​വി​ഭ​വ​ങ്ങൾക്കു നൽകുന്ന അതേ സംരക്ഷണം ഈ അറിവി​ന്റെ കലവറ​കൾക്കും നൽകേ​ണ്ട​തുണ്ട്‌.

‘ഐക്യ​രാ​ഷ്‌ട്ര പരിസ്ഥി​തി പരിപാ​ടി,’ ‘അന്താരാ​ഷ്‌ട്ര പർവത വർഷാ​ച​രണം 2002’ ഏറ്റെടു​ത്തു നടത്തു​ക​യു​ണ്ടാ​യി. പർവതങ്ങൾ മാനവ​രാ​ശി​യു​ടെ നിലനിൽപ്പിന്‌ അനു​പേ​ക്ഷ​ണീ​യ​മാണ്‌ എന്നതിന്‌ ഊന്നൽനൽകാ​നാ​യി സംഘാ​ടകർ “നാമെ​ല്ലാം മലയുടെ മക്കളാണ്‌” എന്ന ഒരു വാചക​ത്തി​നു രൂപം​നൽകി. ലോക​ത്തി​ലെ പർവത​ങ്ങ​ളു​ടെ​മേൽ നിഴൽവി​രി​ച്ചി​രി​ക്കുന്ന ഭീഷണി​യെ​ക്കു​റിച്ച്‌ ആളുക​ളിൽ അവബോ​ധം വർധി​പ്പി​ക്കുക, അവയെ സംരക്ഷി​ക്കു​ന്ന​തി​നുള്ള മാർഗങ്ങൾ ആരായുക എന്നിവ​യാ​യി​രു​ന്നു സംഘാ​ട​ക​രു​ടെ ലക്ഷ്യം.

ഇത്തരത്തിൽ താത്‌പ​ര്യ​മെ​ടു​ക്കു​ന്നത്‌ തികച്ചും ന്യായ​യു​ക്ത​മായ ഒരു സംഗതി​യാണ്‌. “പർവത​ങ്ങളെ പ്രകൃ​തി​വി​ഭ​വ​ങ്ങ​ളു​ടെ അക്ഷയഖ​നി​ക​ളാ​യി കാണു​ന്ന​തി​ലു​പരി ഒന്നും ചെയ്യു​ന്നില്ല. പർവത​നി​വാ​സി​ക​ളു​ടെ പ്രശ്‌ന​ങ്ങ​ളെ​യോ അവിടത്തെ ആവാസ​വ്യൂ​ഹ​ങ്ങ​ളു​ടെ നിലനിൽപ്പി​നെ​യോ കുറിച്ച്‌ വേണ്ടത്ര ശ്രദ്ധി​ക്കു​ന്നില്ല” എന്ന്‌ കിർഗി​സ്ഥാ​നി​ലെ ബിഷ്‌കെ​ക്കിൽ സംഘടി​പ്പി​ക്ക​പ്പെട്ട ‘ആഗോള പർവത ഉച്ചകോ​ടി’യിൽ മുഖ്യ​വി​ഷയ പ്രസംഗം നടത്തിയ വ്യക്തി പ്രസ്‌താ​വി​ക്കു​ക​യു​ണ്ടാ​യി.

ലോക​ത്തി​ലെ പർവത​ങ്ങ​ളും അവിടത്തെ നിവാ​സി​ക​ളും നേരി​ടുന്ന ചില പ്രശ്‌നങ്ങൾ എന്തൊ​ക്കെ​യാണ്‌? ഈ പ്രശ്‌നങ്ങൾ നമ്മെ എങ്ങനെ ബാധി​ക്കു​ന്നു?